Eins og einhverjir hafa tekið eftir höfum við tekið ummælin aðeins fastari tökum undanfarið. Við höfum hent út ummælum sem ekki halda sig við umræðuna og reynt að hindra það að fólk ræni þræðinum.
Á móti ætlum við að koma til móts við fólk með að setja inn svona þræði af og til. Leikskýrslan frá því í gær er enn í fullu fjöri og menn geta rætt leikinn þar, og svo kemur væntanlega upphitun fyrir næst síðasta leik tímabilsins á morgun, en á meðan geta menn rætt hvað sem þeir vilja hér.
Opinn þráður – ræðið það sem þið viljið. Það er jú einu sinni föstudagur. ;)
Verkefni kvöldsins voru vinir okkar í Atletico Madríd uppeldisklúbbus Fernando Torres sem er eins og allir vita ennþá meiddur. Staðan fyrir leik 0-1 fyrir Atletico og því afar lítið sem mátti útaf bregða.
Til að klára þetta strax þá endaði þetta í alveg hreint ótrúlega svekkjandi og mjög svo ósanngjörnu tapi eftir 2-1 sigur í framlengdum leik. Það fór eins og maður óttaðist að markið sem var ranglega dæmt af Liverpool út á spáni varð okkur að falli og er það mjög vel í takti við tímabilið í heild, það fellur ekki nokkur skapaður hlutur með Liverpool liðinu og dómgæsla hefur sannarlega verið þar með í för.
Ég ætla að reyna að renna yfir leikinn sem var þrátt fyrir allt mjög góður hjá okkar mönnum þrátt fyrir að vera ekki með striker.
Benitez var ekkert að tvínóna við hlutina og ákvað að fara nánast all in sóknarlega með það lið sem hann hafði til afnota og stilllti upp sóknarsinnaðasta byrjunarliði Liverpool á árinu.
Reina
Masherano – Carra – Agger – Johnson
Gerrard – Lucas
Benayoun – Aquilani – Babel
Kuyt
Bekkur: Cavalieri, Kyrgiakos, Pacheco, Degen, El Zhar, Ayala, Ngog.
Lið Atletico var síðan svohljóðandi
De Gea
Valera – Perea – Dominguez – Lopez
Garcia – Assuncao
Simao – Aguero – Reyes
Forlan
Það var líka alveg ljóst að frá fyrstu sekúndu átti að sína spánverjunum hvert þeir væru í raun mættir! Strax á
1.mín var byrjað með þvílíkum látum og eftir 10. sek var Benayoun búinn að komast einn í gegn og láta De Gea verja hjá sér úr þröngu færi og eftir mínútu var Gerrard búinn að taka þrjá hornspyrnur. Anfield kunni að meta þetta og var eins og….. já Anfield á evrópukvöldi!
Eftir 10.mín höfðu okkar menn nánast alveg verið með boltann og voru nokkuð líklegir. t.d. átti maður fyrri hálfleiks Alberto Aquilani ágætt skot sem De Gea varði reyndar auðveldlega. Eftir kortersleik fóru Atletico menn aðeins að þora að koma framar og minna á hvað þeir geta verið stórhættulegir. Allar sóknir Liverpool fengu mann til að finna illa hversu rosalega við söknum Fernando Torres, sem sat slakur upp í stúku með Fabio Aurelio, leikmanni sem maður er bara nánast búinn að gleyma. Það var á stundum eins og það væri enginn frammi.
Þegar fyrri hálfleikur var hálfnaður var Arnar Björnsson búinn með svipað mikla tölfræði um þessi lið og kom fram í rannsóknarskýrslu Alþingis og hljómað eins og excel skýrsla með of marga flókna fídusa þessar fyrstu mínútur leiksins. Það er alveg jafn spennandi og það hljómar.
Á 25.mín skiptu Liverpool aftur í 4.gír og hófu sókn með frábærum einnar snertingar fótbolta hjá Gerrard, Johnson, Babel og Aquilani sem skilaði Dirk Kuyt einum í gegn en skotið var slakt og fór hátt yfir, flott sókn samt og gefur glimpse af því hversu spennandi leikmaður Aquilani getur verið.
Á 31.mín var komið að típíska pakkanum, Benayoun fékk aukaspyrnu sem Gerrard tók glæsilega og sendi á Agger. Hann smellti boltanum í hornið en var að sjálfsögðu dæmdur rangstæður og öfugt við fyrri leikinn þá var þetta víst rétt núna. Ofboðslega svekkjandi samt enda aldrei gáfulegt að fagna mjög hátt einn heima hjá sér og sjá markið svo dæmt af!!
Eftir rangstöðumarkið var rosaleg pressa hjá okkar mönnum en hún skilað því miður ekki marki.
En undir lokin eða á 44.mín fengum við LOKSINS LOKSINS fokkings markið sem frammistaða fyrri hálfleiks verðskuldaði. Mascherano var klókur og sparkaði boltanum í leikmann Atletico og fékk innkast, hann tók það stutt upp kantinn á Benayoun sem sendi inn í teiginn á Alberto Aquilani sem bara smellti honum í hornið og tapaði sér SSteinn style í kjölfarið. Frábært mark og ROSALEG stemming á Anfield.
Mjög flottur fyrri hálfleikur hjá Liverpool.
Seinni hálfleikur var síðan aldrei í grend við það að vera eins spennandi og sá fyrri. Mikið meira jafnræði var með liðunum og lítið sem ekkert um færi, eftir korter var maður farinn að hugsa að það var eiginlega bara synd að Atletico slyppu inn í hálfleik strax eftir að Liverpool komst yfir.
En það gerðist sama og ekki neitt merkilegt í seinni hálfleik venjulegs leiktíma, eina sem ég skráði hjá mér var góður sprettur Glen Johnson sem kom með ágætt skot sem fór reyndar beint á De Gea. Fyrsta skiptingin kom síðan ekki fyrr en á 89.mínútu sem er auðvitað bara rugl, en þá kom El Zhar sem aldrei nokkurntíma hefur breytt gang nokkurs leiks fyrir Aquilani sem var orðinn vel þreyttur eftir góðan leik framan af.
En Snæfell RÚSTAÐI allavega Keflavík og þó mér sé alveg skítsama um körfubolta þá var það merkilegasti atburður seinni hálfleiks og við óskum Bjamma til hamingju með það! :)
En leikurinn fór í framlengingu enda báðir leikir búnir að fara 1-0 fyrir heimaliðunum.
Í upphafi framlengingar ákváðu heimsku #### #### himpigimpin á Stöð 2 að læsa hliðarrásinni sem þeir voru að sýna leikinn á og ég þurfti að skipta yfir á þræl hressan spánverja á netinu!! Ég var ekki búinn að horfa á þennan nýja vin minn í nema 1-2 mín er Lucas kom með gríðalega góða sendingu innfyrir vörn Atletico og á Benayoun sem var ekki rangstæður og afgreiddi blöðruna í netið 2-0. Fokk já. Nú átti þetta að vera komið enda ætlaði gaurinn aldrei að hætta að segja goooooooooooooooooooooooooool.
En auðvitað ekki, á 102 mín kom skyndisókn hjá Atletico, há sending út á kantinn sem Johnson missti af, sendingin kom fyrir á fokkings Diego Forlan sem var einn á auðum sjó og gat ekki annað en skorað!! Úff hvað þetta var ekki sanngjarnt og auðvitað skoraði síðasti leikmaðurinn sem maður vildi frá mark frá.
Þar með var Liverpool komið í mikil vandræði og þurfti nauðsynlega á marki að halda til að klára leikinn. Þar kom í ljós hvað hópurinn er bara alls ekki nógu stór og hversu lítið er nothæft á bekknum. El Zhar eins og ég sagði hefur aldrei snúið nokkrum leik, Degen kom síðan inná fyrir Mascherano og að lokum kom Pacheco inná fyrir Benayoun.
Þannig að liðið sem lauk leik var svona!!
Reina
Degen – Carra – Agger – Johnson
Gerrard – Lucas
El Zhar – Pacheco – Babel
Kuyt
…og þetta er bara ekki nógu gott.
Dirk Kuyt var auðvitað allt að því alveg gagnslaus einn frammi allann leikinn og áttu miðverðir Atletico ekki í nokkrum einustu vandræðum með hann. N´Gog hefði sannarlega átt að koma inná á ca. 60-70 mín. Degen er síðan svo lélegur að hann er ekki einu sinni notaður þó að það vanti alla aðra bakverði í liðinu og Johnson er settur vinstramegin.
Mascherano var auðvitað frábær varnarlega en alls ekki góður sóknarlega og átti fáránlega margar feil sendingar. Miðjan var mjög sterk í leiknum en spilið versnaði hratt þegar Aquilani fór að þreytast og í framlengingunni hvarf Gerrard alveg gjörsamlega. Babel var nokkuð góður í leiknum og barðist mjög vel, hann átti allt of margar fail sendingar! En hann bauð þó upp á hraða sem vörn Atletico átti í basli með.
Benayoun var ekki að spila sinn besta leik á ævinni en skoraði samt flott mark og átti góða stoðsendingu. Þegar hann var orðinn þreyttur var Pacheco sem er eins spennandi og hann nú er ekki alveg málið til að skipta við hann í svona mikilvægum leik, litli spánverjinn hefði sannarlega frekar mátt koma inná fyrir Kuyt og það fyrr í leiknum!
En mest áberandi vandamál liðsins í kvöld kom í ljós í lokin, síðustu 10.mínúturnar bombuðu miðverðir Liverpool boltanum bara fram í boxið og target maðurinn þar, Dirk Kuyt er enginn Peter Crouch eða þesskonar sláni sem hvert lið þarf að geta boðið uppá í svona stöðu. Það var bara bombað fram en enginn þar með hæð eða styrk til að taka við boltanum og kom honum frá sér á samherja.
Niðurstaða: Fernando Torres hefði klárað þetta lið án vafa yfir þessa tvo leiki, að eiga ekki neinn til að leysa hann af kostaði okkur í kvöld og það hefur kostað okkur mest allt þetta ár.
Ömurlega pirrandi tap, ömurlega pirrandi tímabil, í guðsbænum farið að flauta þetta af.
Þá hefur Rafa Benitez tilkynnt óumdeilanlega áhugaverðasta byrjunarlið Liverpool á þessu tímabili, liðið er afar sóknarsinnað og í raun eru bara tveir leikmenn sem teljast verulega varnarsinnaðir inná, Jamie Carragher og striker kvöldsins! (ég er samt að gera ráð fyrir Reina).
Liðið er svona:
Reina
Masherano – Carra – Agger – Johnson
Gerrard – Lucas
Benayoun – Aquilani – Babel
Kuyt
Bekkur: Cavalieri, Kyrgiakos, Pacheco, Degen, El Zhar, Ayala, Ngog.
Eins sem ég segi við þessu er, afhverju í andskotanum ekki?
Án þess að ég vilji fara mikið framfyrir mjög öfluga upphitun SSteins er ánægjulegt að segja frá því að Liverpool var að tryggja sér afar efnilegan ungan leikmann frá Charlton, Jonjo Shelvey.
Eðlilega vitum við afskaplega lítið um þennan leikmann en hér má sjá afar skemmtilegt viðtal við stuðningsmann Charlton sem lýsir honum betur.
Ég elska Evrópukvöld á Anfield og ég verð bara að viðurkenna það að þegar stóru vonbrigðin urðu í vetur og við duttum út úr Meistaradeildinni, þá fannst mér það ferleg tilhugsun að vera að fara að keppa í þessari Evrópu B deild. Í dag? Ég er bara fáránlega spenntur, alveg fáránlega spenntur. Framundan er EVRÓPUKVÖLD á Anfield, og það seinni leikur í undanúrslitum keppninnar, með góðum sigri, þá förum við til Þýskalands og leikum um BIKAR. Mér er algjörlega sama hvernig menn tala um þessa keppni, í dag er ég ánægður, hreinlega ánægðari en ef okkar menn hefðu dottið út í 8-liða úrslitum Meistaradeildarinnar. Ef við förum í úrslit og vinnum, þá verð ég margfalt ánægðari en ef við hefðum farið í undanúrslit í þeirri keppni. Fyrir ekki svo mörgum árum síðan, þá fórum við í úrslit í Evrópukeppni í fyrsta sinn í égveitekkihvaðlangantíma og unnum. Það var æðisleg tilfinning. Við erum eiginlega búin að vera spoiled þegar kemur að þessum keppnum í Evrópu, því þetta var fjarri hugsunum manns árið 2000 og mööörg ár þar á undan. Á fimmtudaginn þá mun maður algjörlega gleyma öllu sem snýr að ensku deildinni, ÖLLU.
Það er ávallt erfitt að spá fyrir um úrslit í fótbolta, allavega oftast nær og sér í lagi þegar kemur að leikjum milli tveggja sterkra liða. En eitt er alveg á tæru, á fimmtudagskvöldið verður allt gjörsamlega geðtruflað á Anfield. 12. maðurinn mætir á svæðið eins og enginn sé morgundagurinn. Það þarf akkúrat NÚLL mótiveringu fyrir leikmenn Liverpool FC fyrir þennan leik, ja, ef hana þarf, þá er eitthvað að leikmönnum í höfðinu. Brjáluð stemmning og góð úrslit tryggja mönnum sæti í úrslitaleik. Það þarf akkúrat ekkert meira og vænti ég þess að menn komi afar vel stemmdir inn í leikinn. Ég geng svo langt að segja að það skipti nánast engu máli hvernig uppstillingin verður (innan vissra marka þó, er ekki að tala um að Carra gæti tekið strikerinn) menn eiga að gera þetta kvöld að sínu (svo maður taki nú smá Beinteins á þetta). Fyrst ég er orðinn svona spenntur á þriðjudagskvöldi, þá get ég rétt ímyndað mér hvernig leikmennirnir eru, og eru þeir staðsettir í borginni og talað og skrafað um leikinn alls staðar í kringum þá.
En eigum við góðan séns? Við förum inn í þennan leik án þess að hafa fengið mark skráð á útivellinum, og erum með eitt mark í mínus. Við erum sem sagt 0-1 undir í hálfleik, en seinni hálfleikur er heilar 90 mínútur og þær fara allar fram á Anfield fyrir framan bestu stuðningsmenn í veröldinni. Það skal enginn segja mér að við séum ekki með þetta í okkar höndum. Hæðin fyrir framan okkur hefur oft verið brattari og grýttari, þessi er bara nokkuð aflíðandi, svo framarlega sem leikmenn verði klárir frá fyrstu mínútu. Við skoruðum fullkomlega löglegt mark í fyrri leiknum. Við fengum á okkur mark sem ekki átti að standa. Gott og blessað, sýndi það að við getum alveg skorað hjá þessu liði þrátt fyrir að hafa átt hörmulega slakan leik á erfiðum útivelli eftir fáránlega langt ferðalag. Af hverju ættum við ekki að geta gert miklu betur núna? Á okkar heimavelli? Á Anfield? Jú, það kemur hreinlega ekkert annað til greina, einn úrslitaleik í maí takk þar sem við getum glaðst saman eftir þetta hörmungar tímabil, þetta er ekki neitt svo svaðalega ósanngjörn krafa er það nokkuð?
Mótherjarnir eru sterkir, á því er enginn vafi. Þeir eru vel mannaðir, en hafa eins og við, valdið miklum vonbrigðum heimafyrir. Sarah Jessica Parker í framlínunni þeirra hefur verið ansi hot, Kun Aguero kemur í leikinn úr banni, Simao er hrikalega góður leikmaður og svo Maxi…ach, nei hann er ekki þar lengur, og svo slatti af öðrum góðum spilurum. En boltinn liggur engu að síður hjá okkur, það fer eftir okkar mönnum hvort við förum alla leið eða ekki. Ég fer ekkert ofan af því að þrátt fyrir mikil meiðsli í okkar herbúðum, þá erum við með betra lið en Atlético og við ættum að klára þetta, þó auðvitað ekkert komi að sjálfu sér. Þegar komið er að þessum tímapunkti í keppninni, þá vil ég fyrst og fremst komast áfram, það væri bónus að komast áfram á sexy football og flæðandi sóknarleik þar sem við gjörsigrum andstæðinginn 8-0. En mér er líka nokkuð sama þótt þetta yrði ugly 2-0 sigur, algjörlega sama. Ég vil bara fá að fagna eins og brjálaður maður í leikslok og ég vil bara fá allt build up-ið og spennuna sem fylgir því að vera að fara að spila til úrslita um bikar, um Evrópubikar, og mér gæti ekki verið meira sama hvaða nafni menn nefna þessa keppni, bara gæti ekki verið meira sama.
En að liðinu okkar, það er alveg morgunljóst að leikmannalega séð þá erum við alveg “to the bare bones” í þessum leik, sér í lagi þegar horft er til varnar og sóknar. Insúa, Aurelio, Kelly og Skrtel verða væntanlega ekki með vegna meiðsla, Maxi er ekki gjaldgengur í þessa keppni, Riera er ekki gjaldgengur hjá félaginu og svo eru þeir Torres, Kuyt og Ngog meiddir. Nú veit maður ekki nákvæma stöðu á þessum meiðslum öllum, en ég geng út frá því hérna að allir þessir leikmenn verði fjarverandi annað kvöld. Ætli Kuyt verði ekki næst því að ná leiknum, en ég hef hreinlega ekki séð neitt update um að hann verði orðinn klár í slaginn. En ég var búinn að segja það hér áður og segi það aftur, það skiptir litlu máli hvaða 11 leikmenn hefja þennan leik, við verðum einum fleiri allar 90 mínúturnar og við eigum hreinlega að nýta okkur það. Ég ætla að gerast mikill spámaður og spá því að vörnin verði hefðbundin fyrir framan besta markvörð veraldar þetta tímabilið. Á hægri kanti verður svo Steven Gerrard, Benayoun verður á þeim vinstri, Lucas og Javier á miðjunni, Alberto í holunni og Babel frammi. Það væri auðvitað hægt að setja El Zhar á hægri kantinn, en hann hefur lítið spilað og ég efa að honum verði treyst frá byrjun í svona stórum leik. Sama má segja um Pacheco. Þannig að ef Kuyt er áfram meiddur, þá velur liðið sig nánast sjálft. Þetta verður því líklegast svona:
Reina
Johnson – Carragher – Kyrgiakos – Agger
Mascherano – Lucas
Gerrard – Aquilani – Benayoun
Babel
Bekkurinn: Cavalieri, Ayala, Degen, Plessis, El Zhar, Pacheco…og? Ég veit hreinlega ekki hvern ég á að tippa á sem 7unda mann á bekkinn, er ekki best að tippa bara á Amoo.
Það er alveg morgunljóst að breiddin hjá okkur er ekki upp á mörg hrogn þessa dagana, Degen er aðal reynsluboltinn á bekknum okkar og það segir okkur meira en margt. Það er ekki einu sinni hægt að böggast yfir því að Lucas sé í liðinu, hann er sjálfvalinn þar í svona mikilvægum leik. En ég er bjartsýnn fyrir leikinn eins og kannski sjá má í þessari upphitun, ég hef algjöra tröllatrú á því að menn gefi sig alla í þetta verkefni og komi liðinu í úrslitaleikinn. Ég ætla að gerast svo brattur að spá okkur 4-1 sigri á morgun, já, ég er ekki að bryðja nein ofskynjunarlyf, ég hef góða tilfinningu fyrir leiknum og algjöra tröllatrú á okkar mönnum í þessum leik. Bring on ekta Evrópukvöld á Anfield, bring on Atlético Madrid, bring on HAMBURG.
We’re the greatest team in Europe and we’re going to Germany
Germany, Germany
We’re the greatest team in Europe and we’re going to Germany
Germany, Germany
Okkar menn fóru í stutt ferðalagt til Burnley í dag þar sem þeir sendu Brian Laws og hans menn niður í Championship deildina.
Rafa kom smá á óvart með uppstillingunni en Ayala og Aqulani byrjuðu inná.
Reina
Johnson – Ayala – Carragher – Agger
Aquilani – Mascherano
Maxi – Gerrard – Babel
Kuyt
Á bekknum voru: Cavalieri, Benayoun, Kyrgiakos, Lucas, Degen, El Zhar, Pacheco.
Fyrri hálfleikurinn var verulega slappur og það var einsog okkar menn hefðu ekki jafnað sig eftir allt ferðastússið í vikunni. Strax í byrjun seinni hálfleiks kom Yossi inn fyrir Kuyt, sem fór meiddur útaf. Seinna komu svo Pacheco og Lucas inn fyrir Gerrard og Agger.
En í seinni hálfleik komu mörkin. Aquilani átti þrjár stoðsendingar. Fyrst á **Gerrard**, sem skoraði svokallað Frank Lampard mark. Stuttu seinna skoraði hann svo frábært mark með langskoti og allt í einu var leikurinn búinn. Besta markið skoraði svo **Maxi Rodriguez** eftir frábæra stoðsendingu frá Aquilani.
Og svo þegar að nokkrar sekúndur voru eftir þá gaf Lucas frábæra stoðsendingu á **Ryan Babel**, sem var einn á móti markmanni og hann kláraði markið og lagaði markatöluna okkar enn frekar.
Okkar menn gerðu því allt, sem þeir gátu gert í dag til að halda baráttunni um fjórða sætið á lífi. Þetta var **fyrsti útisigurinn á þessu ári** í ensku deildinni, sem er með ólíkindum. Við fengum þrjú stig og bættum markatöluna um fjögur mörk, þannig að nú erum við með bestu markatöluna af þeim liðum sem eru í baráttunni um fjórða sætið.
**Maður leiksins:** Ayala stóð sig ágætlega í vörninni og virtist vaxa eftir því sem leið á leikinn. Að 19 ára strákur sé að leika í vörninni er jákvætt. Hann á ábyggilega bjarta framtíð. Ég ætla að velja Gerrard sem mann leiksins því að mörkin hans tvö breyttu þessu algerlega úr steindauðu jafntefli í öruggan sigur.
Staðan er núna svona:
Chelsea mun svo væntanlega smella sér á toppinn á eftir ef þeir vinna Stoke. Liðin eiga þessa leiki eftir:
Tottenham
Bolton (H) 1.maí
City (Ú) 5.maí
Burnley (Ú) 9.maí
Aston Villa
City (Ú) 1.maí
Blackburn (H) 9.maí
City
Villa (H) 1.maí
Tottenham (H) 5.maí
West Ham (Ú) 9.maí
Liverpool
Chelsea (H) 2.maí
Hull (Ú) 9.maí
Þannig að það mun ansi mikið ráðast áður en við spilum við Chelsea næsta sunnudag. Daginn fyrir þann leik munu Aston Villa og City spila innbyrðis og Tottenham mætir Bolton. Eftir þá tvo leiki þá höfum við ágætis hugmynd um okkar möguleika fyrir leikinn gegn Chelsea. En einsog ég ræddi í kommenti í gær þá er ekkert svo fjarstæðukennt að hugsa sér að Liverpool nái þessu fjórða sæti, sérstaklega núna þegar að við náðum að bæta markatöluna svona mikið. Það mun þó auðvitað ekki takast nema með sigri í síðustu tveimur leikjunum.
En 4-0 sigur á útivelli er að minnsta kosti góð upphitun fyrir Evrópukvöld á Anfield gegn Atlético. Ég er strax orðinn spenntur fyrir þeim leik. Það að við náðum að skora fjögur mörk í dag án Fernando Torres ætti að gefa mönnum aukið sjálfstraust fyrir þann leik.
Þegar þetta er skrifað eru aðeins þrjár umferðir eftir af ensku Úrvalsdeildinni tímabilið 2009-10. Mótherjar morgundagsins eru nýliðar Burnley og miðað við stöðu þeirra í deildinni (19. sæti, fjórum stigum frá öryggi) gæti þetta verið eina skiptið í langan tíma sem okkar menn spila deildarleik á Turf Moor í Burnley.
Hvað okkar menn varðar er staðan í deildinni að verða nokkuð skýr. Þetta er efri hluti töflunnar fyrir leiki helgarinnar:
Tölfræðilega getum við enn lent einhvers staðar á bilinu 4.-8. sæti en við verðum að horfa raunsætt á töfluna. Við erum fimm stigum frá fjórða sætinu og aðeins níu stig í boði. Þar að auki eiga bæði liðin í fjórða og fimmta sæti leik til góða á okkur (gegn hvort öðru, þannig að það mun pottþétt annað þeirra fá stig úr þeim leik og auka því forskotið á okkur).
Raunsætt mat: fjórða sætið er farið, við erum að berjast við að ná Aston Villa fyrir ofan okkur og einnig að berjast við að halda Everton fyrir neðan okkur.
Þetta er bara staðan í dag. Engin Meistaradeild á næsta ári, Evrópudeildin líkleg og hún enn í fullum gangi núna. Okkar menn máttu þola algjörlega brútal dagskrá þessa vikuna – leikur gegn West Ham á mánudegi, sólarhringsferðalag til Madrídar í kjölfarið og tapleikur gegn Atletico á fimmtudegi, svo ferðalagið heim fyrir helgina.
Fyrir mér er útkoman úr þessu stærðfræðidæmi frekar auðveld: Rafa mun nota hópinn á morgun, hvíla lykilmenn aðeins og freista þess frekar að hafa liðið 100% klárt í slaginn á fimmtudaginn kemur í seinni undanúrslitaleiknum gegn Atletico. Maxi Rodriguez kemur beint inn í byrjunarliðið á morgun og eins gætu menn eins og Degen, El Zhar og Aquilani komið inn í byrjunarliðið. Þá heyrist manni á flestum miðlum að David Ngog verði frá vegna meiðsla.
Ég ætla að spá eftirfarandi liði fyrir morgundaginn:
Reina
Degen – Carragher – Kyrgiakos – Agger
Aquilani – Mascherano
Maxi – Gerrard – Babel
Kuyt
Þarna fengi Ngog séns á að jafna sig af meiðslum auk þess sem menn eins og Johnson, Lucas og Benayoun fengju smá hvíld fyrir Atletico.
**MÍN SPÁ:** Þótt fjórða sætið sé úr sögunni er ekki þar með sagt að menn geti slakað á í svona leik. Í fyrsta lagi er Liverpool talsvert stærri klúbbur og betra lið en Burnley og ættu menn að varast að hneyksla fólk svona undir vorið með því að tapa svona leikjum. Í öðru lagi geta menn, samviskunnar vegna, ekki leyft sér að slaka á með Everton andandi ofan í hálsmálið á sér. Í þriðja lagi, þá á liðið hér fyrir ofan að geta unnið Burnley.
Þetta verður 0-2 sigur Liverpool. Kuyt hnoðar einu inn og Gerrard skorar úr víti. Eða þá að Rafa semur við Juventus, tekur Kuyt og Mascherano með sér, Torres fer til Man City, Gerrard flýr slúðrið til Ítalíu og Carra verður nýr framkvæmdarstjóri, allt fyrir hádegi á morgun.
Annað hvort af þessu tvennu. Get ekki ákveðið mig.
Ég get ekki sagt að ég hafi lesið slúðurdálka ensku dagblaðanna af miklum áhuga síðustu mánuði. Lítið hefur verið fjallað um Liverpool, enda eru slúðurdálkarnir oft uppspuni og það er lítið fjör í að skálda upp sögur um lið sem flestir telja að eigi ekkert sérstaklega mikinn pening. Svo hafa aðallega verið uppi síðustu daga sögur um Fernando Torres og það að Man City ætli að gera tilboð í hann. Torres hefur auðvitað margoft sagt að hann hafi ekki áhuga á að fara neitt, Liverpool vill ekki selja og svo framvegis. Ef að nýjir eigendur koma að liðinu einsog búist er við á næstu vikum eða mánuðum þá væri nokkurn veginn það heimskulegasta sem þeir gætu gert það að selja þann leikmann, sem ég leyfi mér að giska á að svona 99,5% af Liverpool aðdáendum telja okkar besta og mikilvægasta leikmann (hann hefur klárlega tekið þann titil af Steven Gerrard á síðustu tveim tímabilum).
Allavegana, Guardian, sem er sæmilega ábyggilegt þegar að kemur að svona málum (þá miðað við önnur bresk blöð þótt að vissulega rætist svo sem ekki há prósenta af þeirra slúðri) heldur því fram að menn frá Liverpool hafi hitt ráðamenn hjá Real Madrid þegar þeir voru í Madrid í vikunni og rætt þar um leikmenn, sem að Real vill selja.
>Club officials met in the Spanish capital before Liverpool’s Europa League semi‑final against Atlético Madrid on Thursday, with Real taking the opportunity to try to offload several players deemed surplus to requirements by the club president, Florentino Perez
Sá leikmaður sem að Liverpool hefur víst mestan áhuga á er hollenski landsliðs-miðjumaðurinn Rafael van der Vaart. Real Madrid hafa verið að losa sig við hvern Hollendinginn á fætur öðrum og talið er að Liverpool og Real Madrid gætu komist að samkomulagi um að kaupa van der Vaart á sirka 11 milljónir punda. Þetta er að mínu mati nokkuð spennandi kostur. Við sjáum hvað gerist á næstu vikum. Það verður að teljast líklegt að menn vilji klára svona kaup áður en að HM byrjar.
Það er alltaf dálítið erfitt að skrifa leikskýrslu eftir fyrri leiki í útstláttarkafla Evrópukeppna. Ef leikurinn fer vel þá hikar maður við að hrósa liðinu of mikið og ef leikurinn fer illa þá vill maður ekki vera of neikvæður. Því að eftir fyrri leikinn eru 90 mínútur eftir og allt getur gerst.
Aðaltakmarkið á útivelli gegn sterku spænsku liði hlýtur að vera annars vegar að skora mark og hins vegar að úrslitin séu þannig að liðið hafi alla möguleika á að komast áfram með góðum leik á heimavelli. Hið fyrra tókst ekki, en hið seinna tókst. 1-0 tap á útivelli eru langt frá því að vera góð úrslit, en þau eru heldur alls engin hörmung.
Rafa stillti liðinu upp svona í byrjun:
Reina
Johnson – Hercules – Carragher – Agger
Lucas – Mascherano
Kuyt – Gerrard – Benayoun
Ngog
Babel kom inná fyrir Ngog eftir um 70 mínútur (eftir að Rafa hafði fyrst kallað á hann á 50.mínútu án þess að setja hann þá inná) og fór þá á kantinn og Kuyt fram. El Zhar kom svo inná fyrir Yossi.
Þessi leikur var alls ekki slæmur leikur á útivelli í undanúrslitum Europa League, en hann markaðist af tveimur stórum atvikum í fyrri hálfleik. Fyrst var það mark Atlético Madrid, sem að Diego Forlan skoraði. Það var einstaklega klaufalegt. Það kom sending af vinstri kanti á Forlan. Kyrgiakos var þar, en hann datt og boltinn barst á Forlan, sem gat ekki skallað en þar sem að grikkinn lá á vellinum þá gat hann náð til sín boltanum aftur og potað honum í markið. Verulega ódýrt mark.
Liverpool náði svo að jafna metin um 10 mínútum síðar þegar að Yossi skoraði **fullkomlega löglegt** mark, sem var dæmd af vegna þess að línuvörðurinn hélt að það væri rangstæða. Þetta var afleitur dómur og sérstaklega var sárt að af okkur skyldi tekið mark á útivelli, sem er auðvitað gríðarlega mikilvægt.
Eftir það átti Gerrard dauðafæri og Liverpool var sterkari aðilinn út allan fyrri hálfleikinn.
Í þeim seinni var þetta jafnara. Mér fannst Liverpool vera meira með boltann, en Atlético áttu nokkrar gríðarlega hættulegar skyndisóknir og þeir hefðu auðveldlega geta skorað mörk.
Því miður var sóknarleikurinn hjá Liverpool svipaður og við höfum átt að venjast í vetur þegar að Fernando Torres hefur ekki verið með. Það kom nákvæmlega ekkert útúr Gerrard (þetta tímabil hlýtur að teljast hans langlélegasta á hans ferli) og Ngog var einfaldlega númeri of lítill fyrir þennan leik. Maður sér það vel í dag að það voru auðvitað stór mistök síðasta sumar að styrkja ekki framlínuna frekar en gert var því að þegar að Torres hefur verið meiddur, sem hefur verið nánast alltaf, þá dettur sóknarspilið mikið niður. Sóknarleikurinn í kvöld var alltof geldur.
Að því sögðu þá er ég ekkert svo dapur eftir þennan fyrri hluta í kvöld. Þetta Liverpool lið hefur verið að spila miklu, miklu betur á Anfield en á útivöllum og þótt að Aguero verði komin inní lið Atlético í seinni leiknum þá hef ég fulla trú á að okkar menn geti klárað þetta á rosalega Evrópukvöldi á Anfield (þar virðist ég vera sammála sænsku spekúlöntunum í útsendingunni á TV4 sem spá því að Liverpool fari áfram).
Við getum jú líka varla horft fram hjá því að það er ekkert ferlega hressandi að ferðast í rútu í heilan sólahring á leið til Madríd líkt og Barcelona menn sýndu í fyrradag.
Á bekknum: Cavalieri, Aquilani, Degen, El Zhar, Ayala, Pacheco, Babel.
Þarna er ekkert sem kemur á óvart. Ég tippa á að þetta sé svona uppstillt, það er með Ngog einan frammi og svo Kuyt, Gerrard og Yossi fyrir aftan hann. Það er ekki mikið sem ég hefði gert öðruvísi miðað við þann hóp sem við höfum úr að moða akkúrat núna. Þá er bara að vona að okkar menn nái allavegana að setja mark í leiknum.
Þó það sé ekki erfitt að halda aðeins með helstu erkifjendum Real Madrid þá held ég að eftir haustið 2007 hafi stuðningsmönnum Atlético Madrid fjölgað töluvert og það eftir að hafa selt sinn besta leikmann. Það segir líklega meira en margt um vinsældir Fernando Torres enda halda margir poolarar aðeins með þessum uppeldisklúbbi kappans eða vilja þeim í það minnsta vel eftir þessa sendingu. Liverpool og Atlético Madrid hafa áður mæst eftir að Torres skipti yfir til okkar og hér er örlítið brot af því sem gerðist síðast þegar þessi lið mættust:
Það er ekki ólíklegt að þessir klúbbar verði miklir vinaklúbbar í framtíðinni.
Atlético Madrid
Líkt og með flesta aðra stóra klúbba í Evrópu spannar saga Atlético Madrid yfir hundrað ár og hefst n.t.t. 1903 þegar þrír baskar sem voru í skóla í Madríd ákváðu að stofna einskonar nýtt Athletic Bilbao lið (liðið sem heldur sig aðallega bara við baska). Ári seinna fengu þeir nokkra leikmenn sem ekki höfðu komist að hjá Real Madríd og úr varð þetta líka fína lið.
Á Spáni hefur klúbburinn þrjú gælunöfn sem hann er þekktur undir og eru þau öll gamalgróin. Fyrsta sem hélst við þá var Los Colchonerossem útleggst á ensku sem The Mattress-makers. Þetta oraskast af því að liðið spilaði upphaflega í bláum og hvítum búningum rétt eins og vinaklúbburinn í Athletic Bilbao. Árið 1911 skiptu bæði lið yfir í rauða og hvíta búninga sem voru alveg eins og efnið sem notað var til þess að setja yfir dýnur á þessum tíma. Atlético Madrid skipti á undan og viðurnefnið hélst, flóknara var það ekki. Ein kenningn fyrir þessari skiptingu á búningum er talin vera vegna þess að efnið í dýnurnar var svo ódýrt og auðvelt að búa til búninga úr þessu.
Líklegri skýringin fyrir því að bæði lið skiptu yfir í rautt og hvítt á sama tíma er þó talin vera sú að bæði lið voru að spila í búningi Blackburn Rovers, árið 1911 skellti Juanito Elorduy fyrrum leikmaður og stjórnarmaður hjá Atlético sér yfir til Englands til að kaupa búningasett. Hann fann ekki Blackburn settið og keypti því Sunderland búninginn. Atlético skipti um treyjur en hélt sig við bláu Blackbun stuttbuxurnar á meðan Bilbao skipti alveg um sett og leit því út eins og Sunderland. Hvort eitthvað af þessu er satt er óvíst, en sagan er góð. Atlético og Bilbao urðu ekki aðsllilin fyrr en 1921.
Annað nickname er Los Rojiblancos sem útleggst sem The Red and Whites og bara þarf ekki frekari skýringa við. Þriðja er síðan Los Indios eða Indjánarnir sem nær líklega aftur til 1970 er reglum um erlenda leikmenn voru rýmkaðar og Atlético keypti nokkra Suður Ameríska leikmenn. Aðrar kenningar og líklega nátengdar eru vegna þess að völlur félagsins er staðsettur á árbakkanum og eins vegna þess að hinir hvítu (Los Blancos) er hlestu andstæðingar indjána. Það þarf engan geimvísindamann til að finna út að Real Madríd eru Los Blancos.
Þegar maður skoðar hvenær Atlético var stofnað kemur í ljós að þeir hafa tvær dagsetningar! 1903 var klúbburinn auðvitað stofnaður en líka árið 1939. Þá var búinn að vera borgarastyrjöld á Spáni í þrjú ár og Atlético í tómu rugli í annari deildinni áður en þau læti hófust.
Þegar deildin hófst aftur 1939 sameinaðist gamla Athletic liðið öðru liði sem kalllaðist Aviación Nacional of Zaragoza. Það lið hafði verið stofnað af meðlimum í flughernum sama ár og hafði verið lofað sæti í La Liga en síðan meinaður aðgangur af konunglega spænska knattspyrnusambandinu. Til málamynda sameinuðust þeir Atlético sem hafði misst átta leikmenn í borgararstyjöldinni og liðið fékk sæti í efstu deild á kostnað Real Oviedo þar sem þeirra völlur hafði verið sprengdur í loft upp í átökunum.
Líklega varð úr hið fínasta lið því þeir urðu meistarar bæði 1940 og 1941.
Atlético Madrid er annars eitt af sigursælustu liðum spánar með 9 titla í bæði deild og bikar. Þeirra saga hefur þó alltaf staðið í skugganum af nágrönnunum í Real Madríd sem jafnan átti sín bestu og sigursælustu lið þegar Atlético var með lið sem gátu náð árangri. Hestu hlutir sem ég tengi sjálfur við liðið fyrir utan einstaka leikmenn eru aðallega þrír; erkifjendurnir í Real Madríd, Jesús Gil og Vicente Calderón völlurinn.
Rígurinn við Real Madríd.
Einfaldasta skýringin, fyrir utan að liðin eru næstu nágrannar eru kannski sú að Real hefur alltaf verið álitið “ríkis” liðið. Liðið sem Franco einræðisherrann bráðhressi hjálpaði í pólitískum áróðurs tilgangi. Sá stimpill hefur aldrei yfirgefið Real Madríd. Atlético á móti er álitið andstaðan, meira rebel ef svo á segja og á mjög mikið af aðdáendum í höfuðborginni þrátt fyrir hið svakalega Real lið.
Það merkilega er reyndar að á fyrstu árum Franco sem einræðisherra var það Atlético sem var meira hans lið, en liðið með mjög mikla tengingu við flugherinn eins og komið var inn á áðan. Upp úr 1950 skipti stjórn Franco síðan um lið og fór að hygla undir Real Madríd og jafnvel hjálpa þeim þó Real Madríd aðdáendur hafi neitað þessu.
Ástæðan fyrir ást Franco og félaga á Real Madríd var saga klúbbsins og árangur í Evrópu, það álitu þeir sem mikilvægt tól í áróðursskini og pólitískum tilgangi á tímum þegar Spánn var annars einangrað á alþjóðavettvangi. Þessi saga er auðvitað töluvert mikið lengri og dýpri og alveg efni í bók… og líklega hefur verið skrifað um þetta bók, en ég læt duga línu úr lagi sem talið er vera frá stuðningsmönnum Atlético og hefur jafnan verið vinsælt á Spáni: “Real Madrid, Real Madrid, el equipo del gobierno, la verguenza del país”(á ensku væri það “Real Madrid, Real Madrid, the government’s team, the country’s shame”).
Jesús Gil
Sem stuðningsmaður Liverpool og enska boltans hefur maður alist upp við það að besta leiðin er að gefa nýjum stjórum tíma til að vinna aðeins með liðin sem þeir eru að stjórna og það telst nú alltaf frétt ef stjóri er rekinn, sérstaklega hjá stóru klúbbunum. Þess vegna var alltaf erfitt að skilja hinn ákaflega skrautlega stjórnarformann Atlético Madríd, Jesús Gil. Hann tók við liðinu árið 1987 og verður líklega að teljast einhver óþolinmóðasti stjórnarformaður ever. Þar að auki var hann þekktur stjórnmálamaður á Spáni, mjög mjög hægri sinnarður og ákaflega fordómafullur. Ég ætla ekki að vara mikið meira yfir sögu þessa kappa en mæli þó með þessum lestri.
Ástæaðan fyrir því að maður man eftir honum er aðallega að hann skipti oft um stjóra og var síðan gert að hætta sökum rannsóknar á misferli með fjármuni félagsins, eða eitthvað í þá áttina.
Vicente Calderón völlurinn
Vicente Calderón Stadium er í hjarta Madríd, höfuðborgar Spánar. Hann tekur um 55.000 manns í sæti og er nefndur eftir öðrum frægum formanni Atlético Madríd. Völlurinn var opnaður 1966 en nokkrum árum áður var orðið ljóst að gamli völlur Atlético var orðinn of lítill. Upphaflega tók hann 62.00m manns og var fyrsti völlurinn í Evrópu sem var bara með sæti. Síðan hefur völlurinn verið endurhannaður og betrumbættur og því fækkaði sætunum svona mikið.
Á næstu árum verður þessi völlur þó rifinn niður og Atlético færir sig yfir á annan 73.000 manna völl.
Liðið í dag:
Nýlegt byrjunarlið hjá Atletico
Lið Atléticoo ætti ekki að þurfa að kynna mikið, við höfum séð og heyrt af þeim á Spáni, spilað við þetta lið fyrir ekki svo löngu síðan og bæði keypt af þeim leikmenn og selt þeim leikmenn, svo ekki séð talað um þá leikmenn í þeirra röðum sem hafa verið orðaðir við okkur.
Liðið virðist vera nokkuð sjálfvalið í þessari keppni, sérstaklega þar sem Sergio “Kun” Aguero hinn fáránlega góði Argentínumaður er í banni í þessum leik.Viskubrunnar eins og Reyes telja fjarveru hans jafnvel ennþá verri fyrir Atletico heldur en fjarvera Torres er fyrir Liverpool… Reyes hefur líklega ekki horft á enska boltan síðan hann fór þaðan vælandi með heimþrá.
De Gea
Ujfalusi – Perea – Dominguez – Lopez
Assuncao – Camacho
Simao – Jurado – Reyes
Forlan
Í markinu er annaðhvort Sergio Asenjo sem er ennþá bara 20 ára eða hinn 19 ára gamli David De Gea! Hinn síðarnefndi hefur verið í markinu undanfarið og því tippa ég á að hann verði það áfram gegn Liverpool! Atletico eru í fínum málum með markmenn næstu 15 árin, svei mér þá.
Gefið að þeir séu heilir og ekki í banni spái ég að í vörninni verði þeir Tomas Ujfalusi, Luis Perea, Alvaro Dominguez og Antonio Lopez sem er fyrirliði liðsins og flottur leikmaður. Ujfalusi er tékki og fastamaður í landsliði þeirra, hann getur bæði spilað miðvörð og hægri bakvörð rétt eins og hinn snöggi landsliðsmaður kólembíu Luis Perea sem ég tippa þó á að verði frekar í miðverðinum. Um Dominguez veit ég ekki mikið annað en að hann getur spilað vinstramegin líkt og Lopez.
Djúpa á miðjuna set ég Paulo Assuncao og Raúl Garcia sem eru báðir mjög góðir miðjumenn. Reyndar er Tiago í láni hjá þeim frá Juventus og er allajafna í liðinu á kostnað Garcia en ég held að það sé það sama með hann og Maxi Rodriguez hjá okkur, að hann megi ekki spila í þessari keppni. Að auki eiga þeir Camacho sem er ungur og mjög efnilegur og gæti hæglega verið í liðinu.
Fyrir framan þá set ég kunna kappa, Jose Antonio Reyes vinstrisinnaði vælukjóinn sem var í Arsenal, Simao sem var svo gott sem kominn til Liverpool sælla minninga og Jurado sem er sókndjarfur miðumaður.
Frammi er síðan engin annar en Diego Forlan.
Þjálfari Atletico er Quique Sánchez Flores sem tók við liðinu í október þegar Abel Resino var rekinn. Flores sem er bara með samning til loka þessa tímabils er smá Benitez wannabe. Hann spilaði með Valencia og Real Madríd. Eftir ferilinn tók hann við unglingaliði Real Madríd, eftir góðan tíma þar tók hann við Getafe sem er þriðja liðið í Madríd og stóð sig vel. Þaðan fór hann til Valencia og tók við af auðvitað Benitez. Hann var síðan rekinn frá Valencia og er nú nýkominn til Atlético. Líklega nokkuð klókur kall.
Eins og áður sagði þá höfum við alveg mætt þessu liði áður, á síðasta tímabili vorum við með þeim í riðli í CL og gerðum tvisvar sinnum jafntefli gegn þeim 1-1. Þar að auki tókum við æfingaleik við þetta spænska vinalið okkar fyrir þetta tímabil og leyfðum þeim að vinna 2-1 þar. Atlético líkt og okkar mönnum hefur ekkki gegnið vel á Spáni í ár og líta því á þessa leiki sem nokkurskonar reddingu á tímabilinu.
Okkar menn.
Fulllkomlega í takt við allt sem gerst hefur á þessu tímabili þá féll það í skaut okkar manna að ferðast lang lang lengst af þeim liðum sem voru skikkuð til að spila sína leiki í Evrópukeppninni þátt fyrir flugbann!! Ég meina come on, smá helvítis hóll á Íslandi fer að púðra upp ryki og það kemur niður á Liverpool!! (og örfáum öðrum sem hafa þurft að ferðast undanfarið).
Hér má sjá smá ferðalýsingu frá BBC sem er með í för Liverpool liðsins. Hér eru þeir síðan í stuði á lestarstöðinni í Runcorn.
Í okkar herbúðum er annars eins og líklega flestir lesendur þessarar síðu vita tveir fyrrum fyrirliðar Atlético en þeir mega því ver og miður hvorugur spila í þessum leik. Maxi Rodriguez kom frá Atlético í janúar og væri því frekar löglegur með þeim heldur en okkur og Torres má það ekki vegna þess að læknar telja það fáránlegt að spila fótbolta strax eftir aðgerð á hné, sem hann þurfti því miður að fara í. Hann bara á ekki að fá að spila gegn sínum gömlu félögum og aðdáendum sem dýrka hann jafnvel meira heldur en stuðningsmenn Liverpool!
Okkar menn fara líklega í ágætum gír í þetta 2000 km langa ferðalag eftir góðan sigur á West Ham á mánudag en þegar þetta er skrifað er með öllu óvíst hvernig þeir fara þessa leið og hvað þeir verða lengi að því.
Fátt óvænt er að frétta annars af liðinu, fyrir utan Torres og Rodriguez þá eru þeir Skrtel, Aurelio og Insúa allir ennþá meiddir og fara því ekki með.
Byrjunarliðið verður því líklega ekki ósvipað liðinu sem hóf leik gegn West Ham þó ég spái að Mascherano og Babel komi inn á kostnað N´Gog og Rodriguez.
Reina
Johnson – Hercules – Carragher – Agger
Lucas – Mascherano
Benayoun – Gerrard – Babel
Kuyt
Vörn og mark velur sig sjálft. Á miðjuna myndi ég vilja Postulani en það er ansi mikil óskhyggja í mikilvægum útileik og því er ég nokkuð pottþéttur á þeir Suður Ameríkubræðrum á miðjunni. Gerrard fer í sína stöðu og Benayoun verður áfram í liðinu eftir góðan leik um daginn. Frammi tippa ég síðan á að við fáum Kuyt einan og Babel sókndjarfur vinstramegin.
Þetta er auðvitað ekki eins og ég myndi vilja stilla þessu upp enda Kuyt einn upp á topp en svona held ég að þetta verði þegar flautað verður til leiks á fimmtudaginn.
Spá:
Þetta fer 1-1, það er svo klárt að það er bölvaður óþarfi að vera æða þetta á rútu.
Okkar menn unnu í kvöld einn auðveldasta sigur tímabilsins á heimavelli gegn West Ham.
Rafa stillti upp eftirfarandi liði í kvöld:
Reina
Johnson – Carra – Kyrgiakos – Agger
Maxi – Gerrard – Lucas – Benayoun
Kuyt – Ngog
**BEKKUR:** Cavalieri, Ayala, Degen (inn f. Benayoun), El Zhar, Mascherano (inn f. Gerrard), Aquilani, Babel (inn f. Ngog).
Þrátt fyrir öruggan sigur var þetta frekar tíðindalaus leikur. Okkar menn stjórnuðu spilinu frá upphafi og létu boltann ganga í sókninni í rólegheitum án mikilla ama frá West Ham-mönnum. Það má segja að liðið hafi unnið þennan leik í hlutlausa gírnum og maður fékk ekki beint á tilfinninguna að West Ham væri í bullandi fallbaráttu, slíkt var baráttuleysið hjá þeim. Engu að síður var þetta ágætis frammistaða hjá okkar mönnum.
Mörkin voru eftir bókinni. Maxi eða Johnson sendi fyrirgjöf frá hægri inní teiginn um miðjan fyrri hálfleik og þar setti **Benayoun** naflann í boltann og þaðan fór hann í stöng og inn. Undir lok hálfleiksins kom svo önnur fyrirgjöf frá Maxi, frá hægri, beint á **Ngog** sem skaut framhjá Green í markinu. Eftir um klukkutíma leik skoraði svo Green sjálfsmark eftir flott stórutásupot frá **Kyrgiakos** og þar við sat.
Eins og ég sagði, mjög auðveldur sigur í dag og ekki erfitt að sjá af hverju þetta West Ham-lið er í vandræðum. Það má samt ekki taka það af okkar mönnum að þeir skiluðu heimavinnunni sinni í kvöld, skoruðu þrjú og héldu hreinu. Job done.
**MAÐUR LEIKSINS:** Það átti enginn stórleik svo sem en mér fannst Gerrard, Johnson, Kuyt og Kyrgiakos rétt stinga höfðinu upp fyrir aðra leikmenn í frammistöðu. Minn maður leiksins í kvöld er **Glen Johnson** því mér fannst flestar sóknir liðsins byrja á upphlaupum hans upp hægri vænginn.
Næst er það Atletico Madrid á Spáni eftir fjóra daga en mér skilst að okkar menn hafi reimað á sig gönguskóna og gengið af stað í suðurátt strax í kvöld. Vonandi hefur ferðalag vikunnar ekki áhrif á þann leik, við fengum allavega ágætis, afslappaðan og þægilegan undirbúning fyrir þann leik í kvöld.
Liðið gegn West Ham er komið og það er nokkuð sókndjarft:
Reina
Johnson – Carragher – Kyrgiakos – Agger
Maxi – Gerrard – Lucas – Benayoun
Kuyt – Ngog
**BEKKUR:** Cavalieri, Degen, Ayala, El Zhar, Aquilani, Mascherano, Babel.
Verð að viðurkenna, miðað við form í síðustu leikjum, að ég hefði frekar viljað sjá Babel inni en Benayoun en að öðru leyti er þetta bara ansi sterkt lið. Geri ráð fyrir að Rafa sé að hvíla Mascherano fyrir styrjöldina í Madríd eftir fjóra daga.
Þetta lið á að vinna West Ham í dag, svo einfalt er það nú bara. Sjáum hvað setur, áfram Liverpool!
Ég ætla svei mér þá að rétt vona það að leikmenn og starfsmenn Liverpool FC séu meira mótiveraðir en ég fyrir þennan leik gegn West Ham á morgun. Eftir úrslit helgarinnar er það orðið algjörlega ljóst að Liverpool verður ekki þátttakandi í Meistaradeild Evrópu á næsta tímabili og því það eina sem keppt verður um í þessari deild er að ná inn í Europa League og svo heiðurinn. Engu að síður þá er fókusinn hjá manni fyrst og fremst orðinn á undanúrslit Europa League gegn A.Madrid. En þrátt fyrir þetta allt, þá þrái ég það að okkar menn endi tímabilið vel, tryggi sér sæti í Europa League á næsta tímabili, því eins og ég hef áður sagt, þá gengur þetta félag út á það að vinna titla, litla sem stóra og tilfinningin sem því fylgir er mögnuð alveg hreint. En ég verð að viðurkenna það að ég hef sjaldan verið jafn lítið spenntur svona daginn fyrir leik okkar manna eins og núna, ein ástæðan fyrir því er þessi fjárans tímasetning. Það á hreinlega að banna það að hafa leiki á mánudögum, það eru dagar sem eiga bara að vera í friði, þetta eru vondir dagar, verstu dagar vikunnar, og í Fowlers bænum hættið að troða fótboltaleikjum á þá.
En það er sama hvað ég jarma hérna, leikurinn fer fram annað kvöld og meira að segja Eyjafjallajökull getur ekkert gert í því. West Ham menn munu skrölta norður England í rútunni sinni og mæta þar á svæðið svell kaldir, enda með sigri í þessum leik, þá gætu þeir svo gott sem tryggt sæti sitt í deildinni. Þetta er þó ekki leikurinn sem þeir hafa reiknað með þremur stigum út úr, þeir eru væntanlega með mikinn fókus á leik þeirra sem fram fer næsta laugardag, sá leikur skiptir öllu máli fyrir þá, en þar spila þeir á heimavelli gegn Wigan, sem eru stigi fyrir ofan þá í deildinni. Ef Zola héti Mick McCarthy, þá myndi hann hvíla c.a. 10 bestu menn sína í leiknum, en sem betur fer er aðeins einn McCarthy og því fáum við örugglega hörku leik annað kvöld, því Zola mun ekkert gefast upp fyrirfram.
En okkar menn hafa ennþá eitthvað til að berjast um og reyna að gera eitthvað úr þessum hörmungar tímabili sem er sem betur fer rétt að klárast. Það eru einhver teikn á lofti með að handan hæðarinnar sé ljóstýra þegar kemur að eigendamálum og það væri svo sannarlega ákaflega ánægjulegt ef þau mál gætu klárast farsællega á stuttum tíma, þannig að hægt sé að læra af þessu tímabili og byrja strax undirbúning fyrir það næsta. En til að byggja í haginn fyrir næsta tímabil, þá þurfum við að tryggja okkur sem best sæti í deildinni og inn í Europa League. Ég hreinlega kæri mig ekki um það að vera algjörlega án Evrópukeppni á næsta tímabili, þó svo að það myndi þýða leiki á þessum viðbjóðlegu mánudögum.
En hvað um það, West Ham liðið getur verið skeinuhætt, en ef allt væri eðlilegt, þá ættum við að klára þá örugglega á Anfield á morgun. Það verður ekki horft framhjá því að okkar menn hafa verið góðir á heimavelli í vetur, síðasti leikur var undantekning, og vonandi mun hún sanna regluna og að við förum aftur í rétta farið á ný, spilum eins og þeir sem valdið hafa fyrir framan okkar stuðningsmenn og koma með sannfærandi sigur. En þá að liðinu.
Ég reikna með að vörnin verði óbreytt, enda litlir möguleikar á að breyta henni á meðan Skrtel, Aurelio, Insúa og Kelly eru meiddir. Það verða sem sagt Johnson, Kyrgiakos, Carra og Agger sem sjá um þann part. Ég er þó í talsverðum vafa þegar kemur að miðjumönnunum, ef ég á að segja alveg eins og er. Rafa hefur verið að henda Aquilani inn í liðið, svo er spurning um Benayoun og Lucas. Ég er nokkuð pottþéttur á því að Maxi hefji leik hægra megin á miðjunni, en spurningin er hvernig restin verður. Ég ætla að skjóta á að liðið verði svona á morgun:
Reina
Johnson – Kyrgiakos – Carragher – Agger
Mascherano – Gerrard
Maxi – Aquilani – Babel
Ngog
Bekkurinn: Cavalieri, Ayala, Degen, Lucas, Benayoun, El Zhar og Kuyt.
Ég byggi þessa spá mína talsvert á því að Maxi getur ekki spilað útileikinn gegn A.Madrid í vikunni, og ég er sannfærður um að bæði Lucas og Kuyt muni verða þar í byrjunarliði og koma men alla sína orku inn í leikinn. Það gæti reyndar verið að Rafa myndi hvíla Jaiver og nota Lucas í leiknum, en ég held að hann muni nota menn eins og Gerrard í báðum leikjunum, því hann hefur hvort eð er ekkert verið að keyra sig út í leikjum hingað til, lítil hætta á ofreynslu hjá honum blessuðum þessa dagana. En hann er samt klárlega sá sem getur gert út um leikina og ég ætla hreinlega að spá því hér og nú að hann muni loksins sýna okkur að vaxmyndin af honum sé farin til London og hann sjálfur staddur í Liverpool. Öruggur sigur hjá okkar mönnum, 3-0 og Stevie með 2 þeirra. Eigum við ekki að segja að Maxi kallinn nái loksins að klára færið sitt og eigi þetta þriðja mark.
Eftir tíu mínútur hefst leikur Man City og Manchester United, leikur sem getur hugsanlega ráðið úrslitum í baráttunni um titilinn og/eða fjórða sætið.
Spurningin er einföld: með hverjum eiga Liverpool-menn að halda í dag? Eigum við að sætta okkur við að fjórða sætið er farið og vona að City eyðileggi titilvonir United, eða eigum við að vona að United geri okkur greiða og við getum haldið í vonina?
Þá er það orðið opinbert. Hicks og Gillett vilja selja. Þeir hafa tilnefnt nýjan stjórnarformann, sem á að sjá um sölu á félaginu. Einsog segir á opinberu síðunni:
>The new Chairman will oversee a formal sale process launched by current owners, Thomas Hicks and George Gillett Jr.
>Following numerous expressions of interest from third parties, the Club has engaged Barclays Capital to advise on the sale process. The Club has the full support of its existing bankers for this process and has financing in place which will fully support the Club’s operations.
Ja hérna. Ég hef ekki nennt að tjá mig um endalausar vangaveltur í sambandi við eignarhald, en með þessari frétt er augljóst að það mun koma veruleg hreyfing á þessi mál á næstunni.
Hérna er svo sjónvarpsviðtal á LFC.tv við Broughton (þarf ekki e-season ticket). Hann talar meðal annars um að nýr eigandi **verði** að byggja nýjan leikvang.
**Uppfært (KAR):** Hér fyrir neðan má sjá viðtal SkySports við Martin Broughton fyrr í dag:
Hann er með ársmiða á Stamford Bridge. Ja hérna. :x
Eftir sigur Tottenham í fyrradag þá er baráttan um fjórða sætið endanlega úti fyrir okkar menn (þótt að tölfræðilega sé enn örlítill möguleiki, en þá þurfa Man City og Tottenham að hrynja í síðustu umferðunum) – og því eru leikirnir gegn Atletico Madrid hið eina sem skiptir máli á þessu tímabili.
Það hafa vonandi flestir haft tíma til að melta vonbrigðin við því að ná ekki inní Meistaradeildina, en við megum ekki gleyma því að til dæmis Chelsea lék bara 8 leiki í Meistaradeildinni á þessu tímabili, þannig að það er ekki einsog næsta tímabil sé í ræsinu þótt við komumst þar ekki inn. Aston Villa geta reyndar komist upp fyrir okkur í sjötta sætið (þeir eiga ekki erfitt prógramm eftir fyrir utan útileik gegn Man City).
Ég er í raun ekki búinn að gera upp við mig hvort ég vilji að Liverpool komist í Europa League á næsta tímabili. Það hefur vissulega verið gaman að taka þátt í 32 liða úrslitum og uppúr, en ég er ekki alveg viss um að það sé spennandi að taka þátt í riðlakeppninni. Kannski er ágætt að liðið einbeiti sér á næsta tímabili bara að prógramminu á Englandi.
En allavegana, leikirnir gegn Atletico eru allavegana tækifæri til að enda þetta tímabil á góðum nótum. Hvað sem verður sagt um allt annað á þessu hræðilega tímabili þá væri tímabil sem endaði með sigri í Evrópudeildinni ekki afskrifað sem alveg afleitt. Það eru líkur á að við myndum eftir 10 ár bara muna eftir þeim sigri og hafa gleymt tímabilinu í deildinni.
Læknar eru á því að það sé mögulegt fyrir Torres að spila gegn West Ham á mánudaginn, en ég held að (sérstaklega ef að Tottenham og Man City tapa ekki bæði um helgina) Benitez muni gefa honum frí og freista þess að hann geti spilað í Madríd næsta fimmtudag. Það verður allavegana gleðilegt bæði fyrir Torres sjálfan og svo okkur aðdáendur.
Þennan dag fyrir 21 ári síðan lögðu þúsundir Liverpool aðdáenda af stað frá heimilum sínum til Sheffieldborgar að horfa á liðið sitt spila undanúrslitaleik í FA-bikarnum.
96 þeirra sneru ekki aftur og létu lífið í Hillsborough-harmleiknum.
Við beygjum höfuðið þeirra vegna í dag, þau mega aldrei gleymast!
Það er lítið að frétta af Liverpool þessa vikuna. Sem er einmitt eins og það á að vera. Það skilja nefnilega allir alvöru Púllarar að þessi ákveðna vika í hverjum aprílmánuði er ekki rétti tíminn til að vera með slúður eða annars konar fréttir.
“Even the timing of this latest announcement shows how little they know or care about Liverpool. Who wants to be talking about banks and takeovers in a week when the only thoughts on fans’ minds are of the 96 they left behind at Hillsborough 21 years ago?”
Hann er að tala um fréttir af óstaðfestri samvinnu LFC og væntanlega formannsstöðu Martin Broughton í þeirra stað. Fréttir sem berast á dögunum fyrir Hillsborough-afmælið, af öllum dögum.
Ég mæli með að fólk lesi þessa grein. Það er vert að minna reglulega á stöðuna í eigendasápuóperunni hjá Liverpool, því þótt við séum öll fúl út í þjálfarann og leikmennina þessa dagana er það staðreynd sem ég efa að nokkur reyni að neita að forgangsatriði númer eitt, tvö og þrjú núna er að losna við þessa tvo eigendur frá klúbbnum sem allra fyrst.
Við munum fjalla um Hillsborough-afmælið þegar nær dregur helginni og svo leikur liðið gegn West Ham á næsta mánudag (engin verðlaun í boði fyrir að giska á hvers vegna sá leikur fer ekki fram á laugardeginum) en fram að því efa ég að það verði mikið af fréttum næstu dagana, þar sem flestir virða þessa viku og skilja hvers vegna hún er Liverpool-mönnum sérstök. Flestir, en ekki allir.
Liverpool gerði jafntefli við Fulham í dag. Þetta byrjaði svona:
Reina
Johnson – Carra – Kyrgiakos – Agger
Mascherano – Aquilani
Maxi – Gerrard – Babel
Ngog
Fulham höfðu *nákvæmlega engan* áhuga á því að ná neinu öðru úr þessum leik heldur en 0-0 jafntefli og þeim tókst það. Schwarzer markvörður hefur eitthvað einstakt lag á Liverpool – skv. ensku þulunum hefur hann nú haldið hreinu í 12 af 24 leikjum gegn Liverpool. Það er hreint ótrúleg tölfræði hjá markmanni, sem hefur spilað fyrir Middlesboro og Fulham.
Þetta er þá endanlega búið – við leikum ekki í Meistaradeildinni á næsta tímabili. Ég er búinn að fara upp og niður með þetta, en andskotinn hafi það Man City og Tottenham hreinlega geta ekki verið svona miklir aular að tapa þessu niður. Liverpool menn geta engum nema sjálfum sér kennt um þetta klúður. Þessi tvö lið hafa gefið okkur öll tækifæri á að ná þeim, en okkar menn hafa aldrei klikkað á því að klikka.
Við áttum þennan leik í dag og í fyrri hálfleik var ég nokkuð rólegur því ég trúði ekki öðru en að við myndum skora. Svo í byrjun seinni hálfleiks hélt ég að þetta væri alveg að koma. En um miðjan seinni hálfleik var einsog okkar menn gæfust upp og varamennirnir bættu **nákvæmlega engu** við leik liðsins. Fyrirliðinn hengdi haus einsog ávallt þegar að á móti blæs á þessu tímabili. Liðið var kraftlaust og algjörlega hugmyndalaust. Það virðist enginn hafa áhuga á því að spila í Meistaradeildinni á næsta tímabili.
Það er hægt að bjarga einhverju varðandi þetta tímabil með því að klára Atletico Madrid og svo úrslitaleikinn í Evrópudeildinni. Eitthvað minna en það og þá verður þetta án efa mest frústrerandi Liverpool tímabil sem ég man eftir á minni ævi.
**Uppfært (EÖE)**: Man City menn unnu Birmingham núna áðan stórt og eru þá komnir 6 stigum á undan okkar mönnum og **eiga leik til góða.** Með því að vinna alla þá leiki sem við eigum eftir þá getum við komist í 68 stig. Man City eru með 62 stig og eiga 5 leiki eftir. Þannig að til þess að slá okkar menn út þurfa þeir bara að vinna 2 af þeim 5 leikjum, sem þeir eiga eftir (þeir og Tottenham eru bæði með mun betra markahlutfall. Þetta er búið.
Liðið gegn Fulham er komið og það er langt síðan að við höfum haft svona rangt fyrir okkur í spá um uppstillingu. Rafa kemur verulega á óvart.
Reina
Johnson – Carra – Kyrgiakos – Agger
Mascherano – Aquilani
Maxi – Gerrard – Babel
Ngog
Á bekknum: Cavalieri, Kuyt, Benayoun, Lucas, Degen, Pacheco, Ayala.
Torres ekki í hóp þar sem hann er meiddur og Ngog kemur inn fyrir hann. Maxi og Babel eru þarna með Gerrard í sóknarhlutverkunum og svo kemur Aquilani inn fyrir Lucas. Agger heldur áfram í vinstri bakverðinum með Grikkjann ógurlega í miðverði. Reina kemur svo sterkur inn í markið.
Miðað við að Torres er meiddur þá lýst mér bara ágætlega á þetta – þetta er smá spennandi uppstilling. Ég spái því að Maxi skori í dag. Hann var grátlega nærri því gegn Birmingham. Núna er að vona að okkar menn taki þetta og að Birmingham geri okkur greiða með því að taka stig af Man City.
Eftir góðan sigur gegn Benfica á fimmtudaginn þar sem Torres setti tvö góð mörk í 4-1 sigri mætir Roy Hodgson með lærisveina sína á Anfield en þetta Lundúnarlið hefur m.a. slegið út Juventus og Wolfsburg í Evrópudeildinni sem er frábær árangur miðað við að Roy tók við liðinu í fallbaráttu í fyrra.
Skv. netmiðlum gera flestir ráð fyrir því að Torres sé leikfær og tel ég næsta víst að Rafa muna stilla upp sterkasta liðinu í þessum leik. Insúa var í leikbanni gegn Benfica og Babel var í leikbanni gegn Birmingham, þeir koma væntanlega báðir inní hópinn.
Reina
Johnson – Agger – Carragher – Insúa
Mascherano – Lucas
Kuyt – Gerrard – Benayoun
Torres
Bekkurinn: Cavalieri, Kyrgiakos, Degen, Aquilani, Babel, Pacheco og Ngog (eða eitthvað í þessa átt).
Eitt athyglisvert er að Ayala, Pacheco og El Zahr voru allir í leikmannahópi LFC gegn Benfica og gæti þá farið að styttast í að Guðlaugur Victor detti inní leikmannahópinn ef nokkra fastamenn vantar aftur.
En Fulham-liðið er spennandi lið og hefur staðið sig ótrúlega vel á þessu tímabili. Roy hefur gríðarlega reynslu sem stjóri og hefur m.a. stjórnað landsliðum UAE, Sviss og Finnlands en hann hefur einnig stjórnað nokkrum liðum í Skandinavíu m.a. Viking Stavanger, Malmö, Halmstad, Örebro og FCK. Hann er þess vegna með yfirgripsmikla þekkingu á öllum löndunum í Skandinavíu og kemur þess vegna ekki á óvart að í Fulham eru m.a. Brede Hangeland (Noregur), Elm (Svíþjóð) og Nevland (Noregur). Ég er persónulega hrifinn af þessu Fulham liði og á von skemmtilegum leik enda hefur Fulham liðið sýnt góða leiki undanfarið.
Ég vonast til að sigurinn gegn Benfica gefi okkur góða vítamínssprautu uppá framhaldið og gæti sigur á Fulham sett liðið á beinu brautina. Ég á von á því að Torres verði inná og ef hann er loksins búinn að hrista þessi meiðsli af sér og orðinn heitur þá má vel vera að þetta tímabil endi þolanlega þe. 4.sæti í deild og vinna Evrópudeildina.
Ég sé fyrir mér baráttu leik á morgun þar sem við náum yfirhöndinni í seinni hálfleik og vinnum þæginlega 3-1 þar sem Torres, Benayoun og Gerrard skora.
Ég veit ekki með ykkur en mér þykja þetta sennilega bestu fréttir ársins hingað til:
“Pepe Reina has put pen to paper on a new six-year deal at Anfield, Liverpool Football Club can today confirm.”
Sem sagt, besti markvörður Úrvalsdeildarinnar hefur framlengt samning sinn við Liverpool FC um heil sex ár! Pepe verður 28 ára við upphaf næsta tímabils þannig að þessi samningur gæti haldið honum á Anfield þangað til hann verður 34 ára gamall.
Frábært!
Ég man eftir öllum árunum sem við áttum í vandræðum með markvörsluna. Eftir að Grobbelaar hætti (og hann var nú skrautlegur sjálfur á köflum) prófuðu sig margir á milli stanganna en enginn komst nálægt því að eigna sér stöðuna nema til skamms tíma. James, Friedel, Dudek, Kirkland og hvað þeir hétu nú allir reyndu og þótt sumir hafi verið betri en aðrir þá var maður aldrei fyllilega rólegur með þá milli stanganna.
Ég reyni að halda í þessa tilfinningu þegar ég horfi á Reina spila því þá finn ég vel hversu ótrúlega gott það hefur verið að hafa hann í liðinu síðustu fimm árin. Hann er bara svo öruggur að það nær ekki nokkurri átt og mistökin sem hann hefur gert á þessum fimm árum eru svo fá að ég get nánast talið þau upp án umhugsunar. Efast um að hann hafi gefið mikið fleiri en 3-4 mörk að óþörfu allan þennan tíma, sem er svipað mikið og manni fannst Dudek eða Kirkland gefa á heilu tímabili.
Pepe er sjálfur hæstánægður með samninginn og segir:
“To play for Liverpool is very special. I’ve been here for five years and now I will be here for six more and it’s very exciting.”
Var algerlega upprifinn eftir upphitunina hans Steina í gær sem hitti algerlega á mína réttu nótu, þetta er ekki neitt annað en gott uppbrot á erfiðum vetri og ég var alltaf viss um að við fengjum alvöru leik.
Byrjum á liðsvali kvöldsins:
Reina
Johnson – Kyrgiakos – Carragher – Agger
Mascherano – Lucas
Kuyt – Gerrard – Benayoun
Torres
Bekkurinn: Cavalieri, Ayala, Degen, Aquilani, El Zhar, Pacheco og Ngog.
Auðvitað langaði mig eins og aðra að sjá Aquilani inná, en í ljósi þess að sá virðist eitthvað ragur var kannski ekki óeðlilegt að hið klassíska miðjudúó Masch og Lucas hæfu leik. Ég veit ekki með ykkur hin, en mér finnst bekkurinn í kvöld sýna betur en margt ástand liðsins þegar kemur að breiddinni, unglingar og menn sem ekki hafa náð 10 leikjum fyrir félagið uppistaðan þar.
En nóg um það. Leikurinn hófst og firnasterkt Benficalið byrjaði betur. Strax frá byrjun var ljóst hvað Rafa ætlaði sér. Liggja aftarlega og nýta skyndisóknir og föst leikatriði. Við pressuðum aftarlega á vellinum, Torres þreyttur og því var planið að láta þá vera með boltann. Enda bara í fínu lagi.
Benfica pressuðu hátt og voru með boltann mest fyrstu 15 mínúturnar en án þess að skapa sér nokkur færi, fengu horn og innköst sem ekkert varð úr. Smátt og smátt komust okkar menn inní leikinn og Benfica virtust aðeins missa dampinn. Og ólíkt áður í vetur þá refsuðum við!
Fyrst á 27.mínútu. Hornspyrna frá Gerrard fast inn á markteiginn fór yfir Kyrgiakos á Dirk Kuyt sem skallaði hann af krafti í netið. Af einhverjum afar sérstökum ástæðum flaggaði línuvörðurinn en góður dómari leiksins sá vel að markið var fullkomlega löglegt og lét það standa. 1-0 og við í flottum gír. Næst var komið að verulega vel útfærðri skyndisókn, unnum boltann á okkar helmingi, boltinn barst á fyrirliðann, Torres átti flott blöffhlaup og Lucas stakk sér í gegn. Gerrard sendi snilldarsendingu á Brassann sem komst einn í gegn, lék á markmanninn snyrtilega og setti hann í netið. 2-0 og Anfield kominn í alvöru gír!
Á 44.mínútu var aftur komið að Lucas þegar hann bjargaði á línu langhættulegasta færi Portúgalanna og við með góða forystu í hálfleik.
Við byrjuðum svo síðari hálfleik sterkt en eftir um 10 mínútna leik virtist leikurinn vera að sveiflast gegn okkur. Torres virkaði þreyttur, lítil yfirferð á Gerrard og svei mér, maður var bara farinn að trúa þreytufréttunum. EN!
Misheppnuð aukaspyrna Benfica endaði í fótum Masch inni á okkar vallarhelmingi, hann bar boltann hratt upp, sendi á Yossi sem átti flotta sendingu á Dirk Kuyt sem negldi hann í fyrsta inní og þá var hver mættur, jú Fernando Torres og enginn annar. Ef það er ekki gæðamerki á framherja að sjást í raun í fyrsta sinn með því að skora eftir 59 mínútur þá veit ég ekki hvað slíkt er. Staðan orðin 3-0 gegn feykisterkum andstæðingum.
Þá kom líka að þeirra kafla í leiknum. Pressan þeirra þyngdist en þeir náðu þó illa að skapa sér opin tækifæri, Kyrgiakos og Carra verulega grimmir í miðri vörninni og miðjan þétt og grimm. Þegar svo vindurinn virtist vera að hverfa úr seglum gestanna braut Kuyt lítillega af sér rétt utan teigs og set-piece snillingurinn ótrúlegi, Oscar Cardozo negldi boltanum undir vegginn úr aukaspyrnunni og í markið. 3-1 eftir 69 mínútur og game on!
Okkar menn fóru þá aftur af stað, en þó ákvað Yossi Benayoun að skutla sér í tæklingu rétt utan teigs og gefa Cardozo annað skotfæri úr aukaspyrnu sem sleikti utanverða stöngina eftir að hafa hrokkið af varnarveggnum. Er ekki smá von að við ættum séns á að kaupa þennan Paraguayja í sumar? Öflugur með afbrigðum fannst mér í þessum viðureignum.
En Gerrard átti skot og var síðan ekki langt frá að skora úr horni. Eitthvað lenti markmaður Benfica í vandræðum þar og varð stuttu síðar að fara útaf.
Það varð svo fyrsta verk þess sem leysti hann af hólmi að pikka boltann úr netinu. Lucas vann boltann á okkar helmingi með snilldartæklingu, boltinn barst á Masch sem stakk honum í gegn á Torres sem sýndi engin þreytumerki þó á 82.mínútu væri komið og chippaði svakalega huggulega yfir ferskan varamarkmann Benfica, 4-1 og game over. Rafa gaf þumal af fögnuði!
Torres, Gerrard og Benayoun voru hvíldir og N’Gog, Aquilani og El Zhar komu inn í nokkrar mínútur. Mikil rífandi gleði á Anfield og við hefðum alveg getað bætt við. En 4-1 var látið duga og undanúrslit í Europa League framundan.
Frammistaðan í kvöld fannst mér verulega góð. Benfica hafði leikið 26 leiki án taps, frá í október og alveg ljóst að verkefnið var erfitt. En eins og oft í evrópukeppnunum fannst mér stjórinn hitta á rétta nótu með þann mannskap sem hann var með í höndunum (vildi hann væri jafn sleipur í PL) og frábær frammistaða liðsins gladdi mitt eldrauða Liverpoolhjarta!
Reina var öruggur. Johnson og Agger voru passívir í bakvörðunum og leystu sitt hlutverk afar vel. Johnson sýndi mér í þessum leik að hann getur vel varist, hélt feykigóðum Di Maria niðri allan leikinn. Carragher og Kyrgiakos voru rocksolid, sérstaklega gleðst ég yfir gríska naglanum sem var ofboðslega mikið fyrir Portúgölunum í leiknum! Masch og Lucas léku þarna sinn besta leik saman í vetur. Mascherano stakk Aimar algerlega í rassvasann og átti þátt í mörkum nr. 3 og 4. Lucas fannst mér eiga þarna sinn besta leik í rauðum búningi. Frábært mark, stanslaus vinna og lykilþáttur í rothöggsmarkinu. Kuyt var gríðarlega öflugur í kvöld, skoraði og átti frábæra stoðsendingu auk þess að vinna varnarvinnuna frábærlega. Yossi og Gerrard hafa leikið betur en áttu auðvitað mikið í mörkum kvöldsins, stoðsending fyrirliðans í marki nr. 2 var alger snilld. Torres hafði verulega hægt um sig lengst af en svakalega var hann tilbúinn þegar boltarnir komu til hans. Besti senterinn í heimi. Ekki spurning og bara Messi sem er hugsanlega betri fótboltamaður en hann.
Fjórir leikmenn keppa um titilinn maður leiksins hjá mér, Masch, Kuyt og Torres. En bestan vel ég Lucas Leiva sem mér fannst leika ótrúlega vel. Ekki síst vegna þess að ég er viss um að hann var vel meðvitaður um það að 90% aðdáenda LFC vildu sjá hann á bekknum í kvöld.
Ég er svakalega kátur að sjá liðið komið í undanúrslit Europa League. Ég hef ávallt haft gaman af útsláttarkeppnum og sætti mig alveg við það í dag að sjá LFC eiga möguleika á flottum úrslitaleik í evrópukeppni, þó ekki sé það Meistaradeildin. Fyrst á eftir að komast framhjá flottum spænskum mótherja auðvitað og það vona ég að verði, þá svei mér þá gæti veturinn litið allt öðruvísi út.
Eftir kvöldið allavega er ekki spurning í mínum huga að ég vill frekar vinna Europa League en að lenda í 4.sæti í ensku deildinni. Best væri að fá bæði, en ég styð Steina frá í gær. Gerrard að lyfta UEFA cup (eða Europa League) er draumurinn fyrir það sem lifir af þessu tímabili.
Næst eru það svo Fulham á Anfield á sunnudaginn. En njótið þess öll að við eigum lið sem á möguleika á að vinna evrópukeppni vorið 2010!!!
Uppfært
Mótherjinn er Atletico Madrid í undanúrslitum, komust áfram á útimörkum gegn Valencia í kvöld. Fyrri leikur í Madrid 22.apríl og sá síðari á Anfield viku seinna. Vonandi fær Torres nú að spila gegn gömlu félögunum!
Fyrir forvitna, þá er hægt að sjá (og ræða) nýju Liverpool-treyjuna fyrir næstu tvö tímabil (2010-2012) hér fyrir neðan. Hef þetta bak við tengil til að ýta frábærri upphitun ekki of neðarlega á síðuna.
Stór og mikill slagur á Anfield annað kvöld þegar okkar menn taka á móti Benfica í seinni leik 8 liða úrslita í Europa League. Ég ætla mér að taka netta Pollýönnu á þetta og gleyma öllu sem á gengur varðandi ensku deildina eða vangaveltur er varðar einstaka leikmenn eða stjóra liðsins, eigendur eða hvaða nöfnum sem það nefnist. Ég bara verð að viðurkenna það að eftir þetta erfiða tímabil sem núna er senn á enda, þá ÞRÁI ég það gjörsamlega að geta glaðst verulega yfir einhverju, ég ÞRÁI það að geta fagnað jafn hrottalega og innilega eins og maður gerði vorin 2001, 2005 og 2006. Dortmund, Cardiff, Istandbul og Cardiff, næst? Hamburg takk fyrir kærlega. Ég vil því leggja allt í sölurnar í þennan leik gegn Benfica á morgun, gjörsamlega allt.
Það er ekkert betra en að fagna titli, og þó þessi keppni heiti Europa League, þá er eitt á alveg kristal tæru. Ég myndi fagna eins og óður maður ef Steven Gerrard fengi að lyfta þessum bikar á loft þann 12. maí nk. Gleyma um stundarkorn öllu sem á hefur gengið og gleðjast ærlega með liðinu og félögunum. Það er stór hindrun í veginum og hún nefnist Benfica. Fyrir dráttinn í þessi 8 liða úrslit þá var ég búinn að segja það að Benfica væri erfiðasti andstæðingurinn sem við gætum fengið í þessari keppni af þeim liðum sem eftir voru. Ég er ennþá sannfærður um það og ef okkar menn klára þetta annað kvöld, þá finnst mér þetta vera orðinn verulega raunhæfur möguleiki. Við náðum góðu útivallarmarki í fyrri leiknum og nú er röðin komin að Anfield og stuðningsmönnum liðsins að leggja sitt á vogarskálarnar og skapa hina rómuðu Evrópukvölds stemmningu og aðstoða liðið yfir þennan hjalla.
Hvernig? Jú, með því að spila til sigurs, það kemur auðvitað akkúrat ekkert annað til greina, við verðum að sigra leikinn og það þýðir ekkert droll, menn verða að mæta alveg kolvitlausir til leiks og sýna hvað í mönnum býr. Ekkert voðalega flókið svona á prenti. Við erum í talsverðum vandræðum vegna leikbanna þeirra Babel og Insúa, en ekki neinum ó yfirstíganlegum þó. Ég var alveg arfabrjálaður yfir dómgæslunni í fyrri viðureigninni og fer einungis fram á sanngirni er kemur að þessum leik, enga heimadómgæslu, bara hlutlausa dómgæslu takk.
Rafa segist vera búinn að reyna nokkra í vinstri bakvarðarstöðuna á æfingum, sem og að spila með 3 miðverði. Ég er ekki að kaupa hið síðarnefnda, fyrst og fremst vegna þess að þó svo að við eigum þessa 3 miðverði til að tækla það, sem og Johnson í wing back hægra megin, þá sé ég einfaldlega ekki nægilega sterkan mann í að spila wing back vinstra megin. Ég er því meira á því að við setjum Agger í vinstri bakk og höldum okkar kerfi. Reyndar væri hægt að setja Carra þar, en ég kýs að hafa Agger í þeirri stöðu vegna sóknarhæfileika hans.
Á miðjunni vil ég sjá þá Gerrard og Mascherano, Kuyt hægra megin og Yossi vinstra megin. Aquilani yrði þá í holunni fyrir aftan Torres. Við erum ekkert vaðandi í möguleikum fyrir þennan leik þar sem Aurelio, Skrtel og Kelly eru meiddir, Babel og Insúa (líka meiddur skilst mér) eru í banni og Maxi má ekki spila í þessari keppni. Við erum sem sagt to the bare bones fyrir leikinn á morgun. Svona myndi ég sem sagt stilla þessu upp:
Bekkurinn: Cavalieri, Ayala, Degen, Lucas, El Zhar, Pacheco og Ngog
Ég set Riera ekki þarna inn þar sem ég tel að hann sé búinn að leika sinn síðasta leik í rauðu treyjunni. En ég er líka full viss þess að þetta lið á að geta unnið Benfica á heimavelli, engin nokkur spurning um það. En til þess þá þurfa menn að vera algjörlega á tánum og vera einbeittir á vellinum. Ég vil sjá liðið sem slátraði Real Madrid í fyrra, mæta til leiks. Þar keyrðum við á þá á fyrstu sekúndunum og leikurinn varð aldrei spurning eftir það. Hamburg takk fyrir, plís leyfið okkur þjökuðu Poolurum að gleðjast verulega yfir einhverju í vor.
Spá: Tökum þetta 2-0, Torres og Aquilani með mörkin.
Aðeins meðan við bíðum eftir upphitun og síðan leikskýrslu fyrir leikinn gegn Benfica langaði mig aðeins að prófa að ræða Ryan Babel.
Já ég veit. Um hann hefur töluvert verið rætt undanfarin ár og margt misjafnt um hann fallið. Væntanlega verður lítið um hann rætt vegna leiksins á morgun þar sem hann er í banni og því ekki úr vegi að eyða nokkrum línum í Hollendinginn misfljúgandi.
Þegar Babel var keyptur gladdist ég óskaplega, menn töluðu um Thierry Henry framtíðarinnar, öskufljótan strák sem öll stóru liðin í Evrópu voru að horfa til, rændum honum t.d. frá Wenger að flestra mati.
Fyrsta tímabilið lofaði góðu. Babel kom við sögu í 49 leikjum af 57 mögulegum, skoraði 11 mörk og gaf 7 stoðsendingar. Hann var vissulega afar misjafn, átti stjörnuleiki en síðan voru líka arfaslakir leikir inn á milli, enda maðurinn ungur. Auðvitað eitthvað sem búast mátti við af 21s árs gömlum leikmanni að leika á nýjum stað í nýrri deild.
Í fyrra missti hann af byrjun tímabilsins vegna þátttöku í Ólympíuleikunum og þegar hann kom þaðan var liðið að verða fastmótað, Riera og Kuyt höfðu tekið kantstöðurnar og mínútunum fækkaði. Hans framlag var fyrst og fremst af bekknum, hann hóf einungis 13 leiki en kom 28 sinnum inn af bekknum. Mikið var rætt hér hvort það var réttlætanlegt, en mér fannst alltaf erfitt að sjá hvers vegna taka ætti út Kuyt, Riera og síðar á tímabilinu Benayoun út úr liðinu fyrir Babel. Hann virtist fúll, reyndi alltof mikið sjálfur þegar hann spilaði og skilaði ekki varnarhlutverki fyrir liðið. Hann kom við sögu í 41 af 53 leikjum liðsins, skoraði í þeim 4 mörk og gaf 4 stoðsendingar
Í haust hélt áfram sama sagan, Babel á bekknum í flestum leikjum og innkomur hans á völlinn ekki að skila miklu til liðsins. Að lokum “Twittaði” strákurinn yfir sig og lenti upp á kant við Benitez. Maður einhvern veginn taldi þar með hans framtíð vera annars staðar.
En þá virtist ákveðnu hámarki vitleysunnar vera náð, þeir B-félagarnir Babel og Benitez settust niður og fóru yfir málin. Í framhaldi af því hefur mér fundist ég sjá annan Babel. Hann er ennþá að sækja hratt og stundum að taka of mikið á sig einn en miklu minna en áður og það er veruleg breyting á varnarleik hans, um leið og boltinn tapast skilar hann sér í varnarhlutverkið sitt og hefur oftar en ekki náð að stöðva sóknir andstæðinganna í fæðingu með grimmri pressu. Nokkuð sem ekki sást hjá honum og var eitt af því sem t.d. Kuyt og Benayoun höfðu framyfir hann. Breyting á stöðu Riera hefur svo hjálpað honum enn frekar.
Ég viðurkenni alveg að ég taldi Babel vera “lost case” hjá félaginu, en hann hefur unnið sér inn mörg strik í minni bók frá lokum twitteraævintýrisins. Ég meira að segja fyrirgaf honum það að koma Torres til varnar á þann hátt að láta svo vísa sér útaf, þar sýndi hann að hann er hluti af heildinni í liðinu, nokkuð sem maður hafði ekki oft séð.
Ryan Babel verður 24ra ára gamall 19.desember næstkomandi. Það er því alls ekki lengur hægt að tala um efnilegan leikmann, heldur einfaldlega mann á besta aldri.
Í dag vill ég sjá Ryan Babel áfram í rauðri treyju á næsta ári, ég vona að hann hafi nú skilið við sig kjánahátt í viðtölum og á netsíðum, sé tilbúinn að leggja það á sig sem liðið krefst af honum, í vörn og sókn.
Við erum nú sennilega ekki að tala um “hinn nýja Henry”, en á síðustu vikum hef ég séð leikmann sem gæti verið gott vopn að eiga í búrinu.
Þetta verður stutt færsla, enda er ég í páskafríi erlendis og lítið við tölvu. Leikurinn í gær var mikil vonbrigði og voru skiptar skoðanir í kjölfarið. Maggi og Babú stóðu sig eins og hetjur í ritstjórastólnum í gær og héldu umræðunum á málefnalegum nótum. Ég fór yfir ummælin sem þeir fjarlægðu í morgun og setti tvö þeirra aftur inn á síðuna en um leið tók ég mig til og bannaði tvo ummælendur varanlega enda virtust þeir tveir aðilar hafa lítinn áhuga á öðru en að vera eingöngu með skítkast.
Mig langar að varpa fram spurningu. Segjum sem svo að það gerist að Rafa og klúbburinn tilkynni skilnað sinn strax eftir síðasta leik (líkt og Houllier gerði fyrir sex árum). Þá vaknar upp eftirfarandi spurning:
Að því gefnu að Benítez fari, hvaða þjálfara myndu lesendur Kop.is vilja sjá koma í hans stað? Og hvað, ef eitthvað, fleira þyrfti að gerast í sumar til að koma liðinu í góða stöðu á ný?
Hvað myndu menn vilja sjá að gerðist í sumar eftir að Benítez fer, fari svo að hann fari? Hér er ekki ætlunin að ræða Benítez fram og til baka heldur að gefa sér það að hann fari og skoða aðeins hvaða möguleikar væru í stöðunni í kjölfar brotthvarfs hans. Orðið er laust. Ég skora á þá sem vilja hvað mest losna við Benítez að heilla hina með sniðugum lausnum á þeirri stöðu sem klúbburinn er í núna.
Ath.: Endilega haldið umræðunni á málefnalegu plani. Maggi, Babú og hinir eru eins og refir sem veiða öll dónaleg ummæli í fjarveru mín og Einars þannig að haldið þessu siðsamlegu.
Verkefni dagsins var erfiður útileikur gegn sterku liði Birmingham, einn erfiðasti útileikur sem eftir er í ár. Til að leysa þetta verkefni var kallað eftirfarandi leikmenn til:
Byrjunarlið:
Reina
Johnson – Carragher – Kyrgiakos – Insua
Lucas – Gerrard
Rodriguez – Kuyt – Benayoun
Torres
Mascherano, Agger og Babel fengu hvíld og það sást á leik liðsins í fyrri hálfleik sem var alveg einstaklega rólegur, hvort sem ég horfði á hann með rússneskum eða portúgölskum lýsendum (sem voru þó öllu sprækari). Það vantaði ekki að Liverpool var með boltann nánast allann fyrri hálfleikinn og komst svo sem stundum næstum því í færi, en þessi þriggja manna sókndjarfa miðja var alveg afskaplega hæg og hugmyndasnauð, eitthvað sem við höfum fengið að sjá of oft í vetur og það bara gengur ekki gegn þéttu liði Birmingham. Ég man ekki eftir því að við næðum einu sinni að fara upp kantinn í fyrri hálfleik og ekki voru samherjar Torres mikið að finna hann í lappir, ef þeir þó gerðu það var hann jafn harðan sparkaður niður eins og virðist bara vera fullkomlega löglegt í Englandi.
Helsta hættan sem ég man eftir úr fyrri hálfleiknum var að Gerrard reyndi nokkrar langar sendingar á vin sinn frá Spáni sem hann náði ekki að koma fyrir sig og síðan áttum við eina mjög góða skyndisókn sem úr varð langbesta færi fyrri hálfleiks. Reina náði boltanum eftir sókn þeirra bláu, kastaði strax á Kuyt sem fann Benayoun óvaldaðan á miðjum vallarhelmingi Birmingham, hann sendi út á kantinn á Torres sem kom strax með boltann fyrir á Maxi sem var einn á móti markmanni en skotið var vel varið af Joe Hart í markinu. Eftir þetta hrökk smá líf í Birmingham menn og þeir áttu nokkur hálffæri.
Besti leikmaður fyrri hálfleiks var líklega bara Rauði Herinn sem hljómaði hátt og snjallt allann tímann á meðan aðeins einu sinni heyrðist í stuðningsmönnum heimamanna. En þeir tóku Arsenal lagið í smá stund eftir eitt skiptið sem Torres var sparkaður niður og héldu síðan áfram að “syngja” þennan slagara í hvert skipti sem Torres fékk boltann.
Seinni hálfleikur byrjaði hinsvegar með látum, Liverpool fékk hornspyrnu á hættulegum stað sem fyrirliðinn okkar tók, sú spyrna var ekki betri en svo að Birmingham skallaði út. Þar var Glen Johnson óvaldaður og virtist ætla hlaða í skot, hann tók annaðhvort þetta skelfilega skot eða átti þessa fínu sendingu aftur á Gerrard, boltinn fór allavega á Gerrard sem sólaði einn og smellti boltanum síðan í fjærhornið, 0-1 Liverpool og Gerrard virkaði alls ekkert ósáttur með þetta mark.
Adam var þó ekki lengi í paradís, nánast upp úr þurru jafnaði Birmingham á steinsofandi vörn og hikandi markmann Liverpool. McFadden var með boltann á hægri kannti, sneri sér við og sá gott hlaup frá Liam Ridgewell á fjærstöng. McFadden kom með sendingu fyrir á Ridgewell sem virkaði rangstæður, hann fékk boltann þar sem Reina hikaði og fór ekki í úthlaup á boltann og eftirleikurinn því auðveldur, 1-1 og það afar svekkjandi svo ekki sé talað um dæmigert fyrir þetta tímabil.
Fyrsta skipting leiksins kom síðan á 62.mín og hún var allavega við fyrstu sýn með öllu gjörsamlega óskiljanleg, N´Gog kom inná fyrir Torres sem virkaði bæði hissa og ekki rassgat meiddur.
N´Gog var reyndar nokkuð líflegur þegar hann kom inná og var rétt búinn að skalla í netið mjög stuttu seinna. Strax í kjölfarið kom DAUÐAFÆRÐI hjá Birmingham, Ridgewell kom með sendingu fyrir á Bowyer sem hitti ekki boltann fyrir opnu marki.
Á 70.mín var loksins komið að fyrstu skiptingunni á þessum þremur sóknarmiðjumönnum okkar, Babel kom inn fyrir Benayoun og jók við það hraðan á sóknarleik liðsins um 50%.
Á 72.mín var Bowyer eitthvað að gaufa með boltann við vítateig Birmingham, Kuyt vann af honum boltann, sendi á Maxi sem kom honum á N´Gog sem var í fínni stöðu en fast skot hans af markteig fór rétt framhjá, tvö hættuleg færi hjá N´Gog eftir að hann kom inná.
Þegar tíu mínútur voru eftir af venjulegum leiktíma fór Dirk Kuyt síðan loksins útaf vellinum og inná í hans stað kom síðasta skipting okkar Alberto Aquilani. Stuttu seinna kom gott færi sem Babel og N´Gog sköpuðu fyrir Maxi, en skot hans fór í Ridgewell. Joe Hart var búinn að fleygja sér og hefði ekki átt séns í þennan bolta. Þrem mínútum fyrir leikslok fékk Rodriguez síðan ennþá betra færi en hann skaut hátt yfir af markteig.
Þetta var dæigert fyrir þennan seinni hálfleik og við náðum ekki að breyta þessu ömurlega jafntefli í sigur og með svona frammistöðu og úrslitum er Liverpool ekki að fara hafa betur í baráttunni við stóra liðið frá Manchester um 4.sætið.
Mjög svekkjandi úrslit enda Liverpool mun betra en Birmingham í þessum leik, það sem helst fór í taugarnar á undirrituðum í þessum leik var þessi steingelda þriggjamanna sóknarlína fyrir aftan Torres í dag, meðal svisslendingur hefði boðið upp á fleiri hugmyndir heldur en þessir þrír gerðu mest allann leikinn. Skiptinguna á Torres skil ég ekki ennþá því Torres er hættulegri en allir aðrir hjá klúbbnum jafnvel þó hann sé bara á 50% styrk.
Þessi leikur gegn Birmingham var erfið prófraun sem við þurftum að standast og ég bara get ekki sagt að þetta jafntefli séu góð úrslit.
Greinilega aðeins verið að nota hópinn núna þar sem Mascherano, Babel og Agger fara allir úr hóp og inn koma Hercules, Benayoun og Maxi. Skil ekki alveg afhverju Babel fer út enda spilaði hann ekki mikið gegn Benfica og mun ekki spila á fimmtudaginn, en Agger og JM eru líklega bara hvíldir.
Kuyt, Yossi og Maxi koma svo líklega til með að rótera mikið í sínum stöðum. Hvað sem öllu líður þá er Torres alltaf frammi og þar með aukast vinningslíkur okkar umtalsvert.
Að lokum er ágætt að sjá Postulani á bekknum sem gefur til kynna að hann er ekki mjög mikið meiddur.
Ákvað að bíða með að klára upphitun þangað til að leikjum dagsins loknum. Dagurinn hefur skilað Chelsea í toppsætið og gamli Rauður lét dómarana auðvitað heyra það eins og alltaf þegar hann tapar, þó í þetta skiptið hafi nú mátt segja að þeir voru óvenju lítið búnir að átta sig á reglunum sem gilda á OT í dag….
Keppnin um 4.sætið harðnar stöðugt eftir sigur Aston Villa á Reebok, en Tottenham voru flengdir “on the beach” í Sunderland í dag, endaði reyndar bara 3-1 fyrir Sunderland sem áttu að vinna miklu stærra. Bíð ekki eftir Manchester City í Burnley, sjáum til hvað gerist þar. Okkar menn ættu nú samt að hafa fengið innblástur með frammistöðu og tapi Spurs í dag!
Mótherjar okkur á morgun eru “þrjóskuhundarnir” í Birmingham City. Það voru ekki margir sem töldu Birmingham eiga mikið erindi í Úrvalsdeildina en segja má að það sé spútniklið vetrarins. Sitja fyrir leikinn í 9.sæti deildarinnar og algerlega á lygnum sjó varðandi fall, en eiga lítinn möguleika á evrópusæti. Eilítið hikst hefur komið í vél þeirra í síðustu leikjum þar sem einungis hafa náðst 2 stig af 12 mögulegum.
Heimavöllur þeirra hefur skilað þeim gríðarlega góðum árangri. Einungis tvö töp í 16 heimaleikjum, bæði í september og þeir hafa náð stigi þar gegn Chelsea, Man.Utd., Tottenham og nú síðast Arsenal. Leikur þeirra gegn Arsenal um síðustu helgi lýsir þeim vel, hægt tempó, lágu til baka en reyna svo að sækja hratt á fljótum leikmönnum. Arsenal sótti án þess að nýta nema eitt færi, svo í uppbótartíma kom gamli jaxlinn Kevin Phillips og skoraði grísamark og tryggði þeim stig við gríðarlegan fögnuð!
Ef við skoðum líklega liðsskipan þeirra bláu myndi ég tippa á eftirfarandi uppstillingu:
Þarna erum við að tala um leikreynda varnarjaxla á miðju og í öftustu línu en öskufljóta sóknartengla og grimman framherja. Stjóri liðsins, Alex McLeish, er að mínu mati að ná verulega góðum árangri með þetta lið. Þeir eru afar yfirvegaðir, gefast aldrei upp og eru verulega skeinuhættir í skyndisóknum sínum. Á bekknum held ég að þeir geymi Chucho Benitez sem hefur hæfileikann í að koma inná og skipta sköpum.
Svo við erum að fara í alvöru verkefni í keppninni um CL sætið.
Okkar lið er að koma úr hörkuleik í Lissabon og ljóst að sá leikur gæti þýtt breytingar á byrjunarliðinu okkar. Það virðist vera eitthvað að hrjá Aquilani karlangann og allsendis óvíst hvort hann er leikhæfur. Ég er á því að ef að hann vantar verði Gerrard skellt niður á miðjuna og Maxi komi inn í byrjunarliðið aftur. Sem þýðir þá eftirfarandi uppstillingu:
Reina
Johnson – Carragher – Agger – Insua
Mascherano – Gerrard
Kuyt – Maxi – Babel
Torres
Bekkur: Cavalieri, Benayoun, Kyrgiakos, Ngog, Aquilani, El Zhar, Lucas.
Auðvitað gætum við séð Lucas inni og þá líklega Babel úti, en ég er á því að svona verði lagt upp.
Þessi leikur verður ekki fljótandi hraður fótbolti, heldur stöðubarátta á miðjunni og þar vinnst leikurinn og tapast. Bæði lið leggja upp á svipaðan hátt og það verður í fótum miðjumannanna að ná yfirhöndinni og þrýsta á vörn heimamanna.
Fernando Torres verður eins og áður í lykilhlutverki. Varnarmenn Birmingham verða seint kallaðir klókir, hægir og eru klaufar í fótunum og því verður lykilatriði að fara á þá á fullri ferð. Sérstaklega vona ég að við sjáum Babel fara á Carr gamla í bónusgírnum! En ef við ætlum að fara að negla eitthvað háum boltum eða löngum stunguboltum munu þeir hafa það gott.
Liverpool hafa ekki haft það gott á útivöllum vetrarins, í raun er alveg ástæða til að hafa töluverðar áhyggjur af þessum leik eftir töluvert álag á fimmtudaginn og þá staðreynd að við höfum ekki unnið á útivelli á árinu 2010. Síðasti útisigur var í Birmingham, á Villa Park 29.desember!
En okkar lið hefur verið að sýna töluverð batamerki að undanförnu og ég hef fulla trú á því að við náum að hirða þrjú stig með 0-1 eða 1-2 sigri í hörkuleik.
Í kvöld, á skírdag, spilaði Liverpool gegn Benfica á Estádio da Luz í Evrópudeildinni og fyrir leikinn þá skal ég viðurkenna að ég var meira með hugann við leikinn gegn Birmingham á Páskasunnudaginn en þennan leik. Fyrir leikinn hefði ég sætt mig við 1-2 tap svo framarlega ef enginn myndi meiðast ergo ég er sáttur. En áður en við förum út í leikinn þá skulum við fara yfir basicið, byrjunarliðið:
Reina
Johnson – Carra – Agger – Insua
Mascherano – Lucas
Kuyt – Gerrard – Babel
Torres
Bekkur: Cavalieri, Benayoun, Kyrgiakos, Ngog, Plessis, El Zhar, Pacheco.
Liverpool byrjaði leikinn vel og voru ekki liðnar nema 9. mínútur þegar danska dýnamítið skoraði með glæsilegri hælspyrnu 1-0 fyrir okkur og þetta leit vel út. Ég var frekar sáttur við þetta upphaf og sá fyrir mér í nokkuð klassískan 1-0 útisigur í Evrópu. Þetta breyttist allt saman snögglega þegar Torres er felldur aftan frá af Lusiao fyrirliða Benfica. Hollendingurinn ungi, Ryan Babel, ákvað að skipta sér full mikið af málunum og endaði með því að fá reisupassann. Mér fannst hann ekki eiga skilið að vera rekinn út af en samt fáránlegt hjá honum að tuða svona mikið yfir þessu, niðurstaða: klukkustund eftir af leiknum, við erum 10 inná og samt 1-0 yfir. Það var klárt mál að okkar hlutskipti væri að verjast og heimaliðsins að sækja.
Við vörðumst vel og vorum áfram ógnandi fram á við með Torres fremstan í flokki. Staðan í hálfleik var 1-0 fyrir okkur.
Í seinni hálfleik fékk Benfica vítaspyrnu á 59 mín. og skoraði Cordoza örugglega úr henni. Líklegast var þetta réttdæmt víti og ekkert um það að raula né tauta. 1-1 og hálftími til leiksloka en langar 30 mínútur. Við sóttum samt ávallt og vorum ekkert að pakka í vörn sem var vel gert en hins vegar er næstum ógerningur að spila einum færri svona lengi án þess að mistök eigi sér stað, spurningin er frekar hvort andstæðingurinn nái að nýta sér þau. Á 79 mín. var skotið í höndina á Carra (eða hann varði A La Henchoz) og vítaspyrna dæmt aftur þar sem Cordoza skoraði örugglega aftur, 1-2 og ca. 10 mínútur eftir. Torres fékk algjört dauðafæri til að jafna leikinn en geigaði. Leikurinn endaði með sigri heimamanna en þrátt fyrir allt er þetta alls ekki alslæm staða til að fara með á Anfield eftir viku.
Það sem pirrar mig mikið er dómgæsla Svíans í leiknum og eru hérna nokkur atriði:
- Rauða spjaldið sem Babel fékk. Var það sanngjarnt?
- Fékk Lusiao tvisvar sinnum gula spjaldið?
- Vítaspyrnudómarnir? Líklegast pirrar það mig alltaf þegar víti er dæmt á LFC.
- Gula spjaldið sem Insúa fékk, rugl!
- Sænski dómarinn, úff! (EÖE er kominn með eineltisverkefni!)
Heilt yfir þá er þetta alls ekki neinn dauðadómur og ég er 100% viss um að við munum vinna Benfica heima eftir viku og þar með komnir áfram í undanúrslit Evrópubikarsins.
Já og maður leiksins: Daniel Agger fyrir flott mark.
Fátt sem kemur á óvart. Maxi er ekki löglegur í þessari keppni og fer út fyrir Lucas. Babel er áfram í liðinu á kostnað Benayoun sem er á bekknum með Hercules og nokkrum ungum pjökkum.
Reina
Johnson – Carra – Agger – Insua
Mascherano – Lucas
Kuyt – Gerrard – Babel
Torres
Bekkur: Cavalieri, Benayoun, Kyrgiakos, Ngog, Plessis, El Zhar, Pacheco.
Fyrst á 27.mínútu. Hornspyrna frá Gerrard fast inn á markteiginn fór yfir Kyrgiakos á Dirk Kuyt sem skallaði hann af krafti í netið. Af einhverjum afar sérstökum ástæðum flaggaði línuvörðurinn en góður dómari leiksins sá vel að markið var fullkomlega löglegt og lét það standa. 1-0 og við í flottum gír. Næst var komið að verulega vel útfærðri skyndisókn, unnum boltann á okkar helmingi, boltinn barst á fyrirliðann, Torres átti flott blöffhlaup og Lucas stakk sér í gegn. Gerrard sendi snilldarsendingu á Brassann sem komst einn í gegn, lék á markmanninn snyrtilega og setti hann í netið. 2-0 og Anfield kominn í alvöru gír!
En Gerrard átti skot og var síðan ekki langt frá að skora úr horni. Eitthvað lenti markmaður Benfica í vandræðum þar og varð stuttu síðar að fara útaf. 
Reina var öruggur. Johnson og Agger voru passívir í bakvörðunum og leystu sitt hlutverk afar vel. Johnson sýndi mér í þessum leik að hann getur vel varist, hélt feykigóðum Di Maria niðri allan leikinn. Carragher og Kyrgiakos voru rocksolid, sérstaklega gleðst ég yfir gríska naglanum sem var ofboðslega mikið fyrir Portúgölunum í leiknum! Masch og Lucas léku þarna sinn besta leik saman í vetur. Mascherano stakk Aimar algerlega í rassvasann og átti þátt í mörkum nr. 3 og 4. Lucas fannst mér eiga þarna sinn besta leik í rauðum búningi. Frábært mark, stanslaus vinna og lykilþáttur í rothöggsmarkinu. Kuyt var gríðarlega öflugur í kvöld, skoraði og átti frábæra stoðsendingu auk þess að vinna varnarvinnuna frábærlega. Yossi og Gerrard hafa leikið betur en áttu auðvitað mikið í mörkum kvöldsins, stoðsending fyrirliðans í marki nr. 2 var alger snilld. Torres hafði verulega hægt um sig lengst af en svakalega var hann tilbúinn þegar boltarnir komu til hans. Besti senterinn í heimi. Ekki spurning og bara Messi sem er hugsanlega betri fótboltamaður en hann.
Fyrsta tímabilið lofaði góðu. Babel kom við sögu í 49 leikjum af 57 mögulegum, skoraði 11 mörk og gaf 7 stoðsendingar. Hann var vissulega afar misjafn, átti stjörnuleiki en síðan voru líka arfaslakir leikir inn á milli, enda maðurinn ungur. Auðvitað eitthvað sem búast mátti við af 21s árs gömlum leikmanni að leika á nýjum stað í nýrri deild.