Mér líst vel á þennan Alves, mjög sókndjarfur bakvörður með mikinn hraða og góða tækni. Eina spurninginn er hvernig honum gengi að aðlagast enska boltanum.

Með þessa tvo í bakvörðunum yrði sóknarþungi liðsins mun meiri auk þess að hraðinn hjá öftustu fjórum myndi aukast til muna. Það er nefnilega helst hraðann sem vantar í varnalínu okkar manna í dag.

Í öllu talinu um hægri kantmann þá vil ég skjóta einu nafni inn í umræðuna. Hann spilar líka hjá Sevilla eins og Alves. Nafnið er Navas, frábær leikmaður sem er einungis 20 ára og þykir eitt mesta efnið í spænska boltanum. Hefur mjög mikinn hraða og góða tækni auk þess að vera með bannvænar fyrirgjafir. Skoraði stórglæsilegt mark á móti Real í síðasta leik. Leggið þetta nafn á minnið (Bjarni Fel).

Kveðja Krizzi

Finnst engum öðrum pressan á Speedy alltaf vera að aukast og aukast. Mér finnst þetta ekki ná nokurri átt. Ég skil að þeir reyni að tala hann upp til að hjálpa til við að fá atvinnuleyfi en ég er að verða ansi hreint leiður á þessu endalausa lofi.

Rafa kemur varla fram í viðtali án þess að ræða um ágæti Speedy og Pako hefur verið duglegur við það einnig. Nú er fyrirliðinn að tala hann upp. Fyrir jafn ungan strák gæti öll þessi pressa haft áhrif á hann.

Mér finnst að nú megi menn slaka aðeins á...

Með Speedy, þá er ekki verið að gera neitt annað en að tala hann í gegnum atvinnuleyfið, simple as that, svo er hann reyndar skruggu góður í þokkabót.

Varðandi Alves, þá myndi ég fagna þeim kaupum gríðarlega. Þó svo að Waakeen sé ofar á mínum lista, þá tæki ég Alves í einu hendingskasti ef mér væri boðinn hann. Ég held að þó svo að hann sé hörku góður í hægri bakk, þá sé Rafa fyrst og fremst að hugsa um hann á hægri kantinn, því hann er akkúrat ekki síðri þar.

Aggi, held að ef Alves komi, þá vanti bara framherjann á þinn óskalista. Aurelio er svo gott sem kominn í höfn.

Ég er mjög spenntur fyrir Alves ef hann er hægri bakkari. Sá hann á móti Real Madrid um daginn þar sem hann virkaði mjög sterkur á mig. Fannst samt eins og hann væri hægrameginn á miðjunni eða eitthvað svoleiðis. Alla vega var hann mjög framsækinn sem er mér að skapi. Sá leikinn reyndar bara með öðru auganu.

Nú er bara að kaupa framherja (tvo takk) og reyna af öllum mætti að halda í Garcia.

Áfram Liverpool!

Hver er þessi Waakeen ? hjá hvaða liði spilar hann? og í hvaða landsliði er hann? Kveiki ekki á nafninu.

Kv Krizzi

Ég skil að hugurinn er að hafa áhrif á þá sem taka ákvörðun um atvinnuleyfið, en allar þessar lofræður gera mörgum stuðningsmönnum ansi háar væntingar.

Um daginn var ég á players og heyrði menn á næsta borði vera að ræða um ágæti Speedy og í fyrstu hélt ég að þeir væru að ræða um Ronaldinhio svo mögnuð voru lýsingarorðin. Ég spurði í gamni hvort þeir hefðu séð hann spila og þeir svöruðu neitandi.

Einnig hef ég séð á þeim erlendu spjallborðum sem ég kíki inná, að margir eru búinir að gera sér upp þvílíkar væntingar og ég er bara ekki viss um að það sé innistæða fyrir þessu öllusaman og ef hún er til staðar þá er alltaf hætta á því að pressan verði leikmanninum um megn og hann nái ekki að finna sig af þeim sökum.

Auðvitað er ég spenntur fyrir stráknum og hlakka mikið til að sjá hann. Hann kemur til með að styrkja liðið, það er pottþétt, en líkurnar á því að hann valdi mörgum stuðningsmönnum vonbrigðum finnast mér aukast með hverri lofræðunni núorðið.

Ég man að þegar Cissé kom þá var búið að hæpa hann uppúr öllu valdi, vissulega voru það öðruvísi aðstæður en engu að síður þá var búið að gera hann nánast ómennskan í fjölmiðlum. Hann átti liggur við að vera engu síðri en Henry.

Flo Po og TLT voru einnig hæpaðir og hafa svo ekkert gert í mörg ár. Flo er enn efninlegur en TLT er hreinlega lélegur leikmaður sem hefur ekki einu sinni hugarfarið til að vera hjá LFC hvað þá getuna.

Að mínu mati þá eiga þessar lofræður Rafa, Pako og leikmanna liðsins eftir að setja mikla pressu á þennan unga leikmann, þó svo það sé ekki það sem þeir eru að ætla sér með þessu.