Þú kallar það leti í blaðamönnum að tala um Arsenal

(#44) “Arsenal-menn stilla upp þremur leikmönnum undir tvítugu, einum tvítugum og sjö eldri leikmönnum. Liverpool-menn stilla upp tveimur tvítugum og níu eldri leikmönnum. “

Þetta er einhver mesta einföldun sem ég hef séð. Hætta leikmenn að vera ungir um leið og þeir verða 21 árs? Það er hægt að hagræða langflestri tölfræði sér í hag – það væri t.d. hægt að spyrja hvort liðið hefði verið með fleiri leikmenn inn á 25 ára og eldri?
Hjá Arsenal eru þeir 2 (Silvestre og Eduardo) og hjá Liverpool 6 (Cavalieri, Degen, Skrtel, Kyrgiakos, Kuyt og Voronin). Og ef við myndum skilgreina unga leikmenn 22 ára og yngri þá eru Arsenal með 7 (Gibbs, Gilbert, Merida, Nasri, Eastmond, Ramsey og Bendtner) á meðan Liverpool eru með 4 (Insúa, Ngog, Spearing og Plessis). Og miðað við ummæli manna hérna þá þótti fáum mikið til Spearing og Plessis koma og sama hér. Og ef við myndum leyfa hinum 23 ára Ryan Babel að flokkast sem ‘ungur leikmaður’ þá virðast menn ekki geta beðið eftir því að hann verði seldur.

Síðan segirðu í #48 – “Þetta er leikreynt lið, jafnvel ungu strákarnir eins og Gibbs, Gilbert, Wilshere og Bendtner hafa verið að spila jafnvel stóra leiki með aðalliðinu og eru langt því frá nýliðar.”

Ég veit ekki hvaða stóru leiki þú ert að tala um þarna hjá Gilbert og Wilshere. Gilbert hefur spilað 2 leiki í það heila fyrir aðallið Arsenal. Fyrri leikinn árið 2006 í undanúrslitum CC gegn Wigan (þar sem hann lagði upp skallamark f. Henry) og sá seinni í gær.

Jack Wilshire hefur spilað í 12 leikjum fyrir aðalliðið. Í 8 þeirra hefur hann komið inn sem ‘late substitute’ í leikjum sem voru nánast búnir og þessir 4 leikir sem hann hefur byrjað hafa allir verið í CC.

Reyndar býr Ramsey yfir örlítilli reynslu, en hana öðlaðist hann þegar hann spilaði með Cardiff í F.A. Cup.

ég læt wikipediu duga sem heimildir:
http://en.wikipedia.org/wiki/Kerrea_Gilbert
http://en.wikipedia.org/wiki/Jack_Wilshire

Mig langaði bara að benda þér á að þessi tölfræði þín segir kannski ekki alla söguna og að það er kannski einhver ástæða fyrir því að talað er um Arsenal sem ungt lið önnur en leti. Þú hefðir sjálfur alveg getað ‘nennt’ að fletta upp þeim staðreyndum sem þú heldur fram.

En annars er erfitt að neita því að þetta hafi verið víti….

0

Það er víti. Hvort sem Senderos ætlaði sér það eða ekki. Punktur.

Varðandi þulina þá var ég nú ekki að bauna á þá beint þegar ég rifjaði upp tölfræðina hér að ofan. Vissulega, úr því að menn nefna það, fór það í taugarnar á mér að hlusta á Arnar Björnsson mæra ungliða Arsenal-liðsins í gær eins og þeir væru helmingi yngri en andstæðingarnir en Arnar er í raun bara að apa upp (eins og flestir aðrir) það sem breskir fjölmiðlar (og þá sérstaklega Lundúnablöðin) hafa verið gífurlega dugleg að halda fram.

Málið er bara að þessi vísa um aldur Arsenal-liðsins er orðin svo oft kveðin og svo víða að það hvarflar varla að mönnum að hún geti ekki verið sönn. Það er þess vegna sem maður hefur reynt að dreypa á þessu endrum og sinnum til að reyna aðeins að vekja athygli fólks á því að þetta er ekki satt.

Díses. Á meðan ég skrifa þetta er Hans Steinar Bjarnason í fréttum Stöðvar 2 að mæra Fran Merida sem stjörnu framtíðar af því að hann skoraði glæsimark í gær. Nefnir Emiliano Insúa svo í hjáhlaupum auk Nicklas Bendtner sem skorara hinna markanna, eins og leikurinn hafi bara snúist um undrabarnið Merida. Merida er nítján ára, Insúa er tvítugur. Takk fyrir að strika undir orð mín, Hansi.

0

Sjáið alla leikmennina sem sjást þarna á mynd. Hver og einasti er með hendurnar ekki með síðunum. Það hreyfir sig engin með hendurnar fastar niður með síðunum vegna þess að hendurnar tengjast líkamsstjórn og jafnvægi okkar.

En ef þetta hefði verið dæmt víti hefði Arsenal lítið sem ekkert getað sagt. Hendurnar eru útréttar á Senderos og boltinn er klárlega á leiðinni að markinu þar sem boltinn er kominn framhjá líkama hans.

0

En Hörður Magnússon á ekki að fá að lýsa leikjum hjá Liverpool og Man U

Höddi hefur ekki lýst Liverpool leik síðan 2005, eða í heil 4 ár, þannig að varla telst það með :-)

0