Á morgun er það útileikur gegn Wigan sem er í 6.sæti með 39 stig. Leikurinn á Anfield fór 3-0 þar sem Crouch skoraði 2 mörk. Það hefur gengið afar illa hjá okkur á útivelli undanfarið eða 3 töp í röð. Ekki hefur gengið betur hjá framherjunum okkar en Moro og Crouch hafa ekki skorað í 8 leikjum í röð og Cisse í 7 leikjum í röð. Spurning hvort Fowler dragi þá að landi? Ég tel líklegt að liðið okkar verði svona á morgun:

Varamenn: Carson, Fowler, Hyypia, Hamann, Sissoko.

Rafa gæti einnig haft Gerrard á kantinumog Sissoko eða Hamann á miðjunni. Það er afar mikilvægt fyrir okkur að vinna þennan leik þar sem við höfum einungis fengið 1 stig af síðustu 12 sem er vægast sagt ömurleg frammistaða. Ok við erum búnir að spila úti gegn manchester united og Chelsea sem er ávallt erfitt.

Jewell er í töluverðum vandræðum með framherjana sína en Jason Roberts er í 3ja leikja banni, Mellor má ekki spila gegn Liverpool og síða eru þeir Connolly og McCulloch báðir meiddir. Pascal Chimbonda er í banni. Síðan er óljóst hvort Henri Camara nái í tíma en hann er búinn að vera í Afríkubikarnum. Það eru tveir fyrrum Liverpool menn líklega í liðinu hjá Wigan á morgun, þeir Henchoz og Thompson. Það er klárt mál að Henchoz vilji sýna Rafa á morgun að hann hafi gert mistök að losa sig við hann (þótt ég hafi verið sammála Rafa í því).

Paul Jewell tók við Wigan-liðinu fyrir þremur og hálfu ári, en þá voru þeir í fjórðu efstu deild Englands. Hann kom þeim strax upp um tvær deildir, staldraði svo í eitt ár í næst-efstu deildinni (sem hét þá 1. deildin en heitir nú Championship-deildin) og svo í fyrra unnu þeir þá deild frekar auðveldlega. Eru nú komnir upp í Úrvalsdeild og virðast ætla að taka hana með svipuðu trompi - þannig að við getum alveg eins búist við að þetta lið sé komið til að vera og muni blanda sér í toppbaráttuna á næstu árum. Það er ekki ólíklegt, en eigandi liðsins, Dave Whelan, hefur dælt peningum í klúbbinn og ætlar að halda áfram að gera það sem til þarf til að koma liðinu fyllilega í fremstu röð.

Líklegt lið hjá Wigan á morgun:

Þetta verður hörkuleikur og ég heimta sigur og ég heimta mörk. Hvort það dugi til þess að við förum aftur að spila eins og menn og skora mörk einnig þá er ljóst að við verðum að rífa okkur upp aftur. Þessi leikur gæti hjálpað okkur mikið ef sigur vinnst og það sannfærandi. Ég hugsa að Fowler fái í það minnsta hálftíma í leiknum og hann skorar (vonandi).

Í lokinn þá óska ég okkur til hamingju með það að Rob Styles er dómari leiksins.