Staðreyndin er að Liverpool er búið að vera skelfilegt eftir áramótin eða allt frá því að Gerrard lenti í sínu rugli og Benitez tók Keegan á Ferguson. Hvort þessi hlutir hafi verið eitthvað turning point skal ósagt látið, sagan kemur til með að dæma það.
Hið hefðbundna Benitez syndrome virðist bara hafa blossað upp seinna á þessu tímabili en undanfarin ár. Það er skortur á sjálfstrausti, skortur á leikgleði og skortur á hugmyndaflugi í sóknarleik.
Verð að játa að ég átti ekki orð til að lýsa þeirri stemmningu sem var á vellinum á sunnudaginn. Það heyrðist ekki múkk í áhorfendum og leikmenn voru algjörlega andlausir fyrir utan síðustu 15 mín.

Ég sagði það í byrjun jan að það væru blikur á lofti að liðið væri að gefa eftir, það hefur komið á daginn. Menn voru að þrýsta á að Benitez fengi nýjan samning. Persónulega vil ég að beðið verði með allt slíkt þangað til eftir tímabilið. Tók ég sem dæmi ef að liðið myndi detta út fyrir Everton, enda í baráttu um 4 sætið og detta úr fyrir Real M. þá yrði uppskera þessa tímabils ansi rýr.
Ég sagði að Rafa ætti að fá eitt tímabil til þess að ná meistaratitlinum þegar slæmi kaflinn reið yfir í fyrra. Það tímabil er vel á veg komið og árangurinn stefnir í litla uppskeru.
Vissulega er Rafa ekki öfundsverður af eigendum Liverpool en það er sér kapítuli og allir eru sammála um að þar þarf að hreinsa til líka.

0