Uppfært kl. 15:49 (Aggi): Það er reyndar ekki kominn formleg staðfesting á því að Agger sé orðinn Liverpool leikmaður en ég tel það næstum frágengið. Það kemur fram á öllum vefmiðlum að það sé tímaspursmál hvenær allt er frágengið. Hins vegar er Rafa búinn að tjá sig um drenginn og segir m.a. þetta:

“We scouted Daniel for a long time but then he picked up an injury. When he returned to fitness we watched his first game back and we knew he was at the kind of level we require, even though he played only 25 minutes.”

“People will remember he played particularly well in an international against England earlier this season. We’d already watched and asked about the player before then” “That match surprised a lot of people, but it confirmed to us he could play at a particularly high level, which is why we’ve continued to follow him.”

Þetta eru að sjálfsögðu frábærar fréttir, loksins er kominn klassaleikmaður í þessa stöðu og hann er ungur, sem er flott, því það þýðir að Sami og Carra fá hvíld en þó liggur ekkert á að skipta þeim út. Frábært mál!

Hér fyrir neðan er upprunalega fréttin frá því í morgun …

Rafa ætlar sér að kaupa Daniel Agger. Nei, ég meina, hann ætlar sér að kaupa hann. Vandamálið er bara það að akkúrrat núna eru Liverpool bara tilbúnir að bjóða 5.5 milljónir punda í hann, en Bröndby eru með þrjósku og vilja fá 7 milljónir punda, sem verður að teljast fáránleg upphæð miðað við það að strákurinn á bara 18 mánuði eftir af samningi sínum. Ef hann leikur eitt tímabil í viðbót með Bröndby má hann semja frítt við hvaða lið sem er eftir tæpa tólf mánuði, þannig að mér þykir þeir góðir að ætla að fá sjö milljónir fyrir óreyndan strák.

Rafa kann hins vegar að leika þennan leik og sýnir hvergi á sér bilbug. Hann tjáði sig um Cesar og Coloccini hjá Deportivo við spænska fjölmiðla í gær:

“We have targeted Coloccini and Cesar of Deportivo La Coruna and we are just about to obtain if they want to sell.”

Sko, Rafa tjáir sig aldrei um þá menn sem hann ætlar að kaupa áður en það er nánast frágengið að þeir komi. Þannig að ég túlka það að hann tjái sig um Cesar og Coloccini þannig að:

a - hann er alveg við það að semja við annan hvorn þeirra, eða hreinlega bara báða.
b - hann er að láta Bröndby vita að hann sé með önnur járn í eldinum, sjá hvort þeir láti ekki undan.

Hvort skyldi það vera? Það verður að koma í ljós, en það eru enn tveir/þriðju af þessum félagaskiptaglugga eftir, þannig að nógur er tíminn til að redda þessu.

Einnig: Rafa ætlar að ræða við Sinama-Pongolle um framtíð framherjans unga. Rafa segir:

“We have to come to a decision which is good for him and good for the club. I will be talking to him about the situation, we’ll analyse it together and then decide what the best solution is.

Sometimes with young players it’s better if they play regularly, but if we keep winning games and stay in the FA Cup and Champions League then we will play more matches and need more players.”

Þetta, fyrir mér, hljómar eins og Rafa vilji setjast niður með Flo-Po og segja honum að hann ætli sér að nota hann fram á vorið, að hann vilji hafa hann í hópnum þangað til í sumar, og svo muni þeir setjast niður og sjá til með framhaldið. En það kemur náttúrulega bara í ljós - ég veit allavega að ég vill ekki fyrir nokkurn mun missa Flo-Po á þessu stigi tímabilsins. Hann á heilmikið inni.

Uppfært (Kristján Atli): Sumir (mis)áreiðanlegir netmiðlar eru farnir að segja frá því að Daniel Agger hafi í dag dregið sig í hlé frá æfingabúðum Bröndby-liðsins á Spáni og muni fljótlega fljúga yfir til Liverpool-borgar, þar sem hann muni gangast undir læknisskoðun um leið og liðin tvö komast að endanlegu samkomulagi. Ef þetta er satt þá er mjög stutt í að Liverpool og Bröndby gangi frá öllum lausum endum sín á milli, og bendir þetta til þess að samkomulag hafi nást um kaupverðið.

Vonandi koma frekari (og áreiðanlegri) fréttir af þessu síðar í dag eða á morgun. Við munum fylgjast með.