18. janúar, 2006
Nú þegar annað tímabil Rafael Benítez er meira en hálfnað er ljóst að Liverpool hefur tekið miklum framförum undir hans stjórn. Evrópumeistaratitill segir meira en mörg orð um það.
Samt sem áður hefur liðið ekki gert atlögu að Englandsmeistaratitlinum sem virðist vera að fara til Chelsea annað árið í röð.
Það er draumur allra stuðningsmanna Liverpool að sjá Steven Gerrard lyfta Englandsmeistaratitlinum á Anfield, en hvað þarf til þess að Liverpool taki eitt skref áfram og unnið titilinn?
Það er alls ekki mikið sem þarf til.
Rafa hefur komið með nýtt hugarfar inn í liðið. Nýtt skipulag. Nýtt líf. Hann hefur verið klókur á leikmannamarkaðnum og liðið er nú, fullyrði ég, betur mannað en manchester united
en aðeins á eftir Chelsea sem eytt hafa stjarnfræðilegum upphæðum í lið sitt.
Það eru þrjár stöður á vellinum sem mér finnst að þurfi að bæta til að liðið geti hampað Englandsmeistaratitlinum. Augljóslega hægri kantur auk vinstri bakvarðar og sóknarmanns.
Rafa hefur leitað lengi að hægri kantmanni. Simao Sabrosa virðist vera á leiðinni en þó ekki fyrr en næsta sumar. Það vita allir að það er þörf á hægri kantmanni og það verður góð viðbót við liðið. Meira þarf varla að fjölyrða um nauðsyn á að kaupa hægri kantmann.
En hvað um hinar stöðurnar? Byrjum á vinstri bakvörðum Liverpool í dag:
Djimi Traore:
Mér finnst Traore vera meiri miðvörður heldur en bakvörður. Hann tæklar mjög vel, er ágætis skallamaður en er frekar lamaður sóknarlega. Stór og sterkur en er einnig nokkuð mistækur og þessi summa ætti að vera nóg til að gera hann að fjórða miðverði Liverpool eins og staðan er í dag.
Stephen Warnock:
Hann á ekki að vera efnilegur lengur enda að verða 25 ára gamall. Mér fannst hann vera góður en hefur ekki alveg náð að fylgja fínum leikjum eftir og fest sig í sessi í byrjunarliðinu. Að mínu mati, fínn sem annar til þriðji bakvörður en hefur þó hæfileika til að vera í byrjunarliðinu, EN þá þarf hann að bæta sig og það nokkuð en ég vil samt nýjan mann.
John Arne Riise:
Norðmaðurinn sýndi mér það í leiknum gegn Tottenham að hann er bara ekki nógu góður. Að minnsta kosti í þrígang komust leikmenn gestanna í færi eftir að hafa farið á Riise og hann gerði fleiri mistök. Ekki nógu góður varnarlega en er vissulega fínn fram á við en er algjörlega einfættur. Hann getur komið með ágætis fyrirgjafir þrátt fyrir að skot hans rati sjaldan á markið þó föst séu. Mín skoðun: Fínn sem backup á vinstri helmingi vallarins.
Niðurstaða: Mig langar í nýjan vinstri bakvörð!
Ef við lítum á okkar helstu andstæðinga þá langar mig í alla vinstri bakverðina þar held ég: Gabriel Heinze (Man U), Ashley Cole (Arsenal), Asier Del Horno (Chelsea), sérstaklega þá tvo fyrrnefndu og auk þess á Chelsea Wayne Bridge. Ég vona að Rafa kaupi nýjan vinstri bakvörð næsta sumar og hann þarf að vera eins og Finnan. Það er ekki að ástæðulausu að Tottenham ákváðu að fara frekar upp hægri helming vallarins.
Liverpool voru sterklega orðaðir við Patrice Evra sem fór að lokum á tombóluverði til manchester united
sem gerðu þar góð kaup þrátt fyrir að vera með besta vinstri bakvörð deildarinnar í sínum röðum. Næstur Gabriel Heinze er svo Ashley Cole. Liverpool þarf mann sem lokar þessari vörn sem Rafa er að búa til og gerir mönnum það ekki kleift að ákveða að fara upp hægri kantinn af því þar er “lélegur” varnarmaður.
En hverjir standa til boða? Ég hef ekki heyrt neina vinstri bakveri orðaða við Liverpool lengi en maður eins og Fabio Aurelio hjá Valencia, sem þekkir Rafa jú vel, gæti til að mynda verið álitlegur kostur. Gianluigi Zambrotta væri minn draumur en hann er líklega ekkert á leiðinni frá Juventus auk þess sem hann yrði ansi dýr. Einhverjar hugmyndir?
Hægri kantur er alveg ljóst að við þurfum. Gerrard hefur leyst þessa stöðu með stakri prýði eins og hann myndi reyndar leysa allar stöður en hann er samt bestur inni á miðjunni og liðið þarf einfaldlega að hafa hann þar. Luis Garcia finnst mér ekki vera þessi týpíski kantmaður og hlífið mér við því að sjá Pongolle eða Cisse þar.
Niðurstaða: Við þurfum nýjan hægri kantmann, og það hreinræktaðann.
En hverjir koma til greina? Það er ljóst að Simao Sabrosa er fyrsti valkostur Rafa enda var hann nálægt því að koma til liðsins síðasta sumar. Aðrir sem hafa verið orðaðir við Liverpool eru Daniel Alves hjá Sevilla og Joaquin sjálfur sem leikur með Real Betis.
Ég held að Joaquin sé ekkert inni í myndinni. Hann er of dýr auk þess sem mér sýnist hann vera svona “stjörnuleikmaður”, þrátt fyrir að hafa lítið annað en tilfinningu mína fyrir því. Auk þess er hann ekki fjölhæfur en hann er mjög teknískur og kemur bolta vel frá sér hvort sem það eru stuttar sendingar eða fyrir markið.
Alves þekki ég minna til en hef heyrt að hann sé mjög góður leikmaður.
Simao finnst mér vera besti kosturinn. Hann er fljótur, hefur góða tækni, spyrnir vel er einnig aukaspyrnusérfræðingur og er fyrirliði Benfica og hefur því leiðtogahæfileika sem nýtast mjög vel. Ég vona að hann komi en þó verður það líklega ekki fyrr en í sumar, því miður. Ekkert hefur heyrst frá Benfica né Liverpool um málið en ljóst er að viðræður eru vel á veg komnar, en stranda líklega á okri í forráðamönnum Portúgalska liðsins.
Þá er komið að sókninni. Liverpool er með fimm sóknarmenn í dag, Djibril Cisse, Peter Crouch, Fernando Morientes, Florent Sinama Pongolle og Neil Mellor. Sá síðastnefndi er eflaust á leiðinni frá félaginu nú í janúar og þá eru fjórir eftir.
Ef við lítum á markahæstu menn ensku úrvalsdeildarinnar, þar sem mörk í Super Cup og undankeppni Meistaradeildarinnar eru EKKI talin með, má sjá sjokkerandi staðreynd. Markahæsti leikmaður Liverpool er miðjumaðurinn Steven Gerrard og ENGINN sóknarmanna Evrópumeistaranna kemst á topp 30 yfir markahæstu menn deildarinnar þegar hún er rúmlega hálfnuð! Annað en Milan Baros og Michael Owen sem hafa skorað fimm og sjö mörk.
Sóknarmenn Chelsea, þeir Hernan Crespo og Didier Drogba hafa skorað samtals 15 mörk, Drogba 7 og Crespo 8 og Frank Lampard heil 13. Ruud van Nistelrooy hefur skorað 16 og Wayne Rooney 10. Thierry Henry hefur skorað 13.
Cisse er með fjögur mörk, Crouch með þrjú og Morientes þrjú. Pongolle hefur enn ekki skora. Framherjar okkar hafa því skorað tíu mörk samtals sem er jafn mikið og Wayne Rooney einsamall og svo bætis við sextán mörk frá Ruud van Nistelrooy.
Liverpool hefur skorað 29 mörk í deildinni
Chelsea hefur skorað 48 mörk í deildinni
Manchester United hafa skorað 41 mark í deildinni
Niðurstaða: Okkur vantar ennþá 20 marka mann!
Ég held að sá maður gæti til dæmis verið Dirk Kuyt leikmaður Feyenoord sem ég vil hiklaust sjá koma í sumar, væri hægt að losna við Dudek í leiðinni til Hollands meira að segja. En þá þyrfti væntanlega einn framherji að fara ekki rétt? Cisse hefur verið orðaður við brottför frá liðinu en ég held að það verði Pongolle sem fari eftir tímabilið.
Einhver órói var í kringum Cisse en ég vil halda honum og bæði hann og Rafa hafa lýst yfir vilja sínum að vera áfram og halda honum. Hann hefur mikla hæfileika en þarf kannski aðeins að hugsa meira um fótboltann en hárið á sér. Ég held að það sé ekki lausnin að fá Robbie Fowler til liðsins, nema þá sem fimmta framherja, standard liðsins er einfaldlega of hár….
Ósk mín væri því sú að kaupa góðan vinstri bakvörð, hægri kantmann og framherja. Rafa langar í Dirk Kyut og Simao og er því ekki ólíklegt að þeir gætu komið en hvað vinstri bakvörð varðar er erfitt að segja.
En hverjir mega fara? Ljóst er að Jerzy Dudek fer frá liðinu. Svo má að mínu mati selja: Traore, Mellor, Pongolle og lánsmennina Cheyrou, Le Tallec, Kirkland og Diao. Fyrir þessa menn ætti að fást eins og 12-15 milljónir punda og fyrir það er hægt að kaupa Simao og rúmlega það.
Kuyt færi líklega á eins og 12 milljónir og vinstri bakvörður gæti kostað um 5 milljónir punda. Sá peningur er alveg til, það er ljóst. Það átti að eyða 8 í Simao og liðinu gengur vel í Meistaradeildinni og verður þar líklega á næsta tímabili og því eru til peningar auk þess sem eigendurnir leggja sitt af mörkum.
Leikmannahópur Liverpool í dag og staða þeirra á næsta tímabili eins og ég sé þetta fyrir mér:
Markmenn:
Pepe Reina - Aðalmarkmaður
Scott Carson - Varamarkmaður
Jerzy Dudek - Seldur
Hægri bakverðir:
Steve Finnan – Aðal hægri bakvörður
Jan Kromkamp – Vara hægri bakvörður
Miðverðir:
Daniel Agger - Byrjunarliðsmaður
Jamie Carragher - Byrjunarliðsmaður
Sami Hyypia – Vara miðvörður
Zak Whitbread - Vara miðvörður
Vinstri bakverðir:
Nýjan mann takk - Byrjunarliðsmaður
John Arne Riise – Vara vinstri helmingsmaður
Djimi Traore – Seldur eða varamiðvörður
Stephen Warnock – Vara vinstri bakvörður
Hægri kantmenn:
Simao Sabrosa – Byrjunarliðsmaður
Enginn annar að mínu mati en líklega er í lagi að hafa Garcia þarna hálfan og kannski Potter
Miðjumenn:
Steven Gerrard – Byrjunarliðsmaður
Xabi Alonso – Byrjunarliðsmaður
Dietmar Hamann – Vara miðjumaður
Momo Sissoko – Vara miðjumaður
(Luis Garcia) – Vara allsherjarmaður, í allar stöður fram á við
Vinstri kantmenn:
Harry Kewell - Byrjunarliðsmaður
Boudewijn Zenden – vara vinstri kantmaður
Framherjar:
Dirk Kyut - Byrjunarliðsmaður
Djibril Cisse - Byrjunarliðsmaður
Peter Crouch - Varaframherji
Fernando Morientes - Varaframherji
Neil Mellor - Seldur
Florent Sinama Pongolle – Seldur/lánaður?
Í láni:
Bruno Cheyrou - Seldur
Anthony Le Tallec - Seldur
Chris Kirkland - Seldur
Salif Diao – Seldur
Byrjunarliðið yrði því:
Reina
Finnan - Agger - Carragher - ?????
Simao - Gerrard - Alonso - Kewell
Kuyt - Cisse
Varaliðið:
Carson
Kromkamp - Hyypia - Traore - Warnock
Garcia - Hamann - Sissoko - Zenden
Crouch - Morientes
Þetta er mín skoðun, hvað finnst ykkur?
Annars man ég ekki hvað er nýjast að frétta af honum.... vonandi sjáum við hann koma í janúar!
