Mikið ofboðslega er útlit fyrir rólegar tvær vikur. Ef ég man rétt þá er leikmannaglugginn á Englandi opinn til 17:00 á morgun og það er ekki verið að orða okkur við svo mikið sem ungling, hvað þá einhvern til að breikka hópinn. Maður gerir sér allavega ekki vonir um að neinn leikmaður sé að koma í viðbót og horfir því fram á að þetta silly season hafi komið út nokkurnvegin á sléttu fyrir þúsundkallamæringana sem eiga klúbbinn.
Frábært meðan lið eins og Spurs, City, Sunderland (já ég sagði Sunderland) o.fl. virðast eiga svona peningatré. Ekki alveg það sem maður vonaðist eftir miðað við síðasta tímabil, hópurinn hefði mátt við því að styrkja fleira en hægri bakvarðarstöðuna og við hefðum alveg getað lifað án þess að veikja miðjuna. Það er kannski full snemmt að tala um að við séum búnir að veikja hjá okkur miðjuna (enda Aquaman ekki búinn að spila) en þanngað til það gerist þá er hún í það minnsta ekkert sterkari, það er ljóst.

Á laugardaginn gerði ég svo svolítið sem ég man ekki eftir að hafa gert í einhver ár, ég missti af Liverpool leik! Þannig að þetta landsleikjahlé kemur á alveg herfilegum tíma og ég hef fengið langt undir ráðlögðum vikusammti af Liverpool nú þegar.

En ef maður lítur á björtu hliðarnar þá held ég í fyrsta skipti í mjög mjög langan tíma komi landsleikjahlé á ágætis tímapunkti fyrir Liverpool. Liðið hefur verið með kvef í byrjun móts og hlutirnir hafa ekki verið að falla með okkur. Allavega held ég að smá pása sé af hinu góða aldrei þessu vant og það var afar gott mál að fara inn í þetta hlé með sigur gegn Bolton í farteskinu. Svona come back ætti aðeins að styrkja móralinn.

Annars hefur þessi byrjun á mótinu farið nokkuð lítið óvænt af stað og í raun hefur það helst vakið athygli að okkar menn hafa þegar tapað jafn mörgum leikum og í fyrra (og ekki ennþá gert jafntefli). Ásamt því að Burnley hefur unnið okkar helstu rival klúbba.

Chelsea

Rússarnir eru á toppnum og byrja mótið með svolitlum meistarabrag, eru með fullt hús stiga og markatöluna 10-2. Drogba getur verið besti striker í heimi þegar hausinn er rétt skrúfaður á hann og hann hefur verið drjúgur í upphafi. Þeir tóku reyndar fyrsta leikinn með marki á síðustu mínútunni í uppbótartíma en áttu þann sigur engu að síður mikið skilinn. Sjálfur spáði ég þeim titlinum fyrir mótið en vona að það komi eitthvað bakslag í þetta hjá þeim. Þeir eru með frekar gamalt lið, en á móti kemur þá hafa þeir stóran hóp og ákaflega reynslumikinn. Eins er þetta bara unglingalið miðað við hvað CA hefur verið með hjá AC Milan.

Spurs

Byrjun þeirra í ár er fullkomlega andstaðan við árið í fyrra, þeir hafa fullt hús stiga og eins og þeir sýndu því miður í leiknum gegn okkur þá eru þeir ekki að fara tapa mörgum leikjum á heimavelli. Þeir eru engu að síður þekktir fyrir óstöðugleika og fjarvera Modric á eitthvað eftir að setja strik í reikninginn hjá þeim. Hafa engu að síður fáránlega sterkan hóp og góðan stjóra.

City

Ótrúlegt en satt þá er pressan á City ekki alveg í samræmi við eyðslu sumarsins. Þeir eru með moldríka eigendur en ætla greinilega ekki að taka svona Real Madríd stefnu á þetta, kaupa heldur góða leikmenn sem hafa sannað sig í EPL. Verð að viðurkenna að maður er smá smeykur við þetta lið og held að þeir gætu orðið ansi öflugir á næstu árum.

United

Hafa byrjað mjög vel og verða í toppbaráttu allt til enda, vinna sína 1-0 sigra þegar þarf og ég held að Tevez og Ronaldo verði ekki eins ofboðslega mikið saknað og margir halda. Liðið er engu að síður alls ekki komið á fullt skrið, tap gegn Burnley var hressandi og þeir voru ljónheppnir gegn leikurunum í Arsenal.

Arsenal

Þeir eru á fljúgandi siglingu og ansi líflegir sóknarlega, hvað þeir halda það út lengi er erfitt að segja en þeir verða sterkari en í fyrra. Ég spáði þeim 5.sæti fyrir mót (og Spurs 4.sæti). Ég er ekki að sjá það gerast núna og vona bara að það verði ekki Liverpool sem gefur sætið eftir til Spurs/(eða City).

Það er vægt til orða tekið þegar maður heldur því fram að byrjunin á mótinu hafi alls ekki verið eins og maður gerði sér vonir um, 4 leikir og við þegar 6 stigum á eftir efstu liðunum. En þetta er marathon ekki spretthlaup og því full snemmt að tapa gleðinni og missa sig í svartsýni og þunglyndi strax.

Síðast þegar okkar menn spiluðu þá var mánudagur. Eins og allir (nema þessir kanabjánar) vita þá eru mánudagar verstu dagar vikunnar og því auðvitað fáránlegt að bæta tapleik í fótbolta ofan á.

Liverpool átti 11 skot á Villa markið (þeir 4). Við áttum 8 skot framhjá marki Villa (þeir eitt). Við áttum 10 horn (þeir 4) og við vorum með boltn í 68% af leiknum. M.ö.o. Villa stálu sigri frá okkur, sama hversu mikið þeirra taktík er hrósað þá gekk óvenju margt með þeim og eina heppnin okkar var óheppni á þessu bölvaða mánudagskvöldi.
Sjálfsmark og mark eftir horn 2:30 mín. inn í uppbótartíma (sem var bara mínúta) var það sem braut ísinn fyrir Villa. Þökk sé mánudegi auðvitað.

Ég neita að trúa að við fáum að upplifa svona leik tvisvar í röð og er handviss um að með sömu spilamennsku og gegn Villa þá eigi Bolton ekki nokkurn einasta möguleika gegn okkar mönnum. Byggi það líka svolítið á því að Bolton er mun verra lið heldur en Villa.

Þetta er samt auðvitað ekki svona einfalt í fótbolta og guð má vita hvaða áhirf síðasti leikur kemur til með að hafa á liðið svo ekki sé talað um sú hrikalega pressa sem nú þegar er á okkar mönnum.

Bolton er heldur ekki beint léttasti staðurinn til að fara á þó að manni kvíði ekki eins mikið fyrir leikjum gegn þeim og þegar Very Big Mouth var að stjórna þeim. Leikmenn gestanna eru meira að segja af og til farnir að koma ómeiddir frá Reebook stadium undanfarið.

Liðið:

Það er varla að ég muni eftir eins miklum vangaveltum um liðsuppstillinguna fyrir nokkurn leik eins og þennan. Miðjan hefur verið að valda okkur áhyggjum, hún spilar of djúpt og Mascherano og Lucas virðast ekki ná saman sem skildi og ná ekki að stjórna miðjunni. Allskyns hugmyndir eru uppi, færa Gerrard niður, eða Benayoon, skipta í 4-4-2 o.s.frv.

Svo eigum við tvo aðra menn en Lucas sem geta fyllt gap-ið sem Alonso er að skilja eftir sig, augljósi kosturinn er Aquaman sem verður frumsýndur seinna í haust og helst VONANDI heill, hinn kosturinn gæti jafnvel verið Fabio Aurelio, en það er efni í aðra umræðu…

Ég held að Benitez haldi sig bara við sína upprunalegu áætlun og taki Mike Bassett á þetta og haldi sig við Lucas og leikkerfið.

Líklegt lið Liverpool:

Bekkur: Kyrgiakos, Babel, Insua, Voronin, Degen, Benayoon, Cavalieri

Ekki að þeir hafi verið eitthvað slæmir þá hef ég sterkan grun um að eina breytingin verði vinstri vængurinn hjá okkur. Dossena hlítur að fara fá leik og sama á við um Riera. Insua er ungur og á líklega ekki eftir að spila alla leiki. Hvað Riera varðar þá vil ég hann ekkert sérstaklega frekrar en Benna Jón. Held bara að hann byrji þennan leik. Guðmávitahvaðopolus kemur svo á bekkinn að ég held, þ.e. ekki í byrjunarliðið.

Eins og ég sagði, sama spilamennska og liðið sýndi á mánudaginn myndi skila þremur stigum í hús gegn Bolton. Raunar held ég að hún myndi gera það í ca. 8 af hverjum 10 skiptum gegn þessu Villa liðið líka. Eina sem við VERÐUM AÐ LAGA eru þessu andsvítans föstu leikatriði, fimm mörk og ekki eitt úr open play er hræðileg tölfræði… en sýnir á móti að varnarleikurinn sem slíkur er ekki alslæmur.

Gestirnir

Ef við kíkjum svo snöggvast á lið Bolton þá hafa þeir byrjað jafnvel verr heldur en við. Tvö töp gegn liðum sem þeir eiga að ráða við og sjálfstraustið ekki upp á marga fiska. Megson ákvað að versla sér bakverði fyrir tímabilið (ég sem hélt að Grétar Rafn hefði staðið sig svo vel) og það hefur ekki verið að skila liðinu miklu. Gréskó hefur verið á bekknum í upphafi móts í stað einhvers ullarhatts frá Hull sem ekki hefur getað mikið.
Ég spái þó að “okkar” maður komi nú inn á nýjan leik gegn Liverpool og liðið verði svona.

Líklegt lið Bolton:

Bekkur: Bergsson, Gunnlaugsson, Eiður Smári, Ólafur Páll og Ivan Shampoo já og Tamir Cohen.

Það er auðvitað gefið að alveg eins og með Fridel þá kemur Jussi Jaaskelainen alveg pottþétt til með að eiga stórleik. Frábær markvörður sem hefur verið ótrúlega tryggur Bolton.

Eins óttast maður Elemander og Davies í framlínunni svolítið… en á móti kemur þó að Elli hefur ekki skorað í rúmlega 20 leikjum og Davies hefur ekki sýnt mikið í upphafi móts, las einhversstaðar að hann hefði verið á hægri kanntinum (a la Kuyt) núna í upphafi móts algjörlega án árangurs.

Spá:

Hvað um það, ég er (að reyna vera) bjartsýnn fyrir þennan leik og því spái ég okkar mönnum öruggum 0-3 sigri, Torres, Gerrard og Babel skora mörkin.

Eins og sjá má í síðustu færslu þá fórust syskinin himin og jörð í gærkvöldi og versta byrjun Liverpool síðan við unnum síðast bara einn leik af fyrstu þremur staðreynd.

Leikmenn hafa nú aðeins verið að reyna að róa aðdáendur og biðja fólk nú um að afskrifa liðið ekki alveg strax, Glen Johnson sagði:

“Obviously this is not the start to the season that we wanted but it’s only the third game and there is a long way to go,” said Johnson.

“It’s still the early part of the season so we are not going to beat ourselves up at the moment. Of course, we’d like to have a few more points but it’s not to be so we’ll just keep going.”

Svosem ekkert út á þetta að setja hjá Johnson, bara ofboðslega pirrandi að hann þurfi að vera tala á þessum nótum strax í ágúst.

Hann bætir síðan við:

“I definitely believe that teams like Aston Villa and Tottenham and Man City will take points off the so called big four this season.

“That is good thing about the Premier League, anybody can beat everybody.”

Ég er nú á því að Liverpool þurfti alls ekki að taka þetta svona ofboðslega bókstaflega!

Rafa hafði svo þetta að segja um leikinn:

“The first 20 minutes we had our chances, we didn’t take them. Then we made a mistake, scored an own goal, then conceded in injury time. Afterwards we were pushing but gave away a penalty – there were too many mistakes in crucial moments.

“Clearly we did not play well. We gave the ball away against a team that’s good on the counter. We have lost and we have to improve.”

Reyndar hafði Benitez heilmargt að segja um þennan leik eins og sjá má hér. En það eina sem sum blaðanna stöldruðu við var þetta:

“We were pushing harder and better but the crucial moment was when we gave the penalty away and that made a difference”.

Hvort Benitez sé bara að kenna Gerrard um tapið og beina fingri að honum einum veit ég ekki alveg, væri samt til í að heyra rök þeirra sem halda því fram að þetta atvik hafi ekki gert gæfumuninn fyrir Villa (sem var í hálfgerðri nauðvörn) fram að því.

Opinbera síðan er svo með visku frá Rush og Tomkins sem báðir hafa rétt fyrir sér þó það fari í taugarnar á mörgum eftir hörmung eins og í gær

Ian Rush kemur inn á að þessi töp geti verið löguð með því að snarfækka jafnteflum ársins í fyrra:

“It means that Liverpool have to adopt a positive mental outlook in every game from here on in. The Reds were held to too many draws last season”.

“United won the Premier League title last season despite losing four matches.

“And that’s because they drew five fewer than Liverpool throughout the course of the campaign. The three points for a win format means that a defeat – even a home defeat as desperately disappointing as last night’s – is not as damaging as it might otherwise have been.”

Þetta er alltsaman rétt hjá Rush-aranum… en það er óþolandi að þurfa að hlusta/lesa svona raus þegar það á eftir að framkvæma þetta. Það er ekkert sem bendir til þess að þessum jafnteflum eigi eftir að fækka og hvað þá að þau breytist í sigur frekar en tap (eins og nú í byrjun).

Tomkins kemur inn á þetta í pistli sínum:

There’s so much time to turn it around it’s untrue, so technically the challenge is far from over. But it needs the players to step up and prove that it’s just a blip, and make sure that it’s a blip that is out of the way as soon as possible.

og sá að því er mér sýnist sama leik og ég í gær:

Did Liverpool deserve to lose against Villa? Unlike at Spurs, in some ways, no. On balance of play, the Reds had the better of the game, but after missing four good chances in ten first-half seconds, it had ‘one of those days’ written all over it.

Hann kemur svo líka með góða punkta varðandi mörkin sem við höfum verið að fá á okkur í upphafi:

Whatever system Liverpool use, it needs to be performed better than it has thus far. Zonal can work. Zonal has worked. And it will again. But as with confidence in all areas of the game, if you hit a blip then doubt creeps in. If you are not sharp enough in what you do, you will be punished.

Perhaps the main problem is that with Insua, Mascherano, Lucas and Benayoun, the team is not a particularly tall one. Two of the better headers of the ball are Carragher and Kuyt, neither of whom are giants (and therefore can be beaten by a really tall player). So defending set pieces will always be a challenge.

Mikið til í þessu og eins og einhver benti á í kommentum í síðustu færslu þá erum við ekki með neitt ofboðslega hávaxið lið.

En það þarf alveg andskotanum meira að ganga upp með okkur og liðið má ekki við mikið meira af svona áföllum til að þetta tímabil eigi að verða eitthvað í líkingu við það síðasta (og vonandi aðeins betra). Vonandi bara hafa hin liðin aðeins afskrifað okkur núna.

Það er Bolton úti næst, legg til að við förum að einbeita okkur meira af því núna.

Svo ef við reynum að líta á björtu hliðarnar þá var þetta allvega ekki Burnley, eina jákvæða við þetta timabil það sem af er (svo lengi sem þeir fara ekki að stríða okkur líka).

————————————————————————————————————————–

Annars er silly season ekki búið ennþá og af okkar mönnum er akkurat ekki nokkur skapaður hlutur nýr að frétta, nema jú að við lánuðum þá bræður frá Ungverjalandi Nemeth og Simon til Grikklands í vetur. Þannig að ekki er Nemeth að fara gera miklar rósir hjá okkur í vetur, en fær vonandi hörku reynslu í góðu liði með geggjaða áhorfendur.

Að lokum, til gamans bendi ég á að vinstri kannturinn hjá Everton er meira nörd heldur en okkar.

og alveg í blálokin að líklega er munurinn á gegni Robbie Keane hjá Spurs og okkur sá að hann fær mun meiri hjálp hjá Tottenham.

Já svo til að enda þetta og með þriðju OTP frétinni þá er gaman að koma inn á að þetta fífl , Steven Cohen er farið úr loftinu (Í USA). Auðvitað ekki fallegt hvernig það ber að og að fjölskyldu hans hafi verið blandað inn í þetta (nógu slæmt fyrir þau að þurfa að umbera hann) en það verður sannarlega ekki söknuður af þessum bjána. (ef þið þekkið ekki málið þá mæli ég með google).

Ég ætla að misnota aðeins aðstöðu mína hér á blogginu og vekja athygli á golfmóti sem Liverpoolklúbburinn á Íslandi stendur fyrir þann 30. ágúst nk.:

Þann 30. ágúst nk. mun Liverpool Open golfmótið verða haldið á Setbergsvelli í Hafnarfirði. Mótið er opið öllum stuðningsmönnum Liverpool FC og fara skráningar fram á www.golf.is.

Mótsfyrirkomulagið verður eftirfarandi:

Ræst út á öllum teigum samtímis klukkan 13:00 stundvíslega og er mæting klukkan 12:00 á svæðið.

Punktakeppni með forgjöf

Hámarksforgjöf 24 (karlar) og 28 (konur)

Verðlaun fyrir fyrstu 3 sætin

Nándarverðlaun á 2. og 5. braut

Teiggjöf

Skráning á GSÍ www.golf.is og hjá golfklúbbnum Oddi í síma 565-9092

Þátttökugjald er kr. 2.500 og greiðist fyrirfram með kreditkorti.

Skylda er að klæðast Liverpool treyju, brot á þeirri reglu þýðir frávísun úr mótinu.

Ath. skráning á netinu er eingöngu til að velja sér ráshóp því ræst verður út á öllum teigum klukkan 13:00.

Mótsstjóri: Svavar Geir Svavarsson

Dómari: Hákon Jónsson

Það voru ekki gæfulegar fréttir sem komu af klúbbnum í aðdraganda leiksins í dag, ofan á endalaust leiðinlega og neikvæða viku fóru þeir að halda því fram að Rafa Benitez hefði yfirgefið klúbbinn og þegar hann hafði ekki gert það þá var hann að fara gera það eftir leikinn. Ekki kippti maður sér nú mjög mikið upp við þetta en mikið óskaplega er maður orðinn leiður á svona fréttum… og bara þessum staurblönku eignendum okkar.
Nóg um þá og neikvæðar fréttir, Benitez mætti allavega til leiks og kvöldið var sögulega gott.

Reyndar áður en ég byrja verð ég að afsaka hvimleiðan tourette sjúkdóm sem ég virðist hafa áunnið mér í kvöld og bitnar það smá á skýrslunni…

Burnley Burnley Burley

Um þennan fyrsta heimaleik okkar á þessum vetri er það síðan helst að segja að Liverpool liðið sem endaði tímabilið í fyrra mætti aftur til leiks og nú með nýtt vopn í búrinu staðsett í hægri bakverði af öllum stöðum. Háværar gagnrýnis og efasemdaraddir undanfarinnar viku ættu að fá smá hvíld eftir þennan leik í kvöld enda miðlungsgott varnarlið tekið og pakkað saman.

Byrjunarliðið var svohljóðandi:

Bekkur: Cavalieri, Dossena, Voronin, Riera, Ngog, Babel, Kelly

Skrtel var meiddur og því fékk hinn ungi Ayala séns í byrjunarliðinu og auk hans kom Benayoon inn í byrjunarlið Liverpool á kostnað Babel.

Fyrri hálfleikur:

Eftir fyrri hálfleikinn var það aðallega tvennt sem ég velti fyrir mér, djöfull voru Stoke heppnir að vera bara 2-0 undir og mikið afskaplega var gaman að sjá Liverpool sem við þekkjum og elskum svara efasemdarmönnum með stæl í næsta leik eftir slæmt tap. Til að einfalda þetta þá áttu okkar menn fyrri hálfleikinn bara frá A – Z og Stoke komst varla yfir miðju nema með því auðvitað að henda boltanum. Svo lítið sannfærandi voru Stoke að Tony Pulis hringdi skv engum heimildum í Ástu Árna í hálfleik enda með það í huga að fá fleiri sem kunna að taka innkast í Stoke liðið.

Burnley Burnley Burnley

Frá fyrstu mínútu var greinilegt að Liverpool liðið var mætt til leiks með það að markmiði að pressa og bæta upp fyrir dapran leik sl. sunnudag. Lucas fékk snemma gott færi sem hann bombaði beint í fangið á Tómasi Sörensen. Á 4.mínútu tók Gerrard svo á rás í átt að teignum, tók smá þríhyrning og fékk boltann aftur inni í teignum með hálft Stoke liðið í kringum sig, engu að síður fann hann Fernando Torres sem afgreiddi boltann í mitt markið og stimplaði sig með því formlega inn í ensku úrvalsdeildina í ár.

Fram til 20.mínútu komust Stoke varla yfir miðju og leikurinn var með öllu undir stjórn okkar manna. Þó fengu þeir aukaspyrnu á hættulegum stað sem þeir, ótrúlegt satt, eyddu í skemmtilega útfærslu, þ.e. eitthvað annað en bombu inn í boxið. Þetta fór auðvitað hrapalega illa hjá þeim og Torres náði boltanum, tók á rás upp kanntinn þar til hann sá Insua einan og yfirgefin á fjarstönginni. Fyrirgjöfin frá Torres var þrælfín og maður rétt náði að hætta við að fagna þar sem Insua náði af þónokkru óöryggi að setja boltann framhjá.

Það sem eftir lifði hálfleiks var síðan svipað, Liverpool réði lögum og lofum en náðu ekki að brjóta Stoke almennilega á bak aftur… ekki fyrr en á 45.mínútu. Þá fáum við horn sem Gerrard sendi inn í teiginn, enginn af lurkunum í Stoke náði að skalla boltann í burtu og hann endaði á kollinum á Kuyt sem horfði á skalla sinn varinn á línu af James Beattie sem fyllti auðvitað út í markið. Af honum skoppaði boltinn til besta leikmanns Liverpool í kvöld by far Glen Johnsons sem var ekkert að tvínóna neitt við þetta og klippti boltann í netið eins og verslunarstjóri í Vouge. Snilldar mark sem markaði frábæran hálfleik hjá Johnson. Strax þá var hann búinn að ógna marki andstæðingana svipað mikið og Arbeloa gerði í fyrra.

Burnley Burnley Burnley

Seinni hálfleikur:

Það tók Stoke svona fimm mínútur að gleyma hálfleiksræðu Tony Pulis, en á þessum fimm mínútum náðu þeir aðeins að ógna marki Liverpool og t.d. þurfti Pepe Reina í eitt skipti að taka á honum stóra sínum þegar Rory Delap sem er víst líka með fætur átti hörkuskot með vinstri í hornið, glæsileg markvarsla sem hefði gert Magnús Ver stoltann.
Eftir það var þetta aftur einstefna að marki Stoke og var á tímum vandræðalegt að sjá hvað þeir bara komust ekki yfir miðju. Á 53.mín átti Gerrard t.a.m. hörkuskot sem Sörensen varði út í teiginn og beint á Dirk Kuyt, hann fékk boltann hinsvegar herfilega fyrir sig og kláraði færði líkt og ég myndi gera í sömu stöðu, yfir.

Burnley Burnley Burnley

Á 60.mín súmmaði Beattie leik Stoke fullkomlega upp þegar hann vann boltann á miðjunni og ákvað bara að skjóta þaðan, en hey, þeir komust allavega yfir miðju. Á 65. mínútu fékk Shawcross síðan leið á þessu og ákvað að taka aðeins þátt í sóknarleiknum. Þessir einu sóknartilburðir miðvarðarins voru ekki langt frá því að enda í netinu en hann skallaði góða fyrirgjöf frá Dirk Kuyt að marki en Sörensen varði vel (Shawcross er ennþá í Stoke).

Áfram hélt sókn Liverpool og á 78.mínútu voru Mascherano og Gerrard aðeins að leika sér fyrir utan, eftir nokkrar sendingar fengu þeir leið á þessu, Gerrard tók á rás í átt að endalínu þar sem hann tók snilldarvel við fínni sendingu frá Mascherano, þessi móttaka fyrirliðans gaf honum auðan sjó í teignum sem hann nýtti til að koma góðum bolta fyrir, beint á kollinn á Dirk Kuyt sem skallaði í netið.

Burnley Burnley Burnley

Áfram hélt sókn okkar manna, Gerrard, Torres og Kuyt komu útaf fyrir Riera, Voronin og N´Gog sem kláraði leikinn með sínu fyrsta marki í ár. Glen Johnson tók enn einn sprettinn upp hægri kanntinn í kvöld, tók nokkur góð skæri (hann ætti að fara vinna í Vouge) og kom að lokum með góða fyrirgjöf/skot sem Sörensen náði að slá í, af honum barst boltinn til frakkans unga sem skallaði í slánna og inn af línu. 4-0 sigur staðreynd.

Frammistaða leikmanna:

Reina – hafði ekki mikið að gera en þegar á hann reyndi var hann með allt á hreinu og átti eina snilldar vörslu. Topp markvörður sem enn einu sinni hélt hreinu.

Insua – flottur leikur hjá honum, tók mikinn þátt í sóknarleiknum og sýndi enn einu sinni að hérna eigum við svakalegt efni.

Carra – Var Carra inná? Sá hann ekki mikið og það er oftar en ekki merki um góðan leik hjá miðverði.

Ayala - erfitt að dæma hann út frá þessum leik, en við héldum allavega hreinu og maður var aldrei smeykur við Stoke þó hann væri þarna í miðverðinum. Hressandi að sjá kjúkling fá traustið og standa sig. Þó að Grikkinn Guðmávitahvðaopolus sé víst á leið í læknisskoðin skv. LFC TV

Glen Johnson - gjörsamlega frábær í leiknum, gerði lítið úr Higginbotham hvað eftir annað. Þvílík snilld að hafa loksins bakvörð sem getur sótt eins og engin sé morgundagurinn. Klárlega næstbesti leikmaður kvöldsins og lofar hrikalega góðu.

Mascherano – oft hefur hann nú talist hálf óþarfur gegn liðum eins og Stoke en það var aldeilis ekki raunin í kvöld, var grimmur út um allt og meira að segja nokkuð liðtækur frammávið lika.

Lucas – hvað segiði eigum við að ræða Lucas eitthvað núna? Ég veit ekki einu sinni hver var á miðjunni hjá Stoke í kvöld.

G&T – voru báðir líkir sjálfum sér í kvöld, sem þýðir að þeir hafi verið með bestu mönnum vallarnis, kom engum á óvart að það hafi verið þeir sem brutu ísinn.

Kuyt – var fínn í kvöld, tókst ekki allt sem hann var að reyna en þegar upp er staðið átti hann mark og nokkur hættuleg færi. Linkaði líka stórvel við Johnson.

Benayoon - fékk mann til að blóta þeim 75.mínútum sem hann spilaði ekki gegn Spurs, minn þriðji besti leikmaður í kvöld.

Robert Blake - klárlega besti leikmaðurinn í kvöld… og ég sá ekki mínútu af hans leik. Eins er á að fýla Jansen sem varði víti

Frá Stoke get ég eiginlega bara hrósað stuðningsmönnum þeirra, bestu stuðningsmenn gesta sem ég hef heyrt í á Anfield lengi.

Framhaldið:
Það er ekki hægt að miða við Stoke, en að einhverju leiti má segja að Liverpool eru mættir til leiks í ár. Ég hef mikla trú á að liðið eins og það spilaði í kvöld geti breytt jafnteflum ársins í fyrra í sigur, bakverðirnir okkar eru mörgum ljósárum betri í sóknarleik í ár heldur en í fyrra.

Þakkir
Sjálfur þakka ég mínum mönnum fyrir stórkoslegan leik í afmælisgjöf…. og ekki síður snillingunum í Burnley Burnley Burnley, vantaði bara þetta til að toppa kvöldið

…og að lokum BBC fyrir myndirnar sem í þessari færslu eru

Já og ef ég heyrði rétt á LFC TV þá er Rafa ekki að fara neitt.

Það vantar ekki að gróa á leiti sé í stuði… einhverjir miðlar tala um að Benitez hafi hætt fyrir þennan leik (eða sé af því, nenni ekk að lesa þetta). En nóg af drykkjulátum Gróu.

Liðið er komið og það sem helst vekur athygli er að það er 18 ára barn í miðverðinum að fara takast á við lurkana í Stoke og Benayoon kemur afar lítið óvænt inn í liðið á kostnað Babel. Riera er svo kominn á bekkinn ásamt N´gog.

Bekkur: Cavalieri, Dossena, Voronin, Riera, Ngog, Babel, Kelly

Skítt með hvaða börn við stillum upp á móti Stoke og hvað er að gerast innan herbúða okkar manna, sigur á Stoke og ekkert annað.

Smá bið mun verða á niðurtalningunni hjá Magga, hún mun þó detta inn um helgina eða fljótlega eftir helgi.

Í fréttum er það helst að Stevie G er sagður mjög tæpur á að ná leiknum á sunnudaginn. Skrtel og Carragher eru þó sagðir verða klárir í slaginn, það er allavega alveg ljóst með Skrtel.

Það bendir einnig fátt til þess að það séu að koma fleiri leikmenn til liðsins. Maður heldur þó ennþá í vonina og ég er ennþá á því að við séum einum sóknarþenkjandi leikmanni (þá er ég að tala um klassa leikmann) frá því að vera algjörlega sáttir við hópinn. Ég myndi hreinlega næla í Sol Campbell á 1 árs samning til að covera sem 4 miðvörður, en ég tel reyndar litlar líkur á því að hann myndi sætta sig við slíkt.

Í fyrra vorum við með sér deild í hinum asnalega fantasy premier league leik

Ótrúlegt en satt þá virðast einhverjir hafa áhuga á að fá slíka deild upp aftur og því hef ég riggað upp sér deild sem heitir kop.is og til að skrá sig til leiks í hana þarftu að setja inn kóða sem er:  986260-240591

Hér má svo sjá afhverju þetta er asnalegur leikur

ATH: ef þið kunnið ekki á þetta en viljið engu að síður vera með þá er bara um að gera að spyrja í commentum. Nördar eins og SSteinn koma til með að svara ykkur um hæl :)

Það er ekkert sem boðar komu enska boltans meira en einmitt þessi leikur

Alberto Aquilani er bara læknisskoðun frá að verða nýjasti liðsmaður Liverpool!

Ljóst að þetta hefur verið klárt nú um sinn, vísa að öðru leyti í fyrri pistil minn um drenginn.

Uppfært (KAR): Hér að neðan er flott myndband með ýmis konar tilþrifum Aquilani í rauðu Roma-treyjunni sem sýna ágætlega hvaða kosti hann hefur að geyma. Ég hef séð hann af og til í Meistaradeildinni og mín tilfinning fyrir honum hefur verið meira sem Lampard-týpu af miðjumanni – þ.e. sókndjarfur miðjumaður með góðar sendingar og tvo góða skotfætur – heldur en Alonso-týpu. Hvort það þýðir að Rafa ætli að vera sókndjarfari í ár (með bara Mascherano sem varnartengilið fyrir aftan Aquilani og Gerrard) eða að hann ætli sér að nota Lucas og Spearing oftar með Mascherano verður að koma í ljós.

Allavega, myndbandið er flott:

Tekið héðan.

Opinbera síðan hefur staðfest að búið sé að taka boði frá Real Madríd í Xabi Alonso og hann eigi bara læknisskoðunina eftir, sem ætti að vera létt formsatriði.

Þar með er nokkuð ljóst að lengsta og leiðinlegasta sápuópera sumarsins er loks að ljúka og það alls ekki með þeim enda sem flestir Poolarar óskuðu sér. Xabi hefur verið frábær í búningi Liverpool og það verður ansi erfitt að fylla það skarð sem hann skilur eftir sig, sérstaklega svo stuttu fyrir mót.

Þó verður að teljast afar líklegt að mjög fljótlega, þessvegna í þessari viku, fáum við að sjá einhvern/einhverja nýja leikmenn mætta á Anfield brosandi við hliðina á Benitez. Ég neita að trúa því að sala á Alonso hefi verið leyfð áður en almennilegt cover hafi verið klárt. Hvort sem það verður Aquilani, Defour, Poulsen eða einhver annar kemur í ljós en það verður líklega ansi fljótt.

Hvað Alonso varðar þá gerum við honum eflaust betur skil seinna, ég er alveg grautfúll yfir þessari sölu, frábær leikmaður sem verður nýjum eigendum afar mikilvægur. Sjálfur get ég þó  eiginlega ekki óskað honum velfarnaðar á nýjum vettvangi. Ekki að ég sé á móti Alonso, Real Madríd er bara eitthvað sem ég get ekki óskað velfarnaðar. Skil þá samt mjög vel að vilja sanka að sér poolurum eftir kennsluna sem þeir fengu í fyrra. Heimta samt að nú verði sagt staðar numið, Arbeloa og Alonso er meira en nóg handa þeim.

Þeir leikmenn sem ég í fljótu bragði man eftir að Liverpool hafi misst án þess að klúbburinn né stuðningsmennirninr hafi viljað það hafa allir endað í Real, Macca í den, svo litli ***’hællinn hann Owen og nú Xabi.

Þrátt fyrir þetta mun maður nú minnast Xabi Alonso með hlýjum hug.