Þetta var rosalega lélegt

Sko, þessi úrslit segja að maður á ekki að bóka sigur fyrir fram, það er ávísun á að tapa stigum.

Grátlegt, eina jáhvæða var að Fowler er kominn aftur og ég er sammfærður að hann eigi eftir að skora mest fyrir okkur ef við byrjum að telja núna.

Djöfulsins rugl! Crouch, Morientes og Garcia voru svo ógeðslega lélegir að ég hef aldrei séð annað eins. Og af hverju reyndum við aldrei að komast upp að endamörkum hægra meginn???? Einhver.

Ljósi punkturinn var innkoma Robbie Fowler. Mikið svakalega er meiriháttar að hann skuli vera að spila fyrir Liverpool. Ég hef alltaf á tilfiningunni að hann muni skora.

Garcia ufff. Að eiga 25 skot á móti 3 og fá eitt stig meðan allir aðrir sem skipta máli eru að tapa stigum er ömurlegt... og á heimavelli... líður verr núna en eftir ManU. leikinn....

Hvað er hægt að segja um svona framistöðu. Einum fleiri meirihluta leiksins drulla svo einu heppnismarki og jafna svo leikinn sjálfir þegar ekki er útlit fyrir að B'ham geti gert það. Þetta er það allra daprasta sem maður hefur séð lengi og ég vil biðja menn að vera ekki að ímynda sér að þetta lið geti ógnað einhverjum. Til að ógna öðrum liðum verða menn að geta skorað mörk. Þvólík DRU...

Nokkrir ljósir punktar.

1. Agger stóð sig að mínu mati vel. Hann átti eina slæma sendingu, en annars virtust hann og Hyypia alltaf hafa hlutina í hendi sér.
2. Harry Kewell var að mínu mati frábær í leiknum. Það er greinilegt að sjálfstraustið hans er í toppi.
3. Robbie Fowler.

Fyrir utan þá var þetta ólýsanlega svekkjandi. Hvernig í andskotanum okkar mönnum tókst að tapa þessu niðrí jafntefli get ég ekki skilið.

Þetta er að mínu mati stærsti gallinn við þetta Liverpool lið. Af einhverju ástæðum tekst okkur alltaf að láta alla markmenn mótherjanna líta út einsog Gianluigi Buffon. Það getur hreinlega ekki verið tilviljun að markmenn séu alltaf bestu leikmenn mótherjanna. Nei, það hlýtur að vera eitthvað verulega mikið að nýtingu okkar á færum.

Þessi leikur átti að vera löngu búinn og það er óþolandi fávitaskapur að tapa svona leikjum niður í jafntefli. Ég er verulega fúll!

Ég botna ekki þetta að þið reynið að finna jákvæðan hlut við að gera JAFNTEFLI VIÐ BIRMINGHAM HEIMA!!! Þetta var í raun leikur sem við stjórnuðum frá 00:00 til 93:00 og við NÁÐUM JAFNTEFLI!! Chelsea tapar stigum og við græðum ekkert á því.....ég hef ekkert annað að segja um þetta kvöld!

Þegar ég horfi ekki á leiki Liverpool af einhverjum ástæðum, stilli ég iðulega á skysports.com og fer þaðan í Live score centre. Þar sé allt info um leikinn, uppfært ótrúlega hratt á hverri mínútu. Við áttum 23 marktilraunir (samkvæmt þeim) á móti 3 hjá Birmingham. Ok, allt í góðu. En þarna getur maður líka séð hverjir í liðinu áttu þessar marktilraunir. Ég ákvað að punkta það niður að ganni. Niðurstaðan varð sú að Gerrard átti 9 marktilraunir, Garcia 7, Peter Crouch 3, Morientes 3 og loks Agger 1.

Hmm?

Ég held að það þurfi varla að segja meira. 6 marktilraunir hjá framherjum þessa liðs af 23 : þeir eru steindauðir þarna frammi !!! - Heimsklassa center sem er 25 marka maður á næsta ári og þá getum við fyrst farið að vonast eftir einhverjum árangri, skútan er svona á nokkuð góðri leið en ég er ekki í rónni fyrr en alvöru kall kemur upp á topp og stýrir þessu fleyi upp í hæstu hæðir. Kannski þreytt umræða um framherjana en staðreynd engu að síður.

mbkv, Áfram Liverpool

alveg með ólíkindum hvað menn geta verið fljótir að sökkva niður í algjört svartnætti þegar svona lagað kemur uppá. Liverpool hefur staðið sig bara þónokkuð vel það sem af er þessu tímabili, sérstaklega miðað við síðasta ár. Menn voru nú bara með það á hreinu að Liverpool tæki deildina þegar vinningshrinan var í hámarki fyrir alls ekki löngu. Núna er vélin að hiksta smá og þá er allt vonlaust.

Mig langar bara að benda mönnum á að Robbie Fowler skoraði með hjólhestaspyrnu (!!!), þó svo að hann væri vel rangstæður. Mér finnst að það ætti nú að gefa mönnum von um bjarta tíma framundan, þó úrslitin hafi verið rosalega svekkjandi.

Ég vona að fáir séu jafn skitsófrenískir í afstöðu sinni til getu og möguleika liðsins og manni virðist miðað við geðsveiflur kommentana hér. Ég efast stórlega um að það sé hollt. Þetta var jafntefli og það var svekkjandi, en kommon, maður getur aldrei reiknað með sigri. Ef möguleikinn á tapi væri ekki til staðar, væri leikurinn þá nokkuð skemmtilegur yfirhöfuð? Á maður ekki bara að vera þakklátur fyrir að sportið skuli allavega vera spennandi, maður myndi nú varla fylgjast með þessu annars.

[ummæli tekin út. Mr Dalglish, ég var búinn að aðvara þig tvisvar og tók það skýrt fram að næst yrðirðu bannaður. Til hamingju, þú ert núna bannaður.]

Sammála toggipop.

Samt hrikalega svekkjandi að klára þetta ekki þar sem fokkings chelskí gerðu bara jafntefli og manjú tapaði(híhíhí). Fowlerinn sýndi flotta takta og ég hef aldrei fagnað einu rangstöðumarki eins mikið og lengi og í kvöld! Sjálfsmarkið var klaufalegt en við vorum líka heppnir að vera ekki búnir að gefa Heskey mark þegar hann skallaði beint í fangið á Pepe. Ég skil stundum ekki þessa dekkningu þarna í teignum hjá okkur.

mig langar að grenja. bara það að liverpool gat sett svona rosalega pressu á þá á síðustu 6 mínútunum hlýtur að þýða að þeir hefðu getað sett þessa pressu á þá strax eftir að liverpool skoraði til að gera út um leikinn áður en þeir fóru að leika sér og vera kærulausir og hægja á leiknum. svo fengu þeir að sjálfsögðu á sig mark á versta mögulega tíma sem eyðilagði leikinn.

Sammála toggapop! Aðeins að róa sig fólk!

Mín skoðun: Mjög góður leikur hjá okkar mönnum, vorum að skapa HELLING af færum og vorum ÓHEPPNIR ekki LÉLEGIR eins og menn vilja meina. Vorum bara að yfrispila þetta lið allan leikinn og vorum óheppnir að skora ekki fleiri mörk og gríðarlega svekkjandi hvernig þeirra mark kom.

Sé að ummæli Mr.Dalglish væru tekin út, en án þess að fara út í orðbragð þá hljómuðu þau nokkurn veginn á þann hátt að Garcia væri vonlaus og um leið og hann væri í liðinu gerðist ekkert. Ákvað í kjölfarið að renna stuttlega yfir þátttöku Garcia frá því að sigurhrinan hófst í október og hún er svona:

Með Garcia: U: 12, J:2, T:1 (þar af varamaður sem kom inn á í 3 U og 1 J)

Án Garcia: U: 3, J: 1, T:1

Svona hefur nú Garcia aldeilis skemmandi áhrif á Liverpool. Lýsi annars ánægju með að þessi ágæti maður yrði bannaður á þessari síðu, því flest hans komment voru gjörsamlega óþolandi og einstaklega ómálefnaleg.

Að því sögðu er ekki hægt annað en að vera pirraður yfir leik eins og þessum í kvöld. Kæruleysi og aumingjaskapur við að klára færin í bland við óheppni er það sem stendur upp úr og mér finnst orðið óþægilega mikið um að við eigum fimmfalt fleiri skot en andstæðingarnir en skorum þrátt fyrir það allt of fá mörk. Til þess var Fowler væntanlega keyptur - nú á að fara að nýta öll þessi færi! En maður getur lítið annað en vonað að þetta hleypi lífi í menn fyrir sunnudaginn...

Ég er nú ekkert sammála að Garcia hefði verið einhver hörmung, hann átti ekki sinn besta leik en hann var þó betri en riise, hann var bara lélegur.

houllier style

Garcia aðdáendur,það er sárt að viðurkenna staðreyndir

En samt gott að þú tekur því svona vel, Hr. Dalglish

Nú veit ég ekki hvort þið veljið alltaf mann leiksins þann mann Liverpool sem hefur staðið sig hvað best í leiknum, en ég verð að segja að Maik Taylor eigi nú skilið að vera valinn maður leiksins að þessu sinni. Ekki Harry Kewell.

Mjög svekkjandi og allt það, en það var eitt sem mér fannst standa uppúr, öðru fremur.

Það kom einhver hér að ofan með þá tölfræði að af 23 skotum okkar á markið áttu framherjarnir okkar 6. Tók einhver annar eftir því að Fowler átti eitt skot...og eitt mark. OK, hann var rangstæður, en hann samt sem áður skoraði úr þessu eina skoti sínu í leiknum.

PS. Mér finnst alltaf jafn kjánalegt þegar liðið hikkstar aðeins eftir ótrúlega gott gengi, en menn skuli leifa sér að drulla yfir allt og alla. Verum fúlir og svekktir, eðlilega, en að drulla yfir allt og alla eins og ofdekruð skólastelpa nær ekki nokkurri átt. Bara mín skoðun!

Þetta er nákvæmlega ástæðan fyrir því að hann var keyptur. Þetta er maður sem nýtir færin sín. Nú er bara að vona og biðja að hann sleppi við meiðsli og hann á eftir að vera okkur ómetanlegur.

Sælir- ég er sammála ykkur í því að auðvitað er skandall að við skulum ekki hafa unnið þennan leik. Yfirburðirnir voru slíkir. Hins vegar er stórt vandamál hjá okkur - við eigum ekki senter sem skorar. Hvað eru senterarnir hjá United búnir að skora mikið? Nist... 18, Rooney 12, Saha 5 ca. svona og við erum með Crouch 4, Cisse 3, Moro 3. Okkar allir ná ekki einu sinni næst besta hjá United. Þetta nær ekki nokkurri átt.

Svakalega var samt gaman að sjá Fowler aftur og takið eftir hlaupunum hans og hreyfingum á vellinum. Hann er alltaf líklegur þó hann sé ekki einu sinni í formi.

Hann verður spái ég besti senterinn okkar í ár, þegar hann verður kominn í form.

Jamm, ég er sammála þessum nokkru skynsemisröddum hérna, sem byrjuðu á kommentum toggapop. Það var margt jákvætt í leiknum í gær og reyndi ég að benda á þá hluti.

En það er líka rétt að þetta getuleysi framherjana okkar er algjört. Öll ógnunin kom frá Garcia/Gerrard/Kewell. Crouch var gjörsamlega tilgangslaus í leiknum og það sama má segja um Morientes.

Ef að statistíkin, sem Clinton kemur með hér að ofan, þá er það náttúrulega fáránlegt. Að Louis Saha sé búinn að skora fleiri mörk en okkar besti framherji er náttúrulega djók.

Ég veit að maður á ekki að trúa á töfralausnir, en ég er farinn að hallast að því að toppframherji sé orðið mikilvægara mál heldur en hægri kanturinn. Ég hreinlega skil ekki hvað málið er t.d. með Fernando Morientes. Hreinlega skil það ekki.

Þú gleymir því að Morientes átti sendinguna á Gerrard í markinu. Hann er búin að eiga nokkrar lykilsendingar að undanförnu en hefur bara bókstaflega ekki verið líklegur til að skora.

Morientes er nú bara meira fyrir þarna inn á vellinum en að gera gagn. Það að hafa gefið eina sendingu sem leiddi til þess að við skoruðum er jú gott. Hefðum við verið með heimsklassa striker í svona leik hefði hann sennilega í versta falli sett þrennu, miðað við hvað við lágum í sókn. Moro var ekki einu sinni líklegur. Hann er algerlega búinn á því. Senda hann til spánar.

En hann er jú spánverji, þeir verða að spila...

En hann er jú spánverji, þeir verða að spila...

Give me a fokking breik!

Fá þá líka alltaf allir Finnar að spila? Hvað með þessa Ástrala, þeir spila í hverjum einasta leik! Og Norðmennirnir! Já, og Írarnir maður. ÍRARNIR!

Tek undir þetta með ofdekruðu skólastelpurnar hjá Benna Jón en að sama skapi skil ég að menn séu brjálaðir. Enn það var enginn í Liverpool að leika illa í gær að mínu mati, enda kannski ekki annað hægt í ljósi þess að við vorum einum fleiri í einhverjar 70 mínútur. Línuvörðurinn var náttúrulega ekkert í tak við andann á Anfild í gær þegar hann flaggaði rangstæðann Robbie rangstæðann.

Mér fannst Morientes eiga það skilið að skora í gær þótt hann hafi nú aldrei verið líklegur, átti bara fínan leik, sérstaklega eftir að Crouch fór útaf. Kewell tvímælanlaust maður leiksins og fannst Agger fínn en það var ekki eins og það reyndi eitthvað á hann. En þetta er einmitt það sem gefur fótboltanum gildi og veitir manni þá ástríðu sem fylgir þessari íþrótt, það er alltaf eitthvað óvænt í þessu.

Svo er það mín skoðun að menn eiga ekkert að vera að láta sig dreyma um þetta fyrst sæti. Mér finnst raunhæfara markmið að taka eitt sæti í einu og ná öðru sæti áður en við stefnum hærra.

Ég verð að segja mína skoðun á liðinu eftir þennan leik. Fyrir það fyrsta er ég hás í dag sökum öskurapagangsins sem gekk á þegar Fowler "skoraði". Það er engin spurning að Fowler er happafengur fyrir okkur, hann kann að skora annað en sumir.

Að stilla saman Morientes og Crouch finnst mér fyrir neðan flestar hellur. Ég hef mikið dálæti á báðum þessum leikmönnum en þeir falla báðir í sama flokk: x-SF. Skapandi Framherjaflokkurinn. Þeir eru ekki þeir flótustu í bransanum en eru mjög skapandi og þurfa því (hvor í sínu lagi) að spila með kraftmiklum "klárara". Þeir félagar falla að mínu mati ekki í þá katagoríu. Cissé átti að vera þessi kraftmikli markaskorari en hann er hreinlega ekki að sýna sínu bestu hliðar þessa dagana. Því fagna ég heimkomu Fowlers því að hann klárar, klár strákur. Annars virkaði á mig eins og Morientes væri með flensu vegna þess að hann var hálf tuskulegur í líkamlegum einvígum.

Agger kom mér á óvart. Hann er snjall varnarmaður, virkar hálf renglulegur á vellinum en er gríðarlega efnilegur og það verður gaman að fylgjast með Carr-Agger miðvarðardúettnum í framtíðinni.

Finnan er stöðugasti leikmaður Liverpool í dag (Teljum Gerrard ekki með). Hann er varnarmaður sem skilar sinnni plikt í hverjum leik og er alveg baneitraður í sókninni, fyrirgjafirnar eru flottar hjá stráknum.

Hamann var flottur í leiknum. Hann hefur ekki spilað mikið undanfarið og það var komið að því að Sissoko fengi að hvíla.

García var mjög fínn í þessum leik, ég held að margir hér á spjallborðinu ættu að skammast sín fyrir ummæli sín um þennan leikmann. Við meigum ekki gleyma því að hann var að stíga uppúr meiðslum. Hann var skapandi og skemmtilegur eins og alltaf. Ég verð að viðurkenna að ég var ekki hrifinn af honum fyrst þegar hann kom til klúbbsins. Hann virkaði á mig eins og hann kynni ekki að sparka í bolta. Hann er oft í einhverju tómu bulli en ég hef þróað með mér orðatiltæki sem hljómar svo: Eftir bullið í Garcia, kemur ulli í andstæðinganna, eitt af hverjum tíu bullum eru tilþrif. Það er svo einfalt.

Kewell er LOKSINS kominn til Liverpool. Það er einhver allt annar maður sem er búinn að vera að spila fyrir Liverpool síðustu ár. Hann fer bráðlega að kallast Harry Potter, þvílíkir eru galdrarnir .

Gerrard er bara Gerrard, það er bara einn Gerrard.

Vonbrigði: Já. Svartnætti:Nei. Það er lægð núna yfir Anfield en spáum því að hún fari frá leikvanginum á sunnudaginn. Sunday bloddy sunday.

Ég tek hjartanlega undir ALLT sem Magnús segir hér rétt fyrir ofan.

Mikið var gaman að sjá Fowler aftur, skemmtilegt að hann skildi "skora" og það svona flott "mark". Ég er ekki frá því að þetta "mark" hafi gert það að verkum að þó ég væri svekktur yfir úrslitunum þá ristu vonbrigðin ekki eins djúpt og ætla mætti.

Magnús - stöðugleiki Finnans felst í því að hann er miðlungs út í gegn. Hann fer aldrei upp að endamörkum aldrei. Hvernig í andskotanum á að skora úr þessum fyrirgjöfum frá honum þegar hann dælir háum boltum frá miðjum vallarhelmingi andstæðingana. Það er nánast ómögulegt. Vil svo benda á það var hann sem gerði varnarmistökin sem leiddu til þess að vörnin riðlaðist og Heskey fékk dauðafærið. Það var hann sem tapaði skallaboltanum á móti Heskey sem markið kom úr og það var líka hann sem tapaði skallaboltanum sem varð til þess að Everton skoraði um daginn. Við höfum varla fengið á okkur fleiri mörk.

Einar - gott að þú skulir vera búinn að sjá ljósið. - Auðvitað þurfum við heimsklassa sóknarmann. Það er það eina sem liðinu vantar. - Auðvitað líta marverðirnir vel út þegar skotgeta senteranna er enginn. Crouch er með ömurlega skottækni. Ekki raðar hann inn mörkunum með skalla hvað þá að hann hafi getu til að koma sér í færi. Fowler er með frábæra skottækni. Ég hélt að Morientes hafði það líka en það er eitthvað í gangi með þann leikmann. Reyndar braggaðist hann þegar Fowler kom inná. Sóknarmenn með slaka skottækni láta markmenn líta vel út. Það sama á við og í handboltanum - bara þar fer þetta ekki á millli mála.

Garcia var ömurlegur í gær eins og ég hef miklar mætur á honum. Djö.. fara þessar hælspyrnur í taugarnar á mér. Við missum alltaf - ég segi alltaf boltann í kjölfarið.

Agger var fínn en hann er ljósárum frá því að vera á sama kalíber og Carrager og Hyypia.

Vinstri kanturinn var frábær í gær og ég ætla að hrósa Riise sérstaklega þó hann hafi aldrei verið í miklum metum hjá mér. Komst ítrekað upp að endamörkum. Líklegur til að skora eða leggja upp mörk og stóð sína plikt óaðfinnanlega í vörninni.

Kewell var lang, lang besti maður liðsins. Hann er akkúrat fordæmið fyrir aðra leikmenn. Sískapandi og alltaf að reyna að búa eitthvað til. Það tekst ekki alltaf en þegar það tekst er hann frábær.

Annars er liðið gott og á réttri leið. Ég hef hins vegar stórar áhyggjur af sárri fátækt Liverpool og getuleysi í samningaviðræðum. Tveir félagaskiptagluggar í röð þar sem hópurinn er styrktur en ekki byrjunaliðið eru sár vonbrigði að mínu mati.

Áfram Liverpool!

Breaking news!

Real Madrid vilja fá Gerrard og Alonso í sumar!!!

Come on! Mér þætti merkilegri frétt ef eitthvað lið segðist EKKI vilja fá þá!

Álíka merkilegt ef Benítez kæmi núna og segði að hann vildi fá Eto'o og Ronaldinho!

Ég meina hver vill ekki fá þessa kalla í sitt lið?

Jammm, geisp!

Ég tek undir orð Hössa með þörfinni fyrir heimsklassa sóknarmann, Mgh með getuleysi Moro og Magnúsar um Moro og Crouch, þeir eru of líkir leikmenn til að spila saman í sókninni.

Annars frábært að sjá hversu gott form Kewell er að komast í. Hann var yfirburðarmaður í sóknaraðgerðum okkar í gær. Vonandi helst hann meiðslalaus út tímabilið, því með hann inná er aðalógnuninn sóknarlegar ekki bara Gerrard.

Snild líka að sjá Fowler í rauðbúningnum aftur, þarf reyndar að losa 5-10 kíló en það kemur allt saman.

Kveðja Krizzi

Ég má til með að svara gagnrýni Hössa á Finnan.

Ég verð að segja fyrir minn part að frekar vildi ég hafa "miðlungs" hægri bakvörð sem fer aldrei upp að vítateig andstæðingsins heldur en réttfættan Roberto Carlos. Það er málið að varnarmenn eiga að spila vörn en fylgja með sóknarleiknum. Til hvers að fá nýjan hægri kantmann ef hægri bakvörðurinn liggur í sókn? Málið er það að hann fylgir mjög vel með sókninni og er opinn þegar öll sund virðast lokuð djúpt á hægri kantinum og það er ekki rétt að segja að ekkert komi uppúr fyrirgjöfum hans. Ég man eftir nokkrum mörkum, hættum og titringi í vörn andstæðinganna eftir fyrirgjafir frá Finnan.

Ég ætla ekki að þræta fyrir varnarmistök hans þar sem ég tók ekki nægilega vel eftir því hverjum var um að kenna.

Er einhver annar hægri bakvörður sem menn vildu frekar?

Þakka annars fyrir skemmtilegar og málefnanlegar umræður. Lifi eoe.is/liverpool.

Krizzi, 5-10 kíló? Hehe..ætlaru að gera hann að einhverjum anorexíusjúklingi? alls ekki meira en 5 kíló!

Ok Magnús. Gott og vel. Ég myndi vilja fá réttfættan Roberto Carlos. Engin spurning að mínu mati.

mér fannst þetta mark sem við fengum á okkur nú vera svoldið rannsóknarefni. Riise er einn á fjærstöng með Buffinu og öðrum leikmanni birmingham. og tapar skallaeinvíginu - ok það gerist. boltinn fer til Alonso sem er eini maðurinn sem er inn í markteig. engin pressa á honum miðað við það sem oft sést inní teig í leikjum. það er eitthvað sem mér finnst svo skrítið við þessa uppstillingu alla.