Ekkert nýtt í “silly season” í dag held ég, áfram umræða um brottfarir sem ég held við séum ekkert að eyða meira púðri í.

Stóra fréttin er frá Kanada, þar sem að George Gillett er að ganga frá sölu á Montreal Canadiens, sem er íshokkílið sem verið hefur í eigu fjölskyldu hans þar.

Skv. meðfylgjandi frétt er hann að fá 332.9 milljónir punda fyrir liðið og á því að eiga vel fyrir láninu góða í Englandi. Hicks karlinn er líka að reyna að losa um sínar eignir í Ameríkunni til að standa undir skuldinni sinni svo að vonandi hættir nú breska pressan að ræða (röfla) um skort á fjármagni og yfirvofandi brunaútsölur á leikmönnum.

Gillett vonandi bara klárar þessa sölu fljótt og gengur þannig frá hlutum að við getum hætt að hafa áhyggjur af fjárhagslegri nútíð!

Hann Fernando Torres er nú ekkert mikið í því að minnka aðdáun manns á sér. Hann gerir allt rétt og segir alla réttu hlutina, ég held að hann sé á góðri leið með að gera sjálfan sig að algjörum legend hjá klúbbnum ef fram heldur sem horfir. Sjáið þessi quote í kappann:

“I’m very happy with my contract at Liverpool and wouldn’t leave just to earn a little more somewhere else where I wouldn’t be that happy. To want any more would be greedy and that is not me. As long as Liverpool want me, I will stay.”

Og í sömu grein fjallar hann um það hversu vel Javier Mascherano líkar lífið hjá Liverpool:

“Javier loves it at Liverpool, that is all I can tell you. In the summer people like to make a lot of noises about world-class players – and Javier is a world-class player. He has said himself that he is very happy at Anfield and there is no reason for him to want to leave.”

Og ef einhver var í vafa á sínum tíma með það hvaða félög komu til greina hjá honum þegar hann yfirgaf uppeldisfélag sitt, þá er sá vafi horfinn með þessum orðum:

“It was hard for me to leave Atletico, it was where I grew up and I have lost count how many times I have said I would only have left them for Liverpool. I’m very excited about what the boss is doing here at Liverpool. We came close last season and, with the experience we now have, I believe we can be champions next season. As long as Liverpool want me, I will stay.”

Í öðrum fréttum, þá ættum við að vera endanlega laus við einhvern fífla orðróm um að Pepe Reina sé á útleið, Valdes er sem sagt við það að skrifa undir hjá Barca.

Það er einnig fjallað um það að Chelsea hafi jafnað tilboð Liverpool FC í Glen Johnson og er það haft beint upp eftir Peter Storrie. Þá er bara að vona að drengurinn sé skynsamur og velji góða og fallega félagið okkar.

Viðurkenni að ég er hundfúll eftir lestur dagsins á netsíðunum og vona innilega að eitthvað jákvætt fari að berast, STAÐFEST!

Fyrstan skal nefna Alvaro Arbeloa sem er að því er virðist að biðja um tilboð frá Real Madrid! Þessi ummæli hans eru ömurleg að mínu mati og til þess eins fallinn að hann lækkar verulega í mínu áliti. Leikmaður sem er farinn að tala um hversu frábært væri að spila fyrir annað lið er ekki með hugann á réttum stað.

Svo eru til þeir sem vilja bara svara loðið og á þann vagn virðist Xabi Alonso hafa stokkið í dag. Xabi minn, setningin þín átti að vera, “ég er mjög sáttur að vera hjá Liverpool og vill alls ekki fara”. Í staðinn er svarað loðið og öllu haldið opnu.

Þá eru til einstaklingar sem eru með umboðsmenn, stundum til að vinna vinnu sem leikmennirnir sjálfir mega ekki vinna. Það virðist litli argentínski miðjumaðurinn okkar, Javier Mascherano hafa gert þegar hann sendi sinn umba að skoða Römbluna í Barcelona og spjalla smá í leiðinni. Frábært hjá honum.

Svo til að toppa daginn stekkur gamli eigandinn fram, í kjölfar frétta um að breskir þingmenn ætli að knýja Kanana til að selja liðið með að neita framlengingu lánsins í júlí. Hvað stekkur hann með fram, jú, hann er hættur í stjórn liðsins! Hann ætlaði jú að verða eilífðar “guardian of the club”.

Svona fréttir eru ekki það sem mann langar að lesa eftir besta árangur liðsins í nær 20 ár. Eftir svona dag þakkar maður bara sínum sæla að stjórinn er enn til í að vinna á Anfield, þrátt fyrir allt og allt!

Arbeloa, Alonso og Mascherano hafa nú fengið fínan stuðning frá þessu liði og mér finnst með algerum ólíkindum ef þetta er þeirra karakter. Ekki mikil virðing fyrir klúbbnum og aðdáendum hans!

EKKI SÁTTUR!!!

Jæja, þá er Alex Ferguson búinn að raða niður leikjunum í ensku deildinni fyrir næsta tímabil.

Við [byrjum á því að fara](http://www.liverpoolfc.tv/news/drilldown/N164761090617-0958.htm) á White Hart Lane og spila við Tottenham, en þar töpuðum við öðrum af tveimur leikjum okkar í deildinni á síðasta tímabili. Þannig að byrjunin er ekki auðveld. Næstu leikir eru svo gegn Stoke á Anfield (sem við gerðum jafntefli við á síðasta tímabili). Þannig að við fáum fljótt tækifæri til að gera betur í þeim leikjum sem við klúðruðum á síðasta tímabili.

Varðandi hin stóru liðini, þá mætum við Chelsea á útivelli 3.október og Manchester United á Anfield 24.október. Arsenal kemur svo á Anfield 12.desember. Við förum svo á Goodison Park 28.nóvember.

Það styttist í að menn geti farið að skipuleggja næsta ár betur og jafnvel farið að herða sig í bænum sínum um að pundið fari nú að lækka eitthvað, leikjalisti næsta árs er væntanlegur….

Ég datt inn á ansi áhugaverða grein á BBC þar sem blaðamaðurinn kafar aðeins ofan í það hvernig þessi umdeildi listi sem við bölvum stundum er í raun og veru smíðaður, ansi áhugvert þó ekki sé greint beint frá fundunum sem Sörinn á með þessum mönnum. Það sem ég hafði ekki spáð í hvað þetta varðar var hvað minni liðin á Englandi geta haft mikil áhrif á þennan leikjalista.

Efa ekki að einhver hér hafi líka gaman af því að fræðast meira um þetta enda er EKKERT að frétta  af neinu Liverpooltengdu á leikmannamarkaðnum sem mark er takandi á……. fyrir utan auðvitað að Diego Maradonna ætlar að draga fram skóna að nýju og ganga til liðs við Liverpool til að spila með Mascherano.

Silly season er alltaf jafn skemmtilegt og svei mér þá ef þetta er ekki bara svolítið fjölbreyttara í ár og fleiri orðaðir frá okkur en vanalega. Áður var það bara Gerrard, núna er það rest af liðinu liggur við……..

Bara svona af þeim sem ég mundi í fljótu bragði þá googlaði ég á afar skömmum tíma eina frétt sem komið hefur út síðan tímabilinu lauk um leikmann Liverpool sem á að vera á leið eitthvert annað:

Mascherano til Barca - Orðrómur sem var bara nokkuð sterkur þó fáir trúi að Rafa myndi nokkurntíma leyfa honum að fara, sama hvað boðið væri.

Lucas orðaður frá okkur – Í byrjun var Lucas þó nokkuð orðaður frá okkur þó pressan sé núna aðallega að einbeita sér af byrjunarliðs miðjumönnunum okkar núna.

Babel má fara- Babel mátti víst fara og var orðaður við slatt af liðum einn daginn

Alonso til Real- Frétt sem hefur verið hvað leiðinlegust það sem af er þar sem Real er að kaupa leikmenn að vild og þyrftu hræðilega mikið á Alonso að halda. Mitt mat er að við gætum bara alveg sleppt þessu ef við ætlum að selja Alonso eftir það ár sem hann átti. Enda hefur mikið verið reynt að benda á að við viljum ekki selja hann og hann er með langan samning.

Arbeloa til Real- meira að segja Arby hefur verið orðaður frá okkur

Agger til Juve- Áður en hann samdi var daninn aðal fréttaefnið og pottþétt að fara

Dossena aftur til Ítalíu- Dossena gæti reyndar farið á endanum þó slúðrið í kringum hann sé líklega svona 90% uppspuni

Benayoun til Barca- why?

N´gog á láni - Svosem ekki óhugsandi þó ég sjái þetta alls ekki fyrir mér

Torres til United- Besta frétt ársins, Torres til United fyrir skiptimynt….EINMITT. Hver er að borga þessum mönnum laun (sem semja þessar fréttir). Ef Gillett og Hicks eru leiðir á lífinu geta þeir svosem hugleitt þetta…..

Það er kannski fljótara að skoða hverjir hafa ekki verið orðaðir sterklega frá okkur það sem af er silly season….

Carragher – himin og jörð færu áður en Carra

Gerrard - hreint magnað að enginn hafi samið frétt um brottför Gerrard þetta árið…..þetta hefur selt blöð áður og það hlítur einhver að skrifa um brottför hans bráðlega.

Riera – það er reyndar örugglega til frétt sem orðar hann frá okkur

Aurelio, Insua – Þeir hafa ekki verið orðaðir frá okkursvo ég viti

Kuyt - flestir átta sig líklega á að Rafa myndi ekki selja hann og lið sem eru á sama stalli og Liverpool eru nú líklega ekkert of æst í Kát, og hann var að semja.

Skrtel – Ekki séð neitt um að hann sé að fara

Reina – já nei, glætan, slúðurpressan er ekki einu sinni svo vitlaus……………then again þá er Torres orðaður við United ;)

Þetta er bara svona það sem manni dettur í hug án þess að leggja mikinn tíma í rannsóknarvinnu, ég vona bara að við verðum allavega með 11 manns til að hafa í lið í upphafi næsta árs. En mikið ofboðslega eru nú líklega margir að vinna á slúðurblöðum úti sem ættu bara að taka sér frí á sumrin.

Í ljósi síðustu daga er þetta spurning sem ég hef spurt mig reglulega á meðan maður les fréttir af stöðugt fleiri nöfnum sem virðast ætla að streyma til Madridborgar, nú nýjast franski vængsnillingurinn Ribery sem er nú kominn í viðræður við liðið sem er að tryggja sér Kaká, Rögnvalds og Villa.

Það er ljóst að Real Madrid ætlar sér heimsyfirráð eða dauða. Það er ógnvænlegt til þess að hugsa ef að á miðjunni næsta ár verða Ribery og Ronaldo á köntunum með Kaka fyrir aftan senteraparið Raul og Villa! Enn segist Perez eiga eftir að styrkja varnarliðið.

En Real sitja ekki einir að kjötkötlunum held ég þetta árið. Ekki er langt síðan fréttir bárust af fyrirætlunum mótormunnsins Mourinho um hans hugmyndir um yfirráð Internazionale í Evrópu.

Svo skulum við rifja upp að töluvert besta lið Evrópu í fyrra var Barcelona. Þeir þurfa ekki að styrkja sitt frábæra lið mikið, helst vantar þeim uppá varnarmiðjumann og hafsent. Við höfum heyrt af Mascherano en þeir eru líka að daðra við Nemanja Vidic og fleiri nöfn.

Svo bætum við inní þeirri staðreynd að AC Milan hafa nú bætt við 56 milljónum punda í kassann, og að “Gamla konan” Juventus er að ná fyrri styrk í baklandinu sínu og ætla sér að bæta töluvert í liðið í sumar, hafa þegar fengið Cannavaro heim og keypt Diego, en eru langt í frá hættir!

Þessi fimm stórlið suður Evrópu búa öll við það að eiga sterkt bakland sem hefur lengi verið í bransanum, Real ber ægishjálm yfir önnur lið varðandi fjárhagslega styrktaraðila, Barcelona er í raun landsliðs héraðsins síns með tugmilljónir stuðningsmanna um allan heim, Juventus styrkt af Fiat fjölskyldunni, Berlusconi hjá AC og Moratti hjá Internazionale eiga nógan auð, þó sumir vilji nú meina að mafían ítalska komi þar að.

Nú er komið svo að öll stóru ensku liðin búa við það að þessi lið eru að kjá í lykilstjörnur þeirra. United hafa orðið fyrstir fyrir barðinu, en það er alveg ljóst að hin stóru liðin munu á næstu vikum fá stór tilboð í sína leikmenn. Við heyrum daglega fréttir af okkar stjörnum, nú nýjast að konan hans Masch vilji flytja frá Englandi. Þess vegna varð ég glaður að sjá að Liverpool FC brást við endalausum kjaftasögum með opinberri tilkynningu um að enginn væri að fara sem liðið vildi ekki að færi.

En einhvern veginn læðist að manni sá grunur að staðan á fjármálamörkuðum Bretlands sé stöðugt að versna, Bandaríkin eiga í mikilli efnahagskrísu og þetta tvennt vinnur gegn öllu fjármálalífi þar á bæ. Bankarnir eru viðkvæmir og geta litla sveigju gefið, stórir styrktaraðilar eru að fara á hausinn og leggja minna til liðanna, fleiri Bretar eiga erfitt með að greiða aðgöngumiða á vellina en áður og það sem er sennilega erfiðast fyrir þá er að pundið er mjög veikt gagnvart evru. Á föstudaginn bjargaðist Setanta sjónvarpsstöðin naumlega þegar rússneskur milljónamæringur keypti hana. Fall hennar hefði haft veruleg áhrif á innkomu liðanna á Bretlandi, talað var um að skoska úrvalsdeildinni myndi missa 3 – 5 lið og minni liðin í ensku Úrvalsdeildinni hefðu orðið að skera verulega niður launakostnað!

Svo er verið að samþykkja ný skattalög sem eykur skattprósentu allra stóru nafnanna upp í 50% og breytir innkomu þeirra verulega , Arshavin karlinn fór strax fram á launahækkun!

Þetta þýðir það að bresku liðin græða mikið á því að selja leikmenn út úr landinu því fleiri pund fást fyrir evruna, miklu fleiri, en áður. Leikmennirnir sjálfir fá meira í vasann fyrir sömu grunnupphæð á meginlandi Evrópu en í Bretlandi og baklönd þessara suður-Evrópurisa eru traustari en þeirra bresku.

Allt þetta held ég að hafi nokkuð að segja og að við séum að sigla inní nýja gósentíð suður Evrópu í boltanum. Miklu fleiri stór nöfn munu halda til Spánar og Ítalíu á næstu vikum og mánuðum, ég held að það sé þróun sem við munum sjá vaxa á næstu árum.

Því þó að enska knattspyrnan hafi verið langt á undan nú um sinn skulum við ekki gleyma því að það er ekki langt síðan hún stóð í skugga þeirrar spænsku og ítölsku. Hún vann sig upp með gríðarlegri tekjuaukningu en nú þegar peningarnir leita út úr Englandi sýnist manni stjörnurnar ætla að elta auðinn!

Þess vegna held ég að gríðarlegu máli hafi skipt fyrir okkur að hafa safnað undanfarin ár ungum klassamönnum sem við þurfum að ala upp. Við getum ekki keppt við þessa risa á leikmannamarkaðinum.

Það er algerlega ljóst!!!