Mikið er guðslifandi feginn að Milan Baros tók ekki uppá þeirri herjarins vitleysu að skora á móti okkur……… Það er nóg skrafað um kaup og sölur Liverpool þessa dagana….

Frábært að landa þessum útisigri…..við þurftum svo sannarlega á þessu að halda…..

Þetta heldur voninni við að við náum einu af fjórum eftstu í deildinni í ár…..

Til hamingju púllarar!

Sammála leikskýrslunni í öllum atriðum. Það var ekki veikur blettur á leik liðsins í dag. Vörnin var góð með Carragher alveg eins og klett í miðjunni. Miðjan góð með Momo, SG og Alonso og sóknin, sérstaklega eftir vel heppnaðar skiptingar. Mikið var ég þó skúffaður fyrir hönd Crouchy að hann skildi ekki ná að setjann þarna, munaði bara atómi.

Liverpool …. velkomnir í gang!

Komiði sælir og takk fyrir frábæra síðu en þetta er í fyrsta skipti sem ég skrifa eitthvað á svona síðu en ég var mjög ánægður með Liverpool í þessum leik og sérstaklega fannst mér Crouch koma sterkur inn og einnig fannst mér Finnan frábær en ég hef oft gagnrýnt hann en svona á heildina var þetta mjög gott og verður vonandi betra því ég er að fara í fyrsta skipti á leiki með púllurunum en ég fer með syni mína báða og fer út 18 nóv og kem heim 25 nóv og er með miða á 2 næstu leiki Liverpool fyrir okkur feðga en þið vitið hvaða leikir það eru, ekki leiðinlegt, ss VIKA í LIVERPOOL Jæja takk aftur fyrir frábæra síðu Leifi og Co

Takk kærlega fyrir það, Leifi. Góða skemmtun á Anfield. Verður vonandi góð vika!

Annars alltaf magnað hversu fáir kommenta eftir sigurleiki.

Finn sigur en en á tímabili í byrjun seinni hálfleiks var ég farinn að horfa á “gömlu” Liverpool kempunar á Sýn en svo fór loksins eitthvað að gerast í lokin og tvö mörk litu dagsins ljós en þú gleymdir að minnast á skotið frá Gerrard sem Sörensen varði frábærlega en gaman að sjá hvað Crouch kom ferskur inn og það hlýtur að fara detta eitthvað inn hjá honum í næstu leikjum, áfram Liverpool

Góður sigur en ansi var þetta lengi að koma. Carra klárlega maður leiksins, Alonso og Gerrard góðir, en greyið Mori, hann virkaði ansi hreint þreyttur og latur í dag. Sagði eftir c palace leikinn að Rafa myndi koma þessu liði í hæstu hæðir og stend við það!

Góður sigur. Mér fannst spilamennskan bara svona lala, byrjaði vel en svo virtist þetta ætla að fara í sama útileikjafarið í seinni hálfleik. En skiptingarnar voru ferskar og það jákvæðasta kannski að þótt liðið spili ekki vel þá var það samt sterkara en Aston Villa og kláraði leikinn. En djöfull vildi ég að Crouch skoraði. Hann fékk góð færi í leiknum svo þetta bara hlýtur að fara að detta inn hjá honum.

Ég ætla ekki að eyða orðum í Morientes (fyrir utan þessa setningu).

Fínn leikur, en ég verð að viðurkenna að ég var að verða annsi hræddur um markalaust jafntefli. Carra maður leiksins. We are on a role !!!!

Sammál Hafliða, fannst Carragher algjör yfirburðamaður í Liverpool liðinu í dag. Vonandi að hann fari að spila af sama krafti og hann er þekktastur fyrir.

Svo fannst mér sóknarmenn liðsins í dag hver öðrum verri. Ég var farinn að vonast til þess að Morientes væri eitthvað að vakna til lífsins eftir tvo fína leiki en hann var hörmulegur í dag. Vona að hann hafi verið hálf meiddur og það hafi verið að há honum. Cissé fannst mér ekki líklegur til eins eða neins nema færið sem hann fékk í fyrri hálfleik. Hann getur ekki tekið þátt í neinu spili og þegar hann fær boltann þá er það eina sem hann gerir er að setja hausinn undir sig og rjúka af stað með yfirleitt litlum sem engum árangri. Mér finnst Cissé koma að mestum notum þegar lið koma hátt upp á völlinn á móti Liverpool og það myndast pláss fyrir aftan varnir andstæðinganna (eins og t.d. færið hans í fyrri hálfleik í dag og svo gerðist það sama stuttu seinna en þá var hann rangstæður.) Crouch var nú sennilega skástur þeirra þriggja í dag þó svo mér hafi ekki fundist hann neitt sérstakur. Hann átti að skora amk. tvö mörk á þessum tíma sem hann spilaði. Mér fannst bara alltof augljóst með að hann þjáist af of litlu (engu!!) sjálfstrausti en það kemur að sjálfsögðu um leið og hann nær að skora.

En allavega góður útisigur, það hefur ekki verið svo mikið af þeim að undanförnu. Liðið var heilt yfir að spila þokkalega en sóknarleikurinn og sóknarmennirnir eru enn stórt vandamál í mínum huga.

Já það er alveg segin saga að þegar við töpum eru menn mun duglegri að tjá sig hér en þegar við loksins vinnum. Skrítið það er alltaf gott að vinna þegar liðið er ekki að spila sannfærandi. Mér fannst Cissé helvíti ferskur í fyrrihálfleik og það vantaði ekki mikið upp á þessar stungusendingar skiluðu marki. Fannst Sissoko reyndar með lélegra móti, maður er ekki vanur að sjá hann svona slakan. Djöfull hefði nú verið gaman að sjá Crouch karlinn skora, kannski næst.

Þó svo að kommentin séu færri þegar að við vinnum þá er umræðan mikið vandaðri, menn segja eitthvað ígrundað í staðinn fyrir ” helvítis aular, djöfull er ég orðinn þreyttur á því að vera poolari”

Less is more !

Sáttur við þennan sigur í dag. Jú, spilið datt frekar mikið niður á köflum en það er ákveðin kúnst í því að geta unnið útileiki án þess að spila sérlega vel. Í dag tókst okkur það og vonandi er þetta upphafið að því sem koma skal á útivelli í vetur.

Ég var sáttur við Cissé, hann var út um allt og okkar hættulegasti maður, og svo var ég meira og minna sáttur við frammistöðu liðsins. Það áttu fáir stórleik, García, Finnan og Riise voru t.d. sýnilega þreyttir eftir langa törn núna, en liðið í heild sinni var mjög heilsteypt.

Þá finnst mér ég verða að hrósa Peter Crouch fyrir sína innkomu. Á þeim 15 mínútum eða svo sem hann spilaði bjó hann til dauðafæri fyrir Gerrard, fékk eitt dauða-dauða-DAUÐA-skallafæri sjálfur sem hann hefði átt að skora úr, og kom mikið við sögu í báðum mörkunum okkar. Það er ekki of sterkt til orða tekið að segja að Crouchie hafi breytt leiknum til hins betra með innkomu sinni, og sennilega á hann hrós skilið fyrir þessi þrjú stig í dag.

Á móti kemur að vonbrigði dagsins var Fernando Morientes. Ég var sáttur við leik hans fyrir viku gegn West Ham, þótt svo að hann næði ekki að skora þá, og mér fannst hann virkilega góður þessar 50 mínútur sem hann spilaði gegn Anderlecht. Hann náði líka að skora þá, þannig að nú hélt ég að hann myndi loksins reka af sér slyðruorðið og sýna okkur hvað hann getur - svona leikreyndur maður eins og hann bara hlýtur að njóta sín nú þegar pressan er horfin á burt.

En neinei, þess í stað spilar hann sennilega sinn slappasta leik fyrir okkur á tímabilinu, og ég er bara hreinlega hættur að skilja hvað er í gangi með hann. Við vitum að hann getur svo miklu meira, en hann virðist ekki hafa trú á því sjálfur - gott dæmi um það er þegar Cissé tók Barry í nösina í fyrri hálfleik úti við hornfána, lék inn í teiginn og gaf lágan bolta fyrir markið alveg þvert yfir markteigslínuna. García tók hlaupið alla leið af kantinum og var næstum því kominn í boltann á nærstönginni, en á sama tíma var enginn á fjær því Morientes var bara áhorfandi að þessu öllu saman úti við vítapunktinn, í stað þess að keyra að fjærhorninu og reyna að pota eins og alvöru framherjar gera.

Crouch og Cissé hljóta að byrja inná í næsta leik. Þeir eru að spila betur en Morientes núna (fyrir utan Anderlecht-leikinn, þar sem Crouch var slappur, hefur hann verið almennt góður í vetur, ólíkt Nando) … við bara getum ekki haldið áfram að gambla á mann sem við vitum aldrei hvenær spilar vel og hvenær illa.

Og já, það er engin spurning hver var maður leiksins. Hafi dagurinn í dag verið einvígi þá endaði það einhvern veginn svona: Jamie Carragher 25 - Milan Baros 0! Það var engu líkara en að Legend hefði tekið það að sér að elta Milan á röndum og reyna að eyðileggja allt fyrir honum - í hvert sinn sem Milan fékk boltann og/eða reyndi eitthvað, þá var Carra undantekningarlaust mættur til að eyðileggja það fyrir honum. “Welcome to football, lad!”

Frábært að sigrja á útivelli. Mér fannst liðið í heild sinni gott og miðjan með Alonso, Sissoko og Gerrard á hægri vængnum er fyrnasterk.

Ég held áfram linnulausum áróðri mínum fyrir því að Gerrard spili áfram á hægri kantinum. Leikmaður eins og Gerrard á að vera frjáls. Þegar þú spilar á miðri miðjunni ertu alltaf með varnarhlutverkið bak við eyrað.

Svo verð ég að viðurkenna að ég skil ekki þetta jákvæðni í garð Crouch. Hann er svo langt frá því að vera í Liverpool klarssa. Í dag lagði hann upp eitt færi þar sem hann fékk að hlaupa einn út á kannt og sækja boltann og hlaupa svo með hann inn í teig. Það er útilokað að hann myndi hafa gert það sama ef einn varnarmaður hefði verið á leið hans. Svo klúðraði hann 2-3 þremur dauðafærum þar af einum deddara sem var algerlega sambærilegur þessum sem Sissé fékk.

Og ég tek svo undir með Atla varðandi Sissé. Hann nýtist ekki í neinu spili. Og af hverju átti Morientes að hlaupa inn í þegar Cissé sendi boltann fyrir markið eftir að hafa unnið hann út á kannti. Af hverju sendi hann ekki bara boltann á Morientes sem var frír út í teig. Og svo stendur hann bara og argast út í allt og alla. Cissé er að mínu viti frábær markaskorari sem gæti plumað sig vel í slakari deildum en ensku úrvalsdeildinni. Enska úrvalsdeildin er því miður það sterk að þú þarft að hafa fleiri hæfileika en að geta hlaupið hratt. Ef eini hæfileikinn þinn er svo að skora mörk þá þarftu að skora fleiri mörk en Cissé hefur gert hingað til.

Þá vil ég hrósa Zenden fyrir frábæra innkomu. Að mínu viti sterkasti vinstri kanntmaðurinn okkar í dag. Ég væri svo til í að spila með Kewell frammi í næsta leik með Morientes.

Ég er alls ekki búinn að gefast upp á Morientes hann á eftir að reynast okkur vel í vetur.

Annars frábær útisigur og frábært að Rafa er hættur með rotation-rugl kerfið.

Áfram Liverpool!

Sigrja er nýyrði sem ég var að finna upp. Það er notað þegar Liverpool sigjrar á útivelli.

Sigrja eru orðinn sigur (á útivelli) og já (það var laglegt) s.s. sigr-ja.

Góðar stundir!

Til hamingju félagar, glæsilegt. “Góður sigur en ansi var þetta lengi að koma. Carra klárlega maður leiksins, Alonso og Gerrard góðir, en greyið Mori, hann virkaði ansi hreint þreyttur og latur í dag”., sagði Hraundalurinn og ég hefi svo sem engu við það að bæta.

Ég væri til í að sjá Kewell og Cisse saman frammi, það vantar einhvern með örlítinn hraða með honum Cisse og hann hafa Crouch og Morientes ekki en Kewell getur sprett úr spori.

fyrir mitt leyti, þá fannst mér liverpool verða talsvert hættulegri við komu Zenden á banann. væri jafnvel til í að sjá hann halda vinstri kantinum í næsta leik.

það liggur einnig við að Garcia sé að verða okkar besti framherji . það verður gaman að sjá hvernig þessi mál eiga eftir að þróast!

Frábært að vinna 2-0, vonandi að við séum komnir á beinu brautina.

En ef ég væri þjálfari Liverpool þá væri það eitt af mínum fyrstu verkum að hafa spes æfingu fyrir Cisse að “leggja boltann”, það er alveg ótrúlegt með hann hvernig hann dúndrar alltaf og vonar það besta. Ég vill sjá hann fara að taka Henry á þetta og vera svolítið snyrtilegur við þetta. Ég sagði við félaga minn þegar hann var kominn einn í gegn “Sjáðu, hann skýtur bara eitthvað og hefur ekki hugmynd um hvert” og það varð raunin.

Eruð þið sammála?

Góður sigur!

Ég held að Cissé þyrfti að fá Michael Owen til að kenna sér hvernig eigi að klára einn á móti markmanni

Frábær sigur og verðskuldaður.

Loksins loksins er Rafa hættur að hringsóla með liðið og líka allir heilir…. frábært.