Benítez getur reyndar ekki valið alla úr leikmannahópnum því Zenden er meiddur.

Ég hugsa að Agger verði ekki í hóp. Er ekki í nægilega góðri leikæfingu. En þetta verður hörkuleikur sem við verðum að vinna.

Agger verður ekki í byrjunarliðinu og Garcia verður í liðinu í stað Cisse held ég, er ekki Hamann annars heill? ég held að hann fái sætið hans Aggers á bekknum.

min spá 2-1 fyrir okkur Cisse og Gerrard

Held að ég hafi lesið að Mido færi í Afríkukeppnina eftir leikinn við Liverpool? En skiptir ekki öllu máli.

Sammála þessu hér að ofan. Agger tel ég að verði ekki í liðinu, og ekki á bekknum. Hann er í akkúrat engri leikæfingu og mun verða testaður á æfingasvæðinu á næstunni.

Eins er Zenden meiddur og því ekki úr öllum leikmannahópnum að velja

Agger verður örugglega ekki með. Svo tel ég að Garcia verði í byrjunarliðinu, sjálfur vona ég að Alonso og Gerrard verði saman á miðjunni og Garcia bara hægra megin og Kewell á vinstri með Cissé og Crouch frammi. Það er eins og sóknin sé aldrei alveg upp á sitt besta þegar Sissoko er á miðjunni og ég tel að Alonso geti vel haldið uppi góðri varnarvinnu fyrir miðjuna.

Hjá Tottenham snúa Lee, Davids, King og Mido allir aftur í hópinn, auk þess sem Tainio hefur náð sér af veikindum.

Sorry, þetta er bara hreinlega rangt, þeir eru báðir í hópnum.

Ég spá liðinu svona:

Reina Kromkamp Carra Hyypia Riise Garcia Gerrard Sissoko Kewell Crouch Morientes

Bekkurinn Carson Finnan Warnock Alonso Cisse

Leikurinn fer 1-0 og enginn annar en Kromkamp með markið í byrjun seinni hálfleiks.

Vona að Morientes verði frammi. Sama hver verður með honum. Ég vona svo að Warnock verði í bakverðinum ásamt Kronkamp.

Svo spái ég að Agger verði á bekknum á morgun. Ég er reyndar alls ekki eins spenntur fyrir þessum kaupum og aðrir og tel að þess verði langt að bíða að hann slái þeim Hyppia og Carrager út.

Varðandi leikform - þá þurfa menn að spila nokkra alvöru leiki í röð til að koma sér í leikform. Ég tel því að Agger fái ekki almennilegan séns fyrr en annar hafsentana okkar meiðist.

Vona svo að við vinnum Tottenham 3-0.

Kristján Atli: Ég ætla að gerast svo djarfur að spá því að leikurinn endi 3-1 fyrir Liverpool, en þá held ég einnig að Djibril Cissé muni skora á morgun (sem er ekki svo langsótt spá, hann klúðraði víti í síðasta leik og spilar yfirleitt ekki tvo leiki í röð án þess að skora).

Þetta er einmitt það sem ég var að tala um um daginn þegar ég var að furða mig á því þegar menn eru að spá um hverjir skora í leikjum, og segja bara eitthvað til að segja eitthvað og byggir ekki á neinum sérstökum rökum.

Hérna hins vegar spáir Kristján eins og ég vil að menn spái, semsagt með rökfærslu á bakvið spána. Þá er gaman að spá, spekúlera og velta þessu fyrir sér. Þessvegna biðla ég til lesenda að koma ekki með svona komment: "Ég spái 3-0 fyrir okkur og Gerrard skorar 2 og Cissé 1." Ef að allir lesendur myndu spá svona myndi maður ekki gera annað en að scrolla yfir kommentin í leit að einhverju gáfulegu, málefnalegu og skemmtilegu innan um alla þvæluna. Ekki það að ég ráði neinu hér og geri ekki kröfu til þess. Mér finnst þetta bara svo fjári góð síða að ég vil ekki að hún breytist í aðra Liverpool.is...

Þetta er bara smá innlegg hjá mér í umræðuna. Takk fyrir.

Gunnar, mikið er ég sammála þér!!! Það þarf að minna á svona lagað. Þó ég leggi persónulega ekki mikið til málanna þá hef ég mjög gaman af lestrinum. Takk fyrir.

Hérna hins vegar spáir Kristján eins og ég vil að menn spái, semsagt með rökfærslu á bakvið spána. Þá er gaman að spá, spekúlera og velta þessu fyrir sér. Þessvegna biðla ég til lesenda að koma ekki með svona komment: "Ég spái 3-0 fyrir okkur og Gerrard skorar 2 og Cissé 1."

HAHAHA!!!!!!!! Rökfærslu á bak við markaskorunina. Mér fynnst nú bara allt í lagi þegar menn slá því upp í lok sínns komments hvernig þeir spái að leikurinn fari og svo hverjir skora til gamans, án þess að rökfæra það eitthvað sérstaklega sem er nú varla hægt og væri líklega leiðinlegt til lestrar ef menn ætluðu að fara að rökfæra spá um markaskorara í knattspyrnuleik. Það eru líka ekki margir/enginn sem kommentar bara og segir "1-0 Gerrard skorar" ekki hef ég séð mikið af svoleiðis kommentum og fynnst venjulega sem þetta séu nú skemtileg og fróðleg komment sem koma hérna frá allflestum, ekki mikið um eitthvað einnar setningu rugl í anda gras.is.

Ég er nú mikill aðdáandi þessarar síðu, en ég mér fannst ummæli Gunnars nokkuð athyglisverð.

Væri nefninlega alveg til í að fá frá honum hvað það er við Liverpool.is sem gerir hana svona hræðilega síðu. Í hana hefur verið lögð óhemju mikil vinna í gegnum tíðina og væri því gaman að fá að vita frá snillingum eins og honum hvað nákvæmlega það er sem gerir hana svona slaka.

Sko...

Í fyrsta lagi, SSteinn, þá held ég að þú vitir alveg hvað Gunnar er að tala um. Hann sagði aldrei að liverpool.is væri hræðileg síða, enda er það virkilega góð síða, sem er greinilega lögð mikil vinna í. Ég veit allavegana að ég les hana oft.

Hins vegar er spjallborðið á þeirri síðu oft á tíðum óbærilegt. Þú þekkir það alveg jafnvel og við. Menn virðast vera í eilífri keppni yfir því hver er með flesta póstana og því er endalaust af hálf tilgangslausum póstum þar inni. Þú veist alveg hvað hann er að tala um og það er óþarfi að koma með komment einsog "frá snillingum einsog honum". Kommentið hjá Gunnari var fínt. Það var kannski full yfirgripsmikið, því ég er viss um að hann notast við stóran hluta síðunnar, þrátt fyrir að einhverjir hlutar fari í taugarnar á honum. Gunnar leiðréttir mig ef það er ekki rétt.

Ég er sammála þér Gunnar (og Andri talar líka ágætlega um það) að póstar þar sem segir bara: "3-0, Gerrard með tvö" eru hálf-tilgangslausir. En það getur líka verið skemmtilegt að spá fyrir leikinn.

Það er undirstöðumunur á því hvort að viðkomandi koma með eitthvað inní umræðuna og komi með svoleiðiðs komment öðru hvoru, eða hvort þetta sé eina framlag manna. Þess vegna myndi ég ekki kvarta þegar að Kristján Atli kryddar pistla sína með spá eða þegar einhver af þeim fjölmörgu góðu pennum, sem reglulega kommenta hér. Ég hef gaman af því að spá fyrir um leikinn og ég hef gaman af því að lesa spárnar hans Kristjáns. Ef þér finnst glórulaust að spá fyrir um markaskorara, þá er alveg jafn glórulaust að spá fyrir um nákvæm úrslit.

Annað mál er hinsvegar ef að umræðan færi hins vegar að færast niður á það plan að þetta væri eina framlag fólks til síðunnar, eða þá að við hverju færslu væru 20 komment, sem segðu bara: "Rooney er ljótur" eða "Jöss, frábært". Þá færi ég að hafa áhyggjur.

Ég stofnaði þessa síðu með Kristjáni til að skapa almennilega umræðu um uppáhaldsliðið okkar. Ég var orðinn leiður á því að reyna að stofna til umræðu á Liverpool.is og fá 20 bullsvör á móti einu almennilegu. Þessi síða hefur í raun uppfyllt allar þær væntingar því hérna hefur greinilega safnast saman fólk, sem vill tala af viti um fótbolta. Já, við djókum reglulega, köllum Rooney einstaka sinnum ljótan (aðallega í kringum manchester united leiki) og slíkt, en í 99% tilfella eru bæði færslur og ummæli mjög málefnaleg.

Þannig að ég held að þú þurfir ekki að hafa alltof miklar áhyggjur af stöðu síðunnar. Hún er í fínasta lagi. En við munum vissulega taka á því ef okkur finnst gæðin detta niður. Það gleður okkur sannarlega að fólk skuli hafa áhyggjur af standardnum. Það sýnir að við höfum gert eitthvað rétt hingað til.

Sammála öllu, vel mælt Einar.

Já ég er hér hjartanlega sammála Einari í einu og öllu. S.s. markmið þessarar síðu eru að hafa málefnanlegar umræður um uppáhaldsliðið okkar og sleppa ruglinu sem viðgengst á spjallborði liverpool.is (en fyrir utan spjallborðið er liverpool.is stórkostleg síða, en spjallborðið er væntanlega eitthvað sem þeir ráða ekkert við).

En í sambandi við leikinn á morgun held ég að liðsuppstillingin sé eitthvað sem við ættum að hafa litlar áhyggjur af, draumar um Morientes, Agger og Kromkamp eru fjarlægir að mínu mati. Helstu spurningamerkin eru:

Hægri kantur: Gerrard eða Garcia. Að mínu mati ætti Garcia að hljóta heiðurinn að því að spila á kantinum, af hverju? jú ég held að Sissoko sé hreinlega of blóðheitur til þess að hefja þennan leik því þetta er vissulega toppslagur og ég er ansi hræddur um að hann gæti fengið gult spjald snemma í leiknum vegna tæklingagleði hans á vellinum þessa dagana. Því er nauðsynlegt að Gerrard sé á miðjunni með Xabi í staðin fyrir Sissoko. En Hamann gæti hafið leikinn og þá er Gerrard kominn á hægri kantinn. Þ.a. niðurstaðan er þessi: Hamann inni þá Gerrard á hægri annars Garcia.

Frammi með Crouch: Ég tel það nokkuð ljóst að Crouch mun hefja leikinn en spurningin er þessi: Pongolle eða Cissé? Náði Pongolle að heilla stjórann nægilega mikið til þess að öðlast byrjunarliðssæti? Ég vill engu spá um það hvor spilar leikinn, en óska þess heitt og innilega að Pongolle byrji inná vegna þess að mínu mati er Pongolle að verða eitthvað svakalegt í knattspyrnuheiminum. Strákurinn virðist hafa það allt. Í þau fáu skifti sem maður hefur fengið að fylgjast með drengnum í vetur hefur hann heillað mig upp úr skónum, þó sérstaklega með góðri móttöku og skil á boltanum, tækni og hraða. Cissé hefur aftur á móti bara kraft og hraða sem dugar ekki alltaf í enska boltanum.

Ég myndi óska þess að liðið liti svona út:

--------------Reina---------------- Finnan-Hyppia-Carragher-Riise Garcia-Gerrard-Xabi-Kewell ------Pongolle-Crouch------------

Ég vona því að Benítez grípi hugboð mín á lofti og stilli liðinu svona upp á morgun.

Þakka fyrir frábæra síðu sem kemur með nýjan blæ fyrir okkur Liverpool aðdáendur hér á Íslandi.

Áfram Liverpool!!!

SSteinn heldur áfram að tala við menn með yfirlætistón eins og ég var búinn að benda honum á áður en þá kannaðist hann ekkert við það. Ummæli hans dæma sig sjálf og ég hef ekki áhuga á því að svara þeim sérstaklega.

Ég vil hins vegar segja að spjallborðið var farið að fara mest í taugarnar á mér á Liverpool.is. Þar með talið halelúja tónninn í stjórnendum þar inni. Sjaldan eða aldrei var neinn leikmaður gagnrýndur almennilega heldur var alltaf slepjutónn í öllum leikskýrslum og umræðu um leiki sem fóru illa. Á Liverpool-blogginu er talað mannamál án þess þó að vera með skítkast, það líkar mér vel við. Ég virði þá vinnu sem hefur farið í þessa síðu hjá þeim sem hafa lagt vinnu í hana en því miður finnst/fannst mér hún bara "boring". Ég ætti kannski að fara að kíkja á hana aftur til að athuga hvort hún hafi eitthvað skánað.

Ég er búinn að fylgjast með Liverpool-blogginu mjög lengi, held að ég hafi komist á snoðir um hana frekar snemma. Hún hefur verið bjargvættur eftir að ég gafst upp á Liverpool.is. Ég er eldri en tvævetur í netheimum og oftar en ekki hefur maður fylgst með góðum netsíðum breytast í einhver skrímsli ef menn halda ekki vel á spöðunum. Ég vil ekki sjá það gerast við þessa síðu því að hún er góð, mjög góð!

Einar, ég veit ekki hvort að þú hefur misskilið mig þegar þú segir:

Það er undirstöðumunur á því hvort að viðkomandi koma með eitthvað inní umræðuna og komi með svoleiðiðs komment öðru hvoru, eða hvort þetta sé eina framlag manna. Þess vegna myndi ég ekki kvarta þegar að Kristján Atli kryddar pistla sína með spá eða þegar einhver af þeim fjölmörgu góðu pennum, sem reglulega kommenta hér. Ég hef gaman af því að spá fyrir um leikinn og ég hef gaman af því að lesa spárnar hans Kristjáns. Ef þér finnst glórulaust að spá fyrir um markaskorara, þá er alveg jafn glórulaust að spá fyrir um nákvæm úrslit.

Því að ég var ekki að gagnrýna Kristján fyrir að spá heldur að hrósa honum fyrir það því að hann er að spá með rökum á bakvið spána en ekki eitthvað útí loftið eins og ég benti á, og þú einnig. Því að ég sagði:

Hérna hins vegar spáir Kristján eins og ég vil að menn spái, semsagt með rökfærslu á bakvið spána. Þá er gaman að spá, spekúlera og velta þessu fyrir sér.

Ég hef í raun ekki áhyggjur af stöðu síðunnar eins og hún er akkúrat núna því að staða hennar er góð. Höldum því þannig. Takk fyrir.

Erum við komin út í þessa umræðu einu sinni enn?

Ókei, svona horfir þetta við mér:

--> Við erum ekki í samkeppni við Liverpool.is. Sú síða, sem heilsteypt vefsíða, er ljósárum betri en Liverpool-bloggið, og þannig á það líka að vera. Á Liverpool.is er nærri því hver einasta frétt sögð, á íslensku. Þar eru allar upplýsingar sem maður þarf um klúbbinn hér heima og klúbbinn sjálfan úti, um fyrirhugaðar ferðir á leiki, og svo mætti lengi telja. Sú síða er heilsteypt, og að mínu mati ein sú heilsteyptasta sem ég hef séð á nokkru tungumáli til heiðurs einhverju knattspyrnuliði. Þeir sem koma að Liverpool.is-síðunni eiga mikið hrós skilið og þakklæti frá okkur hinum sem njótum góðs af á hverjum degi.

Eina vandamálið sem ég sé við þá síðu - vandamál sem rak okkur Einar á endanum til að stofna þessa síðu - er spjallið á Liverpool.is. Umgjörð spjallsins er glæsileg, uppsetningin góð og allt vel skipulagt. En því miður, á þessum eina stað þar sem stjórnendur Liverpool.is geta ekki stjórnað nákvæmlega því sem birtist, þar verður maður fyrir vonbrigðum. Fólk kemur á þá síðu og bara bullar, fyrir mest leyti. Það er reyndar fullt af hörkufínum pennum þar en það var bara á endanum orðið svo erfitt að reyna að sigta þá úr að ég gafst upp.

Maður setti kannski inn þráð þar sem maður spurði, "mynduð þið vilja sjá Wayne Rooney í Liverpool?" (sem dæmi) ... og svörin voru öll eitthvað eins og, "Nei Rooney er feitur og ljótur," eða "Nei höfum ekkert við litla skrímslið að gera," eða "jájá er hann ekki Scouser?"

Svo, kannski tuttugu póstum neðar, kom eitt skilmerkilegt svar, en því fylgdi vanalega um 20 ruglpóstar í viðbót. Fólk nefnilega safnar póstum á svona spjallsíðu - það gerist alls staðar, á öllum spjallsíðum sem ég hef séð í heiminum - þetta snýst bara um að það geti staðið eitthvað eins og:

Notandi: Kristján Atli
Svör: 11,290
Skráður: 1.1.2006

Svoleiðis er það bara. Fólk getur séð hversu virkir aðrir eru og því safnar fólk, egóið ræður, og fyrir vikið er miklum tíma eytt í leiðinlega einnar-setningar pósta.

Hér má í raun segja að við Einar höfum stofnað síðu þar sem við tveir, og núna Aggi og Hjalti, fáum að byrja alla pósta. Ef við lítum á Liverpool Bloggið sem spjallborð þá er það í raun og veru nokkuð rétt lýsing - nema hvað við fáum að byrja alla þræði, með góðri og vandaðri frétt eða pistli, og svo kemur fólk með góð og vönduð svör. Maður er ekkert alltaf sammála svörunum en þá er líka um að gera að ræða málin.

Síðan þessi bloggsíða fór í loftið hjá okkur Einari held ég að ég hafi farið svona þrisvar inn á Liverpool.is-spjallið. Og ég hef ekki tjáð mig einu sinni á því spjalli, síðan ég fór að geta rætt þetta af viti við menn hér. Það segir í raun allt sem segja þarf, held ég.

Sem sagt: við erum ekki í samkeppni við Liverpool.is því þeir eru miklu öflugri fréttasíða en við, og miklu heilsteyptari vefsíða með allar upplýsingar um klúbbinn, á meðan við erum með engar. Vitandi það að SSteinn og aðrir í stjórn klúbbsins koma hér inn og lesa þetta blogg þá gremst mér að þeir kunni að halda að við séum í samkeppni við þá. Það er ekki málið, hefur aldrei verið og mun aldrei verða.

Hér er einfaldlega vettvangur fyrir okkur fjóra pennana að skrifa okkar færslur, um það sem okkur langar til að skrifa um (án þess að þurfa að fjalla um allt fréttnæmt, eins og fréttasíða myndi þurfa að gera) og svo geta menn komið og tjáð sig. Og af því að menn geta ekki 'loggað sig inn' hér og safnað svarafjölda undir nafninu sínu, uppá egóið, þá virðast menn nýta sér þessa síðu hér til að ræða málin almennilega. Því fagna ég.

Þannig að við höfum það fram yfir Liverpool.is, að mínu mati, að vera með skemmtilegri umræðu um þá hluti sem við kjósum að ræða. En auðvitað erum við ekki í sama sólkerfi og Liverpool.is hvað alla aðra hluti varðar.

Að Lokum: Má ég leggja til að menn hætti að bauna á Liverpool.is í hvert sinn sem menn sjá ástæðu til að hrósa okkur? Ég er upp með mér og þykir gaman að fá hrós, en sé ekki hvers vegna því þarf sjálfkrafa að fylgja: "...ekki svona aumingjasíða eins og liverpool.is." Sé ekki þörfina á því.

Og endilega leyfið SSteini líka að tjá sína skoðun. Hann er bara einn tappi bakvið skrifborð einhvers staðar með eina skoðun, eins og við hinir. Hans er ekkert merkilegri þótt hann sé formaður klúbbsins, en hún er heldur ekkert ómerkilegri.

Jæja, er ekki leikur í dag ... ?

Jú, mikið rétt Kristján. Þessi síða er frábær og liverpool.is er frábær. Liverpool er frábært lið - en það er leikur í dag:

Ég veit ekki af hverju, en talan 2:1 fyrir Liverpool situr föst í hausnum á mér. Alonso skorar og Gerrard líka. Þetta verður erfiður dagur fyrir framherjana, en svo aftur á móti er hægt að segja: I could be wrong

Verst að vera að vinna í dag og missa af leiknum! Jæja, hlakka til að sjá umfjöllun um leikinn!

Já þetta er allt rétt hjá þér Kristján. En það er hins vegar umhugsunarefni að þessi síða hafi komið í mínu tilfelli algjörlega í staðinn fyrir síðunasemégmáhelstekkinefnaísömuandrá. Hvað mig varðar er síðansemégmáhelstekkinefnaísömuandrá ekki með neitt sem ég fæ ekki hér. Skál!

Ég er í rauninni sammála öllu því sem Kristján og Einar Örn segja hérna. Ég hef aldrei litið á þessar síður sem einhverja samkeppni, síður en svo. Ég kem oft á dag hérna inn og finnst þetta hreint út sagt, frábær viðbót fyrir okkur stuðningsmenn Liverpool. Mér finnst jafnframt skrítið af hverju menn þurfa að skíta út hina síðuna í sífellu. Jú, spjallborðið þar er í rauninni sjálfstæð eining og sitt sýnist hverjum þar. Ég get verið assgoti pirraður á mörgu þar líka. Það sem Gunnar var að segja var þó ekkert beint að spjallinu sem slíku, heldur var hann að tala um hina síðuna. Ef hann var að tala bara um spjallið þar, þá biðst ég forláts, en í seinna kommentinu þá staðfesti hann það að hann var að tala um síðuna í heild sinni. Auðvitað má hann hafa sína skoðun, ég bað hann einfaldlega um að koma með punkt um það hvað væri það sem gerði síðuna svona "hræðilega".

Það er annars alveg merkilegt hvað menn fara alltaf að tala um yfirlæti og annað þegar maður tjáir sig. Hann fékk einfalda spurningu, en kýs að svara mér ekki. Ég vil síður en svo vera með einhver leiðindi, það er bara þannig að það fýkur í mann þegar svona komment koma. Það eru margir búnir að leggja gríðarlega vinnu í liverpool.is undanfarin ár, þar á meðal ég, og því finnst mér akkúrat ekkert að því að krefja svona snillinga um svör þegar þeir drulla yfir þá vinnu.

En til að það sé á hreinu, þá finnst mér stórkostlegt hvað þið blogg drengir hafið gert fyrir okkur Poolara, samkeppnin er ekki til staðar, þetta er bara frábært framtak og bara mikil og góð viðbót fyrir stuðningsmenn liðsins. Án vafa ein besta bloggsíða sem ég hef séð á netinu. Það er ekki og mun ekki vera neinn metingur um þessar síður, báðar frábærar að mínum dómi. Spjallið á hinni er sér kapítuli út af fyrir sig, sér samfélag og hefur þróast á sömu leið og önnur slík hafa gert í gegnum tíðina með sínum kostum og göllum.

Alright, flott. Þá eru vonandi allir vinir