Neil Mellor hefur fengið leyfi til að ræða við Hearts um hugsanleg kaup þeirra á honum. Það eru nokkur önnur félög sem hafa áhuga sem og líkur er á því að Mellor verði áfram hjá Liverpool.

Tveir miðverðir frá Deportivo eru “linkaðir” við okkur á SkySports og heita þeir Coloccini og Cesar. Cesar er 29 ára Spánverji og hefur verið í Deportivo síðan 99-00 tímabilið. Hann hefur einnig spilað 12 landsleiki fyrir Spán og skorað 3 mörk. Fabricio Coloccini er 24 ára og er frá Argentínu. Hann hefur verið í Deportivo í 2 tímabil og var áður á mála hjá Milan. Hann hefur spilað 18 landsleiki og þykir einn besti varnarmaður Argentínu. Persónulega líst mér betur á Coloccini heldur en Cesar.

Þriðji leikmaðurinn sem er í dag tengdur við okkur er Aimo Diana, leikmaður Sampdoria. Hann er hægri kantmaður/bakvörður og hefur spilað 8 landsleiki fyrir Ítalíu. Hann er 28 ára gamall og hefur spilað með Sampdoria 3 síðustu tímabil.

…í lokinn þá fótbrotnaði David Mannix í leik með varaliðinu í gær. Mannix er 20 ára miðjumaður og hefur verið afar óheppinn með meiðsli á sínum stutta ferli. Hann er samningsbundinn Liverpool til 2007 og þykir mikið efni. Óljóst er hversu lengi hann verður frá.