Ég er alveg hjartanlega sammála ykkur, en það eru náttúrulega takmörk fyrir því hvað þeir geta rukkað fyrir einn mánuð.

Það er margt til í því að auðvitað eru þeir að reyna að ná tryggari viðskiptavinum, gott og blessað þar sem þeir hafa líklega misst mikið af sínum áskrifendum við að missa enska. En ég held líka að þetta litist af því að þeir munu ekki fá HM aftur. Það er tilskipum frá Fifa að þetta verði á opnum "ríkisrásum" hér eftir. Líklega er það til þess að koma í veg fyrir svona. Þetta efni er talið þess eðlis að það eigi allir að hafa sama rétt og möguleika á að sjá það óháð tekjum. Þeir eru líka að fara í bid fyrir meistaradeildina núna og þurfa að fá pening í kassann fyrir því þar sem líklegt er að þeir muni ekki hætta á að missa það eins og enska boltann. Þ.a.l. munu þeir líklega borga vel yfir það sem eðlilegt gæti talist ef markaðurinn hérna væri ekki svona lítill. En Enski boltinn er líka eitt allra dýrasta sjónvarpsefni sem til er í heiminum en samt sé ég allan þann bolta sem ég vil fyrir einungis 2000 kall á mánuði. Þeir sem ekki eru svo með fasta áskrift borga að mér skilst 2500 kall. Mér finnst það eðlilegri verðlagning fyrir tryggð en annars vegar 2200 kall og hins vegar 13 eða 14 þúsund.

Sælir! ...langar að byrja á að nefna að ég er mjög ánægður með síðuna hjá ykkur, þetta er frábært framtak fyrir okkur Liverpool-menn!

Mig langar bara að spyrja einhvern um hvað þetta mál snýst? Ég hef hvergi heyrt minnst á þetta fyrr en ég sá þessa umfjöllun hjá ykkur. Var eignilega að spá í hvort einhver nennti að setja hérna inn aðeins betri upplýsingar um það hvað er í gangi!!!!

Enn og aftur takk fyrir frábæra síðu!

Atli

Málið snýst um það að Sýn er núna að hringja og bjóða fólki áskrift. Um leið taka þeir fram að áskrift í júní muni kosta 13.900.- fyrir þá sem ekki eru þegar áskrifendur.

Maður getur náttúrulega valið að gerast áskrifandi, borgað fyrir það fjögur þúsund krónur á mánuði fram að júní og þá þarf ekki að borga miklu meira. Þá er maður náttúrlega búinn að borga tuttugu og eitthvað þúsund fyrir sjónvarpsefni sem ég persónulega hef afar lítinn áhuga á, fyrir utan nokkra knattspyrnuleiki.

En fjandakornið, þetta er bara allt of mikið. Hagfræðingar þekkja hugtakið verðteygni eftirspurnar. Ég hef þokkalegar fjölskyldutekjur, en get satt að segja ekki réttlætt áskrift að Sýn til að horfa á sárafáa knattspyrnuleiki, sér í lagi ekki þegar ég borga þegar fyrir Rúv og Enska boltann. Stöð2 + Sýn kostar einhverjar sjöþúsund krónur á mánuði. Verðteygni eftirspurnar, 365 eru að missa áskrifendur sem aldrei fyrr, þetta er einfaldlega alltof dýrt.

Hvað ætla þeir að gera, jú, þeir ætla að reyna að kúga fólk eins og mig í áskrift með því að selja HM á fjórtán þúsund krónur.

Ég segi bara eins og er, étið skít drullusokkar hjá 365. Takk líka fyrir að auglýsa leiki Liverpool við TNS í forkeppni Meistaradeildar í ar og sýna svo bara annan leikinn. Ég sagði eftir þann blekkingarleik að ég væri hættur viðskiptum og ég stend við það.

Sýn er einfaldlega að verðleggja sig út af kortinu fyrir mig og fleiri. Maður horfir þá bara ekki á HM heima hjá sér í þetta skiptið.

Furðulegt að sturta allri viðskiptavild í klósettið á þennan máta.

Fá sér bara disk fyrir 20.000 kr og allir HM leikirnir sýndir í opinni dagskrá á bbc áfram Liverpool

Auðvitað er þetta svimandi há upphæð, en satt best að segja finnst mér þetta ekki óeðlilegt. Ef þú ert ekki áskrifandi og borgar 13.900 kr. fyrir eitt stykki HM, þá ertu komin(n) með aðgang að vinsælasta sjónvarpsefni í heimi (er það ekki annars?? ) og ef menn reikna kostnað á leiki, þá fer þetta nú ekki að vera svo hræðilegt. Hvað er dæmið t.d. dýrt fyrir Sýn að fá þetta? Er einhver hér með þær tölur á hreinu?

Mér finnst fullkomlega eðlilegt að tryggir áskrifendur fái bónus fyrir að hafa verið tryggir. Ég borga 7000 kr. fyrir Stöð 2 og Sýn og hugsa oft um hversu dýrt það sé, en fyrir sakir fótboltaáhugans þá sé ég ekki eftir krónu og dettur ekki í hug að hætta áskrift. Ef ég kann að reikna, þá eru 63 leikir á HM og það þýðir um 220 kr. per leik fyrir þá sem borga 13.900 krónurnar!!! Mér finnst það fjandakornið ekki mikið og svo er náttúrlega umfjöllun á milli um leiki.

Það er enginn að kúga neinn hér, þetta er frjálst val. Ég get líka sagt ykkur það að ég myndi hiklaust borga þessar krónur fyrir HM-pakkann ef ég væri ekki þegar áskrifandi að Sýn. Viðskiptavildin er langt frá því að vera komin ofan í klósettið hjá Sýn.

Það er nú spurning hvort þetta sé löglegt líka... þ.e. að hækka áskriftina svona hressilega fyrir þá sem vilja kaupa áskrift í júní.

Ein pæling hvað þetta varðar líka er það að í júní er EKKERT að gera nema þessi keppni.

Þetta eru 64 leikir, og ekki mögulegt að horfa á nema 56 þeirra í beinni útsendingu (nema menn með tvö sjónvörp (og þ.a.l. 2 afruglara) geti multi-taskað allverulega og horft á tvo leiki í einu).

Það sem ég er hins vegar líka að pæla í, er að 6 leikir af þessum 64 eru í júlímánuði!

Þarf maður þá að borga annan 13.900 í áskrift fyrir þann mánuð, eða 4.200 eins og núna.

Semsagt: erum við að tala um 27.800 fyrir HM, eða 18.100.

Eitt er víst, báðir kostirnir eru fáránlega dýrir.

Að lokum get ég þó sagt að skoðun mín er ekki lituð af hatri gagnvart þessari stöð, þar sem að ég hefði ekki heldur keypt áskrift fyrir HM þótt hún væri á 4.200 kr.

Satt að segja vil ég frekar sitja í reykjarmökki á einhverju öldurhúsi í bænum í staðinn fyrir að sjá Gaupa ruglast á því hvor sé með boltann, Thierry Henry eða Claude Makelele.

Opnunar leikurinn og leikirnir í undan úrslitum og úrslitaleikurinn verða að vera í opinni dagskrá, það eru reglur frá FIFA.

Eitt sem gleymist hérna í umræðunni er að ef maður er í Og1 þjónustunni hjá Ogvodafone fær maður Sýn á 1990 á mánuði.

Ragnar, er það ekki bara úrslitaleikurinn sem er í opinni dagskrá ? Annars er þetta ekki flókið fyrir mig, þar sem ég hef andstyggð á 365 og þeirra viðskiptaháttum þá mun ég fá mér skandinavíu pakkann á breiðbandinu og horfa þar ýmist á dönsku, sænsku og norsku ríkisstöðvarnar

Sælir - frábær síða, drengir "keep up the GREAT work"

Varðandi þetta þá finnst mér þetta verð hreint og beint BRJÁLÆÐI... og hefur ekkert að gera með trygga áskrifendur !

Jú, ég er búinn að vera áskrifandi að Stöð2 nærri því frá upphafi og aldrei hef ég séð að ég sé að fá þann pakka á ódýrari máta en hinir... Hvað SÝN varðar þá hef ég haft það fyrir reglu að vera ekki með það meðan ég hef verið í námi.... að undanskildum síðust 2 árum var ég áskrifandi að SÝN í nær samfellt 8 ár..... ÉG HEF ALDREI orðið þess njótandi að fá einhvern betri pakka vegna þess að ég er svo tryggur áskrifandi !

Þessi markaðssetning er hreinasta bull og mun hrekkja fleiri frá heldur en að draga fólk að.....

Tryggir áskrifendur.... pphhhuuuu

þá mun ég fá mér skandinavíu pakkann á breiðbandinu og horfa þar ýmist á dönsku, sænsku og norsku ríkisstöðvarnar

Er það ekki bókað að það verður komið í veg fyrir það? Mér finnst það ótrúlegt að Sýn láti það ganga yfir sig.

fyrst verið er að tala um Sýn, getur einhver frætt um mig af hverju ég er ekki með Sýn Extra? 'Eg hélt að m12 áskrifendur fengu Sýn Extra en hún er alltaf lokuð hjá mér, er einhver sem kann skýringu á þessu? Liverpool-Benfica verður á Sýn Extra2 svo um að gera að fá þessi mál á hreint !

Þetta er einfaldlega heimskulegt hjá Sýn ef rétt reynist að þeir ætli að rukka 13900 kr. fyrir þennan eina mánuð.

Ég er ekki "tryggur" viðskiptavinur Sýnar, en þó kaupi ég þá annað slagið, þegar amk 2 leikir eru væntanlegir með Liverpool, eins og þessi mánuður sem nú er, ég keypti aftur ekki janúar mánuð.

Ef þeir halda verðinu lítið breyttu, fara kannski upp í 5.000 max, þá eru mun fleiri sem munu kaupa Sýn. Fleiri sem horfa á þýðir að þeir geta aukið auglýsingatekjur, þar er hægt að hækka verð, auglýsendur kaupa frekar auglýsingar ef líklegt er að margir horfi á.

Ef þetta reynist satt og ég þarf að borga 13.900 krónur, þá mun ég skella mér á pöbbinn til að horfa á aðal-leikina, kannski er þetta bara fyrir bestu því þá asnast maður ekki til að horfa á hvern einasta leik, það er nóg annað að gera

Annars vil ég hvetja auglýsendur til að gera könnun á því hvort það verði mikil aukning á áhorfendum sýnar yfir HM og sjá hvort það borgi sig nokkuð að auglýsa hjá þessu glæpafyrirtæki.

Er Liverpool-Benfica á Sýn Extra??

Shit, vonandi er ég með það, annars hef ég keypt köttinn í sekknum því ég veit ekki hvort ég er með Sýn Extra.

Einar, ég c ekki hvernig þeir ættu að geta það, ekkert frekar en að láta banna þæar stöðvar sem eru að sýna sömu bíómyndir og stöð 2 er með eins og t.d. Pro Sieben, sem sýnir órtúlega svipað efni og stöð 2 t.d. Simpsons. Þannig að ég held að þeir muni örugglega væla en geti lítið annað gert. En allt mun þetta nú koma í ljós, og eitt er víst ef að Skandinavíu pakkinn klikkar þá mun ég samt ekki fá mér Sýn, fer frekar á púbb og fæ mér kaldan með vel völdum leikjum

Hafliði: Ég væri mjög hissa ef að leyft væri að horfa á HM á skandinavísku stöðvunum. Hver er ástæðan fyrir því? Jú, það eru dæmi um mjög svipaðan hlut sem hefur verið í gangi í vetur.

SÝN hefur verið að sýna frá ameríska fótboltanum í vetur, og sýndi svo mjög marga leiki beint úr úrslitakeppninni. Þeir sem þekkja til breiðbandsins kannast sennilega við NASN (North American Sports Network). NASN sýnir frá ameríska boltanum, ásamt ótrúlega miklu öðru efni frá BNA.

Þegar úrslitakeppnin í NFL byrjaði þá neyddi SÝN Símann til að loka á NASN á meðan þeir leikir væru í gangi.

Mér þykir því mjög ólíklegt að þetta með HM gangi upp, en ég vona það svo innilega. Er alls ekki hrifinn af SÝN og þeirra viðskiptaháttum, þó að Síminn sé enginn engill heldur. Er bara engan vegin reiðubúinn að borga uppsett verð.

Svo ein spurning: Kannast einhver við það að það sé verið að hugsa um að breyta reglununum varðandi sýningarréttinn frá HM? Hef heyrt því fleygt að það standi til að gera það að hálfgerðum mannréttindum að allir fái að njóta HM. Það myndi því þýða að HM mætti ekki vera í læstri dagskrá. Sel það þó ekki dýrara en ég keypti það.

Það eru mannréttindi að fá að horfa á HM

Já, en þeir sem eru með breiðbandið geta þá samt ekki séð leikina, þar sem að Sýn er ekki dreift í hús sem hafa breiðbandið (ekki einu sinni í lokaðri dagskrá).

Djöfull er ég fúll (og vitlaus)

Ég lét glepjast af auglýsingum Sýnar en undantekningarlaust þá hafa auglýsingar þeirra gefið í skyn að Liverpool-Benfica verði sýndur í beinni á Sýn. Nú hef ég komist að því að hann er sýndur beint á Sýn Extra, sem næst ekki hér á Akureyri. Ég verð því að gjöra svo vel og koma mér á pöbbinn og horfa á leikinn þar ef ég ætla að horfa á hann í beinni (annars verð ég að bíða fram að miðnætti). Ef ég hefði vitað það að þeir myndu einungis sýna einn Liverpool leik í beinni þennan mánuð þá hefði ég aldrei keypt Sýn. Andsk..... vitleysa!!!!

skykort.com

Verðið er rugl og svo geta menn eflaust ekki horft á HM í sumar nema menn séu í sumarfríi.

Annars mæli ég með því að menn hugsi dæmið á annan hátt. Ef þið viljið sjá mikið af fótbolta og henda inní pakkann nóg af myndum, þáttum osfrv. þá fá menn sér gervihnattardisk. Þrettán þúsund og níu hundruð krónur er fín innborgun inná slíkan pakka! Persónulega mun ég aldrei fá mér SÝN aftur eftir að ég fékk mér SKY pakkann.