Á morgun verður dregið hvaða lið mætast í 3. umferð undankeppni Meistaradeildarinnar. Liðin sem við getum mætt eru eftirfarandi:
Monthly Archives: July 2008
Hvað mun gerast?
Eftir að hafa rúllað yfir flesta netmiðlana í morgun þá er erfitt að sjá fyrir hvað muni gerast.
Ef eitthvað er að marka útspil Aston Villa manna þá er Barry málið endalausa klárt, hann kemur ekki!
Þetta kemur í kjölfar þess að Rafa segir að hann verði að selja til að kaupa fleiri leikmenn. Rafa var varla búinn að sleppa þessum orðum þegar Benayoun átti að vera á leið til West Ham eða Man City. Ég get alveg slegið því föstu að Benayoun er ekki að fara eitt né neitt. Þetta er gæðaknattspyrnumaður sem sættir við að vera næstum lykilmaður.
Hins vegar tel ég meira að marka þær fréttir að Pennant sé á leið til Blackburn í ljósi þess að Bentley hefur verið seldur til Tottenham fyrir 15 milljónir punda. Ef þetta reynist satt þá held ég að bæði lið geti verið sátt, Pennant vill fá meiri ábyrgð og mun örugglega spila minna í ár en í fyrra á meðan Blackburn vantar hægri kantmann. Ince, gjörðu svo vel!
Auðvitað eru þetta flest allt slúðurmiðlar en Aston Villa var varla búið að gefa út þessa yfirlýsingu að Barry væri ekki á leið til Liverpool þegar fréttir bárust þess efnis að Liverpool væri loksins búið að ná samkomulagi við Villa.
Ég ætla að leyfa mér að spá þessu: Barry ræðir við O´Neill í dag og fer fram á sölu frá félaginu. Í framhaldinu kemur Liverpool með tilboð sem hljóðar uppá 16-18 milljónir punda og Villa um samþykkja það með semingi. Þetta mun allt gerast í dag! Á morgun klárast síðan kaupin og Barry mun spila seinni hálfleik á móti Rangers um helgina!
Vilt þú verða næsti bloggari Kop.is?
Við tilkynntum í síðustu viku um brottför Dodda úr bloggteymi okkar hér á Kop.is. Í kjölfarið hefur losnað staða og höfum við Einar Örn ákveðið að auglýsa eftir nýjum bloggara í stöðuna.
Þið getið lesið nánar um þær kröfur sem við gerum og hvernig á að sækja um með því að smella hérna. Þá getið þið nálgast tengilinn fyrir umsókn hér hægra megin á meðan umsóknartíminn er opinn.
Við hvetjum alla áhugasama til að senda okkur umsókn þar sem þið takið fram hvers vegna þið gætuð hentað sem næsti bloggari Kop.is. Við hlökkum til að heyra í ykkur!
Eiga Rafa og Rinus eitthvað sameiginlegt?
Í kommentunum við kaupinn á Keane benti Reynir á pistil birtist á spjallborði heimasíðunnar RedandWhitekop.com. Þar byrjar pistlahöfundur (royhendo) á að benda á nokkra aðra pistla sem vert sé að lesa áður en lengra er haldið (sem og ég gerði).
Fyrsti pistillinn sem ber nafnið This is the year… fjallar um að þetta tímabil sé í raun það fyrsta síðan Rafa tók við liðinu að við getum gert RAUNHÆFAR kröfur á að vinna enska titillinn. Pistlahöfundur (L6 Red) kemur með góðar röksemdir fyrir því hvers vegna og orðar hlutina stórskemmtilega á stundu.
It has always been a case of ‘one bitten, twice shy’ for me. After the fantastic treble of 2001, I finally expected a Nintendo (by now, a PS2) within two years, only to be heartbroken as I unwrapped Diouf, Diao and Cheyrou. Never again, I said.
Næsti pistillinn sem bent er á að lesa er This season’s Defence – an Attack en það ser sá hinn sami L6 Red sem skrifar hann. Þar fjallar hann um að líkt og að mikilvægt að vörnin byrji á framherjunum þegar andstæðingurinn er með boltann þá er fyrsta sóknarlínan vörnin.
He made a European-Cup winner out of the lamentable Riise and he turned Finnan into the marauding right-back he’d once been at Fulham.
Eftir að hafa lesið þessa tvo pistla var ég loksins klár í upphaflega pistillinn þar sem segja má að hinir tveir hafi verið skyldulesning til að geta haldið áfram í næsta áfanga. Í þeim pistli sem ber heitið Rinus Michels, his teambuilding process, and the final jump to Level 3 football er höfundurinn búinn að lesa bók sem Rinus Michels, fyrrum landsliðsþjálfari Hollands, skrifaði árið 2001 og heitir Team Building – the Road to Success.
Í þessum pistli er farið ítarlega ofan í hugmyndafræðina á bak við Rafa og líkur reyondo þeim Rafa og Rinus ítrekað saman. Á stundu þung lesning en ótrúlega fróðleg og gefandi (ef nægur tími er fyrir hendi í sumarfríinu). Pistlahöfundur tekur síðan tilvitnanir í hinar og þessar síður og oftar en ekki í mennnina á bak við Rafa til að styrkja sitt mál.
Í veit að margir hafa lesið þessa pistla eftir að Reynir kom með þetta í kommentin í gær en mér þótti vel þess virði að koma þessu áleiðis þar sem ég var dolfallinn í gærkvöldi við þessa lesningu.
*myndin tekin af amazon.com
Númer sjö
Keane kominn – staðfest! (uppfært)
Eins og væntanlega flestir hér hafa lesið nú þegar á opinberu vefsíðunni hefur Robbie Keane, fyrirliði írska landsliðsins og áður fyrirliði Tottenham skrifað undir 4ra ára samning við Liverpool. Kaupverðið er sagt 18 milljónir punda, sem mun svo hækka ÞEGAR (ekki ef) Liverpool vinnur ensku deildina á ferli hans á Anfield.
Væntanlega verður ítarlegri yfirferð um feril Robbies og fróðleiksmolar um Írann snögga hér fljótlega, en þeir sem vilja geta nú strax tjáð sig um sín fyrstu viðbrögð! Það er jú aldrei víst fyrr en það er víst og nú er þetta víst.
Velkominn Robbie!
Uppfært
Molar um Robbie Keane.
Skrifaði undir “schoolboy” samning við Wolves sumarið 1995. Hafnaði samskonar samningi við Liverpool þar sem hann taldi meiri möguleika á að fá að spila hjá Úlfunum. Lék fyrsta leik sinn fyrir Úlfana haustið 1997 aðeins 17 ára gamall og spilaði 87 leiki fyrir þá alls og skoraði 29 mörk, allt í næstefstu deild.
Keyptur til Úrvalsdeildarliðs Coventry fyrir 6 milljónir punda sumarið 1999, var þá dýrasti táningur (yngri en 20 ára) sögunnar. Sir AF sagði á þeim tíma að hann myndi aldrei borga meira en 500 þúsund fyrir svo ungan mann…… Lék eitt tímabil með Coventry í Úrvalsdeildinni, alls 34 leiki og skoraði 12 mörk.
Keyptur til Internazionale sumarið 2000, aðeins 20 ára, fyrir 13 milljónir punda. Komst strax í byrjunarliðið hjá Marcelo Lippi, en datt út þegar hann var rekinn. Lék aðeins 13 leiki fyrir Internazionale og skoraði 2 mörk.
Keyptur til Leeds í apríl 2001 fyrir 12 milljónir punda. Lék 56 leiki fyrir Leeds, þar af byrjaði hann aðeins 38 leiki og skoraði 19 mörk, en var einn fyrsti leikmaðurinn sem Leeds seldi þegar fjárhagshrunið dundi á þá, enda var hann þá að mestu orðinn bekkjarformaður á meðan að Fowler, Smith og Viduka voru í byrjunarliðinu.
Keyptur til Tottenham sumarið 2002 fyrir 7 milljónir punda, lék þar 254 leiki og skoraði 107 mörk. Árið 2005 var hann gerður að varafyrirliða félagsins og hefur síðan ansi oft borið fyrirliðabandið. Síðastliðið vor vann hann sinn fyrsta titil sem leikmaður, þegar Spurs vann Chelsea í úrslitaleik League Cup.
Svo í dag var hann seldur til Liverpool fyrir 19 milljónir (20.3) punda og þar mun hann sko taka til hendinni. Í dag er Robbie Keane nýorðinn 28 ára (fæddur 8.júlí) og hefur leikið 442 opinbera leiki fyrir sín félagslið og skorað 168 mörk. Samanlagt kaupvirði hans allan ferilinn stendur nú í 57 milljónum (58.3) punda. Vonandi hækkar sú tala ekkert meir……
Robbie Keane er írskur landsliðsmaður. Hann lék sinn fyrsta landsleik gegn Tékklandi rúmlega 17 ára gamall í mars 1998 og skoraði sitt fyrsta landsliðsmark í október gegn Möltu sama ár. Hann var stjarna írska liðsins á HM 2002, þar sem hann skoraði 3 mörk í 4 leikjum, þ.á.m. eftirminnilegt mark gegn Þjóðverjum. Hann var svo gerður að landsliðsfyrirliða í tíð goðsagnarinnar (eða??) Steve Staunton í mars 2006 og þegar Giovanni Trappatoni tók við liðinu staðfesti hann þá ákvörðun. Í dag hefur Robbie Keane leikið 81 leik fyrir Írland og skorað í þeim 33 mörk, sem er það langmesta sem Íri hefur skorað fyrir landslið sitt, í öðru sæti þar er góðvinur Bjarna Fel., Njáll Kvinn með 21 mark.
Semsagt, heljar reynsla þarna á ferð og leikmaður sem gaman verður að sjá í alrauðum búningi á Anfield. Síðast þegar Robbie Keane mætti á Anfield skoraði hann bæði mörk Tottenham í 2-2 jafntefli sunnudaginn 7.október 2007. Það voru tvær frábærar afgreiðslur sem hundpirruðu mann! Næstu mörk hans á Anfield munu vekja önnur viðbrögð!!!!
Enn og aftur……
Velkominn Robbie!
Uppfært aftur
Samkvæmt fyrsta viðtalinu við Robbie á opinberu heimasíðunni mun hann leika í treyju nr. 7 og ætlar að fagna á sinn gamla, skemmtilega (eða?) hátt einu sinni fyrir framan The Kop.
Keane og Degen
Góðan daginn!
Það eru aðallega tvær fréttir, sem vekja athygli í dag. Önnur slæm, hin góð. Byrjum á þeirri slæmu. [Ian Doyle spekúlerar um það](http://www.liverpoolbanter.co.uk/2008/07/philipp-degen-in-op-blow-as-ro.html) að Philippe Degen þurfi hugsanlega að fara í aðgerð til að laga nárameiðsli, sem héldu honum á hliðarlínunni allt síðasta tímabil. Ef að við gefum okkur að sögusagnir um Arbeloa séu réttar, þá er aðeins Steve Finnan eftir sem hreinræktaður hægri bakvörður. Og í sumar hafa gengið sögusagnir um að Finnan sé á leið frðá liðinu, enda var hann afleitur í fyrra.
Þetta er að mínu mati fullkmolega fáránleg staða til að vera í. Jafnvel þótt að Degen væri heill, þá er ég alls ekki sáttur við að fara inní tímabilið með hann, Finnan og Carragher (sem ég HATAÐI sem bakvörð – hann var á tíma á lista með Emile Heskey yfir menn sem fór mest í taugarnar á mér að væru í byrjunarliðinu þegar hann var í bakverðinum) sem fyrstu kosti.
Einhverjir óábyrgir miðlar hafa verið að orða okkur við Rafinha, en ég hef ekkert séð um það á ábyrgum miðlum.
**Uppfært (EÖE)** Barrett segir í greininni sem ég linka á í Keane frásögninni að þessi aðgerð muni aðeins halda Degen frá í tvær vikur.
Þá að góðu fréttunum því að Robbie Keane kláraði í dag læknisskoðun á Melwood. Þannig að þetta er því komið og fastlega er búist við að hann skrifi undir samning í dag og geti hugsanlega spilað með gegn Villareal. Gott mál.
Einnig segir í sömu grein að áhugi Liverpool á Gareth Barry sé enn til staðar.
Úr sunnudagsumræðunni
Vanalega eru sunnudagsblöðin þau safaríkustu í bransanum, en þennan daginn er þó lítið nýtt. Gareth Barry spilaði 75 mínútur sem vinstri bakvörður fyrir Aston Villa í gær og MON framkvæmdastjóri fær fyrirsagnirnar í dag þar sem hann segir að Aston Villa vilji Barry meira en Liverpool. Nenni ekki að finna link um það, allir örugglega búnir að lesa það nú þegar og við öll orðin þreytt á þessari sögu sem ég er sannfærður um að endar í næstu viku, á hvorn veginn sem er.
Ég aftur á móti ákvað að benda fólki á þennan hlekk hér sem segir frá því að tilboð upp á 6 milljónir punda sé komið í Alvaro Arbeloa. Alvaro virðist ekki líka lífið í Englandi og vill fara heim til Spánar, þó það sé reyndar hvergi staðfest.
Ég ætla að ráðleggja Rafael og félögum að samþykkja þetta tilboð. Arbeloa hefur aldrei sannfært mig sem afburða leikmaður, en vissulega góður. Það að selja hann með 3.4 milljóna hagnaði finnast mér góð viðskipti, sérstaklega þar sem ég tel hægri bakvarðarstöðuna bara í ágætis málum með Finnan og Carragher sem valkosti og yngri leikmenn eins og Darby, Irwin og Spearing með möguleika á að koma inn í þessa stöðu í vetur.
Ég held því að þessar 6 milljónir gætu farið upp í að styrkja aðrar stöður, annað hvort með Barry eða með kaupum á fljúgandi vængmanni. Hvað finnst ykkur????
Keane er að koma
Ég fór í bíó í gær á The Dark Knight. Eftir alla umfjöllunina og eftirvæntinguna fyrir þessa mynd var ekki laust við að maður færi með miklar væntingar í Álfabakkann, en hún olli ekki vonbrigðum. Heath Ledger á hér stjörnuleik …
… afsakið, gleymdi mér aðeins.
Helgin er komin og það er eiginlega aðeins ein frétt sem ég yfirhöfuð nenni að pæla í þessa helgina: Robbie Keane er að koma. Alveg satt. Hann verður orðinn Liverpool-maður um þetta leyti um næstu helgi. Alveg satt. Hann er að fara í læknismeðferð eftir smáááááááá stund, ég lofa því. Þetta er að gerast. Þið verðið að trúa mér!!!
Keane er sem sagt, miðað við allar fréttir frá Englandi, á barmi þess að innsigla draumaflutning sinn frá Tottenham Hotspur til Liverpool FC. Kaupverðið er sagt vera u.þ.b. 18m punda en gæti hækkað upp í 20m ef hann vinnur titla með Liverpool.
Hvað þýðir þetta fyrir aðra framherja Liverpool? Við skulum skoða stöðuna aðeins í formi myndlíkingar. Ímyndið ykkur bíltúr frá Melwood yfir á Anfield. Rafa keyrir og farþegarnir eru: Torres (shotgun), Kuyt, Keane og N’gog afturí.
Voronin, það er ekkert pláss fyrir þig. Þú verður að labba.
Góða helgi, gott fólk. :)
Leto lánaður til Olympiakos.
Það hefur legið í loftinu að Sebastian Leto verði lánaður út þetta tímabil og þá til Grikklands. Hann hefur verið í vandræðum með vegabréfið sitt þar sem hann mun vera með ítalskt vegabréf en er í raun Argentínumaður. Ítölsk yfirvöld eru að fara í gegnum útgefin vegabréf tilbaka í tímann og þess vegna hefur Leto verið í limbói hvort hann sé í raun með ítalskann passa. Þetta mun allt saman skýrast innan tíðar.
Hvað sem verður þá hefur Rafa hins vegar fullvissað Leto að hans framtíð liggi hjá Liverpool ef allt þróast eins og það á að gera.
Í öðrum fréttum er það að litla félagið í Liverpool, Tranmere Rovers, hefur fengið Godwin Antwi að láni til janúar.
Pennant á leið til Blackburn?
Daily Mail segir frá því að Paul Ince sé að fara að gera tilboð í Jermaine Pennant þar sem ljóst þykir að hann nær ekki að halda David Bentley hjá félaginu en hann ku vera á leið til Spurs.
Ef þetta gengur eftir þá yrði ég afar glaður enda hef ég í raun aldrei sætt mig við tilveru Pennant hjá félaginu, mér finnst hann einfaldlega ekki nógu góður. Hann á einn og einn leik en heilt yfir er hann alls ekki nógu góður leikmaður til að vera hjá Liverpool.
Viðtal við Eduardo Macia.
Fyrir þá sem eru að láta sér leiðast í sumarfríinu þá er þetta bráðskemmtileg lesning:
RAFA’S BOOTROOM: EDUARDO MACIA
Að vera eða vera ekki?
Martin O´Neill segir í dag að það komi vel til greina að Barry spili gegn OB Odense um helgina í InterToto keppninni. Hann ræðir einnig um hugsanlega brottför Barry til Liverpool:
“Deep down we would all love him to stay at the football club. We haven’t heard back from Liverpool for some time and we’re not exactly sure where we all stand. When people say people are in limbo, I don’t think that applies to anybody more than ourselves. We don’t know whether to move forward or not with it. It’s a long-running saga and I wouldn’t mind it ending one way or another. My preference – and hopefully I’m speaking for a lot of Villa fans, if not all of them – is that we would like Gareth to stay at the football club. That would be great because it will be hard to replace him. But we’re not sure where Liverpool stand now. It was never mentioned before about them needing to sell some players before they bought – that was never in the system at all. But seemingly it must be part of it. The point is that this has been long running and we’re looking to see it end one way or another.“
hhmmm þarna hintar O´Neill sterklega til þess að Alonso sé ekki farinn frá Liverpool og þá verði jafnvel ekkert að kaupunum. Ég er alla vega sammála honum í því að þetta mál má alveg fara að enda, á hvað aveg sem það fer.
N’Gog kominn til Liverpool (staðfest)
Liverpool hafa staðfest að hinn 19 ára gamli franski framherji David N’Gog er búinn að skrifa undir 4 ára samning við liðið.
N’Gog hefur leikið með U-19 ára liði Frakklands og þar hefur hann skorað 3 mörk í þrem leikjum, en auk þess hefur hann leikið og skorað með U-17 og U-16 ára liðum Frakklands. Hann spilaði með arfaslöku liði PSG á síðasta tímabili og skoraði þá 3 mörk í 25 leikjum.
Eftir þessi kaup verður að teljast líklegt að Andrei Voronin fari frá Liverpool, en einhver lið í þýsku deildinni hafa áhuga á honum og verður að teljast líklegt að Liverpool myndi þá peningana sem liðið borgaði fyrir N’Gog tilbaka.
Hérna er [leikskýrsla fyrir leikinn](http://www.thefa.com/England/U18s/NewsAndFeatures/Postings/2006/09/18report.htm) þar sem að hann kláraði ungmennalið Englands.
Mennirnir bakvið Rafa.
Þótt Rafa Benitez sé alráður hjá Liverpool þá er hann með marga hæfa menn með sér í þjálfarateymi sínu. Ég ætla mér ekki að gera uppá milli þeirra heldur einungis fara í gegnum þá og skoða þeirra kostir/galla.
Ungur bakvörður kominn.
Official síðan staðfestir að Liverpool hafi fest kaup á 18 ára hægri bakverði frá Murcia, Emmanuel Mendy. Hann mun hafa komið á frjálsri sölu til félagsins.
Rafa hefur verið afar duglegur við að kaupa unga leikmenn til félagsins en þeir eru í allt orðnir 28 með Mendy frá því Antonio Barragán var keyptur sumarið 2005. Af þeim 28 leikmönnum sem hafa komið eru einungis þeir Barragán, Anderson, Hobbs, Paletta, Leto og Insúa. Barragán, Paletta og Idrizaj eru þeir einu sem eru farnir aftur.
En lítur nánar á þá leikmenn sem Rafa hefur keypt:
Barry spilar með varaliði Villa.
Gareth Barry fékk að finna fyrir því frá stuðningsmönnum Villa þegar hann spilaði varaliðsleik í gær gegn Walsall en þetta er í fyrsta skiptið sem hann spilar fyrir Villa eftir að hann sagðist vilja fara til Liverpool.
M.a. var hann kallaður: You’re not fit to wear the shirt” og “Judas” af Villa stuðningsmönnum og í raun get ég vel skilið þá og ég hefði gert slíkt hið sama ef ég væri stuðningsmaður Villa.
Ég á bágt með að trúa því að Barry geti í raun verið leikmaður Villa eftir það sem undan hefur gengið og þykir mér ótrúlegt ef Martin O´Neill ætli að halda í ósáttann leikmann sem og stuðningsmennirnir eru búnir að snúa við honum baki. Ef ekkert lið er tilbúð að borga uppsett verð fyrir drenginn þá verður hann einfaldlega að lækka verðmiðann.
Líklegt verður að teljast að Barry fari frá félaginu en hvert? Liverpool eða kannski Arsenal?
Liðið gegn Hertha Berlín
Liðið gegn Hertha Berlín er komið. Ef menn vilja ræða um leikinn, þá geta þeir gert það hér:
Cavalieri
Darby – Carragher – Agger – Insúa
Pennant – Mascherano – Plessis – Leto
Voronin – Pacheco
Á bekknum: Martin, Dossena, Hyypia, Skrtel, Degen, Benayoun, Kuyt, Spearing, Hobbs.
**Uppfært (EÖE)**: Leikurinn er búinn og hann endaði 0-0. Hérna er offical leikskýrslan.
Rafa, hvar eru kantmennirnir?
Hvert einasta ár geri ég ákveðnar væntingar til Liverpool, raunhæfar væntingar (í það minnsta finnst mér það) og síðan met ég liðið yfir allt tímabilið. Á tímabili í vetur (lok janúar) settist ég á krá með góðum vini mínum og urðum við sammála um að Rafa væri líklegast kominn á endastöð með liðið. Ekkert virstist ganga og liðið var ekki að standast mínar væntingar (sem voru að halda í við toppinn í það minnsta fram yfir nýárið). Það má segja að gott gengi í Meistaradeildinni og góður kippur í deildinni hafi gefið manni trúna aftur en það er ljóst að á næsta tímabili verður liðið að gera betur en það síðasta.
Af hverju?
Í allt sumar hefur Barry verður sagður á leiðinni og Alonso á leið burt. Ekkert hefur gerst og því lengra sem það dregst því ólíklegra lítur það út. Ég sé í raun ekki mikinn tilgang í því að bæta Barry við liðið ef við erum með Gerrard, Mascherano, Alonso og Lucas á miðjusvæðinu. Það myndi hefta framgang Lucasar mikið sem og ég get varla séð Alonso vera jafn dapran og á síðasta tímabili aftur. Frekar vildi ég sjá áhersluna lagað á að kaupa framúrskarandi kantmenn (já fleirtala) og einn heimsklassa framherja.
Crouch farinn en kemur Keane?
Ég var í raun ekkert áfjáður í það láta Crouch fara frá félaginu en taldi samt líklegast að hann vildi sjálfur fara þar sem ljóst var að hann myndi aldrei slá Torres út úr liðinu sem og Rafa notast oftar en ekki einungis við einn framherja í leikkerfinu 4-5-1. En hvað gerum við ef Torres meiðist? Setjum við Kuyt uppá topp, Voronin eða einn af unglingunum? Ég tel það ólíklegt og er þess fullviss að Rafa muni annað hvort ganga frá kaupunum á Keane eða þá að hann sé með annan jafngóðan framherja í sigtinu. En talandi um Keane þá get ég ekki séð neina röksemd í því fyrir Spurs að selja bæði Berbatov og Keane og Búlgarinn er langt um líklegri til að fara en Keane sem hefur verið fyrirliði Spurs í fjarveru Ledley King. En hvað veit ég?
Nýr Mike Hooper?
Rafa hefur keypt nýjan varamarkmann, Cavaleri, í stað Itjande og hreint út sagt held ég að það breyti afar litlu því ef svo færi að Reina myndi meiðast alvarlega og vera frá í lengri tíma þá mun Rafa kaupa nýjan aðalmarkvörð. Vonandi er þessi drengur bara duglegur æfingapúði sem þó getur varla staðið sig verr en Itjande sem mér þótti aldrei líklegur til afreka.
Ertu þá farinn!
Það hafa nokkrir minni spámenn yfirgefið liðið svo sem Guthrie sem fór til Newcastle fyrir ágætis aur, Carson sem fór á endanum til nýliða WBA og Le Tallec sem fékk frjálsa sölu til Le Mans. Einn fastamaður, Riise, var seldur til Roma og kom það mér alls ekki á óvart að hann skyldi fara. Það má teljast ótrúlegt hversu lengi hann hefur verið hjá félaginu svona eftir á að hyggja. Peter Crouch var seldur enda ósáttur við sín tækifæri og fékk félgið fínan hagnað af þeirri sölu. Svo má ekki gleyma Harry nokkrum Kewell en segja má að hans dvöl hjá félaginu hafi verið vond, hann fór á frjálsri sölu til Galatasaray.
Silva, hvar ertu?
Heilt yfir þá lítur liðið nokkuð vel út. Það er fínt jafnvægi í liðinu, margir ungir leikmenn hafa verið keyptir til félagsins sem spila með unglinga- og varaliðinu og vonandi skila þeir sér upp næstu árin en eftir sem áður vantar okkur kantmenn.
Í dag eru við með Jermaine Pennant, Yossi Benayoun, Ryan Babel, Dirk Kuyt, Sebastian Leto, Paul Anderson og Steven Gerrard. Ólíklegt verður að teljast að Gerrard fari aftur á kantinn, Kuyt er kannski ekki þessi óska kantmaður gegn liðum sem liggja langt aftur og virkilega reynir á knatttækni og góðar fyrirgjafir, Leto er í vandræðum með atvinnuleyfið og Anderson er í láni hjá Forest út tímabilið. Þetta gerir því einungis þrír kantmenn: Pennant, Yossi og Babel og að mínu viti eru Pennant og Yossi ekki nægilega góðir til að vera lykilmenn í liði sem ætlar sér enska meistaratitilinn.
Niðurstaða: Ég tel að liðið verði að styrkja kantstöðurnar til að eiga raunhæfa möguleika á titli. Ég myndi telja að liðið væri miklu líklegra til árangurs ef t.d. leikmaður á borð við Silva myndi koma en ef Barry/Keane kæmu. Þeir eiga að kosta um 40 milljónir punda samanlagt, má eyða því í að kaupa Silva?
Sammála/Ósammála?
Hvað er leiðinlegast?
Af því að það er ekkert skemmtilegt að skrifa um, þá set ég hér inn könnun:
Hvað er leiðinlegast?
- Að hlusta á stuðnigsmenn Man U tala um fótbolta (50%, 203 Atkvæði)
- Fréttir um Cristiano Ronaldo (23%, 94 Atkvæði)
- Fréttir um Gareth Barry (16%, 63 Atkvæði)
- Fréttir um Baugsmálið (7%, 30 Atkvæði)
- Fréttir um ísbirni (4%, 13 Atkvæði)
Fjöldi atkvæða: 403
Loading ...Takk fyrir.
Brottför Dodda
Þetta er stutt færsla og því miður ekki skrifuð af góðu.
Ég vil tilkynna lesendum síðunnar að Doddi, einn harðasti Púllari höfuðstaðs norðursins, mun hverfa frá stöðu sinni sem penni á Liverpool Blogginu frá og með líðandi stundu. Hann bætist því í ansi fámennan og ansi góðmennan hóp þeirra Hjalta og Benna Jóns sem fyrrverandi Liverpool Bloggari. Eins og menn muna hvarf Hjalti af sviðinu í fyrrasumar, en Benni Jón hélt síðunni á lífi yfir eina helgi í febrúar ’05. Auk þess að vera heiðursforsetar þessarar síðu ævilangt eru þessir menn svo heppnir að mega rífa meiri kjaft en gengur og gerist á þessari síðu, auk þess sem þeir borga aldrei fyrir bjórinn mjólkina yfir leikjum á meðan við Einar Örn erum á staðnum (í alvöru strákar, það er undir ykkur að rukka).
Við Einar Örn viljum fyrir hönd Liverpool Bloggara þakka Dodda fyrir skemmtilegt tæpt ár, og ég vona að ég tali einnig fyrir hönd lesenda þegar ég segi að ég vona að Doddi sjái sér fært að heiðra okkur með nærveru sinni í ummælunum endrum og sinnum þótt hann sé ekki lengur með míkrófón eins og við hinir. :)
Annars er nýtt tímabil Liverpool framundan á næstu vikum og sem fyrr hyggjumst við Einar Örn ekki standa í stað með þessa síðu. Vonandi getum við flutt ykkur skemmtilegar fréttir af næstu skrefum í þróun síðunnar fljótlega.
Franskur framherji til Liverpool
Echo staðhæfa að Liverpool muni ganga frá kaupum á hinum franska David N’Gog. N’Gog er 19 ára framherji og kemur á um 1,5 milljón punda. Echo segja að PSG hafi fallist á kaupverðið.
Á Liverpool.is er þetta sagt um leikmanninn:
>Ngog vakti fyrst athygli enskra liða þegar hann rústaði enska U-18 ára landsliðinu í september 2006. Hann skoraði bæði mörk Frakka í 2-0 útisigri og sagt var að ensku ljónin hefðu verið tamin af Ngog.
N’Gog verður þá væntanlega fjórði nýji leikmaður sumarsins.
Leikur gegn Wisla Krakow í dag
Jæja, þriðji æfingaleikur sumarsins fer fram eftir rétt rúman klukkutíma á æfingasvæði Liverpool í Sviss. Mótherjar dagsins eru Wisla Krakow og er byrjunarliðið eins og hér segir:
Cavalieri
Darby – Carragher – Agger – Dossena
Benayoun – Lucas – Plessis – Leto
Voronin – Babel
Bekkur: Martin, Hyypiä, Skrtel, Hobbs, Aurelio, Spearing, Insúa, Pennant, Mascherano, Pacheco, Kuyt.
Það vekur athygli að það er enginn Steven Gerrard í hópnum í dag, en hann meiddist á nára í vikunni og er farinn heim til Liverpool til að fá aðhlynningu. Talið er að hann verði frá í rúma viku.
Það verður athyglisvert að sjá Dossena leika í fyrsta sinn fyrir Liverpool. Menn geta sem fyrr horft á leikinn í beinu streymi á LFC tv á fjölvarpinu eða netinu.
Keane og Barry! (surprise!)
Tvennt, sem ég ákvað að henda inn ef menn vilja spjalla um.
- Martin O’Neill hefur lýst frá því á opinberu Aston Villa heimasíðunni að hann hafi talað við Gareth Barry, sem hafi útskýrt fyrir honum að hann vilji fara til Liverpool!
- Tottenham hafa svo kvartað yfir framkomu Liverpool og Man U í eltingaleik þeirra við Keane og Berbatoc. Fergie hefur tjáð sig mjög opinberlega um Berbatov og það sárnar Spurs mönnum. Stjórnarformaður Tottenham segir:
“Today’s public comments by Manchester United‘s manager, announcing that he has made an offer for Dimitar and is confident that the deal will go through with time working in their favour, is a blatant example of sheer arrogance and interference with one of our players”
“It is also probably one of the worst offences by any manager in the Premier League to date and is unbelievably hypocritical given his recent comments in respect of Cristiano Ronaldo and Real Madrid.
“This comes after a series of events, dating back to last summer, which have shown Manchester United to be in breach of Premier League (PL) rules. As a result, we have today made an official complaint to the PL about the conduct of Manchester United.
“Benitez made similar comments in respect of Robbie recently and we made an official complaint to the PL about the conduct of Liverpool earlier this week.
“The behaviour of both clubs has been disgraceful. We told both clubs very early on that we had no interest in selling Robbie or Dimitar, respectively, and that they should refrain from pursuing the player. Both clubs arrogantly chose to ignore this request and we now have evidence that both clubs have systematically been working to prise the players away from us, outside of PL rules of conduct.
“Our subsequent position has been severely compromised by both clubs making their intentions widely known and indeed making contact with the players and their agents, without the club’s permission.
“I have absolutely no wish to sell either player and to date we have not accepted any offer for either. However, when a player’s head is turned and their commitment is absent, particularly when they occupy key positions such as that of striker, they become a negative influence in a team dressing room in which they were once a positive addition and influence.
“This is the situation we now have on our hands, with both Dimitar and Robbie having made it clear that they wish to leave for Manchester Utd and Liverpool respectively.
Jammmmm! Gaman gaman.
Það er þó eitt í þessu varðandi Keane að þarna er í fyrsta skipti staðfest opinberlega að Keane vilji koma til Liverpool. Það vissu þó flestir fyrir, en hann hefur núna greinilega tilkynnt forsvarsmönnum liðsins það.
Carson til W.B.A. (staðfest)
Liverpool hafa staðfest að liðið hefur selt Scott Carson til W.B.A.
Talið er að kaupverðið sé 3,25 milljónir punda.
Keane, Carson, Barry… (uppfært)
Skv. ýmsum vefmiðlum í dag er Robbie Keane falur á ca. 20 milljónir punda og Ramos hefur sagt að öll tilboð í bæði Berbatov og Keane verði að skoða alvarlega. Það kæmi mér ekki á óvart að Keane myndi detta inn og að Gareth Barry díllinn sé dottinn upp fyrir en hann og O´Neill munu hafa átt sáttarfund í gær.
Ég ítreka mína afstöðu: Ef við fáum Keane og höldum Alonso þá er ég fullkomlega sáttur. Síðan mætti svo sem einn öflugur kantmaður detta inn en sjáum til.
BBC Sport greinir frá því að Stoke City hafi dregið sig úr “kapphlaupinu” að kaupa Scott Carson en WBA og Blackburn eru líklegustu kaupendurnir.
Daily Mirror kemur með ótrúlega frumlega frétt en þeir segja að Voronin verði seldur til að fjármagna kaupinn á Barry og að Finnan fari til Villa! Já þeir frjóir í hugsun hjá ensku slúðurblöðunum.
**Uppfært (EÖE) 11.31** Echo segja að Liverpool menn trúi því að liðið nái að klára kaup á Robbie Keane innan 48 klukkustunda!
Þeir tala líka enn um að Barry sé (einsog Keane) “desperate” í að ganga til liðs við Liverpool og að um leið og Keane kaupin gangi eftir, þá muni Rafa aftur snúa sér að Barry.
Sigur í gær og fimmtudagsslúður.
Liverpool vann Luzern í gær 2-1 í sínum öðrum æfingaleik þar sem Daniel Pacheco kom gríðarlega á óvart með góðum leik. Lucas og Voronin skoruðu mörk Liverpool en þeir sem spiluðu voru:
(4-4-2): Cavalieri; Degen (Darby 45), Agger (Hyypia 46), Carragher (Skrtel 45), Insua; Benayoun (Babel 45), Plessis (Spearing 63), Lucas, Leto (Aurelio 55); Pacheco (Mascherano 78), Voronin (Kuyt 81). Ónotaðir varamenn: Hansen, Dossena, Gerrard.
Rafa var ánægður með að sjá Leto spila aftur fyrir Liverpool en vandamál með atvinnuleyfi komu í veg fyrir framgang hans á síðasta tímabili.
“Leto is a good player and he showed tonight the quality that he has. He has had some problems with his work permit but hopefully that will be okay because has a lot of quality. We are waiting to hear when that permit will come through and we should find that out in the next 10 days.”
Hann upplýsti einnig að ástæða þess að Dossena spilaði ekki var að hann hefur ekki fengið alþjóðlega leikheimild.
Daniel Pacheco þessi kom frá Barcelona og er 17 ára Spánverji og þykir gríðarlegt efni. Menn gera því skóna að hann fái einhverja leiki með aðalliðinu á þessu tímabili en væntanlega er ólíklegt að búast við honum fyrr en eftir í 1-2 ár. Ætli Pacheco og Nemeth verði að berjast um sæti við hlið Torres eftir 2-4 ár?
Nokkrir vefmiðlar gera því skóna að áhugi Liverpool á Gareth Barry hafi minnkað þar sem Villa ætli ekki að lækka verðmiðann á drengnum og sé Rafa byrjaður að skoða aðra kosti. Einn af þeim leikmönnum sem hefur ítrekað verið orðaður við Liverpool er Robbie Keane. Ég tel reyndar afar ólíklegt að Tottenham muni selja bæði Keane og Berbatov en fréttir hafa borist þess efnis að Man U sé búið að bjóða í Búlgarann snjalla. Ég tek fagnandi á móti Keane en líkt og með Barry þá er þetta langt frá því að vera sjálfgefið.
Eins og áður hefur komið fram er öruggt að Scott Carson er á leið frá Liverpool og í raun bara spurning hvar hann endar. Hann hefur lækkað mikið í verði og áliti frá því fyrir ári síðan en líklega hefur hann verið ofmetinn bæði verðið og getan. Villa ákvað að kaupa hann ekki og eina liðið sem hefur boðið í hann eru nýliðarnir Stoke City. Núna berast fréttir af því að Blackburn sé í viðbragsstöðu þar sem þeir hafa samþykkt kauptilboð í Brad Friedel frá Aston Villa. Mér er í raun slétt sama hvar drengurinn endar svo framanlega við fáum 4+ milljónir punda fyrir hann.
Hugleiðingar um Kuyt, Cavalieri og Barbie
Í kjölfar smá umræðu fyrir ekki svo löngu sem skapaðist á síðunni um varnarleik Liverpool þá langar mig aðeins að ræða getu liðsins framar á vellinum.
Það voru vægast sagt skiptar skoðanir á síðasta tímabili þegar kom að ræða sóknarleik liðsins.
Í byrjun árs 2008 var ég orðinn verulega pirraður á getuleysi liðsins fram á við og hvað kantmenn okkar voru að spila eins og bakverðir og bakverðirnir líktust helst hornfánum. Janúar var erfiður vægast sagt. Þetta var í einu orði sagt viðbjóður oft á tíðum og það var einn maður sem ég hafði lítið sem ekkert álit á, á þessum tímapunkti. Hann skilaði varnarhlutverkinu vel og það voru fáir vinstri bakverðir að taka þátt í sóknum andstæðinganna, en fram á við virtist hann geldur (jafnvel kynfæralaus). Ég er auðvitað að tala um Dirk Kuyt og lægð hans á síðasta tímabili sem hann svo reif sig heldur betur upp úr í lok þess.
Það stóð ekki steinn yfir steini hjá Kuyt framan af tímabili og einfaldir hlutir eins og móttökur og stuttar sendingar klúðruðust. Menn voru strax í janúar glugganum farnir að orða hann við önnur félög og vildu hann burt. En þegar lítið lifði af tímabilinu þá vaknaði nýr Dirk Kuyt um morguninn að heimili sínu í Liverpool. Varnarleikur hans breyttist svo sem ekkert mikið, hann var jafn duglegur og skilaði varnarhlutverki sínu frábærlega, en sóknarleikur hans tók algjörum stakkaskiptum. Hann fór að skora mörk og leggja upp líka og var einn besti maður liðsins í Meistaradeildinni. Hann átti hvern stórleikinn af fætur öðrum og allt í einu var maðurinn sem maður þoldi ekki orðinn einn af uppáhöldunum. Hann virtist vera miklu ferskari, með meiri yfirsýn á sóknarleikinn og einbeitingin var orðin meiri og betri. Eftir góðan endi á misgóðu tímabili Kuyt þá var hann valinn í hollenska landsliðið fyrir EM og þar lék hann mjög vel að mínu mati og hélt uppteknum hætti þar sem frá var horfið úr enska boltanum.
Persónulega þá er ég á þeirri skoðun að Kuyt eigi að vera á hægri kantinum í vetur. Það er lítið pláss fyrir hann í framlínuna á meðan að Torres er einn á toppnum. Svo finnst mér Kuyt vera miklu meiri kantmaður heldur en framlínumaður, ég held að það sé vegna þess hversu duglegur hann er. Varnarvinna hans og dugnaður nýtist mun betur á kantinum heldur en á toppnum. En hann er fyrsta val að mínu mati á hægri kantinn eins og staðan er í dag. Ef hann heldur áfram á þeirri braut sem hann er á þá er þetta sennilega duglegasti kantmaður deildarinnar og í leiðinni marksækinn og frískur fram á við.
Svo langar mig að fjalla aðeins um stöðu tveggja manna í liðinu. Annar er nýr en hinn olli töluverðum vonbrigðum í fyrra eftir ágætis byrjun. Hér á ég að sjálfsögðu við Diego Cavalieri og Barbie.
Ég þarf svo sem ekkert að fjölyrða frekar um stöðu Diego Cavalieri. Hann er að etja að kappi við einn albesta markmann heims og besta markmann síðustu tvö tímabil í enska boltanum að mínu mati. Við gerum okkur flest grein fyrir því að Cavalieri er einungis að fara að spila bikarleiki og ef Reina meiðist eða fær bann mun hann væntanlega fá að spila í öðrum keppnum. Þrátt fyrir að hafa lítið séð til brasilíska markvarðarins þá tel ég hann vera öflugri leikmann heldur en Charles Itandje sem virkaði óöruggur, klaufskur og ósparkviss í fyrra. Þrátt fyrir að Cavalieri sé ekki að fara að henda Reina út úr byrjunarliðinu þá er Reina að fá öflugri varamarkmann heldur en í fyrra og það eflir hann tvímælalaust. Samkeppni af slíku tagi ætti að vera öllum aðilum til hagnaðar sem eru innanbúðarmenn í Liverpool liðinu og Rafa gerði góð kaup þarna að mínu mati.
Svo ef við snúum okkur að Barbie, a.k.a. Andriy Voronin. Er einhver Liverpool aðdáandi hrifinn af leikstíl og knattspyrnulegri getu Úkraínumannsins? Þrátt fyrir að hann hafi komið fríkeypis síðasta sumar þá er ég bara sorglega langt frá því að vera sáttur við hans framlag síðasta vetur. Voronin virtist ætla að blómstra eftir fína byrjun á síðasta tímabili, skoraði nokkur mörk og spilaði þokkalega. Ég svo sem var ekkert að missa legvatnið yfir frammistöðu kappans en ég ákvað að sýna honum þolinmæði og átti von á stíganda í leik hans á meðan hann aðlagaðist. En annað kom heldur betur á daginn. Undirbúningur hans fyrir leiki liðsins snérist líklega frekar um hvernig hárteygju hann ætti að nota heldur en hugafarslegan undirbúning því Voronin var oftar en ekki upp í stúku að horfa á leikina og komst ekki í hóp. Hann hvarf úr liðinu og var lítið sem ekkert notaður. Þegar maður sér menn spila knattspyrnu sér maður fljótlega hvort þeir kunni eitthvað fyrir sér í íþróttinni eða ekki. Að mínu mati er Voronin ágætis leikmaður, en ekki í lið eins og Liverpool, hann á ekki heima í svo góðu liði. Af hverju ætti Rafa að nota hann á bekkinn sem næsta mann á eftir Torres í stað Daniel Pacheco t.d.? Pacheco er vissulega ungur en ég vona að Rafa eigi eftir að gefa honum sénsinn í stað Voronin, ég tel það mun betri kost. Strákurinn hefur verið að brillera í fyrstu æfingaleikjunum og verið maður leiksins í bæði skiptin að mati opinberu heimasíðunnar.
Mitt mat: Selja Voronin og nota ungu strákana Pacheco eða Nemeth. En það gæti vel verið að Rafa kaupi svo framherja á næstu dögum og þá tel ég Voronin endanlega gagnslausan fyrir Liverpool.
Orðið er ykkar.
Leikur gegn Lucerne í kvöld
Jæja, þá er það æfingaleikur #2 á þessu sumri og byrjunarliðið er komið:
Cavalieri
Degen – Carragher – Agger – Insúa
Benayoun – Plessis – Lucas – Leto
Pacheco – Voronin
**Bekkur:** Hansen, Hyypiä, Skrtel, Dossena, Aurelio, Darby, Gerrard, Mascherano, Spearing, Babel.
Það verður athyglisvert að sjá Cavalieri og Degen, og vonandi Dossena í seinni hálfleik, og svo mun ég fylgjast aðeins með Leto líka.
Fyrir þá sem hafa áhuga er leikurinn í beinni á LFC.tv.
Barry!
Ó dísus kræst, þetta verður skemmtilegra með hverjum deginum!
**Uppfært (Kristján Atli – 21:04):** Andvarp. Í allt sumar hef ég andað rólega yfir þessu máli af því að ég vissi að þetta myndi gerast. Spurningin var ekki hvort heldur hvenær. Það sama mátti segja um söluna á Alonso. Við erum að selja hann og ég er búinn að kveðja.
Nema hvað, Juventus munu pottþétt ekki kaupa Alonso eftir að þeir keyptu Poulsen, Barry er snúinn aftur til æfinga hjá Villa og okkar menn eru farnir í æfingaferð til Sviss.
Ég vil ekki sveiflast frá einum öfgunum út í aðrar; í stað Juve eru menn nú farnir að spá hvort við munum nota Alonso sem gullstöng uppí kaupverðið á Kun Aguero hjá Atletico, og ég held ennþá að kaup okkar á Barry velti að öllu leyti á honum sjálfum. Ef hann er ákveðinn í að koma til Liverpool á hann að bregðast við þessu þrátefli með því að fara formlega fram á að vera settur á sölulista, og svo lýsa því yfir að það þýði ekkert að ræða við Arsenal því hann vilji aðeins spila hjá Liverpool og hvergi annars staðar.
Auðvitað gerist það samt aldrei. En það á mikið eftir að gerast í þessari sápuóperu áður en sumarið er úti.
Ég veit bara ekki hvað mér á að finnast um þetta. Ég, persónulega, væri alveg sáttur við að hafa Alonso hjá okkur áfram í stað þess að fá Barry. Ég hef mikið álit á Barry en ég held að Alonso hljóti að vera hungraður til að hrista af sér slenið, fái hann annað tækifæri. Hins vegar finnst mér einstaklega neikvætt ef Rafa getur ekki klófest sinn helsta óskamann í sumar, eftir að Villa-menn opnuðu dyrnar fyrir okkur og spörkuðu Barry út í innkeyrsluna (gátu vart gert okkur hlutina auðveldari).
Gott eða slæmt? Við sjáum til, sagði zen-meistarinn.
Carson til Stoke?
Samkvæmt BBC þá hafa Liverpool tekið tilboð Stoke í Scott Carson, sem hljómar uppá 4 milljónir punda.
Vandfundinn er sennilega sá leikmaður sem hefur hrapað jafn svakalega í verði eftir einn leik líkt og Carson gerði í Rússaleiknum Króatíuleiknum á Wembley.
Hver bauð í Aguero?
Liverpool er núna aftur orðað við Sergio Aguero, sem við töluðum um áður en hann var keyptur til Atletico Madrid og varð einn besti leikmaður spænsku deildarinnar. Umboðsmaður hans segist hafa fengið tilboð í Aguero (sem er metinn á um 35 milljónir punda) og það sé frá ensku liði, sem er ekki Chelsea:
>”I’ve had interest from a leading English team and they’ve asked me to approach Atletico with a bid. I can’t say more until I’ve spoken to the club about the offer.
>”All I can tell you is that it’s one of the best teams in Europe and it’s not Chelsea.”
Semsagt, væntanlega Everton.
Djók! Þetta er því væntanlega Man U, Arsenal eða Liverpool. Guardian segja að Man U hafi gert tilboð í Berbatov og Demento hefur sagst bara ætla að kaupa einn leikmann í sumar, þannig að ef að Man U kaupir Berbatov (sem verður að telja líklegt ef að sagan um boðið er rétt, því hann vill ábyggilega fara) þá eru bara Liverpool og Arsenal eftir. Í einhverri fréttinni er velt upp þeim möguleika að Xabi Alonso myndi hugsanlega fara til Atletico líkt og Luis Garcia gerði þegar að Fernando Torres var keyptur.
Aguero á að hafa sagt í blaðaviðtali að hann hefði ávallt verið Liverpool stuðningsmaður (sjá hér gamalt viðtal).
Fer Alonso kannski ekkert? (Uppfært)
Núna liggur næstum ljóst fyrir að danski landsliðmaðurinn Christian Poulsen er á leið til Juventus frá Sevilla. Gæti þetta þýtt það að Juventus hefur ekki lengur áhuga á Alonso eða Liverpool tregir að selja drenginn?
UPPFÆRT: Fram kemur í kvöld á SkySports vefnum að skv. Sissoko þá sé Alonso ánægður hjá Liverpool og má telja næstum víst að Alonso fari ekki til Juventus. Það hefur ekkert annað lið komið fram opinberlega og lýst yfir áhuga á Alonso þar með hljóta líkur að aukast að hann verði áfram hjá Liverpool.
Hvað finnst ykkur?
Hugleiðingar um varnarleikinn á næsta ári
Svona á meðan að við bíðum frétta af nýjum leikmönnum og undirbúum okkur undir næsta æfingaleik datt mér í hug að rýna aðeins í þann þátt liðsins sem virðist nú einna fullmótaðastur fyrir næsta tímabil, varnarleikinn.
Í fyrra lenti Liverpool í ákveðnum vandræðum þegar Daniel Agger meiddist og missti í raun úr allt tímabilið. Það var ekki fyrr en í janúar að fenginn var leikmaður sem komst nálægt því að fylla skarð hans, þá vorum við í raun úr leik í titilbaráttunni og þrátt fyrir að Skrtel hafi átt fína byrjun á Anfield og gamla rörið Hyypia ætti frábært tímabil brást varnarleikurinn í stóru leikjunum um vorið, gegn Chelsea og United. Svo í ofanálag lentum við í miklum vandræðum með föst leikatriði á okkur, fengum á okkur 16 mörk upp úr slíku, aukning um 11 mörk milli ára.
Það var því ljóst að eitt af markmiðunum yrði að söðla um með leikmenn og auka breiddina í varnarmönnunum. Tveir hávaxnir bakverðir og nýr markmaður hafa nú þegar bæst í hópinn og hugsanlegt er að Barry komi og sé þá jafnvel hugsaður sem möguleiki í varnarleiknum.
Nýi markmaðurinn, Diego Cavalieri, er lítt þekkt stærð. Hins vegar virðist manni af því sem maður hefur lesið um hann fer þar markmaður sem er góður í teignum og góður að koma boltanum í leik, en eilítið þungur á línunni. Miðað við það held ég að Rafa sé að hugsa um að fá markmann sem svipar til Reina. Itandje var fínn á línunni en vonlaus í teignum og slakur með boltann í fótunum. Ég reyndar hlakka til að sjá hvað verður um David Martin, þar er mikið efni á ferð sem við vonandi nýtum meira en Carson. Væntanlega verður Carson komið með nýjan heimavöll í þessari viku. Maður auðvitað þekkir nýja manninn ekkert en vonandi veldur hann hlutverki sínu sem varaskeifa besta markmanns í enska boltanum (mitt mat). Markvarslan ætti að verða sterkur hlekkur nú eins og áður.
En það er varnaruppstilling þeirra sem næstir koma sem verður gaman að sjá. Það má í raun segja það að við höfum fengið 3 nýja menn þar með endurkomu Agger. Ég tel liðið hafa saknað hans gríðarlega í fyrravetur og í raun ansi gott hvernig tókst til án hans, okkar besta varnarmanns. Frábær dekkari og takklari, snillingur að bera boltann upp og yfirvegaðri en allt. Ég tel hann vera kost Benitez númer eitt í vörninni.
En hvaða vörn munum við spila? Í leiknum gegn Tranmere nú nýlega stillti Rafa upp þriggja hafsenta vörn með vængbakvörðum. Ég held að það gætum við fengið að sjá í leikjum gegn slakari liðum deildarinnar, þá muni Carragher og Skrtel fylgja Agger í hafsentunum og Aurelio/Dossena vera vinstra megin með Degen hægra megin (og Finnan ef hann ekki fer). Dossena fengum við ekki að sjá gegn Tranmere en af öllu sem maður les fer þar öflugur sóknarbakvörður. Degen fengum við að sjá í gær og ég bara var afar sáttur. Auðvitað var mótherjinn veikur, en hann er mjög fljótur, áræðinn og á flotta bolta inn í boxið. Það sem kom mér einna mest á óvart var hæð hans og líkamsstyrkur. Ég geri mér miklar vonir um að þessi strákur nýtist okkur mikið í baráttunni framundan! Því leik ég mér með uppstillingingar, tek fram að miðju- og sóknarmenn eru bara með til að skýra myndina eitthvað aðeins…. Að mínu mati fyrsti kostur í þessu afbrigði:
Reina
Carragher – Agger – Skrtel
Degen – - – - – - – - – - – - – - Dossena
Mascherano – Gerrard – Alonso
Torres – Kuyt
Svo kemur að því að skoða fjögurra manna vörnina í „normal“ leikjum. Gaman verður að sjá hvaða leikmenn munu berjast þar. Ég held að Degen sé ekki nægilega sterkur varnarlega til að verða fyrsti kostur hægra megin, en þar held ég að Arbeloa verði kostur númer eitt, jafn mikið og ég held að hann geti ekki verið vængbakvörður. Verulega verður svo skemmtilegt að velta fyrir sér hafsentaparinu. Ég held að Agger verði lykilmaðurinn og mikil barátta verði milli Carragher og Skrtel um sætið við hlið hans. Svo hefur maður ekki enn séð Dossena, en hann hefur jú spilað í fjögurra manna vörn hjá sínum liðum og ætti að geta staðið þá vakt. Því held ég að uppstillingin verði:
Reina
Arbeloa – Carragher – Agger – Dossena
Babel – Mascherano – Alonso – Benayoun
Gerrard
Torres
En svo er enn eftir sá möguleiki sem ég held að sé ein af ástæðum þess að verið er að eltast við Barry. Í leikjum okkar gegn „stóru“ liðunum þremur höfum við lent í vandræðum gegn öflugum vængmönnum og líkamlega sterkum framherjum. Ég held að þegar Benitez fer næst á OT, SB og Emirates muni hann verulega velta fyrir sér að setja þessa vörn upp:
Reina
Carragher – Skrtel – Agger – Barry
Babel – Mascherano – Alonso – Benayoun
Gerrard
Torres
Auðvitað miðast þetta við að við fáum Barry að lokum en þessi vörn held ég að yrði sett upp í þeim leikjum þar sem eiga þarf við leikmenn þess toga sem ég áður lýsti.
Svo eru það föstu leikatriðin. Dossena er stór og Degen líka, Barry feykisterkur skallamaður með góða hæð. Skrtel hefur nú væntanlega lært svæðisvörnina vel og ég er viss um að í Sviss næstu daga verður mikið verk unnið til að koma í veg fyrir þann leka.
En hvað haldiði, er ég að vaða reyk eða er eitthvað til í þessum pælingum???
Sigur á Tranmere og never ending story…
Í gær var fyrsti æfingaleikurinn hjá LFC og var spilað gegn nágrönnum okkar í Tranmere Rovers og vannst naumur 1-0 sigur þar sem Yossi skoraði sigurmarkið. Ég sá sjálfur ekki leikinn en af því sem ég hef lesið þá virðist þetta hafa verið ágætis æfing og gott að sjá Agger sé kominn á ról aftur. Nýju leikmennirnir fengu sína eldskírn í rauða búningnum en þessir spiluðu:
Martin (Cavalieri 46), Darby (Hyypia 46), Hobbs (Flynn 46), Carragher (Aurelio 46), Agger (Kelly 77), Leiva (Skrtel 46), Plessis (Gerrard 66), Insua, Pennant (Degen 46), Pacheco (Voronin 66), Benayoun (Spearing 46)
Liðið er nú farið til Sviss í æfingarbúðir og er næsti æfingaleikurinn gegn Luzern á miðvikudaginn kemur.
Svo að Barry málinu… þetta virðist ætla að vera sagan endalausa og læðist að manni sá grunur að hann komi ekki. Ég held að það sé ljóst að ef Barry kemur þá muni Alonso fara frá félaginu og þótt ég taki fagnandi á móti Barry þá langar mig ekki til að missa Alonso. Niðurstaða: Ég er sáttur við núverandi ástand á miðjunni og vil frekar að Rafa einbeiti sér að kaupa kantmenn og framherja.
Hvað eigum við mikinn pening?
Í [kommentunum](http://www.kop.is/2008/07/11/12.07.37/#comment-32542) við nýlega færslu var byrjað að ræða um það hvað þessar leikmannasölur væru að skila Liverpool. Í grein í Echo í dag segir [eftirfarandi](http://icliverpool.icnetwork.co.uk/0500liverpoolfc/0100news/tm_headline=robbie-keane-chase-steps-up-as-danny-guthrie-departs%26method=full%26objectid=21330269%26siteid=50061-name_page.html)
>The Spaniard has been handed around £20m to spend, with the rest having to be raised through sales.
Ef þetta er rétt (Ian Doyle skrifar þetta) og tölurnar líta svona út miðað við þær sölur, sem eru búnar og þær sem eru líklegar (ég lækkaði upphæðina á Carson frá upphaflegum pælingum hjá Gumma) þá líta sölurnar út svona:
Riise 4 milljónir
Itjande 2 milljónir
Carson 5 milljónir
Crouch 11 milljónir
Guthrie 2,5 milljónir
Alonso 16 milljónir
Þá gera þetta inn 40,5 milljónir punda. Þarna tel ég þó ekki mögulegar sölur á Jermaine Pennant (sem hefur verið orðaður við Blackburn á síðustu dögum) og Steve Finnan (sem er orðaður við Villa í Barry kaupunum), sem gætu hugsanlega skilað 6-7 milljónum punda í viðbót. Þannig að hugsanlega eru sölurnar á þessum mönnum að skila 47 milljónum punda. Þetta er mikil upphæð og alveg magnað hvað margir pirra sig á því að Rafa þurfi að selja leikmenn til að kaupa aðra. Þegar við getum selt menn fyrir svona upphæðir, þá er eðlilegt að það sé gert til að hópurinn og launakostnaðurinn fari ekki úr böndum.
Ef að Rafa fær svo aukalega í sumar (það er það sem stendur í grein Doyle), þá gerir það **67 milljónir punda** til leikmannakaupa. Það er biluð upphæð!
Inn eru komnir
Degen (ókeypis)
Dossena 7 milljónir
Cavalieri 2 milljónir
Þetta gera 9 milljónir punda. Það þýðir að eftir eru **58 milljónir punda**.
Gefum okkur að Barry komi fyrir 18 milljónir punda og að Rafa eyði 5 milljónum í nokkra unglinga. Það þýðir samt að eftir eru 35 milljónir punda. Það er alveg ljóst að Liverpool munu ekki kaupa marga leikmenn, en fyrir slíkan pening væri hægt að kaupa eina til tvær stórstjörnur. ef að Robbie Keane væri keyptur fyrir 17 milljónir punda, þá væru samt eftir 18 milljónir!
Er ástandið svo slæmt?
Tranmere í dag: 1-0 fyrir LFC (uppfært)
Ég veit þetta er bara sparkæfing, fyrsti æfingaleikur og svo framvegis, en leikurinn í dag hefur eiginlega strax þjónað sínum tilgangi. Daniel Agger er orðinn nógu góður af meiðslum sínum til að byrja inná!
Liðið sem hefur leik í dag er svona:
Martin
Darby – Hobbs – Agger – Carragher
Pennant – Plessis – Lucas – Insúa
Benayoun – Pacheco
**Bekkur:** Cavalieri, Hyypiä, Skrtel, Degen, Kelly, Aurelio, Gerrard, Spearing, Voronin, Flynn.
Einnig gaman að sjá tvo af nýju mönnunum, Cavalieri og Degen, á bekknum, auk Aurelio sem er þá orðinn heill fyrir tímabilið. Leikmennirnir á bekknum munu eflaust flestir eða allir koma inn í hálfleik.
Ég spái því að Voronin skori og Pennant verði maður leiksins. Þannig var síðasta undirbúningstímabil allavega. :)
**Uppfært (KAR kl. 16:45):** Jæja, ég náði ekki að horfa á leikinn vegna anna en Liverpool unnu víst 1-0 sigur með glæsimarki frá Yossi Benayoun. Ég var að horfa á markið á e-Season-svæði LFC.tv og verð að segja að það er mjög glæsilegt. Gott að sjá að Yossi byrjar undirbúningstímabilið af krafti.
Annars les ég mér þess til á netinu að Philipp Degen hafi verið fínn í dag, af nýju leikmönnunum, en maður leiksins var valinn ungstirnið Daniel Pacheco.
Flott mál. Næsti leikur er á miðvikudag.
Danny Guthrie farinn til Newcastle
Eins og ég greindi frá í dag þá voru Liverpool FC og Newcastle búin að komast að samkomulagi um kaupverð á Danny Guthrie. Núna undir kvöld gekk hann svo formlega í raðir þeirra röndóttu, en kaupverðið var nær 3 milljónunum en þeim 4 sem ég var búinn að tala um fyrr í dag. Ég held nú að enginn stuðningsmaður Liverpool FC missi svefn yfir þessari sölu ef ég á að segja eins og er. Danny átti ekki séns inn í liðið hjá okkur og það var annað hvort að lána hann út áfram (þriðja tímabilið í röð) eða cash-a inn. Okkur veitir ekki af seðlunum þessa dagana þannig að í mínum huga bara jákvætt. Tíminn mun svo leiða í ljós hvort þetta séu mistök eða ekki, ég er allavega á því að Danny Guthrie verði aldrei annað en meðaljón og muni ekki koma til með að verða lykilmaður í toppliði í Úrvalsdeildinni. En að sjálfsögðu óskar maður honum góðs gengis enda prýðis drengur og sannur atvinnumaður.
Einn inn, þrír út?
Liverpool FC kynntu í dag nýjan leikmann. Brasilíska markvörðinn Diego Cavalieri, sem er 25 ára gamall og kemur frá Palmeiras í Brasilíu. Ég veit ekki mikið um kauða, en það er alveg öruggt að útsendarar Liverpool FC vita meira um kappann og hafa fylgst með honum í talsverðan tíma. Kaupverðið er ekki uppgefið, en er talið vera um 2 milljónir punda.
Danny Guthrie er svo á útleið, en Newcastle hefur náð samkomulagi við Liverpool um kaupverðið á honum. Hann var allt síðasta tímabil á láni hjá Bolton, en nú virðist hann vera alfarinn frá félaginu. Það er alveg ljóst mál að það væri mjög erfitt fyrir hann að brjóta sér leið inn í liðið hjá okkur, þar sem fyrir eru menn eins og Mascherano, Alonso (ef hann fer ekki), Barry (þegar hann kemur), Gerrard og Lucas. Ekki er búið að gefa það upp hvað kaupverðið sé, en talið er að það sé í kringum 4 milljónir punda.
Scott Carson er svo annar sem er pottþétt á útleið og að þessu sinni verður það líklega varanlegt. Hann er ekki tilbúinn til að berjast um sætið við Pepe og eru tvö úrvalsdeildarfélög í viðræðum við Liverpool um að kaupa kappann. Við keyptum hann á heil 750 þúsund pund, en nú þegar erum við búnir að taka inn tæpar 4 milljónir í cash á að lána hann út síðustu 2 tímabil. Talið er að annað liðið sem sé að reyna að krækja í hann sé Middlesbrough. Kaupverð er talið vera í kringum 7 milljónir punda.
Þriðji maðurinn sem er á útleið er Charles Itandje. Galatasaray eru búnir að semja um kaupverðið upp á 2 milljónir punda og eru umboðsmenn hans nú í viðræðum við félagið. Þessir þrír dílar ættu því að koma með nokkra aura til að halda áfram að pressa inn aðra leikmenn sem styrkja hópinn hjá okkur.
Ég segi algjörlega fyrir mitt leiti að ef bæði Barry og Robbie Keane koma, þá er ég bara nokkuð sáttur við sumarið. Ef við næðum að bæta einum alvöru kantmanni við það (lesist David Silva) þá yrði ég í skýjunum með sumarið, ekkert flóknara en það. Það er þó ennþá langt í land með Keane (og hvað þá Silva, ef hann er á annað borð möguleiki).
Rafa býr til fjórar fréttir í einni setningu
Eitt það skemmtilegasta við það að reka þessa bloggsíðu er að reyna að átta sig á því hvað Rafa meinar þegar hann talar um leikmannakaup. Í gær talaði hann um David Villa og sagðist hafa áhuga á honum. Í dag er hann hættur að hafa áhuga og fer að tala um Robbie Keane. En svo segir hann Keane bara vera á listanum, sem er væntanlega sami listi og Villa var á.
Allavegana, Reuters búa til frétt um þetta, sem segir í fyrirsögninni: “Benitez says Valencia’s Villa not a target but Keane is” þrátt fyrir að í viðtalinu bendli Rafa okkur ekkert frekar við Keane en David Villa. Svona birtist textinn á lfc.tv
>”I said the other day that Villa is one of the names we had on our list, but I can say at this moment that it is not an option for us.
>”We know Villa is a very good player, we know the price and we know the players we have, so when you consider everything we decided he was one of the names, but at this moment, not our target.
>”Keane is one of the other names and, okay, we are working on other names. We were in contact and we will see now.”
Túlki þetta hver einsog hann vill.
Ég og Kristján ræddum þessa Villa frétt nokkuð lengi í gær og vorum eiginlega sammála um að það yrðu pínkulítið blendnar tilfinningar ef að við myndum kaupa hann. Hvað myndi þá gerast fyrir leik-kerfið? Yrði reynt að troða Villa á kantinn einsog Kuyt? Eða þyrfti að skipta um leikkerfið sem gafst svo vel og fara að spila 4-4-2? Hver á þá að vera á hægri kantinum? Hvernig eiga þá Barry, Gerrard og Masche að spila saman?
Allavegana, þá væri Robbie Keane eðlilegri kaup miðað við að Rafa ætli að leika 4-2-3-1 á næsta tímabili, einsog verður að teljast líklegt.
Degen og Dossena kynntir
Nýju bakverðirnir okkar voru kynntir fyrir blaðamönnum í dag. Ég er ótrúlega sáttur við það að við séum að kaupa TVO nýja bakverði fyrir þetta tímabil því þær stöður hafa að mínu mati verið til mikilla vandræða að undanförnu.
En allavegana, það eru komin á official síðuna tvö viðtöl við nýju mennina. Fyrst Philipp Degen og svo hinn ítalska og snoðaða Andrea Dossena.
Herlegheitin að hefjast
Jæja nú fer þetta að hefjast. Leikirnir sem Liverpool leikur á undirbúningstímabilinu eru 8 talsins og hefst sá fyrsti á laugardaginn.
Hér má sjá lista yfir leiki næsta tímabils auk æfingjaleikjanna 8 á opinberu síðunni. Ef menn eru með e-Season Ticket þá geta þeir horft á 5 æfingaleiki af 8 í beinni útsendingu á opinberu síðunni. Allir leikirnir eru útileikir nema leikurinn gegn Lazio sem verður leikinn á Anfield. Að sjálfsögðu vill fólk sjá alla leikina í beinni útsendingu og það ætti að skýrast fljótlega inn á hvað menn geta stillt til að geta hafið veisluna.
Persónulega er ég mjög spenntur fyrir leikjunum gegn Rangers, Villareal og Lazio. Löng og erfið bið er á enda og á laugardaginn hefst nýtt tímabil góðir hálsar :)
Kommentum breytt
Jæja, við Kristján vorum að halda stuttan ritstjórafund. Þar ákváðum við að henda aftur upp gamla kommentakerfinu. Það voru einfaldlega of margir gallar að okkar mati við þetta nýja kerfi. Í stað þess munum við reyna að bæta oná núverandi kommentakerfi fídusum. Það var ekki alveg nógu sniðugt að taka upp algjörlega nýtt kerfi.
Gallinn er sá að öll kommentin, sem voru sett inní nýja kerfið, eru farin.
Við töldum einfaldlega vera of marga galla við nýja kerfið. Það var erfiðara að fylgjast með því hvar umræðan átti sér stað á hverjum tíma, það vantaði númer á færslurnar og html og broskallar og slíkt virkuðu takmarkað.
Torres tilnefndur til Ballon d’or
Fernando Torres er einn af fimm leikmönnum, sem eru tilnefndir til Gullboltans, Ballon d’or, sem að franska tímaritið L’Equipe veitir á hverju ári besta knattspyrnumanni í heimi. Þetta eru virtustu verðlaun í knattspyrnuheiminum ár hvert.
Í ár eru tilnefndir Fernando Torres, Cristiano Ronaldo, Lionel Messi, Andrei Arshavin og Iker Casillas.
Michael Owen vann verðlaunin árið 2001 og Steven Gerrard varð í þriðja sæti árið 2005.
Ég verð að segja að af þessum mönnum, þá eru í mínum huga bara Torres og Ronaldo óumdeildir á þessum lista. Arshavin spilaði í miðlungs deild og brilleraði í UEFA cup á móti liðum einsog Everton og spilaði svo frábærlega vel í tveim leikjum á EM, en hvarf í þeim þriðja þegar menn höfðu lært hvað hann héti.
Messi er vissulega einn af bestu leikmönnum í heimi, en hann var gríðarlega mikið meiddur á síðasta tímabili. Og einhvern veginn hef ég á tilfinningunni að Casillas sé þarna að stærstum hluta útaf EM. Ég sá ekki nógu mikið af spænska boltanum, en Real Madrid datt út í 16 liða úrslitum í Meistaradeildinni, sem er varla neitt til að monta sig af.
Eðlilegast hlýtur að vera að Ronaldo vinni þetta. Hann var besti maðurinn á Englandi, leiddi sitt lið til sigurs í Meistaradeildinni. Þrátt fyrir slappt EM, þá á hann titilinn skilinn.
Cavalleri, Babel og Sammy Lee
Nokkrir punktar í dag.
Skv. Times mun Liverpool klára kaupin á Diego Cavalleri, varamarkverði Palmeiras í Brasilíu, í dag. Hann mun kosta 3m punda og væntanlega fara beint á varamannabekkinn hjá Liverpool. Betur borgað, sennilega, og gefur honum möguleika á að fara svo til sæmilegs Evrópuliðs eftir 1-2 ár. Gott hjá honum. Þetta þýðir væntanlega að Scott Carson og Charles Itandje fara pottþétt báðir frá Liverpool í sumar. Vona að við seljum þá, óþarfi að lána mann eins og Carson alltaf þegar féð frá sölu hans gæti runnið í veskið hjá Benítez.
Svo virðist sem Ryan Babel muni fara á Ólympíuleikana með hollenska U23-landsliðinu. Ég skil pirring Rafa Benítez yfir þessu vel. Hann meiddist á æfingu með Hollendingum í vor og því myndi maður halda að þeir yrðu skynsamir og leyfðu honum að jafna sig af því og byrja nýtt tímabil í rólegheitum heima hjá sér með liðinu sínu. Ekki að jafna sig á meiðslum með því að fljúga til Kína og spila þar nokkra leiki með stuttu millibili við hápressuaðstæður. Ojæja.
Svo er hér stutt og lagggott viðtal við Sammy Lee. Alltaf hress, kallinn. :)
Villa fyrir Crouch?
Rafa Benitez tjáir sig við BBC um framherjamálin hjá Liverpool og hann segir að Liverpool muni kaupa annan framherja fyrir næsta tímabil. Hann segir David Villa vera einn af þeim leikmönnum, sem hann sé spenntur fyrir:
>”We have Torres, Voronin, Kuyt, Babel and Steven Gerrard, who can play as a second striker,” Benitez said. “But we will try to bring in another option.
>”Villa we know all about. He is on our list. But maybe it will be difficult.”
Hljómar ekki svo illa. Vissulega hefur Benitez sennilega verið spurður beint útí Villa og hann því látið þeta útúr sér. En hann gengur samt nokkuð langt með því að segja að hann sé “á listanum”
Einnig, þá greina BBC frá því að Crouchy hafi staðist læknisskoðun og muni sennilega klára félagaskiptin til Portsmouth á morgun, miðvikudag. Rafa greinir þar frá því að hann vildi halda Crouch, en það er greinilegt að Crouch hefur viljað fara vegna þess hversu fá tækifæri hann fékk. Það er svo sem vel skiljanlegt, enda sennilega ekki gaman þegar að tækifæri þín byggjast á því að slá besta framherja í heimi útúr liðinu.
Barry og Lucas
Það er svo sem ekki margt nýtt í blöðunum í morgun. Tvennt þó sem vakti athygli mína.
Fyrir það fyrsta, þá halda blaðamenn Times því fram að Aston Villa muni vera tilbúið í að selja Gareth Barry núna þegar að Liverpool hafa ákveðið að bæta Steve Finnan með í dílinn. Þetta hljómar einsog ágætis lausn þar sem að Finnan spilaði ekki svo mikið á síðasta tímabili og Liverpool er búið að kaupa Degen í hans stað. Talið er að Villa muni kaupa Steve Sidwell í stað Barry.
Einnig þá hefur Lucas verið valinn í Ólympíuhóp Brasilíu. Félagslið geta ekki bannað leikmönnum undir 23 að spila á mótinu. Það þýðir að nokkrir þekktir leikmenn einsog Anderson hjá Man U, Jo hjá City og Pato hjá Milan munu spila með Brasilíu á mótinu. Ef að Mascherano spilar líka með Argentínu, þá verður miðjan hjá okkar mönnum heldur fáskipuð í upphafi móts. Það ætti vonandi að gefa Gareth Barry gott tækifæri til að sanna sig í liðinu.
Liverpool samþykkja tilboð í Crouchinho (staðfest)
Liverpool hafa staðfest að liðið hafi samþykkt tilboð frá Portsmouth í Peter Crouch. Flestir telja að tilboðið sé um 11 milljónir punda, sem er 4 milljónum punda meira en Liverpool borgaði Southampton fyrir þremur árum.
Talið er að Crouch sé spenntur fyrir því að fara til Portsmouth og því verður að telja líklegt að þessi félagaskipti klárist á næstu dögum.
Ef að verðmiðinn uppá 11 milljónir punda er réttur, þá verður Crouchy næst dýrasti leikmaðurinn sem að Liverpool hefur selt. Aðeins Fowler til Leeds fór fyrir meiri pening.
Kewell farinn til Galatasary (staðfest)
Harry Kewell er búinn að skrifa [undir 2 ára samning við Galatasary](http://www.liverpoolfc.tv/news/drilldown/N160427080705-1151.htm).
Þar með lýkur ferli hans hjá Liverpool, sem hefur verið sorglegur. Ég get fullyrt að ég hef aldrei orðið fyrir jafnmiklum vonbrigðum með leikmann einsog Harry Kewell. Meiðsasaga hans hjá Liverpool hefur verið hræðileg og nánast alltaf þegar hann spilaði vel þá var ekki langt í meiðsli.
Fyrir 5 árum var ég að tapa mér af spennu yfir komu Kewell til Liverpool. Núna er hann farinn og mér er nokk sama. Það sýnir vel hversu misheppnaður ferill hans hjá Liverpool hefur verið. Það er sorglegt því að Kewell var Liverpool stuðningsmaður og hafnaði m.a. Manchester United til að koma til Liverpool.
Peter Crouch, leikmaður Liverpool
Orðin hér að ofan hljóma ennþá hálf skringilega, jafnvel eftir þrjú ár. Ekki satt?
Flestir fjölmiðlar í Englandi (Telegraph, Mail) fjalla um það að um helgina að Liverpool hafi komist að samkomulagi við Portsmouth um sölu á Crouchie til síns gamla félags í suðri og er nú fastlega búist við því að félagaskiptin verði skráð hjá enska knattspyrnusambandinu strax á mánudag og staðfest þann dag hjá báðum félögum.
Þar með mun ljúka þriggja ára ferli Peter Crouch hjá Liverpool, en ég held það sé óhætt að segja að hann er einhver skrautlegasti framherji sem nokkru sinni hefur leikið fyrir félagið. Það er því við hæfi, þessa síðustu helgi sem Peter Crouch er leikmaður Liverpool, að ég kveðji manninn ærlega. Ekki síst vegna þess að það var ég sem brást hvað verst við þegar möguleikinn á komu hans til Liverpool komst fyrst í fréttirnar:
„Ef Rafael Benítez kaupir Peter Crouch heimta ég að hann verði rekinn. Já, ég þori að segja þessi orð! Ég vill ekki sjá hann hjá Liverpool… leiðinlegasti, asnalegasti og gagnslausasti leikmaður Englands í dag! Oj bara!“
Þetta sagði ég þann 31. maí 2005 í pistli hér á blogginu. Fyrir utan það hversu heimskulegt það var af mér að krefjast afsagnar Benítez, sex dögum eftir sigurinn í Istanbúl, vegna kaup á einum leikmanni, þá er hálf merkilegt að hugsa til þess hversu mjög mér hefur snúist hugur síðan ég lét þessi orð falla. Í þá daga byggði ég skoðun mína á því að hafa í einhver 2-3 ár hlegið að Crouch í hvert sinn sem ég sá hann spila fyrir Aston Villa og svo Southampton. Reyndar runnu á mig tvær grímur þegar hann var maður leiksins í sigri Southampton á Liverpool veturinn 2004/5 en engu að síður var ég sannfærður um að þetta myndu reynast skelfileg kaup.
Crouch var ekki lengi að snúa áliti mínu. Hann lenti í markaþurrð fyrstu fjóra mánuði sína með Liverpool en á þeim tíma lék hann samt virkilega vel og maður sá það hvað hann færði liðinu í hverjum einasta leik með nærveru sinni. Þegar hann svo loks fór að skora hætti hann því í raun aldrei, alltént ekki á meðan hann var í byrjunarliðinu. Á ferli sínum með Liverpool lék Crouch alls 135 leiki og skoraði í þeim 42 mörk (frekari tölfræði á LFC History), en mér þætti gaman að sjá hver tölfræðin hjá honum var í þeim leikjum sem hann lék sem byrjunarmaður, því ég þykist viss um að næstum því þriðjungur þeirra leikja sem hann á skráða hjá Liverpool hafi verið sem varamaður, og oft fékk hann varla að spila nema 10-15 mínútur í þeim leikjum. Að því gefnu get ég með góðri samvisku sagt að þetta er alveg hreint fyrirmyndar tölfræði hjá honum.
Crouch kenndi mér margt á sínum tíma með Liverpool. Þetta var eins og að fá skyndinámskeið í fordómum, og þó hef ég aldrei litið á mig sem fordómafullan mann að neinu leyti. Hvað Crouch varðaði var ég það samt og viðurkenni það fúslega. Þegar El-Hadji Diouf kom til Liverpool vissum við ekkert um getu hans til að spila í Englandi, og höfðum í rauninni aðeins séð neitt til hans nema nokkra leiki á HM 2002. En Diouf var „eðlilega vaxinn“, ekki risavaxið fyrirbæri eins og Crouch, og því var maður mjög spenntur. Diouf kostaði 11m punda. Crouch kostaði 7m punda og eftir á að hyggja held ég að við getum öll verið sammála um það að þetta risavaxna fyrirbæri var margfalt meiri leikmaður fyrir Liverpool FC en Diouf nokkurn tíma. Eins efast ég ekki um að Crouch á eftir að upplifa mikið betri daga og glæstari feril en Diouf, eftir að þeir yfirgefa Liverpool.
Crouch er á leiðinni til Portsmouth. Hann lék áður fyrir félagið á árunum 2001-2002, þá 37 leiki í næstefstu deild Englands og skoraði 18 mörk. Ég held það sé nokkurn veginn raunhæft að ætlast til þess að hann skori svipað mikið fyrir Portsmouth nú þegar hann spilar með þeim í annað sinn, en þó með þeim stóra mun að í þetta sinn mun hann gera það í Evrópukeppni félagsliða og toppbaráttu Úrvalsdeildarinnar. Það er allavega ljóst að á meðan Portsmouth-menn spila í Evrópukeppnum munu þeir dýrka Crouchie þar syðra, því ef árin þrjú hjá Liverpool kenndu okkur eitthvað er það sú staðreynd að liðin frá meginlandi Evrópu kunna ekki með nokkrum hætti að verjast honum.
Þannig er nú það. Þann 19. júlí 2005 staðfestum við Einar Örn á þessari síðu að Crouchie væri orðinn Liverpool-leikmaður. Á næstu dögum geri ég ráð fyrir að því ástar- og haturssambandi sem hófst þar muni ljúka á þessari síðu með staðfestingu á brottför hans. Ég hefði hlegið að tilhugsuninni þá, en nú veit ég að ég mun sakna Crouchie. Hann er snilldarleikmaður, og ég vona að hann eigi inni eins og aðra fullkomna þrennu gegn Arsenal (eða fleiri skallamörk gegn United). Mig grunar að hann muni leggja sig extra mikið fram í leikjum gegn andstæðingum Liverpool í toppbaráttunni, til að geta mögulega beint titilbaráttunni í rétta átt.
Er ekki við hæfi að ljúka þessu á því sem mun verða ævarandi minning okkar Liverpool-manna um Peter Crouch? Ég held það bara …
Peter Crouch, leikmaður Liverpool FC. Það var ekki svo slæmt, var það? :)
Dossena skrifar undir
Andrea Dossena skrifaði í dag undir 4 ára samning við Liverpool FC. Dossena er vinstri bakvörður og það er engin spurning um það að honum er ætlað að taka þá stöðu í liðinu og gera hana algjörlega að sinni eigin. Hann hefur spilað einn leik fyrir hönd Ítalíu og er í raun fyrsti leikmaður frá því landi til að klæðast rauðu treyjunni (markvörðurinn sem fékk einn leik með liðinu spilaði aldrei í rauðri treyju).
Dossena var talinn bestur í sinni stöðu á Ítalíu á síðasta tímabili af flestum sparkspekingum, hann er sagður sókndjarfur og getur víst notað hægri löppina í neyð líka. Það eitt og sér er framför frá þeim sem hann kemur í staðinn fyrir. Ég man ekki eftir að hafa séð þennan leikmann spila leik, en fyrst Rafa er tilbúinn að snara út 7 millljónum punda fyrir hann, þá hreinlega hlýtur eitthvað að vera varið í hann. Hann er okkar dýrasti bakvörður frá upphafi og jafnframt dýrasti varnarmaður í sögu félagsins.
Velkominn Andrea (vonandi er hann harðari en fyrra nafn hans gefur til kynna)
Brasiískur marvörður á leiðinni?
Echo segja frá því í dag að Liverpool hafi gert 3 milljón punda tilboð í brasilíska markvörðinn Diego Cavalieri, sem leikur með Palmeiras í Brasilíu. Echo segja að Liverpool menn hafi staðfest að samninviðræður séu í gangi. Hann er 26 ára gamall
Samkvæmt Wikipedia hefur hann verið orðaður við nokkur stórlið í Evrópu, þar á meðal AC Milan, Valencia, Lazio, Benfica, Inter og Fiorentina.
Phillip Degen kominn til Liverpool
Liverpool hafa staðfest að Phillip Degen, 25 ára svissneskur bakvörður, hafi skrifað undir 4 ára samning við liðið. Degen kemur frá Borussia Dortmund en áður var hann hjá Basel í Sviss.
Rafa er ánægður með að hafa krækt í Degen og sagði í dag:
>Philipp is still young but has gained great experience from playing in the Bundesliga with Borussia Dortmund and on the international stage with Switzerland. He also played in the Champions League during his time with Basel and so is used to top level football.
>”He is an offensive player with great energy and a winning mentality. His strength is going forward and I am confident he will be prove to be a quality addition to our squad. Sometimes you can find these players on the market. When you find a player like him who costs no money it means you can use money for improving other parts of the squad.
>”He is a good signing, a player of potential, who can help us improve in the wide areas.”
Degen kostar auðvitað ekki krónu, þannig að væntingarnar til hans verða ekki jafnmiklar og til Dossena, sem mun sennilega skrifa undir í næstu viku fyrir vinstri bakvörðinn. Alvaro Arbeloa verður að öllum líkindum fyrsti kostur í hægri bakvörðinn á næsta tímabili og Degen þá varamaður fyrir hann.
Þessi koma Degen mun væntanlega þýða það að Steve Finnan getur farið frá Liverpool fyrir lítinn pening, en honum fór gríðarlega aftur á síðasta tímabili eftir að hann hafði verið einn stöðugasti leikmaður Liverpool síðustu ár.
Við bjóðum Degen allavegana velkomin og bíðum með að dæma hann þangað til að við höfum séð hann spila nokkra leiki fyrir okkar menn.
Alves til Barca
Dani Alves, sem Liverpool gat keypt á 12 milljónir punda fyrir tveimur árum kláraði í dag félagaskipti yfir til Barcelona fyrir 23,5 milljónir punda! Hversu góður sem Alves er, þá er þetta geðsýkislega mikill peningur fyrir hægri bakvörð. Þetta er meira en Liverpool borgaði fyrir Fernando Torres fyrir einu ári!
Gareth Barry hefur svo verið refsað af Aston Villa fyrir að gefa viðtal í NOTW og hann mun því ekki mæta til æfinga hjá Aston Villa á morgun. Martin O’Neill mun því sleppa því að þurfa að tala við fyrirliðann sinn í smá tíma í viðbót. Heldur slappt finnst mér.
Talið er að síðasta boð Liverpool sé uppá 15 milljónir punda.
Ótrúlegt en satt, þá var Anthony Le Tallec leikmaður Liverpool alveg þangað til í gær þegar hann var seldur til Le Mans. Þar með lýkur sögu frönsku “demantanna” hjá Liverpoool.
Svo skrifaði Emiliano Insúa undir nýjan 3 ára samning við Liverpool.
Liverpool býður í Robbie Keane
Samkvæmt staðfestum fréttum BBC hefur Liverpool FC gert áhuga sinn á Robbie Keane opinberan með því að bjóða Peter Crouch auk penings í þennan írska varafyrirliða Tottenham Hotspur. Ég kalla þetta opinberar fréttir af því að BBC-síðan skellir þessu á forsíðuna hjá sér, og það er Phil McNulty sjálfur (ritstjóri) sem skrifar fréttina. Virtasti frétatmiðill Englands hefur öruggar heimildir fyrir þessu fyrst hann þorir að skella þessu svona kröftuglega fram.
BBC eru samt ekki fyrstir til að halda þessu fram. Í gær birtist frétt í Daily Mail þess eðlis að Liverpool væru búnir að bjóða Peter Crouch og 5m punda í Keane, sem hefði brugðist við með því að leggja inn beiðni hjá forráðamönnum Tottenham um að hann fái að fara, enda Liverpool liðið það lið sem Keane studdi víst í æsku og dreymir um að spila með. Svo á hann svo góða vini í Liverpool, þá Gerrard og Carragher, sem þið sjáið stilla sér upp á mynd með honum hér fyrir ofan.
Annars vorum við á Liverpool Blogginu löngu búin að skúbba þessari frétt, en í aprílbyrjun birtist hér gestapistill eftir Vilhjálm Liverpool-aðdáanda þar sem hann hafði eftir ummæli Phil Thompson þess eðlis að Keane vildi ólmur koma til Liverpool og að það væri góður möguleiki. Þannig erum við hérna á blogginu bara, jafnan þremur mánuðum á undan stóru miðlunum með fréttirnar. ;)
Annars líst mér mjög vel á það ef Robbie Keane er að koma. Hef lítið annað um málið að segja en það að Keane er leikmaður sem myndi prýða þetta lið. Tala nú ekki um ef hann er Púllari frá barnæsku, og yrði þá væntanlega hoppandi æstur í að standa sig vel fyrir liðið. Líst vel á þetta (ef af verður)! :)
Pepe hress
Hérna er Pepe Reina gríðarlega hress í Madrid að fagna með spænska landsliðinu.
Greinilega hress gaur. 
(Babu benti á í kommentum)