Svo lítur út sem Le Tallec fái draum sinn uppfylltan um að spila í frönsku deildinni í vetur en Sochaux hefur sýnt drengnum áhuga. Mun hann þá fara á láni í eitt ár með möguleika á sölu ef vel gengur hjá honum. Dagar Le Tallec eru allir hjá Liverpool og er þetta einungis spurning um hvað eða hvort við fáum eitthvað fyrir drenginn. Hann var í fyrra á láni hjá Sunderland og þrátt fyrir að það lið hafi fallið með stæl þá gat hann minna en ekki neitt hjá þeim.

Dario Gradi er ánægður með að hafa tryggt sér Danny O´Donnell næsta hálfa árið að láni. O´Donnell átti fínan leik einmitt gegn Crewe á undirbúningstímabilinu og mun þessi tími geta reynst honum dýrmætur. Gradi segir m.a.:

“We liked what we saw when Danny played against us in pre-season and inquired about him then. It happened quickly once Liverpool said he would be available for loan and I’m sure he will play in some of the games.”

Þetta er bæði hið besta mál, losna við Le Tallec og að hinn ungi Danny fá leikreynslu hjá Crewe og vonandi sýnir það að hann sé þess verðugur að vera framtíðarleikmaður hjá Liverpool.