Jæja þá þarf maður ekki að hafa áhyggjur af því að taka frá 21. maí til að horfa á tuðruspark, mikill léttir! Get þess í stað smyglað mér á ströndina eða spilað bakgammon en lífið heldur áfram. Sven-Göran Eriksson og lærisveinar koma í heimsókn á morgun í næstsíðustu umferð ensku deildarkeppninnar. Þessi leikur skiptir okkur núll máli á meðan Man City getur tölfræðilega séð náð 6.sætinu í deildinni og endað tímabilið með reisn eftir góðan fyrri helming mótsins. Mikil umræða hefur verið undanfarið þess efnis að Eriksson verði drekinn eftir tímabilið og tælenski mannréttindarfrömuðurinn, Thaksin Shinawatra, ætli að ráða Scolari til félagsins. Hvað sem verður þá gæti mér ekki staðið meira á sama hvað eigandinn gerir.

Núna er ljóst að við erum í 4. sætinu, enginn úrslitaleikur og í raun er tímabilinu lokið því við höfum ekkert að spila fyrir. Ég geri fastlega ráð fyrir því að Rafa sé farinn að hugsa um næsta tímabil og þess vegna munu ungir leikmenn fá tækifæri í tveimur síðustu deildarleikjunum sem og jafnvel þeir leikmenn sem eru að berjast fyrir tilverurétti sínum hjá félaginu s.s. Voronin, Pennant, Alonso, Riise, Torres, Kewell o.s.frv. Rafa er löngu hættur að hugsa um tapið gegn Chelsea og þess í stað að spá í hvað vantar í púsluspilið til að gera almennilega atlögu að enska meistaratitlinum. Leikmenn eins og Insúa, Leto, Nemeth, Spearing, Darby, Plessis munum pottþétt fá einhverjar mínútur í komandi leikjum.

Það eru meiri líkur á að vinna í Lottó en að geta til um rétt byrjunarlið en þar sem ég er Bjartur í Sumarhúsum þá ætla ég að taka slaginn:

Bekkurinn: Martin, Spearing, Riise, Voronin, Lucas, Leto.

Ég geng út frá þessu að Rafa sé meira að skoða leikmenn fyrir næsta tímabil en að hugsa um úrslit leiksins þótt að þetta lið ætti klárlega að geta unnið Man City á heimavelli.

Mikið hefur verið rætt um leikmenn eins og Nemeth og Insúa og vonandi fá þeir tækifæri svo hægt sé að meta hvort þeir séu klárir að vera við hópinn að ári. Ég vil frekar hafa Nemeth á bekknum en Voronin og með Aurelio eins oft meiddan og raun ber vitni þá þurfum við virkilega back-up fyrir þann leikmann sem verður í vinstri bakverðinum á næsta tímabili (gef mér það að tími Riise sé búinn).

Ég held að leikmenn eins og Alonso, Voronin og Pennant þurfi virkilega að spýta í lófana ef þeir eiga að vera áfram hjá félaginu. Ég hef ávallt verið mikill stuðningsmaður Alonso og vil allra helst hafa hann áfram hjá félaginu en líkt og hann hefur spilað á þessu tímabili þá veit ég ekki. Pennant og Voronin eru einfaldlega ekki nógu góðir ef Liverpool ætlar sér að eiga möguleika á titlum á næsta tímabili. Eitt dæmi: J. Cole fer útaf og inná kemur Anelka. Benayoun fer út af og inná kemur Pennant! Eigum við að ræða þetta eitthvað? uuhhhh leyfðu mér að hugsa NEI! Gerrard er sammála mér í því að við þurfum betri leikmenn þótt hann segi ekki berum orðum hvaða leikmenn séu ekki nógu góðir.

Ég spái okkur öruggum sigri 4-2 þar sem Nemeth setur 2 mörk og síðan Babel og Crouch sitt hvort.