Monthly Archives: October 2010

Bolton 0 – Liverpool 1

Posted on by

Okkar menn heimsóttu Bolton Wanderers í dag og náðu loksins, loksins, LOKSINS að innbyrða útisigur í Úrvalsdeildinni. Lokatölur urðu 0-1 í jöfnum og spennandi leik.

Roy Hodgson stillti upp óbreyttu liði frá því í sigurleiknum gegn Blackburn:

Reina

Carragher – Kyrgiakos – Skrtel – Konchesky

Lucas – Meireles
Rodriguez – Gerrard – Cole
Torres

**BEKKUR:** Hansen, Kelly, Poulsen (inn f. Meireles), Spearing, Shelvey, Jovanovic, Ngog (inn f. Cole).

Þetta var ekkert sérstaklega frábær frammistaða en menn voru þó að reyna að gera rétta hluti. Liðið byrjaði á sömu hápressunni og virkaði svo vel gegn Blackburn og gekk ágætlega að halda boltanum og stjórna leiknum framan af en bitleysi uppi við vítateig Bolton háði liðinu. Leikurinn jafnaðist svo þegar leið á hálfleikinn og eftir baráttuhálfleik var staðan í hléi markalaus.

Liðið byrjaði seinni hálfleik svo skelfilega illa að mínu mati. Botninn datt alveg úr spili liðsins, varnarmennirnir fóru í háu boltana upp á Torres sem var að spila við hæsta miðvörð deildarinnar, Zat Knight, þannig að hann gat lítið gert og miðjumennirnir þrír týndust algjörlega. Á þessum tíma óttaðist maður hreinlega að Bolton væru að fara að landa þessu en sem betur fer náði liðið aðeins að rétta úr kútnum og spila sóknarbolta aftur upp úr miðjum seinni hálfleik.

Það er kannski ósanngjarnt að leggja það á einn leikmann, en það verður samt að segjast að sóknarleikurinn fór í gang aftur eftir að Joe Cole meiddist á læri og þurfti að fara út af um hálftíma fyrir leikslok. Í hans stað kom inná David N’gog og Hodgson fór í 4-4-2 leikkerfi með Maxi vinstra megin og Meireles hægra megin. Í kjölfarið fór liðið að opna vörn heimamanna nokkrum sinnum og vantaði bara herslumuninn, á meðan heimamenn ógnuðu hinum megin líka og greinilegt að bæði lið voru að reyna að ná í öll stigin.

Það fór svo, fjórum mínútum fyrir leikslok, að okkar menn náðu sigurmarkinu. Meireles renndi boltanum í opið svæði á Torres sem sneri baki í markið. Torres sá gott hlaup **Maxi Rodriguez** inn fyrir vörnina og lagði boltann frábærlega innfyrir á hann með hælspyrnu. Rodriguez var undir pressu frá varnarmanni Bolton en náði að gera það sem þeir Gerrard, Torres, N’gog og Cole höfðu ekki getað fram að því í leiknum – hann potaði boltanum framhjá Jussi Jaaskelainen í marki Bolton. Lokatölur 1-0 í miklum baráttuleik sem var ekki neitt sérstaklega vel leikinn en hefði getað farið hvernig sem er, svo það var mjög jákvætt að ná að sigra.

**MAÐUR LEIKSINS:** Sóknin hjá okkur var ekki góð í dag. Torres, Gerrard, Cole og Rodriguez voru að reyna en það vantaði alltaf aðeins betri lokasendingu eða örlítið meira sjálfstraust til að klára hlutina alla leið. Í raun átti enginn þeirra neitt sérstaklega góðan dag nema þá kannski helst Rodriguez sem vann mjög vel á hægri kantinum auk þess að skora sigurmarkið.

Á miðjunni voru Meireles og Lucas góðir og þá fannst mér Lucas ívið betri, en þó týndust þeir báðir framan af seinni hálfleik. En samt, ég sá lítið annað í dag en enn eina staðfestinguna á því að Lucas, Meireles og Gerrard eiga að vera þríeykið okkar á miðjum vellinum og að Poulsen á ekki að koma nálægt þessu byrjunarliði. Bakverðirnir voru slakir, varnar- og sóknarlega og nær allar sóknir Bolton-manna komu þegar þeir spiluðu upp völlinn framhjá Carra og Konchesky í bakvörðunum. Sem betur fer fyrir þá voru þrír bestu menn okkar í dag á milli Bolton-manna og marksins en þeir **Skrtel**, **Kyrgiakos** og **Reina** gerðu allt rétt í dag og héldu verðskuldað hreinu marki.

Það er nokkuð ljóst að Martin Skrtel er fastamaður í byrjunarliði hjá Roy Hodgson og um Reina þarf ekki að fjölyrða, hann er einn besti markvörður í heimi í dag. En frammistaða Sotirios Kyrgiakos síðustu vikurnar hlýtur að vera það jákvæðasta við þetta tímabil það sem af er og ég er hreint ekki svo viss um að Carragher eigi sjálfkrafa að fara aftur í miðja vörnina þegar Glen Johnson kemur inn heill. Hvort það þýðir að Hodgson hafi Johnson á bekknum og noti Carra áfram í bakverði (ég vona ekki) eða hvort það þýði að Carra missi stöðu sína í byrjunarliðinu þá er staðan bara sú að Carra er að verða 33ja ára, má muna fífil sinn fegurri og Grikkinn hárprúði er einfaldlega að spila betur en varafyrirliðinn í dag.

Hver er svo framtíðin? Eftir átta leiki hafði liðið náð sér í sex stig en hefur svo náð sér í sex stig til viðbótar í síðustu tveimur leikjum. Eftir sigurinn í dag er liðið komið upp í 12. sæti Úrvalsdeildarinnar:

Við erum með 12 stig í 12. sæti, þremur stigum frá fallsvæðinu en líka bara þremur stigum frá Tottenham í 5. sæti deildarinnar. Eftir að hafa rétt úr kútnum og unnið tvo leiki í röð er þessi deild skyndilega galopin fyrir Liverpool FC og alveg eins líklegt að blanda sér í toppbaráttuna eins og að halda áfram í fallbaráttu.

Stóra spurningin er að sjálfsögðu, er Roy Hodgson rétti maðurinn til að leiða þetta lið áfram upp töfluna? Eftir tapleikinn gegn Everton voru stuðningsmenn Liverpool nær einróma sammála um að hans tími væri þegar liðinn og hann hefur haldið áfram að gera smávægileg (en pirrandi) glappaskot í fjölmiðlum síðan þá. Á hinn bóginn komu fyrirliðinn og varafyrirliðinn fram fyrir skjöldu í síðustu viku og ítrekuðu stuðning leikmanna við Hodgson og báðu um tíma og þolinmæði á meðan liðið leiðrétti ástandið.

Tímann hafa þeir fengið og svarað áskoruninni, heldur betur. Ágætis frammistaða og jafntefli hjá „B-liðinu“ í Napolí var undanfari mjög góðrar frammistöðu og sigurs gegn Blackburn, og í dag náði liðið baráttusigri á útivelli gegn Bolton.

Fyrir mitt leyti hef ég ekki enn séð nóg til að sannfærast um að Hodgson sé rétti maðurinn til framtíðar, fjarri því, en á meðan hann er að gera réttu hlutina og bæta sig og liðið get ég lítið kvartað. Í dag stillti hann upp, annan leikinn í röð, mjög jákvæðu liði og lét það spila hátt uppi á vellinum og pressa andstæðingana. Frammistaðan var ekki frábær en það er ekki hægt að saka hann um það. Ef eitthvað er getum við farið að draga ályktanir um ákveðna leikmenn fljótlega – ég myndi t.a.m. ekki gráta það ef Joe Cole væri meiddur og myndi missa af Chelsea-leiknum – en Hodgson hefur svarað gagnrýninni með jákvæðri spilamennsku, uppstillingum til sigurs og tveimur sigurleikjum í röð.

Ég held mig enn við mína skoðun. Roy Hodgson er sennilega ekki maðurinn fyrir Liverpool FC. En megi hann halda áfram að afsanna þau orð mín sem allra lengst. Og hvað leikmennina varðar þá er ljóst að það þarf að kaupa smá gæði í þetta lið strax í janúar, en allar sögusagnir um að leikmenn styðji ekki við bakið á Hodgson eða að leikmennirnir séu ekki ánægðir hjá Liverpool? Ég stórefast um þær þegar ég sé svona myndir…

Mér sýnist liðið standa heilshugar í þessari baráttu þessa dagana. Þeir börðust í dag, spiluðu sóknarbolta, pressuðu andstæðingana og unnu 0-1 sigur á erfiðum útivelli. Á meðan Hodgson og strákarnir hans halda uppteknum hætti mun ég þegja.

YNWA

Liðið gegn Bolton

Posted on by

EÖE er eitthvað að gleyma sér svo ég hendi inn liðinu:

Reina

Carra – Kyrgiakos – Skrtel – Konchesky

Lucas – Meireles
Maxi – Gerrard – Cole
Torres

BEKKUR: Hansen, Poulsen, Jovanovic, Spearing, Kelly, Shelvey, Ngog.

Óbreytt frá síðasta leik sem er kannski vel skiljanlegt þar sem liðið spilaði eins og….já Liverpool í þeim leik. Vonum að svipað verði upp á tengingum í dag.

John W Henry svarar spurningum lesenda RAWK

Posted on by

Hinn Liverpoolsögulegi Mummi póstaði hingað inn link á RAWK sem ég held að eigi alveg skilið meiri athygli.

Ef ég man rétt þá fóru einhverjir meðlima þeirra á fund með John W Henry (manninum sem fer fyrir hópi nýrra eigenda Liverpool) eftir að kaupin voru frágengin og núna hafa þeir fengið hann til að svara spurningum lesenda. Þeir sendu á hann 23 spurningar sem þeir söfnuðu saman frá lesendum sem hann er að vinna í að svara og hefur núna sent svar við fyrstu níu spurningunum. Afar áhugavert að lesa þetta og stórgaman að sjá með svona greinilegum hætti muninn á nýjum og gömlum eigendum. NESV eru allavega að reyna að vinna sér inn traust stuðningsmanna og svonalagað skemmir ekkert fyrir þeim: (ýtir á Continue reading → hér fyrir neðan til að lesa svörin)
(ATH: Snemma í ummælum er að finna íslenska þýðingu á þessum svörum og um leið gott dæmi um frábæran lesendahóp hér á kop.is)
Continue reading →

Bolton á morgun

Posted on by

Svei mér þá, ég hélt ég ætti skrifa svona upphitun í lok október, en svona er staðan nú engu að síður. Við erum að fara að spila afar mikilvægan leik á morgun á útivelli gegn Bolton. Þessi leikur er ekki bara mikilvægur, heldur HRIKALEGA mikilvægur. Í dag munar aðeins 8 stigum á okkur (18. sæti) og liðinu í 2. sæti. Það er í rauninni alveg ótrúlegt bara, miðað við allt og allt. En ætli menn sér að gera eitthvað smá úr þessu tímabili, þá verða menn að fara að hala inn stig, og það á útivelli.

Mér skilst að Roy Hodgson hafi ekki unnið á útivelli í einhverjum 23 leikjum í röð í deildinni, það verður bara að fara að breytast. Það eru heil 3 stig í 7. sæti í deildinni eins og staðan er núna. Gullna tækifærið er á morgun, við getum sent út statement um það að það sem búið er sé bara einn stór misskilningur, liðið sé ekki svona slakt og að við getum spilað fótbolta. Þetta lið okkar á hvergi annars staðar heima en í toppbaráttunni, um það eru flestir sammála, nema kannski Roy Hodgson:

“I’m not believing naively we are going to win seven out of nine and fly up to the top of the table but I do want us to move from of the relegation zone.”

Sjáum nú til, næstu 9 leikir okkar eru:

Bolton (Ú)
Chelsea (H)
Wigan (Ú)
Stoke (Ú)
West Ham (H)
Tottenham (Ú)
Aston Villa (H)
Newcastle (Ú)
Fulham H

Leikirnir þar á eftir eru svo:

Blackpool (Ú)
Wolves (H)
Bolton (H)
Blackburn (Ú)
Everton (H)
Wolves (Ú)
Stoke (H)

Ætlar einhver að segja mér að þetta program ætti ekki að skila okkur upp í toppbaráttuna, ef allt væri eðlilegt og miðað við núverandi leikmannahóp sem inniheldur allan þennann fjölda af landsliðsmönnum? Ef ekki núna, hvenær þá? Akkúrat vegna þessa er þessi útileikur gegn Bolton á morgun svona fáránlega mikilvægur. Nú er kominn tími til að sýna að menn séu með hreðjar, það þarf að byrja á toppnum, Roy Hodgson. Er einhver bara sáttur við að komast úr fallbaráttunni? Ef þú stefnir lágt, þá ferðu ekki mjög hátt, simple. Nú verður kallinn að fara að breyta sínu hugarfari, sér í lagi ef hann ætlast til þess að leikmennirnir breyti sínu og komi gargandi vitlausir til leiks.

Mótherjar okkar á morgun hafa byrjað mótið vel, og þeir eru meira að segja farnir að spila fótbolta annað slagið, eitthvað sem hefur ekki sést á þeim bænum afar lengi. Owen Coyle er skemmtilegur stjóri og hefur breytt þessu liði til hins betra, um það efast enginn. Það eru nokkrir góðir spilarar þarna og hefur Kevin Davies verið leiðtogi þeirra á vellinum, fer fram með flottu fordæmi og fádæma baráttu. Ég held að það þurfi eitt stykki in form Grikkja til að berja á þeim jaxli. En hvað um það, að okkar mönnum.

Glen Johnson er víst ansi tæpur á að ná leiknum, reikna nú ekki með honum. Aurelio er að komast í spilaform, en Agger er víst ennþá frá vegna meiðsla. Sömu sögu er að segja af Dirk Kuyt, en hann er samt sagður 4 árum á undan áætlun með meiðslin sín og ætti að fara að detta inn í slaginn að nýju. Babel meiddist eitthvað lítillega í varaliðsleik í vikunni, og veit ég ekki hvort hann sé leikfær. Ég hreinlega vona að Roy stilli upp sambærilegu liði og gegn Blackburn, þ.e. að hafa Meireles á miðjunni með Lucas, Cole og Maxi á köntunum og svo Stevie fyrir aftan Torres. Persónulega væri ég til í að setja Aurelio í bakvörðinn í staðinn fyrir Konchesky, en ég stórefast um að svo verði. Svo liggur maður á bæn með það að Poulsen fái að verma bekkinn áfram, hann á ekkert erindi inn í þetta lið á kostnað Lucas eða Meireles, svo einfalt er það. Er samt skíthræddur um að hann verði í byrjunarliðinu. Ég ætla því að giska á að liðið verði bara nákvæmlega eins og gegn Blackburn:

Reina

Carra – Kyrgiakos – Skrtel – Konchesky

Lucas – Meireles
Maxi – Gerrard – Cole
Torres

Bekkurinn: Jones, Kelly, Aurelio, Poulsen, Spearing, Jovanovic og Ngog

Sigur og ekkert nema sigur kemur til greina. Þetta er ekkert “gott stig á erfiðum útivelli” dæmi, það verður bara að breyta þeim hugsunarhætti. Við sýndum það á sunnudaginn að liðið getur vel spilað fótbolta, sé sá gállinn á þeim, og ég ætlast til þess að áframhald á því verði á morgun. Ég hreinlega neita að trúa því að menn grípi ekki þetta tækifæri og stimpli sig ærlega inn í þetta tímabil sem er því miður löööööngu byrjað. Kominn tími til að menn bara hreinlega átti sig á því. Ég ætla að spá okkur 1-2 sigri á morgun. Meireles kemur með sitt fyrsta mark og Torres er kominn með blóðbragð í kjaftinn eftir síðustu helgi.

Get in there…

Roy, hvert skal halda?

Posted on by

Ég hef í þó nokkurn tíma ætlað að henda niður á “blað” smá hugleiðingum um stjóra Liverpool FC, Roy Hodgson. Ég vil byrja á því að taka það fram að ég var afar fjarri því að vera spenntur fyrir honum þegar orðrómur fór á flug í sumar um að hann væri hugsanlega að taka við liðinu. Fannst hann hreinlega vera einn sísti kosturinn í stöðunni. Hann var þó ráðinn og þar við sat. Ég var í kjölfarið algjörlega fús til að gefa honum fullan séns á að sýna sig og sanna og þar með stinga upp í efasemdarraddir eins og mína. Og þetta byrjaði hreint ekkert svo illa (þ.e. áður en liðið byrjaði að spila). Mér fannst hann kom vel fyrir í fjölmiðlum, var að segja réttu hlutina og virtist ná að slá á umræðuna um hugsanlega brottför manna eins og Stevie og Fernando.

En hver er staðan í dag? Ég hefði aldrei trúað því hversu fljótt almennur stuðningur við hann hvarf. Ég er nú persónulega seinþreyttur til vandræða þegar kemur að stjórum Liverpool, hef yfirleitt verið meira gagnrýndur í gegnum tíðina fyrir of mikinn stuðning við þá. Ég studdi Roy Evans dyggilega og var innst inni ekkert of sáttur við það þegar Houllier var ráðinn. En eins og með Hodgson, þá fékk hann stuðning minn algjöran þegar hann var kominn með liðið í hendurnar. Flestir voru búnir að missa trú á honum áður en ég missti hana. En ég held að Roy Hodgson hafi hreinlega sett nýtt met núna á haustmánuðum í því að tapa stuðningi meirihluta stuðningsmanna félagsins, hann bara hvart á nokkrum vikum. Liverpool var búið að spila 20 leiki undir hans stjórn (með undirbúningstímabilinu) þegar kom að leiknum gegn Blackburn. Þá kom fyrsta alvöru frammistaða liðsins. En lítum nú á atriði sem hafa orðið til þess að hann setti þetta vonda met:

- Kick & hope boltinn. Taktíkin hefur verið algjörlega afleit. Hápressan lögð af og liðið látið verjast aftar, oft á tíðum skilaði það sér í því að miðjan var bara klippt út úr leikjunum. Ef Houllier átti að hafa verið varnarsinnaður, hvað var þá þetta? En munið, hann sagði einfaldlega að þetta væri aðferð sem hann væri búinn að nota í 35 ár og hann væri ekkert að fara að breyta henni, hún myndi virka fyrir rest. Það sem ég furðaði mig helst á varðandi þetta er að einhverjir hafi orðið hissa á þessari taktík, því eins og hann sagði sjálfur, þá hefur hann notað þetta áratugum saman.
- Leikmannakaup/sölur. Sala á Javier var óumflýjanleg og verður honum ekki kennt um hana, sama má segja um Benayoun. Búið var að ganga frá kaupum á Shelvey, Wilson, Jovanovic og Cole áður en hann kom (undirskriftir komu samt formlega eftir að hann kom), þá eru eftir Poulsen, Konchesky og Meireles. Mér líst vel á þann síðast nefnda, en hitt eru algjörlega óskiljanleg kaup, vægast sagt. Leikmenn sem eru að komast undir lok ferilsins og hafa ekki verið að mála bæinn rauðan. Þegar því er svo bætt inn í jöfnuna að Insúa og Aquilani voru lánaðir út í staðinn, þá verður þetta enn verra. Mig hryllir hreinlega við tilhugsununni hvað Roy myndi gera í næsta “glugga”.
- Gagnrýni hans á mótmælin gegn eigendunum. Hann skoraði fá stig hjá stuðningsmönnum þarna, í rauninni setti hann stórbrotið sjálfsmark.
- Úrslit leikja. Það er stundum hægt að gefa mönnum séns þó úrslitin séu ekki að falla með manni, ef maður sér eitthvað í leik liðsins sem fær mann til að vera bjartsýnn. Ekki hefur verið mikið um það, þó síður sé. Vorum hundheppnir að vinna WBA á sjálfum Anfield og sama sagan með jafnteflið þar gegn Sunderland. Svo höfum við horft upp á töp á OKKAR heimavelli gegn sjálfum Blackpool og Northampton. Ekki hafa útileikirnir verið meira sannfærandi, flengdir af City og Everton, verðskuldað tap gegn Man.Utd og svo heppnis jafntefli gegn Birmingham. 18. sætið staðreynd eftir 8 leiki. Sóknarleikur hefur verið í molum (utan Blackburn) og varnarleikurinn ekki skárri.
- Skiptingar. Ef fyrirrennari hans pirraði mann með því að bregðast seint við í leikjum með því að nota bekkinn, þá hefur Roy sett ný viðmið í þeim málum. Bara sem dæmi, gegn Northampton, engin skipting í venjulegum leiktíma.
- Fröken Fergie. Roy virðist verulega umhugað um að styggja ekki félaga sinn hjá Man.Utd. Sá rauðvínslegni kallaði hans aðal framherja svindlara og í stað þess að (á vandaðan hátt) segja honum að grjóthalda kj. þá kaus hann að svara því bara ekki, ekki fyrr en nokkrum dögum síðar þegar hann var búinn að fá reiðigusu frá stuðningsmönnum Liverpool FC. Og hvað var það líka að labba inn á Old Trafford nánast í sleik við sinn elskulega félaga?
- Vonir og væntingar. Gegn Birmingham, já þið lásuð rétt BIRMINGHAM: “My expectations were not that high anyway. It would have been disappointing to lose but I’m not that disappointed to draw”. Hann sagðist jafnframt ekki hafa búist við miklu fyrirfram gegn Man.Utd. Sótti stig á ERFIÐAN útivöll gegn Evrópurisanum Utrecht. Var virkilega sáttur við spilamennskuna gegn Everton, þar sem okkur var bara hreint út sagt slátrað, and the list goes on.
- Vinaleikurinn aftur. Skælbrosti eftir flenginguna á Goodison þegar hann hitti Moyes vin sinn. Einn punktur fyrir þig Roy, þú átt ekki að stjórna Liverpool til að halda uppi vinasamböndum, þú getur borið virðingu fyrir mótherjunum, en þú bara hreinlega brosir ekki eða skellihlær yfir tapi í grannaslag þegar þú hittir mótherjann.
- Torres til Man.Utd. Þegar þú ert spurður að því hvort þú sért að selja þinn besta framherja og einn allra besta framherja í veröldinni, til nágranna þinna, þá segir þú ekki: “”I think I’d have to say we’d cross that bridge when we come to it”, þú segir “OVER MY DEAD FU***** BODY”, eða bara “okkar besti framherji er einfaldlega ekki til sölu. Ónefndur stjóri LFC var spurður að þessu sama eitt sinn og hvert var svarið hans? “I’m confident it will never happen, if it did, I’d resign”
- Orðrómarnir. Ég tek yfirleitt alltaf lítið mark á orðrómum sem eru í gangi í borginni góðu. En maður þarf að loka augunum algjörlega til að sjá ekki að það er eitthvað mikið að í leikmannahópnum. Stanslausar sögur um lykilmenn sem eru búnir að fá nóg af taktíkinni og stjórnuninni á liðinu eru orðnar svo háværar að maður er farinn að spyrja sig hvort þetta sé einfaldlega rétt.

Ég veit vel að þetta er að verða ansi þreytt umræðuefni, en það breytir því ekki að staðan er eins og hún er í dag, Roy Hodgson er ennþá stjóri Liverpool FC. Ég styð mitt lið í hverjum leik og mun aldrei vonast eftir tapi, þó svo að það þýði að hann verði áfram með liðið. Þetta má ekki verða of einsleitt og því verður maður að telja upp það sem kappinn hefur gert rétt líka:

- Fékk Torres og Gerrard til að vera áfram
- Keypti Raul Meireles

Damn, man ekki eftir fleiru, og það er einmitt okkar stærsta vandamál. En hvað getur kappinn gert til að vinna stuðningsmenn Liverpool FC aftur á sitt band? Nokkur atriði í rauninni, og þetta er vel gerlegt, ef hann sér ljósið og byrjar að haga sér eins og stjóri Liverpool.

- Vinna leiki
- Láta liðið spila fótbolta
- Hætta að sleikja óæðri endann á mönnum eins og fröken Fergie
- Hætta að spila niður væntingar liðsins og stuðningsmanna þess
- Hætta að kaupa útbrunna jálka sem hann hefur áður stjórnað
- Bregðast við fyrr í leikjum ef plan A er ekki að ganga upp
- Vera með plan B
- Vera með plan C
- Vera með plan D
- “Over my dead body” svör við fáránlegum spurningum um leikmannasölur
- Vinna leiki

Þetta þarf til, ekki flókið, en gæti orðið erfitt verð ég að segja. Þetta verður alveg hrikalega uphill battle hjá kallinum, þ.e. að vinna stuðningsmenn á sitt band, er það gerlegt? Já. Er það líklegt? Nei. Staðan hjá mér persónulega er þannig að ég vil ekki hugsa þá hugsun til enda að hann fái að sjá um leikmannakaupin í janúar. Ég er hræddur um að Blackburn leikurinn hafi frekar verið undantekningin sem sannar regluna, en vonandi hef ég enn og aftur bara rangt fyrir mér. Eitt er allavega alveg ljóst með Hodgson, ef hann væri að spila hangman, þá ætti hann bara eitt vitlaust gisk eftir.

Áfram Liverpool

Opinn þráður – slúður?

Posted on by

Svo virðist sem Roy Hodgson hafi (því miður) náð að kaupa sér a.m.k. viku í viðbót með sannfærandi leik liðsins gegn Blackburn. Eins sleppur Poulsen ágætlega enda átti hann sinn besta leik fyrir liðið gegn Blackburn og því er umræðan að því er virðist að færast í nokkuð eðlilegt horf aftur eftir nokkra mánuði af eigenda og/eða þjálfara umræðu. Jú það ernefninlega byrjað að orða flesta leikmenn sem hugsanlega gætu verið fáanlegir í janúar við liðið og eins eru af og til að poppa upp fáránlegir orðrómar um að okkar bestu leikmenn séu á leið í burtu og það sem ótrúlegast er af öllu, til United!!

En meðan ekkert er að gerast þá höfum við hér opna umræðu þar sem hægt að er að velta þessum leikmannamálum og slúðri fyrir sér, en í guðana bænum reynum að halda aðeins takti við raunveruleikann.

Liverpool 2 – Blackburn 1

Posted on by

Jæja, þetta var allt annað. Okkar menn tóku í dag á móti Blackburn Rovers í miklum fallslag og höfðu **2-1 sigur** eftir mjög góða frammistöðu.

Roy Hodgson stillti upp eftirfarandi liði í dag:

Reina

Carra – Kyrgiakos – Skrtel – Konchesky

Lucas – Meireles
Maxi – Gerrard – Cole
Torres

**BEKKUR:** Jones, Kelly, Poulsen, Shelvey (inn f. Meireles), Babel, Jovanovic, Ngog (inn f. Cole).

Fyrri hálfleikur byrjaði vel. Liðið virtist vel stemmt í þennan leik, pressaði gestina stíft út um allan völl og lék flottan bolta allt frá byrjun. Um miðjan fyrri hálfleik datt tölfræðin upp á skjáinn, þá var staðan orðin 6-1 fyrir Liverpool í hornspyrnum og liðið búið að vera með boltann 72% tímans. Blackburn-menn vissu varla hvaðan á sig stóð veðrið og átti varla markskot í fyrri hálfleik. Okkar menn pressuðu og stjórnuðu leiknum af miklu öryggi.

Það eina sem vantaði voru marktækifærin. Torres og Maxi splúndruðu vörn gestanna eftir um kortér, Maxi gaf svo fyrir á Cole en Robinson varði gott skot hans og svo þurfti Meireles að teygja sig í frákastið og setti það rétt framhjá fyrir opnu marki. Þá átti Kyrgiakos góðan skalla eftir hornspyrnu Gerrard en Robinson varði aftur vel. Cole átti líka skalla seint í fyrri hálfleik en hann náði ekki alveg að markinu. Þrátt fyrir alla yfirburðina á vellinum voru færin ekki fleiri og staðan 0-0 í hálfleik.

Okkar menn komust svo yfir strax í upphafi seinni hálfleiks. Gerrard tók enn eina hornspyrnuna og **Kyrgiakos** reis upp einn og óvaldaður í teignum og skallaði boltann í markið. 1-0. Adam var þó ekki lengi í paradís því nokkrum mínútum síðar lét Skrtel plata sig illa vinstra megin, Benjani lagði boltann fyrir á vin okkar Diouf sem skaut að marki, Konchesky bjargaði á marklínu en það heppnaðist ekki betur en svo að hann skaut í **Carragher** og inn. Enn eitt sjálfsmarkið hjá varnartröllinu.

Fimm mínútum síðar komust okkar menn svo aftur yfir. Meireles og Cole léku upp vinstri vænginn, Cole lagði boltann fyrir hægri fótinn og gaf frábæra sendingu inn á fjærstöngina þar sem **Torres** mætti fyrstur manna og skaut boltanum í netið. Staðan 2-1 og það reyndust lokatölur leiksins. Okkar menn héldu áfram að pressa og stýrðu leiknum nær allan tímann en voru þó aðeins stressaðir á síðasta kortérinu og gáfu miðjuna aðeins eftir, en Blackburn-menn náðu ekki að skapa sér nein færi úr því og því fór sem fór.

**MAÐUR LEIKSINS:** Það eru margir tilnefndir í dag. Liðið lék mjög vel í heild sinni og nærri því allir leikmennirnir í fantaformi. Skrtel var aðeins óöruggur í seinni hálfleik eftir að Benjani kom inná og sótti á hann og það sást að Torres vantar ennþá smá snerpu, þótt hann hafi gert vel í markinu. Aðrir voru frábærir í dag. Ég gæti sennilega útnefnt alla miðjuna hjá okkur því þeir Lucas, Meireles og Gerrard voru allir frábærir og ég sé ekki hvernig Poulsen á að komast inn í liðið þegar þeir spila svona vel. Þá var Maxi Rodriguez frábær á hægri kantinum í dag og sást klárlega hvað hann og Joe Cole eru miklu hættulegri þegar þeir fá að spila framar á vellinum og pressa andstæðingana.

Minn maður leiksins er þó klárlega Grikkinn öflugi, **Kyrgiakos**. Hann steig ekki feilspor í vörninni, leiddi baráttu sinna manna út um víðan völl og var einn hættulegasti maður liðsins auk þess að skora öflugt mark, annar deildarleikurinn í röð sem hann skorar. Ég sé hreinlega ekki hvernig hægt er að taka hann út úr liðinu fyrir Glen Johnson ef hann heldur áfram að spila svona.

Að lokum er ekki hægt annað en að hrósa Roy Hodgson. Hann hefur verið gagnrýndur svo mikið undanfarið að ég hef aldrei séð annað eins hjá knattspyrnustjóra Liverpool. Liðið hefur líka verið að leika fáránlega neikvæðan og hugmyndasnauðan bolta undir hans stjórn og þau þrjú skipti sem þeir hafa komist yfir á Anfield í vetur (gegn Arsenal, Northampton og Sunderland) hefur liðið lagst aftur í varnarmúrinn um leið og þeir komast yfir.

Það gerðist þó ekki í dag. Hodgson virtist hafa (loksins) áttað sig á því hvað þarf til að vinna leiki á Anfield og hann tók handbremsuna af liðinu. Menn pressuðu út um allan völl, keyrðu á Blackburn-liðið og gáfu ekki tommu eftir. Ég tók sérstaklega eftir því hvað þetta skilaði ótrúlega mörgum unnum boltum á vallarhelmingi gestanna en slíkt hefur varla sést hingað til undir stjórn Hodgson.

Vonandi er þetta það sem koma skal. Eftir sigurinn í dag er liðið enn í fallsæti en nær pakkanum fyrir ofan og sigur í næsta leik gæti hleypt liðinu upp í miðja deild. Sá leikur er á útivelli gegn Bolton og Hodgson þarf að sýna það að hann hafi trú á liðinu sínu með því að láta það leika jafn grimman bolta í þeim leik. Vonandi sá hann muninn á leikaðferðum í dag og dettur ekki í það að liggja í vörn í þeim leik. En í dag hrósum við Hodgson fyrir að gera hlutina hárrétt og vonandi geta Liverpool-stuðningsmenn andað aðeins léttar næstu dagana. Þetta var miklu betra og ef liðið heldur áfram að leika svona undir stjórn Hodgson mun sigurleikjunum eflaust halda áfram að fjölga.

Blackburn í dag – liðið komið

Posted on by

Það eru enn þrír tímar í leik en byrjunarliðið er víst lekið á Twitter og því um að gera að henda því upp og hefja umræðurnar fyrir leikdag. Hodgson gamli kemur eilítið á óvart í dag og hefur tvo af „sínum“ leikmönnum á bekknum, þá Paul Konchesky og Christian Poulsen. Liðið er sem hér segir:

(uppfært – Konchesky er í liðinu, ekki Aurelio)

Reina

Carragher – Kyrgiakos – Skrtel – Konchesky

Meireles – Lucas Leiva
Maxi – Gerrard – Cole
Torres

**BEKKUR:** Jones, Kelly, Poulsen, Shelvey, Babel, Jovanovic, Ngog.

Þetta er samt ekki langt frá því sem Hodgson er vanur að stilla upp. Þetta er sennilega A-liðið hans svona að flestu leyti, fyrir utan þá Kuyt og Johnson sem eru meiddir (Agger er líka meiddur en Hodgson notar hann ekki).

Höfum það í huga að þótt Hodgson sé óvinsæll er það samt alltaf besta niðurstaða fyrir Liverpool að hann snúi dæminu við og byrji að vinna sem flesta leiki. Það er ekki háttur Liverpool-manna að vonast eftir tapi til að losna við stjórann og á meðan hann er Liverpool-maður styðjum við hann. Vonum að hann landi sigri með þetta lið í dag – ef ekki, þá tökum við á því þegar þar að kemur.

Áfram Liverpool! YNWA!

Blackburn á morgun

Posted on by

Var lagður af stað í upphitun dagsins þegar ég fékk ábendingu um ummæli stjórans okkur um liðsskipan morgundagsins.

Hafði hætt að lesa upp úr hádegi og var þá búinn að reyna að peppa mig upp í að vera jákvæður. Auðvitað fór ég í að kynna mér uppá nýtt hvaða þankagangur væri upp kominn og fann þá þetta ágæta komment sem einfaldlega tryggir það að Jamie Carragher er að fara að spila hægri bakvörð á morgun, á heimavelli gegn Blackburn!!!

Ekki nóg með það þá bætti mannvitsbrekkan Hodgson við ummælin því að hann vildi eiginlega ekki að Carra væri að spila bakvörð, en það væri óviturlegt að leggja á svo ungan mann eins og Martin Kelly að spila þennan leik!!!

Ég ætla viðurkenna strax að mér eiginlega féllust hendur!

Hér var stundum verið að sletta of karlmannlegum frasa og auglýst eftir ákveðnum líkamshluta þjálfarans okkar sem var, því áhaldi sem framleiðir karlmannshluta samrunans sem býr til börn.

Roy Hodgson er gersneyddur því áhaldi. Það er bara svoleiðis! Enn eitt upphrópunarmerkið. Ég hef yfirleitt alltaf varið stjóra. Byrjaði með Souness, fór svo í Evans, Houllier og Benitez. Ég ætla ekki að verja Hodgson meir, þessir síðustu 10 dagar hafa beinlínis gargað vanhæfni hans til starfsins og þessi fáránlegu ummæli morgunsins að ákveða það að velja reynslu fram yfir sóknahæfileika segir mér allavega að hann muni ekki leysa þann vanda sem við erum í.

Að leik morgundagsins að öðru leyti. Miðað við þetta væl karlsins frá í morgun er ljóst að sama verður uppi á tengingnum og hingað til. Við verðum með passívt lið sem byrjar leikinn hægt, liggur aftarlega og reynir svo að sækja hratt með löngum boltum!

Ef ég reyni að skjóta á liðið útfrá stöðu, hugsun og ástandi í Liverpool myndi ég gera það svona…

Reina

Carragher – Kyrgiakos – Skrtel – Konchesky
Lucas – Meireles
Maxi – Gerrard – Cole

Torres

Bekkur: Jones, Kelly, Aurelio, Babel, N´Gog, Spearing, Poulsen.

Ég fer auðvitað í búninginn og trefilinn á morgun. Þetta er fyrsti heimaleikur klúbbsins undir stjórn NESV og auðvitað vonar maður að það verði stemming á Anfield og sigur vinnist.

En ég hef litla sem enga trú á því.

Hugmyndafræði Hodgson fellur á engan hátt við okkar lið og leikmannahóp og Blackburn Rovers munu án bombardera háum boltum og hápressa vörnina okkar, sem er ekki Englandsmeistari í reitabolta eða að halda bolta innan liðs og við munum verða í vandræðum.

Ég get ekki hugsað þá hugsun til enda að F** Sam fari með þrjú stig og bara þess vegna ætla ég að spá að við gerum 1-1 jafntefli við Blackburn Rovers á heimavelli og það muni að lokum þýða það að John W. Henry átti sig á því að það verður ekki ný byrjun hjá klúbbnum með Hodgson við stjórn.

Og ég sem ætlaði að vera jákvæður!

Twitter

Posted on by

Eins og lesendur hafa líklega tekið eftir er meira og meira verið að vitna í hitt og þetta sem kom fram á Twitter. Fleiri og fleiri eru að fá sér aðgang að þessu samfélagi og fyrir þá sem hafa áhuga langaði mig aðeins að opna á þráð um þetta hérna, bæði til að menn geti komið sér og sínum Twitter aðgangi á framfæri og eins séð hverjum er gott að fylgjast með til að vera sem mest upplýstur um þetta. Mjög margir blaðamenn á Bretlandi eru virkir notendur á Twitter og þar koma allar fréttir fyrst. Twitter var t.a.m. rosalegt að fylgjast með þegar sala á Liverpool FC fór fram.

Fyrir þá sem ekkert kunna á þetta en langar að vera með þá er um að gera að kíkja á www.twitter.com og skrá sig inn. Þetta skýrir sig nokkuð sjálft og ef einhverjar spurningar vakna er þessi þráður tilvalinn til að ræða það.

Til að koma nýjum mönnum aðeins að stað þá renndi ég í gegnum listann yfir þá sem ég er að fylgjast með á Twitter og læt þá fylgja með hérna sem tengjast Liverpool á einn eða annan hátt eða bara fótbolta yfir höfuð sem áhugavert er að fylgjast með.

Pennar kop.is / íslenskir púllarar

Liverpool bloggið @ https://twitter.com/#!/kop_is
Kristján Atli @ https://twitter.com/#!/kristjanatli
Einar Örn @ https://twitter.com/#!/einarorn
Babu @ https://twitter.com/#!/BabuEMK
SSteinn @ https://twitter.com/#!/SSteinn
Maggi @ https://twitter.com/#!/maggimark
Aggi @ https://twitter.com/#!/magnusagnar

Mummi LFCHistory @ https://twitter.com/#!/gudmundur_lfc
Kiddi (hér á Kop) @ https://twitter.com/#!/kidnon
Óli Guðmunds @ https://twitter.com/#!/olafurg
Patrekur Suni @ https://twitter.com/#!/PatrekurSuni
Óli Haukur (Liverpool.is) @ https://twitter.com/#!/Olafur_Tomasson

Lykil LFC pennar á Twitter og víða
Paul Tomkins, besti LFC penninn að margra mati @ https://twitter.com/#!/paul_tomkins
Jim Boardman, mjög öflugur á Twitter @ https://twitter.com/#!/JimBoardman
Garteh Roberts, mjög virkur líka @ https://twitter.com/#!/robbohuyton
John W Henry sjálfur @ https://twitter.com/#!/John_W_Henry

Liverpool tengdir miðlar og blaðamenn á bakvið þá:
LFCTV@ https://twitter.com/#!/LFCTV
Claire Rourke, vinnur á LFC TV@ https://twitter.com/#!/clairerourke
Paul Salty, vinnur á LFC TV @ https://twitter.com/#!/paulsaltysalt
Liverpool Echo @ https://twitter.com/#!/LivEchoLFC
Liverpool fréttir á Echo @ https://twitter.com/#!/LivEchonews
Blaðamaður á Echo @ https://twitter.com/#!/DominickingEcho
Blaðamaður á Echo @ https://twitter.com/#!/neiljjones – Echo
LFC Globe, þeir sem leka byrjunarliðinu út fyrstir @ https://twitter.com/#!/LFCGlobe

..mun fleiri hér á eftir, sjá með því að ýta á Continue reading →…

Continue reading →

Hodgson áfram – í bili

Posted on by

Þetta hefur verið aldeilis góð vika hjá Roy Hodgson. Við skulum fara yfir afrek hans síðustu daga:

  • Hrósaði liðinu fyrir góða frammistöðu … eftir tapleik gegn Everton.
  • Móðgaði Dani og Norðmenn á blaðamannafundi.
  • Gaf í skyn að það væri séns að Torres færi til Manchester United.
  • Hékk (rétt svo) á jafntefli á útivelli gegn Napoli og kallaði það svo “mjög jákvæða frammistöðu“.
  • Móðgaði aðdáendasíður Liverpool FC fyrir að birta orðróma um framtíð hans.
  • Sagðist aldrei myndu segja af sér sem stjóri Liverpool.

Fyrir hann hefur þessi vika verið frábær. Fyrir okkur hin liggur aðeins ein niðurstaða fyrir þegar staðreyndirnar hér að ofan eru skoðaðar: það þarf að reka manninn. Sem fyrst. Ef hann hefur ekki vit á að móðgast út í þá sem gefa í skyn að Torres gæti farið til United, og móðgast svo út í aðdáendasíður sem eru (réttilega) að ræða framtíð hans í ljósi ömurlegs gengis hefur hann ekkert með að stýra þessu liði.

HINS VEGAR … þá er ekki séns að ég geti vonast eftir tapi á sunnudag. Jafnvel þótt sigur framlengi starfsaldur hans hjá Liverpool er tap, á heimavelli, gegn þessum mönnum …

… of sársaukafull tilhugsun til að ég geti leyft mér að hugsa svoleiðis.

Þannig að ég vona að Hodgson og Liverpool vinni stórsigur á sunnudag. Og að hann verði svo bara samt látinn fara.

Napoli 0 – Liverpool 0

Posted on by

Ítalía var viðkomustaður okkar ástkæra liðs eftir hremmingarnar um helgina og ljóst var að margir lykilmenn voru hvíldir í dag, Gerrard, Torres, Meireles og Lucas voru eftir að æfa sóknarleik væntanlega!!!

Lið kvöldsins var þannig skipað:

Reina

Kelly – Carragher – Skrtel – Konchesky
Poulsen – Spearing
Jovanovic – Shelvey – Babel

N´Gog

Bekkur: Jones, Kyrgiakos, Aurelio, Wilson, Maxi, Cole, Eccleston.

Skulum bara klára fyrri hálfleik. Rólegur með afbrigðum að flestu leyti held ég að ég geti leyft mér að segja!

Napoli var ekki að pressa hátt og við fengum því tíma á boltann lengstum, nokkuð sem þýddi að lítil hættumerki voru á okkur varnarlega en að sama skapi rólegt sóknarlega. N’Gog átti erfitt með að halda boltanum uppi á topp og Jova og Babel áttu í erfiðleikum. Miðjutríóið, Passing-Poulsen með Spearing eru náttúrulega 80% varnarmenn en Jonjo Shelvey var klárlega sá sem mest vildi skapa og langaði mest í mark.

En AFAR bragðdaufur fyrri takk fyrir mig.

Hægt og rólega náðum við aðeins betri tökum á leiknum, samhliða því að heimamenn virtust ekki alveg þora að koma á okkur á fullri ferð og eftir um klukkutíma leik fannst mér við vera komnir með leikinn betur í okkar hendur en flesta fyrr í vetur. Það kannski segir meira um veturinn að við vorum náttúrulega afar viðkvæmir og aldrei var maður eitthvað himinlifandi.

Á 69.mínútu áttum við svo að skora. Jovanovic átti flotta sendingu innfyrir vörnina og þar komst Babel í dauðafæri en kláraði það afar illa, lét markmanninn verja frá sér og kórónaði þar enn eina frammistöðuna sem maður getur svekkt sig á hjá honum. Ég nenni samt ekki að orðlengja það af tillitsemi við þá sem hafa gaman af honum og hans efnilegheitum.

Eftir þetta fjaraði leikurinn að mestu út – þó var N’Gog nærri því búinn að setja flott mark eftir hreyfingu þar sem maður sá glefsur af getu hans að snúa af sér varnarmenn en Napolimenn komust fyrir skot hans og það endaði í horni. Leikurinn kláraðist 0-0 og úrslitin algerlega ásættanleg á velli sem virkaði á mann sem heimavígi, mikill hávaði og hasar á pöllunum.

Ég ákvað þegar ég settist niður að skrifa þessa skýrslu að reyna að útiloka annað en að lýsa þessum 90 mínútum sem ég sá. Leikskipulag RH kom ekki á óvart, liðið varðist aftarlega og reyndi að loka svæðum. Tókst það allan leikinn utan þess að Konchesky bjargaði á línu upp úr horni í uppbótartíma fyrri hálfleiks, auðvitað jákvætt. Varnarlega stóðu menn sig vel, Kelly, Skrtel, Carragher, Kyrgiakos og Konchesky létu ekki teygja á sér og stóðu vörnina vel. Aurelio fékk 30 mínútur og sýndi lítið. Synd væri nú að segja að vel gengi þeim að senda knöttinn frá sér samt! Carra fór meiddur útaf í hálfleik skv. fréttum BBC en ekkert er enn komið um það officialt!

Sóknartilburðirnir voru litlir lengstum en þó má segja að þegar leið á leikinn kom aðeins meira sjálfstraust og ef eitthvað lið átti skilið að skora vorum það við. Poulsen og Spearing léku sín hlutverk, þversendingar og til baka, en lítil sköpun. Jovanovic tarfast áfram og átti lykilsendingu sem slakur Babel átti að klára en Jova er ekki silkifótboltamaður og við þurfum betri mann. Cole kom inná fyrir Babel en gerði lítið þær rúmu 10 mínútur sem hann fékk. N’Gog er efnilegur senter og hefði getað stolið fyrirsögnum morgundagsins en eins og svo oft áður, varð það svona “næstum” moment. En vonandi rætist úr honum og hann breytist úr góðum senter í klassa senter.

En bestur í dag fannst mér ungur miðjumaður, sem varð síðasti leikmaðurinn sem Benitez keypti, Jonjo Shelvey. Þessi strákur er leikmaður eins og ég vill sjá. Hann vill stanslaust fá boltann og um leið og hann er búinn að senda hann frá sér tekur hann hlaup til að komast í hann aftur. “Pass and move” var lykilsetningin í gullöldinni okkar og hann virkar á mig nær tilbúinn að vera með í öllum leikjum. Klárlega bjartasti punkturinn í kvöld og ástæða þess að ég leyfi mér að brosa eilítið.

Hins vegar er evrópufótbolti og enska deildin ólíkt. Við fengum meiri tíma og vorum pressaðir lægra en við erum að upplifa á Englandi og leikur kvöldsins segir okkur lítið um slaginn gegn Blackburn. Og hann segir enn minna það að Hodgson hafi eitthvað unnið sér inn traust til framtíðar!

Ásættanleg úrslit en leikurinn fær 5,5 í einkunn frá mér. Næst er það Blackburn á Anfield á sunnudaginn.

Þar er sigur krafa!!!

Liðið komið

Posted on by

Byrjunarlið kvöldsins klárt:

Reina

Kelly – Carragher – Skrtel – Konchesky
Poulsen – Spearing
Babel – Shelvey – Jovanovic

N´Gog

Bekkur: Jones, Kyrgiakos, Aurelio, Wilson, Maxi, Cole, Eccleston.

Ég er langspenntastur að fylgjast með Shelvey sem mér finnst mjög spennandi!!!

Napoli á morgun

Posted on by

Fyrr í dag flaug einhver reitingur af leikmönnum Liverpool á S-Ítalíu þar sem verkefni morgundagsins er leikur fyrir framan 60.þúsund snarbilaða aðdáendur Napoli. Við erum dugleg að benda á að stuðningsmenn Liverpool og Anfield sé alvöru og því ekki annað hægt en að taka strax fram að þeir sem mæta á leiki í Napoli eru svo sannarlega líka alvöru. Besta dæmið um það er að þegar liðið fór á hausinn árið 2004 og þurfti að hefja leik undir nýju nafni í C1 deild. Heimamenn litu á það sem ákaflega léttvæglegt aukaatriði og fylgdu sínum mönnum sem aldrei fyrr og héldu áhorfendafjölda sem var meiri en hjá flestum öðrum liðum á Ítalíu og í lokaleik tímabilsins mættu 51.þúsund manns á völlinn sem er auðvitað met í þessari deild. Þetta er m.ö.o. fimm þúsund aðdáendum fleira en komast á Anfield. Eins verður að hrósa þeim fyrir að vilja spila við Liverpool á jafnréttisgrundvelli því eins og oft hefur verið komið inná gerðu þeir völlinn nákvæmlega eins og Liverpool vill hafa hann (þessa dagana) þ.e. þeir reyndu að eyðileggja hann.

Napoli er annars höfuðborg Campania héraðs og er hafnarborg á suðurströnd Ítalíu og er þekkt fyrir mikla sögu, listir, menningu, arkitektúr og fleira í þeim dúr. M.ö.o. nokkuð típísk ítölsk borg þó Napoli sé reyndar sögufræg borg ekki bara ítalskan mælikvarða heldur heimsmælikvarða og spannar saga borgarinnar um 2.800 ár þó ég dragi allt í efa sem skrifað var upp borgina frá þeim tíma! Það er kannski ekki skrítið að aðdáendurnir séu heitir enda svæðið staðsett á milli tveggja virkra eldgosastöðva, önnur þeirra heitir Mount Vesúvíus. Reyndar dreg ég þessa kenningu strax til baka um að nálægð við eldfjöll geri aðdáendur „heitari“ enda hafa stuðningsmenn KFR algjörlega afsannað þessa kenningu í gegnum tíðina!

Borgin myndaðist semsagt 8-9 öldum fyrir krist og er þar með ein af eldri borgum í heiminum. Upphaflega var þetta grísk nýlenda og er nafnið dregið þaðan, Neápolis eða Nýja Borgin. Borgin spilaði lykilhlutverk þegar Rómarveldið blandaðist grískri menningu og skipaði borgin stórt hlutverk í veldi Rómverja og var ég nokkuð hissa og klárlega fyrir vonbrigðum að hvergi var minnst á Ástrík og Steinrík þegar ég var að lesa mig til um borgina. En eins og gefur að skilja er saga borgarinnar gríðarleg og hefur hún staðið af sér hin ýmsu tímabil og var Napoli m.a. Konungsdæmi í 6.aldir. Þetta hefur allt sett sinn svip á borgina sem hægt er að sjá með ýmsum hætti eins og t.d. í arkitektúr. Borgin var reyndar sú borg á ítalíu sem verst varð úti í seinni heimsstyrjöldinni og var mikið sprengt þar. Hún var þó byggð upp aftur og á síðustu áratugum hefur myndast þar einskonar viðskiptahverfi með skýjakljúfum og álíka nútímabyggingum sem slíku fylgir.

Íbúar voru rétt tæplega milljón þegar ég taldi síðast og er borgin talin vera sú fjórða sterkasta hvað kaupmátt varðar á Ítalíu og í 91.sæti á heimsvísu. Lífskjör Napolíbúa hafa batnað mikið síðastliðin ár og síðan 1999 hefur atvinnuleysi á svæðinu minnkað mikið og höfnin er ein sú mikilvægasta í Evrópu. Borgin er samt ennþá alveg frá suður ítalíu og er ennþá talað um pólitíska spillingu og öflugan svartan markað á þessu svæði.

En þrátt fyrir alla sína sögu, menningu og hefðir þá er aðeins eitt sem hægt er að tengja við Napoli sem skiptir virkilega einhverju máli. Eitt sem virkilega hefur komið heimsbyggðinni allri að góðum notum og á hvað mestan heiður af því að ég er eins og ég er… þessar elskur fundu upp pizzuna!!!

Það þarf ekkert að ræða frekar sögu fólksins sem fann upp pizzuna, þau toppuðu sig þar. Því snúum við okkur að fótboltanum aftur enda Napoli þræl sögufrægt lið og vel stutt eins og áður hefur komið fram.

Liðið heitir Società Sportiva Calcio Napoli (S.S.C. Napoli) og varð til með sameiningu tveggja liða árið 1926. Upp úr aldarmótum kom breskur sjómaður til borgarinnar og kynnti þá fyrir þessari annars ágætu íþrótt og stofnaði Napoli Foot-ball club ásamt öðrum tjalla og þremur ítölum. Liðið spilaði í búningi áþekkum búningi Inter Milan en keppti bara í keppni sem Sir Thomas Lipton kom á fót fyrir lið á suður Ítalíu. Deildarkeppnin á Ítalíu innihélt bara lið frá Norður Ítalíu á þessum árum. Liðið splittaðist upp árið 1912 úr til varð Inter Napoli sem var helsti keppinautur upprunalega liðsins í áratug eða þar til þau sameinuðust aftur 1922 vegna fjárhagsörðugleika.

Árið 1926 mætti lið Napoli til leiks í deildarkeppnina á Ítalíu sem var tvískipt tíu liða deild og er óhætt að segja að okkar menn hafi byrjað með látum! Liðið náði 1 stigi á sínu fyrsta tímabili sem spannaði 18 leiki. Þessi “góði” árangur þeirra var kveikjan af einu af gælunöfnum liðsins sem var The Little Donkey´s (Litlu asnarnir). Þetta var auðvitað ekki meint sem neitt hrós, þeir höfðu notað merki borgarinnar sem er hestur og þaðan kom þetta skot með ansnann, en Napoli menn sneru þessu sér í vil seinna og gerðu Asna að lukkudýri sínu.

Árið 1930 hafnaði liðið í 5.sæti og var í topp tíu næsta áratug eða svo en halla fór undan fæti hjá þeim rétt fyrir seinni heimsstyrjöldina og liðið féll um deild. Liðið kom aftur upp um deild eftir stríð og stóð sig vel án þess þó að berjast um titla. Merkilegast var líklega að liðið ásamt Fiorentina var það fyrsta sem var sýnt í beinni útsendingu á Ítalíu, árið 1956 á RAI sjónvarpsstöðinni.

Næstu áratuga óx liðinu vel ásmegin og festi sig í sessi sem eitt af stóru liðunum í Seria A. En líkt og með Pizzuna skiptir saga liðsins ekkert gríðarlega miklu máli þar til kom að Diego Maradona. Staða hans meðal stuðningsmanna Napoli náði langt út fyrir fótboltann og er hann var á hátindi ferils síns hjá Napoli hefði hann líklega unnið guð almáttugan í borgarstjórnarkosningum með líklega öllum greiddum atkvæðum, hefðu þeir félagar og samherjar í Argentínska (´86) landsliðinu gefið sig í það auðvitað.

Maradona kom árið 1984 frá Barca og var liðið í 2 ár að slípast til áður en það varð að besta liði landsins og auðvitað leitt af besta leikmanni sögunnar. Tímabilið 86/87 vann liðið sinn fyrsta titil í sögu félagsins og til að toppa það tóku þeir bikarinn líka. Árið eftir unnu þeir UEFA Cup og fóru aftur í úrslit bikarsins. Árið þar á eftir (1990) vann liðið titilinn aftur, en hafa líkt og okkar menn ekki unnið síðan þá.

HM var haldið á Ítalíu þetta ár og Maradona áleit sig svo stóran í Napoli að hann biðlaði til stuðningsmanna liðsins að halda með Argentínu frekar en Ítölum á HM þar sem aðrir ítalir litu alltaf á Napolibúa sem hálfgerða útlendinga. Stuðningsmenn Napoli urðu ekki við þessari beiðni en þetta var þó eini völlurinn þar sem ekki var baulað á þjóðsöng Argentínumanna og á vellinum mátti sjá þennan borða.

“Maradona, Naples loves you, but Italy is our homeland”

Flestir kannast líklega við eftirleik HM ´90. Argentínumenn töpuðu fyrir ógnarsterku liði Þjóðverja og hetja þeirra og Napolímanna féll á lyfjaprófi og var dæmdur í 15 mánaða bann. Hann spilaði aldrei aftur með liðinu og aðeins ári eftir brotthvarf hans lenti liðið í fjárhagsvandræðum. Maradona er engu að síður ennþá svakalega vinsæll í Napoli og sjálfur dýrkar hann Napoli álíka mikið og heimalið sitt, Boca.

Það var ekki fyrr en seinna að Maradona komst að þessu með Napoli og Pizzuna!

Árið eftir brotthvarf Maradona vann liðið bikarinn aftur en síðan þá hefur liðið ekkert unnið sem merkilegt getur talist. Liðið dalaði mikið á tíunda áratugnum og missti sína bestu leikmann. Árið 2004 var liðið síðan lýst gjaldþrota og sent niður í þriðju deild. Kvikmyndaframleiðandinn Aurelio De Laurentiis ákvað að leggja sitt af mörkum við að koma Napoli aftur meðal þeirra bestu og tókst það árið 2007 er liðið fór upp með vinaklúbbi sínum, Genoa sem líka er stórt lið á Ítalíu sem hefur verið í ströggli.

Í fyrra hafnaði liðið svo í 6.sæti í deildinni og komst þannig í Europa League. Þeir byrjuðu tímabilið undir stjórn gömlu Milan hetjunnar Roberto Donadoni en hann var rekinn og í hans stað kom núverandi stjóri og fyrrum þjálfari Sampdoria, Walter Mazzarri.

Heimavöllur Napoli er Stadio San Paolo. Völlur sem var byggður árið 1959 og endurbættur árið 1989 (fyrir HM) og tekur í dag rúmlega 60.þúsund áhorfendur. Það er til marks um það hvað Maradona var stór (miðað við hæð) er að leikur Ítalíu og Argentínu í undanúrslitum HM ´90 er það sögufrægasta sem gerst hefur á vellinum. Eins fyrir að hafa verið þriðji mest sótti völlur Ítalíu árið 2004 er liðið var í þriðju deild. Aðeins AC Milan og Inter Milan fengu fleiri áhorfendur á sína leiki og þau spila á sama velli!
Nafnið á vellinum gæti þó breyst í framtíðinni þar sem Napolimenn báðu stjórnvöld á ítalíu um leyfi til að skýra völlinn í höfuðið á Diego Maradona, en beiðninni var hafnað á þeirri forsendu að í ítölskum lögum segir að ekki megi nefna opinberar byggingar eftir neinni persónu fyrr en hún hefur verið dauð í a.m.k. 10 ár.
(í framhjáhlaupi má koma inná að þeir hafa þegar tekið Nr. 10 úr umferð hjá félaginu).

Napoli er talið vera fjórða vinsælasta liðið á ítalíu og nær aðdáaendahópur þeirra langt út fyrir borgina og jafnvel landið. Þeirra helstu andstæðingar eru Rómverjar enda tiltölulega stutt milli borganna. Eins eru þeir litlir vinir Lazio manna og Verona. Bæði lið sem eiga snarbilaða stuðningsmenn rétt eins og Napoli. Hinsvegar hafa Napoli og Genoa orðið einskonar vinaklúbbar í áratugi og ekki minkaði vináttan er bæði lið fóru upp um deild 2007 með því að gera jafntefli í lokaleiknum sem hentaði báðum liðum til að fara upp.

Napoli liðið í dag er orðið nokkuð sterkt og þeir hafa fulla trú á að þeir séu að fara klára þetta Liverpool lið sem við sendum til Ítalíu. Helstu vonarstörnur þeirra eru tveir leikmenn sem mættu alveg flytja til Liverpool á næstunni og spila þar í rauðu. Annarsvegar Marek Hamsik sem stjórnar umferðinni á miðjunni og hinsvegar Lavezzi sem við vorum ef ég man rétt ekki langt frá því að kaupa fyrir nokkrum árum. Eins eru þarna kallar eins og Cavani að ógleymdum sjálfum Andrea Dossena og fleiri… góðum.

Napoli hefur byrjað vel á Ítaíu og er þar í topp 4 eins og er. Í evrópukeppninni þurftu þeir að slá Elfsborg frá Svíþjóð út til að komast í þennan riðil og þeir hafa ekki byrjað neitt sérstaklega. Utrecht hélt þeim í 0-0 á ítalíu og gegn Steaua lentu þeir snemma leiks 3-0 undir. Steaua missti síðan mann af velli og við það fóru Napolimenn að vinna sig aftur inn í leikinn og var staðan orðin 3-2 er 4.mínútna uppbótartíminn var liðinn. Dómarinn hefur þó líklega farið í sama dómara skóla og Kjartan Börnsson fyrrum fomaður Arsenal klúbbsins því hann bætti örðum þremur við leikinn og á þeim tíma jafnaði Napoli við svo mikla kátínu Steaua manna að þeir mótmæltu við pólska sendiráðið eftir leik!! (Dómarinn er pólverji).

Þetta var Napoli 101 á hundavaði, að lokum bæti ég aftur við því sem ég setti á síðuna fyrr í dag um okkar menn:

Hodgson sem vonandi er að fara stýra sínum síðasta leik hefur ákveðið að skilja helstu kanónur liðsins eftir heima (utan Reina) og flugu menn eins og Gerrard, Torres, Meireles og Lucas ekki með liðinu út ásamt því að Johnson og Kuyt eru meiddir og Daniel Agger er veikur. Sjö stórir póstar ekki með en líklegt að 5-6 af þessum leikmönnum verði með gegn Blackburn á laugardaginn sem er orðin algjör must win leikur, þá sérstaklega fyrir Hodgson þó sigur þar dugi líklega og vonandi ekki til að bjarga starfi hans.

En þó við séum án þessara leikmanna er algjör óþarfi að örvænta enda höfum við endurheimt Poulsen aftur. Hæfni hans á knattspyrnuvellinum er slík að aðdáendur Napolí sáu það eitt í stöðunni að best væri að rústa vellinum og grófu 50 holur í hann í þessari viku! Himininn er eins og áður hefur komið fram ennþá í lagi svo að leikstíll Hodgson bíður auðvitað enga hnekki svo lengi sem það er ekki hávaða rok.

Hópurinn sem flaug með Bruce Dickinson söngvara Iron Maiden (can´t make this stuff up) til Napolí er því svona:
Reina, Jones, Hansen, Konchesky, Aurelio, Kyrgiakos, Skrtel, Wilson, Carragher, Kelly, Spearing, Poulsen, Shelvey, Maxi, Babel, Jovanovic, Pacheco, Eccleston, Cole, Ngog.

Líklegt byrjunarlið er svona:

Reina

Kelly – Carragher – Kyrgiakos – Konchesky
Poulsen
Maxi – Shelvey – Jovanovic
Cole
N´Gog

Sjálfur væri ég reyndar til í að sjá Babel og Wilson í þessum leik en mest af öllu vona ég bara að liðið skíti ekki alveg upp á bak á Ítalíu.

Babu

Christian Purslow hættur sem framkvæmdarstjóri

Posted on by

Dagur án stórfrétta? Nei, ekki í Liverpool-landi. Í dag berast þær fréttir að Christian Purslow er hættur sem framkvæmdarstjóri Liverpool FC.

Purslow var framkvæmdarstjóri í á annað ár, tók á sínum tíma við af hinum umdeilda Rick Parry og reyndist ekki síður umdeildur. Á sínum stutta tíma setti hann mark sitt á félagið og þá aðallega með tvennu, fyrst þegar hann leiddi stjórnina í því að reka Rafa Benítez og ráða Roy Hodgson í staðinn í sumar og svo lék hann lykilhlutverk í því að losa félagið við þá Hicks og Gillett. Það var þekkt vitneskja að Purslow var á sínum tíma ráðinn með það sem aðalmarkmið að selja klúbbinn í hendur nýrra eigenda og því var alltaf ljóst að hann myndi hætta eftir eigendaskipti.

Nú tekur við leit sem blaðamenn ytra segja að muni vera algjört lykilatriði fyrir NESV-menn, það er að finna rétta manninn í að reka félagið og keyra það áfram til velgengni. Í þeim málum er þeim eflaust best allra treystandi því þegar þeir keyptu Red Sox réðu þeir manninn sem átti eftir að bylta því liði: hinn 29 ára Theo Epstein. Ég mæli með að menn lesi aðeins um hann og ráðningu hans. Ef þeim tekst jafn vel upp með að ráða nýjan framkvæmdarstjóra Liverpool gæti það skipt sköpum fyrir félagið.

Þá er vert að minna á það að ráðning framkvæmdarstjóra er lykilatriði í því að skipa í nýja stjórn og það er mjög ólíklegt að leitin að nýjum knattspyrnustjóra, fari svo að Hodgson missi starfið, hefjist fyrr en í fyrsta lagi þegar ný stjórn undir leiðsögn nýs framkvæmdarstjóra er reiðubúin að gera það almennilega.

Fyrst, nýr framkvæmdarstjóri. Svo, nýr knattspyrnustjóri. Við bíðum róleg eftir þessum tveimur mikilvægustu ráðningum félagsins um langt skeið. Um leið þökkum við Purslow fyrir hlutverk sitt í að bjarga félaginu og koma því í eigendur nýrra eigenda. Get ekki sagt að ég þakki honum jafn mikið fyrir þjálfaraskiptin í sumar.

Napolí – Liverpool

Posted on by

Set umræðu um Napolí leikinn af stað þó eiginleg Europa League upphitun komi ekki fyrr en með kvöldinu.

Hodgson hefur ákveðið að skilja helstu kanónur liðsins eftir heima (utan Reina) og flugu menn eins og Gerrard, Torres, Meireles og Lucas ekki með liðinu út ásamt því að Johnson og Kuyt eru meiddir og Daniel Agger er veikur. Sjö stórir póstar ekki með en líklegt að 5-6 af þessum leikmönnum verði með gegn Blackburn á laugardaginn sem er orðin algjör must win leikur, þá sérstaklega fyrir Hodgson þó sigur þar dugi líklega og vonandi ekki til að bjarga starfi hans.

En þó við séum án þessara leikmanna er algjör óþarfi að örvænta enda höfum við endurheimt Poulsen aftur. Hæfni hans á knattspyrnuvellinum er slík að aðdáendur Napolí sáu það eitt í stöðunni að best væri að rústa vellinum og grófu 50 holur í hann í þessari viku! Himininn er eins og áður hefur komið fram ennþá í lagi svo að leikstíll Hodgson bíður auðvitað enga hnekki svo lengi sem það er ekki hávaða rok.

Hópurinn sem flaug með Bruce Dickinson söngvara Iron Maiden (can´t make this stuff up) til Napolí er því svona:
Reina, Jones, Hansen, Konchesky, Aurelio, Kyrgiakos, Skrtel, Wilson, Carragher, Kelly, Spearing, Poulsen, Shelvey, Maxi, Babel, Jovanovic, Pacheco, Eccleston, Cole, Ngog.

Líklegt byrjunarlið er svona:

Reina

Kelly – Carragher – Kyrgiakos – Konchesky
Poulsen
Maxi – Shelvey – Jovanovic
Cole
N´Gog

Sjálfur væri ég reyndar til í að sjá Babel og Wilson í þessum leik en mest af öllu vona ég bara að liðið skíti ekki alveg upp á bak á Ítalíu.

Meira um andstæðingana seinna í dag.

Everton 2 – “Liverpool” 0

Posted on by

Roy Hodgson.

Átta leikir. Einn sigur. Þrjú jafntefli. Fjögur töp. Næstneðstir í deildinni. Lið sem liggur aftarlega á vellinum. Lið sem sækir á fáum mönnum. Lið sem dælir háum boltum yfir miðjuna og upp á framherjann í skallaeinvígi. Upp á Fernando Torres, ekki Emile Heskey eða Bobby Zamora. Lið sem virðist skorta allt hungur og sjálfstraust. Lið sem spilar maður-á-mann vörn svo illa að jafnvel gagnrýnendur svæðisvarnar eru farnir að grátbiðja um hana aftur. Lið sem er svo týnt inná knattspyrnuvellinum að Pepe Reina er að henda – HENDA! – boltanum á andstæðinga og í innköst. Þá er fokið í flest skjól.

Roy Hodgson. Bregst illa við á blaðamannafundum þegar menn spyrja hvort hann þurfi að endurhugsa taktíkina hjá sér. Segist hafa spilað sama boltann í 35 ár með góðum árangri. Er alveg blindur á þá staðreynd að góður árangur hjá Fulham og Udinese er ekki það sama og góður árangur hjá Liverpool.

Roy Hodgson. Fengi þolinmæði ef liðið væri um miðja deild og hann gæti sagst vera í uppbyggingarstarfi. Því miður er það ekki staðan. Liðið er í næstneðsta sæti og hefur varla átt góða sóknarlotu í allan vetur. Aðeins sigrar gegn lakari liðum í Evrópudeild bjarga þessu tímabili frá því að vera 100% hörmung hingað til. Aðeins langskot Torres í eina deildarsigrinum, heima gegn W.B.A., bjarga þessu liði frá því að vera verðskuldað í neðsta sæti deildarinnar.

Næstu fimm leikir liðsins líta svona út:

* Napoli (úti)
* Blackburn (heima)
* Bolton (úti)
* Napoli (heima)
* Chelsea (heima)

Roy Hodgson. Finnst ykkur liðið líklegt til að vinna einhvern af þessum leikjum undir hans stjórn?

Ekki ég. Fyrir mér er þetta bara spurningin um hvenær nýju eigendurnir verða búnir að sjá nóg til að taka ákvörðun.

Ég? Ég er búinn að sjá nóg. Nú er bara að bíða…

Liðið gegn Everton

Posted on by

Svona er það:

Reina

Carra – Kyrgiakos – Skrtel – Konchesky

Lucas – Meireles
Maxi – Gerrard – Cole
Torres

Bekkurinn: Jones, Aurelio, Jovanovic, Babel, Ngog, Spearing, Kelly.

Þetta líst mér helvíti vel á. Lucas kemur inní liðið eftir að hafa víst átt mjög góðan leik fyrir Brasilíu og Poulsen sem kúkaði á sig fyrir Danmörku kemst ekki einu sinni í hóp. Þetta er nokkurn veginn óska uppstilling mín miðað við þann hóp sem við erum með í dag.

Nýjir eigendur, sömu leikmenn og sami þjálfari. Menn gátu kannski notað eigendamálin sem afsökun fyrir slæmu gengi en EKKI LENGUR. Nú dugar ekkert nema almennileg spilamennska og sigur gegn Everton. Annars mun Hodgson ekki vera lengi í náðinni hjá NESV.

Everton á morgun

Posted on by

Ha? Leikur á morgun? Gegn hverjum? Er Grabiner heill og byrjar hann inná? Hvað með Justice Floyd? Er Tom fokking Hicks í marki mótherjanna? Stefnir í svaka rimmu, best að setja sig í startholurnar og lesa eins og þrjár lagagreinar um bresk fyrirtækjalög, kannski með smá dassi af lögbannsúrskurðum í Texas. Þetta verður fjör maður, edge of the seat dæmi, algjörlega. Go Grabiner, Go…

Mikið lifandis skelfingar ósköp er nú ánægjulegt að fá að skrifa þessa upphitun fyrir FÓTBOLTALEIK Liverpool FC. Maður er að verða stórskaddaður í hausnum (OK, meira en venjulega) af þessu lögfræðidrama sem hefur verið í gangi í þessari viku. Var ég búinn að segja hvað ég elska landsleikjahlé mikið? Nei, þetta er bara yndislegt, nú getur maður aftur farið að naga neglurnar yfir því hvort okkar menn geri eitthvað af viti inni á fagurgrænum fótboltavelli, eða hvort þeir ætli að gera hann meira brúnleitan með því að gera slæmt í brók. Vitið þið það, ég gæti hreinlega ekki óskað mér betri endi á svona viku heldur en að snýta þessum bláu á þeirra heimavelli á sunnudaginn. Ég hreinlega myndi líkja því við algleymi (fór reyndar að hugsa það núna þegar ég skrifa þetta, er nú ekki með skilgreininguna á þessu orði alveg á hreinu, læt að samt vaða í þeirri merkingu sem ég vil leggja í það). Sigur gegn “hryðjuverkamönnunum” og svo sigur gegn þessum bláu, báðir á útivelli, í sömu vikunni. Æj, það er eiginlega of gott til að vera satt. Ég var svei mér þá tilbúinn til að fórna 9 stigum til að losna við trúðana, þannig að ef 3 stig kæmu í hús á morgun, þá eru bara komin 12 stig, en, to, tre.

En já, best að njóta þess að skrifa upphitun og hætta umfjöllun um þessa eigendamartröð sem er nú á enda. Derby slagur á morgun, svei mér þá ef ég er ekki farinn að finna fyrir þessum “eðlilega” kvíðahnút í maganum. Var ég einhvern tíman búinn að minnast á það á þessari síðu að ég ÞOLI ekki Everton? Tilhugsunin að vinna þá ekki er hreinlega óbærileg, veit ekkert verra tengt fótboltanum. Yfirleitt fer ég nokkuð vongóður inn í þessa leiki, en ég verð bara að segja það alveg eins og er, ég er hreinlega alls ekki neitt vongóður fyrir morgundaginn. Er skíthræddur um að við náum einungis í þetta eina stig sem ég held að Roy Hodgson sé búinn að sætta sig við fyrirfram. Látið ykkur ekki bregða við að sjá Poulsen og Lucas saman inni á miðjunni á morgun, þegar þið bölvið því, munið bara þetta: “I told you so”.

Það sem hefur farið laaaaaang mest í mínar fínustu taugar með Roy Hodgson er einmitt metnaðarleysið. Hann sagði það blákalt að hann hefði sætt sig við eitt stig fyrirfram úr útileiknum gegn BIRMINGHAM. Hann hefur trekk í trekk sýnt það af sér í fjölmiðlum að hann sé bara nokkuð sáttur við úrslit sem við flokkum sem döpur. OK, gott og vel, við töpum stigum, og leikjum yfir heilu og hálfu tímabilin, en fjandinn hafi það, við erum Liverpool og við förum í ALLA leiki til að sigra þá. Hann bara verður að átta sig á þessari staðreynd. Hann var afar ánægður með að fá tækifæri á að stýra stórliði, nú þarf hann að fara að nýta sér það tækifæri, en umfram allt, þá þarf hann að átta sig á því að nýja starfið er hafið og hann þarf að fara að haga sér sem slíkur. Hann þarf að hætta að labba inn á völlinn í sleik við fröken Fergie, hann þarf að hætta að bugta sig og beygja fyrir því hvað sú smásál segir í fjölmiðlum, hann þarf að svara honum fullum hálsi þegar hann drullar yfir leikmenn Liverpool. Hann þarf að átta sig á því að það er ekki gott í fótboltaleik að sleppa alveg miðjunni, hún er stór partur af leiknum. Hann þarf að átta sig á því að það er hægt að breyta ýmsu í leikjum með því að nota þetta þarna, æj hvað heitir það aftur, jú varamenn…þá meina ég fyrir áttugustu og eitthvað mínútu.

Ég viðurkenni það fúslega að ég var afar skeptískur á hans ráðningu í sumar. Hann vann mig yfir á sitt band, kom flott fyrir áður en tímabilið hófst og svona og ég var algjörlega fús til að gefa honum fullan séns, styðja við bakið á honum eins og öllum öðrum stjórum Liverpool. Núna er komið að því að hann þarf að hjálpa mér í þessu. Ég bara á ferlega erfitt með þetta í dag, hann er að mínu mati að gera nánast allt vitlaust, það eru ekki einn, tveir eða þrír ákveðnir hlutir sem fara í taugarnar á manni, eins og málið hefur verið með aðra stjóra liðsins, heldur er það nánast allt þessa dagana. Undanfarið hefur hann hreinlega verið að gera alla hluti rangt, og það er vont. Hvað er betra en að snúa þessu við á morgun? Hann fær ekki flottara tækifæri til þess að vinna stuðningsmenn Liverpool FC á sitt band. Nú er borðið hreint, allir sky high vegna sigurs í réttarsölum, big derby framundan og sviðið er bara klárt. Kláraðu þetta Roy, stilltu þessu nú upp af alvöru, setjið allt í sölurnar. Þetta er STÓRA prófið þitt Roy, lemdu þína menn áfram, þú þarft varla að mótivera menn mikið, en þú getur bætt nokkrum prósentum við, minna menn á mikilvægið, þetta VERÐUR að vinnast. Út með eins stigs kjaftæðis mal, það eru þrjú stig í boði og þau skulu sótt.

Þá að liðinu. Torres er heill, fyrst og fremst vegna þess að hann spilaði ekki með Spáni í landsleikjahléinu. Held hreinlega að hann þurfi bara að meiðast smávægilega rétt fyrir hvert landsleikjahlé. Agger kom líka skaddaður, hann var ekki heill til að spila síðasta leik Liverpool, en einhvern veginn var hann svo talinn klár til að spila fyrir Danmörk. Úff, var ég búinn að minnast á það hvað…æj, nei sleppi því. Dirk kom svo heim skaddaður úr landsleikjahléinu, annað skiptið í röð, en hann er ekki með neinn venjulegan líkama sá maður, menn bjuggust svo sem við að hann yrði í besta falli frá fram að áramótum, í versta falli út tímabilið, en kappinn sá býst við að byrja að spila aftur í byrjun næsta mánaðar. Aurelio er víst búinn að spila 30 mínútur með varaliðinu án þess að meiðast, búið að verðlauna hann með bikar fyrir það mikla afrek, en leikurinn á morgun verður líklegast of snemma fyrir hann. Konchesky er víst orðinn heill aftur, og við losnum þá væntanlega við það að þurfa að nota Carra í vinstri bakverðinum. Er samt ekkert of viss um hvort sé sterkara fyrir liðið. Svo hef ég bara hreinlega ekki heyrt af fleiri meiðslum. Sem sagt, Kuyt, Agger og Aurelio væntanlega frá keppni, aðrir heilir (líkamlega).

Ég er í of góðu skapi til að nenna að spá neitt í mótherjum okkar, þarf lítið að segja um þá annað en að Gollum ætlar sér örugglega að hefna ófara síðustu ára, vonandi tekst það ekki. Við erum með betra lið en Everton og því skiptir það mestu máli að stilla liðinu okkar rétt upp, fá réttan balance í liðið. Það fæst ekki með því að setja Meireles út á hægri kant og hafa þá Lucas og Poulsen saman á miðjunni. Gerðu það fyrir mig Roy, ekki reyna það bara. Er reyndar skíthræddur um að það verði raunin, en vona svo sannarlega ð það verði ekki. Ég vil fara í gamla góða gírinn, ja gírinn sem skilaði okkur frábæru tímabili 2008-2009, pressa hátt, vera með spilandi menn á miðjunni. Við erum ekki með nógu fljóta menn (fyrir utan Torres) til að elta langa bolta úr vörninni okkar og liggja svona aftarlega. Pressa hátt, láta þessa vinnuþjarka okkar (og nóg erum við með af þeim) hamast í varnarmönnum og aftuliggjandi miðjumönnum. Fá Maxi í hægri kantinn, það er hægt að gagnrýna hann fyrir margt, en mér finnst hann virka best í hápressu, alveg eins og félagi Dirk. Setja Jovanovic vinstra megin, eini alvöru hraði leikmaðurinn okkar fyrir utan Torres og Gerrard, hafa þá Meireles og Gerrard saman á miðjunni og Cole í holunni fyrir aftan Torres. Johnson, Carra, Skrtel og Konchesky í vörninni. Nenni ekki að hafa áhyggur af henni, með því að pressa hátt, þá minnkum við álagið á henni hvort eð er.

En þó að draumalandið virki fínt, þá er raunveruleikinn yfirleitt allur annar. Svona held ég að Roy komi til með að stilla upp liðinu á morgun:

Reina

Johnson – Skrtel – Carragher – Konchesky

Lucas – Poulsen
Meireles – Gerrard – Cole
Torres

Bekkurinn: Jones, Kyrgiakos, Kelly, Spearing, Jovanovic, Maxi og Ngog

Sorry, því miður held ég að ég sé fáránlega nálægt þessu. Vona svo sannarlega ekki, væri algjörlega til í að sjá liðið svona:

Reina

Johnson – Skrtel – Carragher – Konchesky

Meireles- Gerrard
Maxi- Cole – Jovanovic
Torres

En ég ræð ekki, Roy ræður, eina sem maður getur gert er að spá í spilin og vonað. Ég neita að trúa öðru en að menn leggji allt í sölurnar á morgun og að við fáum hörku baráttu. Hana hefur yfirleitt aldrei vantað í leikjum þessara liða og býst ég ekki við að það breytist á morgun. Ég ætla að spá jafntefli ef uppstilling mín hér að ofan er rétt, líklegast 1-1 jafntefli. En ég myndi spá okkur sigri ef við myndum velja mína uppstillingu (surprise, surprise), 1-2. Held að Stevie setji mark, og Torres mun gera slíkt hið sama ef mér verður að ósk minni.

En Poolarar nær og fjær. Á morgun fögnum við, við fögnum nýjum eigendum, við fögnum því að við erum lausir við þá gömlu. Við fögnum því að geta byrjað að ræða um fótbolta á ný. Við fögnum því að framtíðin er björt. Við fögnum því að með einni undirskrift í gær fórum við úr því að vera eitt skuldsettasta félagið í enska boltanum, yfir í það að vera það næst minnst skuldsettasta. Við fönum á morgun, hvar sem við erum, hver sem við erum. En við sem erum á stór Höfuðborgarsvæðinu, af hverju fögnum við ekki saman? Heimavöllur Liverpoolklúbbsins á Íslandi er Players í Kópavogi. Þar ætlum við að fagna á morgun, þar á að mæta snemma, þar skulum við reyna að troðfylla alla salina. Leikurinn er hálf eitt, mæting ellefu, díll? Ég veit að fjölmiðlar verða á svæðinu, við skulum sýna það og sanna hversu öflugur og stór hópur við erum. Hátíð í bæ, látum sjá okkur, sjáum aðra, en fyrst og síðast, fögnum saman, svo er bara að strákanir okkar tryggi það að við getum haldið áfram að fagna eftir leik.

Gleðilega framtíð
YNWA

Heimaliðið og NESV

Posted on by

Menn höfðu lengi rætt daginn í dag, föstudaginn 15. október, sem vendipunkt í eigendasögu Liverpool FC. Sú dagsetning reyndist vendipunktur en ekki á þann hátt sem menn óttuðust, því í stað þess að Royal Bank of Scotland settu félagið í greiðsluþrot vegna vangoldinna skulda og kölluðu yfir knattspyrnuliðið níu stiga víti í Úrvalsdeildinni lánaðist okkur það að sjá endanlega á bak Tom Hicks og George Gillett Jnr. sem eigendur félagsins. Í þeirra stað kom fjárfestingahópurinn New England Sports Ventures, eigendur Boston Red Sox í Bandaríkjunum og fleiri íþróttaliða.

Lygarar.

Um fráfarandi eigendur félagsins er best að segja sem minnst. Við þurfum ekkert að rekja þriggja og hálfs árs eignartíma þeirra hjá LFC né heldur atburðarás síðustu daga. Þessi ár eru stuðningsmönnum Liverpool í fersku minni. SSteinn ritaði við yfirtöku þeirra fínan pistil sem lýsir ágætlega hugarfari manna í garð nýju eigendanna. Traustið til David Moores, fráfarandi stjórnarformanns, var mikið og menn vildu trúa því að hann hefði valið rétta aðila, auk þess sem þeir Hicks og Gillett lofuðu öllu fögru. Rúmum þremur árum síðar, við brottrekstur Rafael Benítez í sumar sem knattspyrnustjóra, ritaði ég pistil um lygar og brotin loforð eigendanna sem ég stend ennþá fyllilega við.

Ef þið lesið pistil SSteins og svo minn í kjölfarið held ég að það gefi ágætis mynd um það hversu fáránlega miklir sekkjarkettir þessir pésar reyndust vera og ef það var einhver sem var ekki alveg kominn á þá skoðun í byrjun október held ég að framganga þeirra, og þá sérstaklega Tom Hicks, síðustu níu daga, hafi gulltryggt hver arfleifð þeirra verður í sögu Liverpool FC. Þeir komu, þeir lofuðu, þeir lugu, þeir reyndu allt til að hagnast, þeir breyttu klúbbnum í gangandi sápuóperu og reyndu á endanum að kalla enn meiri ógæfu yfir fyrirtækið með bellibrögðum í réttarsölum vestan hafs þessa vikuna. Allt í nafni eigin gróða, á kostnað liðsins sem þeir þóttust bera svo mikla virðingu fyrir þegar þeir eignuðust félagið.

Farið hefur fé betra.

Heimalið Broughton, Ayre og Purslow ásamt John Henry.

Í þeirra stað kemur hópur sautján bandarískra fjárfesta sem kalla sig því ágæta nafni New England Sports Ventures. Um þá er óþarfi að fjölyrða núna en ég bendi forvitnum á að horfa á feykigott 6-mínútna kynningarmyndband um fyrirtækið á heimasíðu bandarísku MLB hafnaboltadeildarinnar. Eins og frægt er eiga þeir eitt stærsta hafnaboltaliðið þar í landi, Boston Red Sox, sem er eina liðið sem vann titilinn þar í landi tvisvar á síðasta áratug, eftir að hafa ekki unnið titilinn í 86 ár þar áður. Það voru Henry og félagar í NESV sem eignuðust félagið 2001 og brutu bölvun Babe Ruth á bak aftur þremur árum síðar. Við verðum að vona að þeir geti unnið svipuð kraftaverk hjá Liverpool FC en þetta sigursælasta félag Englands hefur nú ekki unnið titilinn í heil tuttugu ár.

Það er hins vegar alveg ljóst að þótt þetta fyrirtæki líti talsvert betur út á pappír en fráfarandi eigendur að þá munu stuðningsmenn Liverpool engu treysta. Í dag fögnuðum við því að vera laus við Hicks og Gillett en tókum jafnframt á móti NESV með varkárni og vantrausti. Þeir þurfa að öðlast traust okkar og ólíkt fyrri eigendum, sem héldu að það væri nóg að lofa upp í ermina á sér, þá virðast þessir menn átta sig á að það eru verkin sem tala hæstri röddu, allavega ef eitthvað er að marka viðtöl við Henry í dag þar sem hann ítrekaði hvað eftir annað að hann vildi engu lofa heldur bað fólk bara að dæma þá félaga í NESV af verkum sínum á komandi mánuðum og árum.

En til hvers ætlumst við eiginlega af þeim? Að mínu mati getum við súmmerað kröfur okkar til nýju eigendanna upp í nokkur einföld atriði…

Fyrst, að skuldsetja klúbbinn ekki eins og fráfarandi eigendur gerðu. Afborganir af lánum til Royal Bank of Scotland voru orðnar svo háar að þótt klúbburinn sjálfur væri í góðum rekstri og skilaði hagnaði hvarf sá hagnaður, og undir það síðasta leikmannasölur líka, inn í skuldasúpuna í stað þess að fara í að styrkja liðið. Með yfirtökunni í dag borguðu NESV upp lánið til RBS og er Liverpool FC því í dag skuldlaus klúbbur, fyrir utan eðlilega rekstrarrisnu. Eina loforðið sem Henry gaf fréttamönnum í dag var að hann myndi ekki skuldsetja félagið vegna yfirtökunnar og honum er hollara að standa við þau orð.

Í öðru lagi er mikilvægasta mál félagsins til framtíðar þróun heimavallarins. Það er óljóst hvað þeir ætlast fyrir, hvort þeir vilja byggja nýjan völl eða þróa Anfield og ég efast um að þeir séu búnir að ákveða það sjálfir svo snemma í ferlinu. Það var óvinsæl ákvörðun hjá þeim á sínum tíma að þróa Fenway Park, heimavöll Red Sox, í stað þess að byggja nýjan völl en útkoman var glæsileg og félaginu til sóma. Þá jók það enn á vinsældir þeirra að halda í sögu Fenway Park sem er tilfinningalega tengdur aðdáendum félagsins, á svipaðan hátt og við tengjumst Anfield öll tilfinningaböndum. Ef þeir geta þróað Anfield með einhverjum hætti svo úr verði fornfrægur völlur sem bæði hýsir frægustu stúku í heimi, ótrúlega sögu og um leið mikið af VIP-boxum og allavega 60 þúsund áhorfendur held ég að fáir muni kvarta. Það verður spennandi að fylgjast með hvaða leið þeir velja að fara í þessum málum.

Í þriðja lagi er, eins og hefur bersýnilega komið í ljós á fyrstu mánuðum tímabilsins, algjörlega nauðsynlegt að styrkja leikmannahópinn strax í janúar og áfram í næstu leikmannagluggum þar á eftir. Þegar Hicks og Gillett tóku við liðinu var það ekki skammt frá toppi ensku deildarinnar og á leið í úrslit Meistaradeildarinnar í annað sinn á þremur árum en þökk sé skuldsetningu þeirra hrapaði liðið frá því að vera með tindinn í augsýn og liggur nú ökklabrotið og súrefnislaust við grunnbúðirnar. Hér bíður mikið verk nýju eigendanna og einn stærsti þáttur þessa verks verður eflaust að skoða gengi liðsins á næstu vikum og ákveða hvort þeir treysta Roy Hodgson eða einhverjum öðrum fyrir því verki að koma Liverpool FC aftur á toppinn.

Margir stuðningsmenn liðsins hafa þegar gert upp hug sinn varðandi Hodgson á mettíma en það er ljóst að hann fær tíma til að sanna sig í jákvæðu umhverfi á næstu vikum og því kalla ég eftir því að stuðningsmenn Liverpool sýni honum þolinmæði … allavega næstu vikurnar. Ef ástandið batnar ekki fljótlega vitum við öll að það verður einhver annar sem sér um innkaupin í janúar en best fyrir Liverpool væri að sjálfsögðu að hann rétti úr kútnum með þetta lið strax á sunnudaginn gegn Everton og liti aldrei um öxl aftur.

Þetta eru helstu verkefnin, í mjög einfölduðu máli, sem bíða nýrra eigenda en þó er vert að minnast á eina kröfu sem ég geri til þeirra og vona að sem flestir séu því sammála. Í fleiri áratugi var það háttur Liverpool FC að sinna sínum málum á virðingarverðan hátt. Mál voru leyst innandyra en ekki viðruð í fjölmiðlum og klúbburinn var þekktur sem virtasta stofnun enskrar knattspyrnu. Frá og með haustinu 2007 fór þessi virðing út um gluggann og síðan þá höfum við mátt búa við endalaus rifrildi og pólitískar árásir fyrir opnum dyrum á milli eigenda, stjórnarmanna og knattspyrnustjóra. Ég vona innilega að nýir eigendur og nýr knattspyrnustjóri – hvort sem hann heitir Roy Hodgson eða eitthvað annað – geti unnið saman að því að gera Liverpool FC aftur að ekki bara sigursælu knattspyrnuliði heldur virtri knattspyrnustofnun.

Að lokum langar mig til að senda kveðju til stuðningsmanna Leeds United, Southampton FC, Portsmouth FC og fleiri liða svo sem Dundee sem í dag urðu nýjasta félagið til að lenda í gjaldþroti vegna lélegs reksturs fyrirtækisins í kringum knattspyrnuliðið. Vafasamir viðskiptahættir eru að verða krabbamein á knattspyrnumenningunni um allan heim og þetta er einna verst á Bretlandseyjunum. Eins pirrandi og síðustu þrjú ár hafa verið okkur Liverpool-stuðningsmönnum skulum við minna okkur á það í dag að við sluppum að lokum með skrekkinn og getum haldið upp Úrvalsdeildartöfluna strax, án of mikils skaða eða fjöldaflótta lykilleikmanna.

Liðin sem ég taldi upp hér að ofan voru ekki svo heppin og eru enn að jafna sig eftir hrun sem tengdist knattspyrnumálum ekki neitt. Það er einfaldlega rangt að viðskiptamenn og eigendur geti keyrt knattspyrnufélög í jörðina, jafnvel þegar lið eru að ná árangri eins og gerðist hjá Leeds og Portsmouth, og ég vona að við sjáum reglubreytingar sem gera mönnum ómögulegt að reka knattspyrnufélög með þessum hætti.

Og já, það á við um vini okkar, aðdáendur Manchester United líka. Ég hef rætt við mýmarga slíka undanfarna daga og þeir virðast flestir gera sér grein fyrir að sápuóperan sem hefur umkringt Liverpool síðustu daga gæti reynst vera lítið annað en minniháttar upphitun fyrir Broadway-söngleikinn sem þeirra klúbbur gæti staðið fyrir á næstu árum ef Glazer-fjölskyldan réttir skuldastöðu fyrirtækisins ekki við. Okkur þykir gaman þegar Manchester United tapa stigum á knattspyrnuvellinum en áður en einhverjum dettur í hug á næstu árum að fara að gleðjast yfir óförum þeirra vegna reksturs fyrirtækisins, þegar United ætti umfram alla aðra klúbba að vera öruggur með sitt vegna þess hve frábærlega fyrirtækið hefur verið rekið síðustu áratugina, þá er gott að minna sig á hvernig okkur leið undir ofríki þeirra Hicks og Gillett áður en við förum að nudda salti í sár þeirra.

Vonandi kemur aldrei til þess. Vonandi verða Manchester United áfram sterkt afl í enskri knattspyrnu þar sem þeir geta haldið áfram að berjast við erkifjendur sína, Liverpool FC. Ég vona jafnframt að undir stjórn nýrra eigenda muni Liverpool tryggja að vel rekið félag Manchester United muni vera nákvæmlega þar sem þeir eiga að vera – skrefi á eftir okkur.

Velkomnir til Liverpool NESV. Ekki voga ykkur að bregðast okkur.

Dómsmál – Föstudagur

Posted on by

Þá hefst þriðji dagur rússíbanareiðarinnar…

9:05: Nýjustu fréttir herma að Hicks & Gillett hafi dregið til baka lögbannið í Texas og ætli sér að freista þess að semja um endurfjármögnun af láninu sínu við Mill Financial fyrir ‘deadline’-ið kl. 15:30 í dag. Ef þetta er rétt þá erum við að tala um bókstaflegt kapphlaup í dag milli Mill Financial og NESV um að borga skuldina til Royal Bank of Scotland. Vonum að þetta endi vel, ég veit það verður allt vitlaust ef Mill borgar skuldina og Hicks á klúbbinn áfram með þeim.

9:45: Klúbburinn sendir frá sér yfirlýsingu sem er svo hljóðandi:

“We are delighted that the court has clarified the issue of board composition and has removed the uncertainty around the sale process.

We will now be consulting with our lawyers and planning for a board meeting tonight. A further statement will be made in due course.”

Þetta virðist líta nokkuð vel út. Menn hljóma allavega nokkuð rólegir um að salan verði kláruð í kvöld fyrst lögbanninu hefur verið létt.

11:55: Nýjustu fréttir eru þær að John W. Henry, forsprakki NESV, er mættur á skrifstofur Slaughter&May í London, þriðja daginn í röð, til að klára kaupin á LFC með stjórninni. Tom Hicks lagði inn beiðni um að leggja niður lögbannið kl. 1 í nótt að Texas-tíma (6 í morgun ísl. tíma) og sú beiðni verður væntanlega samþykkt nú upp úr kl. 12 (ísl. tíma) í rétti í Texas. Mill Financial sóttu um staðfestingu frá Úrvalsdeildinni í gær sem eigendur LFC en Úrvalsdeildin neitaði þeim um þá skoðun þar sem stjórn LFC samþykkti það ekki.

Það virðist sem sagt vera ljóst að tveir aðilar eru að berjast um kaupin – NESV og Mill Financial – en NESV hefur flest tromp á hendi þar sem þeir hafa þegar verið samþykktir af Úrvalsdeildinni, eru með bindandi samkomulag við stjórnina og stjórnin virðist geta blokkerað söluna til Mill Financial. Allt virðist því benda til þess að um leið og dómarinn í Texas fjarlægir lögbannið muni stjórnin og John Henry/NESV stimpla og innsigla söluna til NESV á skrifstofum Slaughter&May í London. Að því gefnu að það gerist og að NESV leggi inn sönnun um borgun til Royal Bank of Scotland fyrir kl. 16 í dag (lok viðskipta hjá RBS þessa vikuna) að þá ætti ekkert að vera til fyrirstöðu að kynna NESV sem nýja, löggilta og LOKSINS fullgilda eigendur Liverpool FC í dagslok…

…það er að segja, ef Tom Hicks er ekki með eitt tromp í viðbót uppí erminni. Maður fagnar allavega engu fyrr en þetta er orðið skothelt. Vonandi gerist það í dag. Við fylgjumst með.

12:47: Við erum að fá fréttir af því núna að dómarinn sé búinn að fella niður lögbannið, stjórnin sé búin að ganga frá og skjalfesta söluna til NESV og að Hicks ætli ekki að berjast meira gegn því heldur ætli að lögsækja RBS og stjórnina upp á 1,6 milljarða punda í skaðabætur eins og hann talaði um á miðvikudag. Þannig að svo virðist sem NESV séu orðnir nýir eigendur Liverpool FC og Hicks muni héðan í frá ekki ógna félaginu heldur bara einstaklingum með skaðabótamálum.

14:59: Sky Sports og fleiri miðlar hafa staðfest það að NESV hefur lokið yfirtöku á Liverpool FC! Þetta er komið í höfn! Til hamingju Púllarar! Ég ætla að taka mér eilítið frí frá fréttavaktinni og svo gerum við þetta aðeins upp þegar líður á daginn.

17:30:

Sjón sem við höfum beðið eftir í allt of langan tíma. Hver sagði skál? (Babú)

Fimmtudagur í dómsal – Uppfært (19:35)

Posted on by

Enn á ný reynum við að fylgjast með dómsal og atburðum dagsins.

Kl. 13:00 erum við aftur í dómsalnum.

Ég hef reynt að draga að mér fréttir hvað málið snýst um núna. Í stuttu máli er það þannig að Hicks grípur til þessa ráðs þar sem Kop Holdings er í upphafi félag skráð í Texas, sem með eyjaflækjum á svo félag í Englandi. Hann lagði fram í gær beiðni um lögbann á viðskipti með 29 blaðsíðna greinargerð.

Dómurinn ákvað að stoppa söluna á félaginu þar sem hún var yfirvofandi án þess að leita sér mótraka frá Liverpool. Félagið hefur nú ráðið sér lögfræðinga í Dallas sem eiga að hnekkja lögbanninu fyrir 25.október. Það eru taldar góðar líkur á því sökum þess að rökin sem við unnum málið á í gær munu líklega duga í Texas líka. Jafnvel gera menn sér vonir að þegar dómurinn sér rök LFC hendi þeir lögbanninu strax út og málið verði ekki tekið fyrir heldur bara vísað frá.

Hins vegar eru bæði RBS og NESV uggandi að halda áfram á fullri ferð þar sem fyrirtækin vilja ekki lenda í vanda í Texas, sennilega vegna núverandi eða framtíðarfjárfestinga sinna í fylkinu.

Málið sem liggur nú fyrir dómstólnum er fyrst og fremst hugsað til að staðfesta það að lögbannið gildi ekki í Englandi. Ekki eru allir sammála um aðalástæður þess að verið er að reka það núna. Sumir halda að með staðfestingu þess muni salan verða leyfð til NESV en aðrir meina að þetta sé gert þannig að andrými skapist fyrir félagið.

Ef það er rétt mun þá RBS bíða með að rukka lánið til 25.október og það yrði til þess að við töpum ekki 9 stigum. Skulum fylgjast með, vonandi fer maður að geta haldið upp á eignarhaldsskipti!!!

Uppfært

Lögfræðingar Hicks & Gillett eru ekki mættir við dómshaldið núna 35 mínútum eftir að málið hófst!

Peter Lim er búinn að gefa það út að hann ætlar ekki að bjóða í félagið!!! Dan Roan fréttamaður BBC twittar það á síðunni sinni

Ekki kom það á óvart, alltaf lítið “kredibility” í hans málflutningi. Það getur þó virkað í báðar áttir, H & G geta bent á hann sem einhvern sem var til í að borga hátt og gæfist upp á stjórn LFC en stjórnin getur nú enn frekar bent á að NESV hafi verið mun áreiðanlegri kostur og stjórnin hafi valið rétt að ganga til samninga við þá. Auðvitað gæti NESV líka stigið frá í þessari vitleysu allri.

Broughton lýsti því í dómsalnum áðan að ferill sölunnar hafi verið langt kominn í gær þegar lögbannið í Texas datt inn og menn ákváðu að klára það frá, en jákvæðir straumar séu í gangi milli aðila.

Uppfært x2

Farsinn heldur áfram. Um leið og dómsalir í Texas opnuðu voru Hicks og Gillett mættir þangað til að reyna að fá í gegn ógildingu réttarhaldsins í London. Ekki ljóst ennþá hvað það leiðir, einhver pása varð í London þegar þetta fréttist, en það er ljóst að enski dómstóllinn er lítt glaður.

Það er morgunljóst að þetta mál verður umtalað um langan tíma og er að verða hálfgert prófmál í því hvar völdin liggja í svo flóknum fjármálavef sem Liverpool lenti inní þegar Moores og Parry afhentu tveimur fjárglæpamönnum eignarhaldið í félaginu.

Upplýsingar um málatilbúnað H & G virðast benda til þess að þeir telji breska dómskerfið sýna hinu bandaríska “lítilsvirðingu” með fyrirtöku málsins í London í dag og því verði að vísa því frá. Aðrir reyndar tala um að þeir séu að reyna að fá inn leiðréttingar á rangfærslum þeirra sjálfra í lögbannskröfunni frá í gær….

Maður bara á ekki túskildingsorð!!!

Uppfært x3 – 15:01

Lord Grabiner fer á kostum núna, hamast á Hicks og Gillett, segir þá vera að reyna að gera grín að dómskerfinu, hafi verið með rangar upplýsingar og brotið alvarlega af sér með því að kreista fram lögbann á aðgerðir þriggja breskra fyrirtækja í USA. Þeir hafi skrifað uppá eðlilegan málatilbúnað í vor en nú þegar þeir séu ósáttir með úrskurð fari þeir langt út fyrir eðlileg mörk með því að reyna að grípa annað dómstig í öðru landi inn í málið og færa til staðreyndir til þess eins að tefja mál sem þeir geti ekki stoppað.

Aðgerðir þeirra séu óviðeigandi og valdi miklum skaða.

Lögfræðingar frá Bandaríkjunum hafa sent breskum fjölmiðlum sínar hugrenningar og þeir virðast sammála um að málatilbúnaður H & G standist ekki, því þetta hefði einungis verið mögulegt með samþykki stjórnarinnar. Það samþykki lá ekki fyrir!!!

Réttarhöldin í London eru nú farin að snúast um áreiðanleika Texas-dómstóls. Grabiner nefndi dómstólinn vera í “því heimsfræga dómssvæði” og réttarsalurinn sprakk úr hlátri. Í Bandaríkjunum er talað um að Texasdómstóll eigi að dæma í málum Texasmanna. Ummmmm

Komið í ljós hvað það er sem lögmenn LFC vilja.

Lögbanninu verði aflétt og rétturinn staðfesti að einungis sé hægt að krefjast lögbanns á sölu Liverpool Football Club í breskum dómstól.

Lögfræðingur H & G farinn að tala…

Í ljós er komið að lögfræðingur H & G er ekki þeirra maður lengur virðist vera, heldur bara fjallar um málið almennt frá öllum hliðum. Þeir virðast hafa ákveðið að hundsa réttarhaldið og beina öllum sínum kröftum í að fá málið fært til Texas.

Uppfært x4 – 15:36

Guardian segja að dæmt verði í málinu kl. 16 að íslenskum tíma!!!

Uppfært – 15:54

Dómarinn segir ljóst að málatilbúnaður í Texas hafi verið í undirbúningi í töluverðan tíma. Ljóst miðað við að þeir mættu ekki í dóminn í dag að þeir ætluðu sér þessa leið frá byrjun, flytja málið heim til USA. Sorry. SKÍTHÆLAR. Biðst aftur afsökunar á orðavali mínu, en mennirnir haga sér fullkomlega í anda þess orðs og er auðvitað skítsama um Liverpool Football Club.

Guardian síðan hrundi núna (15:55) – og mér sýnist stefna í að ég kaupi mér nýtt lyklaborð á morgun!!!

Uppfært 16:05

Dómarinn segir dóminn í Texas “pantaðan”. Við erum að fara að vinna þetta mál, en hvert er framhaldið?

Uppfært 16:15

Lögfræðingar NESV segjast nú eiga félagið en ekkert er komið upp á borð frá dómaranum varðandi það!

Uppfært 16:24

Við unnum aftur!

Dómarinn segir málatilbúnaðinn í Texas ólöglegan og dæmir RBS og stjórninni í hag.

Þetta mál kemur engum við í Texas, Hicks og félagar hafa ekkert leyfi til að fá lögbann á söluferlið, enda samþykkt í breskum dómstól

Sýnist stefna í að salan til NESV verði samþykkt í kvöld á Englandi en ekkert er víst að amerískir dómstólar séu hættir. Nú þarf ég að hverfa frá en er handviss um að ummælin verða hér í gangi áfram!

Uppfært: 19:35 (Babu):

Dómstóll í Texas hefur tekið sér hlé til morguns og kemur aftur saman klukkan 7:00 í því tímabelti sem Texas er sem þýðir á hádegi hjá okkur. Núna er beðið eftir næsta útspili Tom Hicks sem virðist svífast einskis og neita að gefa upp en það er erfitt að sjá hvaða möguleika hann á eftir. Dómurinn sem féll í London í dag gaf honum sólarhring til að sæta þessari niðurstöðu (að lögbannið hafi ekki verið leyfilegt og salan til NESV er lögleg og kemur Texas á engan hátt við). Ellegar verður hann sóttur til saka fyrir að vanvirða dóminn og gæti þurft að sæta sektum eða jafnvel fangelsi.

Fréttir herma annars að NSEV sé þegar búið að skrifa undir samning um að kaupa klúbbinn og séu því nánast að öllu leiti þegar komnir með yfirráð yfir félaginu þó ekkert gerist fyrr en þessi dómstóll í Texas hefur klárað þetta mál þar í landi. Lögfræðingar NESV eru vongóðir um að fá þessu lögbanni í USA hnekkt.

Annars bendir Einar Örn á góða grein um Tom Hicks í The Gaurdian (sem borðið hefur af í umfjöllun fjölmiðla um þetta mál). Sú grein endar á þessum orðum:

Can anybody quite believe that the future of Liverpool football club has been put at risk, and is being fought over, in a district court in Dallas, Texas?

Svarið er NEI, þetta kemur Texas ekkert við.

Sama hversu erfitt ég á með að trúa því að við séum að losna við Tom Hicks, þá ætla ég að hafa bjórinn í kæli og allavega tilbúinn því eins og staðan er núna bara hlítur morgundagurinn að vera dagurinn, góðir hlutir gerast vanalega á föstudögum.

Dómsmálið: Tom Hicks tapar! (staðfest)

Posted on by

Það er komið að því. Klukkan er níu og eftir örfá andartök mun Justice Floyd dómari kynna úrskurð sinn í máli RBS gegn Tom Hicks varðandi gildi sölu LFC til NESV.

Hægt er að fylgjast með textalýsingu í beinni útsendingu á Guardian-blogginu og This Is Anfield. Við munum svo uppfæra þessa færslu um leið og úrskurðurinn er ljós.

UPPFÆRT: Rétturinn úrskurðaði RBS í hag! Tom Hicks hefur tapað! Dómurinn þýðir í raun að upprunalegi mannskapur stjórnarinnar (Broughton, Purslow, Ayre vs Hicks, Gillett) stendur og þeir máttu samþykkja söluna til NESV. Búist er við að salan muni nú verða staðfest og ganga í gegn.

Við erum enn að bíða eftir fregnum af því hvort Hicks og co. áfrýja dómnum, sem er talið næsta öruggt. Dómarinn gæti bannað áfrýjanir, þannig að kannski er þetta endanlegt í dag. Þó er næsta ljóst að eftir eiga að fylgja málsóknir frá Hicks/Gillett og/eða Mill Financial til RBS, stjórnarinnar eða NESV og eitthvað af lagaflækjum á næstu vikum en ef áfrýjun Hicks mistekst munu aðrar málsóknir ekki hafa áhrif á eigendaskiptin heldur frekar snúast um skaðabætur.

Bíðum frétta af áfrýjun. Ef Hicks áfrýjar ekki, eða ef hann áfrýjar og dómarinn bannar áfrýjun, þá eru NESV orðnir eigendur Liverpool og níu stiga vítið er úr sögunni.

UPPFÆRT (2): Dómarinn neitar Hicks um áfrýjunarrétt og dæmir jafnframt að allur kostnaður vegna málsflutnings skal greiddur af hálfu sækjanda (þ.e. Hicks og co.)! Málinu verður ekki áfrýjað, það er búið!

ÞAÐ ER BÚIÐ AÐ HIRÐA KLÚBBINN AF TOM HICKS OG GEORGE GILLETT!!!

Ef menn voru að geyma vínflöskur fyrir sérstakt tilefni held ég að það sé óhætt að taka úr þeim tappana og fá sér sopa. Það gætu orðið málsóknir manna á milli áfram en þau varða bara skaðabætur, það er búið að ákveða framtíð Liverpool FC! :)

UPPFÆRT (3)

Fagnaðarlæti þegar fulltrúar Liverpool komu út úr dómshúsinu og í restina sést þegar menn þakka Broughton fyrir. Ég held að stjórn klúbbsins detti hrikalega í´ða í kvöld eftir stjórnarfund :)

Til hamingju!

Málið…. (uppfært x5 – búið í dag)

Posted on by

Ákvað að búa til nýjan link á þessum örlagaríka degi.

Samkvæmt fréttum Sky Sports í gær er orðið ljóst að Hicks hafði ekki leyfi til að reka Broughton, Purslow og Ayre því klásúlan um það að Broughton einn geti rekið og ráðið stjórnarmenn standi. Það auðvitað styrkir málatilbúnað félagsins gagnvart málaferlum dagsins.

Mér sýnist því málaferlin snúast um það hvort viðkomandi klásúla standist lög og stjórnin geti tekið ákvarðanir þvert gegn vilja eigendanna. Þeir RBS-menn munu sveifla samningnum frá því í vor þar sem frestur var gefinn á endurgreiðslu lánanna í stað umræddar klásúlu. Því sýnist mér að mál RBS gegn Hicks verði það sem ræður úrslitum og væntanlega gera mál Hicks gegn Liverpool bara töf á lokapunktinum. Þar er hann væntanlega að reyna að snúa ákvörðun stjórnar Liverpool að taka tilboði NESV.

Svo skyndilega er Singapúrinn Lim búinn að dreifa sínum hugmyndum um félagið, hann ætlar að kaupa það á 320 milljónir og setja strax 40 milljónir í leikmannakaup í janúar. Ég held ennþá að þarna sé nýr Kirdi á ferð, sem þjónar engum tilgangi að fá.

En þeir sem vilja hafa nákvæmar upplýsingar af deginum geta best sýnist mér farið á This is Anfield sem ætla sér að birta fréttir jafnóðum.

Ég ætla núna að reyna að halda áfram að vinna!

Uppfært

Hicks og Gillett VIÐURKENNA að hafa brotið á klásúlu í samningi sínum við bankann þegar þeir reyndu að reka P & A, en segja það hafa verið því ekki hefði þurft að taka viðkomandi tilboði svo snemma. Ekkert hefði legið á!!!

Bankinn minnti þá lauslega á að næsta föstudag þarf að greiða lán upp á rúmar 200 milljónir.

Flott blogg úr réttarsalnum í Guardian í dag sem hægt er að skoða líka!

Uppfært x2

Í ljós er komið að þeir félagar H & G eru fyrst og síðast að tala um að félagið hafi tekið slakara tilboði en möguleiki var á. Síðastliðinn fimmtudag vildu þær að félagið talaði við Mill Financial (sem hafa verið að lána Gillett) um kaup þeirra á félaginu sem þeir segja að hafi ætlað að kaupa félagið OG leggja 100 milljónir punda strax í völlinn en Broughton á að hafa neitað.

Fulltrúar þeirra segja líka að verið sé að draga upp dökka mynd af þeim félögum, þeir vilji alls ekki setja klúbbinn í “administration” og skilji að þeirra tími hjá liðinu sé liðinn.

En stjórnin hafi ákveðið að taka kolröngu og of lágu tilboði án þess svo mikið að kalla til almennilegs stjórnarfundar um söluna til NESV.

Svo eins og SSteinn benti á áðan má telja líklegt að dómarinn vilji borða áður en lengra verður haldið! Ekki reikna með úrskurði fyrr en eftir kl. 13.

Eftir því sem líður á daginn finnst mér ólíklegra að liðið endi í stigasviptingu og svoleiðis vanda, málið snúist um ágreining um hver á að fá að kaupa klúbbinn!

Uppfært x3

Hicks sendi bréf til réttarins, þar sem hann talar um það að “heimaliðið” í stjórninni hafi unnið gegn upprunalega sölusamningnum við RBS með því að taka einungis eitt tilboð til almennilegrar skoðunar og hann hafi viljað reka Ayre og Purslow þess vegna og ganga til viðræðna við þrjá aðila með það fyrir augum að fá “besta mögulega tilboðið fyrir klúbbinn”.

Nú er orðið klárt hverjir þessir þrír aðilar eru:

NESV

Þeir sem fengu tilboð sitt samþykkt af stjórn, kaupa klúbbinn á 300 milljónir þar sem ekki penní verður veðsett í klúbbnum og án nokkurra fyrirheita annarra en að fara vandlega yfir allt í kringum félagið og loforð um að skuldir verði ekki settar á félagið.

Meriton

Þetta félag er í eigu singapúrska (orðskrípið maður) bareigandans Lim, sem hefur auðgast á að setja upp Manchester United – bari (já takk fyrir!) í Asíu. Hann tjáir sig fjálglega í dag, segist hafa ætlað að borga 320 milljónir fyrir félagið og setja 40 milljónir í leikmannakaup í janúar, nefnir ekki völlinn og/eða hvernig hann hyggst fjármagna. Allt bendir til lána með veðsetningu í félaginu. Broughton á að hafa talað við hann og valið NESV.

Mill Financial

Vogunarsjóður sem ræður nú yfir hlut Gillett í félaginu, svo virðist sem H & G hafi viljað taka tilboði þeirra upp á X milljónir fyrir félagið og tafarlausa skuldbindingu upp á 100 milljónir í völlinn. Broughton á að hafa neitað að ræða við þennan sjóð, nokkuð sem bendir til þess að um hafi verið að ræða skuldsetningu félagsins á móti. Talið er að sjóðurinn sé að stærsta

Enn er ekkert komið um hvort dæmt verður í dag eða hvort málið dregst á langinn. Meistari SSteinn bendir svo á í athugasemdum hér að neðan að boðað hefur verið til stjórnarfundar félagsins í kvöld, væntanlega til að fara yfir mál dagsins, hver veit nema að málið verði útkljáð þar!!!

Annars, mynd tekin utan við dómsalinn nú í hádeginu!

2wzlje+

Lögfræðingur Gillett og Hicks segir nú að í gildi sé samkomulag milli H & G og RBS um að frestur til sölunnar á félaginu sé í raun til 1.nóvember. RBS leggja svo til að H & G samþykki söluna nú þegar en fari svo í skaðabótaviðræður við bankann og Liverpool ef þeir telji á sér brotið með vali á kaupendum. Jafnframt er ljóst að Hicks yngri hefur unnið sem stjórnarmaður í stað föður síns, án samþykkis annarra stjórnarmanna!

Uppfært x4

Dómarinn telur það “frekar mikla bjartsýni” að telja málinu geta verið lokið á föstudag. RBS benda strax á að þeir eigi að fá rúmlega 200 milljónir greiddar þann dag og þrýsta á lausn málsins.

RBS tala um að hafa verið tilbúnir til afskrifa tugmilljónagreiðslur til að auðvelda sölu klúbbsins.

Umræðan nú í lok dags er að staðfesta þurfi bann við því að H & G reki stjórnarmenn, því annars verði klúbburinn ekki starfhæfur!

Enn eru engar staðfestar fréttir, bara slúður, um stjórnarfund kvöldsins. Búast má við að vel verði farið yfir málið þar og ég spái því að Broughton muni sveifla einhverjum karamellum frá RBS í andlit Kananna því mikil pressa er að klára málið fyrir helgi!

Lokauppfærsla

Samkvæmt vef Guardian verður dómur í málinu kveðinn upp kl. 09:30 að íslenskum tíma, þá er verið að tala um hvort RBS var í rétti með að koma í veg fyrir brottrekstur Purslow og Ayre og svo það að salan á NESV standi.

Meira á morgun…

Enginn nýr Roman – hvað með leikmennina?

Posted on by

Í fréttum dagsins má finna viðtöl við Martin Broughton þar sem hann fer yfir vinnu sína við að selja klúbbinn.

Það sem merkilegast kemur fram í spjalli hans á soccernet.com er að reynt var að finna nýja útgáfu á eiganda eins og Roman karlinn eða City-arabana um allan heim og enginn slíkur var tilbúinn að leggja peninga í Liverpool FC.

Það kom Broughton á óvart en ég var nú ekki á því að slíkir menn fyndust svo glatt í efnahagsástandi nútímans. Sá séns var þegar Moores og Parry ákváðu að velja vitleysingana tvo sem “verði” félagsins um ókomna tíð. Sennilega hefði nú staðan orðið önnur ef efnahagshrunið hefði ekki komið til en staðreyndin var auðvitað sú að valdir voru amerískir menn með mikinn aðgang að lánsfé vorið 2007. Við lokun bankalína og lánamöguleika hvarf þeirra veldi eins og dögg fyrir sólu.

Auðvitað er það ástæða þess að leitað var að moldríkum gaur til að kaupa klúbbinn núna. Allir í LFC töldu líklegt að slíkur maður fyndist, þess vegna sennilega var Hicks viss um að ná að græða á klúbbnum og setti verðmiðann 600 milljónir punda fram. Þess vegna var sennilega farið í að skipta um þjálfara í vor, menn voru vissir um að inn kæmu menn sem gætu keypt nokkra stóra leikmenn í sumar og þess vegna væri fínn tímapunktur að fá inn nýjar áherslur í félagið. Leikmannahópur Benitez átti að vera á undanhaldi og rétt að fá nýjan mann til að byggja upp á nýtt.

Hvorugt hefur gengið eftir og nú í stað þess að félagið sé í eigu eins milljarðamærings eru það hópur amerískra milljónamæringa sem er að eignast félagið. Í stað þess að sett var fram krafa um að nýr völlur verði byggður eru nú einungis kröfur um að farið verði í vinnu við að “auka möguleika félagsins á að auka tekjur af heimaleikjum og skoða vandlega endurgerð Anfield Road sem valkosts”. Enda kannski ekki skrýtið þar sem talið var að nýr völlur myndi kosta 350 milljónir punda upp kominn, semsagt töluvert meira en félagið í heild! Í stað þess að margir nýir lykilmenn hafi komið inn með nýjum þjálfara er nýi þjálfarinn að vinna með leikmenn Benitez og leikskipulag að stærstum hluta, nokkuð sem skiptir töluverðu máli í slakri byrjun án vafa.

Auðvitað bíðum við öll með öndina í hálsinum eftir því að sjá hvort þetta hefur tekist, þ.e. við losnum við H & G, en svo er það spurningin hvað tekur svo við?

Það er ljóst að þeir nýju ætla að borga upp skuldina og þar með losa félagið undan vaxtaokinu. Það eitt og sér mun þýða hagnað fyrir klúbbinn sem er vel rekinn að fjárhagslegu leyti og skilar töluverðum rekstrarhagnaði hvert ár (þ.e. fyrir vaxtagreiðslur). Nýju eigendurnir hafa líka staðið áður í að endurvekja gamlan risa og endurnýja umgjörð kringum slíkt lið og það gefur manni von. Þeir völdu á sínum tíma að uppfæra gamlan heimavöll og auka þjónustuna við áhorfendur með það að leiðarljósi að skila hærri tekjum af heimaleikjum.

Hef verið að reyna að finna greinar frá því umræðan um endurgerð Anfield var í gangi, en tókst ekki. Ég minnist þess þó að talað var um að félagið yrði að kaupa upp heila húsaröð (á þeim hluta vallarins sem aðkomuáhorfendaboxið er) til að stækka þá stúku og hækka. Einnig væri hægt að loka hringnum á stúkunni í stað fjögurra aflokaðra hólfa. Þetta saman átti að skila rúmlega 55000 áhorfendum, sem var u.þ.b. 10000 færri áhorfendur en stefnt var að. Einhvern veginn spái ég því að þessi umræða fari nú aftur í gang. Það er morgunljóst að auka þarf tekjur við heimaleikina en líka er klárt að mjög margir líta jákvæðum augum á að uppfærsla Anfield Road verði málið.

Því í raun vilja margir ekki (þ.á.m. ég) eyða mörgum árum í að borga upp nýjan völl.

Skoðum t.d. Emirates-vallardæmið. Vinir mínir Arsenal-menn hafa ekki þolinmæði fyrir því að völlurinn gangi fyrir leikmannakaupum eins og verið hefur undanfarin ár og verður næstu 20 árin hið minnsta. Ekkert bendir til annars en að nýr völlur fyrir LFC myndi einnig verða forgangsatriði fram yfir leikmannakaup og það er ekki það sem ég vill sjá.

Það þarf að eyða í liðið!

Aðeins að liðinu hérna í lokin. Umræðan um liðið kemur úr óvæntri átt í dag, því Talent-dómarinn alræmdi Piers Morgan hendir inn sínum skoðunum á gengi liðsins og vill ræða þátt leikmannanna. Ég er honum mjög sammála, þó ekki með jákvæðni hans út í kaup eigendanna sem ég tel hafa einfaldlega verið alltof lítil.

En ég er algerlega sammála því að allir leikmenn félagsins hafa leikið undir getu. Þegar félagið er í slíkri stöðu þurfum við menn sem spila með hjartað úti. Þrátt fyrir allt og allt eru í okkar félagi nærri 20 landsliðsmenn sem hafa mikla getu í fótbolta, hið minnsta töluvert meiri en flestir mótherja okkar í deildinni.

Við getum klárlega pirrað okkur á taktík og leikmannavali Roy Hodgson en ég vill alls ekki útiloka leikmennina okkar í þessari rússibanareið allri. Þeir brugðust félaginu í fyrra og eru að gera það í dag. Þeir verða að skilja að það er lykilatriði í að laða að eigendur, aðdáendur og nýja klassaleikmenn að liðið geti eitthvað og verða að skila sínu alltaf í öllum leikjum.

Mín skilaboð til leikmannanna eru einföld.

Hættið að röfla um eignarhald félagsins og biðjast afsökunar á öllu mögulegu. Farið á 100% keyrslu í alla leiki og haldið því í 90 mínútur í hverjum leik. Þá lagast ástandið fljótt!

Vonum að við séum að nálgast endalok stormsins, en tökum því ekki sem orðnum hlut…

Níu stig

Posted on by

Það eru rúmir tveir sólarhringar síðan fréttir af yfirtöku NESV á Liverpool FC láku fyrst. Rykið er aðeins farið að setjast aftur og menn farnir að reyna að ná yfirsjón yfir það sem er í gangi. Ég hef sennilega lesið hverja einustu frétt um málið og og þótt það sé mikið í gangi og talsvert um flækjur/óljósar fregnir þá er vert að reyna að fá einhvern botn í það helsta sem fólk er að spyrja sig að:

Dómsmálið. Samkvæmt nýjustu fréttum verður málið milli Hicks/Gillett og stjórnar Liverpool FC varðandi lögmæti sölunnar til NESV tekið fyrir í dómstólum á mánudag. Menn vonast í kjölfarið til að greiðlega taki að fá niðurstöðu og segja sérfræðingar að líklegasta niðurstaðan sé sú að dæmt verði stjórninni í hag og salan til NESV því staðfest.

En ef Hicks og Gillett vinna málið? Helsta von Tom Hicks, sem er að berjast einn í þessu núna eftir að George Gillett fór á hausinn (það er óljóst hver nákvæmlega er með eignarhlut Gillett á þessum tíma) er víst að ná að stöðva söluna með dómsúrskurði snemma í næstu viku. Það myndi gefa honum nokkra daga til að redda fjármagni til að endurnýja lánin áður en endalegur lokagjalddagi fellur hjá Royal Bank of Scotland. Sá dagur er víst við lok viðskipta á föstudag í næstu viku, 17. október. Ef Hicks vinnur dómsmálið og nær að fjármagna lánin fyrir þann tíma fær hann að eiga Liverpool FC áfram.

En ef Hicks stöðvar söluna og nær svo ekki að endurfjármagna? Sterkar heimildir segja að Martin Broughton sé þegar búinn að baktryggja sig við RBS þannig að ef Hicks stöðvi söluna muni RBS ekki samþykkja endurfjármögnun Hicks og láta félagið fara í þrot. Þá tekur RBS yfir félagið frá Hicks og selur NESV það fyrir 300m punda eins og ætlunin var fyrir. BBC Football segja hins vegar frá því í dag að ef til þessa kemur muni Liverpool mjög líklega fá á sig níu stiga víti í Úrvalsdeildinni eftir allt saman.

En ef stjórnin vinnur málið gegn Hicks? Þá verður gengið frá sölunni til NESV í næstu viku. Úrvalsdeildin hefur gefið út að þeir muni síðar í dag staðfesta samþykki sitt fyrir NESV sem nýjum eigendum og því er það aðeins dómsmálið sem stendur í vegi eigendaskiptanna. Ef dómur fellur stjórn LFC í hag snemma í næstu viku gætu mennirnir á bak við NESV setið í stúkunni á Goodison Park eftir rúma viku sem nýir, staðfestir eigendur Liverpool FC. Það yrði mikil lyftistöng fyrir alla, ekki síst leikmennina og þjálfarann fyrir svo mikilvægan leik.

Svo er eitthvað slúður í gangi um áætlanir NESV í sambandi við þjálfaramál og leikmannakaup en ég hugsa að við látum það bíða að reyna að sortera úr slíkum sögusögnum fyrr en búið er að staðfesta NESV sem eigendur.

Nú er bara að bíða og vona. Dómsmálið verður tekið fyrir snemma í næstu viku og þá gætum við annað hvort fengið nýja eigendur, Hicks áfram sem eiganda eða greiðsluþrot og níu stiga víti í deildinni. Það hefur sennilega aldrei verið jafn mikið í húfi.

LFC STAÐFESTIR SÖLU Á KLÚBBNUM! (opin umræða)

Posted on by

UPPFÆRT (Babu), 11:55 – Broughton svarar nokkrum lykilspurningum varðandi væntanlega sölu á klúbbnum, væntanleg dómsmál sem Hicks ætlar að höfða o.fl. tengt sölu á klúbbnum. Hann gerir sitt besta til að byggja upp væntingar okkar stuðningsmanna og væri varla að því nema vera sannarlega bjartsýnn á að hann sé með allann réttinn sín megin.

UPPFÆRT (Kristján Atli, kl. 6:54 að morgni miðvikudags): Opinber heimasíða klúbbsins staðfesti nú í morgunsárið að það er búið að taka tilboði New England Sports Ventures í klúbbinn! Söluferlið er farið af stað!

NESV er félag milljónamæringa sem eiga m.a. hafnaboltaliðið Boston Red Sox, Fenway Sports Group (sem eiga Fenway Park, heimavöll Red Sox) og Rousch Fenway Racing sem ég held að sé veðhlaupabraut. Ég fylgist ekki mikið með hafnabolta, Einar Örn getur eflaust frætt okkur betur um það, en mér skilst á öllu að þessir eigendur hafi tekið Red Sox á sínum tíma og fært þá til nútímans, styrkt liðið mikið, endurnýjað Fenway og fært liðinu árið 2004 sinn fyrsta hafnaboltatitil í næstum því heila öld. Þannig að þeir kunna greinilega að reisa stórveldi úr öskustónni.

Martin Broughton, stjórnarformaður Liverpool, sagði þetta um málið í yfirlýsingunni:

“I am delighted that we have been able to successfully conclude the sale process which has been thorough and extensive. The Board decided to accept NESV’s proposal on the basis that it best met the criteria we set out originally for a suitable new owner. NESV’s philosophy is all about winning and they have fully demonstrated that at Red Sox.

We’ve met them in Boston, London and Liverpool over several weeks and I am immensely impressed with what they have achieved and with their vision for Liverpool Football Club.

“By removing the burden of acquisition debt, this offer allows us to focus on investment in the team. I am only disappointed that the owners have tried everything to prevent the deal from happening and that we need to go through legal proceedings in order to complete the sale.”

Með öðrum orðum: þeir uppfylltu öll skilyrði sem gerð eru til nýs eiganda Liverpool, þeir heilluðu Broughton og stjórnina með áætlunum þeirra fyrir Liverpool-liðið, þeir munu með kaupunum þurrka út skuldina sem hvílir á klúbbnum og setja pening í að styrkja liðið.

Eigendurnir fá hins vegar ekki neitt, og þess vegna eru þeir að berjast á lagahliðinni. Sú barátta mun eflaust tefja ferlið eitthvað aðeins og það er ekki víst að salan gangi í gegn, Hicks og hans menn gætu enn náð að stöðva söluna.

Við vonum það besta. Þetta verða áhugaverðir dagar.

(Upphafleg frétt Babu frá því í gær er hér fyrir neðan. Við munum uppfæra þessa færslu til að halda umræðunum um sölumálin á einum stað)

Hodgson og liðið fá frí í bili…þetta kemur nýbakað af opinberu síðunni:

Núna er svo sannarlega allt að gerast og mjög mikið í gangi á Anfield. Gillett og Hicks ætla að gera sitt allra allra besta til að gera stuðningsmenn Liverpool snar sturlaða af bræði og reyna allt sem þeir geta til að hindra það að þessum tilboðum verði tekið, núna með því að reyna að bola Ayre og nýja besta vini okkar stuðningsmanna (skrítinn heimur) Christian Purslow! Með því að setja fáráðlinginn hann son Tom Hicks í stjórn ásamt einhverri konu sem ég nenni ekki einu sinni að slá upp á google.

Vonum það besta.

YANKS OUT…og hugsanlega IN (“,)

Dear Mr. Hicks – Opin umræða

Posted on by

Meðan lítið er að frétta er ekki úr vegi að koma af stað opinni umræðu og til að gera það læt ég fylgja með góð skilaboð stuðningsmanna Liverpool til “eigenda” liðsins (sem impz benti á):

Ef ykkur finnst mótmælin vera við það að fara úr böndunum á Austurvelli væri fróðlegt að sjá hvernig þetta yrði núna ef þessir bjánar létu sjá sig á Anfield, eða bara í Liverpool borg.

Það er erfitt að fá staðfestar fréttir af því sem er að gerast með þessi blessuðu lán þeirra, en 15.október (ekki á morgun semsagt) hefur verið talað um að komið sé að endurfjármögnun á þessum lánum og eins og staðan og pressan á bankanum er núna er afar ólíklegt að þeir fái frekari frest.  Frekari frestur mun þýða að þolinmæði stuðningmanna brestur endanlega og bankanum hefur verið hótað að hann myndi missa afar marga viðskiptavini.

Þannig að ekki nóg með að við þurfum að sjá klúbbinn á botninum í tvær vikur og erum með óhæfan þjálfara fyrir þennan klúbb þá hefur framtíð klúbbsins í heild aldrei nokkurntíma verið í meiri óvissu. Það er alveg ljóst að ég hef móðgað einhvern rangan fótboltaguð allsvakalega senmma árs 2010 enda einn harðasti stuðningsmaður Selfoss líka.

En höfum hugfast að alvöru stuðningsmenn styðja sitt lið í gegnum súrt og sætt…núna er svo sannarlega súrt.

Er tími Roy Hodgson kominn?

Posted on by

Hendum upp örlítilli könnun eftir atburði dagsins og undanfarina vikna

Hvern viltu fá sem næsta stjóra Liverpool?

Skoða niðurstöður.

Loading ... Loading ...

Reynum að halda umræðunni eins siðsamlegri og við getum

Liverpool – Blackpool – 1-2

Posted on by

Gleymum þeim leikmönnum sem við höfum til afnota hjá klúbbnum, gleymum eigendum liðsins og öllu bullinu í kringum þá og í guðana bænum gleymum Rafael Benitez, í dag gerði núverandi framkvæmdastjóri Liverpool enn eitt sjálfsmarkið og nældi í önnur úrslit sem fara í flokk með þeim mest niðurlægjandi í sögu félagsins.

Það er hann sem er að leggja leikinn upp með þeim hætti að eftir 45.mínútur eru gestirnir í BLACKPOOL sem er betur þekkt sem tívolí heldur en fótboltalið með 60% af boltanum, helmingi fleiri færi og miklu betri hugmynd um það hvernig liðið á að spila fótbolta.

Liverpool er í fallsæti og miðað við spilamennskuna er það bara fullkomlega eðlilegt og þegar stuðningsmenn Liverpool eru mjög svartsýnir fyrir heimaleik gegn nýliðum Blackpool og sjá tapleik nánast 100% fyrir daginn fyrir leik er ekki nokkur spurning um að tími er kominn á kallinn í brúnni.

Auðvitað er þetta enginn tími sem hann hefur fengið með liðið og ég hef sagt það áður að ekki ætti að dæma Hodgson fyrr en í ca. janúar. En eftir hverju í fjandanum eigum við að bíða? Hann heldur að hann sé að stýra Fulham, leggur leikinn upp þannig og bendir leikmönnum okkar á að þeir séu bara ekki rassgat betri en leikmenn Fulham. Fyrir mér framkvæmdi hann nánast harí kírí í þessu viðtali sem ég linkaði á í gær og eftir daginn í dag gef ég honum í mesta lagi tvær vikur í viðbót sem stjóri Liverpool að því gefnu að Hillett og Gicks missi klúbbinn að þeim tíma liðnum, eða 15.október (inni í þessu er landsleikjahlé).

Times fucking up

Ef við förum aðeins yfir þennan leik í dag þó ég hafi það varla í mér þá lögðum við líklega upp með að halda í þetta stig sem við byrjuðum leikinn með og buðum leikmenn Blackpool hjartanlega velkomna á vallarhelming okkar og leyfðum þeim að gera það sem þeir vildu með boltann. Liverpool sat með sínar tvær hundlélegu varnarlínur og vonaði það besta. Þegar við vorum með boltann var trikkið að koma honum sem allra fyrst fram og helst alls ekki halda honum of lengi innan liðsins.

Blackpool sem er ekkert ömurlegt lið og var klárlega til í þennan leik sótti bara eins og þeir gátu, fóru upp kantana og voru ekkert ósanngjarnt yfir í hálfleik. Fyrra markið kom eftir enn einn ömurlegan varnarleikinn hjá Glen Johnson sem stóð mjög illa er hann fékk Varney á sig og braut klaufalega á honum. Púllarinn Charlie Adam afgreiddi vítið og það versta var að fáir voru of hissa á að staðan væri 0-1 á Anfield.

Liverpool átti alveg sín færi úr skyndisóknum og það hjálpaði ekki að Torres fór meiddur útaf eftir innan við 10.mínútur en leikur liðsins í heild var bara til skammar. Í restina á fyrri hálfleik komust gestirnir svo í 0-2 er þeir spóluðu sig í gegnum vörnina.

Eina skiptingin sem maður vildi sjá í hálfleik var að fá Dalglish sem sat sjokkeraður í stúkunni inn fyrir Roy Hodgson. Anfield púúaði hraustlega á leikmenn liðsins er þeir gengu til búningsherbergja og það er ekki oft sem maður sér það.

En Hodgson datt ekkert sniðugt í hug og setti bara sama lið inná í seinni hálfleik. Að vanda vorum við mun betri í seinni hálfleik og fórum að sækja aðeins eins og liðið gerir nú þegar það er 1-2 mörkum undir, sem er nánast í hverjum leik. Á 55.mín tók Gerrard aukaspyrnu fljótt á Kyrgiakos sem skallaði boltann vel í netið. Hercules er líklega sá leikmaður sem kemst næst því að vera sóknarmaður í ætt við það sem Hodgson vill spila með og ef það væri félagslega samþykkt er ég ekki frá því að hann yrði notaður frammi hjá okkur.

Þegar leið á leikinn héldum við áfram að sækja og núna var Liverpool mikið meira með boltann og mun líkara því liði sem við höfum þekkt undanfarin ár, það er að pressa andstæðingana. En ekkert gerðist, við nýttum ekki færin og þeir fengu meira að segja sín færi á móti og hefðu vel getað klárað þetta ennþá stærra.

Reyndar gerðust ótrúlegir hlutir á 60.mínútu þegar Hodgson tók einn besta leikmann Blackpool af velli og setti Liverpool leikmann inná í formi Jovanovic (vissi ekki að þetta mætti). En í lokin þegar Blackpool var augljóslega farið að þreytast gríðarlega datt Hodgson ekkert í hug fyrr en á 88.mín er hann setti Maxi inná fyrir Cole. Á 88.mínútu 1-2 undir á Anfield áttaði hann sig endanlega á því að hans blessaða Plan A var ekki að virka.

Ég er búinn að fá meira en nóg af hugmydnum Roy Hodgson og þeim fótbolta sem hann stendur fyrir.

Þetta segir allt sem segja þarf.

Babú

Liðið gegn Blackpool

Posted on by

Staðfest lið er svona:

Reina

Johnson – Kyrgiakos – Skrtel – Carragher
Poulsen
Kuyt – Gerrard – Meireles
Cole
Torres

Bekkur: Jones, Maxi, Jovanovic, Lucas, Spearing, Ngog, Kelly.

Það má vel vera að Cole, Kuyt, Gerrard eða Meireles séu hugsaðir í öðrum stöðum á miðjunni, en ég held að þeir hafi bara ekki hugmynd um það sjálfir. Poulsen verður engu að síður á sínum stað til að brjóta upp spilið hjá báðum liðum. Varnarlínan hefur síðan ekki verið svona spennandi í mörg ár.

Fáir hafa talað meira um hversu erfið byrjun þessa tímabils var heldur en þeir sem stjórna málum hjá Liverpool og hljóma eins og það sé ekkert nema eðlilegt og vel í lagi að hafa getað lítið sem ekkert í þessum fyrstu leikjum. Núna er hinsvegar komið að því að sýna hvað þetta lið getur. Það er kominn Október, Blackpool á Anfield, ef krafan er ekki góður fótbolti og sannfærandi sigur þá eru þeir sem stjórna Liverpool ekki að skilja þennan klúbb.


Kíkið á þetta

Blackpool á morgun!

Posted on by

Áður en við hitum upp fyrir leik helgarinnar þurfið þið að heimsækja Tomkins Times og lesa greiningu Paul Tomkins á vandamálum Liverpool undir stjórn Roy Hodgson hingað til. Greinin er opin öllum.

Drífið ykkur. Ég bíð á meðan. …

… …

… Búin? Flott. Þá getum við haldið áfram. Okkar menn taka á móti nýliðum Blackpool í sjöundu umferð Úrvalsdeildarinnar á sunnudag. Eftir sex umferðir eru okkar menn í sextánda sæti með sex stig en nýliðarnir eru einu sæti ofar með stigi meira. Þeir hafa vakið nokkra athygli fyrir að spila skemmtilegan og áhættusaman sóknarbolta í nær öllum leikjum í vetur. Það hefur leitt til nokkurra stórra tapa, svo sem á útivelli gegn Arsenal (6-0) og Chelsea (4-0) en þeir hafa líka náð að skella liðum eins og Newcastle og Wigan. Hvort þessi nálgun þeirra dugir út veturinn skal ósagt látið en það er allavega ljóst að þeir mæta á Anfield á sunnudag með sóknarbolta í huga.

Og hví ekki? Eins og greining Tomkins hér að ofan sýnir greinilega er stærsti vandi Liverpool í dag sá að Hodgson er að nota leikmenn sem Rafa Benítez keypti með það í huga að pressa ofarlega á vellinum og láta þá liggja aftarlega og verjast djúpt. Það hentar ekki öllum okkar leikmönnum og umbreytingin virðist vera mönnum talsvert erfið því það er ekki nóg með að liðið liggi aftarlega og sæki minna heldur virðist það líka óskipulagðara og viðkvæmara varnarlega en áður, sem er akkúrat þveröfugt við það sem maður myndi ætla með varnarsinnaða uppstillingu.

Hodgson einfaldlega verður að fara að taka handbremsuna af þessu liði. Lykillinn að því að vera með lið sem liggur djúpt er að geta sótt hratt upp völlinn þegar boltinn vinnst, og það getur Liverpool einfaldlega ekki í dag. Menn eins og Kuyt, Maxi, Benayoun, Mascherano, Alonso og Crouch (svo nokkrir séu nefndir) svínvirkuðu í leikkerfi Rafa því þeir pressuðu ofarlega, unnu boltann iðulega á vallarhelmingi andstæðinganna og þurftu því ekki að sækja hratt upp völlinn. Kuyt er ekki sprettharður leikmaður en það kom aldrei að sök þegar hann var nær alltaf að fá boltann við vítateig andstæðinganna. Sama gilti um Benayoun, Riera og flesta hina. Torres og Gerrard höfðu og hafa sprengikraft og Babel var sennilega keyptur með það í huga að fjölga fljótum leikmönnum í vopnabúri Rafa en í dag einfaldlega höfum við ekki nægilega marga fljóta leikmenn innan liðsins til að geta beitt hröðum skyndisóknum.

Ef eitthvað er, þá er liðið hægara eftir að Hodgson tók við. Hann fær Poulsen inn fyrir Mascherano, held að sá danski sé nokkuð augljóslega hægari, og Konchesky er ekki jafn fljótur og sókndjarfur og Insúa. Þá eru Meireles og Joe Cole ekki neitt sérstaklega fljótir leikmenn og sennilega kæmi meira út úr þeim ef þeir gætu spilað boltanum hátt á vellinum, í stað þess að ætlast til þess að þeir séu að sækja hann inn á eigin vallarhelming og gera eitthvað í kjölfarið.

Jovanovic er sennilega eini fljóti leikmaðurinn sem kom til okkar í sumar en hann virðist vera búinn að missa stöðu sína í liðinu hjá Hodgson, allavega í bili.

Ég veit að ég er enginn þjálfari og að ég þekki leikmenn liðsins ekki jafn vel og stjórinn, en ef ég væri þjálfari myndi ég reyna að nýta styrkleika leikmannahópsins og sækja svolítið ofarlega gegn Blackpool á sunnudaginn. Þá væri liðið einnig að slá vopnin úr höndum nýliðanna því þeir leggja upp með að sækja sjálfir og eru viðkvæmir ef þeir lenda undir pressu eða geta ekki spilað boltanum sín á milli.

Ég myndi vilja sjá Hodgson stilla upp eftirfarandi liði …

Reina

Johnson – Carragher – Skrtel – Kelly

Gerrard – Meireles
Kuyt – JCole – Jovanovic
Torres

… og láta það pressa andstæðingana frekar framarlega! Agger og Konchesky eru víst báðir frá þannig að Kelly (ef hann er þá sjálfur heill, sem er víst tvísýnt) yrði að kóvera þrátt fyrir að vera ekki sá sókndjarfasti sjálfur. Við gætum þá skilið Meireles eftir á miðjunni og leyft Cole að hjálpa Jovanovic vinstra megin, á meðan Johnson kæmi upp hægra megin og héldi áfram góðri samvinnu síðustu leiktíðar með Kuyt þeim megin. Gerrard gæti svo sótt inn í holuna og hann og Torres fengju að vinna saman í kringum vítateig andstæðinganna, eitthvað sem ég held við getum öll verið sammála um að hafi sárvantað hingað til í haust.

Þetta lið ætti að geta pressað Blackpool í 90 mínútur og unnið nokkuð þægilegan sigur.

Hins vegar sýnist mér allt benda til þess að Hodgson breyti liðinu sem minnst frá því á fimmtudag og að aðeins Lucas muni víkja fyrir Gerrard. Þá mun liðið líta svona út:

Reina

Johnson – Carragher – Skrtel – Kelly
Poulsen
Kuyt – Meireles – Gerrard – J Cole

Torres

Miðað við allt sem maður hefur lesið um Hodgson – greiningar á ferli hans, störf hans hjá Fulham, orð fyrri leikmanna eins og Danny Murphy og Diomansy Kamara – þá vill Hodgson halda þéttu skipulagi, hafa fjóra varnarmenn sem sækja ekki of mikið (sem hefur skiljanlega ruglað Johnson mikið í ríminu) og pottþétt öryggisnet á miðjunni (Poulsen, í þessu tilfelli).

Ef þetta reynist rétt þá sé ég ekki hvernig okkur á að ganga mikið betur gegn Blackpool á sunnudag en í undanförnum leikjum. Torres verður einangraður frammi, Kuyt, Meireles og Cole verða beðnir um að droppa djúpt til að sækja boltann og bera hann upp í stað þess að geta verið hærra á vellinum og valdið meiri skaða við vítateig andstæðinganna, Gerrard verður sem fyrr ekki viss um hvað hans hlutverk nákvæmlega er, Poulsen heldur áfram að virka þunglamalegur og með lélega sendingargetu og gvöð má vita hvers konar sjálfstraust Johnson hefur með sér inná völlinn í þetta skiptið.

Já, og markahæsti maður Englands í öllum keppnum verður áfram á bekknum. Frrrrrábært.

**MÍN SPÁ:** Ég vona að menn hafi rétt fyrir sér þegar þeir segja að það taki Hodgson tíma að koma sínum hugmyndum í framkvæmd. Ég vona að þetta fari að smella og við förum að sjá hvers vegna í ósköpunum menn höfðu trú á að þessi ráðning myndi bæta lið síðasta tímabils. Ég vona að ég verði látinn éta orð mín strax á sunnudaginn. En þangað til verð ég að vera samkvæmur sjálfum mér og byggja spána á því sem ég hef séð hingað til hjá Liverpool.

Við töpum þessum leik 0-2. Ætla samt að setja tómatsósu og remúlaði á hattinn minn, til öryggis.

Góða helgi.