Ég varla trúi því að Martin Jol hafi látið svona bull út úr sér en Tottenham er óþolandi (samt með gott lið) og hafa ekki náð einhverjum árangri síðustu 20 árin. Hafa oft verið með gott lið (t.d. Gazza, Hoddle og Bergsson í gegnum tíðina) en árangurinn staðið á sér. Svolítið eins og Newcastle og Aston Villa. Klúbburinn telur að hann sé stærri en hann er í rauninni.... annars var Ronaldo hjá Man Utd að fá rautt... 2-0 fyrir City og ég fagna því.

Þessi Evra gat nú ekki mikið - Tapar skallaeinvígi gegn Sinclair Spectrum.

Og Fowler kann þetta enn. Maður fær gæsahúð að sjá hann skora.

Jæja, mig langar að svara þessu aðeins, og þar sem ég er svolítið ósáttur við pistilinn þá er mjög líklegt að þetta comment verði afskrifað sem flogakast, enda búið að leggja ágætis jarðveg fyrir þannig afgreiðslu..

Varðandi það að Liverpool geti ekki náð Chelsea.. Ég efast stórlega um að hann hafi hringt í fjölmiðlana og heimtað að fá að tjá sig um þetta. Hann hefur mjög líklega verið spurður og gefið þetta svar - svar sem ég held að allir hljóti að vera sammála um. Það er fráleitt að túlka það sem eitthvað skot á Liverpool, en eins og staðan er í dag þá er mjög mjög ólíklegt að einhverjir geri Chelsea skráveifu, nema þeir sjálfir.

Mér finnst þú bæði snúa út úr því sem Jol segir, auk þess að kokgleypa það sem Sky lesa úr þessu.

Hvað framfarirnar varðar þá las ég "We’ve done better than Liverpool if you compare the progress at the two clubs". Hann er sem sagt að tala um framfarirnar, ekki hverjir hafa unnið fleiri dollur eða neitt slíkt, það fer ekkert á milli mála. Áður en Benitez kom voru Liverpool yfirleitt í Evrópukeppni, hafa unnið slangur af titlum síðustu ár og oft spilað nokkuð vel. Mjög rótgróið topp 4 (CL) lið. Auðvitað hefur Benitez (amk að mínu mati) gert liðið talsvert betra en það var, og það er impressive að horfa á það spila sinn þétta bolta.

Hjá Tottenham er Jol búinn að rífa liðið heilmikið upp, við erum skyndilega komnir í góðan séns á UEFA sæti, og outside séns á CL (sem ég tel þó því miður ekki líklegt). Undanfarin ár hafa menn verið nokkuð sáttir við topp 10 finish, og að komast langt í bikarnum. Við erum ekki lengur þessi push-over sem við höfum verið, og þó við höfum dottið á skammarlegan hátt úr báðum bikarkeppnum núna, þá er mun meiri stöðugleiki í liðinu og barátta. Allt þetta á meðan meðalaldur liðsins hefur lækkað um nokkur ár á síðustu 2-3 árum. Framtíðin er því björt, eitthvað sem við Tottenham menn höfum ekki verið vanir undanfarin ár.

Ég ætla í sjálfu sér ekkert að fella dóm um það hvort framfarirnar hjá okkur hafi verið meiri en hjá ykkur, en Jol hefur alveg eitthvað til síns máls. Afsakið flogakastið í mér, en mér finnst bara frekar ósanngjarnt að láta að því liggja að Jol sé að reykja krakk.

Þetta með það að þið hafið verið að kaupa eldri leikmenn en við finnst mér svolítið skrítinn punktur, sé ekki alveg hvað Jol er að fara þar.

Það er eðlilegt að menn lesi svona fréttir með gleraugum síns liðs, og ég býst ekki við því að skoðanir mínar fái mikinn hljómgrunn. En það er hluti af sjarmanum við að fylgjast með boltanum.

En að lokum langar mig að benda á það að títtnefndur Martin Jol verður fimmtugur á mánudaginn, og hvet ég menn til að skála fyrir honum, þ.e.a.s. öllum nema Agga.

Já, ég veit að fyrra kommentið varðandi að ná Chelsea var tekið og snúið uppí eitthvað stórmál af bresku pressunni, sem mér fannst það ekki vera. Hann var ekki bara að tala um okkur, heldur einfaldlega að öll liðin ættu engan sjens á að ná þeim. Um það erum við að ég held flest sammála.

Hins vegar fannst mér hitt kommentið vera algjör vitleysa og með öllu óþarft. Maður getur náttúrulega ekki sagt hvort hann var spurður beint: "Hver hefur náð betri árangri", eða hvort hann tók þetta upp hjá sjálfum sér.

En mér fannst þetta vera algjörlega útúr karakter. Að mínu mati eru Jol og Rafa þeir þjálfarar, sem hafa náð hvað bestum árangri og algjör óþarfi fyrir Jol að reyna að hefja sig upp með því að segja sinn árangur vera betri en Rafa. Hef aldrei heyrt Rafa í svona metingi og því fannst mér þetta vera óþarfi.

Já, Liverpool var CL lið fyrir tíma Rafa, en munurinn á spilamennskunni er einsog himinn og haf.

Og varðandi flogakastskommentið, þetta var nú auðvitað djók og ég vona að þú hafir ekki tekið þessu vitlaust. Komment þín eru mjög vel þegin á þessa síðu, því þau eru án undantekningar góð og málefnaleg. Þetta var nú bara smá upphitun fyrir leikinn hjá mér.

Allt í góðu mín megin