03. nóvember, 2006
Okkar menn mæta Reading á morgun en þessi sömu lið mættust fyrir rúmri viku síðan, þá í enska deildabikarnum. Liverpool fór þar með 4-3 sigur af hólmi í leik sem varð alltof spennandi þegar uppi var staðið.
Rafa breytti EKKI liðinu í síðasta leik en hann mun væntanlega breyta liðinu á morgun. Á BBC segir að Luis Garcia verði ekki með, en Rafa segir á opinberu síðunni að það komi ekki í ljós fyrr en á morgun. Þar er aftur á móti staðfest að Xabi verður með, öfugt við það sem sagt er á BBC. Bellamy er ekki kominn í form og spilar ekki en Mark Gonzalez er til í slaginn. Hann gæti því komið inn í liðið fyrir Garcia…
Ég sé ekki fyrir mér neitt annað en öruggan sigur í þessum leik. Eftir góða sigra gegn Aston Villa og Bordeaux er liðið komið í gang og er hægt og sígangi að hefja sig til flugs. Vonandi heldur það áfram á morgun…
Eitt lykilatriði þarf að komast í lag ef við ætlum okkur á verulegt skrið, við verðum að fara að halda markinu hreinu. Það eru svosem ekkert ný fræði, ekki frekar en að það sé mikilvægt að skora mörk, en ég held að við þyrftum að taka eins og fimm leiki í röð þar sem við höldum markinu hreinu.
Við þurfum að ná okkur á almennilegt flug og passa okkur að detta ekki niður í meðalmennskuna á ný. Það er ekkert sjálfgefið að komast inn í Meistaradeildina, en ég held að titillinn sé ansi fjarlægur draumur eins og staðan er í dag.
Ég held líka, að eins og Aggi benti á í færslunni hér fyrir neðan, að Steven Gerrard sé að komast í sitt gamla góða form. Hann var “settur” út á hægri kantinn gegn Bordeaux en hann færði sig mikið inn á miðjuna, þar sem hann á auðvitað heima, þar er hann bestur (já ég veit að hann spilaði mikið á kantinum á síðasta tímabili og var frábær), og vonandi heldur hann áfram að sanna það að hann er besti miðjumaðurinn á Englandi í dag.
Með Gerrard í formi, trausta vörn og Reina fullan af sjálfstrausti held ég að við séum að fara inn í góða hrinu af sigurleikjum. Kannski draumórar í mér en ég er sannfærður um að Gerrard rífi liðið upp og Liverpool sýni að þeir eru stórveldi sem á heima með hinum stóru liðunum við topp deildarinnar. Meðal liða fyrir ofan okkur í töflunni eru Bolton, Portsmouth, Aston Villa og jú, Everton. Þannig á það að sjálfsögðu ekki að vera, með fullri virðingu fyrir hinum liðunum. Eða flestum hinum liðunum.
Byrjunarliðið á morgun… Hmmmm… nú er Rafa endanlega orðinn óútreiknanlegur eftir að hafa beytt liðinu 99 sinnum í röð, og svo beytir hann allt í einu bara ekki neinu! Hvað á maður að halda? Jæja, en ég held að Garcia verði semsagt ekki með og ég spái því að Momo verði hvíldur. Ég tippa á þetta byrjunarlið, en auðvitað er erfitt að spá eins og venjulega:
Reina
Finnan - Carragher - Hyypiä - Riise
Pennant - Alonso - Gerrard - Mark Gonzalez
Kuyt - Crouch
Bekkur: Dudek, Agger, Aurelio, Zenden, Fowler.
Mín spá: Ég er að velta því fyri mér hvort ég eigi að koma með stór orð, og stóra tölu, en ég ætla að láta 3-0 sigur á Anfield duga. Lið eins og Reading á ekki að taka neitt stig af okkur þar og þeir eiga heldur ekkert að ná að skora. Crouch skorar eitt, Kuyt annað og Fowler úr víti á lokamínútunum eftir að hafa komið inn af bekknum 
YNWA
Vonandi spila okkar menn bullandi sóknarleik því það hefur sýnt sig í haust að vörnin hefur ekki haft þann styrk sem þarf til að halda hreinu og því er sókn besta vörnin og sigur vinnst ef við skorum fleiri en andstæðingurinn 
merkilegt nokk. Veðja á 4-2 og Gerrard setur eitt og öllum að óvörum Carra annað og Kátur 2. 
