54 … 56 … 60 … kannast einhver við þessar tölur?

Ég er spenntur, sue me, upphitunin kemur snemma, en það er kominn þriðjudagur!! Á morgun mun það ráðast hvaða lið það verða sem spila úrslitaleikinn í meistaradeildinni árið 2008. Við erum að tala um besta lið í heimi – Liverpool – og heimsókn þess til bláklæddra dýfingameistara og röflara og tæklara – Chelsea – á Stamford Bridge. Já, það er á útivelli sem örlög okkar í meistaradeildinni ráðast þetta árið … náum við í úrslitaleikinn eða ekki?

Fyrri leikur liðanna í undanúrslitunum þetta árið var sorglegur að því leytinu til, að úrslitin voru líkt og í deildarleiknum á Anfield í haust … mjög ósanngjörn. Bendum ekki á neinn núna, heldur áttum okkur á þessari stöðu sem við erum í: Við þurfum að skora á Stamford, eitthvað sem við höfum ekki gert síðan Rafa tók við liðinu. Við unnum síðast á Stamford Bridge 7. janúar 2004, og það er síðasta markið sem við skoruðum þar … þetta var í deildinni, leikurinn fór 1:0 og snillingurinn Bruno Cheyrou að verki!!! Hvað gerist á morgun??

54 … 56 … 60 …

Spádómar um úrslit eru farnir að birtast hér á blogginu í kommentunum og góð grein sem Einar Örn benti okkur á, þar sem Rafa gagnrýnir dýfingameistarann Drogba. Maður neitar því ekki að það örlar á fiðringi í maganum og hann magnast með hverri sekúndunni. En hvernig mun meistari Rafa stilla upp liðinu?? Hann verður að sækja og sækja strax. Það þýðir ekki ætla að fara með einhverja aðra taktík inn í leikinn tel ég. Alan Hansen er ekki alveg á minni línu, en hann segir um leikinn:

“Liverpool boss Rafael Benitez will surely instruct his players to keep it tight for 55-60 minutes and then you might see them play a bit more adventurously after that.”

Annars eru pælingar hans um undanúrslitin í heild sinni hér: Alan Hansen on the Champions League.

Með Aurelio meiddan, þá er aldrei að vita nema Norðmaðurinn byrji inná. Og þó … getur ekki Arbeloa farið á vinstri kantinn? Ég ætla að spá þessari liðsuppstillingu:

Bekkur: Itandje, Finnan, Riise, Lucas, Pennant, Benayoun, Crouch

54 … 56 … 60 …

Svo er spurning hvort Pennant byrji inn á á kostnað Arbeloa og þá yrði spilað 3-3-2-2 eða 3-3-3-1 eða 3-5-1-1 … ??? Vá! Ég hreinlega veit það ekki, ég veit það bara að Rafa er snillingur og hann kann sálfræðina á bak við leikinn. Ég ætla ekki að spá fyrir um byrjunarlið þeirra bláklæddu, ég sé rautt og ætla mínum mönnum stóra hluti í leiknum! Torres verður á fullu, hann er búinn að upplifa ótrúlega flott fyrsta tímabil en hann er hungraður þrátt fyrir ungan aldur. Hann vill spila úrslitaleiki, hann vill sýna sig enn meir og besta hefndin gegn spörkunum sem hann fékk í fyrri leiknum, og fær eflaust núna í seinni leiknum, verður sú að setja hann í netið! Ég er sannfærður um að hann geri það … og þetta verður markið sem ræður úrslitum!!

Phil Tompson spáir:

“Perhaps this won’t be a great surprise coming from a man of my background, but I really think Liverpool will win 2-1 and make it three finals in four years.”

Og fyrirliði vor gefur skýr skilaboð:

“We’re the better side”

Let’s face it … leikir þessara liða í undanúrslitum meistaradeildarinnar hafa ekki verið markamiklir, og ég sé það ekkert endilega breytast í þessum leik.

Spá: Ég ætla að segja það, að staðan í hálfleik verði 0:0 og Torres mun setja boltann í netið á 69. mínútu. Drogba mun falla 15 sinnum í leiknum og fá aukaspyrnur í 13 skipti. Eitt skipti í fyrri hálfleik verður höndum lyft upp og brosað, en í síðari hálfleik mun Drogba detta í 15. sinn og reyna að fiska víti sem hann fær ekki – hlýtur að launum rauða spjaldið og Chelsea tapar yet again! 1:0 fyrir oss – engin spurning. Þetta er spurning um hjarta … og það hefur Liverpool umfram öll lið!!! Mér finnst ágætt að horfa á þetta myndband: You’ll never walk alone (3:3) …. og þá kannski munið þið, að það er ekkert ómögulegt!!! Ef við getum skorað 3 mörk á móti AC Milan á sex mínútum (54., 56. og 60. mínútu), þá getum við auðveldlega gert það sem við höfum ekki gert undir stjórn Rafa: að vinna Chelsea á Stamford Bridge!! Þið vitið að það sem aldrei hefur gerst, getur alltaf gerst aftur.

Áfram Liverpool!

Nú fer að líða að lokum þessa leiktímabils og aðeins 3 leikir eftir í deildinni. Okkar menn þurfa heilt 1 stig til að gulltryggja þátttöku sína í Meistaradeild Evrópu á næsta tímabili. Auðvitað á það að vera formsatriði, en því fyrr en það er gert, því betra. Ég er þó algjörlega á því að við þurfum að sigra þennan leik til að halda stemmningu í liðinu. Það er hæpið að við náum Arsenal að stigum, en engu að síður þá er um að gera að vera klárir með okkar ef þeir misstíga sig verulega á endasprettinum. Það sýndi sig í leiknum gegn Fulham að liðið er með nægilega breidd til þess að hvíla stóru kanónurnar. Þeir menn sem ekki teljast til okkar sterkasta byrjunarliðs kæmust flestir ef ekki allir í byrjunarlið Birmingham. Það er því um að gera að leyfa þessum leikmönnum að spreyta sig áfram og hala inn stig, og jafnframt sýna fram á að þeir eigi tilkall í byrjunarliðssæti.

Birmingham er eins og Fulham, að berjast fyrir tilverurétti sínum í Úrvalsdeildinni. Þeir eru sem stendur í fallsæti, en þó aðeins stigi á eftir Reading og Bolton. Það er því allt undir hjá þeim og væntanlega koma þeir dýrvitlausir til leiks, enda nýbúnir að fá duglegan rassskell frá grönnum sínum í Aston Villa. Michael Forssell er þeirra hættulegasti maður þegar kemur að markaskorun, hann er lang markahæstur hjá þeim með heil 8 mörk. Skorunin hjá þeim dreifist mjög og þrátt fyrir að vera þetta neðarlega eru þeir búnir að skora 40 kvikindi. Það þarf að fara alla leið upp í 12 sætið til að finna lið sem hefur skorað fleiri mörk en þeir. Þeirra veikleiki liggur í vörninni og það er akkúrat það sem okkar menn verða að nýta sér á morgun. Fyrirliðinn þeirra er í leikbanni, en svo virðist sem að þeir séu annars með sitt sterkasta lið. Einn leikmaður hjá þeim hefur þó skarað fram úr undanfarið, en það er lánsmaðurinn Zarate. Hann virðist mjög hættulegur sóknarmaður sem þarf að gefa góðar gætur.

Þá að okkar mönnum. Þrír á meiðslalista og koma ekki meira við sögu á tímabilinu, það eru þeir Agger, Kewell (man samt ekki í fljótu bragði hvernig hann lítur út) og nú síðast Fabio Aurelio. Eins og áður sagði þá reikna ég með að lykilmenn verði hvíldir í þessum leik. Hvorki Insúa né Plessis léku með varaliðinu í gær og því er reiknað að þeir verði báðir í hópnum á morgun. Hver veit nema þeir hreinlega byrji þennan leik, ég væri svo sannarlega til í að sjá það gerast. Ég ætla bara að taka sénsinn og spá liðinu svona á morgun:

Bekkurinn: Itandje, Arbeloa, Alonso, Voronin og Torres (eða eitthvað, hef ekki hugmynd hvernig ég á að skálda þetta upp)

Kannski er þetta meira óskhyggja en spá. Var í mestum vafa með miðjuna, þ.e. hvort Rafa taki sénsinn á svona reynslulitlu miðjupari, en þess vegna setti ég Benayoun þarna í “holuna”. Finnst reyndar líklegt að Voronin fái sénsinn, en ég set hann samt á bekkinn. Ég ætla að spá því að við sigrum þennan leik 1-2. Crouch setur annað og Benayoun setur hitt.

Jæja jæja jæja. Déja Vú og allt það. Í þriðja skiptið á fjórum árum munu okkar menn í Liverpool mæta Chelsea í undanúrslitum Meistaradeildarinnar. Við sáum það strax þegar dregið var í 8 liða úrslit í Meistaradeildinni að ef að okkar menn ætluðu að vinna deildina, þá yrði það ekki auðvelt því að liðið yrði sennilega að vinna Arsenal, Chelsea og Man U til að lyfta bikarnum í Moskvu.

Okkar menn komust yfir fyrstu hindrunina, sem margir (ég þar á meðal) töldu reyndar að yrði sú erfiðasta því fyrir leikina þrjá gegn Arsenal þá hafði okkur gengið frekar illa gegn liðinu. Og á tímum sýndu Arsenal menn akkúrat af hverju svo margir Liverpool stuðningsmenn voru hræddir við þá. En okkar menn kláruðu dæmið í algjörlega stórkostlegum fótboltaleik á Anfield og komust í undanúrslitin.

Og þar mætum við Chelsea liði án Jose Mourinho. Ég veit ekki alveg hvernig manni á að líða með það. Það var nett óþolandi að hlusta á vælið í Mourinho (sem er enn að gráta útaf Luis Garcia markinu), en samt þá gerði það sigrana á Chelsea svo miklu sætari. Hérna er smá upprifjun: Leikskýrslan í fyrra og árið 2005.

Avram Grant er síðri þjálfari að mínu mati. Liðið hefur alls ekki spilað betri bolta eftir að hann kom og þeir hafa brugðist á úrslitastundu líkt og gerðist í deildarbikarnum gegn Tottenham. Hins vegar er þetta Chelsea lið eftir sem áður firnasterkt og svo vinnur það gegn Liverpool að fyrri leikurinn skuli vera á Anfield. Okkar menn hafa spilað við Chelsea tvisvar á tímabilinu og í báðum leikjunum fannst mér okkar menn vera betra liðið þrátt fyrir að niðurstaðan hafi í bæði skiptin verið jafntefli (það fyrra algerlega dómaranum að þakka).

Varðandi okkar menn, þá er Steven Gerrard enn tæpur, en annars ætti Rafa að geta stillt upp sínu sterkasta liði. Spurningarmerkin eru tvö, það er staða hægri bakvarðar (Carra eða Arbeloa) og svo hvort að Crouch spilar með líkt og á Anfield gegn Arsenal. Ég ætla að leyfa mér að spá tvenns konar uppstillingu eftir því hvort að Gerrard verði með eða ekki.

Og án Gerrard:

Sem mun þá væntanlega líkjast 4-4-2 uppstillingu.

Ég hef ekki horft á marga Chelsea leiki að unfanförnu, Ég ætla þó að giska (miðað við síðustu leiki) á þessa uppstillinu. **(uppfært EÖE)** Essien er víst í banni einsog glöggir lesendur bentu á. Óvíst er um Ballack, þannig að ég set Makelele inn.

Þeir gætu þó haft Makelele á miðjunni í staðinn fyrir Mikel og einnig gæti Ballack komið þar inn. Svo gæti Kalou vel verið frammi eða þá Malouda jafnvel.

Þarna eru auðvitað nokkrir leikmenn, sem hafa upplifað það að detta tvisvar útúr Meistaradeildinni gegn Liverpool og verða því vænanlega brjálaðir í báðum leikjunum. En það er líka eitthvað við þetta Chelsea lið sem er bara ekki að heilla mig. Fyrir utan síðasta hálftímann í Arsenal leiknum þar sem Drogba bar liðið á herðum sér, þá hef ég ekki séð mikið til þeirra sem að heillar mig.

Það er þó auðvitað alveg fáránlega mikið af góðum knattspyrnumönnum í þessu liði og þeir geta unnið hvaða lið sem er í heiminum á góðum degi.

En það geta okkar menn líka.

Þetta verður erfitt, en ég spái okkar mönnum 1-0 sigri á Anfield á morgun. Við gerum svo 1-1 jafntefli á Stamford Bridge og tryggjum okkur í úrslitaleikinn í Moskvu.

**Áfram Liverpool!**

Æ hvað það er nú gott að geta farið að tala um fótbolta, þ.e. leikinn sjálfan, aftur eftir skelfilega viku í lífi Liverpool Football Club.

Það eina jákvæða við vikuna voru þó úrslitin í leik Everton og Chelsea í gær sem þýða að ef að við fáum fjögur stig út úr síðustu fjórum leikjunum okkar er 4.sætið og þátttaka í CL næsta tímabil tryggð. Sem eins og staðan er í dag hreint og klárt lífsspursmál, hvort sem okkur líkar betur eða verr!

Ég trúi því og treysti að Rafael vinur okkar hafi náð að halda fókus undanfarna daga og þögn hans þýði það eitt að hann hafi vinnufrið með leikmönnunum. Ég vona því að við fáum að sjá sterkt lið á laugardaginn, við þurfum eitthvað jákvætt frá drengjunum til að létta okkur lundina, og ég trúi því að það fáum við að sjá í London á laugardaginn.

Talsverð breidd er komin í hópinn hjá okkur og því held ég að hann muni rótera liðinu og leitast við að hvíla þá leikmenn sem að hann hefur sem lykilmenn gegn Chelsea. En á sama tíma er ég sannfærður um að pressan á hann að ná úrslitum er mikil og því verði einhverjir ásar með. Ég reyni því að spá í byrjunarliðið út frá þessum leik og hvað karlinn hyggst svo gera gegn þeim bláu á Anfield á þriðjudaginn.

Mín spá um byrjunarlið:

Vinirnir Gerrard og Torres geymdir á bekknum, Alonso og Hyypia jafnvel alveg hvíldir.
Ég er alveg sannfærður um að þó þessir jaxlar fái hvíld leiki liðið vel. Ég hefði sett Plessis inn á miðjuna ef Masch væri ekki að koma úr banni, hef trú á að Rafa vilji fá hann í leikæfingu, en Frakkinn ungi komi inná eftir ca. 60 mínútur. Leikurinn í deildinni á Emirates sýndi að liðið er í fínum málum varðandi breidd og á að geta klárað leiki eins og þennan.

Fulhamliðið er í slæmri stöðu, en með óvæntum útisigri um síðustu helgi eygja þeir þó ennþá von um að halda sæti sínu í deildinni. Þeir eru nú fjórum stigum frá öruggu sæti þegar fjórir leikir eru eftir. Frá áramótum hefur liðið leikið sjö heimaleiki, einungis unnið tvo, en tapað fimm. Síðast 1-3 gegn Sunderland. Hins vegar höfum við ekki alltaf alveg náð að spjara okkur vel á Craven Cottage. Höfum tapað í síðustu tveim heimsóknum án þess að skora, síðast töpuðum við 1-0 í leik þar sem margir minni spámenn léku í rauða búningnum, vegna yfirvofandi undanúrslitaleiks Liverpool og Chelsea í Meistaradeildinni! De ja vu!!!!

Fyrri leikur liðanna í vetur fór 2-0 þar sem Torres setti fyrra markið og Gerrard seinna. Kunnuglegt?

Lykilmenn Fulhamliðsins í vetur hafa verið varnarmaðurinn Aaron Hughes og miðjumaðurinn Jimmy Bullard, en auðvitað horfum við eftir Danny karlinum Murpy líka, auk þess sem Annti Niemi markmaður hefur verið okkur erfiður á stundum gegnum tíðina.

Ég er ekki í vafa um að mikill baráttuleikur er framundan, Fulham þarf að ná sér í þrjú stig því annars er staðan orðin afar vonlítil hjá þeim. Við hins vegar myndum fara langt með að klára keppnina um Meistaradeildarsætið með sigri, sem hlýtur að vera jákvætt upp á leikina framundan við Chelsea. Því ætla ég hér með að spá því að eftir þessa „eigendaviku“ í Liverpool muni nú umræðan verða um góðan 1-2 sigur sem tryggi okkur sæti meðal bestu liða Evrópu á næsta leiktímabili, sama hver á liðið okkar. Markaskorararnir verða þeir Crouch í fyrri og Skrtel kemur okkur í 0-2 í upphafi seinni eftir horn. Rosalegt fjör í lokin en við höldum út fyrir stigin þrjú!

Hérna nú hér, seint koma sumir en koma þó. Búinn að vera í algjöru bulli með tæknina á heimilinu, en þetta tókst samt fyrir rest, hjúkk ett, enda bjargar það væntanlega helginni hjá 30% af þjóðinni. En hvað um það, ég er ENNÞÁ með timburmenn eftir leikinn á þriðjudaginn, ég er ennþá með bros á vör. Það var ekki fyrr en í dag að ég áttaði mig á því að við erum að keppa í deildarkeppni á Englandi. Ég nefninlega sá að Eversh… gerði bara jafntefli við fallkandídatana í Birmingham. Voða góð byrjun á deginum.

Hvað um það, ég er hreinlega ekki með mikið sem ég þarf að hleypa út hérna, þannig að upphitun verður að þessu sinni í styttri kantinum. Þetta er bara ekkert flókið. Með sigri á morgun þá tel ég að við förum ansi langt með að gera okkur hreinlega pressulausa. Af hverju? Jú, 5 stiga munur, lítið eftir og menn geta spilað nokkuð afslappað. Við erum aldrei að fara að tapa nægilega mörgum stigum til vors til að setja þetta í hættu, EF við sigrum á morgun.

Whatever, ég hreinlega óska þess að við klárum þetta á morgun. Þeir eiga tvo fína sóknarmenn, og góða kantmenn og geta því verið hrikalega hættulegir. Þetta er bara staðan eins og hún er og við verðum að vera á varðbergi til að innbyrða þessi þrjú stig. Mér er eiginlega slétt sama hvernig þeir ætla að stilla upp í þessum leik. Menn verða bara að byrja leikinn strax á fyrstu mínútu og ég verð bara að segja það eins og er að ég er kominn með svo mikla ofurtrú á þessu liði að ég bókstaflega spái liðinu sigri í hverjum einasta leik sem það fer í. Skrítið? Nei, við erum einfaldlega bestir þegar við erum komnir með Meistaradeildaadrenalínið á fullt. Núna þurfum við að skila því inn í leik gegn Blackburn.

Ég veit ekki til að það séu meiri meiðsl en hjá þeim Kewell (surprise, surprise) og Agger. Ég vona því bara að Rafa komi til með að stilla upp NÁKVÆMLEGA sama liði og gegn gegn Arsenal í vikunni. Það er einfaldlega okkar sterkasta lið í dag, simple as that. Bara nákvæmlega það sama. Klára þetta svo, við skorum 2 og þeir skora ekkert. Hvað eigum við að segja? Jú, Torres kemur með kvikindi númer 30 og svo fylgir Alonso á eftir og smellir einu.

Eruð þið nokkuð orðin þreytt á þessari fyrirsögn? Eða þessu sérnafni í fyrirsögninni? Alla vega, þá lýkur þriggja leikja hrinu við Arsenal á morgun, þriðjudag 8. apríl, kl. 18:45. Ókei, tæknilega séð þá lýkur rimmunni ekki fyrr en um tveimur tímum seinna, en þið vitið hvað ég á við. Það er sem sagt komið að þriðja leik þessara liða á einni viku, og þetta er síðari leikur þeirra í 8 liða úrslitum meistaradeildarinnar. Þetta verður bara MAGNAÐUR leikur!!! Liðin hafa leikið tvo leiki í deildinni og svo þennan fyrri leik í meistaradeildinni og allir leikirnir hafa farið 1:1 – hvernig fer á morgun??

Í deildarleiknum á laugardaginn gat Rafa hvílt stórar kanónur, auk þess sem Mascherano var í banni. Það má því hæglega búast við breytingum á liðinu, en eftir þrælgóðan leik Crouch … fær hann tækifæri núna? Og mun ekki Rafa sækja í reynsluna? Það væri auðvelt að spá byrjunarliðinu alveg nákvæmlega eins og í leiknum á miðvikudaginn, en ég ætla að taka sénsa og spá þessu:

Bekkur: Itandje, Aurelio, Benayoun, Arbeloa, Lucas, Voronin, Skrtel

Eflaust er skrýtið / fáránlegt hjá mér að setja Kuyt þarna og mögulega færi hann út og Babel kæmi inn … en mig langar að prófa þetta kerfi, þ.e. að hafa Kuyt, Crouch og Torres inná með Gerrard, Mascherano og Alonso fyrir aftan – hvernig stilli ég þessu öðruvísi upp? Gæti þetta verið kannski svona?

Og hvernig hitar maður upp mannskapinn hér þegar við höfum lítið gert annað en að tala um þessi tvö lið síðustu viku? Best væri að lesa pistilinn hans KAR upphátt reglulega fyrir leik! Og auðvitað kommentin sem hafa þegar komið á færslurnar síðustu daga.

Alan Hansen rifjar hins vegar upp það hræðilegasta atvik sem ég man eftir í enska boltanum, og ástæðu þess af hverju ég hata Arsenal mest allra liða … auðvitað smá barnaleg afstaða í mér, en þetta er góður punktur hjá Alan:

“This is why the message will be from Benitez that Liverpool must play to win and my belief is that they will win. He will be well aware that while 0-0 puts Liverpool through, it only takes one goal from Arsenal to turn it all around.”

Með þennan fjandans leik í huga, þá hræðist ég dálítið leikinn en er auðvitað sannfærður um að við töpum honum ekki! Þvílíkt sem maginn og hausinn hringsnúast þessa dagana! Tölfræði hefur ekkert að segja fyrir svona leiki, en er aðallega til skemmtunar. Á opinberu heimasíðunni kemur m.a. þetta fram:

- Liverpool hefur aðeins fengið á sig eitt mark gegn ensku liði á heimavelli í Evrópukeppni, það var árið 1971 (flott ár!) gegn Leeds!
- Steven Gerrard hefur skorað í síðustu þremur heimaleikjum liðsins í meistaradeildinni. Engum liðsmanni Liverpool hefur tekist að skora í fjórum leikjum í röð á heimavelli í Evrópukeppni … verður þetta sögulegt?
- Í 32 leikjum sem Peter Crouch hefur skorað, þá hefur Liverpool aldrei tapað (28 sigrar, 4 jafntefli).

Gaman að þessu!

Tvö góð komment frá mótherjunum:
Arsene Wenger: “We have the resources to advance”
Bendtner: “We have enough goals in us to go through”
Auðvitað ber að taka snilling eins og Wenger alvarlega … ‘we have the resources…’ – spakur maður! Við höfum ‘resources’ líka auðvitað, og með mann eins og Bendtner innanborðs, þá hlýtur Wenger að spyrja: skorar hann í dag eða bjargar hann marki? Persónulega ætla ég að veðja stórri fjárhæð að Bendtner skorar ekki neitt!

Mín spá: En eins og fram hefur komið þá hafa þrír leikir þessara liða í vetur farið á sama veg: 1-1! Ekki þykir ólíklegt að svo verði aftur, og framlengt – og mögulega vítaspyrnukeppni. En ég ætla að tippa á að hið ömurlega Liverpool lið muni vinna stórskemmtilega Arsenal-liðið 2:0, og það verða Gerrard og Torres sem skora. Bendtner mun svo aftur bjarga á línu fyrir okkur …

Áfram Liverpool! Fyrir mig persónulega hefur Hansen gert þetta að enn meiri taugaleik, vegna tilvísunar hans í 1989 dæmið. Fyrir mig persónulega yrði sætt – afar sætt – að sjá Arsene Wenger fara í gegnum enn eitt titlalausa tímabilið með liðið sitt æðislega, og þar hefði Liverpool spilað stóra rullu. Hvað segið þið?? Er enginn spenntur hérna???

ÁFRAM LIVERPOOL!

Á morgun mætum við Arsenal í deildinni í London. Eins og öllum er kunnugt þá náði Arsenal jafntefli gegn okkur í Meistaradeildinni á miðvikudaginn var þar sem Kuyt skoraði gott mark, 1-1. Ég geri fastlega ráð fyrir því að þetta verði ekkert ósvipaður leikur þe. Arsenal sækir og við verjumst. Það er ekki ólíklegt að Rafa hvíli einhverja leikmenn því áherslan liggur frekar á Meistaradeildinni en deildinni sem stendur. Sigurinn gegn Everton gaf okkur smá olnbogarými fyrir akkúrat þennan leik í trílógíunni gegn Arsenal.

En hvernig stillir Rafa upp? Úff… já það er algjört Lottó en ég ætla að gera töluverðar breytingar á því sem og halda því fram að hann breyti um leikkerfi:

Bekkur: Itandje, Hyypia, Babel, Kuyt, Finnan.

Það er ljóst að Mascherano er í banni þannig að hann er frá sem og Agger er meiddur. Mér þykir ekki ólíklegt að Rafa hvíli Gerrard og Torres eða í það mesta setji annan hvorn á bekkinn. Hyypia hlýtur að þurfa frekar smá hvíld en Carragher sem og við förum kannski í 4-4-2 leikkerfið og þá fer Babel út (enda var hann hræðilegur í síðasta leik). Kuyt gæti byrjað með Crouch uppá topp eða Voronin. Ástæðan fyrir því að ég held að Rafa skipti um leikkerfi er tvíþætt, til þess að koma Pennant og Crouch inní liðið sem og rugla Arsenal aðeins í rýminu, gera þá ekki of vana 4-2-3-1 útfærslunni. Svo má vel vera að Harry Kewell byrji þennan leik og fái að spila einn alvöru leik til að sanna sig ennþá einu sinni? Er hann kominn tilbaka?

Þetta er tilvalinn leikur fyrir þá leikmenn sem hafa litla ábyrgð fengið undanfarið eins og Crouch, Benayoun, Pennant o.s.frv. til að sanna sig og sýna frammá að þeir eigi byrjunarliðssæti skilið.

Arsenal hefur á einu mánuði glatað niður 5 stiga forystu á Man U niður í að vera 6 stigum á eftir þeim. Hins vegar tel ég að þeir séu komnir yfir vondan mars mánuð og sást það ágætlega í síðasta leik. Ég held að Wenger muni stilla upp sínu sterkasta liði gegn okkur þar sem þeir eiga ennþá raunhæfan möguleika á að verða enskur meistari. Skv. fréttum er Van Persie tæpur en aðrir ættu að vera leikfærir.

Ég ætla bara alveg að viðurkenna eitt, eina sem ég spái í núna er leikurinn á þriðjudaginn. Þessi leikur er eins og að millilenda í Færeyjum á leiðinni til London. Klára þetta verkefni af sómasamlega og síðan snúa okkur að alvörunni. Ég held að þessi hugsun sé alveg til staðar hjá öllum í kringum Liverpool liðið og þess vegna er kannski sterkur leikur að breyta töluvert liðinu og láta “minni” spámenn fá ábyrgð. Eina sem má ekki gerast er að við töpum stórt, það væri afar vont veganesti í LEIKINN. Ennfremur öll meiðsli á reglulegum byrjunarliðsmönnum eru afþökkuð.

Mín spá: Auðvitað fer þetta eftir því hvernig Rafa stillir liðinu upp, er hann með næstum okkar sterkasta lið (ólíklegt), setur hann stóru leikmennina út og blandar inní liðið “fringe” spilurum (líklegt) eða mun hann láta unga stráka byrja leikinn eins og Insúa, Spearing, Leto o.s.frv. (ólíklegt). Út frá byrjunarliðinu sem ég set upp þá held að ég að þetta verði jafn en óspennandi leikur sem endar 2-1 fyrir Arsenal. Crouch kemur okkur yfir snemma leiks en Arsenal vinnur á tveimur mörkum seint í seinni hálfleik…. and life goes on!

“Champions League you’re having a laugh” heyrðist oft óma í stuðningsmönnum mótherja okkar þegar þeir komu á Anfield fyrir nokkrum árum síðan. Ég held að ekki nokkrum stuðningsmanni detti til hugar að syngja þann söng núna á Anfield. Það hefur verið hreint með ólíkindum síðustu árin að fylgjast með liðinu í þessari keppni. Það virðist sem vera að það sé hreinlega til sér gír hjá liðinu sem það kúplar í þegar um er að ræða Evrópukvöld. Á morgun ferðumst við alla leið niður til London til að taka þátt í 8-liða úrslitum þessarar keppni og það á Emirates völlinn og hittum þar fyrir lið Arsenal. Það er óhætt að segja að við höfum ekki verið að sækja gull úr greipum þeirra Arsenal manna á þeirra heimavelli síðustu árin. Það er þó hægt að segja það að við höfum heldur aldrei spilað við þá í Meistaradeildinni áður.

Það er þó gömul saga og ný að fyrri árangur hefur lítið að segja þegar á hólminn er komið. Í mínum huga þá eiga stjórar liðanna eftir að spila enn stærri rullu en vanalega núna, hvernig koma þeir til með að setja upp þessa þrjá leiki sem framundan eru? Hvar liggja árherslurnar? Sigur okkar á Everton um helgina var vægast sagt GRÍÐARLEGA mikilvægur í þessu sambandi. Við erum komnir í fína stöðu í keppni um þátttöku í CL á næsta tímabili og því geta menn farið nokkuð afslappaðir í leikinn um helgina og fókusinn verður algjörlega á þennann leik á morgun. Hvar liggur fókusinn hjá andstæðingunum? Auðvitað eru þetta allt atvinnumenn fram í fingurgóma og munu klárlega ekki koma neitt með hangandi haus inn í neinn af þessum leikjum. Ég tel aftur á móti að það verði aðeins frábrugðinn þankagangur hjá stjórunum og því talaði ég um það hérna að ofan að þeir muni spila stærri rullu (ef hægt er að tala um slíkt) en áður þegar kemur að þessum þremur leikjum.

Lið Arsenal hefur verið mikið dásamað í vetur, og það réttilega. Þeir spila fínan bolta með miklu flæði, en mér hefur oft fundist skorta hjá þeim að vera meira “direct” og á stundum virðast þeir vilja spila sig inn í mark andstæðinganna. Jú, skemmtilegt á að horfa á stundum, en ákveðnir veikleikar felast þar í líka. Stjórar liðanna munu koma vel undirbúnir til leiks og kerfi andstæðingsins verður vel krufið. Hefur það áhrif á lið Arsenal að þeir hafa verið að ströggla í deildinni undanfarið? Það er ekki gott að segja þegar í svona stórleik er komið, en það er klárt mál að sjálfstraustið hjá þeim er ekki það sama og það var fyrir nokkrum vikum síðan. Lykilatriði fyrir þennann leik er að Javier Mascherano snýr tilbaka í liðið. Ef einhver getur brotið upp free flowing spil Arsenal, þá er það hann. Ég hugsa að mótherjar okkar kvíði talsvert fyrir því að mæta honum í ham inni á miðsvæðinu og muni því leita meira út á kantana. Þar er stórt skarð hjá þeim, því Sagna er meiddur og hann er að mínum dómi besti hægri bakvörðurinn í deildinni í dag. Hann hefur haft mikið að segja í sóknarleik liðsins því maður eins og Hleb er ekki eiginlegur kantmaður og Eboue mun væntanlega detta tilbaka í vörnina. Það getur þó vel verið að Wenger noti Senderos í vörninni og setji annað hvort Gallas eða Toure í bakvörðinn. Ég er eiginlega að vona að hann geri það því þeir eru afar sterkir saman í miðverðinu þeir félagar.

Ég held að það sé nokkuð öruggt mál að Rafa mun fara varfærnislega inn í þennann leik. Ég reikna með að liðið pressi stíft á miðjuna og leyfi þeim ekki að ná upp sínu venjubundna stutta spili. Xabi og Jav munu þar verða lykilþáttur og ég reikna líka með að Stevie muni leika aðeins aftar og styðja meira við þá en í undanförnum leikjum. Aðal spurningin verður vörnin. Sami og Skrtel áttu frábæran dag um helgina og ég á alveg von á því að þeir verði áfram í miðvarðarstöðunum og Carra áfram í hægri bakk. Ég held hreinlega að Rafa setji þetta fyrst og fremst upp með örugga vörn, pressu og skyndisóknir. Vinstri bakvarðarstaðan er svo spurningamerki. Rafa virðist treysta Aurelio betur (og ég er þar hjartanlega sammála honum) en Riise var solid um helgina, þó svo að lítið hafi í raun reynt á hann. Ég ætla því að spá því að vörnin verði alveg óbreytt frá Everton leiknum. Jav kemur sem sagt inn á miðjuna fyrir Lucas og Xabi honum við hlið með Stevie fyrir framan þá. Kuyt mun klárlega halda sinni stöðu en ég er í svolitlum vafa með hvort Babel byrji inná. Ég myndi ekkert detta úr stólnum af undrun ef við sæjum bæði Riise og Aurelio í liðinu. Ég ætla engu að síður að tippa á Babel, bara upp á það að gera að geta keyrt upp hraðar sóknir og sér í lagi þar sem Sagna er fjarverandi. Torres verður svo uppi á topp:

Bekkurinn: Itandje, Arbeloa/Aurelio, Finnan, Lucas, Benayoun, Crouch og Pennant

Hvernig fer? Úff, erfitt um að segja. Ég ætla að gerast svo djarfur og segja að þetta endi með 1-1 jafntefli. Það væru mjög fín úrslit fyrir okkur og myndi setja okkur í ágætis stöðu fyrir leikinn á Anfield. Ég ætla að giska á að það verði Dirk Kuyt sem skori markið fyrir okkur með bylmingsskoti úr teignum. Gallas mun svo jafna fyrir Arsenal seint í leiknum. Það er allavega ljóst að ég mun finna fyrir meiri titringi fyrir þennan leik heldur en þegar mikil umbrot eru á Hengilssvæðinu. Glös munu titra í hillum og hlutir færast úr stað. En það er ekkert nýtt, við erum að tala um Liverpool leik í Meistaradeild Evrópu. Það er einfaldlega ekki til neitt skemmtilegra og meira spennandi í boltanum í dag, simple as that.