Samkvæmt Mirror (umfjöllun um greinina hér) þá hafa Liverpool og Feyenoord komist að samkomulagi um að Dirk Kuyt fari til Liverpool fyrir 10 milljónir punda eftir HM. Kosturinn við það að Kuyt hafi ekki spilað mikið á HM er sennielga sá að verðmiðinn á honum hefur ekki rokið uppúr öllu valdi á sama tíma. Ég veit að efasemdir manna hafa aukist vegna þess að Kuyt hefur ekki verið í byrjunarliðinu hjá Hollendingum. En hafa ber í huga að Kuyt er í raun að berjast við van Nilsteroy um stöðuna. Hann kemur síður til greina í stöðurnar sem Robben og van Persie spila. Jafnvel þótt van Nilsterooy sé ljótur og spili með Man U, þá verður að viðurkennast að það eru ekki margir framherja í heiminum, sem slá hann út. Ég hef því ekki áhyggjur af getu Kuyt.

Echo greindu einnig frá því í gær að Liverpool hefði 2 vikur í viðbót til þess að kaupa Craig Bellamy á 6 milljónir punda. Bellamy er með klausu í samningnum um að hann geti farið til liðs sem býður 6 milljónir punda í hann, en sú klása rennur út eftir 2 vikur.

Crouchy, Fowler, Bellamy, Kuyt og kannski Flo-Po. Er þetta málið fyrir næsta tímabil? Mér líst furðu vel á þetta. Held til dæmis að Craig Bellamy gæti verið frábær kostur, þrátt fyrir að fulltaf fólki sé ekki sammála mér. Hann er Liverpool aðdándi og lék frábærlega fyrir Blackburn á síðasta tímabili. Við höfum fengið að kynnast því að það er ekki alltaf sniðugt að kaupa stórstjörnur úr öðrum deildum (Morientes!) og því gæti verið gott að fá minni spámenn, sem hafa sannað sig í ensku deildinni. 6 milljónir punda er ekki mikill peningur fyrir mann í sama klassa og Bellamy. Og þegar hann er kominn til uppáhaldsliðsins síns, þá er ég sannfærður um að hegðun hans verður í lagi.