www.eoe.is/LIVERPOOL það var amk það sem ég hélt. Sorglegur pistill, fyrir neðan ykkar virðingu.

Auk þess áttu Barcelona að fá 2 vítaspyrnur í þessum leik.....

Pistill fyrir neðan ykkar virðingu? Siggi, NEI. Þetta er þvílíkur kjánaskapur af honum að vera að væla yfir þessu vegna þess að fyrir örfáum vikum þá sagði maðurinn ekki orð yfir því þegar Robben VEIDDI Reina útaf. Ég á ekki orð og Morinho er engan vegin samkvæmur sjálfum sér. Sá ekki umræddan leik en hvort sem Messi veiddi del Horno útaf eða ekki þá verður maðurinn í það minnsta að vera samkvæmur sjálfum sér. Honum finnst það greinilega í lagi þegar hans menn fara í veiðiferð, af hverju mega aðrir ekki gera það líka?

Þessi tækling hjá D. Horno var vægast sagt ekki eðlileg og sá maður það í endursýningunni að eina hugsunin hjá honum var sú að stoppa Messi og ekkert annað..... Hvort að hún verðskuldaði beint rautt er ég ekki viss EN HINS VEGAR þá mætti segja það að D.Horno hafi verið kominn með áminningu fyrr í leiknum þegar hann tæklaði Messi með því að fara með takkanna í hnéð á stráknum og hefði svo sannarlega VERÐSKULDAÐ alla vega gult spjald fyrir það (og hefði kannski átt að fá rautt þá)....

Þrátt fyrir þetta þá sást það á upphafsmínútunum að Barcelona var þarna komið til að spila sóknarbolta en Chel$ea ekki...

Þrátt fyrir rautt Anfieldhjarta og andstyggð mína á Rúblunum þá get ég ekki viðurkennt að þetta hafi verið rautt spjald. Del Horno hljóp, jú, á manninn en maður hefur séð verri brot og sá seki sloppið með gult. Og allt tal um að hann hafi verið búinn að vinna sér inn rautt er út í hött. Ekki hægt að tala um brot sem ekkert var dæmt á og dómarinn þar með hefur ekki tekið eftir. Bullið í Stamford-Móra er hins vegar allt annar handleggur. Honum fannst t.d. ekkert athugavert við morðtilræði Essien á Hamann, þ.e. sá það ekki.

Gaman að svona pistlum. Mourinho kann bara ekki að tapa, en má eiga það að hann gefur úrvalsdeildinni lit. Það var alveg vitað mál að hann myndi væla yfir þessu. Þeir gætu samt alveg unnið Barcelona á Neu Camp. Ég hefði haft Wright-Phillips á hægri kantinum allan leikinn og Robben á vinstri og keyrt á bakverðina hjá Barcelona.

Ég er nú mjög sáttur yfir sigri Barcelona manna í þessum leik, en þetta var ALLS ekki rautt spjald á Del Horno þarna.

Rétt eins og Mourinho sagði um Barcelona, að þeir myndu reyna að fiska spjöld/víti, þá gekk það alveg eftir þegar Messi fiskaði þetta rauða spjald. Maður sá líka Messi detta, lítur upp og sér dómarann kom, og þá byrjar hann að emja eins og einhver hafi tekið af honum fótlegginn.

Mín pæling var einfaldlega sú að Kristján er að tala um hversu mikill vælukjói JM er og "what comes around goes around" en samt fannst honum/ykkur ekkert(!) athugavert við að Rafa hefði verið með nákvæmlega sama röflið eftir leikinn á móti Chelsea. Eru þetta ekki double standards og því, að mínu mati, ekki við hæfi að taka svona sterkt til orðs um önnur lið á annars góðri síðu, þegar þið getið ekki séð Liverpool með sömu augum. Reyndar virðist lesendum þessarar síðu, að mér meðtöldum, oft þykja skemmtilegt að velta sér uppúr JM og Chelsea.

del horno sá aldrei boltann... hans eina hugsun var að fara í manninn... hann kom á fullri ferð og hoppaði inn í manninn með fæturnar á undan sér og horfði undan...
að mínu mati er það klár árás og klárt rautt spjald...

Messi leit vissulega upp á dómarann áður en hann fór að velta sér... en það gerði del horno líka áður en hann fór að halda um hálsinn á sér...

Rafa viðurkendi að Reina hafði gert mistök þegar hann var rekinn útaf... en sagði að það hefði verið óverðskuldað...
en hann (Rafa) færi ekki að verja svona tæklingu...

Fátt gleður mig meira en að sjá Chelsea tapa. Hins vegar fannst mér þetta brot hjá Del Horno alveg ótrúlega langt frá því að verðskulda rautt spjald. Gult já, en ef menn ætla að fara að gefa rautt fyrir svona verður ekki mikið meira gaman af þessu. Síðan er ég alls ekki sammála að þetta hafi verið viljaverk hjá Horno. Mér fannst hann ekki "sparka í áttina til Messi", hann var bara alltof seinn. Hins vegar hafi þetta verið viljaverk þá finnst mér þetta SAMT ekki vera rautt! Svo lítið fannst mér þetta brot.

Svo er ég sammála Sigga. Rafa má væla og væla og spyrja á hvaða sjúkrahúsi menn eru þegar hans maður fremur alveg ÓENDANLEGA asnalegt brot, eng þá er hann sko "flottur" og er að "gera það rétta". Hins vegar þegar Jose er að tala um óverðskuldað rautt spjald (að mínu mati) þá er hann "vælukjói"! Þetta þykir mér afar áhugavert.

Persónulega fannst mér Reyna verðskulda á sínum tíma meira rautt spjald en Del Horno í gær.. Eða hvernig er það Liverpool-blogg, mega leikmenn kannski fara með hendur sínar á andlit leikmanna og ýta í þá?

Árnr: í fyrsta lagi held ég að allir séu sammála um það að Reina hafi alltaf átt að fjúka fyrir það sem hann gerði burtséð frá hegðun Robben. Ef hann hefur sagt að það væri óverðskuldað er hann náttúrlega bara að rugla að mínu viti.

Í öðru lagi virðast skoðanir manna á þessari tæklingu Del Horno séu æði mismunandi og því varla mikið að því að JM verji sinn mann. Rafa gerði það líka og það er það sem ég var að tala um varðandi double standards í þessari færslu Kristjáns.

í þriðja lagi, "sá aldrei boltann"? hvernig getur hann ekki hafa séð Messi klobba Robben? Það reyndar vantaði víðara sjónarhorn á þetta í gær en mér þykir ólíklegt að hann hafi aldrei séð boltann.

Hvað á maður að segja? Það á ekki að svekkja sig á þessum ummælum ykkar, en mér finnst þetta ansi broslegt.

Kallið Mourinho vælara, en hvað eruð þið?

Að mínu mati verðskuldaði Del Horno ekki rautt spjald í þessari tæklingu, langt í frá. Við það breyttist leikurinn til muna og Chelsea þurfti að spila rúmar 50 mínútur einum færri. Það var á þeim tíma sem þessi 2 vítaspyrnuatvik áttu að hafa átt sér stað, þau atvik voru einfaldlega afleiðing þess að dómarinn var búinn að eyðileggja leikinn.

En svona er þetta bara, Barcelona er náttúrulega rosalegt lið en maður hefði viljað sjá sanngjarna baráttu þessarra tveggja liða, því miður gerði dómarinn það að verkum að það var ekki hægt.

En flott hjá ykkur, haldið áfram með þessa minnimáttarkennd gagnvart Chelsea.

Ég held að menn séu rosalega að tapa sér hérna og aðallega vegna þess að sumir hérna skilja ekki það sem Kristján skrifaði.

Með því að segja 'What goes around comes around' þá er í raun verið að segja að Morinho er í raun að lenda í því sama og Rafa lenti í með robben ruglið. Reina var fiskaður útaf vegna leikrænna tilburða Robben og Rafa var óánægður með það.

Morinho lendir í svipuðu í gærkveldi, Messi ýkti allt atvikið frekar mikið, JÁ hann ýkti. Menn þurfa ekki að rúlla í hringi þegar menn 'meiða sig'. Morinho var s.s. fórnarlamb bragða sem hans eigin menn beita óspart sjálfir. Þess vegna hef ég enga vorkunn handa honum í þessu.

Hence, 'What goes around, comes around'.

Einar: Tapaði Rafa með reisn?

Ég bara spyr?

Jeminn, hvar var boltinn þegar Del Horno fór í Messi?? Er hægt að segja með vissu að hann hafi ætlað að tækla boltann en ekki Messi?? Auðvitað ýkir Messi þetta en hvað gerir Del Horno þegar hann sér hvað er að fara gerast, hann heldur um andlitið og virðist þjást ekkert minna en Messi!!

Kannski var rautt harkalegt en þessi ákvörðun var alls ekki langt frá því að vera rautt eins og margir halda fram.

Það er alveg hárétt hjá Árna hér að ofan:

Messi leit vissulega upp á dómarann áður en hann fór að velta sér... en það gerði del horno líka áður en hann fór að halda um hálsinn á sér...

Del Horno lítur upp og horfir greinilega í átt að dómaranum og rúllar sér síðan eins og Messi, sem segir mér að hann veit að hann er í vandræðum og er að reyna að vinna sér inn samúðarstig hjá dómaranum.

Síðan er það sjónarhornið hjá dómaranum, hann horfir beint aftan á del Horno og það er sjálfsagt versta sjónarhornið og brotið lítur verst út þaðan, hann hefði átt að tala við aðstoðardómarann sem var alveg ofan í atvikinu, að mínu viti hefði þetta átt að vera gult spjald.

Varðandi tvöfalda standardinn sem rétthafar þessarar síðu eru sakaðir um, hvað með það segi ég nú bara, þetta er þeirra síða og hún fjallar að mestu leyti um Liverpool og þeirra mál en þetta er líka síða um knattspyrnu og málefnin sem upp koma í kringum hana, það er mitt mat allavega.

Hvað með þennan tvöfalda standard hjá þeim sem skrifað hafa hér að ofan að bara Messi hafi feikað meiðsli, bæði Messi og del Horno velta sér um í grasinu horfandi í átt að dómaranum og menn skamma bara Messi, halda þeir að hann hafi ekkert fundið til eftir "áreksturinn", mér fannst hann nú ekkert "leika", hvorki fyrir né eftir spjaldið og ég hef horft mikið á Spænska boltann og þar hefur þessi strákur komið mér fyrir sjónir sem heiðarlegur leikmaður, sennilega með þeim heiðarlegustu á Spáni.

Um hinn staurblinda framkvæmdarstjóra Chelski þarf ekkert að ræða, menn sjá það sem þeir vilja greinilega í þessum bransa á Stamford Bridge

Þannig að það er í lagi þegar Benites vælir um Robben, en ekki þegar Mourinho vælir um Messi?

Hallo Chelsea maður! Ertu ekki ennþá alveg að fatta þetta.

Rafa kvartaði yfir Robben, og hafði alveg efni á því. Ástæðan, jú, leikmenn hans hafa ekki verið verið að fiska leikmenn andstæðinga útaf með blekkingum.

Morinho má svo sem alveg kvarta eins og hann vill (hann hefur allavega ekki verið að halda aftur af sér). En það er ekki annað hægt að hlægja af honum fyrir að fordæma hlut sem leikmenn hans beita sjálfir. Þetta atvik er meira segja á gráu svæði, Robben atvikið var alveg augljóst.

Stjáni, þarna hittiru naglan á höfuðið!

"Varðandi tvöfalda standardinn sem rétthafa þessarar síðu eru sakaðir um, hvað með það segi ég nú bara..."

og síðan kemur gullmolinn!

"....menn sjá það sem þeir vilja greinilega í þessum bransa á Stamford Bridge"

Á það semsagt bara við um Stamford Bridge en ekki rétthafa þessara síðu og þig?

Siggi, um hvaða tvöfalda standard ertu að tala um hjá mér?

Commentið þitt fól í sér þversögn að mínu mati og ég var að reyna að benda þér á það.

Og ég er ekki að segja að Einar, Kristján, Aggi og Hjalti hafi tvöfaldan standard heldur að þeim er væntanlega frjálst að skrifa sínar meiningar hér (sem og aðrir) og benda á atriði í heimi knattspyrnurnar sem þeim finnst koma skringilega fyrir sjónir. Og að mínu viti að þá er stór munur á atvikinu í gær og Reina/Robben

Það er vissulega rétt hjá þér að þeim sé frjálst að skrifa það sem þeim finnst. Sama gildir um okkur hina um að mega vera þeim ósammála og segja okkar skoðun.

En þú talaðir um sjá bara það sem menn vilja eins og það væri eitthvað rosalega neikvætt og ætti bara heima á Stamford Bridge á meðan ég vill meina að það eigi líka heima á Anfield, á þessari síðu og á alltof mörgum stöðum. Menn ættu ekki að leyfa sér að gerast of(!) blindir fyrir sér og þeim liðum sem þeir styðja. Þá fyrst verða svona umræður ávallt leiðinlegar og það er eitthvað sem ég amk vill alls ekki.

Mér finnst persónlega að rauða spjaldið hafi verið full harður dómur fyrir brot Del Horno. Ég skil aftur á móti ekki af hverju hann fékk ekki gult þegar hann fór með takkana í lærið á Messi fyrr í leiknum., þá hefði þessi dómur verið eðlilegri. Það er asnalegt að tala um uppsafnað. Gulu spjöldin eiga að vera aðvörunin.

Chelsea menn!!!!!

To ad Benitez hafi verid pirradur yfirt leikaraskap Robben ta var tad ekki afsokun fyrir tapi, Morinhio er hins vegar ad segja ad tad eigi ad endurtaka leikinn vegna tessa umdeila brots, hann ma allveg deila um brotid en hans eigin menn leika lika (sbr. Robben, del Horno) svo ad hann gettur ekki verid ad skammast uti Messi. Personulega finnst mer tetta vera rettur domur tar sem hann er klarlega ekki ad reyna vid boltann, og ef hindrun er rettmætt gult spjald i tessari tilteknu stodu a vellinum hvad er ta ad hoppa af fullum krafti inn i manninn med fotinn i spark stellingu. Tad a ekki ad dæma eftir tvi hvort hinn meiddi sig heldur brotinu sjalfu sem hefdi getad storslasad Messi.

Og svona i lokinn, ta man eg tegar ad Benitez kvartadi yfir Robben ta vildi Morinhio ekki tala um tad tar sem tad væri bara til ad skyggja a godan leik Chelsea, svo lendir hann i somu stodu og hvad gerir hann, ju kemur med 10 sinnum meiri comment en Benitez gerdi. Madurinn er svo barnalegur, otroskadur og otruverdugur, stundum tapar madur og tad er eitt ad vera tapsar en annad ad vera Morinhio, ekkert sem hann segir a ser stodir i raunveruleikanum.

Vil benda á að Del Horno velti sér um í grasinu og lét sem hann væri slasaður.

Man einhver eftir Essien á móti Bolton? Eigum við að trúa því að jafn smámunasamur þjálfari og Mourinho hafi ekki fattað það að ef þú þykist vera meiddur sjálfur þá er líklegra að dómarinn sjái aumur á þér.

Messi var búinn að vinna boltann með ótrúlegri áræðni. Er að snúa við og keyra upp hraðann þegar Del Horno hleypur inn í hann. Tilgangurinn var bara að stöðva frábæran leikmann.

Eftir að hafa þjálfað unga knattspyrnumenn í mörg ár varð mér illt af því að heyra í spekingunum á Sýn sem voru sjálfir í því hlutverki að brjóta niður á fótboltavellinum frekar en að skapa.

Það hvernig Lionel Messi spilar fótbolta er til fyrirmyndar. Alltof margt hjá Chelsea í vetur hefur verið íþróttinni til vansa, t.d. framganga Essien, Robbens og notkun handa inni í teig, Carvalho, Terry, Geremi. Dómarinn virðist hafa unnið heimavinnuna sína vel og vitað við hverju hann átti að búast.

Enginn er fullkominn en eftir 10 ár munum við minnast þessa Barcelona liðs með brosi. Chelsea mun eiga fullt af titlum en enga virðingu hjá fótboltaaðdáendum eins og Arsenal og ManU gátu þó á meðan þau réðu ríkjum.

Einar, vér bíðum enn.

Siggi spurði:

"Einar: Tapaði Rafa með reisn?"

???????

Ég spyr af því sama. Af hverju er það í lagi þegar okkar manager brjálast út af svona hlutum (og þá var okkar maður "sko að standa sig") en ekki þegar José gerir það?

Af hverju gilda ekki sömu reglur um stjóra LFC og Chelsea?

Af hverju má Rafa gera hlutina sem Jose má ekki?

Og... Hvaða máli skipti hvað gerðist eftir leikinn í fyrra? Við erum að beta þessi 2 atriði saman og lýsingin á þeim tveimur hér á síðunni er eins og svart og hvítt. Annar er frelsishetja en hinn er vælukjói.

Mér finnst síðan missa "kredabilití" fyrir svona skrif. Alla vega finnst mér lítið að marka miðil sem lýsir eins hegðun og TVO GJÖRSAMLEGA ÓLÍKA HÆTTI.

Ég vil að lokum taka það fram að ég er Liverpool maður og elska þetta félag. Hins vegar finnst mér ömurlegt þegar menn keppast við að lofa sína menn og drulla svo yfir hina. Þegar menn sjá ekkert að því sem okkar menn gera og bara að því sem hinir gera. Sömu reglur eiga að gilda um alla, er það ekki?

Tek undir með honum Stefán hérna.

Sama hvað Benitez segir, hvort sem það er væl eða ekki, þá eru það alltaf einhverjir gullmolar fyrir suma.

En sama hvað Mourinho segir, þá er það metið sem væl.

Eftir að hafa séð þetta aftur þá er ég enn hliðhollari Chelsea. Messi tekur jú Robben, sér Del horno koma, stoppar aðeins og hoppar svo upp á móti honum og lætur sig síðan falla með tilþrifum.

Síðan tekur Rijkaard náttúrulega þetta klassíska svar stjóra sem fær vafaatriði dæmt sér í hag og segist ekki vilja ræða þetta, heldur bara leikinn í heild sinni, þegar staðreyndin er sú að þetta rauða spjald breytti leiknum algjörlega.

Og áður en þið farið í vinnuna í fyrramálið og hlustið á tapsára Chel$ea-aðdáendur, sem flestir byrjuðu ekki að fylgjast með knattspyrnu fyrr en sumarið 2003

Á ég semsagt að taka mark á þér Kristján, en ekki fólki sem byrjaði að fylgjast með knattspyrnu fyrr en 2003, út af því að þú byrjaðir að halda með Liverpool væntanlega út af nákvæmlega sömu ástæðu (af því þeir voru að vinna titla) og Chelsea menn? Ég myndi halda að Chelsea stuðningsmenn hafi m.a.s. meira til síns máls þar sem þeir styðja nú margir liðið einungis út af honum Eiði Smára Guðjohnsen, þar sem hann er eini bærilegi knattspyrnumaðurinn sem þetta land hefur.

Gæti verið að Del Horno hafi ætlað að hjálpa Robben og ekki sést fyrir að Messi lék á hann. Del Horno var á ágætis siglingu og Messi nýbúinn að leika á Robben. Kannski gat hann ekki stöðvað sig.

Del Horno braut á Messi þannig að hann datt. Dómarinn gaf rautt spjald. Hvernig getur það verið Messi að kenna? Reina ýtti í andlit Robbens(sem var heimskulegt) og hann lét sig detta. Þess vegna á Robben þátt í því rauða spjaldi. Enginn dómari lætur það hafa áhrif á sig hvort leikmaður velti sér í 1 eða 7 hringi eftir að hann er dottinn í grasið.

Það hefur enginn Liverpool maður reynt að fá annann mann útaf með rautt spjald og því hefur Rafa leyfi til þess að gagnrýna slíkt. Chelski maður hefur aftur á móti reynt það (þeas. Robben fyrir ykkur þá sem eruð búnir að gleyma), þess vegna er Jose að gera það sem kallast á engilsaxnesku "the pot calling the kettle black."

Stefán sérðu í alvöru engan mun á viðbrögðum Rafa og Mourinho við þessum 2 atvikum. Rafa varði ekki Reina bara svo það sé á hreinu, hann sagði að Reina hefði brugðist rangt við og látið Robben espa sig upp. Hann hins vegar gagnrýndi Robben harkalega fyrir leikaraskapinn og gerði gott betur með því að vara sína eigin leikmenn við því að þeir kæmust ekki upp með að gera það sama. Já, Rafa komst svo sannarlega frá tapleiknum með reisn.

Mourinho aftur á móti reynir að verja del horno fyrir þessa tæklingu og það er ekki annað að heyra á honum en að honum hafi varla fundist að um aukaspyrnu væri að ræða, hvað þá spjald. Svo snýr hann sér að Messi og segir að hann hafi verið að leika þetta allt saman og reynir að skella skuldinni allri á messi í staðinn fyrir del horno þar sem hún á svo sannarlega heima. Og svo segist hann í ofanálag vilja láta endurtaka leikinn og ætla að mæta með varaliðið í seinni leikinn því dómarinn hafi eyðilaggt þessa viðureign - Mourinho er vælukjói og ekkert annað.

Messi gerði ekkert rangt í þessu, það er ekki nokkkur vafi í mínum huga að hann hafi meitt sig við þessa glórulausu tæklingu og þó svo hann hafi litið í áttina að dómaranum að þá segir það nákvæmlega ekki neitt, hann gerir það til að sjá hvort dómarinn ætli ekki örugglega að taka á þessu og leggst svo til hliðar til að fá þá umönnun frá læknaliðinu sem hann þarf. Og varðandi það að hann skuli hafa hoppað upp að þá segi ég nú bara sem betur fer, ef hann hefði ekki gert það væri hann sennilega á spítala núna því del horno var með sólann sinn í hnéhæð og ef messi hefði staðið í fótinn og fengið þetta spark í sig er ekki ósennilegt að hann hefði meitt sig ansi illa, jafnvel fótbrotnað.

Rauða spjaldið var vafamál. Það þýðir ekkert að rífast um það.

Rafa gagnrýndi leikaraskap með réttu og hefur efni á því. Liverpool hefur aldrei verið þekkt fyrir að blekkja dómarana viljandi.

Mourinho hefur hins vegar ekki efni á því, m.a. vegna Robben atviksins.

Ég held að flestir séu nú sammála um að Mourinho kvarti meira en aðrir stjórar. Er það ekki bara hans stíll? Ég held að Chealsea menn ættu nú bara að viðurkenna það.

Menn halda með sínum liðum og auðvitað litast ummæli manna eitthvað að því. Það litla hins vegar sem ég hef séð af spjalli Chelsea aðdáenda og viðtöl leikmanna eftir leiki, þá get ég ekki að því gert en mér finnst þeir vera mun meiri vælukjóar en margur annar stuðningsmaðurinn.

Mér finnst bara ótrúlegt að horfa upp á Mourinho og fleiri grenja yfir dómum, þegar Chelsea liðið sjálft hefur grætt á slæmri dómgæslu. Hvernig t.d. komst Chelsea áfram í meisteradeildinni í fyrra? Með því að John Terry skoraði mark meðan Carvalho (minnir mig) hindraði markvörðinn.

Vítaspyrnurnar tvær sem Barcelona hefði átt að fá voru svo augljósar að það hálfa væri nóg. Þá þýðir ekkert að segja að þetta hefði gerst eftir að Del Horno fór út af. Vitið þið eitthvað hvort það hefði ekki gerst með Del Horno inn á? Og ég verð að viðurkenna það að mér fannst það ekki áberandi í leiknum að Chelsea hefði verið einum færri í rúmar 50 mínútur. Lið hafa margoft tvíeflst við mótlætið.

Það að ásaka Messi einan er fáránlegt. Hvað með Del Horno og hans leikrænu tilburði? Leikaraskap á að útrýma, og meta það kannski eftir á hvort viðkomandi aðili eigi skilið refsingu eða ekki. Brotið var hins vegar skýrt hjá Del Horno og allir virtust sammála um að það væri refsivert. Gult eða rautt? Víti eða ekki?

Þetta er því miður hluti af leiknum og í þessu tilfelli gera Chelsea menn allt til að láta sig líta út sem fórnarlömb stærra samsæris gegn þeim.

Hvernig var þetta aftur með leikræna tilburði Eiðs Smára á móti Xabi Alonso í fyrri undanúrslitaleiknum í Meistaradeildinni í fyrra? Var hann ekkert að veiða þá? Mótlætið efldi bara Liverpool og þeir sigruðu sanngjarnt. Hvað gerist í seinni leik Barcelona og Chelsea? Mun mótlætið brjóta Chelsea menn niður eða efla þá?

Ég vil að lokum þakka stjórnendum þessarar síðu fyrir mjög málefnalega umræðu um Liverpool og fótbolta almennt. Það er frábært að sjá rökræðurnar hérna, og ber að þakka fjóreykinu fyrir það!

Hvers konar væl er þetta í þér Kristján?

Dómarinn eyðilagði leikinn með þessu ósanngjarna rauða spjaldi (mat mitt og Mourinho) og þess vegna koma þessi comment frá honum.

Rauða spjaldið á Reina var verðskuldað, það er ekkert hægt að væla yfir því, ef þú setur hönd í andlit leikmanns er það bara rautt.

Tæklingin hjá Del Horno var glannaleg en umfram allt klaufaleg og alls ekki rautt spjald, það er svo klárt.

En hjá ykkur er það í góðu lagi ef Benites vælir en ekki Mourinho.

Það er semsagt í lagi að væla yfir rauðu spjaldi sem er sanngjarnt en ekki ef vælt er yfir rauðu spjaldi sem er ekki sanngjarnt.

Þið eruð hræsnarar af verstu sort.

Verð því miður að vera, aldrei þessu vant, Kristján minn, að vera eilítið ósammála þér með þetta spark. Jafnvel þótt löppin á Rúblunni fari aðeins fram fyrir hina.

Nafnahrópanir? Er bannað að nota hið íslenska orð "hræsni" ?

Rautt er mjög harður dómur að mínu mati, gult? Já...

En maður spyr sig nú að því, afhverju setti Robben ekki boltann i innkast...

Chelsea-maður: "Tæklingin hjá Del Horno var glannaleg en klaufaleg..."... Var það þá ekki bara klaufaskapur hjá Reina að setja höndina í andlitið á Robben???

Hér á þessari síðu hafa menn verið virkilega duglegir að vera málefnalegir, við höfum gagnrýnt hegðan sumra Liverpool leikmanna, við höfum finnst mér tekið nokkuð sanngjarnt á flestum málum.

Ég endurtek það sem ég sagði áður: Þetta litast auðvitað af því með hvaða liði maður heldur, en það er einmitt þetta viðhorf hjá þér sem mér finnst einkenna Chelsea-menn og aðdáendur: það er algjörlega harðneitað að sjá hina hliðina. Og það liggur við ég gæti veðjað upp á það að ef þetta hefði verið eitthvert annað lið, ef þetta hefði verið Puyol sem hefði verið rekinn út af, þá hefði ekki heyrst samsvarandi hróp og köll hjá þér.

Gætir þú t.d. svarað spurningunum: - Veiddi Robben Reina út af? - Veiddi Eiður Xabi Alonso út af?

Það er tvennt sem ég vil segja:

Ég vil hrósa riturum Liverpool-bloggsins fyrir að láta ekki veiða sig út í eitthvað skítkast eins og mér sýnist þessi Chelsea maður vera að reyna. Þetta rauða spjald var réttmætt að mínu mati og mjög skiljanlegt að hér sé verið að ræða ummæli Morinho, enda gerist hann sekur um tvískilningshátt.

Áfram Liverpool-bloggið.

Doddi :

Reina veiddi sjálfan sig útaf með því að setja höndina í andlit Robben, það var augljóst.

Varðandi atvikið með Alonso og Eið Smára, þá er eflaust hægt að túlka það einhvern veginn að Eiður hafi fiskað þetta gula spjald á Alonso.

En "you make your own luck" í þessu öllu saman. Ég hef aldrei verið að hrósa eða kvarta yfir leikaraskap hjá einum eða neinum, þetta er bara partur af leiknum hvort sem ykkur líkar það eður ei.

Ég er aðallega að kvarta yfir þessum svokölluðum "double standards" sem á sér stað á þessari síðu og þar komum við að þessu orði "hræsni". Fyrirgefðu Stjáni ef ég segi ekki það sem þér líkar, málið er nú bara það að þið látið stundum einsog hræsnarar.

Hvað viltu að ég kalli þetta annað en hræsni, ef þú finnur betra orð fyrir mig þá skal ég nota það svo þú verðir ánægðari

Reina veiddi sjálfan sig útaf með því að setja höndina í andlit Robben, það var augljóst.

Í látunum í gærkvöldi þegar Del Horno var rekin útaf setti Robben höndina framan í einn leikmann Barcelona. Sá stóð í fæturna, ólíkt Robben um daginn.

Það hefur enginn haldið því fram að ekki hafi átt að reka Reina útaf. Aftur á móti er alveg ljóst að Robben var með leikaraskap og þóttist vera slasaður.

Nonni af hverju ertu á þessari síðu!!!

er það vegna þess að meirihluta Chelsea fans eru sámmála um að þetta hafi verið rautt og þess vegna ferðu yfir á Liverpool blogg að væla!!!!

Mér finnst gaman að Chelsea maðurinn segi að "you make your own luck" !!!! Það tel ég eiga mjög vel við Del Horno!!! Þetta var hans ákvörðun, það sést á myndbandinu og hann hafði aðra möguleika.

Takk kærlega fyrir þetta komment, þetta kemur ábyrgðinni yfir á Del Horno. Sem ég er sammála.

Og ef talið berst að double standards, á það ekki þá jafnt við um ykkur Chelsea aðdáendur?

Nonni um hvað ert þú að tala, ég hef sagt að del Horno hefði átt að fá gult spjald, rauða spjaldið á Reina var rétt, Messi var ekkert með meiri eða minni leikaraskap heldur en del Horno, þeir sem eru prókúruhafar á þessa síðu hljóti að mega skrifa það sem þeir vilji, jafnvel hafa tvöfaldan standard (sem og aðrir sem hér rita) ef þeim svo sýnist, að mínu mati að þá tekur Rafa betur á málum heldur en Mourinho, í stuttu máli að þá er þetta það sem ég hef sagt hérna í dag og ef einhver getur bent mér á hræsni í mínu máli. Ég hef nú svo ekkert komenterað á þín skrif hérna svo ég skil ekki alveg hvað þú ert að fara nema að þú sért að rugla mér og Kristjáni Atla saman???

alveg til í að slá met! var að lesa kommentin í morgun. þá voru þau 17 - nú 52. nenni hreinlega ekki að lesa þau öll núna. ég var að horfa á myndbandið, klárlega enginn bolti. hversu illa hann sparkar í hann er erfitt að segja. Gult - rautt. ??? ég segi gult. okei leikaraskapur vs. leikaraskapur. ég þoli hann ekki. Okei menn henda sér niður til að vinna sér inn aukaspyrnur, það sleppur ef það er brotið á þeim. það gera allir. Að liggja og þykjast vera meiddir til að veiða spjöld - ljótt á ekki að sjást. en svo ertu með svona gæja eins og rivaldo og totti sem fá boltann í lappirnar eða magann og grípa um höfuðið og þykjast vera dauðir. svoleiðis er bara óheiðarleiki og óheiðarlegir menn, svindlarar. Robben slagar uppí síðasta flokkinn. það er þó ýtt/slegið í höfuðið á honum og hann grípur því um réttan líkamspart. En best væri að við myndum bara losna við þetta allt saman útúr boltanum og yfir í bíómyndirnar. og svona í lokin þá vildi ég bara segja að mér fannst Reina eiga spjaldið skilið fyrir tæklinguna eina, þurfti ekki Robben til.

Ég held að móri hafi afskaplega lítið efni á því að væla yfir leikaraskap, ef ég man rétt var haft eftir deco (reyndar fyrir chelsea barca leikinn í fyrra) að hann hefði skipað sínum mönnum í porto að láta sig detta við minnstu snertingu og reyna fiska menn útaf, árið sem þeir unnu keppnina.

Úff...ég veit varla hvar ég á að byrja. Spurning um að stikla bara á stóru.

Ég stend við það sem ég sagði í upphafi að mér þyki þessi færsla ekki sæma þessari síðu, þrátt fyrir rök Krisján um rökrétt framhald...

Ég er feginn að það séu til fleiri Liverpool aðdáendur sem geta litið fullkomlega heiðarlegum augum á liðið sitt. Verst hversu fáir þeir eru og mikil synd að svo virðist vera sem enginn af þeim skuli vera penni hérna á þessari síðu. Hinsvegar er ég þakklátur fyrir síðuna og les hana reglulega - þó svo að ég sé ekki ávallt sáttur við umfjöllun ykkar.

Hvað leikaraskap varðar þá er hann, óháð afleiðingunum, óþolandi. Hann er hinsvegar partur af leiknum og sem fyrrverandi leikmaður eitthvað sem ég er löngu búinn að sætta mig við. En að menn skuli hérna vera að telja upp hina og þessa leikmenn hjá Chelsea án þess að muna að í okkar liði spila núna leikarar eins og: Cisse, Rise, Garcia, Morientes og Sissoko. Ef við höldum svo áfram dugar að minnast þess að Diouf spilaði einu sinni fyrir okkur.

Er það til of mikils ætlast að menn séu fyrst heiðarlegir í garð sjálfs síns áður en þeir byrja á því að hrauna yfir aðra?

Í Chelsea leiknum var leikurinn búinn fyrir okkur þegar Reina fékk verðskuldað rautt spjald. Í leiknum í gær var leikurinn í járnum þegar Del Horno flaug. Er þá skrítið að Rafa ræði aðeins meira heldur en bara spjaldið á Reina og að JM sé öskuillur fyrir því sem breytti gangi mála í gær. Ég sé engan mun á röflinu í þeim báðum í þessu tilviki. Þegar allt kemur til alls hafa þeir báðir rétt fyrir sér, hvor á sinn hátt - en að fagna öðrum og skíta hinn er eitthvað sem mér finnst ekki gott.

Ætli þetta endi ekki bara með því að við getum verið sammála um að vera ósammála. Því miður

Ég varð vitni að því að sjá þetta furðulega viðtal í beinni útsendingu á Sky Sports 1.

Hvað sagði Mourinho?

"Messi jumps on him and then rolls and rolls and rolls, so I don’t want to say too much more except I am proud of my team.”

Messi hoppar upp til að forða sér frá mögulega miklum meiðslum. Síðan falla þeir báðir

Mourinho vekur athygli á því að Messi hafi rúllað sér. Ég gerðist svo gáfulegur að telja velturnar hjá hvorum manni. Mínar niðurstöður:

Messi 3x Del Horno 3x

Bíddu nú við minnist hann ekkert á Del Horno BROTLEGA mannin.

Jaime Redknapp og Glenn Hoddle voru þó ekki sammála mér. Þeir sögðu að þetta hefði ekki átt að vera rautt spjald. En ég segi haldi hver það sem hann vill.

Takk fyrir mig....

Eitt varðandi þessa kosningu á heimasíðu Chelsea. Án þess að vera draga úr gildi netkosninga, en munið þið þegar Sveppi fékk Edduna

Það er tvennt ólíkt að gagngrýna hluti og að fjalla heiðarlega um þá, amk miðað við þann skilning sem ég set í það. Í öðru tilvikun er leikmaður gagngrýndur fyrir slæman leik, lélega sendingu osfrv á meðan að hitt tilvikið felur í sér að geta t.d talað um önnur lið, borið þau saman við sitt eigið og verið nokkuð á sanngjörnu nótunum. Þessi færsla Kristjáns og aðrir hlutir sem ég hef stundum lesið hérna á þessari síðu benda ekki til þess að þið getið það.

Það hefur lítið með það að gera hvort þið eruð sammála mér eða ekki um hvort þið getið litið heiðarlegum augum á liðið ykkar eða ekki. Það er eingöngu mitt perónulega mat að þið séuð ekki næganlega heiðarleigir í ykkar umfjöllunum við og við og mér sýnist að sú skoðun eigi ekki eingöngu heima hjá mér!

En eins og ég sagði, er þetta ekki bara spurningin um að vera sammála um að vera ósammála eða fer það of mikið í taugarnar á þér Einar að aðrir séu ekki einfaldlega sammála öllu sem þú segir? Eruð þið, pennar þessarar síðu, hafnir upp fyrir gagngrýni?

Hvað er svona fáránlegt við minn málflutning? Ég setti fram í byrjun að mér þætti þessi færsla fyrir neðan virðingu þessarar síðu, gefandi það til kynna að hún væri fullkomlega óþörf. Í ljós þess að Rafa "heimsótti" Robben á spítala og öll þau komment sem fylgdu í kjölfarið frá honum og sú staðreynd að ykkur fannst það ekkert athugavert og finnst JM vera að nöldra yfir rauða spjaldinu í gær.

Það fór í taugarnar á mér þessar yfirlýsingar Rafa eftir Chelsea leikinn, jafn mikið og yfirlýsingarnar hjá JM í gær. Ég sakaði Kristján síðan um að vera með double standards og þar með um óheiðarleika í umfjöllun sinni í þetta skiptið af því að honum fannst JM vera að væla en ekki Rafa, í hvað mér finnst samskonar málum.

Ég hef þó tekið eftir fleiri svona dæmum hjá ykkur en hef ekki nennt að standa í því að pirra mig yfir því, vitandi að viðbrögðin yrðu þessi. Hérna fannst mér hins vegar málið vera borðliggjandi vegna þess hversu stutt er liðið frá Chelsea leiknum.

Er eitthvað óskýrt og fáranlegt í þessari framsetningu? Gætir þú vinsamlegast bent mér á það.

Síðan er mér drullu sama um þennan hóp sem er sammála Kristjáni, málið snýst ekki um rétt eða rangt í þessu tiltekna atriði heldur að umfjöllunin sé í takt við það sem á undan er gengið (þeas að ykkur fannst allt í lagi að Rafa tjáði sig um leikararskapinn í Robben).

Þú semsagt sérð ekki neitt í því sem ég hef lagt til málanna? Ert viss um að allt sem ég hef sagt sé vitleysa og að ég hafi fullkomlega rang fyrir mér?

Bara svona líka til að hafa eitt á hreinu: Þið eruð mjög góðir að gagngrýna Liverpool og gerið það oft og ávallt vel ígrunduð gagngrýni. Ég er ekki að tala um óheiðarleika í því sambandi!

Ég sagði líka ekki að öll skrif ykkar væru óheiðarleg, þessi færsla finnst mér hinsvegar óheiðarleg (hvort heiðarleiki/óheiðarleiki sé rétt skilgreining á því sem ég er að reyna að fá ykkur til að skilja skal ósagt látið).

"...oft og ávallt" - átti að vera bara "ávallt". (bara svona til að hafa metið ósláanlegt )

"Ég sé alveg hvað þú ert að fara í þessum punkti, sem er talað um hér að ofan (what goes around...). En ég svara líka með minni skoðun."

Ég svaraði þeim rökum í Ummælum nr. 58 næst neðstu málsgrein.

Á endanum erum við semsagt næstum því sammála nema í skilgreiningu okkar á heiðarleika og ég er alveg tilbúinn að draga í land með það orð enda er það kannski full hart í þessu samhengi(eins og ég kom reyndar að í síðustu ummælum).

Eigum við ekki bara að enda á því þá að vera sammála um að vera ósammála eins og ég hef sagt áður?

Svo það sé á hreinu, þegar ég sagði Stjáni, þá átti ég við Kristján Atla.

Ég vil nú bara lýsa yfir stuðningi mínum við þá sem halda úti þessari síðu. Ég kem og skoða hana mjög, mjög reglulega og er bara sáttur. Að saka þessa menn um óheiðarleika og annað sem hér hefur sést er bara útí hött. Mjög oft er ég ósammála því sem pistlahöfundar hér skrifa, enn ósáttari við kommentin og á endanum verða einhverjir jafnvel enn fúlari eftir að ég er búinn að kommenta. En síðan er samt góð og ef mönnum líkar ekki það sem hér er sett fram þá geta þeir bara farið annað. Það er örugglega búið að skrifa einhvers staðar annars staðar eitthvað miklu verra um þennan leik, þetta atvik og þennan þjálfara en þennan pistil sem er hérna efst (ætli einhver muni um hvað hann var upphaflega). Þannig að strákar haldið ykkar striki með síðuna og þið Chelsea menn farið bara að einbeita ykkur að seinni leiknum við Barca. Bæði ykkar og okkar lið þurfa að bretta upp ermar ef við eigum að komast áfram! Áfram Liverpool

VÁ ...

Hvenær líkur þessari umræðu, þið hafið engann tíma til að skrifa nýja pistla með þessu áframhaldi

Hvernig er nú ástandið í leikmannahópnum hjá okkur fyrir Man c leikinn, getur einhver svarað því fyrir mig, Sissoko er út, Fowler er út, hvað með Stevie G er hann orðið leikhæfur í 90 mín?

ég held að menn verði bara að vera sammála um að þetta var appelsínugult spjald!

Þetta var rautt spjald, ég sá það skýrt og greinilega þegar dómarinn lyfti því. Það bara fór ekki á milli mála!

En í alvöru, er ekki verið að grínast með þessar rosalega heitu umræður um þetta dæmi? Del Horno braut á Messi, það geta allir verið sammála um það. Flestallir geta líklega verið sammála um að hann átti skilið spjald, hvernig sem það átti að vera á litinn. Dómarinn kaus að sýna rautt, en hann var líka inni á vellinum og í svolítið annarri stöðu en við sem horfðum á þetta í sjónvarpinu, endursýnt hægt aftur og aftur. Ég persónulega er í svolitlum vafa, veðja á að gult hefði verið réttur dómur, en það er alveg ljóst að dómarinn varð að taka ákvörðun og það gerði hann.

Alveg eins og sumir virðast tilbúnir að fallast á leikaraskap sem hluta af leiknum, þá má reikna með rauðum spjöldum endrum og eins, verðskulduðum eða ekki, það er nefnilega líka hluti af leiknum. Að dómari reki leikmann útaf eftir vægast sagt vafasama atburðarrás þýðir ekki að hann hafi eyðilagt leikinn, það þýðir bara að hann tók þátt í honum. Þetta ætti að vera deginum ljósara, hvort sem maður heldur með liverpool, barcelona eða chelsea. Það væri þá allt eins hægt að segja að línuvörður eyðileggi leiki fyrir að flagga rangstöðu þegar mark er skorað, þó menn sjái í endursýningu að það hafi verið vafasamt. Jafnvel að leikmaður eyðileggi leikinn með því að tækla annan og taka um leið áhættu á að meiða viðkomandi, með því að skora, verja og hvað sem er. Þetta er allt hluti af leiknum og menn verða bara að læra að lifa með því. Þetta ætti ekki að vera svona flókið.

P.s. áhangendur knattspyrnuliða eru almennt ekki óheiðarlegir, hvort sem þeir halda úti vefsíðu eða ekki. Þeir eru bara oftast með svokölluð sörlaskjól og sjá tiltölulega þröngt, ég er þar ekki undanskilinn.

Þetta er mest spennandi sakamálasaga sem ég hef lesið

Ég er og verð alllllltaf Liverpool maður.

Hef svolítið verið að lesa til um komment um leiki eftir leiki og komst að því að RAFA er með vinninginn í því að hæla andstæðingum símnum í því að hæla dómurum, líka í þeim leikjum sem LFC er ekki að taka þátt í - það er svolítið athyglisvert -

...gæti þetta sagt okkur eitthvað um þann karakter sem JM hefur að geyma? og hvert og hvernig hann leiðir sitt lið áfram mér er bara svona spurn?http://www.eoe.is/myndir/smilies/rolleyes.gif

Ég er á því að ummræddur leikmaður sem fékk rautt spjald hafi ekki getað áttað sig á aðstæðum og því fór sem fór, hann tók upp fótinn og lennti með hann á andstæðingnum !!!!

Hann gat sparkað í boltann Hann gat spyrnt útaf Hann gat hætt við allt saman...

Þetta gerðis og þá spyrjum við er þetta nógu málefnanlegt fyrir þig og þá nógu gótt fyrir þína virðingu SIGGI minn.

Held að öllum hlakki til að sjá hvernig fer að leikslokum

Góða helgi allir saman... og líka SIGGI

Don Fragapane: "Þetta gerðis og þá spyrjum við er þetta nógu málefnanlegt fyrir þig og þá nógu gótt fyrir þína virðingu SIGGI minn"

Ertu yfirhöfuð búinn að lesa það sem ég hef verið að skrifa. Rautt spjald eða ekki skipti mig engu máli, var aldrei að ræða um það.

Ég fer að hljóma eins og gömul plata hérna þar sem fólk virðist ekki ætla að skilja hvert ég er að fara. Mér tókst, að ég held, loksins að láta Einar sjá það en það virðist amk ekki hafa skilað sér til þín og fleiri.

Ég var að ásaka pistilhöfund um double standards milli JM og Rafa. Double standards breyttist síðan í óheiðarleika, orð/skilgreining sem ég er búinn að segja að sé passi ekki hérna og draga tilbaka. Double standard passar betur. Ég hef heldur ekki talað um að þeir félagar væri ómálefnalegir þannig að ég veit ekki alveg hvert þú ert að fara þar. Hvort ég hafi rétt fyrir mér er fyrir aðra að meta en þetta er mín skoðun.

Góða helgi og skemmtun yfir leiknum, einnig DON FRAGAPANE!

AMEN !!!