…..og er svona:

Bekkurinn: Cavalieri – Agger – Dossena – Mascherano – Keane – Benayoun – Riera

Babu nokkuð grimmur, giskaði á hafsentaparið rétt, Sami gamli á að passa upp á Crouch örugglega! Masch, Keane og Riera örugglega fyrst og síðast hvíldir. Miðað við það er breidd þessa hóps talsverð. Held mig við 2-0 sigur……..

Það hefur vægt til orða tekið ekki verið neitt sérstaklega leiðinlegt að vera púllari í upphafi þessa tímabils og þó ég hafi persónulega fengið meira út úr því að sjá okkar menn leggja United um daginn þá var sigur síðustu helgar ekkert nema algjör snilld og hreinlega sögulegur fyrir margra hluta sakir. Enduðum magnað og allt of langt heimaleikjamet Chelsea manna, unnum eitt af toppliðunum á útivelli í deild undir stjórn Rafa og skoruðum loksins á brúnni til að nefna eitthvað.

En kannski segir það meira um okkar menn þetta árið að þessi sigur kom manni þannig séð ekkert svo hrikalega á óvart, meira svona loksins loksins hafðist það. Ég reyndar viðurkenni að ég verð aldrei neitt sérstaklega hissa þegar Liverpool vinnur leiki, sama hvaða leik um er að ræða. Stemmingin í hópnum er þannig að maður bara trúir varla að liðið sé að fara tapa og maður er svo spenntur fyrir næsta leik að landsleikjahléin eru næstum óbærilega löng.

Þessvegna er þessi miðvikudagsumferð algjör snilld að mínu mati, til að halda uppi þessu góða skriði er best að spila bara nokkuð þétt og fórnarlömb morgundagsins koma frá suðurströndinni, n.t.t. Portsmouth með okkar mann Peter Crouch í fararbroddi sem þann sem hvað helst sker sig úr…

Portsmouth hefur reyndar verið nokkuð mikið í fréttum þessa vikuna enda komu fréttir um skyndilegt brotthvarf Harry Redknapp eins og þruma úr heiðskýru lofti. Klárlega mikið áfall fyrir klúbbinn enda Harry verið afar vinsæll hjá Pompey og stýrt þeim á einhverju mesta velgengnisskeiði þeirra sem náði hámarki með sigi í FA Cup í maí sl. Það er allavega fullkomlega óvíst hvaða áhrif þetta kemur til með að hafa á Pompey fyrir þennan leik. Þeir segjast auðvitað bara halda áfram og hugsa sem minnst út í þetta. Pompey hafa allavega inn á milli gríðarlega góða leikmenn eins og James, Crouch, Muntari, Defoe, Kranjcar, Campell, Utaka o.fl. og eru bara með eru þétt lið sem getur verið afar erfitt við að eiga, sérstaklega ef þeir ná að þétta sig saman eftir Redknapp áfallið og finna einhvern neista og löngun til að sanna sig fyrir nýjum stjóra, sem ég spái þegar þetta er skrifað að verði Tony Adams.

En nóg um andstæðinginn og vandamál hans. Þrátt fyrir að velgengi í upphafi móts undanfarin ár hafi kennt manni að hafa báða fæturnar á jörðinni og rúmlega það á þessum tíma árs get ég ekki annað en verið þó nokkuð bjartsýnn fyrir Pompey leikinn á Anfield. Liverpool eru byrjaðir að reyna að endurheimta þetta met sem Chelsea stal af okkur og höfum við nú ekki tapað á heimavelli í 15 leikjum í röð (bara 71 to go). og liðið virkar orðið gríðarlega þétt. Hópurinn er eins orðin mun betri en hann hefur verið og virðumst við t.a.m. vera að sleppa mjög vel frá þeim kafla sem okkar lykilmenn hafa tekið upp á því að meiðast.

Allt væl um rotation stefnu Benitez er horfið og halda margir því fram að hann sé hreinlega hættur að rótera. Ekki veit ég með það og hvaða áhrif það kemur til með að hafa þegar líður á tímabilið, en ég spái í það minnsta ekki miklum breytingum á liðinu á morgun. Torres er held ég ennþá meiddur ásamt Skrtel auðvitað, ég veit ekki neitt um Degen en annars held ég að við séum með alla tiltæka:

Ég spái að liðið verði svona skipað annað kvöld: (sett upp sem 4-4-2 vegna tæknilegra örðugleika):

bekkurinn: Cavalieri, Aurelio, Lucas, Benayoun, Babel, Agger og Pennant.

Ég held að Hyypia gamli fái þennan leik á kostnað Carra eða Agger, hann er mjög rökréttur kostur hvað glímuna við Crouch varðar og eins held ég að Rafa nýti tækifærið og hvíli varnarmann i leiknum. Segi að það verði Agger enda hann að koma sér inn í þetta aftur og eins vegna þess að Carra var ómenskt góður gegn Chelsea. Eins held ég að Dossena komi aftur inn fyrir Aurelio, alls ekki að það sé eitthvað sem ég er að óska mér, held bara að Aurelio sé ekki klár í að spila svona þétt. Að öðru leiti held ég að liðið verði óbreytt frá Chelsea leiknum, Allir útileikmennirnir sem eru á bekknum eru samt alveg líklegir til að byrja inná, Babel og Lucas fara að banka fast á sæti í liðinu og það er erfitt að venju að reikna Rafa út hvað þetta varðar.

Fyrir síðasta leik var talað um að þetta yrði prófsteinn á Liverpool liðið, ef svo var þá stóðumst við það próf með stæl, en næstu leiki tel ég að séu engu minni prófsteinar á þetta lið okkar. Það veit það hvert mannsbarn að það dugir ekki að peppa sig upp í stóru leikina til að glopra því svo niður gegn miðlungsliðunum, núna verður sem aldrei fyrr pressan okkar helsti andstæðingur og hana hefur Liverpool oft ekki tekist að sigra á svipuðum árstíma. Okkar menn eru vel meðvitaðir um þetta og segja alla réttu hlutina í fjölmiðlum og virðast halda sig kyrfilega á jörðinni:

Carra á Official síðunni:

“But we’ve got Portsmouth next, and if we don’t get a good result there then we won’t have really capitalised on this win.”

Carragher added: “Being top of the league, we’re now going to be the team people will look to beat.

“I’m sure people will talk about us more. We’re going to have to deal with that now.”

Maður hefur svosem séð og heyrt þetta alltsaman áður, það er samt eitthvað sem segir manni og gefur manni þá tilfinningu að þetta sé öðruvísi í ár, það er meiri trú hjá bæði liðinu og stuðningsmönnum og því vona ég heitt og innilega að sú trú verði ekki fyrir neinum áföllum gegn fyrrum lærisveinum Harry Redknapp………og reyndar ekki heldur gegn núverandi lærisveinum hans um næstu helgi.

Mín spá: Ég segi að við lengjum þann tíma sem Liverpool hefur haft forystu á Anfield í ár úr 18 mín í svona 70.min og vinnum þennan leik án þess að lenda undir. 2-0 með mörkum frá Gerrard og Kuyt, hverjum öðrum? Reyndar virðist handritið segja þriggja marka sigur og svo jafntefli (sjá hér), en ég stend við mína spá.

Er svo glaður í dag að ég ákvað að velja hérna þrjá uppáhaldstenglana mína vegna gærdagsins. Fyrst langar mig að vitna í taktíkpistil David Pleat hjá Guardian.

Er alveg sammála honum, þetta var ekki “smash and grab” sigur heldur snilldartaktík þjálfarans framkvæmd óaðfinnanlega af leikmönnunum. Flott, flott…

Svo er það Scolari, sem hefur sýnt í kringum þessa leiki að það er hægt að vera eins og maður þó maður stjórni Chelsea. Hann segir hér frá því að leikmenn Chelsea hafi smám saman misst trúna á sig þar sem hvergi voru svæði þar sem hægt var að skapa neitt og liðið hafi tapað fyrir “sniðugu” liði Benitez.

Svo er það skemmtilegt að skoða samanburð milli þessa liðs og meistaraliðs Valencia hjá Rafa.

Svona til að vera áfram glaður á mánudeginum eftir sunnudaginn.

Ef við vorum í einhverjum vafa hvaða keppni er nr. 1 hjá Spánverjanum knáa í stjórastöðunni þennan vetur er ég allavega á því að við höfum séð í kvöld hver sú er. Ekki Meistaradeildin…..

En fyrst að byrjunarliðinu:

bekkurinn: Cavalieri – Aurelio – Lucas – Kuyt – Babel – Darby – Pennant.

Í stuttu máli sagt stjórnuðu okkar menn fyrstu 40 mínútunum ALGERLEGA. Atletico báru gríðarlega virðingu fyrir Liverpool og leyfðu okkur að stjórna ferðinni. Við náðum nú ekki að skapa okkur mörg færi og það var í raun fyrsta færið sem við nýttum til að skora á 14.mínútu. Alonso missti boltann á miðjunni, vann hann aftur og sendi á Gerrard sem þræddi boltann milli varnarmannanna. Þar tók Robbie Keane vel við honum, fékk vafann frá aðstoðardómaranum og setti hann flott framhjá Franco í markinu, 0-1 og vel að verki staðið. Robbie fékk svo upplagt færi stuttu síðar en virtist misreikna boltann og klaufaleg hælspyrna til að redda málunum tókst illa!

Atletico sýndu smá lífsmark undir lok fyrri hálfleiksins, fyrst og fremst kom hætta þeirra upp vinstri kantinn, gegn Arbeloa sem alls ekki réði við Simao! En 0-1 í hálfleik og allt í góðu.

Strax í upphafi síðari hálfleiks komu fyrstu dómaramistökin þegar Benayoun skoraði mark sem átti að standa. Strax á 53.mínútu kom svo fyrsta skipting, Keane út og Kuyt inn. Þá spáði maður í hvort um meiðsl væri þar að ræða……

Á 57.mínútu komu svo mistök dómara nr. 2 þegar Maniche var rændur jöfnunarmarki á fáránlegan hátt! Þarna var Atletico farið að stjórna leiknum og við eilítið með bakið upp við vegginn. Arbeloa karlinn var eins og vængjahurð og Simao hló að honum trekk í trekk. Í einu slíku hláturkasti átti hann hörkuskot sem Reina varði í stöng. Þá önnur skipting. 61.mínúta, Gerrard út og Babel inn. Verið að hugsa um Chelsea?????

Leikurinn að sofna hægt og rólega og þá þriðja skipting. Alonso út og Lucas inn. Klárt. Verið að hugsa um Stamford Bridge á sunnudag! Þegar þarn ar komið sögu var bara spurning hvort við héldum út, en á 83.mínútu uppskáru heimamenn sanngjarnt jöfnunarmark.

Hár svifbolti virtist hættulítill, Carra misreiknaði hann illilega og Arbeloa hljóp út úr stöðu til að hjálpa, Forlan stimplaði þá báða og sendi á Simao sem kláraði færið vel. Skelfileg, agaleg varnarvinna félaganna tveggja þar.

Það sem eftir lifði leiks bökkuðu Atletico og við fengum eina færið, sannkallað dauðafæri hjá Babel sem skallaði framhjá eftir flotta sendingu Dirk Kuyt. Uppskeran 1 stig eftir 1-1 jafntefli.

Fyrri hálfleikur þessa leiks var að mörgu leyti fínn, sanngjarnt við værum yfir og liðið að tikka fínt. Skiptingar Benitez í seinni drógu auðvitað úr þunganum en að mínu mati eigum við ekki að vera að svekkja okkur á því að gera jafntefli á þessum erfiða útivelli þegar ljóst var að þjálfarateymið var með eitt auga á Stamford.

Neikvæðast í leiknum fannst mér hægri vængurinn. Benayoun sýndi lítið og Arbeloa átti aldrei séns í Simao, sem ég vill enn sjá í okkar treyju! Agger og Masch eru ryðgaðir og liðið átti erfitt með að halda boltanum. Þó verðum við að verja drengina okkar aðeins, því völlurinn var slakur og mikill vindur.

Jákvæðast var að taka þetta stig og geta nú allt að því klárað riðilinn með sigri á Anfield gegn Atletico eftir tvær vikur. Mér fannst miðjan spila vel og vinstri vængurinn stöðugt að verða sterkari.

Þegar kemur að því að velja mann leiksins er ég ákaflega glaður. Þeir sem hafa séð mig skrifa pistla hér hafa örugglega tekið eftir því að ég vildi Barry og var tilbúinn að fórna ákveðnum miðjujaxli. Hann átti að mínu mati mjög góðan leik og er nú kominn í það form sem hefur gert hann að hetju á Anfield. Minn maður leiksins var Xabi Alonso.

Svo er bara að sjá hvort að taktík Benitez gengur upp og við sjáum árangurinn í næsta leik sem er SVAKALEGUR. Chelsea á Stamford næstkomandi sunnudag. Takið daginn frá……..

Hæ.

Semsagt, Kuyt og Pennant út, Mascherano og Benayoun inn.

Koma svo!!!!!!!

Svo getur farið að leikur Atletico Madrid og Liverpool fari fram á hlutlausum velli vegna óláta stuðningsmanna spænska liðsins þegar þeir mættu Marseille fyrr í keppninni.

Liverpool er hins vegar miður ánægðir með þessa niðustöður þar sem flest allir stuðningsmenn LFC eru nú þegar búnir að ganga frá ferðatilhögun sinni til Madrid í næstu viku.

“We are extremely concerned for our supporters, the vast majority of whom have already made travel arrangements. If the match is played at least 300 kilometres from Madrid, it will cause major disruption, inconvenience and large additional expense for our fans. Uefa have to take their needs into account when making a final decision on the game.”

Það er klárt mál að það gengur ekki að breyta leikvellinum þegar það er minna en vika í leikinn og í raun held ég að það breyti engu fyrir okkar möguleika hvort við spilum á hlutlausum velli eður ei. Spila þennan leik bara á Calderon Stadium og við vinnum hann hvort eð er.

Ekki láta þetta taka athyglina frá pistli Olla

Þegar mesti gusturinn í kringum okkar eigendur var aðeins farinn að minnka eftir langt tímabil í fyrra settist ég niður og setti fram pælingar á spjallborð vinasíðu okkar liverpool.is. Þar fór ég aðeins yfir eignarhald á helstu klúbbunum í enska boltanum og stöðu eigenda hjá stuðningsmönnum liðanna. Þar sem landslagið í þessum málum er þó nokkuð breytt síðan ég fór síðast yfir þetta, í maí 2007 og einnig vegna þess að það er fjárans derhúfuhlé ætla ég að uppfæra þessar pælingar og setja þær hingað inn.

Ég var aðallega að velta fyrir mér stöðu okkar, stuðningsmanna Liverpool samanborið við stuðningsmenn annara liða á Englandi gagnvart eignarhald á félögunum og þannig reyna að leggja mat á það hvort þeir frændur Gillett og Hicks væru eins alslæmir og við höfum sumir viljað meina…..

-

Chelsea

Frægasta og ýktasta dæmið (enn sem komið er) um nýja eigendur sem hrófla við gömlum hefðum, ekki bara hjá klúbbnum heldur íþróttinni í heild. Chelsea í eigu Ken Bates var undir lok valdatíma hans klúbbur sem var alveg á mörkum þess að brjótast inn í hóp toppliðanna á Englandi, gott ef þeir komust ekki í meistaradeildina á okkar kostnað vorið 2003.  En þessi uppgangur hafði kostað sitt og altalað var að klúbburinn ætti í basli og bráðlega væri komið að skuldadögum á lánum sem þeir áttu í basli með að endurfjármagna, sem þá hefði líklega bara frestað vandamálinu. Ken Bates hafði að ég best veit alltaf verið umdeildur en þó vinsæll á brúnni enda bjargað félaginu þegar hann keypti það, en þær vinsældir voru að minnka sökum bágrar fjárhagsstöðu. það er því svosem ágætlega skiljanlegt að stuðningsmenn Chelsta hafi fagnað mjög þegar Roman Abramovich keypti klúbbinn og breytti honum nánast á einni nóttu í meistaraefni, fyrst í Englandi og mjög stuttu síðar í meistaradeild Evrópu.
Continue reading →

Sunday Times ræðir við Jamie Carragher og ævisögu hans sem talinn er með þeim betri í bransanum: Carra: My Autobiography

Carra fer vítt og breitt um völlinn og segir m.a. að tími Evans og Houllier séu vanmetnir. Um Rafa segir hann:

…is “the biggest influence on my career. Even this morning he took me aside after training. Robbie Keane was saying, ‘Jeez, he talked to you like you’re a YTS player . . .’ You get used to it. Rafa is always on your back. Some players can’t handle that. Me, I don’t like it but I’m the sort of person who responds. You’ve always got that thing in the back of your mind with Rafa, ‘Does he actually think I’m any good?’ You’re always wanting to prove yourself. He hasn’t got much good to say about anyone, Rafa. . . even other managers.

Hann ræðir einnig um sínar áhyggjur af þeirri þróun að ungir leikmenn koma í akademíurnar vegna nýrra reglna í evrópukeppnum félagsliða o.s.frv.

Það er virkilega þess virði að lesa þetta viðtal og hætta að hugsa um gengið eða Davíð Oddsson í smá tíma.

*myndir er frá http://www.4thegame.com

Alls voru það 12 leikmenn liðsins sem léku með landsliðum sínum í gær.

Helst ber þar að nefna að Daniel Agger lék í 90 mínútur og skoraði í 3-0 sigri Dana á Möltu og sama gerði Yossi Benayoun, fyrirliði Ísraels gegn Lúxembúrg í 3-1 sigri. Riera kom inná fyrir Spánverja eftir langa fjarveru og Dossena virðist nú vera orðinn bakvörður Ítala nr. 1, spilaði enn á ný allan leikinn fyrir þá.

Í nótt bættist svo Mascherano í hópinn þegar hann lék allan leikinn fyrir Argentínu í 2-1 sigri á Úrúguay og svo er spurning hvort Lucas fær mínútur fyrir Brassana í Venesúela í kvöld.

En kannski mikilvægast, engin meiðsl!

Sú mannvitsbrekka, Claudio Ranieri lét hafa það eftir sér í gær að ástæða þess að Juventus kláraði ekki að kaupa Xabi Alonson hafi verið sú að hann sé of hægur til að vera á miðjunni þeirra.

Mér finnst alveg óskiljanlegt og til skammar að hann láti svona hluti út úr sér. Ég var vissulega einn þeirra sem taldi Gareth Barry betri kost á miðjuna en Alonso í leikkerfinu okkar, þ.á.m. vegna þess að hann er ekki mjög hraður. Það hins vegar að Ranieri, sem er talsvert stærra nafn í boltanum en ég, skuli velta þessu nú upp, mörgum mánuðum seinna þegar Xabi er að færast nær formi sínu fyrir tveimur árum er í besta falli hallærislegt. S*** up Claudio!

Hin stóra frétt dagsins er svo að annar franski „demanturinn“, hann Florent Sinama Pongolle, segir að leikur Atletico og Liverpool sem fram fer nú fljótlega verði stærsti leikur ævi sinnar. Hann fer nú aðeins yfir ferilinn sinn á Anfield og virðist vera heitur Poolari. Flott það!

Ég verð að segja að það er ekki beint skemmtilegt að í öllu þessu blessaða krepputali skuli líka vera landsleikjahlé.

Ég gæfi mikið fyrir það að Liverpool væri að keppa í Meistaradeildinni í kvöld svo maður gæti talað um annað en gjalþrot, lánalínur og þvíumlíkt.

Mikið ofboðslega bíð ég spenntur eftir 18.október. Þá segir Davíð að krónan verði komin í lag og þá fer Liverpool að spila aftur í deildinni.

En þangað til bíðum við.

Á morgun, sunnudag fara okkar menn stuttan veg í austurátt og leika gegn litla/stóra liðinu í Manchester, bláliðunum í City liðinu.

Það gera þeir eftir taplausa leiktíð hingað til, þar sem við m.a. höfum ekki fengið á okkur mark á útivelli í deildinni! Sannarlega áhugaverð statistík það :D.

Fyrst á dagskrá er auðvitað að spá í liðið sem Spánverjinn okkar er líklegur til að stilla upp.

Margir breskir blaðamenn hrósa sér af því þessa dagana að þeir hafi átt mikinn þátt í því að Rafa virðist nú rótera minna en áður. Ég reyndar held að ástæðan sé einfaldlega önnur. Hann er að mínu mati nú með það góða breidd í liðinu að það er ástæðulítið að hvíla einhverja lykla, sérstaklega núna í byrjun móts. Við t.d. sáum það gegn United þegar ansi stór nöfn vantaði. Núna er bara þokkalega í lagi þó einhver meiðist og því ástæðulaust að vera pæla of mikið í hvíldum! Allavega, það er mín skoðun á þessu máli.

En að byrjunarliðinu. Ég held að lítið verði um breytingar frá undanförnum leikjum og spái þessari uppstillingu:

Semsagt, Dossena og Masch inn fyrir Aurelio og Alonso, ein breyting frá Goodison. Vel gæti ég hugsað mér að Babel fengi að byrja, en ég held að Rafa sé að koma Keane og Riera inn í leikskipulagið og haldi því þeim inni.

Ég hef fulla trú á því að við sjáum sama skipulag og í síðasta sigurleik okkar á útivelli í deildinni, þar sem við förum hægt og örugglega inní leikinn, en stígum svo fastar þegar líður á, með gríðaröflugum seinni hálfleik!

Ef við skoðum mótherjann, Manchester City, er auðvitað ástæðulítið að eyða fleiri orðum á þeirra nýju stöðu sem ríkasta liðið í Englandi. Ég hef haft mikla trú á Mark Hughes sem framkvæmdastjóra og er viss um að liðið á eftir að verða í harðri toppbaráttu á næstu tímabilum. En miðað við það sem ég hef séð hingað til af þeim tel ég þá ekki tilbúna í alvöru Meistaradeildarbaráttu, allavega ekki fyrr en eftir innkaup í janúar, sem sennilega verða svakaleg!

City hefur spilað sama leikkerfi og við eftir að markaðurinn lokaði. Þeirra helsta hætta er Jo, sterkur senter frammi og kantmennirnir tveir, Wright-Phillips og launahæsti leikmaður Englands, Robinho valda yfirleitt miklum usla. En liðinu finnst ekkert mjög skemmtilegt að verjast og þar tel ég þá veikasta. Bakverðirnir og markvörðurinn það veikasta í liðinu, auk þess sem það átti mjög erfitt með að verjast „physical“ liði Wigan í síðustu umferð.

Þegar þetta er svo tekið saman spái ég alveg hörkuleik á City of Manchester Stadium. City er fínt fótboltalið sem heilmikil stemming er í kringum, en á móti hefur liðið okkar ekki litið betur út á þessum tíma í fjöldamörg ár!

Úrslit? Ég spái jöfnum leik þar til í lokin að við stígum upp og skorum sigurmark. Ég spái því að Albert Riera setji sigurmark á 71.mínútu og fái svo að klára leikinn! Semsagt 0-1 sigur okkar drengja.

KOMA SVO!!!!!

Meistaradeildin er orðin þannig í dag að maður er orðinn svo góðu vanur að maður er hálfpartinn farinn að ætlast til þess að Liverpool taki flesta andstæðinga sína á þessu stigi keppninnar nokkuð örugglega, sérstaklega á heimavelli. PSV hafa verið Hollenskir meistarar undanfarin 4 ár, verið gríðarlega sterkir í meistaradeildinni undanfarin ár og haft í sínum röðum gríðarsterka leikmenn. Engu að síður býst maður við nokkuð öruggum sigri og ég er hræddur um að allt myndi nú loga ef hann fengist ekki.

Það er samt enginn hætta á miklum hita eftir leik kvöldsins, Liverpool hélt áfram mjög góðri spilamennsku sinni og gjörsamlega labbaði yfir PSV, nánast án þess að setja í 3.gír. Einhverjir vilja örugglega meina að þetta PSV lið sé arfaslakt, ég vil samt heldur meina að þetta PSV lið var látið líta út fyrir að vera arfaslakt. En rennum yfir þetta:

Rafa kemur ennþá á óvart og hafði lið Liverpool hefðbundið í dag, nánast sama lið og spilaði gegn Stoke og Everton:

Bekkur: Cavalieri, Dossena, Agger, Mascherano, Babel (80.mín f/Gerrard), Benayoun (67.mín f/Riera), Lucas (75.mín f/Keane)

Fyrri hálfleikur var gjörsamlega eign Liverpool, PSV lagði leikinn upp eins og flest lið virðast ætla að gera gegn Liverpool í vetur, með mjög stífum varnarleik. 5-3-2 kerfi og allir fyrir aftan miðlínu. Þessi uppstilling var hinsvegar engin hindrun fyrir Liverpool sem byrjaði leikinn vel og skoraði strax á 4.mínútu eftir …wait for it……góða hornspyrnu. Torres var einn á auðum sjó í markteig og náði fínu skoti sem Isaksson varði vel með löppunum, af honum barst boltinn út í teig beint í lappirnar á Kuyt sem hammraði knöttinn í Isaksson sem fékk hann líklega í hnéð og þaðan fór hann í netið, 1-0. Smá heppni yfir þessu hjá Kuyt en gott mark engu að síður enda engin smá fjöldi varnarmanna fyrir framan hann þegar hann lét skotið ríða af.

Eftir markið var bara eitt lið á vellinum, Liverpool var með boltann í station útgafunni af reitarbolta án þess þó að opna PSV neitt sérstaklega. Það var helst að Ambrabat væri með lífsmarki hjá Hollendingunum enda hljómar nafnið ekki ólíkt undrabarn, en tilburðir PSV verða seint skráðir í sögubækurnar.

Á 19.mínútu átti Robbie Keane að fá víti þegar varnarmaður PSV fór klaufalega í lappirnar á íranum sem féll í teignum og heimtaði strax víti, réttilega enda boltinn aldrei nálægt varnarmanninum og dómarinn í afar góðri stöðu til að sjá þetta. Það þýddi þó ekki að svekkja sig á þvi og yfirburðir Liverpool héldu áfram þrátt fyrir að PSV hresstist örlítið þegar leið á hálfleikinn.Stuðningsmenn Liverpool voru vel með á nótunum þó þeir hafi á tímabili virkað smá rispaðir enda mátti heyra þetta góða lag í hátt í tíu mínútur frá The Kop.

En á 33.mínútu gerðist sögulegur atburður, Kuyt fékk boltann út á hægri kannti, kom honum upp í hornið á Torres sem tók bakvörðinn á sprettinum, kom boltanum inn í teig þar sem enginn annar en Robbie Keane var mættur og setti boltann laglega í vinstra hornið, 2-0 fyrir Liverpool og alsæll Keane tók spariútgáfuna af fagninu sínu góða fyrir framan stuðningsmenn Liverpool, sem var öllum með tölu mjög létt að þessi hindrun væri loksins frá. Fínn fyrri hálfleikur, yfirburðirnir algerir og mesta furða hvað fagnið hjá Keane var lítið ekkert pirrandi núna.

2-0 í hálfleik og það gjörsamlega áreynslulaust.

Seinni hálfleikur byrjaði svipað og sá fyrri, Liverpool var með boltann og leikinn gjörsamlega í sínum höndum. Þó lifnaði örlítið yfir hollendingunum sem fóru líklega að sýna vott af þeim bolta sem þeir spila allajafna. Á 52.mín var manni örlítið brugðið þar sem Torres var sparkaður niður og lá á eftir, slíkt er alltaf svolítið stress en hann hristi þetta af sér og hélt áfram að hrella varnarmennina. Torres hefði með smá heppni getað skorað í leiknum en var alltaf ógnandi og átti eitthvern þátt í öllum okkar mörkum. Þegar klukkutími var liðin af leiknum var ég farinn að skilja betur hvernig Kuyt tókst að vera markamaskína í Hollandi , það var bara einfaldlega gríðarlegur styrkleikamunur á þessum liðum.
Á 65.mín skipti gamla hetjan okkar Jan Kromkamp aftur um lið í andartak, honum hefur alltaf langað til að spila með Torres og sendi því góða sendingu á spánverjann sem komst við það einn í gegn, en ekkert varð úr færinu þar sem Torres skaut framhjá, kudos engu að síður á Kromkamp.

Næstu fimm mínútur fóru Hollendingarinr aðeins að gera sig líklega og færðu sig aðeins framar á völlinn, við það skapast smá pláss fyrir Torres sem var við það komast í gegn þegar hann var felldur af arguably aftasta varnarmanni PSV. Aukaspyrna var dæmd á hættulegum stað og gult spjald fór á loft. Áður en spyrnan var tekin gerði Benitez aðra skiptingu á liði Liverpool, setti Lucas inn fyrir Keane. Lucas var svo varla kominn inná þegar Gerrard HAMMRAÐI knöttinn í netið úr aukaspyrnunni, geggjað mark hjá fyrirliðanum og eins mikið a la Gerrard og hægt er, 3-0. Skiljanlegt reyndar að hann tæki spariútgáfuna á þetta enda hans hundraðasta mark fyrir klúbbinn.

Fljótlega eftir að staðan var orðin 3-0 slysuðust hollendingarnir upp kanntinn, þaðan kom fín sending frá Kromkamp að mig minnir inn á varamanninn Danny Kovermas sem minnkaði muninn í 3-1 með góðu marki. En þetta var held ég í eina skiptið sem eitthvað reyndi á Reina í leiknum, ekki að ég sé að kenna honum um það.

Eftir þetta fjaraði leikurinn nánast út. Babel sem kom inná fyrir Gerrard fékk slæman slink á ökklan og virtist vera meiddur en harkaði þó af sér og kláraði leikinn. Síðasta færið kom svo eftir góðan undirbúnig frá Torres sem komst enn eina ferðina næstum í gegn, hann ákvað að skjóta ekki þegar hann var í færi til þess, tók þess í stað feik og setti boltann á Lucas sem var í úrvalsfæri sem vörn PSV varði í horn.

Þetta var það síðasta sem gerðist markvert í þessum mjög góða leik okkar manna sem var sá 250. undir stjórn Rafa Benitez.

-

Frammistaða okkar manna var heilt yfir bara skrambi góð, andstæðingurinn var látinn líta illa út, varnarmúrinn strax brotinn á bak aftur sem var, eins og Stoke kenndi okkur, mjög mikilvægt. Það var svosem enginn að bera neitt sérstaklega af í kvöld þannig séð heldur bara góð frammistaða liðsins heilt yfir. Ef ég renni yfir frammistöðu leikmanna:

Reina – Þessi leikur var þannig að ég hefði verið pollrólegur þó Peggy Arpex..whatever væri í markinu. PSV fékk eitt færi sem fór á markið og reyndar í markið, en það er ekki hægt að saka Reina mikið um það mark.

Arbeloa – Byrjaði frísklega og var að ná ágætlega saman við Kuyt í upphafi. Leikurinn bauð ekki upp á mikla möguleika á mistökum hjá Arbeloa og því frekar hlutlaus frammistaða hjá honum í kvöld.

Skrtel – þetta skrímsli var að mati Agger leiðinlega gott í kvöld. Skrtel er að verða hrikalega traustur miðvörður og gerir það erfiðara fyrir Agger að komast aftur í liðið með hverjum leiknum sem líður.

Carragher – Hann var bara samur við sig í dag, en það er auðvitað mikið hrós þegar talað er um Carra. Það reyndi svosem ekki mikið á vörnina.

Aurelio – Gaman að sjá hann aftur í liðinu og ég tala nú ekki um klára heilan leik. Átti nokkra líflega spretti upp kanntinn, en þessir leikur verður ekkert lengi í minnum hafður hjá honum held ég.

Gerrard - Fyrirliðinn var góður í dag, við áttum gjörsamlega miðjuna og Gerrard átti nokkrar efnilegar sendingar sem sköpuðu hættu. Þar fyrir utan átti hann mark helgarinnar í meistaradeildinni, þvílíkt sem það er alltaf gaman að sjá þessar neglur syngja svona í netinu.

Alonso – Líkt og Gerrard var Alonso afar traustur í kvöld, dreifði spilinu vel og líkt og ég sagði eftir síðasta leik þá er hann alltaf að líkjast sjálfum sér meira og meira….það er gaman að sjá.

Kuyt – Hefðbundinn leikur hjá honum, Kuyt er að eiga nokkuð góða leiki þessa dagana og var að vanda þræl duglegur í dag og skoraði meira að segja gott mark. Hann dalaði aðeins þegar leið á leikinn og ég er ekkert spenntur fyrir því að sjá mikið meira af samvinnu Kuyt og Bennayoun sem við fengum í lokin.

Keane – Ágætisleikur hjá Keane, hann er komast betur inn í leik okkar manna og náði auðvitað loksins að setja mark fyrir okkur í þessum leik. Það var nokkuð augljóst að þetta var honum afar kærkomið og mikið óskaplega má hann fara gera þetta reglulega.

Riera – Sæmilegur leikur hjá Riera, var að skila boltanum ágætlega frá sér og stríða hollendingunum af og til. Hefur þó verið meira áberandi, maður er samt að fá það meira og meira á tilfinninguna að Rafa hafi gert góð kaup í þessum kappa.

Maður leiksins

Fernando Torres – Í nokkuð jöfnu liði Liverpool í dag vel ég Torres sem mann leiksins. Hann var alltaf ógnandi og bara óheppinn að skora ekki í kvöld. Hann átti skotið sem varð til þess að boltinn barst til Kuyt í fyrsta markinu, hann sendi á Keane í fyrsta marki írans fyrir Liverpool og hann fiskaði aukaspyrnuna sem Gerrard skoraði úr. Þar að auki var hann rétt búinn að leggja upp mark fyrir Lucas undir lokin. Þetta gull er ekki bara að skora fyrir okkur heldur skapar hættan af honum einnig helling af mörkum.

En mjög góður sigur hjá okkar mönnum og ekki hægt annað en að vera sáttur. Gerrard náði 100.markinu og Keane braut ísinn, semsagt allt eins og það á að vera.

Takk fyrir mig

Babú

Rafa var búinn að gefa það út fyrir leikinn að hann myndi ekki breyta miklu, liðið hefur verið að spila vel og kallinn segist eiga í basli með að taka einhvern út úr starting 11 á meðan svo sé. Að hann sé að tala svona er jafvel sögulegri viðburður heldur en gengi krónunnar þessa dagana og eitthvað sem mjög margir anti-rotation sinnar ættu að vera ánægðir með.

Fyrir leikinn er gerð ein breyting og hún er jákvæð að mínu mati, Fabio Aurelio kemur inn fyrir Dossena en annars er liðið nákvæmlega eins og það var gegn Everton.Nú er bara vonandi að Aurelio nái að ræpast til að taka smá run án þess að meiðast, þetta er góður leikmaður þegar hann er heill.

Bekkur: Cavalieri, Dossena, Agger, Mascherano, Babel, Benayoun, Lucas.

Það þarf ekki neinn vísindamann til að sjá að bekkurinn okkar er orðin mun sterkari en hann hefur oft verið og því margir möguleikar í stöðunni fyrir Rafa þessa dagana. Ég vil líkt og Babel sjálfur fara sjá hann meira í liðinu, sama á við um Agger, en meðan þessir kappar eru bara á bekknum hlítur liðið að vera sterkt um þessar mundir. Mascherano er svo auðvitað byrjunarliðsmaður allajafna en ég er alveg sáttur við miðjuna eins og hún er í dag gegn PSV heima.

Ég segi að þetta verði lítið óvænt í kvöld og fari 3-0, við erum bara mun sterkari en PSV og klárum þetta lið á Anfield, kæruleysið frá upphafi þessarar keppni í fyrra er vonandi að baki. Torres 2 og Alonso skora fyrir okkur.