Iss, þetta er bara enn einn Pollýönnu pistillinn! Róm stendur í ljósum logum og Tomkins reynir að róa lýðinn niður með fögrum fiðlutónum!

1)Staðreyndin er sú að við erum litlu nær því að vinna Englandsmeistaratitilinn nú en fyrir 3 árum.

2)Á meðan við getum ekki stækkað heimavöllinn höfum við ekki efni á öðru en halda áfram að fá meðalleikmenn eins og Pennant, Aurelio, Zenden o.fl til Liverpool á meðan hin toppliðin geta eytt 15m+ í heimsklassaleikmenn sem hægt er að treysta á yfir heilt tímabil og vinna deildir.

3)Við höfum pínu pirraðan "world cup hangover" fyrirliða sem spilar alvöruþrunginn með skeifu flesta leiki þessa dagana vegna þess að þjálfarinn spilar honum jafnvel á vinstri kanti sem fáir skilja. Fýldur maður er ekki líklegur til að ná að rífa lið uppúr lægð, hvetja og fá menn til að deyja fyrir málstaðinn.

4) Rafa hélt krísufund í síðustu viku fyrir leikinn í Frakklandi og við spilum sæmilega í Evrópu - síðan komum heim og sama andleysið heldur áfram í ensku deildinni. Það boðar slæmt þegar svona stórir krísufundir hjá fótboltaliðum skila litlu sem engu.

5)Við höfum þjálfara sem við vitum að er alger snillingur á sínu sviði en virðist bara því miður ekki ná tökum á taktinum í ensku deildinni. Það er tómt mál eins og Tomkins gerir að bera þetta saman við þegar Benitez var hjá Valencia enda vissi hann þá hvað þyrfti til að vinna spænsku deildina árið eftir. Öfugt við Wenger, Mourinho og Ferguson held ég að Rafa viti ekki alveg enn hvað þarf til að halda stöðugleika í ensku deildinni. Hvar jafnvægið á milli þess að verjast og sækja liggi í þessum hraða testósterón-bolta sem sá enski er.

Rafa hefur þó sannað það hingað til að hann er sko rétti maðurinn þegar allt virðist vera að fara til fjandans hjá Liverpool! 0-3 undir gegn Milan í Istanbul setur hann Hamann inná og allt verður grúví!
Ömurlegur árangur á útivöllum í hittífyrra og Benitez herðir vörnina svo rosalega næsta tímabil á eftir að lið verða skíthrædd við okkur aftur.

Þar sem allt virðist núna vera fara lóðrétt gjörsamlega til andskotans hjá okkur hef ég alls engar áhyggjur af næsta ári hjá Liverpool! Rafa Benitez er "reddari" og hann mun finna hvað er að og redda okkur útúr þessari krísu með glæsibrag, hvort hann hafi það sem til þarf að í að gera Liverpool að stöðugum meisturum er svo annað mál... Liverpool vinnur CL aftur í ár, þið lásuð það fyrst hér!

Það á að virða þjálfarann en ekki dýrka hann. Þú ert aðeins jafn góður og síðasti leikurinn þinn. Paul Tomkins er í raun að skrifa marklausan pistil með því að benda á að aðrir hafi verið í lægð einhverntíman áður. Þá er hann ekki að tala um vandamálin sem eru til staðar heldur bara að beina huganum annað. Uppbyggileg gagnrýni er betri en hjal út í loftið um að þessi og hinn hafi einhverntíman átt slakan leik líka.

Liverpool er búið að vera í svona lægð undanfarin 15 ár að nokkrum hjartakippum undanskildum. Rafa verður að viðurkenna það við sjálfan sig að hann geti gert mistök með þessari ofuráherslu á kerfi umfram leikmenn. Hann er frábær þjálfari og ég hef fulla trú á honum en hann er mannlegur og menn mega hafa skoðanir á verkum hans.

Liverpool aðdáendur gera háar kröfur og eiga líka að gera það.

Daði minn hversu mörg tímabil hefur þú mætt á 40+ leiki með Liverpool. Ég held einhvern veginn að Tomkins sé alveg töluvert meiri Liverpool stuðningsmaður heldur en allir Íslendingar. Og að segja að Liverpool hafi verið í lægð í 15 ár er ekki uppbyggileg gagnrýni!!

Vissulega hefur Liverpool ekki unnið deildina í 17 ár en ekki er hægt að klína því á Rafa. Hann ber bara ábyrgð á árangri liðsins frá 2004.

Það er eitthvað að hjá liðinu, það er ljóst. Hvort Rafa tekst að laga það verður tíminn að leiða í ljós. Ég hef fulla trú á Rafa en ég er ekki blindur og gagnrýni hann óhikað telji ég ástæðu til þess.

Liverpool í fyrrahaust var að spila nokkuð vel en gekk illa að landa sigrum. Liverpool í haust hefur verið að spila illa og hefur ekki átt meira skilið - Og það veldur mér áhyggjum.

Er þetta "squad rotation" kerfinu að kenna? Kannski. Kannski ekki. Allavega talaði enginn um það þegar Liverpool komst á flug í nóvember í fyrra. Er þetta svæðisvörninni alræmdu að kenna? Kannski. Kannski ekki. Allavega talaði enginn um hana þegar Liverpool hélt hreinu í u.þ.b. 1000 mínútur í fyrra.

Það er ljóst að lykilmenn liðsins eru ekki að standa sig og sumir hverjir á hælunum leik eftir leik. Af hverju? Ég hef ekki hugmynd um það. Ég vona að Rafa viti það!

Góður punktur Villi, Paul Tomkins hefur setið á Anfield ár eftir ár og ég hef ekkert vit á þessu þar sem ég hef bara fylgst með Liverpool hverja einustu helgi frá 1986.

Stundum eru menn of nálægt vandamálunum til að sjá þau. Það er t.d. algengt hjá þjálfurum sem afsaka leikmenn með því að segja að "hann stendur sig alltaf svo vel á æfingum".

Mín gagnrýni snýst að því að í staðinn fyrir að taka fyrir vandamál liðsins þá fer Paul Tomkins altaf út í einhverja tölfræðirýningu sem inniheldur oftar en ekki samanburð við önnur lið sem hefur einhverntíman gengið illa. Þetta er dæmigerð afsökun hjá einhverjum sem er svo samdauna liðinu að það hálfa væri nóg.