Ég sé ekkert að svæðisvörninni sem slíkri. Vandamálið með hana, ef vandamál mætti kalla, er það að að hún er háð þeim leikmönnum sem eru að verjast. Rétt eins og einstakir leikmenn geta klikkað í mann-á-mann varnarkerfi, þá geta menn líka klikkað í svæðisvörninni.

Dæmi: Kromkamp og Alonso rekast saman gegn United, þannig að Kromkamp nær ekki að dekka sitt svæði nógu vel og Rio Ferdinand skorar. Það er varla hægt að skamma Kromkamp fyrir þetta, þetta var slysalegt og óheppni, en svona er þetta samt. Ekkert að kerfinu, bara mannleg mistök.

Dæmi: Boltinn kemur út í teiginn úr hornspyrnu Chelsea, þar sem Ricardo Carvalho skallar hann í átt að marki. John Arne Riise, eins og nokkrir samherja hans, gerir þau mistök að stíga út úr sinni stöðu þar sem boltinn er dottinn niður talsvert utar en hann er staddur, og hann er svona ósjálfrátt að fylgja boltanum á leið sinni út úr teignum. Þannig að þegar boltinn dettur skyndilega til baka og niður á svæðið sem Riise átti að dekka er hann ekki þar. Mark.

Eins og Howard Wilkinson skýrir frá í þessari grein hér að ofan, þá eru rétt um þrjú af hverjum hundrað mörkum sem skoruð eru úr föstum leikatriðum, skoruð í fyrstu tilraun. Þ.e.a.s., þrjú af hverjum hundrað eru skoruð með þeim hætti að boltinn kemur inní teiginn og einhver skallar/skýtur honum að marki og skorar. Sem þýðir að hin 97 mörkin af hverjum 100 eru skoruð úr fráköstum eftir fyrstu tilraun að marki. Hugmyndafræðin að baki svæðisvörn er að láta bestu skallamennina dekka mestu álagssvæðin, og láta svo hina setja allt sitt í að vernda markið fyrir öllum lausum boltum í teignum. Þannig að sama hvar boltinn detti niður laus eftir t.d. skallaeinvígi, þá er alltaf Liverpool-leikmaður á því svæði til að hreinsa hann frá.

Ricardo Carvalho á fyrsta skallann, fyrstu tilraun að marki, og William Gallas á síðan seinni tilraunina. Riise gerir þau mistök að hætta að verjast eftir fyrstu tilraun, og vernda ekki sitt svæði fyrir annarri tilrauninni. Það má ekki gerast.

Þannig að, það er ekkert að kerfinu þótt við höfum fengið á okkur tvö mörk úr föstum leikatriðum undanfarið. Mark Rio Ferdinand kom til vegna óheppilegs slyss sem gerði Kromkamp ókleift að verja sitt svæði, á meðan Gallas skoraði vegna mistaka eins leikmanns.

Þetta er einmitt týpískt. Við fengum á okkur nokkur mörk úr föstum leikatriðum (þar af tvö í sama leik á móti United) fyrst eftir að Rafa byrjaði og þá voru allri á því að þetta væri algerlega fáránleg varnaraðferð. Svo nær liðið tökum á þessu og við fáum svo til aldrei á okkur mark úr föstum atriðum. Þá heyrist ekki múkk í neinum. RÚMU ÁRI síðar, þegar m.a. er búið að slá met í að halda hreinu, koma nokkur mörk með stuttu millibili og þá er allt orðið ómögulegt aftur...

já þetta er ávallt sama steypan. Ég treysti Rafa fullkomlega fyrir þessu...

Þetta er tímabundið ástand.

Aggi og Kiddi. Ég held að menn treysti Rafa alveg fyrir þessu og séu ekki að bögga svæðisvörnina núna, heldur einbeitingarleysi ákveðinna einstaklinga sem í henni eru.

Hannes, það er einmitt sem ég var að reyna að meina. Riise klikkaði í fyrra markinu og Warnock því síðara. Ef menn treysta hvorum öðrum sem og gera vinnu sína rétt þá er þetta einfalt... já ef þetta væri bara svona einfalt

Ég er ósammála. Riise gerir ekki einn mistök. Í fyrsta lagi áttum við að vinna skallaboltann. Í öðru lagi kom boltinn inn á svæðið hans Gerrard en hann hljóp út úr svæðinu sínu. Í þriðja lagi var Gallas upphaflega dekkaður af einhverjum öðrum sem sleppti manninum sínum. Í fjórða lagi gat Finnan vel komið út á móti boltanum og farið í Gallas.

Sko burtséð frá frá þessari svæðisvörn þá eiga menn að fylgja mönnunum sínum. Ef það er ekki gert þá endar það með því að 4 varnarmenn fara upp í einn og sama skallaboltann og þá er voðinn vís.

Það er ekkert meira bjútífúl en að vera inn í teig þar sem enginn dekkar mann og reynir að hindra hlaupin manns o.sv.frv.

Svo finnst mér fáránlegt að kenna Warnock um seinna markið. Hálft skref til eða frá, kommon strákar. Þetta kalla ég ekki að klikka - bara vel gert hjá Crespo.

Bull í þér Hössi. Gallas var ekki upphaflega dekkaður af neinum öðrum en Riise. Finnan reyndi að fara á móti Gallas strax og boltinn barst til hans. Hann gerði allt sem hann gat. Og auðvitað á Warnock að halda línu við miðverðina, það er eitt það fyrsta sem varnarmönnum er kennt í 11 manna bolta! Þessi mörk voru VÍST Riise og Warnock að kenna!

Hannes - .... og allir hinir sem einnig voru í vörn á þessum tíma bera enga ábyrgð. Glæsilegt.

Jú þeir bera ábyrgð á sínum sínum svæðum og sínum mönnum. Riise bar ábyrgð á Gallas og Warnock bar ábyrgð á að fylgja línunni eins og aðrir.

Ég veit ekki hvort ég er einn um þetta eða ekki... en ég vil meina að þetta hafi verið æft hjá Chelsea mönnum... maður sér að þegar boltinn fer út í teig í horninu, að rétt áður en Carvalho skallar hann þá laumar Gallas sér inn fyrir á bak við Riise, vitandi að hann myndi fara framar. Hann gat líka búist við því að enginn væri að dekka sitt svæði sérstaklega vel þar sem hann var örugglega svo utarlega þegar hornið var tekið.

Vil meina að þarna hafi Mourinho fundið lausn á svæðisvörn Liverpool. Kannski er þetta bara rugl í mér, en mér fannst þetta vera rosalega kerfislegt... rétt eins og aukaspyrnuútfærslur Liverpool í fyrri hálfleik.

Fyrirgefði að ég skuli blanda mér í umræðuna en var ekki Finnan á nærstönginni í horninu og Gallas kemur frá svæðinu sem er við fjærstöngina, átti því sá sem var á fjærstönginni að bregðast við frekar en Finnan? Man bara ekki í augnablikinu hver það var sem gætti hennar en gæti trúað að það hafi verið Garcia.

Það var einn ágætlega fróður þjálfari í studio-inu hja Canal+ um helgina og hann fór yfir þetta mark nokkrum sinnum í hægri endursýningu. Það er alveg á tæru að það er Riise sem klikkar, hann hleypur úr sinni stöðu.

Tja þar sem Garcia sat á bekknum þegar Gallas gerði markið þá tel ég það ólíklegt.

Tja þar sem Garcia sat á bekknum þegar Gallas gerði markið þá tel ég það ólíklegt.

ÞETTA VAR RIISE AÐ KENNA!

Æðislegt að kenna Garcia um þetta þegar hann var einmitt einsog Snorri benti á, á bekknum.

Eins og ég sagði að þá man ég það ekki hver það var sem stóð á fjærstönginni og ég var ekki kenna honum Garcia ( eða þeim þá sem var á fjærstönginni) um , ég er bara að benda á að það er ansi langsótt að segja maðurinn sem tekur nærstöngina eigi að hlaupa yfir á svæðið við fjærstöngina ( eða var Finnan ekki á nærstönginni?)

Ég biðst því afsökunar á því að hafa "kennt" Garcia um markið yðar heilagleiki

Fór inná Rúv vefinn og horfði á markið aftur og ég er með þetta allt kolvitlaust, það er Finnan sem er á fjærstönginni og Warnock sem er á þeirri nær biðst forláts á þessum ruglingi í mér en pontið sem ég var að reyna að koma með er engu að síður það að þeir sem eru með stangirnar eru með stangirnar og ekkert annað. Ég hef minni áhyggjur af því sem gerist er við fáum á okkar fast leikatriði og meiri af því sem gerist er við fáum fast leikatriði upp við mark andstæðingana þar við höfum verið steingeldir undanfarið, lausnin gæti verið sú að hætta að láta Gerrard taka aukaspyrnur og horn, hann er allavega lang markahæstur af einhverri ástæðu, hann ræðst á boltann hvar sem hann er.

Góður punktur stjáni. Ég vil sjá Gerrard inn í boxinu. Fáránlegt að drengurinn skuli vera bestur í öllu sem viðkemur leiknum.

Það besta væri ef hann gæti skallað inní sínar eigin fyrirgjafir. Kannski til of mikils mælst.

Annars vil ég að Alonso taki allar horn og aukaspyrnur. Flott spyrna hjá honum á móti Birmingham sem alla jafna hefði átt að liggja í netinu.

Kewell og Gerrard eru það góðir inn í boxinu að ég vil hafa þá þar - og Finnan líka af því að hann er svo frábær atvinnumaður.

Já...Gerrard á að taka þessar aukaspyrnur sem eru í skotfæri en Alonso á að sjá um þær sem eru lengra frá og þannig! ..og svo á Gerrard einfaldlega ekki að taka horn! Man eftir einu (sjitt...bara eitt ) horni á þessu tímabili sem við höfum skorað úr og það var þegar Gerrard skoraði gegn Chelsea á Anfield! Tilviljun eða hvað...??