Iker Casillas, markvörður Real Madrid og spænska landsliðsins er meiddur og því er líklegt að Pepe Reina leiki sinn fyrsta landsleik fyrir Spán gegn Úrugvæ á morgun. Frábært fyrir hann.

Fyrir þá, sem lásu ekki komment við síðustu færslu, þá sendi Svenni inn þetta magnaða komment:

Og voruð þið búin að átta ykkur á því að um helgina voru 5 lið í úrvalsdeildinni með markmann sem á einhverjum tímapunkti hefur varið mark Liverpool - James(man.city), Friedel(blackburn), Westerveld(portsmouth), Kirkland(W.B.A.) og Reina! Mér finnst þetta nokkuð magnað, sérstaklega þar sem þetta hefur verið hálfgerð vandræðastaða hjá liðinu undanfarin ár. Nú er bara spurning hvort Dudek komi til með að bætast á þennan lista í janúar?

Þetta er hreint ótrúlega magnað. Við skulum vona að Reina og Carson bindi endalok á þessa vitleysu.

Flo-Po er byrjaður að spila fótbolta á ný eftir fótbrot og hann skoraði mark í sínum fyrsta varaliðsleik í kvöld. Það eru einnig frábærar fréttir.

Scott Carson spilaði með U-21 landsliðinu gegn Danmörku í kvöld. Enska liðið vann 1-0 í leiknum sem fram fór í stórbænum Herning.