17. maí, 2006
Jæja, þá getum við bara kallað okkur Evrópumeistara í nokkra klukkutíma í viðbót. Ég ætla að reyna að koma því að Liverpool eru EVRÓPUMEISTARAR inní sem flestar setningar í dag. 
Við þurfum þó auðvitað ekki að skila bikarnum, þar sem hann verður á Anfield til frambúðar, þar sem við höfum einmitt unnið þennan titil fimm sinnum.
Vladimir Smicer, sem skoraði annað markið okkar í fyrra og sigurmarkið í vítaspyrnukeppni skrifar pistil í The Guardian um úrslitaleikinn. Ég þreytist sjaldan á að lesa eða horfa á hluti tengda þeim leik.
Svo er líka í Guardian mjög góð grein, sem skýrir muninn á Barca og flestum hinum stóru liðinum í Evrópuboltanum. Það hvernig Barca er stjórnað er einmitt eitt af mörgu, sem heillar mig við það lið.
En í sambandi við leikinn í kvöld þá mætast tvö frábær félög og ég get ekki gert á upp á milli þeirra.
