Í fyrra áttu Arsenal og Chelsea léleg tímabil. Bæði liðin eru með stærri launapakka og við (eða Arse í öllu falli svipaðan) og Chelsea einnig með dýrari hóp sbr. leikmannakaup. Á sama tíma áttum við okkar besta tímabil, ofafrekuðum að mínu mati, og náðum öðru sætinu. Það dugði þó SAMT ekki til að velta Manchester United úr sessi.

Hvað hefur breyst síðan þá? Síðan við vorum nr. 2? Chelsea eru aftur komnir á flug, og Arsenal eru líka að eiga mjög gott tímabil. Þar með erum við dottnir niður um tvö sæti niður í nr. 4. Svo eru Tottenham og Man City komin sterk upp, hvoru tveggja lið sem eru með dýrari hóp sbr. leikmannakaup og stærri launapakka en Liverpool. Þess vegna erum við þar sem við erum í dag, í 5.-6. sætinu ásamt City sem á tvo leiki til góða.

Auðvitað erum við með frábæran hóp, en þú mátt ekki láta eins og það eitt eigi að skila okkur í toppsætin, sérstaklega ekki þegar þú skoðar frábæra leikmannahópa andstæðinganna. Við eigum Reina, Carra, Mascherano, Gerrard og Torres en hin liðin eiga öll sambærilega leikmenn. Torres er yndislegur en hann kaupir okkur ekki sjálfkrafa farmiða fram fyrir lið sem eru með Rooney, Drogba/Anelka, Van Persie í stuði, Defoe og Crouch eða Tévez, Adebayor og Bellamy. Gerrard er æði en Lampard, Fabregas/Arshavin/Nasri Carrick/Scholes/Giggs/Fletcher, Essien/Lampard, Modric/Kranjcar/Palacios og Barry/Ireland/De Jong/Kompany/Vieira eru það líka.

Og svo mætti lengi telja.

Það sem ÖLL hin liðin, líka Arsenal, hafa fram yfir okkur í dag er meiri breidd í leikmannahópnum. Fabregas er t.d. mikilvægur fyrir Arsenal, eins og Lampard hjá Chelsea eða Giggs hjá United en þessi lið mega betur við því að missa þá út en við Gerrard. Tottenham hafa leikið fyrri hluta tímabilsins án síns besta manns, Modric, og eru enn í fjórða sætinu. Chelsea misstu Essien og Drogba í janúar og misstu ekki úr slag, á meðan United á svo marga góða miðjumenn að þeir hafa stundum efni á að hvíla alveg 2-3 þeirra án þess að finna fyrir því. Ef Gerrard eða Torres meiðast hjá okkur er eins og liðið hrökkvi strax í hlutlausan.

Meiri launakostnaður, dýrari leikmenn, fleiri dýrir leikmenn, meiri breidd. Það eru fimm lið sem standa okkur framar í þessu í dag og það sjötta – Aston Villa – er nokkurn veginn á svipuðum stað og við í þessum málum.

Þar af leiðir að það er rökrétt að ætla Liverpool að vera í topp 7 á hverju ári en þurfa að gera sér að góðu að berjast um svona 3.-7. sætið, og þá líklega að vera að berjast um þetta blessaða 4. sæti og Meistaradeildina, á hverju ári.

Árið í fyrra var undantekning, ekki hvað frammistöðu Liverpool varðar heldur hvað hin liðin varðaði. Aðeins United af þessum sex liðum var á fullu gasi í fyrra og því náðum við 2. sæti. Í ár, og væntanlega á næstu árum, verður annað uppi á teningnum og því þarf eitthvað að breytast hjá okkar mönnum líka ef þeir ætla sér að halda áfram að stefna á titilbaráttu.

3

Afhverju í veröldinni ættu þeir að “hugsa sig tvisvar um í sumar” ?

Í fyrsta lagi eru þeir ný búnir að skrifa undir nýjan samning (G&T) og viðræður við Reina eru í gangi, hann hefur sjálfur lýst yfir vilja sínum að vera lengur.

Í öðru lagi eru þetta líklega þeir leikmenn sem maður fær hvað mest þá tilfinningu fyrir að þeir séu “trúir” sínum félögum, í gegnum súrt og sætt.

Í þriðja lagi , þó það sé fátítt í nútíma fótbolta, þá eru ekki allir með hausinn skrúfaðann vitlaust á, eins og Robinho frændi þinn.

Bara afsakið en stundum er eins og menn hugsi ekki … þvílíkt bull.

2

Ragnar (#56) – Ef þú vilt ekki þurfa að sjá umræðu um Rafa Benítez þangað til í sumar legg ég til að þú hættir að lesa þessa síðu þangað til í sumar.

3

„Mér finnst nú líklegra heldur en hitt að það sem hefur haft áhrif á kaupkraftinn í þessum glugga, er sú staðreynd að miklar líkur eru á nýjum þjálfara í vor og hann mun fá eitthvað um það að segja í hvað peningunum verður eytt.“

Það eru ansi margir að segja þetta en ég verð að vera ósammála. Ég held þetta sé óskhyggja hjá mönnum sem vilja sjá á bak Benítez. Ég held að hann verði nær örugglega stjóri Liverpool næsta haust og að það sé aðeins tvennt sem geti hindrað það:

• Ef hann fær nóg af sviknum loforðum eigendanna og gengur í burt sjálfur. Líklegt að mínu mati ef sumarið verður áframhald á sömu peningavonbrigðunum.

• Ef liðið tapar og tapar og endar tímabilið í svona 8. sæti eða neðar, og fer ekkert í Evrópudeildinni. Þetta þykir mér mjög ólíklegt, get ekki ímyndað mér liðið neðar en í 6. sæti í allra versta lagi.

M.ö.o., eins og staðan er í dag eru þeir ekki að fara að reka hann. Þannig að sú hugmynd að þeir séu að spara peningana af því að þeir hafa ákveðið að fá nýjan stjóra í sumar er frekar fjarri lagi. Að mínu mati.

Enda vona ég að við náum 4. sætinu, vinnum Evrópudeildina, Rafa haldi starfinu, eigendurnir standi við stóru orðin og eftir hálft ár séum við að fagna nokkrum nýjum stórstjörnum og að fylgjast með byggingu nýja vallarins. En raunveruleikinn er aldrei svo einfaldur, er það? ;)

2