17. ágúst, 2005
Úff, ég tók mér vikufrí frá erilsömu lífi fótboltafíkilsins og skellti mér í sumarbústað sl. föstudag. Fyrir vikið hef ég ekki litið á eina einustu vefsíðu, ekkert verið með í fréttum síðustu vikunnar og ég sá ekki eitt einasta tuðruspark um síðustu helgi. Það eina sem ég hef séð af fyrstu umferð ensku Úrvalsdeildarinnar er það sem Bjarni Fel sýndi mér á Ríkissjónvarpinu á mánudaginn.
Nú er ég samt kominn aftur og það fyrsta sem ég sá þegar ég kveikti á viðtækinu áðan var að frændur vorir Danir voru að rústa Englendingum, og það kom ekki á óvart að Gerrard spilaði einhverjar 80 mínútur í þessum leik, á meðan Lampard og Terry fengu frí eftir fyrri hálfleikinn. Chelsea eiga stórleik við Arsenal á sunnudag og því var athyglisvert að sjá Ashley Cole spila 90 mínútur í kvöld … gaman að sjá að menn sitja jafnt til borðsins hjá Sven Göran.
En allavega, ég er búinn að sitja hér í klukkutíma og lesa mér upp um það sem ég hef misst af á netskrifum og mér sýnist mestöll umræðan hafa snúist um einn mann hjá okkur: Momo Sissoko. Einar segir að hann hafi verið besti maður okkar gegn Boro og Paul Tomkins var því sammála, þannig að ég hlakka til að sjá næsta leik okkar. Verður gaman að sjá hann.
Svo er Baros að fara og Owen, Shalihamidzic, Solano og Maradona að koma í staðinn. Gaman að því, vonandi fáum við allavega botn í þessi leikmannamál sem fyrst.
Allavega, Aggi og Einar hafa verið duglegir að uppfæra síðuna og verður hún eflaust enn líklegri nú þegar ég er mættur við lyklaborðið á ný - ef það er eitthvað sem ég græddi á þessu helgarfríi frá enska boltanum þá var það sú staðreynd að ég get alls ekki beðið eftir næsta laugardegi! 
Velkominn heim úr sumarbústað Kristján og þú verður að fyrirgefa mér þegar að ég bendi þér á að þú er búinn að vera í fríi frá Enska boltanum síðan í Maí þar sem fyrsta umferðin var um síðustu helgi 
