Ég verð að segja eins og er að ég átti aldrei von á því að Stephen Warnock myndi spila með aðalliðinu og hvað þá vera valinn í landsliðið. Hann hefur verið einstaklega óheppinn með meiðsli á sínum ferli m.a. fótbrotnað tvisvar sinnum en hefur ávallt komið tilbaka sem betri leikmaður og sterkari andlega. Gengi Warnocks hefur verið áhugavert í vetur og er hann klárlega vel spilandi leikmaður sem hefur burði til að verða fastamaður í byrjunarliðinu. Hann er betri varnarmaður en Riise sem og betri á boltann. Traore er klárlega betri skallamaður, fljótari og betri tæklari en langtum slakari sóknarlega. Spurning hvort Traore eða Warnock verði aðalbakvörður okkar í vetur? Ég tel hins vegar að Riise verði aðallega á kantinum og þá sem varamaður fyrir Zenden (þ.e. Kewell nær sér ekki af meiðslunum).

Þegar Houllier var við stjórnvölin fékk Warnock lítinn séns og var á endanum lánaður til Coventry. Þar spilaði hann vel og þáverandi stjóri þeirra, Gary McAllister, vildi kaupa drenginn. Á endanum fór Warnock aftur tilbaka, nýr þjálfari tók við Liverpool and the rest is history. Fyrrum landsliðsþjálfari U-15 landsliðs Englands og núverandi þjálfari unglingaliðs Liverpool, John Owens, talar um Warnock á official síðunni.