Ég hefði svo sem ekkert á móti því að fá Melli til Liverpool. Þetta er góður miðvörður sem hefur verið nálægt því að komast í spænska landsliðið sl. tvö ár, og það besta er að hann er ungur enn og á framtíðina fyrir sér.

Hins vegar held ég að hér séu blöðin að blása upp sakleysislegan hlut. Klúbbar láta fylgjast með fullt af leikmönnum, það er ekki þar með sagt að þeir ætli sér að kaupa þá alla. Þótt við séum að fylgjast með Melli er enn ólíklegt að hann sé að koma, sér í lagi vegna þess að við vorum að kaupa þá Agger og Palletta.

En maður veit aldrei, og eins og ég sagði áður þá hefði ég ekkert á móti Melli. Ef leikmaður er nógu góður fyrir Rafa er hann nógu góður fyrir mig.