10. janúar, 2006
Liverpool hafa tilkynnt að þeir hafi ákveðið að bjóða Cristian Bolanos ekki samning. Þessi rúmlega tvítugi hægri kantmaður frá Deportivo Saprissa var búinn að vera til reynslu hjá félaginu í rúma viku, og miðað við það sem sagt var um hann fyrir helgi þá fannst manni eiginlega líklegt að hann fengi samning. En svo virðist ekki vera.
Þá hlýtur maður að spyrja sig: fyrst Rafa sleppir þarna séns á að fá hægri kantmann ódýrt, einhvern sem yrði fyrirtaks varaskeifa fyrir aðalliðið okkar, er þá ekki eðlilegt að ætla að hann sé með einhvern annan í sigtinu? Við færum ekki að sleppa Bolanos nema að vera t.d. langt komnir í samningsviðræðum við Simao, Pennant, eða Theo Walcott? Hmmm?
Ég minnist þess hvað ofboðslegur æsingur var í mönnum (og ekki síst mér sjálfum) fyrir lokun félagaskiptagluggans í haust. Því hefi ég kosið að tjá mig ekki um þessi mál fyrr en glugganum verður lokað núna. Þá er að meta hvað hefur fengist og hve ánægðir við getum verið áhangendur LFC. Ég er þó ekki að biðja menn um að tjá sig ekki, síður en svo. Það er gaman að fylgjast með pælingum manna um menn og stöður. En miðað við æsinginn í sjálfum mér í haust kýs ég fyrir mína parta að hafa hljótt um mig. En vonandi stöndum við upp frá þessu borði með sterkara lið og breiðari hóp.
Áfram Liverpool
Sigtryggur 
