Er það bara ég eða hefur liðið algerlega hrunið eftir að Fowler kom til liðsins!

Það er eins og liðið sé hætt að vinna fyrir hlutunum og farið að treyta á einhverjar skyndilausnir. (Fowler) Ekki að þetta sé neitt Fowler að kenna en sjálfstraust og spilamennska Crouch og Morientes er ekkert í augnablikinu. Ef Fowler á að bjarga málum hversu lélegir eru þeir þá!!

Jújú þessi vítaspyrnudómur var hrikalega steiktur en við eigum að vera stórklúbbur sem svarar bara um leið. Við hefðum getað spilað 10 leiki í dag án þess að skora, svo léleg var framlínann fyrir utan stöku spretti hjá Cisse.

Fokking hörmung...

Hvílik vonbrigði og niðurlæging. Hugsa sér að stjórna leiknum í fyrri hálfleik frá A til Ö og upskeran er að fá boltan tvisvar í eigið mark. Að hugsa sér að styðja lið sem getur ekki skorað mörk. Everton skoraði þó eitt mark á móti Chelsie sem er mörghundruð % meira en við gerðum á móti þeim. Ef við skorum meira en mark þá skal annað vera í okkar eigið. Þetta er svo lélegt að það er ekki einu sinni hægt að verða brjálaður yfir því. Fyrst verður maður reiður og svo fer maður bara að skammast sín fyri hvernig liðið spilar. Önnur lið leyfa leikmönnum LFC að leika með boltan á eigin vallarhelmingi og á miðjunni því þeir vita að meira gerist ekki. Svo er bara að setja hraða sókn á Hyypia og vinstri hluta varnarinnar og leikurinn er unnin. Nú er ljóst að það þarf að henda út 30% af liðinu í sumar og kaupa einhverja alvöru leikmenn eða við getum gleymt stórveldisdraumum okkar og gutlað um miðja deild eins og sum liðin sem við erum að tapa fyrir og horft á hin sem við töpum fyrir hirða titla og Evrópusæti. Ömurlegt

Ég er allt í einu ánægður að ég sá ekki þennan leik vegna vinnu.... skrýtið hvað er stutt á milli hláturs og gráturs í þessum leik...

Það bendir allt til þess að stórvægilegar breytingar verði gerðar á liðinu í sumar og þá er ég að tala um hreinsun og komu eins og fimm til sex nýrra manna og ekki einhverjum miðlungs leikmönnum heldur alvöru, klassa leikmönnum...

Jæja þannig fór um sjóferð þá, ég segi það en og aftur að Morientes er miklu betri en Crouch og ég skil ekki þessa ást hjá Rafa á honum. Moro væri alveg pottþétt búinn að skora meira ef hann fengi sömu mínútur og Beinahrúgann, ég þori að hengja mig uppá það.

Traore er ekki alveg að virka í bakverðinum og ég held að hann hljóti að fá sparkið í sumar.

Alonso og Carra voru bestu mennirnir í kvöld, með Kewell á hælum þeirra. Alonso barðist vel og vann ófáa boltana í kvöld en hefði mátt vera heppnari í sendingunum. Það þarf ekkert að tala meira um Carra. Kewell er mest skapandi leikmaðurinn framá við þessa dagana og með tilkomu Fowlers að þá fær hann vonandi einhvern til að skapa fyrir.

Það eru greinilega ennþá draugar frá Húlla á sveimi í kringum liðið, mér fannst full mikið af háum boltum fram á völlinn sem ekkert varð svo úr, hvað varð um þetta netta spil sem liðið var með fyrir áramót, stuttar sendingar, þríhyrningar spil og boltar fyrir úr hornunum, ég lýsi hér með eftir Liverpool spilinu frá níunda áratugnum.

Sissoko er ekki alveg tilbúinn í baráttuna leik eftir leik, mér finnst vera meira jafnvægi og betra spil með Hamann á miðjunni.

Dúddi var ágætur í kvöld og varla hægt að kenna honnum um mörkin í kvöld, mér fannst sem sóknarmaðurinn hefði einfaldlega misst jafnvægið er hann reyndi að taka á móti erfiðaðri sendingu.

Ég held að Hyypia fá alveg örugglega hvíld í næsta leik og ætla að spá liðinu svona á móti Wigan: Dudek, Finnan, Carra, Agger, Riise, Garcia, Alonso, Hamann, Kewell, Morientes og Cisse.

Hafið góðar stundir,

Ég verð nú bara að segja að mér fannst Cisse vera yfirburðarmaður í þessu liði í kvöld. Eini sem var skapa eitthvað svo ég veit ekki af hverju það er verið að bauna yfir hann. Kominn tími á að hvíla Peter Crouch í svona 10 leiki.

Er ekki rétt að slaka aðeins á?! Liðið er greinilega í niðursveiflu um þessar mundir, eins og flest lið lenda gjarnan í á löngu og ströngu keppnistímabili.....okkar tímabil hefur reyndar verið EXTRA langt sökum forkeppni CL. Þreytumerki komu svo sannarlega í ljós í kvöld.....Hyyppia greyið leit skelfilega út. Við höfum lengst af tímabilsins leikið mjög vel og svo sannarlega um mikla framför að ræða frá s.l. keppnistímabili. Sýnum Rafa og sveinum hans þolinmæði þegar illa árar.......þó að svona tímabil séu vissulega ALLTAF HUNDFÚL ! Eins og svo margoft hefur komið fram þá vantar okkur markaskorara og Rafa veit svo sannarlega af því. Púsluspilið er ekki fullmótað hjá honum enn vantar nokkur stykki, þau koma....ég hef fulla trú á mínu liði, en er samt sem áður sársvekktur með frammistöðuna í s.l. leikjum. YNWA

Halló halló, hvenær tók Gerard Houllier aftur við liðinu? Spilamennskan í kvöld er til háborinnar skammar!! Ég fékk þvílíkt flashback og mundi hvernig liðið var þegar Houllier var með það.

Hvað er þetta með þessa fokking háu bolta fram? Hvar er spilamennskan sem að þetta sama lið hefur verið að spila meirihluta tímans síðan Benitez tók við liðinu,? þ.e. spila stuttar sendingar manna á milli og opna helvítis vörnina hjá andstæðingunum.

Mikið ofboðslega er framherjar okkar mikið SHITE, þarf ekkert að fjölyrða um það meira, ég verð bara ennþá meira pirraður að hugsa um það.

Bara til að nefna dæmi um það hvað við vorum ömurlegiri í leiknum, þá áttum við bara EITT skot úr opnu færi!! Og það var þegar Morientes skaut að sjálfsögðu beint í hinn frábæra markvörð Charlton Thomas Myhre. Að ná ekki að opna hina hripleku vörn Charlton er bara grátlegt.

Enn og aftur sést það hvað Hyypia er viðkvæmur fyrir hröðum framherjum. Á tímabili var maður ekki klár á því hvort að hann var að dekka Darren Bent eða Ronaldinho, svo auðveldlega fór hann fram hjá honum. Það var að vísu ekkert heldur sérstaklega traustvekjandi að sjá Traore eða Dudek inná vellinum. Ekki það að Dudek hafi verið að gera einhverjar gloríur í leiknum, set samt spurningarmerki við seinna markið, bara út á það að láta klobba sig.

Jæja, ég er aðeins búinn að létta af mér, en er samt ennþá alveg brjálaður yfir aulaskapnum í þessum leik. Arrrggg

Gotti, þú verður að gera greinarmun á gagnrýni á liðið og því að missa alla trú á það.

Ég er verulega fúll og langaði að öskra á leikmennina í kvöld. En ég hef hins vegar fulla trú á að liðið sé á réttri leið. Það er bara ekki komið jafnlangt og við hefðum viljað telja okkur trú um fyrir nokkrum vikum.

Það verður hreinlega einhver sóknarmaður að standa upp og hrökkva í stuð. Annars líst mér illa á restina af tímabilinu.

Ég sá leikinn og mig verkjar ennþá í augun....og í öllum líkamanum að hafa pínt mig að horfa á þessa hörmung í 90 mínútur...

Þetta er lélegasti leikur okkar manna í vetur...við vorum bara gjörsamlega steingeldir framávið... Cisse er bara ekki að finna sig í þessu liverpool liði ..sem er algjör synd því hann er hafsjór af hæfileikum...hann gerir lítið annað en að pirra sig yfir félögum sínum og sínu eigin getuleysi að koma helv....boltanum á rammann...

Nú þegar mest reynir á okkar menn þá er bara eins og liðið sé gjörsamlega sprungið á limminu...

Ég er ekkert orðinn neitt smá pirraður yfir þessari setningu...."Liverpool stjórnaði leiknum og spilaði vel en tapaði samt......" arrrrrrrrrrrgggg

Það sem skiptir máli í fótbolta er að skora mörk...það er það sem telur....

Ég vil setja Garsia á hægri kanntinn og Gerrard á miðjuna.... Þar sem við höfum ekki pongolle vil ég hafa cisse fremstan og aðlaga spilið meira að honum....því verðum að fara að slútta með mörkum...og ég held að Cisse sé betri slúttari en Crouch..... Fjandakornið ef eggið vill ekki koma til þín þá er að færa eggið að hænunni. Tími til kominn að reyna nýta Cissé...láta hann slútta...láta hann skora...koma honum á sitt egóflipp ....þá fáum við í það minnsta mörk út úr honum....

Eitt er víst að Benites þarf alvarlega að brjóta sóknarleikinn upp....því þetta er ekki að ganga upp eins og er....það er deginum ljósara...

Áfram Liverpool

Ja hérna hér og nú tek vel undir þessi orð >>>>"Ég er allt í einu ánægður að ég sá ekki þennan leik vegna vinnu....<<<<

... úff mig dreymdi um þetta tap EKKERT GRÍN!!! Það var að vísu Carson í markinu og og og tvö núlllllll. Furðulegt og ég gat ekki horft á leikinn vegna vinnu, var ég í alvörunni búinn að sjá fyrir fram leikinn, getur það verið? Ef svo er þá vona ég að ég vakni upp af næsta draumi því að ég svaf svo ask... vel.

Ó afsakið strákar og stelpur ég hélt um stund að ég væri kominn á vinalínusíðuna heheh.

Það hlaut að koma að þessu að við fengjum S P A R K Í
A F T U R E N D A N N, og ég held að einhverss skór sé fastur þar uppi.

Vona að það sem IAN talar um í pistlinum sínum geti orðið til þess að hjálpa okkur og það STRAX

Avanti Liverpool

Þetta var frekar magnað að sjá þennan leik, vona að leikmennirnir sem voru inn á vellinum verði látnir horfa á hann til að þeir átti sog virkilega hversu misheppnaðir þeir voru!

Dudek átti ágætisleik svosem, hann virtist vera með sjálfstraustið í lagi, sem hefur ekki alltaf verið.

Finnan var allt í lagi, hann réð ekki alltaf við Jerome Thomas en kannski ekki skrítið þar sem hann fékk ekki mikinn stuðning frá kantmanni okkar í þessum leik ( Cisse ) í vörninni og Thomas átti mjög góðan leik!

Carragher var traustur, virtist á tímabili vera að spila báðar miðvarðarstöðurnar. Fékk á sig spjald sem hann hefði auðveldlega getað komist hjá. Hvenær ætla menn að læra að það þýðir ekki að rífast í dómaranum í lengri tíma, að lokum kemur að því að þú færð spjald.

Hyypia var lélegur. Hægur og var út á þekju, besta mínúta hans í leiknum var þegar hann var að labba út af.

Traore var lélegur í bakverðinum, sérstaklega þá í seinni hálfleik. Skánaði þegar hann var færður í miðvörðinn. Vona að hann verði seldur í sumar!

Cisse fílar ekki að spila á kantinum og það sást alveg á honum, sérstaklega í fyrri hálfleik, hann var pirraður og ekki skánaði skap hans við að Spector virtist eiga svar við öllu sem hann gerði nema hraða hans, það voru einu skiptin sem hann komst upp kantinn, en fyrirgjafir hans voru samt ekki upp á marga fiska. Skánaði þó þegar leið á leikinn. Vildi sjá Cisse spila frammi með Fowler undir lokin og Morientes útaf en...

Xabi var fínn, barðist vel, sótti boltann vel í vörnina og bar hann fram, vill sjá hann skjóta meira. Aukaspyrnur rétt fyrir utan teig eru til að skjóta úr! Átti ágætis sendingar en virtist vera stundum einmana við að byggja upp sóknir. Engan veginn tilbúinn að gera sömu hluti og Gerrard sóknarlega.

Sissoko. Góður tæklari, barðist allann tímann en kann ekki að sækja, gefa sendingar eða skapa færi. Ótrúlegt að sjá sendingar frá honum trekk í trekk allt of lausar og oftar en ekki langt frá samherjum sínum. Það þarf eitthvað að fara að taka til í hausnum á honum og sýna honum hvernig á að spila bolta og skjóta. Skil ekki hvað þessi maður var að gera sem framherji.

Kewell. Allt í lagi leikur, hárgreiðslan er að skána við að þetta er komið í eitt tagl en ekki tvö! Hann var að reyna að byggja upp sóknir en virtist oft vera eini maðurinn sem var að því. Átti ágætis hlaup en var í erfiðri stöðu móti Luke Young sem stóð sig ágætlega við að halda honum niðri.

Crouch, lélegur, reyndi að fiska vítaspyrnu alla veganna einu sinni með því að láta sig falla í teignum, það var nánast það skársta sem hann gerði sóknarlega. Móttökur hans voru slæmar sem og sendingarnar, vantar betri framherja með honum en Morientes er...

Morientes var lélegur, hreint og beint, átti eitt gott færi, hefði mátt skora úr því... vona að hann verði seldur í sumar.

Riise, bar lítið á honum, en vörnin þéttist við komu hans inn á!

Kromkamp, hefði mátt koma mikið fyrr inná og þá fyrir Morientes, átti góðar sendingar, hlakka til að sjá meira af honum, liðið var samt búið að gefast upp þegar hann kom loks inná.

Fowler, hann er náttúrulega Guð, þegar hann kom inná virtist hann eiga að redda hlutunum. Hann og Morientes lesa ekki hvorn annan nógu vel, náðu engan veginn saman í þessum leik, vantaði stuðning frá miðju við sóknartilburði þannig að lítið varð úr þeim. Hann var ekki góður en ekki lélegur heldur, kom inná í lið sem var að spila illa og náði ekki að rífa það upp, því miður.

Þessir háu boltar sem alltaf var verið að dæla inní Charlton vörnina voru allt og auðveldir viðfangs fyrir Hermann og félaga, það var allt of lítið af skapandi tilburðum framherja okkar og þá sérstaklega Crouch og Morientes. En við getum sætt okkur við að leiðin hlýtur bara að liggja upp á við frá þessum leik!

Mér finnst bara ömurlegt þegar menn eru að "drulla" yfir liðið/einstaka leikmenn þegar illa árar.....liðið er lofsamað einn daginn og allt ómögulegt hinn daginn. Gagnrýni á alltaf rétt á sér en finnst oft á tíðum skrítið hvernig skoðun á ákveðnum leikmönnum og jafnvel liðinu breytist svakalega leik frá leik. Þessi ófaglega gagnrýni er vissulega ekki hjá öllum þeim er hér skrifa, takið til sín sem eiga! Takk fyrir frábæra síðu sem er svo sannarlega vettvangur#1 hjá sönnum LFC aðdáendum Íslands. YNWA

Ég tek undir með Stjána að mér finnst Morientes betri en Crouch. Þá vil ég hrósa Cisse sérstaklega fyrir leikinn í kvöld. Mér fannst hann bara ágætur.

Charlton er með góða fljóta sóknarmenn. Ég vil ekki kenna neinum um mörkin en segi bara - vel gert Bent.

Það er eitt sem ég vil þó benda á. Senterarnir okkar eru að koma allt of aftarlega á völlinn. Kannski er það v.þ. að vörnin okkar vill ekki spila hátt uppi og kannski vill Rafa einfaldlega hafa það þannig. Við vorum einu sinni dæmdir rangstæðir í kvöld - Fowler - hinir senterarnir voru jafn langt frá því að verða rangstæðir og þeir voru að skora.

Þessi vinna sem Morientes er að leggja á sig finnst mér vera rugl. Hann er bókstaflega út um allan völl. Hann á að spila miklu ofar á vellinum. Enda sást það marg oft í leiknum að hann varla náði að koma sér inn í teig. Það sama má svo segja um Crouch.

Svo er að mínu mati alger óþarfi fyrir sentera að vera að eyða allri þessari orku í varnarleikinn. Ekki eyða bakverðirnir okkar mikilli orku í að sækja. Spila bara einfalt. Steingrímur Jóhannsson er eini leikmaðurinn í heiminum sem gat varist einn á móti 4 varnarmönnum. Ef Morientes ætlar að eyða allri þessari orku í hlaup um allan völl er útilokað að hann eigi eftir sprengikraft til að stinga sér fram fyrir varnarmenn í fyrirgjöfum.

Ég er afar lítill aðdáandi Finnans. Af hverju? Sko - Finnan fær boltan út á kannt í stöðunni 0-2 og 5 mín eftir. Í stað þess að taka sénsinn og vaða upp kanntinn sendi hann til baka á Carrager minnir mig. Carrager tekur þá á rás upp kanntinn og berst af harðfylgi og fær að lokum horn. Ef þetta hefði mistekist hefðu örugglega einhverjir gagnrýnt Carrager. Málið er bara að hann var að reyna - tók áhættu - reyndi að sóla og skapa mark. Þetta finnst mér Finnan algerlega skorta. Hann gerir aldrei - aldrei - aldrei gæfu muninn fyrir liðið. Enn hann er góður atvinnumaður, traustur og allt það. Það er líka kannski v.þ. að hann gerir akkúrat ekkert meira fyrir liðið en hann þarf til að hanga inn á. Það sama má svo segja um Riise sem ég set í sömu catagoríu og Finnan. Riise er þó mun hættulegri fram á við.

Andsk. ætlaði ekki að taka gremju mína út á Finnan enn einu sinni. Vona bara að þið skiljið pointið.

Kalt mat - þá var liðið að standa sig ágætlega í dag. Óheppnir að fá á okkur þessi tvö mörk. Hemmi Hreiðars frábær í vörninni. Alveg geðveikislega góður. Svo þarf bara einhver að segja sóknarmönnunum okkar að hanga frammi.

Áfram Liverpool!

Það er ótrúlegt að horfa upp á þetta lið þessa dagana. Sóknarlína okkar er engan veginn að finna sig og allir setja traust sitt á að Fowler komi inná í engu formi og klári leikina(þar á meðal ég). Hversu slæmt er þetta þá orðið.

Hvað er málið með þessa háu bolta fram, Hemmi leit út eins og besti miðvörður deildarinnar á móti sóknarmönnum okkar.

Með Crouch frammi detta menn í að senda langa og háa bolta frá vörninni trekk í trekk. Hversu margir af þessum löngu boltum skila sér í því að Crouch skallar boltan innfyrir vörnina á Moro, einhver? Ég veit svarið engan NÚLL, því spyr maður sig afhverju er þá verið að dæla þessum boltum fram í stað þess að byggja upp gott spil.

Það er ekki spurning að Moro spilar mun betur ef Crouch er ekki með honum í sókninni. Þessu hef ég haldið fram í allan vetur. þeir eru of líkir leikmenn til að spila saman það er svo augljóst að manni verkjar í augun.

Cisse var svosem ágætur í leiknum, en hvar er boltatæknin? Þar að auki á gaurinn við sálræn vandamál að stríða. Hann tuðar stanslaust í samherjum sínu ef botlinn fellur ekki akkúrat fyrir lappirnar á honum og svo gefst hann bara upp, hættir. Cisse hætti og fór að væla það oft í seinnihálfleik að ég var orðinn brjálaður. Þessi gaur er sjálfum sér verstur og hefur ekki rétta hugarfarið. Ég veit ekki hvort að sáli 2 á dag myndi bjarga málunum, en það má reyna.

En hvar var Garcia, fyrir utan Gerrard þá að hann lang líklegastur af okkar mönnum til að skora. Við verðum að spila á honum ef Gerrard er ekki leikfær.

Nú bendir allt til þess að við munum upplifa annað tímabil án þess að einhver sóknarmanna okkar skori yfir 10 mörk í deildinni. Hvað finnst mönnum um það? Er það viðunandi fyrir klúbb eins og Liverpool?

Benitez tala um að það vantaði fleiri krossa inn í teig til að nýta Crouch og Moro sem best. Ekki vantaði krossana í þessum leik, sérstaklega í fyrrihálfleik, en hver varð útkoman 0 MÖRK. Ætli vandamálið liggi ekki frekar í getu þeirra til að skora mörk heldur en einhverju öðru. t.d. hvernig fór Moro að því að klúðra dauðafærinu í seinnihálfleik. Góður slúttari (Crespo) hefði klárað þetta með marki.

Við verðum að læra að lifa með þessu út þetta tímabil og vona svo hið besta í sumar.

Kveðja Krizzi

En þessi leikur var bara slys...hvernig datt honum í hug að Cissé útaf sem var sennilega að spila sinn besta leik fyrir félagið! Af hverju ekki Morientes og Cissé fram!!! seisei...en maður sá það bara í þessum leik hvað okkur vantar rosalega mikið almennilegan striker! Sást að alltaf þegar Charlton sótti fram var einhver hætta! Fengu 2 sóknir í seinni hálfleik og skutu í slá í fyrri og stöng í seinni! Hvað fengu liverpool margar sóknir sem náðu ekki einu sinni að enda á skoti ????

En þýðir ekkert að gefast upp núna..liðið klárlega á réttri leið og smá lægð fær mann ekki til að snúa baki við liðinu! Bara halda áfram að leika vel og landa þessu 2.sæti (...og helst leyfa Morientes að fara!)

Finnst þetta fín "skýrsla" hjá Einari og hér eru mín svör:

1-Fernando Morientes
2-Í fyrra
3-Gerir ekki mikið annað og Gunni S getur varla verið að kalla það "að vera sá eini sem skapaði eitthvað"!!!
4-Ég vil Moro út og mögulega Cisse. Fá Kuyt og Owen í liðið, eins og einhver minntist á fyrr hér á síðunni.
5-Já, já, Kristján Sigurðsson er verri held ég...
6-In Rafa we trust er mottoið og eitthvað virðist hafa verið að með dagskipunina...
7-Veit ekki
8-Þá væri hann stærsti maður í heimi frá upphafi og myndi skalla með einhverju öðru en hausnum held ég...
9-Eins og fleygt hefur verið fram þá er Sissoko gæðakaup, ég held að hann muni skora nokkur mörk í framtíðinni...
10-Þyrfti að sjá frænkuna in action til að dæma...
11-Veit ekki, leikurinn væri enn í gangi og menn hafa jú skorað á síðustu mínútunum, ég giska á nei samt
12-Það hefði verið fyndið að sjá það...

Það er low-tímabil hjá okkur núna. Leiðin liggur upp á við. Ég trúi ekki öðru en að við tökum okkur á. Er hægt annað?!

Það er kannski bara málið. Það vantar almennilega sóknartengiliði í þetta lið; teknískann hægri kantara sem keyrir á vörnina og gefur góðar fyrirgjafir. Þá þyrfti Morientes til dæmis varla að draga sig svona langt til baka og sækja boltann, heldur legið frammi.

Ég efast ekkert um hæfileika hans til að skora mörk. Það vantar gjörsamlega allan stuðning finnst mér. Ég mundi vilja sjá hann og Fowler saman frammi. Viss um að það gæti orðið gott framherjapar um leið og þeir læra inn á hvor annan.

Ég var að enda við fyrr í kvöld að henda inn mínum þankagangi á liðið og mér fannst menn taka menn dálítið fyrir (Crouch aðalega ásamt framherjunum hinum) og skella skuldinni allri á þá. Það er barasta ekki rétt! Nú sá ég leikinn endursýndan á SKY frá 40.mínútu og var það (samkvæmt þulunum) akkúrat tíminn sem Charlton fór að gera eitthvað. LFC hafði átt leikinn fram að því...well fine! Það sem ég sá af leiknum sem eftir var var hreint út sagt ein hörmung frá markverði til sóknar!

Eg vil minna menn á að fótbolti er LIÐSÍÞRÓTT og að liðið er alls ekki sterkari en veikasti hlekkur þess. Veikasti hlekkurinn er ekkert bara sóknin (nefni ENGIN NÖFN því það skiptir ekki máli því sóknin er steingeld) heldur eru kantarnir algjörlega steeeeeeein dauðir og miðjan gjörsamlega eins dauð sóknarlega og mögulegt er! Hvernig eiga framherjar að fúnkera frammi þegar þeir eru bara alls ekki að fá boltana? Það er engin furða að Crouch eða Morientes geti ekkert skallað þegar boltarnir sem þeir fá eru hreint út sagt hörmung! Þegar þeir loksins fá góðar sendingar þá bregður þeim svo svakalega að þeir panikka og fá boltann bara í hausinn! Gallinn er sá að miðjan ásamt köntum er ekki að smella eins vel með sókninni og hún á að gera. Það er líka rétt að við ÞURFUM að fá mann sem getur sniffað upp færin og gert úlfalda úr mýflugu þarna frammi (Owen? Torres?). Ég meina við spilum með tvo varnarsinnaða miðjumenn á miðri miðjunni (Alonso og Sissoko) og höfum í kerfin 4-5-1 verið að nota stundum Kewell sem tengingu á milli sóknar og miðju sem virkar akkúrat ekki rassgat! Hann þvælist fyrir vinstri kantinum og í þá dettur út hættan á þeim væng. Í kvöld var það Crouch og Morientes frammi og Cissé á hægri kantinum og við vitum að það er ekkert að virka og hefur ekki virkað á tímabilinu ennþá. Það virkaði ekki í kvöld, það mun ekki virka um helgina og það mun ekki virka í miðri næstu viku...ÞAÐ ER EKKI AÐ VIRKA! Það er fínt að lána Pongolle sem að mínu mati er eini sóknarmaðurinn í þessu blessaða liði okkar sem hægt er að nota í 4-5-1 kerfi eða frammi með stórum manni (Morientes t.d.). Æji...ég nenni þessu ekki!

Afsaka stafsetningavillurnar. Þær komu vegna reiði.

Tekið úr leikskýrslu eftir Portsmouth - Liverpool:

Til er fótboltamáltæki sem segir að það sé ávísun á styrk liðs að geta unnið leiki þrátt fyrir að leika illa. Ef við trúum þessu máltæki, þá sannaðist í dag hversu yfirgengilega sterkt Liverpool-liðið er í dag

Ef þetta gengur eftir, er það þá líka ávísun á veikleika liðs ef það leikur vel og tapar?

Jæja, þá er ég búinn að horfa á leikinn. Gerði það vitandi lokatölurnar, sem gaf mér frekar spes sýn á þetta. Ég varð hissa á því sem ég sá, miðað við hvað hafði verið skrifað hér fyrr í kvöld áður en ég byrjaði að horfa.

Morientes og Crouch þurfa að hvíla sig í nokkra leiki, ekki spurning. Djibril Cissé var hins vegar okkar mest ógnandi leikmaður í kvöld og mætti, mín vegna, alveg vera áfram á kantinum í einhverja leiki. Þá gæti Gerrard komið inná miðjuna, því Xabi Alonso (þrátt fyrir að vera góður í kvöld) þarf á hvíld að halda og það strax í gær.

Fyrir utan Cissé var ég hrifinn af frammistöðu Finnan og Kewell. Það var greinilegt að liðið var að rembast og reyna allan leikinn að leita að einhverri leið í gegn, en eins og svo oft áður þá var það bitleysið frammi (og teskeið af óheppni tilviðbótar) sem kom okkur í koll.

Alonso átti sendingu úr aukaspyrnu inní teiginn í fyrri hálfleik. Cissé og Kewell dældu góðum fyrirgjöfum í teiginn. Aldrei var nokkur maður mættur til að ráðast á þessa bolta, þrátt fyrir að við eigum að eiga tvo af betri skallamönnum Englands í dag. Hvar voru þeir?

Crouch fékk svo dauðafæri í fyrri hálfleik en gat ómögulega komið fyrir sig skotinu, á meðan Morientes var hreinlega ekki með eftir fyrsta kortérið eða svo. Hvað er í gangi hérna?

Ég er meira en til í að sjá Robbie Fowler byrja inná fyrir okkur, kannski ásamt Cissé með García á kantinum. Held að jafn sniðugur leikmaður og Fowler myndi njóta þess að finna Cissé í svæði, á meðan Cissé gæti líka hlaupið á varnarmennina og gert Fowler kleift að mæta í eyðurnar í teignum.

Morientes og Crouch, ég bara vill ekki sjá þá í liðinu um helgina. Þeir þurfa hvíld, og ég er hreint ekki viss hvort að 10-leikja hvíld gæti fengið Morientes til að spila betur. Kannski á hann bara ekki meira til í vopnabúri sínu en þetta ... ég veit það ekki.

Hins vegar var liðið alls ekki að leika illa. Vítið var rugldómur en leit illa út við fyrstu sýn, þannig að það er erfitt að vera brjálaður yfir því, en svo áttu þeir aldrei að fá að skora annað mark strax í kjölfarið. Slæmt.

Og já ... hvað var ég að hugsa með að biðja um Djimi Traoré í byrjunarliðið? Það er orðið svo langt síðan maður sá hann spila, að ég held að einhver nostalgía frá því í fyrra hafi gripið mig. En vá, hvað við vorum óstöðugir með hann í bakverði. Riise þarna inn bara, held það sé besta/skásta lausnin.

Miðað við það sem við höfum séð sl. tvo leiki vona ég að við sjáum eftirfarandi lið gegn Wigan á laugardag:

Dudek - Finnan, Carragher, Agger, Riise - García, Alonso, Sissoko, Kewell - Fowler, Cissé.

Og svo um leið og Stevie Gerrard er orðinn heill þarf Alonso að fá hvíld. Ekki seinna en í gær.

Er Alan Curbishley vangefinn? Hann sagði að Liverpool hefði spilað frábærlega í kvöld!

Curbishley er ekkert vangefinn. Hann er meira að segja nokkuð samkvæmur sjálfum sér ... hann veit að liðið hans komst með þrjú stig og tvö mörk frá leik sem þeir áttu meira og minna ekki neitt í.

Við spiluðum kannski ekki frábærlega, en við spiluðum vel ... verst að við getum ekki keypt okkur mark á tombólu þessa dagana.

Kristján, ég tók nú bara svona til orða. Veit vel að hann er ekki vangefinn. En þetta er nú bara versti leikur sem ég hef séð Liverpool spila í lengri tíma - og ef þér fannst við vera að spila vel í gær þá þarf nú eitthvað voðalega lítið til að gleðja þig!

Djöfull geta menn verið miskunnarlausir...

Mér finnst þið bara ekki vera alvöru stuðningsmenn, í fyrsta lagi að gera lítið úr Sissoko og hans færni ? Hvað hafiði séð Makalele skora mörg mörk ? Í mínum bókum er Sissoko alger snilld, hans hlutverk er hreint ekki að skora mörk.

Haldiði virkilega að eitthvað lið geti spilað 70 leiki á keppnistímabili án þess að eiga slakan dag ?

Ég segi bara ú á ykkur og áfram Liverpool.

Er ekki réttast að telja upp á 10 og róa sig aðeins niður....... Þetta var fínn leikur hjá okkar mönnum EN greinilega eru menn í einhverri LÆGÐ hvað markaskorun varðar (vill bara minna fólk á að athuga stöðu t.d. Arsenal á þessari leiktíð.... lið sem hefur nærri ávallt verið fyrir ofan okkur)

Doddi kom með ágætis svarlista yfir þessum spurningum..... Samþykki hann

Ég vil samt sem áður spyrja enn og aftur hvað er með þennan Crouch....? það skiptir engu máli hvort hann væri 3 metrar eða 1 metri, maðurinn getur bara ekki skorða nema fyrir ALGJÖRA HEPPNI...... Það besta sem gerðist í þessum leik, fannst mér, þegar þessi slánni fór útaf.....!

Ég vill taka undir með Sævari Helga, kantspilið er ekki að fúnkera. Miðjan nær ekki að stíga upp völlinn meðan kantarnir ógna ekki, meðan miðjan stígur ekki upp völlinn styður hún ekki sóknarmennina. Morientes Þarf að fá að spila fyrir framan varnarlínuna við Gerrard og með möguleika á dreifingu út á kantinn. Cisse/Fowler þarf að liggja í línunni með ógn sem losar varnarlínuna upp og opnar fyrir stungurnar frá Morientes og Gerrard eða stungunum fyrir frá köntunum. Morientes þarf að hafa séns til að vera staðsettur í teignum, þegar fyrirgjafirnar koma, því nær hann ekki ef hann er að spila vörn með Alonso.

Í mínum bókum er Sissoko alger snilld, hans hlutverk er hreint ekki að skora mörk.

Sissoko er einn af tveimur miðjumönnum okkar. Hann spilaði sem framherji með Auxerre og hann spilar það framarlega fyrir okkur að hann kemst oft í skotfæri. Því er það bara djöfulsins kjaftæði að afsaka hann með því að það sé ekki "hans hlutverk" að skora mörk.

Það eiga allir leikmenn liðsins að geta skorað mörk eða allavegana hitt á rammann þegar þeir komast upp að vítateig andstæðinganna. Sissoko hefur fengið fjölmörg tækifæri til þess í vetur án þess að úr því hafi orðið eitt einasta hættulegt skot.

Og ég er fullkomlega ósammála því að Cisse hafi verið góður í leiknum. En ég reyndar í leikskýrslunni gleymdi að minnast á það hve Crouch var lélegur.

Sammála Kristjáni, það næsta er að leyfa Fowler og Cisse að spreyta sig frammi. Þeir geta ekki hugsanlega verið lélegri en Crouchientes.

Við höfum nú oft séð Sissoko taka betri skot og gefa betri sendingar en í gær - og bara eiga betri leik. Þetta var kannski ekki alveg hans dagur. Hann fer að bomba þessu inn von bráðar!

Ég er mörgu leiti sammála Kristjáni en mér fannst Cisse ógnandi á kantinum og hann var ávallt að reyna.

Mér finnst skrítið að enginn hefur minnst á þátt Dudek í leiknum í gær. Hvað var málið með þetta víti og síðan fá skot frá Luke Young í gegnum klofið á sér? Úffff....

Crouch var lélegur í gær, basicly eins og mér finnst hann alltaf. Flækifótur sem kann ekki að skalla.

Morientes er alls ekki að finna sig og tel ég næsta víst að hann fari í sumar.

Traore var mjög óöruggur og nýtti tækifæri sitt illa (líkt og Warnock í síðasta leik). Mér er illa við Riise en hann er skástur af bakvörðunum.

Alonso var mjög dapur í gær. Lélegar sendingar, hornspyrnu, aukaspyrnur og almennt andleysi.

Hyypia var slakur í gær og hálfpartinn áhugalaus.

ÞAÐ SEM ER MEST ÓÞOLANDI ER AÐ VIÐ GETUM EKKI SKAPAÐ OKKUR NEIN FÆRI. Eitt dauðafæri á 90 mín. gegn Charlton! Halló!

Hvað um þetta þá hefur Rafa framundan næg verkefni að koma liðinu á rétta braut aftur áður en allt fer í vaskinn.

1 stig af síðustu 12 er ekki góð uppskera. Tökum næstu 12 af 12.

Aggi, vítið var náttúrulega ranglega dæmt. Það sást greinilega í endursýningunni að Dudek komst aldrei í snertingu við Bent. Hitt markið myndi ég segja að sé gjörsamlega því að kenna hversu yfirnáttúrulega SLOW Sami Hyypia er orðinn!

Ég er mjög feginn ef þær fréttir reynast sannar að Liverpool sé að kaupa hinn unga og bráðefnilega argentíska miðvörð Gabriel Paletta. Hyypia er því miður bara að syngja sitt síðasta.

En það má eiginlega segja að þessi tvö mörk skipti heldur ekki máli því við vorum hvort sem er gjörsamlega getulausir fram á við! Charlton voru líklegri til að bæta við tveim mörkum en við að jafna. Þeir áttu þarna skot í stöng og slá.

Þessi leikur var mjög skrítinn. Byrjar bara eins og alltaf, við ráðum leiknum, stjórnum spilinu. Svo koma tvö góð mörk, þar sem ein sending kemur mönnum í gegn. eftir það er bara farið í long ball. bara dúndrað fram og ekkert hugsað. kewell og cisse skiptu aðeins um kant og ég hugsaði, hei fín hugmynd, en þá var náttúrulega hætt við þetta aftur. Svo spiluðum við aftur fótbolta síðustu 10 mínúturnar í leiknum. Það var í raun of mikið ráðleysi stóran part af leiknum, sóknarmenn að spila of aftarlega, miðjumenn ekki að fylgja með inní teig og alltof mikið af háum löngum boltum. Hermann leit svo vel út í þessum seinni hálfleik. Draumaleikur fyrir hann að fá að stanga burtu 50 bolta. Gekk ekkert hjá Morientes allan leikinn en samt spilaði hann allan leikinn. En nú þarf bara að setja undir sig hausinn og vinna á laugardaginn. mér er alveg sama hvernig!

Strákar, held að það væri ekki vitlaust að rifja upp pistilinn sem þið settuð inn fyrir nokkrum dögum um hvort kominn væri þreyta í liðið....

Hann á ágætlega við núna þegar liðið er búin að spila samtals 42 leiki sem er 2 leikjum meira en Tottenham mun leika á öllu sínu tímabili.

Lausn á vandamálum okkar: 1. Skipta út tveimur sóknarmönnum (Cisse og Morientes) og kaupa tvo í staðinn (Kuyt og Defoe) sem kunna að skora mörk). Fáum 10-15 millur fyrir Cisse og Morientes og kaupum Defoe og Kuyt á 20-25 millur. 2. Kaupa hægri kantmann sem getur tekið menn á og er með góða krossa (Simao Sabrosa). Ekki mann sem getur bara sparkað bolta fram og hlaupið og gefið upp í rjáfur=Cisse. 3. Kaupa "náttúrulegan" vinstri bakvörð (ekki vera með mann sem kann varla að spila vörn eða sókn=Riise).

Þetta verður að gerast í sumar ef við ætlum að eiga einhverja glætu á að keppa við Chelsea um titilinn!!!

Mummi, það er rétt að þreytan er áhyggjuefni.

En hins vegar, þá er þetta með sóknarleikinn ekki bara þreyta. Morientes getur ekki hugsanlega verið þreyttur og það sama á við um Cisse. Þetta vandamál virðist vera alvarlegra en svo.

Við megum líka ekki gleyma því að sigurgangan var fyrst og fremst frábærri vörn að þakka. Við vorum oft að fá ótal færi án þess að ná að nýta þau. Munurinn á því tímabili og núna er hins vegar að þá tókst okkur að pikka inn einu til tveimur mörkum úr 20 skotum, en núna skorum við ekkert úr 15 skotum.

Ég er alls ekkert að tapa mér í einhverri svartsýni, en ég bara á erfitt að sjá hvaðan mörkin eiga að koma einsog liðið er skipað núna.

Hallast einna helst að því að láta Cisse fá sjens þarna frammi. Já, og gefa honum Prozac, svo hann hætti þessari fýlu.

Ég vil eiginlega frekar notar Garcia þarna hægra megin. Hann er ekki sá sem dælir inn krossum hægra megin frá en hann er hann sem getur gefið okkur þetta óvænta sem okkur vantar núna. Við erum einfaldlega of "predictable".

Flest lið sem við spilum við þessa dagana eru þannig að þau liggja langt tilbaka á móti okkur og leyfa okkur að dútla í friði út á velli (ManUtd, Chelsea, Charlton). Í leikjum sem slíkum er Garcia fínn, þótt að honum mistakist í 7 af 10 skiptum af að gera einhver trix þá tekst honum svo oft að poppa upp í vítateignum og ná þessum svokölluðum "second balls" sem framherjar okkar eiga svo erfitt með.

Já, Mummi, ég var semsagt að tala um að hafa Cisse frammi. Ég get ekki fyrir mitt litla líf skilið af hverju Luis Garcia fær ekki að spila þessa dagana. Hreinlega get ekki skilið það.

var ekki carcia meiddur í nokkrar vikur? Hefur hann ekki bara komið aðeins of snemma tilbaka. Eða Rafa að passa uppá að hann meiðist ekki strax aftur. Hef enga trú á öðru en hann hefði notað hann í þessum leik ef hann var 100%

Fannst Cisse vera líflegastur en mér finnst að hann verði að fá séns sem senter. Að mínu mati er hann eini framherjinn sem ætti að geta skorað reglulega. Morientes nær sér bara ekki á strik á Englandi og ég held að dagar hans séu taldir. Fowler bjargar engu. Hann er ágætis viðbót, en ekkert meira en það. Með þessu áframhaldi hljótum við að sjá verulegar breytingar á framherjum í sumar.

ég varð barað koma með comment nr. 40... til hamingju og megi þetta vera tákn um þáttaskil hjá framlíinu LFC

Cisse var klárlega hættulegasti maður okkar í kvöld, það vantaði hinsvegar að framherjarnir mættu í fyrirgjafirnar frá honum. Rugl víti og skrýtnar skiptingar hjá Liverpool, tekur crouch útaf og svo er dælt háum boltum inni teig, þegar stærsti maðurinn er farinn! Cisse átti að spila allan leikinn, Mori átti að fara útaf! gat bara ekki neitt! Og það kom ekkert útúr Kromkamp, leitaði bara inná miðjuna!