...ég hefði ekki getað orðað þetta betur en þú. Samt held ég að við hefðum átt að vinna þennann leik með stærri mun en raun bar vitni. Takk fyrir frábær skrif og skemmtileg tilþrif

og koma svo strákar og stelpur ÁFRAM LIVERPOOL!!!!!!!!!!!!!!!!!!

ég misti af fyrstu 60 mín leiksins og staðan var því 3-1 þegar ég kveikti á sjónvarpinu... ég hélt ég yrði ekki eldri... fékk "vægt" shock...

en svo sá ég 4 stórkostleg mörk frá okkar mönnum sem neituðu að gefast upp... frábært

Tek undir með skýrslu þinni, Einar. Þetta var fáránlega lélegur leikur hjá okkar mönnum, fyrir utan síðasta háltímann eða svo, en úr því að þetta fór vel ætla ég ekki að einblína á það neikvæða, enda leikur liðið sjaldan eða aldrei svona illa.

Þess í stað ætla ég bara að brosa að karakternum sem okkar menn sýndu þegar á móti blés í dag. Þetta lið gefst aldrei upp!

Vona svo að við fáum Chelsea bara í næstu umferð ... þurfum að þagga aðeins niður í þeim.

Hreint frábær leikur!

Ég horfði á leikinn á Ölveri þar sem sólheimaglottandi Luton-menn voru orðnir pínu pirrandi á tímabili! Maður hélt samt ró sinni því ég vissi að þetta myndi koma á endanum.

Þetta Luton lið hefur góðan stjóra og geta spilað ágætan bolta en eru samt voða takmarkaðir. Þessi leikur minnti mig á 10000m hlaup þar sem minni spámaður tekur stóra forystu fyrstu 5 hringina en missir síðan alla hina framúr sér. Luton pressuðu gjörsamlega útum allt í fyrri hálfleik en voru bara búnir á því í seinni og þegar gæðin kömu í ljós þá valtaði Liverpool réttilega yfir þá.

Samt umhugsunarefni hversu vörnin okkar leit illa út í fyrri hálfleik, bíð ekki í ef við lendum í svona stormi í Meistaradeildinni gegn alvöru liði. Hyppia átti hreint hörmulegan leik, ef hann fær ekki vernd frá miðjunni þá tekur hann oft mjög slæmar ákvarðanir þegar hann hefur lítinn tíma til að hugsa. 3 markið var alveg hræðilegt að sjá og svo var stjórnin á vörninni engin á löngu tímabili. Dekkningin var líka hræðileg og Luton menn fengu oft alltof mikinn tíma á boltanum.
Margt af þessu má líka skrifa á Sissoko. Hann þarf að taka út meiri þroska áður en við berum hann við Vieira. Var alltof staður á miðjunni og sendingarnar alls ekki góðar þegar hann var stöðugt pressaður.

Pongolle reddaði þessu samt og ég vil alls ekki missa þennan strák. Segi ekki að hann sé betri en hinir strikerarnir en hann á skilið að Benitez gefi honum meiri sénsa. Frábært skallamark og góðar hreyfingar og tækni eftir að hann kom inná. Gerrard og Alonso drógu einnig vagninn í seinni hálfleik og sönnuðu gildi sitt.

Held að þetta hafi verið mjög lærdómsfullt fyrir Benitez sem var orðinn alveg trítilóður á hliðarlínunni á tímabili. Gott að þetta kom svona snemma á tímabilinu, gerir liðinu ljóst að þeir mega aldrei slaka á, jafnvel ekki gegn neðri deildarliðum. Við erum ekki það góðir, ekki enn þó stutt sé í það. Svona sigrar byggja karakter og sína hvað Liverpool er orðinn rosaleg liðsheild. Sé hluti liðsins að klúðra taka bara aðrir við og draga hina með sér.

Áfram Liverpool

Ja hérna hér.

Og ég sem hætti að horfa í hálfleik 25 maí.

Nú hætti ég að horfa í stöðunni 3-1.

Mér er ekki viðbjargandi.

Tek algerlega heilshugar undir með skýrslu Einars. Þetta var það pínlegasta sem maður hafði séð með Liverpool í háu herrans tíð, en einhvern veginn ... veit ekki af hverju ... þá hafði ég aldrei áhyggjur. Mér var skemmt á köflum, og fannst þetta frábær bikarleikur. Svona eiga þeir að vera. Var með vin minn í símanum síðustu mínútuna og við bara sprungum af hlátri þegar Alonso skoraði 60m markið!!

Ég er mjög sáttur og nú er að byrja leikur á Spáni með mínu liði þar - Barcelona - vona bara að þessi dagur endi vel sportlega séð

Áfram Liverpool!

Kristinn, viltu ekki bara hætta að horfa á leiki, þá vinnum við allt en að öðru. Ég eins og aðrir bjóst við rústi eftir að Gerrard skoraði fyrsta mark leiksins. Í vítinu sem við fengum þá hefði varnarmaðurinn átt að fá rauða spjaldið þar sem Gerrard var rændur færi fyrir opnu marki. Í vítinu sem við fengum á okkur þá steig sóknarmaður Luton á Carson sem braut EKKI á honum og átti EKKI að fá gula spjaldið. Besti maður liðsins kom síðan inná fyrir þann versta fljótlega eftir þriðja mark Luton. Ekki var hann lengi að þjappa muninum saman, eftir það var ég viss um sigurinn. Flottasta mark leiksins var síðan seinna mark Xabi

Ég held að eftirfarandi orð hafi sjaldan átt betur við:

það sem ekki drepur mann styrkir mann!

En það er nákvæmlega það sem gerist eftir svona leik.

Hvernig fannst svo sparkspekingum nýji maðurinn okkar í þessar fáu mínútur?

Hef lítið að segja annað en mögnuð skemmtun að horfa á þennan leik þó maður hafi verið pirraður mestan hluta, en síðasta parturinn minnti á 25.maí.

En ég segi bara Robbie Fowler !

Já mér fannst mjög sorglegt að sjá sterkasta lið liverpool koma til leiks gegn þessu smáliði með hangandi haus eins og þeir ætluðu að komast frá þessum leik alveg ókeypis. Varnarlína Liverpool var vægast sagt sorgleg og ég ætla rétt að vona að þetta sé einsdæmi og Benitez hundskammi þá fyrir að haga sér svona. Þeir komu þó glæsilega til baka þegar hálftími var eftir af leiknum og kláruðu leik sem þeir áttu aldrei að eiga svona erfitt með. Florent Sinama-Pongolle klárlega maður leiksins þar sem hann gjörbreytti gangi leiksins og barðist rosalega vel í leiknum. Lék í raun það vel að ég held Benitez ætti að gefa honum séns í byrjunarliði á næstunni!

Veit einhver hvar maður getur séð mörkin úr leiknum á netinu .. missti af honum ;(

Veit að þú getur allavega skoðaða highlights á www.bbc.co.uk/football

Ég hélt eftir fyrsta markið hjá Gerrard að við myndum..............ekki rústa þessu, ég hélt að við myndum eiga í miklum vandræðum og Luton liðið gæti vel komið inn í leikinn ef þeir myndu sína einhverja baráttu. Af hverju? Jú, Gerrard fagnaði þessu annas stórkoslega marki EKKI NEITT, ég varð strax reiður þegar ég sá þetta, því Gerrard er ekki þannig, hann er ekki það hrokafullur eins og margir að fagna ekki neitt. Þetta síndi mér að menn voru ekki alveg að fara inn í þennan leik að 100% krafti frá byrjun, við hefðum getað klárað leikinn í fyrri hálfleik og slakað svo aðeins á í seinni og spilað örugt. En hvað var að? Þetta mark var alveg jafn mikilvægt og öll önnur, þetta var alvöru leikur. Allavegana þá hafði ég strax áhiggjur eftir þetta og þær reyndust alveg réttlætanlegar, ég ætla að vona að menn skammist sín fyrir þennan fyrri hálfleik. Sammt var frábært að ná að koma aftur, sem ég var nú ekki í nokkrum vafa um að við myndum gera eftir að Steven Gerrard og fleiri komu inná, þ.e.a.s. að þeir fóru að spila að krafti og ætluðu ekki að gefa neitt eftir, eitthvað sem þeir gerðu ekki í fyrri hálfleik. Já frábær seinni hálfleikur vóg upp á móti skelfilegum fyrri hálfleik og ég er ekki í vafa um að okkar menn læra mikið af þessum leik.

Ég verð að viðurkenna að ég hugsaði það sama og Andri í gær. Ég sat og horfði á þessa flengingu sem okkar menn fengu í fyrri hálfleik og ég gat ekki annað en hugsað með sjálfum mér: "Hvað er í gangi?! Er þessi keppni ekki nógu merkileg fyrir okkar menn?!"

Alveg ömurlegt að sjá liðið manns mæta með svona hugarfar. Það sem gerðist í fyrri hálfleik og alveg fram í stöðuna 3-1 var vanmat og ekkert annað. Ég vona að okkar menn skammist sín fyrir að skila svona frammistöðu og læri af þessu í framtíðinni. Mér finnst það ekkert rosalegt afrek að ná að skora þessi 4 mörk síðasta hálftíman því að við hefðum alveg getað gert það í fyrri hálfleik og sparað okkur mikil vandræði. Getumunurinn á þessum liðum er bara það mikill að þegar okkar menn vöknuðu og fóru að spila fótbolta þá var það allt of stór biti fyrir Luton liðið.

En liðið sýndi samt karakter að koma til baka, það verður ekki tekið af þeim og maður er að sjálfsögðu ánægður með það.

þetta kallast að láta áhorfendur fá skemmtun fyrir peninginn sem þeir borguðu fyrir miðann sinn. Í stöðunni 3-1 fannst mér við samt ná jafnteflinu þótt það hljómi asnalega en það gerðist og gott betur. Við tökum ofan fyrir Luton Town fyrir að gera leikinn skemmtilegan enda með Liverpool-mann sem stjórnar.

Eiki Fr. Ég myndi frekar vilja að við myndum taka 3 mörk af hvoru liði og við myndum vinna 2-0, það eru betri úrslit fyrir liðið.