Það eru margir leikmenn sem hafa komið og farið hjá Liverpool undanfarin keppnistímabil, sumum man maður eftir líkt og Vladimir Smicer, Igor Biscan og Peter Crouch en svo eru aðrir sem ég vil helst ekki að hafi spilað í rauðu treyjunni líkt og Sean Dundee, Erik Meijer Bernard Diomede og Torben Piechnik. Leikmenn koma með mismiklar væntingar til félagsins og klassískt er að minnast þá á Bruno Cheyrou sem átti að vera nýi Zidane (uuuhhh NEI) en aðrir leikmenn líkt og Hyypia eru algjörlega óþekkt stærð en verða stórir með því að spila hjá Liverpool. Ekki fjallar þessi færsla um aldnar hetjur eða núverandi stjörnur heldur þá staðreynd að Roy Keane hefur ákveðið að para saman tvo leikmenn sem ég hélt að ég myndi aldrei skrifa um hérna á þessari síðu aftur, El-Hadji Diouf og Drijbil Cissé.

Ég hafði miklar væntingar til bæði El-Hadji Diouf og Drjibil Cisse enda höfðu þeir báðir staðið sig fantavel með sínum félags- og landsliðum. Diouf brilleraði á HM 2002 en fyrir þá keppni hafði Houllier klófest Senegalann “snjalla” á meðan Cissé voru hans síðustu kaup en með Auxerre var Cissé í öðrum heimi.

Báðir þessi leikmenn hafa farið sinn veg frá Liverpool og stóð hvorugur þeirra þær væntingar sem til þeirra voru gerðar. Hugsið ykkur muninn á Diouf og Cissé annars vegar og hins vegar leikmenn sem hafa komið til Liverpool með væntingar og staðið undir þeim sbr. Torres.

Í raun og veru fjallar þessi færsla ekki um neitt annað en, hvað er Roy Keane að spá? Heldur hann virkilega að með því að fá leikmenn eins og Diouf og Cissé að Sunderland muni ná lengra? Er erfiðara að komast frá Englandi (þegar þú hefur einu sinni spilað þar) en að komast til félags þar?

Ég ætla að leyfa þessum greinum fylgja með ykkur til yndisauka og ánægju:

20 players to rival the worst of British
The 50 worst footballers