19. janúar, 2006
Það styttist í LEIKINN á sunnudaginn og er þess vegna ekki úr vegi að líta aðeins nánar á þessa baráttu sem er framundan á Old Trafford. Ég sjálfur er mjög spenntur en skíthræddur… af hverju jú þetta er ekki bara einhver leikur… við erum að spila gegn Man Utd og það er alltaf FRÁBÆRT að vinna þá en ÖMURLEGT að tapa fyrir þeim. Við náðum nokkuð oft að vinna þá þegar Houllier var með liðið en hins vegar enduðu þeir oftar en ekki fyrir ofan okkur á töflunni (sem á endanum skiptir ÖLLU máli). Í dag hins vegar erum við einfaldlega með betra lið og skv. gengi liðanna undanfarið þá eigum við að vinna þennan leik (Man City vann þá 3-1 í síðasta leik, sanngjarnt). Jamie Carragher ræðir um þennan leik og segir m.a.:
“It’s a bit worrying to me when supporters are feeling too confident about a game like this. Man Utd are like us in that whenever they lose a game, there’s a big drama in the newspaper for days. Speaking from our own experiences, when that happens it just makes you more determined. You’re happier if there is a big game coming straight after…”
Þetta er nefnilega málið að Man Utd leikmennirnir koma 100% klárir í þennan leik og vilja sýna og sanna að þeir eru ekki búnir og eigi fullt erindi ennþá í toppbaráttuna.
Ég hlakka mikið til sunnudagsins en verð líka massa stressaður allan leikinn og ef við t.d. skorum snemma í leiknum þá vil ég bara að leikurinn sé búinn og næ ekkert að njóta fótboltans… Svona er maður steiktur.
Mæli samt ekki með þessu, gerir mann bara enn meira stressaðan.
