17. desember, 2005
(smellið á myndirnar til að sjá stærri útgáfur)
Sú saga gengur nú fjöllunum hærra að Liverpool muni einhverra hluta vegna skipta um skyrtuframleiðendur næsta sumar. Sagt er að klúbburinn muni rifta samningum við Reebok - að beiðni þeirra sjálfra - og hefja í staðinn samstarf fyrir Adidas. Nú hafa þessar sögusagnir gengið aðeins lengra, því á netinu í gær birtust myndir af því sem gæti mögulega verið nýji Liverpool-búningurinn. Um er að ræða tvær myndir, tvær keimlíkar útgáfur af sömu rauðu Adidas-hönnuninni, en þó með örlitlum áherslum.
Svo er bara spurningin, er eitthvað til í þessum fréttum? Erum við að fara að versla Adidas-treyjur næsta sumar? Og ef svo er, kemur annar þessara tveggja búninga sterklega til greina? Enn sem komið er er þetta allt óstaðfest … og myndirnar hér að ofan eru líklega bara eftir einhverja áhugasama aðdáendur sem vildu reyna að sjá þetta fyrir sér. En þær líta déskoti opinberlega út, að mínu mati.
Hvora þeirra eru menn svo að fíla betur? Gætuð þið hugsað ykkur að ganga í þessum tötrum næstu tvö árin?
