Það er ótrúlegt hvað þetta gerist oft þ.e. að lið mætast í bikar/meistaradeildinni/deildinni svona oft á skömmum tíma en hvort sem það er betra eða verra þá er þetta ótrúlega gaman fyrir okkur sem sitjum fyrir framan skjáinn og styðjum okkar lið.
Núna er “sálfræðistríðið” byrjað milli Liverpool og Arsenal þar sem Rafa segir okkar menn fara fullir sjálfstrausts í þessa leiki á meðan Kolo Toure heldur því fram að við hræðumst þá. Ég segi í viðtali við sjálfan mig hérna á kop.is:
Liverpool ber virðingu fyrir Arsenal en árangur Liverpool í Meistaradeildinni undanfarin ár segir allt sem segja þarf. Arsenal þarf á heppni að halda ef þeir ætla að slá út Liverpool þetta tímabil.
Alan Hansen, sem yfirleitt spáir Liverpool ekki góðu gengi, heldur því fram að Liverpool muni komast áfram í Meistaradeildinni í pistli sínum hjá BBC Sport.
The Times er með fínt viðtal við Rafa í dag þar sem hann ræðir m.a. um þegar Pako fór, mæli með að allir lesi þetta. Rafael Benitez opens up on transfers, treachery, Torres, titles – and, of course, tinkering
(mynd fengin frá BBC) Mínútu síðar var Torres sparkaður niður (það gerðist nokkrum sinnum… ) og Gerrard átti ágæta aukaspyrnu rétt framhjá. Eftir 10 mínútur var þunna manninum farið að líða mun betur: mark komið hjá Liverpool og gult spjald á Everton. Eins og fyrr segir þá voru yfirburðir Liverpool augljósir, og þegar varnarmenn höfðu eitthvað að gera þá var það eitthvað minniháttar. Miðjan var traust og Babel og Torres tóku Hibbert reglulega í nefið. Babel var nálægt því að skora á 28. mínútu og hver sóknin á eftir annarri fylgdi í kjölfarið. Pressan fín og baráttan frábær. Tilraunir Everton til einhvers voru afar fáar og fátæklegar. Þeir vildu fá vítaspyrnu dæmda á 38. mínútu en í endursýningu sást það augljóslega að boltinn fór aldrei í hönd Hyypia. Skömmu síðar átti meistari Gerrard frábært skot í stöng.
Samkvæmt þessari 
Satt að segja finnst mér hver dómarinn öðrum verri. Einfaldlega ekki í líkingu við t.d. dómarana á Spáni eða þá sem koma frá Skandinavíu og mið-Evrópu og maður sér í Meistaradeildinni. Þeir eru vissulega að dæma í ensku deildinni sem á að vera meira “physical” en aðrar, en í dag er ekki lengur mesta stuðið að horfa á lið eins og Reading, Bolton, Wigan, Birmingham eða önnur svipuð sparka miskunnarlaust niður góðu fótbolta-mennina. Við sáum öll meðferðina á Eduardo og því hélt ég að eitthvað lagaðist. Var algerlega sammála umræðunni sem þar fór fram. Taylor var bara að gera það sem ótal aðrir varnarmenn hafa leikið í vetur, vera grófur og hræða leikmenn frá því að vera með boltann.
Það eru fáir sem ég er glaður með. Þó er einn sem er nýkominn í deildina sem heitir Peter Walton, Alan Wiley hefur staðið sig í vetur. og svo er ég sammála UEFA í því að telja Howard Webb þann besta. Hann verður fulltrúi Englands í úrslitum Evrópumóts landsliða í sumar. Þessir þrír dæma eins og ég vill sjá, kunna að beita hagnaði og eru fljótir að grípa inní grófa framkomu. Auðvitað gera þeir mistök en oftast finnst mér þeir vera þægilegur hluti af leiknum, lítt sýnilegir en taka til þegar þess þarf. 
Það eru ár og dagar síðan ég hef skrifað upphitun á þessa síðu. En fyrir þennan stórleik ætlum við Kristján Atli að taka að okkur umfjöllunina – ég með upphitun og hann skrifar síðan skýrslu á sunnudaginn. Við vitum vel að andlegt ástand okkar Liverpool manna verður ekki gott ef að Liverpool tapar þessu leik, þannig að hvað er betra en að fá þá hinn sí-bjartsýna Kristján til að peppa okkur upp í þunglyndinu, svo að við verðum ekki alveg óborganlega leiðinleg í páskaboðunum. Hann er líka auðvitað manna bestur í að skrifa leikskýrslu þar sem hann rakkar Man U niður fyrir það hveru ömurlega lélegir þeir voru í 5-0 tapleik gegn okkar mönnum. 
Ef það er eitthvað lið í efri hluta ensku úrvalsdeildarinnar, sem snýst meira og minna um frammistöðu eins manns, þá er það Manchester United með **Cristiano Ronaldo**. Þetta portúgalska helvíti hefur einfaldlega verið besti leikmaður ensku úrvalsdeildarinnar á þessu tímabili. Við erum að vissu leyti búin að venjast því hversu ótrúlega magnaður hann er, en það að skora 33 mörk í 32 leikjum og það verandi hægri kantmaður er einfaldlega **stórkostlegt** afrek. Á meðan að Kaká hefur horfið á Ítalíu, Messi er alltaf meiddur og Ronaldinho er ekki skugginn af sjálfum sér, þá er ég einfaldlega á þeirri skoðun að á morgun verði á vellinum heitasti framherji í heiminum í dag, besti miðjumaður í heimi og besti kantmaður/leikmaður í heimi í þeim Fernando Torres, Steven Gerrard og Cristiano Ronaldo.
Torres hefur byrjað 24 leiki og þrisvar komið inná sem varamaður. Leikina gegn Everton (Ú), Blackburn(Ú) og Chelsea (Ú) gat hann ekki leikið vegna meiðsla og því erfitt að skammast yfir því liðsvali. Hann kom inná gegn Portsmouth (Ú) á 62.mínútu í 0-0 leiknum, inná á 60.mínútu gegn Birmingham heima í 0-0 jafntefli og á 71.mínútu gegn Fulham (H) í 2-0 sigri sem hann allt að því átti. Áður höfum við spáð hvort Portsmouth voru mistök í liðsvali og sama má segja varðandi Birmingham. Hins vegar sér maður innkomuna hans í Fulham og þar gekk dæmið upp, sem örugglega var hugsunin gegn Birmingham allavega sem voru slæm 2 töpuð stig.
Jæja, þá er föstudagurinn runninn upp og eftir rétt tæpan klukkutíma verður orðið ljóst hverjir mótherjar Liverpool í 8-liða úrslitum Meistaradeildarinnar vorið 2008 verða, sem og hverjir mögulegir mótherjar geta verið í undanúrslitunum.
Loading ...
Fyrir mér er stærsta spurningin við þetta lið sú hvernig vörnin verður. Aurelio gæti spilað í stað Riise, Carra gæti farið í hægri bakvörðinn til að rýma fyrir Skrtel og Hyypiä saman – og þá gæti Arbeloa jafnvel spilað vinstra megin – en mér þykir þó líklegast að reynslan fái að ráða í þessum leik og Rafa muni treysta á Carra og Hyypiä í miðri vörn. Þá finnst mér líklegt að hann vilji halda Carra í miðjunni, vitandi að hann hafði Zlatan í vasanum í síðasta leik og eins að það er glapræði að hafa ekki sjálfan Gladiatorinn okkar í hringiðunni ef við lendum í nauðvörn í einhvern lengri tíma (enginn í heiminum betri en Carra í þeirri stöðu, segi ég og skrifa). Þess vegna skýt ég á að vörnin verði með ofangreindum hætti.
Fyrstu kaupin voru á Craig Bellamy (=) 6.0, welski vandræðagemsinn átti viðunandi tímabil á Anfield, skoraði 9 mörk og átti 10 stoðsendingar, besti leikurinn hans var á Camp Nou þar sem hann var lykilmaður í frábærum sigri. Seldur með hagnaði sumarið 2007. Gabriel Palletta (-) 2.0 millur, argentínskur varnartáningur sem réð ekki við enska boltann. Fabio Aurelio (=) frítt, byrjaði vel, meiddist svo illa og aðeins núna nýlega verið að sýna aftur á sér góðar hliðar. Jermaine Pennant (+) 6.7 millur, efast ekki um að margir eru mér ósammála hér en mér finnst Pennant hafa verið góð kaup, vissulega er hann óstöðugur en vorið 2007 fannst mér hann ótvírætt sýna hæfileika sína sem gamaldags kantmaður. Dirk Kuyt (=) 9.0, kröftug byrjun, fjaraði niður og þetta leiktímabil hrikalegt fram í febrúar. Virðist eiga betri tíma í nýrri útfærslu á leikkerfi. Í janúar bættust tveir leikmenn í hópinn, einungis annan tel ég með í þessu tímabili, Alvaro Arbeloa, (+) 2.5 millur, spænskur bakvörður sem Rafael pikkaði upp og maður vissi ekkert um en var fljótur að sætta sig við, strax í fyrsta leik! Hinn sem kom í janúar var Javier Mascherano sem ég ætla að telja með þessu ári í kaupum.
Vissulega er erfitt að ætla að fara að dæma menn núna, svo stuttu eftir að ferill þeirra hefst. En til að klára pistilinn á sömu nótum geri ég það nú samt….. Byrjum á Lucas (+) 5.0, klárlega góð kaup á miklu brasilísku efni, var á undan flestum stærstu liðum Spáns og Ítalu. Sebastian Leto (-) 1.8, virðist ekki ætla að ná tökum á enskum bolta og virðist stefna í sömu átt og Palletta. Fernando Torres (+) 20.6, þ.e. eftir greiðslu fyrir 20 mörk um helgina. Þarf ekki rökstuðning held ég. Andriy Voronin (-), held að Benitez hefði ekki tekið hann ef hann hefði verið viss um peninga um sumarið. Ekki nógu góður. Yossi Benayoun (+) 5.0, fínn lipur leikmaður sem hefur sannað sig sem góður „squad player“ strax á sínu fyrsta ári. Ryan Babel (+) 11.5, gríðarlegt efni og þegar orðinn góður. Kom á óvart en mun gleðja okkur mikið á næstu árum tel ég. Charles Itandje (=) frítt. Hlutlaus, ágætur varamarkmaður. Martin Skrtel (+) 6.5, lítur verulega vel út, en vissulega lítið búið af ferlinum hans. Javier Mascherano (+) 17.0 millur.
Ég er líka sáttur við það að Benitez hikar ekki við að láta menn fara sem ekki virka, nefni sem dæmi Josemi, Morientes, Gonzalez, Sissoko og Palletta. Það hefur þýtt það að við höfum tapað litlum peningum, eða jafnvel grætt á viðskiptum með þá.
Kevin Keegan og lærisveinar hans byrjuðu ekki síðari hálfleikinn vel því á 51. mínútu komst Torres á hlaupið, stakk boltanum á Steven Gerrard og hann kláraði vel. Þessir tveir leikmenn eru gjörsamlega potturinn og pannan í sóknarleik liðsins! Svo leið ekki langur tími þangað til Jose Manuel Reina átti eina alfallegustu sendingu fram völlinn á Torres. Hann kastaði boltanum vel inn á vallarhelming Newcastle þar sem Torres tók við boltanum, lagði boltann á hvern? Jú Gerrard alveg rétt, en Harper varði stórkostlega frá Gerrard. Fyrirliðinn var síðan tekinn af velli á 66. mínútu og inn á kom myndarlegur smalahundur frá Hollandi. Spekingar segja að Rafa hafi tekið Gerrard útaf því eigendur klúbbsins eiga ekki nógu mikið fjármagn í að borga Gerrard goal bonus viku eftir viku. Þegar um 20 mínútur voru eftir gerðist enn og aftur óskiljanlegt atvik. Martins átti þrumuskot langt utan af velli, Reina horfði ekki einu sinni á þennan bolta sem hafnaði í þverslánni, ótrúlegt. Fernando Torres var tekin af velli og Peter Crouch kom inn í hans stað, fínt að hvíla þessa lykilmenn fyrir slaginn gegn Inter. Pennant var síðan tekinn útaf þegar lítið var eftir af leiknum og Sami Hyypia kom óvænt inná fyrir hann. Á 82. mínútu fékk Dirk Kuyt dauðafæri en Harper varði vel, Riise tók frákastið og bombaði Taylor niður, tók svo aftur frákast en tókst ekki að koma sér á blað í fyrsta sinn á leiktíðinni. 
Kannski þeir kíki á pöbb eftir sigurleik og sjái hvort þeir sjá einhvern í Hicks fjölskyldunni sem er til í að splæsa einum umgangi? Kannski þeir hinir sömu myndu svo taka smá labb um hverfið og rekast á Foster Gillett sem villtist úr vinnunni í desember og er enn að leita að innganginum á Anfield. 
Þegar Rafael Benitez kom til Liverpool í júní 2004 höfðu þegar verið teknar tvær ákvarðanir varðandi félagaskipti. Djibril Cissé var að koma fyrir 14.5 milljónir og Markus Babbel var að fara til Þýskalands. Oft er Cisse talinn sem einn af þeim leikmönnum sem Benitez keypti, en það er ekki rétt, allt varðandi þau kaup sá Houllier um.
Luis Garcia, 6.0 millur (+) mistækur vissulega en rammaði sig inn í sögu félagsins okkar með stórkostlegum mörkum í eftirminnilegum leikjum. Mauricio Pellegrino, frítt (-) varnarjaxl sem einfaldlega réð ekki við enska boltann eftir að hafa verið lykilmaður hjá Benitez í Valencia. Fernando Morientes, 6.3 millur (-) með semingi set ég mínus á Morientes. Réð ekki við líkamlega þáttinn í enska boltanum en átti að mínu mati marga fína leiki. Scott Carson, 1.0 milljón (+) leikið ágætlega þegar hann hefur fengið sénsinn og er búinn að leika enskan landsleik. 
Þarna var kannski hægt að segja að liðið væri að verða lið Benitez. Ef við skoðum uppgjörið hingað til hefur Benitez keypt fyrir 27.4 milljónum meira en hann hefur selt fyrir. Heildarkaup hans nema vorið 2006 51,9 millur í aðalliðsleikmenn. 
Ég settist niður til að kíkja á lokamínúturnar í leik Everton og Portsmouth síðdegis í dag. Þegar ég settist fyrir framan tækið var staðan 1-1 og ég brosti innra með mér. Ég brosti af því að enn eitt árið virtumst við vera að fá staðfestingu fyrir því sem Everton-menn virðast blekka sig með á hverju ári – að lið þeirra er enn skrefi aftar en rauðu hetjurnar okkar.
Ef við byggjum í Liverpool-borg væri þessu hins vegar líklega þveröfugt farið. Við myndum samt sem áður bera kala til hinna toppliðanna, en Everton-liðið væri það lið sem við þyrftum að búa með, allan daginn alla daga, alls staðar, aðdáendur liðsins eins og plága sem ræðst að okkur úr öllum áttum. Ef við byggjum ytra væri hatrið gagnvart Everton eflaust dýpra og flóknara heldur en nokkurn tímann hatrið í garð hinna liðanna.
Munurinn liggur heldur ekki í framkvæmdarstjórum. David Moyes hefur verið nokkrum árum lengur við stjórnvölinn hjá Everton heldur en Benítez hjá Liverpool, og hann hefur byggt upp þétt og öflugt lið sem leikur eins og hann vill að það leiki. Hann hefur minna fé til leikmannakaupa á hverju ári en stjóri Liverpool en virðist nýta það nokkuð vel, hugsanlega betur en Benítez nýtir sitt fé. Engu að síður er hann ekki að kaupa jafn stór nöfn, og þau fáu stóru nöfn sem hann hefur keypt (P. Neville, Beattie) hafa yfirleitt verið komnir yfir hátind ferils síns þegar þeir koma til Everton.
