Þá er búið að draga í 3.umferð FA-bikarsins.

Fyrsti leikur okkar í vetur verður á útivelli gegn Preston North End. Leikurinn verður leikinn helgina 3. og 4.janúar, allt eftir beinum útsendingum frá þessari umferð.

Preston er í dag í 6.sæti næstefstu deildar. Liðið, sem ól upp ákveðinn framkvæmdastjóra sem hét Bill Shankly, hefur innbyrðis nafn sem við þekkjum Neil nokkurn Mellor og er stjórnað af fyrrum aðstoðarmanni David Moyes hjá Blue S***e FC.

Ekki auðveldur leikur en auðvitað er krafan um sigur.

Annað kvöld kl. 20:00 flautar dómari til leiks á Anfield Road í Liverpool. Mótherjar heimamanna koma frá Austur-London, West Ham United, sem er jú enn í eigu íslenskra manna, hversu lengi sem það nú endist.

Ef við byrjum á að renna yfir söguna er ljóst að andstæðingar okkar að þessu sinni hafa ekki haft mikið upp úr heimsóknum sínum á Anfield í gegnum tíðina. 37 deildarleikir eru frá síðasta sigri „Hamranna“ þar og Liverpool hefur unnið síðustu sjö leikina. Í fyrra unnum við öruggan 4-0 sigur þar sem Torres setti þrennu og Gerrard eitt!

West Ham United sitja nú í 15.sæti ensku úrvalsdeildarinnar, hafa unnið einn af síðustu sex leikjum sínum. Sá sigur vannst um síðustu helgi, á Stadium of Light-vellinum í Sunderland.

Ef við byrjum á að skoða okkar lið er ljóst að leikurinn gegn Marseillekostaði okkur tvo góða leikmenn, þá Aurelio og Torres. Ég held að maður reikni með því að Rafa breyti litlu í leikkerfinu og því tippa ég á að liðið verði svona…..

Ég sjálfur hefði viljað láta Babel byrja á toppnum, en held að Rafa haldi sig við traust á írska landsliðsfyrirliðanum, ekki síst þar sem Keane spilaði ekki mínútu á miðvikudaginn (reyndar Babel ekki heldur).

Ef við skoðum mótherjana er ljóst að leikur þeirra hefur verið afar sveiflukenndur í vetur, maður veit hreinlega ekki á hverju maður á von. Ég horfði á leik þeirra frá síðustu helgi og þar fannst mér þeir vinna sanngjarnt. Reyndar virðist frjálst fall á Sunderland þessa dagana svo erfitt er að gera sér alveg grein fyrir því hversu mikið þeir þurftu að leggja á sig þar. Þeir virka með massíva, en hæga, vörn og miðjan þeirra er full af litlum baráttujöxlum. Frammi hafa svo að undanförnu verið litli og stóri, þar sem Cole flikkar löngu boltana fyrir hlaupin hans Bellamy.

Á undanförnum vikum hefur ákveðin „orrahríð“ gengið á milli liðanna, fyrst var farið að pumpa Mascherano um tilfinningar hans til West Ham, sem eru semsagt engar. Þá var komið að opinbera leikprógramminu að telja líklegt að Zola fái reisupassann ef hann tapar þessum leik, og auðvitað svaraði litli Ítalinn.

Maður beið alltaf eftir að Craig “7-iron” kæmi inn í umræðuna, en af einhverjum óskiljanlegum ástæðum var sá bara þögull!!!

Það er auðvitað alveg ljóst að eftir frekar óspennandi frammistöður á heimavelli undanfarnar vikur er heldur betur kominn tími á alvöru frammistöðu okkar drengja! West Ham er sýnd veiði en ekki gefin, skyndiupphlaup þeirra verða án vafa skeinuhætt og það þarf að pressa vel á varnarlínu þeirra sem er líkamlega sterk og hávaxin, en ekki fljót eða góð tæknilega.

Nú treysti ég því að menn hysji sig upp og vinni á heimavelli. Ég er nú ekki viss um markasúpu en treysti því að við vinnum 2-0 sigur með mörkum frá Kuyt og Gerrard. Koma svo!!!

Aggi er líklega að berja á baununum svo ég hendi inn liðinu….

Í huga Benitez erum við líklega að tala um okkar sterkasta byrjunarlið og því greinilegt að honum er full alvara með því að klára eigi þennan riðil í kvöld. Gerrard kemur aftur inn og Riera er á vinstri kanntinum, annars var KAR með þetta allt á hreinu og ef ég þekki hann rétt var hann að meina þetta svona:

**Bekkur:** Cavalieri, Dossena, Benayoun, Lucas, Babel, Keane, Kelly.

Við töpuðum gegn þeim i fyrra í ÖMURLEGUM leik. Í kvöld rúllum við þeim upp 3-0.

….það kemur svo líklega dönsk skýrsla efir leik

Undanfarið hefur verið svokölluð Gerrard vika á Official síðunni þar sem keppst er við að hrósa fyrirliðanum og þeirri “ótrúlegu” staðreynd að hann hafi haldið tryggð við klúbbinn í heil 10 ár. Ég set nú spurningarmerki við svona vikur á meðan leikmaðurinn er ennþá í fullu fjöri, en gott og vel, það er ekki eins og hann eigi þetta ekki skilið!

En á sama tíma og Gerrard er hrósað í hástert hefur spænskur fóstbróðir hans loksins stimplað sig aftur inn á Anfield og er byrjaður að sýna þá takta sem hann sýndi á sínu fyrsta tímabili með Liverpool, þá takta sem fengu Benitez til að kaupa hann. Líkt og flestir muna eftir þá var Xabi Alonso hreint frábær oft á tíðum á sínu fyrsta tímabili, loksins var kominn nýr Jan Molby og það með six pack, ekki kút (ég skal samt ræða við ykkur heilt kvöld um hversu mikið hagkvæmara það er að hafa kút).

Xabi gat sent blöðruna nánast hvert sem hann vildi og nánast því tekið leiki yfir og stjórnað tempóinu gjörsamlega. Tímabilið 2004/2005 var reyndar mjög mikið meiðslatímabil hjá okkar mönnum og virtist lengi vel sem okkar bestu menn fengju ekki að spila saman, annaðhvort var Gerrard frá með smá meiðsli eða Alonso ef ég man þetta rétt, ásamt því að Gerrard var mikið í frjálsu hlutverki út frá hægri kannti Meiðslin í upphafi árs 2005 gengu meira að segja svo langt að Igor Biscan náði á endanum að sanna að hann er einn af betri leikmönnum sem spilað hefur fótbolta (ásamt Andrei Voronin auðvitað).

Þetta fyrsta tímabil Alonso (og Rafa) var Liverpool nokkuð eðlilega vil ég meina í þónokkru basli í deildinni og gaf þá keppni nánast upp á bátinn löngu fyrir lok tímabils, en í meistaradeilinni var allt annað lið að spila. Uppi voru spurningar um hvort Alonso hefði hraða eða úthald í deildina enda hann og Hamann ekki þeir fljótustu í boltanum og tóku því ekki eins mikinn þátt í sóknarleiknum og maður vildi sjá frá miðjunni. En í meistaradeildinni fékk Alonso örlítið meiri tíma á boltann og meira svæði. Alonso er leikmaður sem er stórhættulegur ef honum er gefið svæði og tími með boltann.

Því er óhætt að segja að maður hafi verið spenntur fyrir þessum nýja leikmanni og hreint ákaflega bjartsýnn á framhaldið þegar hann hefði aðlagast enska boltanum betur.

Til að meta þetta fyrsta tímabil Alonso hefur mér oft fundist ágætt að nota hið hræðilega fíaskó sem Gerrard í samvinnu við umboðsmann sinn efndi til, örfáum vikum eftir flottasta úrslitaleik í sögu evrópukeppninnar í fótbolta, sem mælikvarða á það álit sem mjög margir höfðu á Alonso eftir hans fyrsta tímabil. Hann var búinn (að því er manni fannst) taka stöðu mið miðjumanns af sjálfum Steven Gerrard og spilaði frábærlega (seinna kom það í ljós að Gerrard spilar alls ekkert alltaf á miðjunni undir Benitez). Gerrard sem nú er verið að hrósa fyrir hollustu við lið sitt var ótrúlega nálægt því að guðlast meira heldur en spaugstofan gerði árið sem hún tók upp páskaþáttinn sinn fræga. Hann gaf út að hann vildi yfirgefa Liverpool og sendi okkur poolara, sem varla voru hættir að brosa eftir Istanbul, í háttinn 95% vissa um að við værum að missa fyrirliðann okkar til No Way Jose og strákana hans í $%%&$ Chel$ki. Á þessum tíma slagaði það í að vera bara alveg eins og ef hann hefði bara sagst ætla að ganga til liðs við United.

En þar sem við poolarar erum jú bjartsýnismenn að upplagi sem horfum jafnan á björtu hliðarnar og höfum sannarlega gengið i gegnum súrt og sætt þá litum við ekki á að þetta þyrfti endilega að vera einhver heimsendir. Gerrard færi auðvitað ekki frítt, það kæmi maður í manns stað og já, við áttum núna Xabi Alonso, sem ef eitthvað, var betri heldur en Gerrard.

Snilldar ummæli hjá EÖE 04.07.2005

- Ég legg til að Gerrard taki hausinn útúr rassinum á umboðsmanni sínum og hætti þessari vitleysu. Eða þá að pabbi hans tali vit í hausinn á Stevie líkt og hann gerði í fyrra. Þetta er svo fáránlegt að það hálfa væri nóg.

- Ef að okkar næstbesti leikmaður fer útaf einhverju svona kjaftæði, þá verð ég brjálaður. BRJÁLAÐUR!

Auðvitað var þetta litað því að menn voru gríðarlega reiðir út í Gerrard fyrir að vilja fara og það til Chelsea, en segir samt mikið um það álit sem við höfðum mjög margir á Alonso.

Gerrard sá nú að sér eins og við vitum öll og hefur núna skráð nafn sitt kyrfilega, með blekpenna, meðal okkar allra dáðustu leikmanna, eitthvað sem hefði gleymst eins og skot kæmi hann fram í bláum búning. Alonso hinsvegar náði ekki alveg að fylgja eftir þessu góða fyrsta tímabili, hann hefur verið að lenda í meiðslum af og til, virkar oft hægur og er lengi að koma sér í gang eftir meiðsli, ásamt því að andstæðingar okkar voru mun meðvitaðari um hættuna sem skapaðist af því að leyfa Alonso að leika lausun hala og einbeittu sér mun meira að því að slökkva á þessu hjarta í miðjunni hjá okkur. Hann þjáðist líka svolítið af því að missa Hamann og þurfa að spila með mönnum á við Momo Sissoko en það er önnur saga. Þetta var ekki sami Alonso og við sáum fyrst. Hann var ekkert lélegur og auðvitað mikilvægur hlekkur í liðinu en það var pirrandi við hann að maður vissi svo innilega að hann gat mun meira. Þetta gekk svo langt að í sumar munaði bara engu að við hefðum álpast til að selja kappann.

Að vanda reyndum við að réttlæta það okkar á mill en ég held samt að flestir okkar hafi nú innst inni alls ekki viljað losna við Alonso, okkur líkar vel við leikmenn eins og Molby og Alonso.

Ég var því afar feginn þegar leikmannaglugginn lokaði að við hefðum ekki selt spánverjann og mikið óskaplega held ég að Ranieri stjóri Juventus hefði nú frekar viljað fá þennan Alonso, sem hann sagði of hægan þegar hann hætti við að kaupa hann, heldur en Poulsen. Hvað þá vælukjóinn Arsene Wenger sem sagður var heitur fyrir Xabi, það lið gæti nú aldeilis notað Xabi núna og tönglast nallarar á þessu oft þessa dagana.

En þar með er ég kominn að ástæðu þessa pósts, sem er tvíþætt, fá menn til að gleyma leik gærdagsins og umræðunni hérna í kjölfar hans.

En þó aðallega til að tilkynna ykkur lesendur góðir að………………………

………….Xabi Alonso er kominn aftur, hinn raunverulegi Alonso.

í þessum ham er hann í flokki með Torres, Gerrard og Reina, okkar mikilvægustu leikmanna.

Jahérna, hérna, hérna…..

Ég virðist ætla að fá hvern leikinn skemmtilegri en annan til að skrifa um hér í vetur. Ætla að vona að menn fyrirgefi mér það að ég ætla lítið að tala um leikinn sjálfan, sem ég reyndar tel þann slakasta í vetur hjá LFC, Tottenham á útivelli meðtalið!

Byrjunarliðið:

Bekkur: Cavalieri, Hyypia, Babel, Alonso, Benayoun, El Zhar og Dossena.

Ég ætla að leyfa mér að tala mjög stutt um þennan leik. Mér fannst fyrri hálfleikurinn hreinlega öllu liðinu til skammar, Reina og Torres einir undanskildir. Ég hef varið Robbie Keane hér á þessari síðu en á erfitt í dag. Færið sem hann fékk í fyrri hálfleik algerlega óvart átti að vera það sem réði hér úrslitum.

Tala um Rafa og hans þátt síðar, en mér að óvörum var engin breyting á liðinu í hálfleik. Seinni hálfleikurinn byrjaði ágætlega en fjaraði smám saman út. Torres átti gott skot eftir einstaklingsframtak og Kuyt fékk óvænt færi á 70.mínútu sem Schwarzer varði vel en staðreyndin varð 0-0 jafntefli gegn einu af fallbaráttuliðunum á heimavelli. Ekki í fyrsta sinn í vetur, og reyndar þekkt staðreynd frá fyrri árum.

Ég vel Torres mann leiksins, hann vinnur Arbeloa naumlega.

Að uppstillingu liðsins. Ágætur penni sem oft skrifar hér, SigKarl, talaði um hrokafullt val Rafa í einstökum leikjum. Ég hef talað um það hér að mér finnst uppsetning heimaleikjanna gegn slakari liðunum hundvitlaus í vetur. Ég ætla að leyfa mér að telja þetta tvennt hér sameinast í þeirri ákvörðun þjálfarans að hafa besta mann liðsins í vetur, Xabi Alonso, á bekknum í leik þar sem að Gerrard var ekki með. Ákvörðunin er óverjandi með öllu, enda að mínu mati löngu vitað að Lucas og Mascherano vonlausir saman ef við ætlum að sækja.

Fyrri hálfleikurinn var sannkallaður dauði, tölfræðin sagði allt, LFC 43% með boltann, Fulham MEÐ 57%!!! Hægur sóknarleikur og EKKERT í gangi.

Mér fannst Mascherano reyndar slakari af tveimur slökum og það eina rétta taktíska í kvöld var að taka hann útaf fyrir Alonso á 65.mínútu. Alltof, alltof, alltof seint!

Aðrar skiptingar tókust ekki. Ég hrósaði Benitez fyrir Wiganleikinn þegar hann áttaði sig á því að jafntefli gengi ekki. Svei mér þá, ég held að þann daginn hafi eitthvað gott gerst hjá karli um morguninn því ákvörðun hans að halda fjórum varnarmönnum til enda þessa leiks var skrýtin í besta falli. Ég var hundfúll með innkomu Babel og El Zhar, en ég er ennþá reiðari yfir því að 4231 skipulaginu var haldið út leikinn og síðasta skipting kom á mínútu nr.82!!!

Ég varði sóknarleik liðsins um síðustu helgi, en geri það ekki í dag. Hnoð upp miðjuna allsráðandi og allir að bíða eftir því að Torres skoraði upp á eigin spýtur sem því miður gerðist ekki eins og í þessum leik á síðasta ári. Lítil sem engin ógnun af köntunum og miðjan ekki að skapa neitt.

Ég veit að hér verður rætt um Kuyt, Keane, Lucas, Riera, Aurelio og Agger. Ég ætla ekki að velta því upp heldur bara vera hundsvekktur yfir því að fá eitt stig á heimavelli gegn hundslöku fótboltaliði. Þess má geta að Fulham var að ná stig á útivelli nr. 2 í vetur!!!

Mér finnst liðið okkar í vetur spila mun betur á útivelli en heimavelli og það er óásættanlegt. Ekki minnkar nú svekkelsið þegar maður sér Chelsea klúðra sínum leik líka!

Næst er það Marseille í CL á miðvikudaginn og síðan West Ham heima mánudaginn 1.desember. Eftir þessa frammistöðu vill ég alvöru sigur í báðum þessum leikjum!

…er komið:

Á bekknum: Cavalieri, Hyypia, Babel, Alonso, Dossena, El Zhar, Benayoun.

Aggi nálægt, bara eitt ólíkt því sem hann reiknaði með, Lucas byrjar og Alonso er á bekknum.

KOMA SVO!!!!!

Ég get hreinlega ekki orða bundist og varð að henda inn smá bloggi um þetta. Oft hefur “íþróttafréttamennska” í miðlum þessa lands verið gagnrýnd. Stundum á sanngjarnan hátt og stundum ekki. En hvað er hægt að segja þegar menn sjá svona “fréttamennsku”? Í alvöru talað, hverjir skrifa íþróttafréttir á stærsta vefmiðli landsins? Þeir virðast hvorki hafa vit á þessum sögufrægu liðum í enska boltanum, né skilning á enskri tungu (væntanlega þýdd frétt). Fyrirsögnin er í fyrsta lagi sér mál út af fyrir sig. Hvar kemur það fram í fréttinni að félagið okkar vilji deila leikvangi með Everton? Svo kemur þessi snilld fram þarna líka:

Horfa þeir því hýru auga til erkifjendanna hinum megin Mersey árinnar

Kunnið þið annann betri? Ef myndin sem fylgdi “fréttinni” hefði verið stækkuð örlítið, þá hefði Goodison Park sést. Þvílík “fréttamennska”. Er skrítið þótt menn gagnrýni þessa miðla?

Þeir sem hefja leik á White Hart Lane í kvöld:

Eða kannski?

Allavega eru á bekknum: Gulacsi – Riera – Darby – Insua – Benayoun – Carragher.

Ég held við getum sagt að það verði margt forvitnilegt að sjá í kvöld. Cavalieri, Degen, Plessis, El Zhar og Ngog eru þarna að fá upplagt tækifæri til að hrífa okkur!!!

(ATH: Olli skrifaði þennan pistil, var í vandræðum með að birta hann)

Sunnudagur eftir sigurleik er alltaf jafn ljúfur.

Færsla mín í dag á sér fyrirmynd, en fyrirmyndin var skrifuð á síðuna þann 16. ágúst árið 2002 og var hún skrifuð af meistara KAR. Þar tók hann saman þau lið sem að flestra mati væru að fara að berjast um titilinn og skipaði í stöður í eitt “draumalið” og velti fyrir sér hvaða lið hefðu bestu leikmennina í hverri stöðu fyrir sig.
Mig langar að leika sama leik til að búa til smá umræðu hér á sunnudegi og brjóta upp “markaþurrða – hveráaðveraíframlínunni – 442eða4231 – keane – kuyt” umræðuna.

Ef við tökum fjögur sterkustu liðin í deildinni þá eru það klárlega Liverpool, Chelsea, Arsenal og Manchester United. Þessi fjögur lið hafa verið þau sterkustu í nokkur ár en þó er bilið í næstu lið á eftir að mínu mati að minnka. Það eru lið á borð við Aston Villa, Everton og Man City sem koma í styrkleikaflokk 2 í enska boltanum að mínu mati. Þessi lið hafa verið að fá töluvert mikið fjármagn inn í rekstur sinn og hafa því verið að versla gæðaleikmenn, þó sérstaklega City og Villa. Þessi lið eru gríðarlega erfið heim að sækja og ég tel að útileikir við þau geti ráðið alveg jafn miklu um það og leikir innbyrðis milli toppliðanna, um hvað af þessum 4 bestu liðum klári deildina. Stigin sem þessir 4 toppklúbbar munu tapa í vetur verða mjög sennilega eftir leiki innbyrðis og þá einnig gegn hinum 3 klúbbunum sem ég taldi upp hér áðan og við höfum nú þegar séð toppliðin tapa stigum gegn þessum liðum á útivöllum.

En nóg um það, ég tel mig vera kominn svolítið út af sporinu hvað varðar markmið færslunnar og ætla því að byrja á því sem ég ætlaði mér.
Við höfum 4 mjög sterk lið sem eru að öllum líkindum að fara að berjast um dolluna í vetur.

Sterkustu byrjunarliðin (að mínu mati að sjálfsögðu, ég mun passa mig á hlutdrægni og horfa ískalt á þetta) eru hér að neðan og val mitt mun vera á milli þeirra leikmanna sem ég valdi í þessi lið. Ég átti í smá vandræðum með að finna sterkasta lið Manchester United en ég ráðfærði mig við nokkra sérfræðinga og fékk út þeirra sterkasta lið í dag.

Liverpool: Reina, Arbeloa, Carra, Agger, Dossena, Gerrard, Alonso, Kuyt, Riera, Keane, Torres.
Chelsea: Cech, Boswinga, Carvalho, Terry, A. Cole, Ballack, Lampard, J. Cole, Malouda, Deco, Anelka.
Arsenal: Almunia, Sagna, Toure, Gallas, Clichy, Nasri, Fabregas, Walcott, Denílson, Adebayor, van Persie.
Manchester United: van de Sar, Neville, Ferdinand, Vidic, Evra, Carrick, Fletcher, Ronaldo, Park, Berbatov, Rooney.

Markmaður:
Ok, fyrir mér er þetta aldrei spurning. Við höfum 4 misgóða markmenn. Þá Reina, Cech, van de Sar og Almunia. Það er ekki af ástæðulausu sem að Pepe Reina hefur unnið gullhanskann 3 ár í röð og hann er að mínu mati að auka forskot sitt á hina. Hann er frábær maður á móti manni, með góðar spyrnur og eldfljótur að koma boltanum í leik. Ég nenni ekki að ræða hina markverðina því Reina er að mínu mati bersýnilega bestur af þeim. Liverpool hefur vinninginn þarna.

Hægri bakvörður:
Þetta val gæti orðið mjög erfitt. Hér höfum við þá Arbeloa, Neville, Sagna og Boswinga. Arbeloa hefur verið að taka framförum en ég tel hann ekki nógu sterkan ennþá, hann verður orðinn mun sterkari kandídat í baráttu um besta hægri bakvörð deildarinnar á næsta tímabili. Neville er orðinn gamall en er mjög reyndur og hefur unnið marga titla, hann hefur þó aldrei verið í miklu uppáhaldi hjá mér og mun seint teljast skemmtilegur knattspyrnumaður sem gaman er að horfa á. Sagna hefur komið mjög vel inn í enska boltann. Hann er fínn varnarlega, fljótur, með mikla tækni, tekur menn á og tekur virkan þátt í sóknarleiknum og að mínu mati hreppir Arsenal hnossið í þessari stöðu. Boswinga virkar fínn leikmaður en ég tel að hann þurfi fleiri leiki til að hægt sé að bera hann saman við hina almenninlega og líka til að komast betur inn í ensku deildina því það gerist ekki á einni nóttu.

Vinstri bakvörður:
Þetta er ekki erfitt val finnst mér. Þarna eru þeir Dossena, Evra, Clichy og Cole. Kalt mat, þá hafa vinstri bakverðir Liverpool ekki verið nógu sannfærandi á þessu tímabili. Cole er mjög góður leikmaður en hann er ekki sami leikmaðurinn og hann var á sínum tíma hjá Arsenal þegar hann var bestur í sinni stöðu í heiminum. Skipti hans til Chelsea eru mér enn óskiljanleg, hann var að spila frábærlega með mjög góðu liði, en eins og ég segi þá finnst mér hann slakari en hann var og aðrir leikmenn orðnir betri í þessari stöðu. Clichy er mjög góður leikmaður. Mjög fínn varnar- og sóknarlega og er afar hættulegur í skyndisóknum Arsenal liðsins en allir þessi bakverðir standast Evra ekki snúninginn sem er að mínu mati besti vinstri bakvörður deildarinnar. Hann er sterkur, fljótur, með sjokkerandi stökkkraft, góður tæklari og er oft með hættulegri mönnum í sóknum Manchester United.

Miðverðir:
Hér höfum við Ferdinand-Vidic, Carra-Agger, Toure-Gallas og Carvalho-Terry.
Fyrir mér eru það tveir enskir leikmenn sem eru bestu miðverðirnir. Ég skyldi aldrei á sínum tíma af hverju þeir voru ekki hafðir í hjarta varnar enska landsliðsins, en það endaði með því að annar þeirra batt enda á landsliðsferil sinn. Þetta eru að sjálfsögðu Carragher og Terry. Mér finnst Carragher vera fullkominn miðvörður, leiðtogi og hefur í raun allt sem miðvörður þarf að hafa. Mér finnst hann betri en Ferdinand, Toure og hvað þá Carvalho og ætla svo sem ekkert að fjölyrða neitt frekar um það. Hvað varðar miðvörðinn vinstra meginn þá finnst mér Terry vera betri en Vidic, Agger og Gallas. Allt eru þetta heimsklassa leikmenn en þeir sem hafa fylgst með enska boltanum af einhverju viti í gegnum tíðina er það þeim vonandi bersýnilegt að Terry er bestur af þessum leikmönnum.

Vinstri kantur:
Þá eru það Riera, Malouda, Denílson og Park. Mér finnst í raun ótrúlegt að það eru ekki til sterkari vinstri kantmenn í þessum 4 toppliðum. Riera hefur komið frábærlega inn í lið Liverpool, skorað mark og verið virkilega líflegur. Hann er góður maður á mann, fljótur, tæknilega fínn og er mjög góður í að leysa úr flækjum aftarlega á vellinum með snaggaralegum hreyfingum og snertingum. Malouda er frábær knattspyrnumaður en hefur einhvern vegin ekki heillað mig uppúr skónum að undanförnu. Hann kom mjög beittur inn í enska boltann en oddurinn hefur farið svolítið úr hans leik. Denílson er ágætis leikmaður, maður sem er með leikjahæstu leikmönnum Arsenal á tímabilinu hlýtur nú að vera það. Hann er týpískur Arsenal leikmaður, góður í stuttu spili, tæknilega góður og snöggur. Á samt töluvert í land ennþá. Park er að sama skapi snöggur, fínn tæknilega og skeinuhættur í sóknum Manchester United, hann virkaði ekki vel á mig til að byrja með en hann vann sig jafnt og þétt í áliti og er fínn kantmaður í dag.
Þetta val er mjög erfitt og ég er ekki alveg 100% á því en ég ætla að gefa Riera þennan titil.

Hægri kantur:
Þetta verður aðeins auðveldara. Þarna eru þeir Kuyt, J. Cole, Walcott og Ronaldo. Allt frábærir leikmenn. Kuyt er langbestur af þeim í pressu og varnarvinnu, en sennilega sístur sóknarlega. Við þekkjum öll hans kosti og ókosti og ég ætla ekki að eyða frekari innslátti í þá. J. Cole er heimsklassa kantmaður, hefur allt sem þarf. Hann skorar líka mikið og Chelsea sóknin er ekki söm án hans. Walcott er líklega fljótasti leikmaður heims um þessar mundir og það eitt er gríðarlega sterkt fyrir hann. Hann er týpískur Arsenal leikmaður og er mjög góður sóknarlega, mætti bæta sig varnarlega þó. Það sem hann vantar er reynsla en hann kemur til með að verða hrikalega góður eftir skamman tíma. Ronaldo er náttúrlega yfirburðamaður þegar kemur að þessari stöðu og ég neita að rökstyðja það, tel það ekki þurfa. Hann einfaldlega er besti hægri kantmaðurinn af þessum leikmönnum.

Miðjumenn:
Þá höfum við þá Gerrard – Alonso, Ballack – Lampard, Carrick – Fletcher og Fabregas – Nasri. Gerrard er bestur af þessum leikmönnum held ég að sé alveg ljóst. Alonso er frábær dreifari á miðjunni og er mjög complete leikmaður sem hefur verið að spila frábærlega undanfarið. Ballack er mjög góður og Lampard spilar í 90% tilvika vel. Carrick er einnig skínandi fínn leikmaður en hann hefur einhvern vegin ekki enn náð sömu hæðum og hinir ennþá. Fletcher hefur verið góður í vetur og er einn sá alseigasti sem ég veit um. Hann hefur verið að skora mikilvæg mörk og spilað vel upp á síðkastið. Fabregas og Nasri eru mjög líkir leikmenn. Góðir spilarar og hafa í raun allt nema skrokkinn. Þeir eru seint að fara að taka Gerrard eða Lampard í öxl í öxl eða einhvers konar návígi og vinna það, það sé ég bara ekki gerast. Hins vegar báðir tveir magnaðir leikmenn en tel þá þurfa 1-2 ár til að ná sömu hæðum og Gerrard og Lampard sem ég vil velja sem bestu miðjumennina.

Sóknarmenn
Hér er samankominn rjóminn af bestu sóknarmönnum heims. Við erum með second strikers sem eru Keane, Deco, van Persie og Rooney og svo með first strikers sem eru Torres, Adebayor, Anelka og Berbatov.

Byrjum á second strikers.
Þar höfum við Keane til að byrja með. Hann hefur verið að valda vonbrigðum það sem af er af tímabili en virðist vera að ná formi sínu á annan stall eftir helgina þar sem við sáum að hann lék frábærlega. Deco er frábær leikmaður og það verður ekki deilt um það. Ótrúlegur skotmaður og útsjónasamur en árin eru farin að segja til sín. van Persie er mjög öflugur. Hann skorar mikið, leggur mikið upp og er nánast fullkominn second striker. Hann er hins vegar oft heimskur og bráður eins og við höfum séð og þar tel ég að reynslan eigi eftir að koma til hjálpar eftir nokkur ár. Rooney hefur átt erfitt uppdráttar í vetur þar sem honum hefur verið spilað eilítið út úr stöðu. Hann hefur því ekki spilað eins vel og hann hefur oft gert. En það vita allir hversu góður hann er og ég ætla að sleppa öllum milliskrefum til útskýringar á því máli. Mér finnst mjög erfitt að velja besta second strikerinn en Keane og Deco fá titilinn allavega ekki. Valið stendur þá á milli Rooney og van Persie og ég vel þann síðarnefnda þar sem hann hefur verið beittastur af þessum 4 í vetur.

First strikers.
Torres átti fullkomið fyrsta tímabil og það vita allir hversu góður hann er. Eini gallinn við Torres er að hann er svolítið gjarn á að meiðast. Adebayor er einnig góður. Hann skorar mikið og hefur gríðarlega tækni, er sterkur og fljótur. Anelka er góður klárari en örugglega einn sá leiðinlegasti í boltanum í dag. Ég hef t.d. aldrei séð glitta í tönn hjá honum því hann virðist ekki kunna að brosa. Hann er góður leikmaður en stenst hinum engan samanburð að mínu mati. Berbatov er klókur, hefur frábært spilauga en mætti skora meira. Hann er tæknilega fullkominn og það verður athyglivert að sjá tölfræði hans eftir tímabilið. Hann kemur til með að verða mjög góður í liði Manchester United og vera þeim mikilvægur.
Hér er hins vegar enginn vafi í mínum huga, Torres er bestur af þessum first strikers.

Þá er þetta “draumalið” tilbúið og lýtur svona út.

Liverpool hefur 5 leikmenn, Manchester United hefur 2 leikmenn, Chelsea hefur 2 leikmenn og Arsenal hefur 2 leikmenn.

Mér finnst þetta sanngjarnt lið, ég átti í mestum vandræðum með vinstri kantinn og valið á Riera finnst kannski sumum vera “loðið”, en hann hefur leikið virkilega vel þá leiki sem hann hefur fengið og því set ég hann þarna.

En nú rétt í þessu var Chelsea að endurheimta toppsætið með 2 mörkum frá Anelka og spennan helst því í toppbaráttunni áfram. En það er ekki mikið búið af leiktímabilinu og þetta er mat mitt á besta liðinu eins og staðan er í dag, en ég skal gera aftur eins samantekt þegar tímabilinu lýkur og þá getum við séð hvernig tímabilið hefur þróast og hverjir halda þetta best út. En ég gef ykkur núna orðið, en óska eftir málefnalegum athugasemdum eingöngu.

Þessa leiks verður nú líklega ekki minnst fyrir margt annað þegar fram líða stundir heldur en leiksins sem Robbie Keane sýndi í Liverpool búningi hversu hann er megnugur. Liverpool var allan þennan leik mun öflugra heldur en gestirnir og augljóslega mikill munur á þessum liðum. Spurningin var bara hvort við næðum að setja mark í leiknum og eftir að það var komið var þetta bara spurning um hversu mörg þau yrðu.

Byrjunarliðið var nokkuð áhugavert fyrir þennan leik, Gerrard datt niður í sína uppáhaldsstöðu á miðjunni á kostnað Alonso og var þar með Mascherano. Benayoun kom inn í byrjunarliðið og var settur út á kannt og þeir frændur Kuyt og Keane voru frammi.

Á bekknum:Cavalieri, Hyypia, Torres (Keane 72), Alonso, Babel(Riera 63), Insua, El Zhar.

Fyrri hálfleikur var reyndar alls ekkert svakalega merkilegur, við fengum ekki okkar fyrsta færi fyrr en á 12.mín þegar Keane komst í fínt skotfæri sem fór beint á okkar mann í marki WBA, Scott Carson. Við héldum boltanum að mestu án þess að skapa mikið af hættulegum færum, WBA hræddi mann svo akkúrat ekki neitt. Svona var þetta fyrsta hálftíman og maður aðeins farinn að ókyrrast um “einn af þessum dögum”. Í því kom fyrirliðinn okkar með þessa líka fínu sendingu inn fyrir á mann dagsins, Robbie Keane sem vippaði laglega með vinstri yfir Carson í marki WBA og kom okkur í 1-0. Fyrsta mark Keano í deild fyrir Liverpool og það afar kærkomið, sérstaklega í ljósi þess að hann hefur aldrei verið neitt sérstaklega vinsæll hjá stuðningsmönnum WBA sem muna ennþá vel eftir dvöl hans hjá erkifjendum þeirra í Wolves, en þá líkt og í dag lagði hann það sérstaklega í vana sinn að skora gegn WBA. Stuðningsmenn gestana púuðu duglega á Keane í byrjun leiks, sem ég held að sé afar röng ákvörðun hjá þeim þar sem slíkir karakterar tvíeflast við slíkt “bögg”.
Það segir svo kannski eitthvað um gæði WBA að maður var nokkuð viss um að þessi leikur væri búinn á 43. mín. Vörnin braut sókn WBA á bak aftur, boltinn barst til Aurelio sem kom með glæsilega sendingu á Robbie Keane sem komst einn í gegn og skilaði boltanum laglega í autt markið, aftur með vinstri fæti, 2-0.og eiginlega bara game over.

Seinni hálfleikur bauð svo ekki upp á margt óvænt, yfirburðir Liverpool voru töluverðir og andstæðingarnir aldrei líklegir til að fá blóðið hjá manni á mikla hreyfingu, m.ö.o. loksins tókum við leik bara þó nokkuð öruggt. Yfirburðirnir minnkuðu svo alls ekkert við skiptingarnar í seinni hálfleik, Babel fékk hálftíma á kostnað Riera, Torres mætti loksins aftur leiks í staðin fyrir Keane og Alonso leysti Gerrard af undir lokin. Við þetta jókst hraði sóknarmanna okkar töluvert og mikið djö….var gaman að sjá Torres mættan aftur.

Síðasta markverða sem gerðist svo í þessum leik var “einstakur” atburður! Kuyt fékk boltann rétt fyrir utan teig, las gott hlaup Arbeloa og lagði góðan bolta á hann, Arbeloa þakkaði pennt fyrir sig og smellti blöðrunni með vinstri í bláhornið, 3-0 og leikurinn flautaður af nánast því strax í kjölfarið.

Flottur leikur hjá okkar mönnum og loksins loksins kom öruggi sigurinn hjá okkar mönnum.
Maður leiksins: það þarf ekkert að orðlengja þetta frekar held ég, Robbie Keane fær þann heiður í dag fyrir tvö góð mörk, hans fyrstu í deildinni fyrir Liverpool. Liðið var annars að spila fínt og eflaust koma margir aðrir til greina sem menn leiksins.

Þá er búið að tilkynna byrjunarliðið gegn WBA á eftir. Helsta sem er merkilegt við liðið í dag er auðvitað að Torres er aftur komin í hópinn, hann byrjar á bekknum sem ég held að fáum komi á óvart og nú er bara að vona að við þurfum ekki á kröftum hans að halda.
Vörnin er sú sterkasta sem ég tel okkur geta boðið uppá í dag, Gerrard dettur niður á miðjuna og stórvinur okkar Benayoun kemur inn í liðið í hans stað.
Byrjunarlið

Á bekknum:Cavalieri, Hyypia, Torres, Alonso, Babel, Insua, El Zhar.

Mér lýst nú bara nokkuð vel á þetta, Gerrard er mun sókndjarfari en Alonso og Benayoun fer væntanlega í sína eiginlegu stöðu, þ.e. í holuna, ekki út á kannt þar sem hann hefur marg sannað getuleysi sitt að mínu mati. Ef í harðbakkann slær eigum við svo mjög öflugan bekk sem ætti að geta hrist vel upp í leiknum. Sérstaklega gaman að sjá Insua á bekknum á kostnað Dossena.

Vonum það besta, ég spái 3-1 Kuyt, Kuyt og Kuyt (já ég er í bjór)

Flest allir high profile leikmenn eru undir alveg gríðarlegri smásjá sparkspekinga og þá sérstaklega þegar kemur að leikaraskap…já eða meintum leikaraskap og öðrum ólíðandi óheiðarleika sem fylgir sportinu. Fáir menn virðast fara meira í taugarnar á aðdáendum helstu andstæðinga Liverpool heldur en fyrirliðinn okkar og hef ég ekki tölu á því hversu oft ég hef þurft að verja hann í samtölum við misgáfaða félaga mína sem margir eiga það sameiginlegt að þola ekki Liverpool. Ég er reyndar með kenningu um að Gerrard sé allajafna það góður að reynt er að grípa í allt sem hægt er að gagnrýna hann fyrir og jaðrar þetta stundum við þráhyggju. Auðvitað minnkar það ekkert athyglina á Gerrard að hann hefur margoft, líkt og aðrir, opinberlega lýst andhúð sinni á leikaraskap.

Nýjasta dæmið sem suprise suprise hefur fengið gríðarlega athygli er meint díva Gerrards gegn A.Madríd. Flestir eru alveg sammála um að þetta var ansi strangur dómur, sérstaklega miðað við stöðuna í leiknum og tímasetninguna. En hvað leikaraskap varðar þá er ég bara ekki að sjá hann, Gerrard er á fullu gasi og fær Pernia alveg klárlega í bakið á sér og dettur.

Paul Tomkins orðar þetta ansi vel í góðum pistli sínum í dag:

This is not to say that I think the penalty that enabled the Reds to draw level against Atletico in the Anfield match this week was unjust. It’s crazy to suggest it was a dive, with the captain having been hit with such force, but Gerrard knew that if he won the header the defender may end up accidentally clattering him.

That is very intelligent play, and a world away from people going over imaginary tackles, which I will never countenance.

Þetta held ég að sé nokkuð nærri lagi, Gerrard berst alveg til enda og er að taka þessi hlaup og að reyna við þessa bolta allann tímann. Í þetta skiptið var hann á undan Pernía í boltan og hafði heppnina með sér og fékk dæmt afar ódýrt víti. (lítið minnst á það reyndar að við áttum alveg klárlega eitt ef ekki tvö inni úr þessum leik).

Önnur dæmi sem tekin hafa verið til um hrottalegan leikaraskap hjá Gerrard sem sönnun þess að hann sé hræsnari er hægt að finna t.d. hér. Þarna er úr svo litlu að moða að það er tekið til þegar hann missir jafnvægið á fullu gasi. Eina sem lítur illa út fyrir að vera leikaraskapur er síðasta myndbrotið. En þetta fylgir því líklega að vera stórstjarna. Leikaraskapur er auðvitað staðreynd í boltanum og þessi blábjáni hefur ekki alfarið rangt fyrir sér í þessu viðtali, sem er nokkuð óvenjulegt.

En sama hvað menn vilja röfla um þetta, tala um Dida, Rivaldo, Gerrard, Ronaldo, Drogba, Van Persie, Eboue o.fl. vinsæl target þá toppar enginn þeirra þessa agalegu dífu. Þetta á klárlega ekki að sjást í fótbolta :p

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Það bættist afar góð nýjung við hina frábæru Official síðuna í dag þegar King Kenny kom með sinn fyrsta pistil, en það stendur til að birta hans skoðanir mánaðarlega. Líklega fáir spekingar úr röðum gamalla leikmanna Liverpool sem tekið er meira mark á og virt eins mikið.

Hann var í dag, líkt og aðrir að tala um Gerrard, endurkomu Torres og Robbie Keane, byrjun hans hjá okkur………….. og allavega ég er á því að hann hafi hitt naglan nokkuð vel á höfuðið hérna:

I also think Robbie Keane will benefit when Torres returns because he’ll be able to move back into his preferred role. He’s not a recognised striker but he has been doing a good job up there for the team. When Torres comes back I am sure you will see the real Robbie Keane in a Liverpool shirt. He was a very good buy and is a very good player. He wants to do well for the club he has supported and I’m sure he’ll get the opportunity – but credit to him for doing a job in a position which wouldn’t be his favourite.

Þetta er málið, fyrir það fyrsta hefur hann ekki verið slæmur hjá okkur í upphafi, hann er held ég ekki alveg í sinni eiginlegu stöðu og hann er rétt búinn að spila 18 leiki hjá okkur. Ég vona allavega að hann fari með tímanum að hafa viðlíka áhrif á vellinum og hann hafði hjá Tottenham, hann má alveg skapa sér svipaðar vinsældir með góðri spilamennsku og baráttu líkt og hann hefur gert annarsstaðar þar sem hann hefur spilað á ferlinum.

WBA um helginaværi fínn leikur til að hefja markaskorun í deildinni enda virðist hann ekki vera vinsæll þar á bæ eftir dvölina hjá Wolves, erkifjendum WBA. Með Torres með sér inná hef ág trú á að Keane fái aðeins meiri tíma heldur en hann er að fá núna.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Að lokum vil ég lýsa yfir fullum stuðningi við Arsene Wenger, hann er alls ekkert mesti vælukjói í sögu sögunnar og honum er alls ekkert fyrirmunað að kenna sjálfum sér og liði sínu um nokkurn skapaðan hlut!!! Líkt og Wenger ásamt flest öllum Arsenal mönnum bendir á núna (í fullri alvöru) og benti líka á í fyrra þá er nokkuð ljóst að allir dómarar eru bara hreinlega á móti Arsenal og vilja ekki að liðinu gangi vel. Eins sést það langar leiðir að andstæðingarinr eru bara ruddar sem reyna viljandi að meiða aumingjas leikmenn Arsenal, sem á móti eru mesta fair play lið í heimi.

Ok, meira að segja bestu pennar þeirra og hörðustu nallarar eru hættir að geta étið allt þetta væl upp hrátt frá Wenger:

Arseblogger (einn albesti og öflugasti íþróttabloggarinn í dag):

The manager was hugely critical of Stoke saying that our players were ‘deliberately injured’. I think that’s really far too strong. You might say they were deliberately fouled but trying to say the Stoke players went out to deliberately injure our players is too much and is, frankly, unbecoming of Arsene Wenger. Normally I can see a logic to what he says but not this time.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Læt þetta duga í bili