Fyrirgefið orðbragðið, en El-Hadji Diouf er fokking hálfviti!

Úrslitin í kvöld voru okkur nokkuð hagstæð fyrir utan það að Everton náði að kreista fram sigur á síðustu mínútu gegn Portsmouth. Annars gerðu Arsenal, manchester united og Tottenham öll jafntefli, og Middlesboro tapaði. Núna í byrjun þessa hlés erum við í 5. sæti, 6 stigum á eftir Everton og 7 stigum á eftir Manchester United. Ef við vinnum þá í næsta leik á Anfield, þá verðum við aðeins 4 stigum á eftir Man U. Ég segi það að við eigum að stefna á þriðja sætið, það er enn góður möguleiki.

Annars þá eru veðbankarnir að taka veðmál á að Chelsea vinni fernu pg eru líkurnar 16/1, sem er alveg fáránlega lágt! Er fólk alveg búið að gleyma því að það hefur ekki verið spilaðir einn leikur í bikarnum og að þeir eiga ennþá eftir að spila við þarna lið frá Spáni í Meistaradeildinni. Hvað heitir það aftur?? Ha? Já, Barcelona.

Annars byrjar slúðrið rólega fyrir utan Pellegrino, sem virðist klappað og klárt. Við erum jú orðaðir við einhvern markmann frá Oman, sem heitir Al-Habsi og Kraptalk segja að Chris Kirkland sé til sölu fyrir 4 milljónir punda og svo er Tony Le Tallec orðaður við lán hjá Norwich, sem mér finnst vera verulega sniðug hugmynd.