Mín spá: Liverpool - Chelsea - Schalke - FC Thun.

Finnst það bara einhvern veginn liggja í loftinu að við þurfum að mæta Chelsea aftur í ár … eins og spennan í vor kveði á um ‘rematch’ …

Þetta verður spennandi dráttur!

Hvaða lið er FC Thun?

Og á ekkert að fjalla um að everton datt út í kvöld eða?

Eyða orðum í Everton? Til hvers???

Og FC Thun eru spútnikliðið í ár - var ekki búist við því að þeir kæmust lengra en í 1. umferð forkeppninnar en þeir eru komnir alla leið inn í riðlakeppnina. Þeir eru frá Sviss … þetta væri svipað og ef FH hefði komist alla leið í riðlakeppnina, það bjóst enginn við að þetta lið næði svona langt.

Væri gaman að fá svoleiðis lið, spútniklið.

Af hverju erum við í efsta styrkleikaflokki þrátt fyrir að hafa byrjað eins neðarlega í meistaradeildinni og hægt er? Og af hverju eru Chelsea ekki í þeim flokki frekar en Arsenal eða United….já eða við?

Af því að Chelsea hafa ekkert afrekað síðustu fimm ár í Evrópu miðað við okkur. Við erum Evrópumeistarar og unnum Evr.keppni Félagsliða fyrir 4 árum síðan.

Jááááá….ok þannig er þetta!

Þetta er reyndar alveg svarið sem ég bjóst við…en samt skil ég ekki af hverju var komið fram við okkur eins og við ættum ekkert heima í meistaradeildinni með því að láta okkur byrja svona neðarlega…og svo erum við bara núna komnir í efsta flokk!

Það væri algjör snilld að fá Panathinaikos…. út af Biscan og það væri ekkert verra ef Club Brugge og FC Thun væru í riðlinum líka

já eða Lyon útaf Houillier

Hannes

Liverpool á í raun ekkert að vera í Meistaradeildinni í ár. Liðið náði ekki Meistaradeildarsæti með árangri í heimadeildinni og það eru ekki til neinar reglur(voru ekki til, það er búið að breyta þessu núna eftir þetta fíaskó) sem segja að sigurvegarinn eigi að fá sæti. Þannig að í raun fékk Liverpool algjöra sérmeðferð hjá Uefa sem hleypti okkur inn, en þá í fyrstu umferðina, eitthvað til að fegra sína samvisku sjálfsagt.

Ég skal alveg vera sammála þeim sem segja það fáránlegt að sigurvegararnir fái ekki tryggt sæti að ári í Meistaradeildinni, en það breytir því ekki að í fyrra voru ekki til reglur sem sögðu svo. Reglunum var sem sagt breytt undir lok tímabilsins til að hjálpa Liverpool. Ef breyta á reglum, þá verður að gera það við upphaf keppni, þannig að allir standi jafnir og við sama borð, að allir séu að keppa að því sama.

Ég er á því að Uefa hafi tvöfallt gert í buxurnar. Fyrst með því að hafa ekki regluna um að meistararnir fái sæti, sérstaklega þar sem þeir höfðu fordæmi fyrir þessu síðan fyrir fimm árum á Spáni, og svo með því að breyta reglunum til að koma Liverpool inn.

Fyrir mér er þetta svipað og með lyfjamálið hjá Rio Ferdinand. Hann mætti ekki í lyfjapróf og að mæta ekki jafngildir falli, þannig eru bara reglurnar. Liverpool náði ekki fjórða sætinu og náði því ekki inn í Meistaradeildina. Plane and simple. Ég mun þó að sjálfsögðu hvetja mína menn í vetur í CL því eins og allir þeir sem þekkja mig, bæði hér eða persónulega, vita að ég er mjög harður og rauður í gegn.

Þeir sem ætla að andmæla þessu vil ég biðja að anda rólega og setja þetta þannig upp að þetta væri Man Utd í stað Liverpool sem Uefa hefði breytt reglunum fyrir. Hvað hefðu menn sagt þá?

Liverpool fær Lyon skráð kl 9:02

Ég vil fá:

Chelsea - Rangers og Fenerbache. Erfitt og skemmtilegt!

Og í guðanna bænum ekki eyða orðum á E*n!!!

Innvortis

Ég þakka þér fyrir langt svar. En því miður var þetta alls ekki það sem ég var að spyrja um. Takk samt!

Við erum í efsta styrkleikaflokki því við höfum unnið okkur inn stig. Liðin vinna sér inn stig fyrir árangur í Meistaradeildinni(reyndar tvinnist deildin inní þetta líka). Chelsea er nýkomið svona inní myndina og eru því ekki í efsta styrkleikaflokk…og í raun kemur það mér á óvart að þeir skuli vera í 2. styrkleikaflokki.

Þeir hafa samt komist tvisvar í röð í undanúrslitin, Innvortis, þannig að þeir hljóta að fara að slá annað hvort Arsenal eða Internazionale út úr 1. styrkleikaflokki. Ég held að ef Chelsea komist lengra en Arsenal í ár líka þá muni þeir hafa sætaskipti í röðinni á næsta ári, Chelsea í 1. styrkleikaflokk og Arsenal í 2.

Já ég heyrði þá Valtý og Bödda tala um þetta í Mín skoðun í dag. Ég hélt þetta færi bara eftir árangri í deildinni, en svo er ekki.