Priceless.

0

Komment 51: Vandamálið er 20 manna hópur en ekki 11 manna byrjunarlið, Kristinn. Eighties lið Liverpool var að taka dolluna á 13-15 leikmönnum (nenni ekki að leita upplýsingarnar upp en er nærri lagi) sem er hreint FÁRÁNLEG staðreynd, ef mið er tekið af því að þarna voru engar kerlingar að spila eins og í gamla daga. Það var bara teipað yfir einhverja helvítis tognun eða bara fengið sér 1-2 bjórar við nárameiðslum!
Mitt point er það sem Rafa sagði er hann kom fyrst að byggja þyrfti 25 manna sterkan hóp sem ynni að þessu saman. Ellefu manna byrjunarlið er góð byrjun en bara alls ekki nóg. Svo fannst mér Houllier alltaf svolítill tittlingur þessi blessaði maður. Hann og Rafa eru svipaðir að því leytinu að þeir standa á bak við það sem þeim finnst og það breytir því enginn! Sjálfsagt ágætis sjónarmið það en algjörlega óraunhæf í fótbolta.

0

SJÖ leikmenn sem eru bara ekki nægilega góðir og það skilur eftir sig stórt skarð í þunnskipuðum hópi….ekki satt? “Liverpool er að borga fimmtu hæstu launin og hafa eflaust ekki efni á mörgum 70 þúsund punda varamönnum” en við höfum heldur ekki efni á því að hafa sjö yfirborgaða og arfa slaka leikmenn á okkar bókum. Rafa hefur gert vel í mörgum kaupum og svo sölum sem hefur gefið honum umfram-pening í kassann en hópurinn eins og hann er í dag er mælikvarðinn og hreint út sagt rosalega þunnskipaður hópur!
Þetta í raun “þaggar ekkert niður í krítikerum” eins og komment nr. 2 talar um, heldur heldur okkur betur við efnið. Not good enough, Rafael Benitez!

0

Jújú, Benitez kann alveg á Level 2. Hann vann nú einu sinni Meistaradeildina með því að pakka í vörn og treysta á skyndisóknir. En það er þessi óþrjótandi, vanþakkláta löngun hans til þess að þróa leik liðsins enn frekar sem gerir hann að þeim snilldar knattspyrnustjóra sem hann er – að mínu mati.

0

http://lfchistory.net/viewgame.asp?game_id=5009

0

Ég fór einmitt að pæla í ekki svo ósvipuðum hlutum um daginn. Spurði sjálfan mig að því af hverju ég væri svona sannfærður um að Rafa Benitez væri rétti maðurinn fyrir Liverpool á meðan ég var löngu búinn að missa trú á Houllier þegar hann var rekinn. Árangurinn í deild ekkert svo rosalega ósvipaður. Voru yfirleitt í 3-4. sæti í deild, Houllier náði einu sinni 2. sæti, Benitez hefur sömuleiðis náð því einu sinni. Báðir verið með í baráttu um deildartitil einu sinni á vormánuðum.

Ég spurði mig hvort ég væri kannski hlutdrægur, hvort Rafa væri kannski ekkert betri en Houllier eftir allt saman.

En niðurstaðan sem ég fékk var sú að, hvað sem Istanbul 2005 líður, þá sé það helsta sem skilji þá að sé hversu takmarkaður Houllier var sem knattspyrnustjóri.

Gerard Houllier byggði upp lið sem byggði á skyndisóknum. Geimplanið hjá Houllier var að halda hreinu – pakka í vörn og treysta síðan á skyndsóknir.

Í þjálffræðum Rinus Michels væri liðið hans Houllier kallað Level 2 lið.

Það verður ekki dregið af Houllier að liðið sem hann byggði upp var frábært skyndisóknarlið. Lið sem gat unnið nánast hvaða lið sem er, og þó þetta lið hafi vissulega verið varnarsinnað þá voru þeir virkilega skeinuhættir í sínum skyndisóknum. Ég sá einhvern gamlan leik á LFC TV fyrir einhverju síðan frá þessum tíma – athyglisverður leikur. Liverpool var að spila á móti einhverju meðalliði á Anfield (Aston Villa eða Tottenham eða eitthvað álíka). Gestirnir dóluðu með boltann tímunum saman fyrir framan varnarmúr Liverpool en ekkert gerðist, en þegar Liverpool fékk boltann þutu þeir fram 4-5 leikmenn eins og rakettur og voru virkilega hættulegir. Liverpool vann leikinn held ég 3-0.

En einhverra hluta vegna virtist Gerard Houllier hafa lítinn áhuga á því að búa til lið sem hægt væri að kalla Level 3 lið. Lið sem getur haldið bolta innan liðsins og stjórnað leikjum.

Þegar Houllier var kominn með frábært Level 2 lið, og næsti skref hefði verið Level 3 lið þá reyndi hann frekar að búa til stórkostlegt Level 2 lið – og það mistókst.

Rafa Benitez finnst manni hinsvegar vera mun metnaðarfyllri í sinni nálgun en Gerard Houllier.

Það er langur vegur frá því að vera knattspyrnulið sem getur unnið hvaða lið sem er í heiminum með því að pakka í vörn og treysta á skyndisóknir til þess að vera með lið sem getur unnið hvaða lið sem er í heiminum með því að halda bolta innan liðs og stjórna leiknum.

Í dag er liðið í miðju breytingarferli. Liðið er komið með mjög sóknarsinnaða bakverði og leikstjórnanda Lucas/Aquilani sem bíður upp á meiri ógn á seinasta þriðjung vallarins en Xabi Alonso gerði.

Hvort þessar breytingar munu takast er hinsvegar annað mál – en þær eru allaveganna metnaðarfullar.

Í þessu samhengi finnst mér forvitnilegt að velta fyrir mér hvernig liðið gæti litið út á næsta leiktímabili, ef svo fer sem margir halda að Mascerano verði seldur frá félaginu í sumar.

Reina
Glen Johnson-Agger-Skrtel-Insua
Lucas – Aquilani
Dirk Kuyt – Gerrard – Benayoun
Torres

Í þessu liði eru hvorki fleiri né færri en 10 leikmenn sem hægt er að flokka sem kreatíva. Báðir miðjumennirnir eru það, annar miðvörðurinn, báðir bakverðirnir og meira að segja markmaðurinn!

10 leikmenn í þessu liði geta boðið upp á eitthvað sérstakt í sóknarleik okkar, hvort sem það er að gefa frábæra sendingu, taka frábært hlaup með/án bolta, tekið menn á eða skorað frábært mark. Í þessu liði er einungis einn leikmaður sem er geldur í sóknarleik okkar (Skrtel).

10 leikmenn af 11 takk fyrir!

Og núna langar mig, svona fyrir forvitnissakir, að spyrja þá sem eldri hvort þeir muni hreinlega eftir knattspyrnuliði sem hefur haft jafn marga knattspyrnumenn sem nýtast í sóknarleik og þetta Liverpool lið 2010/2011?

En svo ég komi mér nú aftur að samanburðinum hans Ívars, þá er það eitt sem mér finnst gera hann svolítið ósanngjarnan, og það er hversu liðið hans Rafa er miklu sóknardjarfara en liðið hans Houlliers. Lið Benitez spilar mun framar á vellinum, er mikið meira með boltann o.s.fr.

Ef við tökum sem dæmi liðið sem vann Þrennuna 2001-2002. Þá vorum við með fjóra miðverði í vörninni og tvo varnartengiliði þar fyrir framan – Gerrard og Hamann. Ef Hyppia og Henchoz hefðu spilað með jafn sóknarsinnuðum bakvörðum og Johnson og Insua eru, þá er ég hræddur um að þeir hefðu lent í ansi miklum vandræðum. Sömu sögu má segja af Hamann.

Ég veit allaveganna fyrir víst að þegar Liverpool-liðið í dag missir boltann á vallarhelmingi andstæðinganna – verandi með alla leikmenn liðsins upp við vítateig andstæðinganna nema annan Insua, Mascherano og Skrtel/Carragher. Þá væri ég ekki tilbúinn að skipta þeim út fyrir Hencoz, Hamann og Finnan.

Pointið sem ég er að reyna að koma á framfæri er að á meðan varnarmenn Houllier litu oft á tíðum mjög vel út, þá höfðu þeir litlum sem engum sóknarskyldum að gegna, liðið í heild sinni að spila mjög aftarlega og varnarmennirnir með marga leikmenn fyrir framan sig til þess að redda sér. Öfugt við Liverpool-liðið í dag.

0

Lof sé Fowler fyrir það.

0