25. apríl, 2006
Okkar menn mæta West Ham í deildinni á morgun á Upton Park en umtalað er að þetta sé upphitun fyrir úrslitaleik ensku bikarkeppninnar þann 13. maí. West Ham er með ágætis lið og marga skemmtilega leikmenn en liðið hefur hrifið mig á tímum.
Anton Ferdinand er góður varnarmaður sem á bara eftir að verða betri, ég er á því að hann muni fara fram úr bróðir sínum. Nigel Reo-Coker er líka góður leikmaður og Marlon Harwood á sína spretti. Hamrarnir sigla lygnan sjó um miða deild, hafa 49 stig í tíunda sætinu. Þeir eru nokkuð erfiðir heim að sækja, hafa meðal annars haldið hreinu í tveimur síðustu leikjum og fjórum sinnum í síðustu sex.
Það þarf ekki annað en að lesa smá viðtal við Rafatil að sjá að hann mun gera breytingar á liðinu fyrir leikinn. Tímabilið er svo gott sem búið hjá okkur, það eru litlir möguleikar á öðru sætinu og allir leikmenn eru orðnir þreyttir eftir langt tímabil. Undirbúningur okkar mun nú að miklu leiti fara fram til að vinna leikinn á Þúsaldarvellinum í Cardiff þann 13. maí.
Ekki misskilja samt, auðvitað er eitthvað í veði fyrir bæði lið. Við getum jú enn náð manchester united
en West Ham er þegar komið í UEFA bikarinn þar sem við förum í Meistaradeildina. Ég ætla að skjóta á að Rafa stilli liðinu svona upp:
Reina
Kromkamp - Carragher - Hyypiä - Warnock
Cisse - Sissoko - Hamann - Riise
Luis García
Fowler
Semsagt, nokkrar breytingar, meðal annars fyrir fyrirliða vor sem og Xabi Alonso. Það þarf þó auðvitað ekkert að vera, en þrátt fyrir að Liverpool beri enga ábyrgð á landsliðum má ekki gleyma því að margir eru að fara að keppa á HM strax eftir tímabilið þegar undirbúningur landsliðanna hefst.
Mín spá: Við unnum fyrri leikinn 2-0 og ég held að við munum gera það aftur á morgun. Fowler heldur áfram að skora og Luis Garcia bætir svo um betur 
Ég held að ef við náum að skora fljótlega munum við ráða ferðinni þrátt fyrir að vera með hálfgert varalið.
YNWA
