Jæja góðan daginn og gleðileg litlu jól. Liðið fyrir Newcastle leikinn er komið inn og eins og oft á þessum tíma árs er það þó nokkuð fróðlegt.

**Bekkur:** Subs: Cavalieri, Keane, Riera, Alonso, Ngog, El Zhar, Skrtel.

Keane er refsað fyrir góða frammistöðu undanfarið og hent á bekkinn í stað Babel sem verður mjög fróðlegt að sjá ef hann fær að byrja upp á topp. Verstu tíðindi dagsins eru samt að Xabi Alonso er ekki í byrjunarliðinu sem þýðir bara að þetta er afar stór leikur fyrir Lucas sem væntanlega kemur til með að stjórna umferðinni. Benayoun heldur áfram á kanntiinum eftir stórgóðan leik í síðusu umferð og Dirk Diggler bara hreinlega verður að vera í liðinu hjá Benitez og er því frammi eða á hægri kanntinum að vanda. Frétt dagsins er svo að Skrtel er kominn á bekkinn sem eru mjög góðar fréttir.

Þetta fer 2-3 i klassískum Newcastle – Liverpool leik

Olli kemur svo með skýrluna á eftir, hann er í ferjunni núna líklega á leið frá æskustöðvunum, ég varð næstum því sjóveikur bara á því að heyra það, maður fer ekkert á sjó svona á sunnudegi nema snemma i águst.

Hendi inn liðinu þar sem Aggi hefur aftur náð lyklunum af Carlsberg verksmiðjunni….

Á bekknum: Cavalieri, Ngog, El Zhar, Mascherano, Babel, Lucas, Darby.

Er ekki beint himinlifandi með þetta, enginn Torres eins og maður var að vona. Carra er líklega í bakverði sökum meiðsla hjá Arbeloa og Benayoun kemur inn sem gerir það að verkum að Gerrard fer líklega aftar á völlinn. Frammi eru svo líklega tveir, Kuyt og Keane.

Vonum það besta.

VIÐ!

Líklega er hægt að tala um þessa viku sem lognið á undan storminum hérna inni, mér líður allavega eins og það sé landsleikjahlé. Til að gera eitthvað ætla ég að renna létt yfir það sem er helst í fréttum…

-
Það sem mér finnst athyglisverðast tengist reyndar ekki Liverpool heldur næstu andstæðingum okkar, Arsenal. Tveir af stjórnarmönnum þeirra hættu í stjórn klúbbsins í gær, annarsvegar hinn sjötugi og sprellfjörugi Richard Carr sem hefur verið þarna í 27 ár og hinsvegar Lady Nina Bracewell-Smith sem á 15,8% hlut í félaginu.
Það að þessi Carr fari er víst ekkert óvænt (eða breytir litlu), það er einhver hetja að koma núna í janúar að taka við af honum og það var vitað fyrir. En öllu alvarlegra er það með þessa Bracewell-Smith, hún er hætt í stjórn eftir hressilegt rifrildi við stjórnarformanninn Peter Hill-Wood og aðra í stjórn. Ef hún hyggur á að slíta hálfrar aldar gömlum tengslum fjölskyldu sinnar eru 15,8% í Arsenal up for grabs.

En til að gera langa sögu stutta þá gæti það þýtt að Arsenal bættist í hóp hinna stórliðanna og endaði í eigu erlendra auðkífinga. Úsbekistinn og ofurhetjan Alisher Usmanov á í gegnum félag í sinni eigu stærsta hlutinn í klúbbnum eða 24,9% Hann hefur áður lýst yfir áhuga á klúbbnum og eins er Stan the man Kronkite frá bandaríkjunum með rúmlega 12% eignarhlut í klúbbnum sem talið er að hann sé áhugasamur um að stækka. Þetta er í mikilli óvissu fyrir nallara enda hefur mikið rót verið á stjórn klúbbsins undanfarin ár.

Með þessum fréttum tel ég að mjög líklegt verði að teljast að eignarhaldið á Arsenal komi til með að breytast á næstunni, hvaða áhrif sem það kemur svo til með að hafa veit ég ekki. Wenger breytir að öllum líkindum ekki mikið til hjá sér í það minnsta.

Ef menn vilja af einhverjum óskiljanlegum örsökum kafa dýpra í þetta mál bendi ég á ofurbloggarann arseblogger, hann tautar látlaus um leiðinlegt málefni, en er góður fyrir því.

-

Annað í fréttum sem vakti athygli mína var endurkoma Bolton í úrvalsdeild.. nei ég meina ráðning Big Sam Allardyce til Blackburn. Ef maður hugsar út í þetta eftir á þá var ráðning hins reynslulitla Paul Ince fyrir það fyrsta ansi athygliverð í svo stóran klúbb og eins held ég að Blackburn og Big Sam gætu ekki hentað mikið betur fyrir hvort annað.

Í Newcastle átti hann ekki mikinn séns á að ná árangri enda óvinsæll þar frá upphafi,  Toon-verjar vilja sjá liðið spila fótbolta frekar heldur en árangursríkt rugby. Þessi pressa verður líklega ekki upp á teningnum í Blackburn og ég held að fái hann til þess frið geti hann gert mjög góða hluti á Ewood Park. Hann byggði upp mikið fyrir ansi lítið hjá Bolton og ef eitthvað er þá held ég að Blackburn sé töluvert stærri klúbbur.

En svo ef maður hugsar þetta örlítið lengur þá man maður auðvitað eftir því hversu herfilega leiðinlegt það var að spila við ruddana í Bolton og hversu pirrandi Big Sam gat verið í fjölmiðlum. En ég gef honum það að Bolton undir hans stjórn var ekki auðsigrað lið.

-

Hjá okkur eru góðar fréttir af skriðdrekanum Martin Skrtel, hann er að koma aftur eftir slæm meiðsli. Þó við höfum ekki verið í neitt gríðarlegum vandræðum í fjarveru hans þökk sé góðrar breiddar þá er ég á því að endurkoma hans sé mjög mikilvæg. Fyrir það fyrsta bætir það samkeppnina í liðinu og eins vegna þess að hann var búinn að vera betri heldur en Agger hefur verið eftir að hann kom aftur. Hyypia hefur aldrei valdið okkur vonbrigðum en það er gott að hafa hann sem fjórða mann frekar en þriðja. Allavega góðar fréttir hvernig sem á það er litið.

-

Í síðustu færslu minntist ég á Robbie Keane og sögusagnir um að hann væri að fara frá okkur. Hann hljómar einmitt mjög mikið eins og maður sem er á leið frá okkur á Official síðunni í dag. Þess í stað segir safaríkasta slúðrið frá því í dag að við séum að bjóða Tottenham skiptidíl á Pennant+pening fyrir A. Lennon. Tekur því varla að spá í þessu, en ef þetta yrði raunin skal ég taka heljarstökk á sundskýlunni einum fata í djúpu lauginni í Sundhöll Selfoss.

-

Að lokum talar stórvinur okkar Thierry Henry vel um Liverpool, eða réttara sagt Fernando Torres.  Það sem helst stingur mig þarna er að hann talar um að ef hann verður með gegn Arsenal! Veit ekki hvort það þýði eitthvað að hann sé að nálgast endurkomu, en hann fór allavega til spánar um daginn til að fá all clear á meiðsli sín sem þýðir að hann er ansi nærri því að vera orðinn góður, veit ekki hvað kom út úr því samt, heyri betur í honum á eftir (“,)

Annað sem maður veltir fyrir sér er sú leiðinlega staðreynd að Henry hafi álpast í Arsenal!! Þessi gallharði púllari átti alltaf að koma á Anfield enda talað meira um Liverpool og púllara heldur en nokkurntíma Arsenal og þann vælukór eftir að hann yfirgaf England..

-

p.s. svo ég skjóti því að þá vil ég hrósa Liverpool klúbbnum fyrir nýjasta tölublað Rauða hersins og jólagjöf Liverpool klúbbsins. Þetta er veglegt blað að vanda sem maður festist jafnan í með tilheyrandi náladofa á dollunni og jólagjöfin er langt yfir getu svona á krepputímum.

Hérna er [athyglisverð frétt](http://fotbolti.net/fullStory.php?action=viewStory&id=70187) um að Liverpool hafi gert tilboð í 17 ára gamlan íslenskan strák, Guðlaug Victor Pálsson, sem spilar fyrir lið í Danmörku.

Ég veit auðvitað ekki neitt um þennan strák, en það væri gaman að heyra ef einhverjir vita meira um hann. Það væri auðvitað mjög ánægjulegt að sjá íslenskan strák á mála hjá Liverpool, þótt hann viðurkenni í viðtali þá höfuðsynd að halda með Manchester United.

Takk, Tottenham, Boro og West Ham.

Þrátt fyrir allan pirringinn í gær þá vorum við að leika við lið með betri árangur en Chelsea og Manchester United voru að keppa við. Samt er niðurstaðan eftir helgina að forysta Liverpool er óbreytt. Það er allavegana gleðilegt.

Og við erum með þessa forystu án þess að hafa haft Fernando Torres að neinu ráði í allan vetur.

Leikurinn á Emirates um næstu helgi er lykilleikur. Við getum farið langleiðina með að stimpla okkur rækilega inn sem meistarakandídatar ef við vinum Arsenal á Emirates, hafandi nú þegar unnið Chelsea á Stamford Bridge og Manchester United á Anfield. Ég get ekki beðið.

Undanfarið hefur það verið meira regla heldur en undantekning að lið sem eru töluvert lægra skrifuð en Liverpool koma á Anfield með það eitt markmið að pakka í vörn og berjast eins og grenjandi ljón fyrir einu stigi. Hvað þá ef um er að ræða nýlða. Þetta var því auðvitað hættan fyrir þennan leik þó Hull hafi reyndar sýnt fram á í upphafi tímabils að þeim leiðist óskaplega að pakka bara í vörn. Það sýndu þeir í dag.

En byrjum á byrjuninni, liðið í dag var svohljóðandi:

Bekkur: Cavalieri, Agger, Keane, Babel, Lucas, Ngog, El Zhar.

Hyypia hélt áfram í vörninni, Dossena tók bakvarðarstöðuna af Insua frá síðasta deildar leik, Kuyt kom í sóknina og Benayoun fór á kanntinn. Þar að auki komu Reina, Gerrard og Alonso að sjálfsögðu inn aftur eftir hvíld gegn PSV.

Fyrri hálfleikurunn virtist ætla að lofa góðu, sett var í gang góð pressa á mark Hull fyrstu mínúturnar en án þess þó að ná inn marki. Eftir það tóku leikmenn Hull leikkafla sem ekki er annað hægt en að dást að, þeir bara réðust á sofandi stórlið Liverpool, pressuðu hátt á vellinum og nýttu sér það vel að í þannig stöðu er t.a.m. Dossena alveg glæpsamlega óöruggur. Mendy lét hann líta út fyrir að vera jafn fljótur og styttan af Shankly þegar hann stakk hann af og maður fór að hafa verulegar áhyggjur af því að þetta kraftmikla lið var að sækja á spretthlaupara á við Hyypia og Dossena.

Á 11.mín var Hyypia allt of seinn í tæklingu á Mendy og fékk réttilega dæmda á sig aukaspyrnu, úr aukaspyrnunni barst boltinn á vinstri kanntinn þar sem Dossena (held ég alveg örugglega) var ekki alveg með dekkninguna á hreinu þannig að Hull náði inn góðri fyrirgjöf sem Paul McShane skallaði í netið, 0-1 og gestirnir farnir að syngja söngva um hvort við værum nokkuð Arsenal í dulargervi. Við þetta mark var nú alls ekki eins og gestirnir færu eitthvað að pakka í vörn, þvert á móti héldu áfram að pressa og tíu mínútum eftir fyrsta markið bættu þeir við öðru…Á ANFIELD. Liverpool – Hull 0-2 takk fyrir og góðan daginn. Dossena var látinn líta hlægilega út af Mendy sem kom með fasta fyrirgjöf sem Jamie Carragher afgreiddi listavel í eigið net.

Eftir þetta var eins og það hefði runnið upp fyrir okkar mönnum að þetta Hull lið var mætt á svæðið til að spila fótbolta, ekki pakka í vörn eins og við höfum þurft að venjast undanfarið. Við þessa uppgvötun var eins og okkar menn hafi ákveðið að prufa þetta líka og seinni hluti fyrri hálfleiks var eign Liverpool manna. Strax á 23. mín berst boltinn á Kuyt sem var hægramegin við vítateiginn, hann setti boltann inn í boxið þaðan sem hann barst út til Steven Gerrard sem minnkaði muninn í 1-2. Game on.
Eftir þetta pressaði Liverpool stíft en klaufskur sóknarleikur á síðasta þriðjungi vallarins var ekki að gera sig. Á 32. mín náðum við þó upp góðu spili, Arbeloa sendi inn í teig þar sem Kuyt skallaði boltann á Benayoun, hann mokaði honum á Gerrard sem jafnaði leikinn í 2-2. Nú var maður farinn að þekkja sína menn.

Fyrsta korterið í seinni hálfleik áttu Liverpool menn með húði og hári, pressuðu mjög stíft, en með þessa framlínu hefur það oftar en ekki verið raunin að mikil pressa og þó nokkur sóknarþungi skilar ekki endilega marki. Það virtist hafa dregið töluvert af Hull og þeir fóru að átta sig á þvi að besta leiðin til að ná í stig á Anfield er því miður að bakka duglega. Þeir voru þó langt í frá jafn varnarsinnaður og mörg önnur lið sem sótt hafa Anfield heim. En í seinni hálfleik vorum við oft nálægt því að ná inn þessu marki sem við þurftum og enginn nær en Sami Hyypia sem skallaði góða hornspyrnu Gerrard í stöng.

Þessi úrslit eru hreint út sagt GRÍÐARLEG vonbrigði, það fegrar það bara akkurat ekki neitt fyrir mér að Hull hafa verið góðir í ár og náð úrslitum gegn góðum liðum. Þetta var í FJÓRÐA skiptið sem við klúðrum 2 stigum í vetur og það er hreint rosalega pirrandi.

Ef ég renni yfir liðið þá var Reina flottur að vanda, gat lítið gert í mörkunum. Dossena var hræðilegur í fyrri hálfleik, gat akkurat ekki neitt og átti stóra sök í seinna markinu, en hann vann sig aðeins inn í leikinn í seinni hálfelik. Carragher var fínn í dag, óheppinn í sjálfsmarkinu reyndar. Hinn aldni Hyypia var einnig góður í dag, vann mikið af boltum og var rétt búinn að tryggja okkur öll stigin. Hann braut reyndar á sér sem skapaði annað markið og tapaði skallaeinvíginu þegar McShane skoraði. Arbeloa var svo ágætur í dag, ekki mikið meira en það.

Á miðjunni var Alonso góður að vanda, hann mætti virkilega fara hitta rammann oftar í þessum skotum sínum en eftir að Liverpool mætti til leiks á 23.mín var það Alonso sem stjórnaði umferðinni. Mascherano var svo ágætur, Hull heima er ekki leikur sem maður vill ólmur sjá hann í og það átti við í dag.
Vinstramegin var Riera sæmilegur í dag, það var ágæt ógn af honum á tímabili en í seinni hluta seinni hálfleiks virtist hann vera orðinn mjög þréttur. Hinumegin var Yossi Benayoun svo sannarlega ekki að heilla mig, allt of mikið næstum því eitthvað, hann hefði virkilega mátt skora í dag. Sömu sögu er að segja af Kuyt í stöðu sóknarmanns, af honum stafaði eins og vanalega hreint sorglega lítil ógn og mér er fyrirmunað að skilja afhverju hann kláraði heilar 90.mín. (pistillinn minn um daginn nær ekki að útskýra það fyrir mér). Ef ég væri Keane yrði ég brjálaður eftir daginn og ég efa stórlega að Kuyt byrji upp á topp gegn Arsenal. Ath. gef Kuyt þó að hann var þáttakandi í mörkum Gerrard í dag, en sá skallli og sú sending (sem var ekki einu sinni á Gerrard) breyta minni skoðun ekkert.

Maður leiksins og yfirburða maður í dag var svo að sjálfsögðu Steven Gerrard, hann leiddi endurkomuna og bjargaði þó þessu stigi. Eins var oft vandræðalegt að horfa upp á hvað hann var öruggari, fljótari og bara mikið betri á boltann heldur en t.d. Kuyt og Benayoun sem spiluðu frammi með honum.

Rafa beið svo ansi lengi með skiptingarnar í dag, loksins þegar hann áttaði sig á því að fjarlægja Benayoun af vellinum setti hann El Zhar inná (þrátt fyrir mjg góðan leik Babel þarna í síðasta leik) og sá afríski átti vægast sagt slappa innkomu.
Babel fékk svo smá tíma á vinstri vængnum eftir að hann leysti Riera af hólmi en náði ekki að gera neitt markvert. Hefði sannarlega viljað hafa einhvern með hans hraða framarlega á vellinum á meðan Hull kom fram á völlinn.

Niðurstaðan er ákaflega svekkjandi jafntefli, helsta orsökin er líklega vanmat á andstæðingnum sem skilaði sér í ömurlegri byrjun og hálfgerðu sjokki. Endurkoman var glæsileg en að ná ekki að setja punktinn yfir I-ið var afar slæmt. Þarna gáfum við held ég alveg örugglega toppsætið til Chelsea og gefum United enn eitt tækifærið til að saxa forskotið á okkur.

En á meðan ég er mjög pirraður yfir því að Liverpool hafi ekki náð að klára þennan must win leik, þá get ég ekki annað en hrósað þessu Hull liði, þetta er lið með pung.

Liðið gegn Hull verður svona í upphafi leiks….

**Bekkur:** Cavalieri, Agger, Keane, Babel, Lucas, Ngog, El Zhar.

Kemur þannig séð ekkert gríðarlega á óvart, ég vona allavega að Benayoun haldi áfram að skora eins mörk og hann gerði í síðasta leik. Get samt ekki sagt að ég sé eitthvað himinlifandi með þetta byrjunarlið, Kuyt frammi og Benayoun hafa ekki skilað af sér neinum blússandi sóknarleik, en þetta á að duga gegn Hull, Hinsvegar skil ég ágætlega valið á Hyypia, þetta eru stórir og sterkir strákar sem við erum að fara spila við og sá gamli hefur verið flottur undanfarið, sjáum hvað setur.

Spái 2-0 og mörkin koma að sjálfsögðu frá Benayoun og Kuyt.

Meistaradeildin að baki í bili og nú fer allur, og þá meina ég ALLUR, fókus á deildina. Spútnik lið Hull kemur sem sagt í heimsókn og það er ekki neinn vafi um það að það gæti orðið strembinn leikur fyrir okkar menn. Ég er engu að síður mjög bjartsýnn á hann. Af hverju? Jú, Hull hafa verið að reyna að spila fótbolta og skoruðu meðal annars 3 mörk á Old Trafford um daginn. Þeir eru sem sagt lítið fyrir það að parkera 10 mönnum fyrir framan markið sitt og vonast eftir 0-0 jafntefli. Sé sá gállinn á þeim, þá hentar það Liverpool yfirleitt afar vel. Við virðumst eiga í mestum vandræðum með lið sem sækja lítið sem ekkert og pakka í vörn. Við gætum því alveg átt von á skemmtilegum leik á morgun.

Ég ætla ekki að ræða Hull liðið neitt sérstaklega, verð bara að segja það að það er skemmtilegt að sjá svona lið gera gott mót þegar þau eru að koma beint upp um deild. Seinni hluti mótsins á eflaust eftir að verða þeim mun erfiðari og þeir byrja að síga niður töfluna, en þeir hafa nú þegar komið afar mikið á óvart og náð fram frábærum úrslitum gegn sterkum liðum.

Hvað okkar lið varðar þá voru drengirnir að spila mjög vel gegn PSV um daginn þar sem nokkrar kanónur voru hvíldar. Maður spyr sig því alltaf hvort eigi nokkuð að breyta liðinu sem spilaði svona vel? Nei, það er ekki hægt að skilja þá Alonso og Stevie G fyrir utan liðið í deildarleik, þeir eru okkur bara of mikilvægir til að það sé hægt. Engu að síður þá er afar erfitt að taka Lucas út úr liðinu eftir svona frábæran leik eins og hann sýndi gegn PSV. Þar sem þessi leikur er á Anfield þá hefði ég hreinlega viljað setja Javier á bekkinn og leyfa Lucas að spreyta sig áfram. Ég efast þó stórlega um að það verði raunin. Ég myndi líka vilja sjá Babel byrja þennan leik á hægri kantinum með sinn sprengikraft, en að sama skapi þá finnst mér ákaflega ólíklegt að Kuyt verði ekki í liðinu. Draumaliðið mitt væri sem sagt svona:

En þar sem draumar verða alls ekki alltaf að veruleika, þá held ég að þetta lið sé raunhæf spá:

Bekkurinn: Cavalieri, Hyypia, Insúa, Lucas, Babel, Keane, Ngog.

Á þessum tímapunkti verðum við að taka öll þau stig sem í boði eru á heimavelli, ekki spurning. Við erum nú þegar búnir að tapa of mörgum stigum þar. Vonandi reyna Hull menn að spila fótbolta og það ætti að gefa okkur tækifæri á að spila okkar leik. Dossena held ég að haldi sæti sínu í liðinu og sama má segja um Agger. Agger bíður okkur upp á meiri möguleika þegar kemur að uppspili og það er nauðsynlegt þegar við erum að sækja á lið. Riera heldur svo sinni stöðu og ég reikna með að Stevie komi inn í holuna og þá fyrir aftan Kuyt. Ég held að annann deildarleikinn í röð byrji Robbie Keane á bekknum. Sigur, sigur, sigur takk fyrir og mér er nokk sama hversu lítill hann verður, bara fá þrjú stig í baráttuna. Auðvitað þægi ég alveg stóran sigur, en það væri bara plús fyrir mig. 2-0 og málið er dautt. Kuyt og Gerrard með mörkin.

Var að uppfæra í WordPress 2.7. Er aðeins að skoða nýjungarnar og mun kannski bæta einhverju við síðuna. Látið vita ef eitthvað virkar ekki.

**Uppfært (EÖE)**: Ok, ég bætti inn stuðningi við Gravatar. Það þýðir að ef þú skráir þig á Gravatar.com, sem tekur um 2 mínútur og setur inn mynd af þér þar, þá mun hún líka birtast við hvert komment þitt á þessari síðu og öllum þeim síðum, sem styðja Gravatar (sem verða sífellt fleiri).

Þið sjáið í kommentum við þessa færslu (mínu kommenti) hvernig þetta lítur út. Þið getið líka sleppt þessu og þá kemur bara standard mynd.

Endilega notið þessa færslu til að prófa þetta.

Fyrir leikinn í dag var talsverð pressa á okkar mönnum, eftir tvö markalaus heimajafntefli. Ekki var pressan minni á okkar fyrrum fyrirliða, Paul Ince, þar sem mörg blöðin töldu að með Liverpoolsigri yrði sá ágæti maður kvaddur og jafnvel þótti klárt að Graeme Souness væri klár í að taka við liðinu. Semsagt mikilvægur leikur fyrir bæði lið.

Rafa kom á óvart í liðsvali sínu. Byrjunarliðið var:

Á bekknum voru; Cavalieri, Keane, Dossena, Agger, Riera, Lucas og El Zhar.

Agger semsagt geymdur áfram á bekknum. Dossena, Keane og Riera út fyrir Insua, Mascherano og Babel.

Held svei mér að ástæðulaust sé að ræða um fyrri hálfleikinn, enda verð ég að viðurkenna það að ég var bara orðinn spenntur fyrir því að standa upp og fara inn í eldhús til að aðgæta jólabaksturinn hjá konunni. Þar var þó eitthvað að gerast! Reina reyndar sýndi stórkostlega markvörslu einu sinni en að öðru leyti, ekki orð meir!!!

Í hálfleik kom lukkudýrið mitt í sófann til mín. Samstarfsmaður sem yfirleitt sér sigurleiki í mínum húsum og því var aukin von hjá karlinum! Seinni hálfleikur byrjaði rólega en á 57.mínútu skapaðist loks hætta við mark heimamanna þegar Robinson varði vel frá Alonso og fimm mínútum seinna lagði Babel upp flott skotfæri fyrir Gerrard en aftur varði vel.

Við skulum orða það þannig að sófinn gladdist mjög lítið tveim mínútum seinna þegar Babel var kallaður af velli fyrir El Zhar. Ryan karlinn var ekkert að spila neitt hrikalega vel en mér fannst þó hann vera að vaxa og því var ég mjög ósáttur og bölvaði bara, svei mér þá!

En á 69.mínútu brotnaði svo ísinn. Gerrard komst í góða stöðu á hægri kant, sendi boltann inní og þar hrökk hann af Kuyt út fyrir teiginn þar sem Xabi Alonso kom aðvífandi og kláraði færið gríðalega vel, sett’ann neðst í hægra hornið. 0-1 og mikið var liðinu, og mér, létt!

Áfram var frekar rólegur leikur málið en á 79.mínútu átti Dirk Kuyt langa sendingu út til hægri á ísraelska landsliðsfyrirliðann, sem hefur verið umræddur á þessu spjalli, sem var einn gegn einum á Warnock vin okkar. Í stuttu máli fintaði Yossi Benayoun sig framhjá vinstri bakverðinum sem við ólum upp eins og að drekka Carlsberg og klíndi boltann svo í fjærhornið niðri, óverjandi fyrir Robinson. 0-2 og öruggt er það ekki?

Masch karlinn fór útaf stuttu seinna og virtist haltra, Lucas kom inná og maður beið bara eftir lokaflautinu og öruggu efsta sæti. Því miður sofnuðu okkar drengir á 86.mínútu í hornspyrnu og Santa Cruz minnkaði muninn í 1-2. Game on aftur, Riera var hent inn fyrir Benayoun og smá líf kviknaði í heimaáhorfendunum.

Lítil hætta var þó af þeim bláhvítu og djúpt í uppbótartíma var stungið inn fyrir vörn heimamanna, El Zhar elti boltann, Robinson markmaður kom út fyrir teiginn og varð á undan en hreinsaði illa, beint á Riera. Sá varð var við fyrirliðann sinn við hlið sér, sendi óeigingjarnt á hann og með síðasti sparki leiksins skoraði Steven Gerrard þriðja mark okkar og tryggði áframhaldandi veru í efsta sæti, 1-3 sigur á Ewood Park og mér finnst líklegt að Paul Ince hafi þarmeð stýrt sínum síðasta leik í PL í bili, ekki það að aðalmálið er auðvitað áframhaldandi efsta sætið í okkar höndum!

Fyrstu 65 mínútur leiksins líktust mjög síðustu tveimur leikjum okkar, héldum boltanum algerlega, um 60%, en sköpuðum lítið. Eftir fyrsta mark okkar varð mun léttara um allt og mér fannst síðustu 25 mínúturnar fínar. Vissulega var heimaliðið með lítið sjálfstraust, en mér fannst okkar lið afar stressað lengst af og erfitt að taka einstaklinga út úr því. Á sama hátt fannst mér liðið allt stíga upp í lokin og þá var allt annað flæði og sigurinn verðskuldaður. Vonandi hjálpar það verulega upp á sjálfstraustið að skora þrjú mörk í dag!

Ég ætla bara að tala jákvætt um leikmenn í dag. Mér fannst markvörður og vörn spila verulega vel. Reina ER besti markmaður deildarinnar og sérstaklega skemmtilegt var að sjá gamla manninn Hyypia leika feykivel og Insua er orðinn alvöru valkostur fyrir þetta lið held ég bara! Mascherano vann sig verulega vel inní leikinn og lék í lokin eins og við sáum í fyrra. Babel var að reyna, Gerrard var duglegur þó hann hafi oft leikið betur og við skulum ekki vanmeta það að Dirk Kuyt átti tvær stoðsendingar í dag! Varamennirnir komu fínt inná og skiptu máli í lokin.

Mitt val á manni leiksins var á milli tveggja leikmanna. Yossi Benayoun fannst mér áberandi skeinuhættastur í fjögurra manna sóknarlínu okkar og skoraði frábært mark. Ég fer ekki ofan af því að þennan leikmann getum við notað talsvert, hann er ekki kantmaður og ekki senter, en svona “milli lína leikmaður” sem oft er erfitt að eiga við. En einu sinni enn vel ég Xabi Alonso sem mann leiksins. Stjórnaði öllu spili okkar og skoraði virkilega fallegt mark. Frábær vetur Spánverjans heldur áfram!

Að lokum varð dagurinn ánægjulegur eftir erfiða fæðingu og við verðum efstir a.m.k. til 13.desember. Man ekki hvenær við vorum síðast á toppnum tvær umferðir í röð en það er flott tilfinning!

Næst spilum við í Meistaradeildinni í Eindhoven á þriðjudagskvöld, í leik sem ég spái að einhverjir lyklar verða hvíldir fyrir átök desembermánaðar!

Ég hef farið varlega í því að vera með yfirlýsingar lengi gagnvart Liverpool (alla vega í ensku deildinni) enda gefur gengi liðsins síðustu tvo áratuga ekki ástæðu til annars. Undanfarin ár hef ég sagt að ég geri lágmarkskröfur um að liðið sé ennþá í raunhæfum séns að vera meistari eftir jólavertíðina og það hefur ekki gerst ennþá nema… vonandi verður það staðreynd í janúar 2009!

Framundan í deildinni eru:
56.des Blackburn úti, 13.des Hull heima, 21.des Arsenal úti, 26.des Bolton heima og 28.des Newcastle úti.

Raunhæft á litið þá sætti ég mig við 12 stig út úr þessum viðureignum og helst myndi ég vilja að við myndum þá ekki tapa fyrir Arsenal en sjáum til. Ég sé þetta svona:

Blackburn: Eru í tómum vandræðum og stuðningsmenn liðsins vilja Ince burt eftir stórtap gegn Man U í deildarbikarnum. Þeir ættu að liggja vel við höggi. 3 stig.
Hull: Líkt og Stoke, Fulham og West Ham þá er þetta leikur sem við eigum að vinna og einfaldlega höfum ekki efni á að misstíga okkur meira. 1-0 sigur er nóg fyrir mig, ég vil bara 3 stig hérna.
Arsenal: Þetta er erfiðasti leikurinn og verður án efa mikil skemmtun. Ég sé þennan leik fara í allar áttir en ef við vinnum á Emirates þá yrðu það stór skilaboð til Man U og Chelsea. Jafntefli eru fín úrslit.
Bolton: Undanfarið er afar týpískt að við gerum jafntefli við þá en Big Sam er farinn og þetta er ekki sama liðið. Sigur og ekkert annað. 3 stig.
Newcastle: Hafa verið að spila illa á þessu tímabili sem og lent í miklum meiðslum. Núna er stjórinn hjá liðinu Joe Kinnear og er hann ráðinn í mánuð í senn. Ég hef ekki hugmynd hvar þetta lið verður þegar við mætum því og gæti þetta því verið hættuleg viðureign en eigum við ekki að segja 4-3 sigur okkar manna væri skemmtileg í tilefni jólanna.

Gleðilegan föstudag.

….daginn eftir að það var klárt að tvö 1.deildarlið a.m.k. munu spila í undanúrslitum deildarbikarsins er ágætt að ylja sér við slúður. Þó langar mig fyrst til að lýsa þeirri skoðun minni að í fyrsta sinn er ég tilbúinn að leggja niður deildarbikarinn, eða breyta honum í unglingakeppni. Það að fylgjast með Burnley leggja Arsenal að velli án þess að vera nokkuð spenntur, hvað þá sjá einhverja unglingasnillinga, leiddi mér þann sannleika í ljós. Bara kveðja þessa keppni ef henni verður ekki breytt allverulega, á hvaða hátt veit ég þó ekki enn, hugmyndir vel þegnar.

Við að fletta í slúðri kemur eitt og annað upp, fyrst ber að nefna góðan sigur unglingaliðs félagsins á Leeds United, 1-2 á Elland Road í unglingabikar FA (FA youth cup) með mörkum Della Valle og Ince nokkurs, sonar stjóra Blackburn. Flott það!!!

Leiðindaslúður virðist komið upp um það að Agger heimti tvöföld laun eða hann fari og þá er verið að tala um að hann fari til AC Milan eða Real Madrid. Daniel karlinn hefur vissulega ekki náð hæstu hæðum í vetur, en ég er sannfærður um að það batnar og við megum ekki missa hann.

Nokkrir miðlar tala um það að Rafa muni halda ungum og efnilegum leikmanni, Adam Hammill á Anfield eftir að hann kemur úr láni frá Blackpool í janúar. Strákur hefur verið lánaður áður, til Southampton og Dunfermline og skrifaði undir þriggja ára samning við LFC í sumar. Miðað við vandamál okkar á köntunum væri margt vitlausara en að leyfa honum að prófa aðeins!

Enn er ekkert staðfest um nýjan samning við Rafa en umræða var í helgarblöðunum að nýr samningur, til 2012, yrði undirritaður fyrir jól hið minnsta, jafnvel í þessari viku.