Það er ennþá möguleiki á titlinum, ég mun aldrei viðurkenna ósigur fyrr en það er tölfræðilega útilokað fyrir okkar menn. Við förum í leikinn á morgun gegn Hull með það að markmiði að halda áfram að skora mörk og setja pressu á Man.Utd. Að sjálfsögðu er ekkert gefið í þessu og Hull eru þessa dagana að berjast fyrir lífi sínu í deildinni og munu því pottþétt gefa allt sem þeir eiga í leikinn. Þeir hafa allt að vinna gegn okkar mönnum, því fyrirfram eru þeir ekki taldir eiga mikla möguleika í leiknum. En það telur bara akkúrat EKKERT þegar á hólminn er komið.

Ég ætla hreinlega ekkert að fjalla um lið Hull að öðru leiti en því að þeir eru afar brothættir varnarlega. Það má í rauninni það sama segja um okkar menn að undanförnu, en við höfum reyndar verið að fá þessi mörk á okkur gegn liðum eins og Chelsea og Arsenal. Ég sé í rauninni ekkert í stöðunni sem segir mér að við ættum ekki að geta sett nokkur kvikindi gegn Hull á morgun. Ég meina við erum búnir að skora 4 mörk gegn Real Madrid nýverið, 4 gegn Man.Utd, 4 á útivelli gegn Chelsea, 5 gegn Aston Villa og 4 gegn Arsenal. Það er ekki eins og um sé að ræða einhver slor lið. Það eru mörg ár síðan maður hefur verið með þessa free scoring tilfinningu, ég hef í rauninni á tilfinningunni að við getum skorað að vild þessa dagana. Nú er bara að halda því áfram, ekkert að hugsa of mikið um lekann í vörninni okkar heldur bara að skora nógu mikið af mörkum.

Þá að liðinu. Stevie G ekki með um helgina frekar en undanfarið en annars er enginn annar leikmaður á meiðslalistanum. Það er ekki þar með sagt að það sé einfalt að giska á byrjunarliðið, síður en svo. Arbeloa og Aurelio voru ekki beint sannfærandi í síðasta leik og eins er vinstri kanturinn alltaf spurningamerki þar sem Riera virðist vera ansi hreint mikið jó jó. Það væri svo sem í lagi ef Rafa myndi grípa fyrr inn í þegar hann sér að leikmaður er bara hreinlega ekki í gírnum. Ég ætla að spá því að Arbeloa, Carra og Agger haldi sætum sínum í liðinu, en að Insúa komi inn í vinstri bakvörðinn. Þeir Javier og Xabi stjórna áfram á miðjunni og svo verði það Babel, Benayoun og Kuyt sem styðji við bakið á Torres sem verður að sjálfsögðu frammi. Svona ætla ég því að spá liðinu:

Bekkurinn: Cavalieri, Skrtel, Riera, Aurelio, Lucas, El Zhar og Ngog

Nú þýðir ekkert droll, bara keyra á þetta Hull lið frá fyrstu mínútu og klára leikinn strax. Skorum við snemma, þá á ég von á stórum sigri. Við höldum ennþá í vonina og því mikilvægt að hafa markahlutfallið sem allra allra best ef þetta skyldi go to the wire. Ég ætla að spá því að við höldum áfram free flowing spilamennskunni okkar og að við skorum 5 mörk í 1-5 sigri. Eigum við ekki að segja að Torres setji 2 mörk, Kuyt 1, Benayoun 1 og Babel kemur sér svo á blað í restina. Allir sáttir?

Á morgun kemur Arsenal í heimsókn en þeir eru í hörkukeppni um 3-4.sætið í deildinni við Chelsea, Aston Villa og Everton. Þeir eru í feiknaformi sem stendur og slógu Villarreal örugglega út úr Meistaradeildinni en töpuðu á síðustu stundu gegn Chelsea í undanúrslitum enska bikarsins 1-2. Þeir hafa verið að fá marga leikmenn tilbaka eftir langvarandi meiðsli og gætu verið það lið sem hefur mest áhrif á ensku deildina því þeir eiga eftir að mæta Manchester United og Chelsea í deildinni (reyndar Manchester United einnig í undanúrslitum Meistaradeildarinnar). En nóg um andstæðingana og snúum okkur af því sem skiptir máli: LIVERPOOL.

Það er ljóst að Steven Gerrard er áfram frá vegna meiðsla en það hafði ekki áhrif gegn Blackburn! Ég á ekki von á mikilli breytingu á liðinu frá því gegn Chelsea í meistaradeildinni en þó aðeins:

Bekkur: Cavalieri, Insúa, Hyypia, Agger, Lucas, Babel, Ngog.

Ég set Riera aftur inní liðið á kostnað Lucas og Yossi fer í holuna fyrir aftan Torres (getur einnig verið Kuyt). Hugsanlega gæti Rafa sett Agger inn fyrir Skrtel en spurningin er hvort hann vilji breyta eitthvað til í vörninni. Ef hann setur Agger inn þá má vel vera að Insúa fái tækifæri á kostnað Aurelio en svona gæti ég haldið áfram og áfram…

Þetta er gott lið og á góðum degi klárlega lið sem getur unnið Arsenal á heimavelli. Við erum í feiknarformi sóknarlega og höfum skorað undanfarið 8 mörk í 2 leikjum. Það sem verra er að við höfum fengið á okkur 7 í síðustu 3 leikjum.

Lykill í þessum leik er að loka á Fabregas, Adebayor og Van Persie sem hafa verið funheitir í undanförnum leikjum og ég treysti Macherano og co. fullkomlega til að halda þeim í skefljum og innbyrða góðan sigur. Staðan er einfaldlega þannig að við verðum að vinna rest og þessi leikur er lykilleikur uppá framhaldið. Ef við töpum eða gerum jafntefli þá fullyrði ég að möguleikar okkar á enska titlinum eru búnir. Vinnum við hins vegar (eins og ég geri ráð fyrir) þá setjum við áfram pressu á Manchester United sem er ennþá á fullu í Meistaradeildinni en var að falla úr keppni í enska bikarnum eftir framlengdan leik gegn Everton (ótrúlega leiðinlegum leik).

Liðið datt út úr Meistaradeildinni með mikilli reisn og börðust fram á síðustu mínútu, það var mikilvægt uppá framhaldið. Liðið er í góðum gír og ég er sammála Mascherano í viðtali við hann á official síðunni: READY FOR TITLE FIGHT.

Spá: 4-2 í fjörugum leik þar sem Arsenal nær tvisvar að jafna í fyrri hálfleik en á endanum er það Skrtel sem skorar 4 markið undir lok leiksins og tryggir góðan sigur.

… við vitum öll hver staðan er. Meistaradeild, 8-liða úrslit, seinni leikur, staðan 3-1 fyrir heimaliði Chelsea. Í boði er tækifærið til að stöðva Barcelona í undanúrslitum, auk montréttinda gegn erkifjendum þetta árið.

Okkar menn þurfa kraftaverk. Okkar menn þurfa að stöðva markamaskínu Chelsea sem hefur dottið í gírinn og skorað sjö mörk í síðustu tveimur leikjum, þar af þrjú á Anfield fyrir fimm dögum. Okkar menn þurfa að ná að yfirstíga andleg ör sem fylgja jafn algjörum ósigri og þeir upplifðu gegn þessu sama liði. Okkar menn þurfa að bjarga heiðrinum, rétta sinn hlut, og ef mögulega mögulegt er að minna fólk á hvað er mesta Mission:Impossible-lið Evrópu síðustu árin.

Sem sagt, kraftaverk.

Lykillinn að mögulegum sigri á morgun felst í tvennu – því hvaða hugarfar Chelsea-menn mæta með til leiks og það hvað Rafa Benítez gerir til að bregðast við taktíska ósigrinum í síðustu viku. Það er hætt við að Chelsea-menn stilli upp sama liði og freisti þess að loka aftur á Gerrard, láta Ivanovic og Cole éta Riera og Kuyt og einangra Torres, sem ætti að nægja þeim til að fá ekki á sig þrjú mörk.

Fyrir vikið er ég alveg sannfærður um að Rafa mun söðla um á morgun, ekki bara hvað varðar byrjunarliðið heldur einnig hvað varðar taktík. Ég held hann muni reyna að koma Chelsea á óvart á morgun og spái því þess vegna að hann stilli upp eftirtöldu liði:

Bekkur: Cavalieri, Hyypiä, Aurelio, Lucas, Benayoun, Babel, Riera.

Ég er að sjálfsögðu bara að giska út í loftið (pissa upp í vindinn?) hérna en ég held að Rafa muni reyna að koma varnarskipulagi Chelsea í opna skjöldu. Þeir munu búast við 4-2-3-1 kerfinu með Gerrard í holunni og Torres fremstan en gætu þess í stað lent í því að þurfa að aðlaga sig að breyttri taktík. Með þrjá miðverði aftast er hægt að skilja Skrtel eftir aftastan á meðan Carra og sérstaklega Agger sækja fram með boltann og ógna, enda komu báðir við sögu í mörkum Liverpool í seinni hálfleik gegn Blackburn um helgina. Á miðjunni myndi Mascherano sitja eftir og freista þess að stjórna leiknum á meðan Alonso er framar að dreifa spilinu. Dossena og Arbeloa myndu bomba nokkuð frjálsir upp kantana á meðan Gerrard gæti stutt bæði Kuyt og Torres. Sá hollenski myndi fara með vinnsluna sína upp í miðja framlínuna og reyna að koma Alex og Ricardo Carvalho þar í opna skjöldu, þar sem þeir eiga væntanlega von á að þurfa að glíma við Torres einan. Gerrard gæti þá einnig nýtt frjálsu rulluna sína til að drifta aðeins út á kantana, láta Essien elta sig úr miðjustöðunni.

Hann klikkaði á að gera það í síðustu viku og ég er sannfærður um að hann fær fyrirskipun um að draga Essien eins mikið og hægt er út úr stöðu, hver svo sem liðsuppstilling okkar verður.

Mín spá: Þegar Torres gaf okkur forystu í einvíginu eftir nokkrar mínútur á Anfield hugsaði ég með mér að það gæti reynst vera fölsk dögun fyrir okkar menn og það varð úr. Rétt eins og fyrir fimm árum, þegar Luis García kom okkur yfir í upphafi leiks, tók stressið um að fá á sig útivallarmark yfir og okkar menn duttu niður í það að vernda forystuna, svo að úr varð 75 mínútna stórsókn Chelsea-liðsins. Það var því á endanum okkur í óhag að skora snemma í síðustu viku.

Að sama skapi þá er það stórhættulegt fyrir Chelsea-liðið á morgun að vera að mæta liði sem hefur engu að tapa. Staðan er einföld – þrjú mörk eru lágmarkið. Okkar menn hafa ekki neina aðra valkosti, þeir verða að tefla djarft, sækja stíft frá fyrstu mínútu og skora a.m.k. þrjú mörk. Það er erfið staða að vera í en hún er einnig mjög frelsandi.

Ef þetta á að takast á morgun þurfa okkar menn að skora snemma og ná fyrir vikið að gera heimamenn allsvaðalega stressaða. Ég held að Chelsea-liðið muni sitja aðeins aftur, reyna að loka á okkar menn og drepa leikinn niður. Hægja á öllu saman. Ég spái því að það takist ekki heldur muni okkar menn láta þá svitna verulega, en að það muni því miður ekki nægja til. Við vinnum 0-2 útisigur á morgun og dettum úr leik á grátlegu þriðja marki Chelsea (helvítis Drogba) í fyrri leiknum.

Það er þó eitt alveg ljóst: þessu er hvergi nærri lokið. Ég segi, ef okkar menn eiga að detta út þá skulu þeir gera það með sigri annað kvöld. Og hver veit, kannski er hið ómögulega hægt?

YNWA!

Það er sá tími ársins.

Liverpool og Chelsea að etja kappi í Meistaradeildinni. En krakkar mínir, það er nýjung í spilunum! Við erum núna að spila í 8 liða úrslitum!!!!

Geisp.

Eða hvað? Ég var alveg svakalega hundsvekktur þegar drátturinn komst á hreint en í dag er ég ekkert að svekkja mig á því lengur, því ég er farinn að hlakka svo mikið til að sjá liðið mitt spila. Enda geislar það af leikgleði og sjálfstrausti frá aftasta manni til þess fremsta og ég er handviss um að Anfield mun skjálfa og titra meðan barið verður á bláliðum. Enda er það nú okkar að hefna, mér líkar ekki sú hugsun að Chelsea slái okkur út úr keppninni tvö ár í röð!

Þá byrjunarliðið. Mín spá er þessi:

Semsagt, Agger inn fyrir Skrtel. Munum auðvitað að Mascherano er í leikbanni og ég held að Lucas verði valinn. Einfaldlega sökum mikilvægis Gerrard undir Torres. Auðvitað gætum við séð Gerrard á miðjunni og Benayoun undir senter. Ég veit ekki út af hverju ég set Agger inn fyrir Skrtel en ætla að reyna að standa við það!

Ég er alveg sannfærður um að okkar menn leiki þennan leik af fullum krafti. Enn einu sinni hefur Benitez náð að skila liðinu í góðu líkamlegu ástandi að vori og þar vona ég, og held, að munurinn í þessum leikjum liggi.

Ég spái því að Chelsea verði ákaflega varkárir, líkt og í deildarleiknum okkar nýverið, og ætli sér að reyna að halda hreinu þar sem að þeir voru nálægt því að halda núllinu allan þann leik. Okkar menn munu pressa hátt, reyna að vinna boltann ofarlega og skora.

Ég tel okkar lið vera sterkara þessa dagana en Chelsea og stöðugt fleiri leikmenn sem hafa náð að sýna mikilvægi sitt í liðinu. Ég spái því að við vinnum þennan leik 1-0 og vinnum svo þann seinni líka. Jamie Carragher verður langbesti leikmaður þessara viðureigna, eins og alltaf gegn Chelsea!

Í dag er svo komið að ég treysti mér ekki til að spá fyrir um skorarann en einhver engill á öxlinni segir mér, hvíslandi…..Xabi Alonso

KOMA SVO!!!

Ojæja, það er komið að næstu umferð í boltanum, ár og dagar síðan við rassskelltum Aston Villa á heimavelli 5-0. Nú verður fróðlegt að sjá hversu mikið af sjálfstraustinu sem einkenndi liðið áður en kom að þessu hléi, sé ennþá til staðar. Ég fer ekki ofan af því að þetta hlé gat ekki komið á verri tíma, liðið var í þvílíka gírnum og svo sundruðust menn út um allan heim í landsleiki. Sem betur fer var þetta ekki eitt af þessum bjánalegu vináttuleikjahléum. En það hefur talsvert gerst síðan síðasti leikur var leikinn, og þá aðallega í dag. Stevie G hripaði nafn sitt á nýjan samning, sem og gerði Dirk Kuyt. Svo var þetta allt toppað með því að þeir Stevie og Rafa voru valdir leikmaður og stjóri mánaðarins fyrir mars mánuð. Bravó fyrir þeim og vonandi að gamla jinx-ið fyrir stjóra mánaðarins taki sig ekki upp.

Lið Fulham eru ekki auðveldir heim að sækja. Þeir hafa verið alveg ferlega sterkir á heimavelli og það er nóg að líta á árangur liða eins og Arsenal, Chelsea og Man.Utd þar í deildinni á þessu tímabili. Þessi þrjú lið hafa aðeins náð í eitt stig á móti Fulham á þeirra heimavelli á þessu tímabili. Þetta verður því alls ekkert walk in the park hjá okkar mönnum. Fulham geta verið þrjóskari en andskotinn og stundum bara hreinlega neita þeir að fá á sig mörk, sem er sérlega leiðinleg árátta þegar Liverpool á í hlut gegn þeim. Þeir eru leiddir áfram af manni sem við þekkjum mjög vel, Danny nokkrum Murphy. Hann gerði okkur stóran greiða í síðustu umferð og vonandi halda hann og félagar hans áfram að gera okkur greiða núna og horfi aðeins framhjá nokkrum mörkum í netið hjá sér. Annars hef ég aldrei góða tilfinningu þegar Mark Schwarzer er í marki andstæðinganna. Hann virðist alltaf hitta á leik lífs síns á móti okkur (já, reyndar orðnir nokkrir slíkir núna). Það er mikill risi í vörninni hjá þeim sem heitir Bred og hefur átt skínandi tímabil, en sá er ekki snöggur og vona ég að Stevie og Fernando í sínum gír komi til með að hrella hann mjög.

En hvað um það, á venjulegum degi á þetta Fulham lið ekki að eiga break í okkur. En eins og sást í síðustu umferð, þá er ekkert alltaf hægt að gera bara ráð fyrir venjulegum degi. Þeir hafa sýnt það að þeir rísa upp gegn stóru liðunum og berjast til síðasta blóðdropa, en gæðin hjá okkur ættu að vera nægilega mikil til að klára þennan leik. Og ég er ekki í einum einasta vafa með það (þó svo að ég sé svolítið hræddur við þennan leik undir niðri) að við vinnum hann. Til þess að það sé hægt þá verðum við að hefja leikinn eins og við höfum gert undanfarið. Þ.e. að keyra á þá frá fyrstu mínútu, brjóta þá niður og setja mark snemma. Gerum við það þá verður þetta nokkuð létt. Fái þeir aftur á móti blóðbragð í munn og það vefjist fyrir okkar mönnum að setja mark, þá gæti voðinn verið vís.

Það virðast núna allir okkar menn vera heilir af aðalliðshópnum fyrir utan Degen, Sami og svo skilst mér að Yossi sé mjög tæpur að ná leiknum. Þetta er ekkert flókið, allir leikir sem eftir eru af tímabilinu eru ÚRSLITALEIKIR og ég vil bara fá að sjá okkar sterkasta fokkings lið í hverjum einasta helvítis leik. Ég er hlynntur því yfir tímabilið að hvíla menn til að halda þeim ferskum, en ég er það akkúrat vegna þess að ég vil geta treyst á þá í lok tímabilsins. Bara keyra á þetta, allt í botn, fulla ferð, berjumst um þennan titil allt til enda. Ég vil allavega geta sagt (hvernig sem fer) að við gerðum allt sem í okkar valdi stóð til að næla í titilinn. Þetta er ekki í okkar höndum að öðru leiti en því að við þurfum að vinna okkar leiki og treysta á að ManYoo tapi stigum. Ég er reyndar sannfærður um að þeir gera það á sunnudaginn, alveg sannfærður um það. Hversu spennandi yrði það að vera komnir í toppsætið á ný eftir helgina? Úff, what a thought, ekki svo fjarlæg, ekki bara draumsýn, gæti allt eins orðið að veruleika. En að liðinu okkar.

Pepe heldur auðvitað sínu striki í markinu, Arbeloa er búinn að vera flottur hægra megin og Rafa fer ekki að brjóta upp Carra og Skrtel á þessum tímapunkti þrátt fyrir að Agger sé nú orðinn heill heilsu. Vinstra megin væri það svo algjör glæpur að taka Aurelio út, því fyrir utan Stevie, þá er hann búinn að vera okkar jafnbesti maður undanfarið, frábær vinstri bakvörður og nú þekki ég minn mann. Dirk fagnar nýjum samningi á hægri vængnum og Riera kemur fullur sjálfstrausts á þann vinstri. Á miðjunni verða það Xabi og Javier sem stjórna umferðinni fyrir aftan Stevie og Fernando. Þetta er einfaldlega okkar sterkasta lið í dag, á því er enginn vafi í mínum huga. Liðið verður þá svona (það er bara skylda):

Bekkurinn: Cavalieri, Agger, Dossena, Lucas, Babel, El Zhar og Ngog

Strákar mínir, þetta er ekki flókið. Við viljum bara sigur. Ég talaði um það fyrir tímabilið að ég yrði nokkuð sáttur við verulega framför hjá liðinu og að það myndi allavega blanda sér á einhvern hátt í toppbaráttuna. Þetta er svo sannarlega búið að vera að þróast í þá átt og maður er hreinlega farinn að fyllast bjartsýni, og þá er ég ekki bara að tala um þetta tímabil, heldur almennt gagnvart þessu félagi okkar. Klárum þennan Fulham leik og stimplum okkur endanlega inn í baráttuna um titilinn góða. Við megum ekki gefa hann eftir baráttulaust. Ég ætla að vera bjartur og spá okkur 0-3 sigri. Ég hef sem sagt trú á því að sjálfstraustið haldi áfram að geisla af okkar mönnum og að við klárum þetta. Stevie og Dirk fagna báðir nýjum samningi með mörkum og svo verður það Riera sem setur eitt. Bring it on.