Jose Reina er svo gott sem búinn að staðfesta það að hann komi til Liverpool innan tíðar.

Ég verð samt að játa það að ég hafði ekki hugmynd um það að Jose Ochotorena, markvarðaþjálfari Liverpool er líka markvarðaþjálfari spænska landsliðsins. Hann þekkir því væntanlega mjög vel til Reina. Reina segir hins vegar í viðtali að hann hafi ekki talað um Liverpool við Ochotorena, heldur einungis um verkefnin framundan hjá spænska landsliðinu.

Jerzy Dudek segist hins vegar ekki geta hugsað sér að fara frá Liverpool í sumar.

Þetta verður athyglisvert. Jose Ochotorena veit greinilega allt um Jose Reina og það væri ólíklegt að Benitez væri að kaupa hann nema til að hafa Reina sem okkar aðalmarkvörð á næsta tímabili. Því er spurningin hvað gert verður við hina markverðina þrjá. Þetta er mín tillaga: Selja Dudek til Feyenoord. Lána Kirkland til einhvers liðs í Úrvalsdeildinni, svo hann geti sannað sig (ef við myndum selja hann í dag fengjum við ekki krónu fyrir hann). Halda svo Scott Carson og Jose Reina.

Ég held að Benitez gæti verið sammála mér.+

Viðbót (EÖE): Hérna eru nokker komment frá Reina á official síðunni.