17. febrúar, 2006
- Liverpool vs. manchester united
Leikurinn hefst klukkan 12.30
Dómari er hinn geðþekki Howard Webb sem kemur úr Jórvíkurskíri á Englandi.
Ef leiknum lyktar með jafntefli fer fram annar leikur, þann 15. mars sem ber upp á miðvikudag þetta árið og hefjast leikar þá klukkan 20.00.
Það er hægt að huga að ansi miklu þegar upphitun fyrir rimmu þessara fornu fjenda er að ræða, það er hægt að skrifa BA ritgerð um tölfræði og annað en það verður ekki gert að þessu sinni. Aðeins eitt skiptir máli:
Við verðum að vinna þennan leik!
Tölfræðin er svo sannarlega ekki með okkur í þessum leik. Hverjum er ekki sama? Ég held að það muni ekki skipta nokkru máli um það hvernig leikur á morgun fer hvort liðið vann árið 1999 þegar Stig Inge Bjørnebye og Vegard Heggem voru í byrjunarliðinu? Þá var að vísu Robbie nokkur Fowler í liðinu en það getur hann ekki núna þar sem hann lék með City í FA bikarnum. Þá töpuðum við 2-1 en ég held að annað verði upp á teningnum á morgun…..
Ljóst er að um hörkuleik verður að ræða. Það er gífurlegur heiður í veði og bæði lið vilja ólm vinna bikarinn, að sjálfsögðu. Ég kann ekki við að tala of mikið um síðustu viðureign þessara liða sem var fyrir skömmu í deildinni, við eigum harma að hefna, látum þar kyrrt við liggja.
Það vilja allir fá að spila í þessum leik en ég held að Rafa haldi sig við ellefu manna byrjunarlið. Bolo er meiddur, Crouch, Agger og Alonso eitthvað tæpir held ég… skiptir ekki öllu máli.
Ég spái byrjunarliðinu svona:
Reina
Finnan - Hyypiä - Carragher - Riise
Gerrard - Sissoko - Alonso - Kewell
Morientes - Cisse
Bekkurinn: Dudek, Agger, Hamann, Garcia, Crouch.
Semsagt tvær breytingar frá sigurliðinu úr Arsenalleiknum, Dudek og Fowler út fyrir Pepe og Cisse. Ég held að Rafa seti Reina aftur í liðið, en það er þó alls ekki víst, en það er mín tilfinning. Garcia átti góða innkomu gegn Arsenal eins og við vitum en ég er ekki viss um að hann sé tilbúinn í byrjunarliðið eftir meiðslin. Hann kemur þá bara inn sem super-sub ef þess er þörf! Hamann gæti þó komið með reynsluna inn en Sissoko er bara að spila og vel til þess að halda ekki sæti sínu að mínu mati….
Ég ætla ekki að eyða mínum dýrmæta tíma í að fjalla um lið manchester united
eitthvað meira en þörf er á. Það vita allir allt um þetta lið og eins og við höfum bent á, er okkur nákvæmlega sama hvernig andstæðingar okkar stilla upp, það skiptir engu máli. Það sem skiptir máli er okkar lið.
Mín spá: Ég hef það á tilfinningunni að Morientes muni brjóta ísinn sem hann er að reyna að klöngra sér í gegnum og skori í leiknum. Auk þess held ég að Gerrard skori. Hvort manchester united
læði inn einu skal ósagt látið en 2-0 er mín spá.
Hver er ykkar?
en ég held ég verði aðeins vægari og spái 2:1. Garcia og Moro skora. Mark manchester united
kemur eftir umdeilda vítaspyrnu sem Nistelroy nældi í með því að láta sig detta í teignum. Gary Neville mun í upphafi fá sérstakan blómvönd sem þakklæti frá stuðningsmönnum Liverpool frá síðasta leik... okay, sorry... þetta verður hörkurimma, en helvítis ég er að vinna og missi af honum. Mun seint fyrirgefa mér fyrir að sinna lítilvægri vinnu þegar stórleikur eins og þessi er, en ég verð með tölvuna opna og fylgist með.
