Jáááááá! Það er ekkert annað! Á meðan á leiknum við Watford stóð í kvöld sögðu Sky News að Real Madríd hefðu loksins tekið tilboði Liverpool upp á 6 milljónir punda fyrir Fernando Morientes. Maður kippti sér ekkert upp við þessar fréttir, enda ekki í fyrsta sinn síðustu tvær-þrjár vikurnar sem einhver fréttamiðill “heldur fram” að þessi kaup séu orðin frágengin.

Hins vegar trúi ég næsta miðli öllu betur. Í viðtali eftir Watford-leikinn, sem síðan birtist á Liverpoolfc.tv-síðunni opinberu, STAÐFESTI RAFA BENÍTES FRÉTT SKY NEWS um að Morientes myndi væntanlega skrifa undir á næstu klukkustundum (líklega þá í fyrramálið) og að hann vonaðist til að Morientes muni geta spilað gegn manchester united á laugardaginn!!!

Hversu fokking kúl er það? Öööö Sir Alex? Við mætum ykkur með … MILAN BAROS … og … FERNANDO MORIENTES í framlínunni á laugardaginn. Þið eruð í djúúúpum skít!

Þetta er frábært, einmitt fréttirnar sem við erum búin að bíða eftir alveg síðan Cissé fótbrotnaði núna, og jafnvel enn lengur en það. Þetta virðist vera að ganga í gegn og nú fer maður að sofa brosandi í kvöld og býst við að sjá staðfestingu á að Moro hafi skrifað undir samning og klárað læknisskoðun fyrir hádegi á morgun.

Þannig að við spiluðum ekki vel gegn Watford en við unnum, héldum hreinu á heimavelli og fengum langþráða staðfestingu á kaupunum á Morientes í kvöld. Er það ekki bara ágætt?