Byrjum við með -21 stig?

Í framhaldi af færslunni hér að neðan, þá ákvað ég að setja smá hugleiðingar niður á “prent” um þetta marg umtalaða mál að liðið okkar geti hreinlega ekki brúað þetta 21 stig sem Man U hafa í forskot á okkur eftir síðasta tímabil. Í fyrsta lagi taldi ég að öll lið byrjuðu nýtt tímabil með 0 stig. Ég hef hreinlega ekki séð neins staðar að breyting hafi verið gerð þar á. Fyrsti leikur er þann 11. ágúst og þá byrja öll lið með hreint borð og í rauninni eru þau öll hnífjöfn í stigum talið í baráttunni um Meistaratitilinn. En hvernig má það þá vera að allir séu að tala um bilið sem við þurfum að brúa til að komast í tæri við hinn heilaga bikar?

Menn eru væntanlega að vísa í getumun liða þegar kemur að leikmannahópum þeirra. Lítum aðeins á nokkur dæmi um þetta á milli tímabila:

2001:
Man.Utd vann með 80 stig, Arsenal endaði með 70, Liverpool 69 og Chelsea 61.

2002:
Arsenal vann með 87 stig, Liverpool endaði með 80, Man.Utd 77 og Chelsea 64.
Þarna má sjá 20 stiga sveiflu á milli ára á milli Arsenal og Man.Utd, Arsenal í hag.

2003:
Man.Utd vann með 83 stig, Arsenal endaði með 78, Chelsea 67 og Liverpool 64.
Þarna er 15 stiga sveifla Man.Utd í hag á milli tímabila á Arsenal. Heil 22 stiga sveifla á milli tímabila Liverpool og Man.Utd.

2004:
Arsenal vann með 90 stig, Chelsea endaði með 79, Man.Utd 75 og Liverpool 60.
Núna kom 20 stiga sveifla Arsenal í hag gegn Man.Utd, sama gildir um sveiflu milli Chelsea og Man.Utd.

2005:
Chelsea vann með 95 stig, Arsenal endaði með 83, Man.Utd 77 og Liverpool 58.
Sveiflan á milli Chelsea og Arsenal hérna eru 23 stig Chelsea í hag á milli tímabila. Sveifla Aukning stigamunar milli tímabila hjá Chelsea og Liverpool er 18 stig.

2006:
Chelsea vann með 91 stig, Man.Utd endaði með 83, Liverpool 82 og Arsenal 67.
Á þessu tímabili saxaði Liverpool niður ansi mörg stig milli tímabila á hin liðin. Sveiflan gagnvart Chelsea eru heil 28 stig, gagnvart Man.Utd voru þau 20 og Arsenal var það hvorki meira né minna en 40 stiga sveifla.

2007:
Man.Utd vann með 89 stig, Chelsea endaði með 83, Liverpool 68 og Arsenal 68.
Á síðasta tímabili var sveiflan á milli Man.Utd og Chelsea 14 stig á milli tímabila. Sveiflan hjá Liverpool miðað við Meistaratitilinn er óhagstæð upp á 22 stig.

Það er ennþá sú regla í gildi að það byrja öll lið með jafn mörg stig í upphafi tímabils. Það er líka ómögulegt að segja hvernig þau þróast og gefa tölurnar hérna að ofan það til kynna. Sveiflur á milli einstaka liða milli ára getur verið hrikalega mikil og 21 stig er hreinlega ekki stórt mál að brúa þegar búið er að núlla muninn út. Á síðasta tímabili voru Man.Utd verulega lukkulegir með prógram sitt í byrjun og með að lykilmenn voru heilir alla fyrstu mánuðina. Chelsea misstu dampinn þegar lykilmenn þeirra meiddust og Liverpool byrjuðu á hrikalegu prógrammi og fóru bara alls ekki í gang fyrr en alltof alltof seint.

Það þýðir samt akkúrat ekkert fyrir lið að afsaka sig, pointið mitt með þessu er að sýna fram á það að það er algjörlega útilokað að segja til um þetta. Því fer það hrikalega í taugarnar á mér þegar hinir ýmsu sérfræðingar eru að tala um það að það sé vonlaust að brúa þetta 21 stiga bil á milli tímabilanna. Kannski vinnur Man.Utd ennþá stærri sigur en síðast. Kannski smella kaupin hjá Liverpool loksins og þeir heyja harða titilbaráttu. Kannski taka menn aukna ábyrgð hjá Arsenal við brotthvarf Henry og stíga upp nokkur þrep. Kannski mun Chelsea ná upp sínum fyrri styrk með Cech og Terry heila. Þetta eru allt ef og kannski. Kaup og sölur hafa þarna einnig áhrif, og svona til að gefa mönnum smá mynd af þeim málum á þessum tilteknu tímabilum, þá tók ég það saman fyrir öll liðin. Ég vil taka það fram að þetta eru allir leikmenn sem skráðir voru hjá liðunum á Soccerbase.com, og svo LFCHistory.net.

Continue reading

Macca: Liverpool eru glataðir!!!

Í Bandaríkjunum hefur ákveðinn frasi rutt sér rúms meðal fólks síðustu mánuðina. Þessi frasi er “Oh Don Piano”, og notar fólk hann yfirleitt til að lýsa mjög ákveðnu fyrirbæri. Frasinn er kominn frá myndbandi sem einhver sendi inní svona home-videos sjónvarpsþátt þar sem köttur mjálmar eitthvað út í loftið og viðkomandi þykist vita að kötturinn geti talað (sjá YouTube-myndband). Með öðrum orðum, þá bendir frasinn “Oh Don Piano” til þess að manneskja sé að sjá eitthvað þar sem er í rauninni ekkert.

Gott dæmi um “Oh Don Piano”-fréttamennsku er flutningur fréttamanna í Englandi af ummælum Steve McManaman í gær. Hann var spurður um möguleika Liverpool á að vinna deildina í vetur og hann svaraði því af hreinskilni. Niðurstaðan var sú að blöðin birtu eftirfarandi fyrirsagnir:

Vá. Þvílíkar fyrirsagnir. Hann hlýtur að hafa sagt eitthvað virkilega umdeilt, ekki satt? Eitthvað eins og t.d. að þrátt fyrir eyðsluna sé Rafa enn ekki nógu góður stjóri til að vinna deildina, eða að Liverpool-liðið sé vonlaust og einhæft, eða eitthvað í þá áttina. Ekki satt? Ég meina, hvaða máli skiptir það hvað einum manni finnst? Hvaða þörf er á því að birta hans álit í sér frétt, þótt sá maður heiti Steve McManaman?

Við skulum skoða hvað nákvæmlega hann sagði:

“I think we’re talking about the top four or five now Tottenham have spent a lot of money. But I still think it will be very difficult to dislodge Manchester United and Chelsea – as much as everybody else has gone out and spent, they’ve spent too.

The spending hasn’t stopped really, they’ve just been buying more players and, the fact there was 21 points between Manchester United and Liverpool last year, it’s a big gap. After spending money Liverpool fans will definitely expect. The Holy Grail for Liverpool fans is the Premiership – for the other big teams it seems to be the Champions League.”

Bíddu, er þetta allt og sumt? Liverpool hafa eytt peningum og því gera aðdáendurnir kröfur, en þetta verður samt erfitt af því að hin liðin hafa líka eytt pening og af því að bilið í fyrra var mikið? Er það allt og sumt sem hann sagði? Eru þetta orðin sem hann notaði til að “blast”-a Liverpool? Til að ráðast harkalega að liðinu?

Oh don piano.

Það væri þá aldrei…

… að við gætum selt Le Tallec en hann er kominn tilbaka til Liverpool eftir árs útleigu hjá Sochaux en þar þótti hann standa sig ágætlega. Hann skoraði m.a. í úrslitaleik frönsku bikarkeppninnar. Þegar þeir félagar, Le Tallec og Pongolle, komu til Liverpool áttu þeir að vera efnilegustu leikmenn Frakka og batt Houllier miklar vonir við þá. Hvorugur náði aldrei að festa sig í sessi hjá félaginu þó Pongolle hafi verið nálægt þegar hann lenti í erfiðum meiðslum, sleit krossbönd, og náði aldrei sama flugi aftur. Pongolle var síðan fyrst lánaður til Blackburn og síðan til Huelvo á Spáni þar sem hann sló í gegn. Þeir keyptu hann að lánstímanum loknum. Le Tallec hefur m.a. verið hjá Sunderland, Saint-Étienne og Sochaux en eftir sem áður ekki verið seldur. Hann spilaði nýverið með varaliðinu gegn Peterborough en það er samt deginum ljósara að hann á enga framtíð hjá Liverpool. Þetta er ekki spurning hvort heldur hvert drengurinn fer.

Continue reading

Nýjar áherslur í markaðsmálum Liverpool

Í kjölfar þeirrar athygli sem nýlegur pistill okkar um verðlagningu Sýnar vakti tókum við á Liverpool Blogginu þá ákvörðun að bjóða Daða Rafnssyni markaðsfræðingi gestahlutverk hér á síðunni. Hann mun því í framtíðinni koma með pistla um allt sem snýr að markaðs- og fjármálasviði Liverpool FC. Þetta er hans fyrsti pistill, bjóðum hann velkominn. -Kristján Atli


Nýlega var Ian Ayre ráðinn sem markaðsstjóri (Commercial Director) Liverpool eftir mikla leit. Ayre var áður stjórnarformaður og forstjóri Huddersfield Town og hefur mikla reynslu af sölu sjónvarpsréttinda. Hann hefur einnig umtalsverð sambönd í Asíu eftir að hafa rekið fyrirtæki sem var brautryðjandi í framleiðslu myndlykla fyrir gervihnattastöðvar á borð við SKY. Ayre hefur verið Liverpool aðdáandi frá blautu barnsbeini og er söludrifinn með afbrigðum.

Ayre gæti orðið mikilvægasti “nýji leikmaðurinn” á Anfield í vetur því sú umhyggja sem stjórnendur Liverpool hafa sýnt vörumerki sínu í gegnum tíðina hefur verið skelfileg.

Í dag eru vinir okkar í Manchester United langt á undan okkur í öllu sem viðkemur markaðsmálum og vörumerkjastjórnun. Þetta kemur meðal annars fram í því að ef þú ættir nokkra milljarði punda aflögu til að kaupa fótboltalið í dag yrðir þú væntanlega að greiða helmingi meira fyrir United heldur en fyrir Liverpool.

Ef líkja mætti vörumerkjastjórnun við það að keyra bíl er United í botni á nýbónuðum Bugatti Veyron á meðan við erum ennþá að keyra Lexusinn hans pabba. Á 90 kílómetra hraða.

Stundum hefur maður klórað sér í hausnum og spurt sjálfan sig hvað þessir menn eru að hugsa. Á meðan batteríið í kringum United gerði Beckham að stjörnu í Gillette auglýsingum útum allan heim var markaðsdeild Liverpool að senda Jason McAteer og Steve McManaman til að opna nýja McDonald´s staði til að komast í staðarblöðin.

“Liverpool´s two Big Macs”. Guð hjálpi okkur!

United er með stærri völl, betra aðgengi að vellinum, flottari búð, meira vöruúrval, fleiri veitingastaði, fleiri fyrirtækja-stúkur og mun markvissari vörumerkjastjórnun. Á meðan við höfum hangið í Reebok-bolum og auglýst danskan bjór hafa hinir gert tímamótasamninga við Vodafone og Nike.

Og þetta lekur yfir í PR-hliðina, þar sem Liverpool hefur líka dregið lappirnar. Steven Gerrard væri fyrirliði enska landsliðsins í dag ef Liverpool hefði staðið betur að markaðsmálum sínum. Jamie Carragher væri fyrstur í vörnina með John Terry. Þið trúið því kannski ekki að þetta hafi svo mikil áhrif en þannig er það nú bara. Fjölmiðlar í London hafa mikil áhrif á ímynd leikmanna og þar af leiðandi val í landsliðið. Sjáið bara Rio Ferdinand og Ledley King…meira að segja Zat Knight og Michael Duberry hafa verið hafnir til skýjanna af London-pressunni.

Ég hef reynt að selja bæði Liverpool og Manchester Utd. vöru fyrir hönd bandarísks fyrirtækis. Þessi vara hafði slegið í gegn hjá öllum helstu íþróttaliðum í Bandaríkjunum og átti eftir að slá í gegn á Englandi nokkru seinna. United-menn tóku á móti mér á flottri skrifstofu með útsýni yfir Old Trafford þar sem 40 manns voru að vinna í markaðsmálum. Allt pottþétt. Að eiga við Liverpool var eins og að eiga við ítalskt ríkisfyrirtæki og það var ekki einu sinni hægt að komast á fund. Hversu mörgum tækifærum hefur klúbburinn misst af vegna svona vinnubragða?

En höfum þá eitt enn alveg á tandurhreinu, möguleikar vörumerkisins hjá Liverpool eru gífurlegir, jafnvel betri heldur en hjá Manchester United. Og þetta skildu Hicks og Gillett þegar þeir voru að kaupa liðið. Þeir geta mögulega tvöfaldað fjárfestingu sína í Liverpool á stuttum tíma ef þessi tækifæri eru nýtt.

Hicks segir að hann hafi hrifist af frumkvöðlakrafti Ayres. Hann hafi brotist til efna af sjálfdáðum og skilji manna best möguleikana sem felist í heimamarkaði, Asíumarkaðinum og nýjum fjölmiðlum eins og internetinu. “Verkefni hans felst í að gera vörumerki Liverpool jafn sigursælt á heimsvísu og liðið hefur verið inni á vellinum”, segir Hicks.

Ég held að helstu verkefni og forgangsröð Ayres verði eftirfarandi. Ég mun svo skrifa sérpistla um þessi efni nánar á næstunni:

  • Vörumerkið og styrktarmál

Skilgreining og útfærsla. Barcelona vildi ekki “óhreinka” búninginn sinn með hvaða auglýsenda sem var. Hvernig vill Liverpool staðsetja sig í hugum knattspyrnuáhugamanna? Það skiptir máli hvaða nafn völlurinn fær, hverjir auglýsa framan á búningnum og hvernig gæði merkisins er framsett. Ekki búast við því að sjá Fernando Torres opna McDonalds í Toxteth.

  • Sjónvarp og internetið

Sjónvarpstöð klúbbsins verður keyrð upp og það má búast við því að stóru liðin fari að heimta æ stærri skerf í sinn hlut af beinum útsendingum. Það sem skiptir enn meira máli er að netsíðan verður gerð aðgengilegri og markvissari. Í dag er hún dæmi um allt sem er vont í vefhönnun. Ruglingsleg, flókin og of mikið af efni og ómarkvissum auglýsingum.

  • Nýji völlurinn, miðasala og vörudreifing

Allir sem hafa komið á Anfield vita að hann stenst engan veginn kröfur dagsins í dag. Aðkoman fyrir rútur og bíla er ómöguleg, búðin er alltaf troðfull, þröng og illa skipulögð, veitingastaðir eru fáir og gæðin á matnum eru ekki til fyrirmyndar. Þetta mun allt breytast með nýjum velli. Vissuð þið að fyrsta árið sem Red Café opnaði á Old Trafford var sá veitingastaður með hærri ársveltu heldur en Wimbledon Football Club sem þá var að keppa við Manchester United. í Úrvalsdeildinni? Einnig skipta fyrirtækjastúkurnar mjög miklu máli, þrátt fyrir að menn haldi að þar eigi sér bara stað rækjusamlokuát.

Með stærri velli verður líka hægt að selja fleiri miða og á fjölbreyttari verðum sem þýðir að hægt er að þjónusta breiðari hóp aðdáenda.


Hvað vörudreifingu varðar má búast við fleiri Liverpool Megastore á helstu markaðssvæðum í Asíu, Bandaríkjunum og Evrópu ásamt aukinni sölu í gegnum netið. Búðin á nýja vellinum verður gjörólík þeirri sem við þekkjum svo vel.Kapphlaupið um áhangendur skiptir máli fyrir framtíðarvöxt liða. Í dag er Liverpool í 6. sæti yfir verðmætustu vörumerkin í knattspyrnu þrátt fyrir að vera tíunda verðmætasta liðið. Ian Ayre og markaðsdeild Liverpool er sett það verkefni að koma liðinu á toppinn á báðum vígstöðvum. Næst ætla ég að ræða um það af hverju það er ekki bara mögulegt fyrir Liverpool heldur líka mjög líklegt að svo verði.

Rafa: Torres og Babel þurfa að bæta sig

Liverpool-liðið flaug heim frá Hong Kong í gær og Rafa tjáði sig í kjölfarið við fréttamenn heima í Liverpool. Þar talaði hann meðal annars um Fernando Torres og Ryan Babel:

“I think that they are a little bit behind the others but not too much. [..] Torres can improve, we have two more weeks. The understanding with his team-mates was okay but I’m sure he will improve.

It’s clear that Babel’s played for longer than anyone else, with the European Under-21 Championships. He will need time also, he’s a young player, 20 years old, he’ll need time to settle down.”

Þótt sigur eða tap í æfingaleikjum sé á endanum hálf tilgangslaus niðurstaða er margt sem hægt er að græða á slíkum leikjum. Og eitt sem Rafa hefur “grætt” á Hong Kong mótinu er að sjá greinilega að Babel, sérstaklega, er ekki í sama leikformi og hinir leikmennirnir. Eins og hann segir á þetta sínar ástæður, þetta er jú tvítugur leikmaður frá öðru landi nýkominn til Englands, en hann spilaði líka á U21-mótinu í júní og fékk því minna frí en aðrir.

Torres, hins vegar, upplifði hálfgerða míní-martröð í Asíu. Fyrir utan langt og erfitt ferðalag og steikjandi hita fékk hann ekkert að spila í fyrri leiknum vegna þess að leikheimild var ekki komin. Svo þurfti hann að bíða fram á síðustu stundu með að fá heimild fyrir úrslitaleikinn, og jafnvel þá kom hún of seint og það var undir Harry Redknapp komið að leyfa honum að spila. Redknapp leyfði það og hann hóf leik á bekknum. Þegar hann svo klúðraði vítaspyrnunni sinni í lokin sá maður það á honum að honum var ekki skemmt. Svipurinn á andliti hans var svona þessi klassíski, “af hverju fór ég framúr rúminu í dag?”-svipur.

Rafa á eftir að æfa með liðið í fjóra daga á Melwood í þessari viku áður en þeir fljúga yfir til Hollands (taaaaalsvert styttra flug en til Hong Kong) á fimmtudag og spila í æfingamóti um helgina. Það verður athyglisvert að sjá hvort það verða einhver batamerki á ferskleika og formi Torres og Babel í þeim leikjum. Fyrir Hong Kong-ferðina hefði ég talið Torres vera nánast öruggan með sæti í byrjunarliðinu gegn Aston Villa þann 11. ágúst næstkomandi, en ef hann virkar jafn þreyttur/kraftlaus um næstu helgi og hann gerði á föstudag held ég að hann gæti lent í því að byrja á bekknum í fyrsta leik.

Hver er besti stjórinn?

Flest teljum við okkur vita betur en Stjórinn hvernig liðið eigi að spila og hverja eigi að kaupa. Margir fá útrás í allskonar tölvuleikjum aðrir fara í heitu pottana og ræða málin. Svo eru sumir sem einfaldlega skrá sig í draumaliðsleik á netinu og velja sitt eigið lið og keppa við vini sína. Við félagarnir hérna á síðunni höfum einmitt gert það og ákváðum að gaman væri að leyfa þeim lesendum sem hafa áhuga að taka einnig þátt.

Slóðinn er þessi: http://fantasy.premierleague.com/ og það kostar ekkert að taka þátt. Þegar búið er að stofna liðið og velja leikmenn þá getið þið gengið í deildina, Liverpoolbloggið. Það þarf að skrifa inn þennan kóða: 306803-88262 til að fá aðgang og þá er allt klárt.

Pressan eykst

Mæli með ágætis grein í The Times um tímabilið sem framundan er hjá Liverpool, og pressuna sem hvílir á herðum Rafa Benítez eftir útlátin í sumar.

Það dylst engum að bæði leikmenn og áhangendur Liverpool eru með ensku Úrvalsdeildina á heilanum. Það eru rúm sautján ár síðan hann kom síðast yfir á safnið á Anfield og með hverju árinu sem líður langar okkur bara meira að sjá hann snúa “heim”.

Liðinu hefur gengið fádæma vel á þessum áratug í bikar- og Evrópukeppnum, svo að nú blasir við Rafa sú fágæta staða að geta hreinlega fórnað öllu öðru fyrir deildina. Ef hann sendir unglingalið í fyrstu umferð beggja bikarkeppnanna og tapar, og kemst ekki upp úr riðlakeppni Meistaradeildarinnar í haust, verður það fyrirgefið ef hann er efstur í deildinni á þeim tíma sem það gerist.

En auðvitað þarf það að gerast. Það vita allir nú orðið hvað til þarf: byrja mótið strax í fyrstu umferð, hala inn stig á útivöllum fyrir desember, gefa United og Chelsea ekki þessi 10-15 stig í forgjöf sem þeir hafa verið að fá síðustu ár. Maður hefur oft verið spenntur fyrir byrjun deildarinnar en í ár er spennan enn meiri, fyrsti leikurinn við Villa á útivelli virkar á mann eins og einhvers konar bikarúrslitaleikur. Ef Liverpool tapar stigum þar er hættan á spennufalli mikil, en þá verður liðið líka að gjöra svo vel og sigra Chelsea í öðrum leiknum.

Í dag eru þrettán dagar í fyrsta deildarleik. Niðurtalningin hefur verið löng í ár og mikið hefur breyst frá því að menn eins og Mark Gonzalez, Bolo Zenden og Daniel Padelli rétt mörðu jafntefli við Charlton í þýðingarlitlum lokaleik deildarinnar í vor. Ef allt gengur að óskum hjá Rafa verður síðasti deildarleikur vorsins 2008 ekki jafn þýðingarlítill. Hans vegna, og okkar allra, vona ég að sagan endurtaki sig ekki. Oft var þörf en nú er nauðsyn.

Túlkar þarfasti þjónn knattspyrnuliða í dag?

Á fréttamannfundi með Torres í Hong Kong kom í ljóst að það er gríðarlega mikilvægt að hafa góðan túlk sem skilur bæði málin sem og knattspyrnu. Hérna koma nokkur skondinn svör frá sem túlkurinn svaraði.

Question: Fernando, how are you enjoying life at Liverpool?
Answer (translated): He’s very happy to be at a club with so many players who were his idols.

Question: How many goals do you think you will score this season?
Answer (translated): So many players who were his idols are at the club, so he’s happy to be here.

Question: Does it feel strange to be playing with your idols?
Answer (translated): He’s enjoying very much being with idols.

Þegar þarna var komið tók Benitez yfir og þýddi fyrir Torres.

Á næsta fréttamannafundi þegar Lucas Leiva var kynntur fréttamönnum þá var búið að fá nýjan túlk:

Question: What does Lucas know about English football?
Answer (translated): He says it will take time to adapt and mingle with his new team-mates.

Question: Did Lucas have a particular footballing hero when he was a youngster?
Answer (translated): He’s really looking forward to mingling with the team, but it will take time.

Þegar þarna var komið þá tók Benitez aftur yfir!

Liverpool 0 – Portsmouth 0 (2-4 e. vítaspyrnukeppni)

Liverpool tapaði gegn Porstmouth eftir vítaspyrnukeppni í Asian Trophy í Hong Kong í dag. James varði frá nýju mönnunum Torres og Benayoun og Portsmouth vann því þennan stóra og fallega bikar. Tillykke Hermann og co.

Byrjunarliðið í dag:

Reina

Finnan – Hyppia (c) – Agger – Riise

Pennant – Alonso – Sissoko – Kewell

Kuyt – Babel

Bekkurinn: Carson, Martin, Gerrard, Lucas, Carragher, Benayoun, Threlfall, Arbeloa, Voronin, Crouch og Torres.

Fyrir þá sem vilja fá nánari lýsingu á leiknum þá benti ég á þessi komment en ég uppfærði leikinn töluvert oft “live”.

Til að gera langa sögu mjög stutta þá var Liverpool miklu miklu miklu betra í þessum leik en náði bara einfaldlega ekki að skora. Það sást greinilega að það er griðarlega heitt í Hong Kong og mikill raki því þegar á leið leikinn varð tempóið svipað og á HM í Mexíkó 1986 :) mjög rólegt og afslappað. Dómarinn stoppaði m.a. leikinn á 70 mín. til að gefa leikmönnum tækifæri á því að drekka vökva.

Heilt yfir var liðið gott. Sprækastir voru þeir Sissoko, Kewell og Finnan. Slakastur var Babel sem aldrei komst í almennilegan takt við leikinn, hvort sem það var sem framherji eða kantmaður.

Næsti leikur liðsins er eftir viku, föstudaginn 3. ágúst gegn Shanghai Shenhua.

Byrjunarliðið gegn Porstmouth. (uppfært) Torres er með!

Í dag kl:12:30 mætum við Harry Redknapp og félögum í Porstmouth í úrslitum Asian Trophy. Porstmouth lagði Fulham naumlega af velli 1-0 þar sem Benjani skoraði og við unnum South China sannfærandi 3-1 með mörkum frá Riise, Alonso og Agger. Fyrr í dag lagði Fulham South China 4-1 af velli og tryggði sér þar með þriðja sæti í þessu móti.

Byrjunarliðið í dag:

Reina

Finnan – Hyppia (c) – Agger – Riise

Pennant – Alonso – Sissoko – Kewell

Kuyt – Babel

Bekkurinn: Carson, Martin, Gerrard, Lucas, Carragher, Benayoun, Threlfall, Arbeloa, Voronin og Crouch og TORRES.

Sem sagt enginn Torres í dag en Babel byrjar og Lucas er á bekknum.

Uppfært: Torres fékk alþjóðlega leikheimild rétt fyrir byrjun leiksins og er á bekknum!

Rafa má skipta inná 6 varamönnum í leiknum.

Lucas Leiva nýjasti meðlimur Liverpool.

Lucas Leiva fékk í fyrradag ítalskt vegabréf og er þar með orðinn löglegur með Liverpool. Þegar Liverpool keypti Lucas frá Gremio var það með fyrirvara umað Lucas fengi ítalskt vegabréf sem er í dag orðin staðreynd. Lucas Leiva þykir gríðarlegt efni og mun hafa farið mikinn undanfarið með Gremio. Hann var m.a. valinn besti leikmaður brasilískudeildarinnar árið 2006 og fetaði þar í fótspor Zico, Falcao, Careca, Romario, Kaka og Tevez.

Rafa er mjög ánægður með að hafa nælt í Lucas en gengið var frá kaupunum um miðjan maí. Ennfremur kemur fram að Lucas neitaði m.a. Everton, Man U og liðum á Spáni:

“We knew Lucas could be a good signing because he played at a high level for Brazil Under-21s. A lot of other top clubs were after him, so we had to move quickly. One of those other clubs plays in red, and Lucas told me the other wears blue, but I won’t say which.”

og Rafa er ekki hættur:

“He’s a midfielder who likes to move from box to box. He’s not Steven Gerrard, but he likes to get forward. We are preparing a team for the short term and for the future, and Lucas is part of this. He will have a part to play this season. He has the personality and character to succeed here.”

Það er s.s. ljóst að Lucas kemur til með að fá að aðlagast landinu, liðinu, leikstílnum o.s.frv. hægt og rólega (líkt og Agger) og mun jafnvel fá einn og einn leik hér og þar. Lucas mun spila nr. 21 en það númer bar Traore núna síðast. Það er ekki hægt að segja að þetta sé neitt lukkunúmer því á undan Traore var það Salif Diao sem bar þetta númer. Ef við lítum aðeins lengra tilbaka þá var snillingurinn Gary McAllister með þetta númer og vonum við að Lucas gangi jafnvel og gamla manninum gekk hjá Liverpool.

Steven Gerrad gerir eins og góðum fyrirliða sæmir, talar fallega um Lucas á official síðunni:

“From what I’ve seen of him so far on the training pitch he’s got everything you need in a Liverpool player; good touch, good passing and he’s also a good lad off the field…”

Það kæmi mér ekki á óvart að Lucas myndi fá að spreyta sig í dag gegn Portsmouth í Asian Trophy en leikurinn hefst kl:12:30. Það er einnig ljóst að bæði Torres og Babel eru komnir með alþjóðlega leikheimild og Gerrard er klár, þeir munu allir vera með í dag.

Meira um nýja völlinn + Simao

Það er góð grein í Daily Post í dag um það hvaða áhrif nýr völlur getur haft á fjármál Liverpool. Í þessari grein er það meðal annars gert opinbert sem flestir bjuggust við, að nýji völlurinn mun ekki heita Stanley Park, New Anfield eða eitthvað álíka, heldur mun klúbburinn leitast við að semja við styrktaraðila um bæði auglýsingar á treyju liðsins og nafngift vallarins, svipað og Arsenal gerðu með völlinn sinn í Ashburton Grove.

Það vekur athygli að núverandi samningur við Carlsberg, sem var nýlega endurnýjaður, gildir út tímabilið 2009/10, sem þýðir að hann rennur út sama sumar og áætlað er að nýi leikvangurinn verði tekinn í notkun. Þannig að klúbburinn virðist vera búinn að staðsetja sig þannig að ef Carlsberg vilja halda áfram sem styrktaraðili Liverpool verða þeir að semja upp á nýtt og hafa nafngift vallarins með í samningum. Hvort Carlsberg sé reiðubúið að fara í slíkan pakka eða hvort stærri fyrirtæki þurfi til veit ég ekki, en nú geta menn leikið sér með nöfnin. The Carlsberg Stadium? The Coca-Cola Stadium? Kókið er allavega í rauðum umbúðum, þannig að það myndi passa ágætlega á Liverpool-treyjur. Fleira? The Fed-Ex Stadium? Notið hugmyndaflugið, en Stanley Park Stadium og New Anfield Stadium virðast vera nokkuð örugglega úr sögunni.

Já, og við getum, eftir tveggja ára vangaveltur, gleymt því að fá Simao Sabrosa til Liverpool. Skv. fréttum á Spáni er hann væntanlegur til Madríd til að gangast undir læknisskoðun og skrifa svo undir samning við Atlético. Kaupverðið er sagt vera um 13.4m punda, sem hlýtur að þýða að Atlético eru búnir að eyða þeim peningi sem þeir fengu fyrir Torres.

Nýji völlurinn loksins afhjúpaður!

Liverpool FC sendu í dag inn formlega umsókn um leyfi fyrir áætlanir sínar fyrir nýja völlinn í Stanley Park. Eins og menn muna var allt klárt til að hefja byggingu vallarins þangað til Tom & George keyptu klúbbinn í febrúar, en þá var upphafleg áætlun sett á hilluna á meðan þeir endurhönnuðu völlinn. Nú, tæpum sex mánuðum síðar, hefur sú áætlun litið dagsins ljós.

Hér má sjá myndir af vellinum og lesa viðbrögð leikmanna og forráðamanna klúbbsins.

Hvað finnst fólki? Sjálfur er ég hrifinn af þessari hönnun. Ég hefði viljað sjá fleiri myndir en þær sem í boði eru, en það kemur eflaust smám saman á næstu dögum/vikum. Það er alveg ljóst að þetta er einstakt útlit, sem betur fer er þetta ekki “enn ein skálin” eins og einhver orðaði það á síðunni um daginn. Þetta er völlur sem fólk sér í sjónvarpi og hugsar strax með sér: þetta er Liverpool-völlurinn!

Ég hlakka til að fara á minn fyrsta leik í Stanley Park. :)

Pressa

Hvað sem maður getur sagt um Mourinho, þá er það allavegana bókað að hann kann að [komast í blöðin](http://football.guardian.co.uk/News_Story/0,,2134027,00.html).

Liverpool 3 – South China 1

Liverpool hóf þátttöku sína í Asian Trophy 2007 í dag með leik gegn South China. Fyrr um daginn hafði Porstmouth marið Fulham 1-0 þar sem Benjani skoraði sigurmarkið. En byrjum að líta á byrjunarliðið:

Carson

Arbeloa – Carra – Agger – Riise

Benayoun – Alonso – Sissoko – Kewell

Voronin – Crouch

Bekkurinn: Reina, Martin, Finnan, Hyypia, Pennant, Kuyt og Threlfall.

Nokkrar stjörnur voru annað hvort hvíldar, meiddar eða (skv. lýsendum Setanta) ekki með alþjóðlega leikheimild. Þetta voru þeir Babel, Gerrard, Torres og Lucas.

Leikurinn hófst rólega en það var ljóst frá upphafi að þetta yrði ekkert “walk in the park” fyrir Liverpool. Heimamenn voru tilbúnir í þennan leik og börðust vel. Það var síðan á 9 mín. leiksins að Sissoko fær fríspark á stórhættulegum stað. Riise hamrar tuðruna efst í markhornið beint úr spyrnunni. Glæsilegt mark frá Norðmanninum.
Eftir markið róaðist leikurinn töluvert og lítið um góð færi. Voronin og Alonso náðu vel saman í sínu spili og var eftirtektarvert að fylgjast með því hversu góðan leikskilning Voronin er með. Lítur fantavel út þessi úrkaníski landsliðsmaður.

Það var svo á 27 mín. sem Alonso á góða sendingu inn fyrir vörn China og þar er Voronin í baráttu við varnarmann heimamanna. Voronin fellur og víti er dæmt. Þetta var að mínu viti “soft” víti en víti samt. Alonso fór á vítapunktinn og afgreiddi það örugglega í markið, 2-0 fyrir Liverpool og tæpur hálftími búinn. Þarna hélt ég að við myndum afgreiða þennan leik örugglega og án mikillar fyrirhafnar en það átti eftir að breytast.

Lítið markvert gerðist fyrr en Sissoko fékk dæmt á sig ódýra aukaspyrnu ca. 40 metra frá markinu. Fyrirliði heimamanna, HQU, tekur spyrnuna og boltinn flýgur beint inn í markið. Ákaflega klaufalegt af hálfu Carson en að sama skapi vel gert hjá fyrirliðanum. 2-1 og núna var þetta allt í einu orðinn leikur aftur. Þetta mark skrifast á reikning Carson og hjálpar honum ekki í baráttunni við Reina um markmannsstöðuna. Eftir markið er leikurinn í góðu jafnvægi og dómari leiksins flautar til hálfleiks, 2-1.

Engar skiptingar voru gerðar í hálfeik hjá okkur en á 55 mín. var tvöföld skipting, þeir Pennant og Kuyt komu inná fyrir Kewell og Crouch. Benayoun færði sig þá yfir á vinstri kantinn. Leikurinn var annars tíðindarlítill en það var einna helst lífsmark með Pennant, Sissoko og Voronin. Á 65 mín kom Finnan inná fyrir Benayoun, Arbeloa fór í vinstri bakvörðin og Riise á kantinn. Það var síðan ekki fyrr en á 73 mín. sem næsta mark leit dagsljósið og var það ákaflega fallegt eftir gott samspil Agger, Riise og Kuyt. Markið skoraði Agger með föstu skoti frá vítateignum, 3-1.

Strax eftir markið kom skipting, Thurfall kom inná fyrir Alonso og þá gerðist svolítið athyglisvert. Síðustu 10 mín af leiknum voru þeir Hyypia og Arbeloa á miðri miðjunni hjá okkur þar sem Thurfall fór í vinstri bakvörðinn. Þeir stóðu sig hreint út sagt ágætlega og komumst við oft í fín færi en náðum ekki að bæta við fjórða markinu. Voronin, Kuyt og Pennant áttu allir upplagt marktækifæri. Á 82 mín. var síðasta skipting okkar en þá kom David Martin inná fyrir Carson í markið.

Heilt yfir var þetta fín frammistaða við erfiðar aðstæður en það er gríðarlegur hiti og raki í Hong Kong. Það stóðu sig allir ágætlega í leiknum en fyrir mér var Voronin maður leiksins og heldur hann áfram að koma mér skemmtilega á óvart. Það er ljóst, ef eitthvað er að marka þessa æfingaleiki, að Rafa ber traust til Voronin og hann mun spila reglulega í vetur. Benayoun sást lítið og Carson gerði sig sekan um klaufaleg mistök. Það var ánægjulegt að sjá Kewell sprækan á kantinum og ljóst er að Sissoko mætir 100% klár í þetta tímabil. Pennant átti góða innkomu og Agger er klárlega verða einn af bestu ungu varnarmönnum í heiminu í dag. S.s. góður sigur á spræku South China liði þrátt fyrir að mikilvæga hlekki vantaði í liðið í dag.

Næsti leikur í Asian Trophy er því gegn Portsmouth á föstudaginn kl: 12:30.

Leiva (ekki) með í dag (uppfært)

Í [þessari frétt um Jamie Carragher](http://icliverpool.icnetwork.co.uk/0500liverpoolfc/0100news/tm_headline=fear-of-title-failure-drives-jamie-carragher%26method=full%26objectid=19510864%26siteid=50061-name_page.html) er athyglisverður punktur:

>Also now in Hong Kong with the squad is Liverpool’s Brazilian midfield signing Lucas Leiva. Lucas has now had passport clearance and was in line to make his debut against South China today.

Gott mál. Leikurinn byrjar klukkan 12.05 og Aggi mun koma með leikskýrslu stuttu eftir leikinn.


Aggi (Uppfært:)
Byrjunarliðið í dag:

Carson

Arbeloa – Carra – Agger – Riise

Benayoun – Alonso – Sissoko – Kewell

Voronin – Crouch

Bekkurinn: Reina, Martin, Finnan, Hyypia, Pennant, Kuyt og Threlfall.

Ekki með í dag: Gerrard (smávægileg meiðsli), Macherano (fékk lengri hvíld eftir Copa America, Babel (er hvíldur) og Torres (á við smávægileg ökkla meiðsli að stríða).

Ath:
Rafa má skipta 6 varamönnum inná í þessum leik.

S.s. enginn Torres, Babel eða Lucas Leiva með í dag.

Hvað þarft þú að borga fyrir Sýn 2? (uppfært)

Umræða var um verðlagningu Sýnar í Íslandi í Dag. Þar var spurt útí þessa gríðarlegu verðhækkun, sem við höfum rætt um hér á blogginu. Einu svör Sýnar manna virtust vera þau að í raun væru það bara sirka 20% væntanlegra kaupenda, sem myndu þola umtalsverða verðhækkun. Þar sem að yfirgnæfandi meirihluti þeirra sem tjáðu sig við síðustu umræðu um þetta mál virtust vera að horfa fram á umtalsverða verðhækkun, þá verð ég að játa að ég hef umtalsverðar efasemdir um sannleiksgildi þessara staðhæfinga.

Ég hef verið áskrifandi að Sýn meira og minna síðustu 5 árin (hef sleppt úr 4-5 mánuðum). Mér finnst hins vegar óþægilegt að binda mig langt fram í tímann í einhverri sjónvarpsáskrift (auk þess sem ég sé ekki hvað ég er að græða á því að borga fyrir 3 mánuði af old boys bolta) þannig að ég horfi fram á að þurfa að borga fullt verð fyrir Sýn 2. Ég fæ 0 krónu afslátt fyrir það að vera bæði með Sýn og Sýn 2.

Síðasta mánuðinn sem ég var með Skjá Sport (eftir lækkun virðisaukaskatts) þá borgaði ég 2.341 krónu. Fyrir Sýn 2 þarf ég að borga 4.390 krónur. Setjum þessa hækkun uppí formúlu, svo þetta fari ekki á milli mála:

(4.390/2.341)-1 = 0,88

Þetta þýðir 88% verðhækkun!

Talsmaður Sýnar sagði að hæsta verðhækkun, sem möguleg væri (að mig minnir) um 60%. Hvernig hann fær þá tölu út get ég ekki skilið.

**Viðbót (EÖE)**: Bent var á í kommentum að ég er að bera saman bindiverð hjá EB og stakan mánuð hjá Sýn2. Ok, gott og vel. Berum saman heilt tímabil á Sýn 2 (þarf að borga fyrir 12 mánuði) og heilt tímabil hjá EB (þarf að borga fyrir 10 mánuði.

Eitt tímabil hjá EB: 10 x 2.341 = 23.410
Eitt tímabil hjá Sýn 2: 12 x 4.171 = 50.052

Þetta þýðir 114% verðhækkun.

Málið með þessa verðskrá hjá Sýn 2 er að rugla nógu mikið í fólki. Hafa hana nógu flókna svo að þeir geti haldið því fram að þeir hafi ekki hækkað þrátt fyrir að þeir hafi hækkað.

Þetta Liverpool blogg lesa hundruðir einstaklinga á hverjum degi og verð ég að áætla að þetta sé sæmilegur þverskurður af þeim hópi, sem er líklegur til að kaupa Sýn 2. Því höfum við ákveðið að setja inn könnun. Ég bið fólk að svara því miðað við það sem það er að kaupa í dag, hvert hugsanlegt verð á Sýn 2 væri sem það þyrfti að borga. Ég þarf t.a.m. að borga 4.390 krónur og tilheyri því væntanlega litlum minnihlutahópi.

Þar sem þessi verðskrá er svo fáránlega flókin (hint til Sýnar manna: Ef fólk þarf að setjast niður í nokkrar mínútur til að skilja verðskrá **þá er hún of flókin**), þá er hægt að velja **16 mismunandi möguleika**. Til að sjá hvað þið þurfið að borga, þá getiði [skoðað verðskrána hér](http://syn.visir.is/?PageID=2103#verdskra).

Allavegana, hérna er könnunin.

Hvern viltu fá sem næsta stjóra Liverpool?

Skoða niðurstöður.

Loading ... Loading ...

Ég bið fólk um að svara heiðarlega, svo þetta sé eins áreiðanlegar og mögulegt er.

Finnan framlengir

Frábærar fréttir fyrir alla nema Hössa: [Steve Finnan hefur skrifað undir nýjan 3 ára samning við Liverpool](http://www.liverpoolfc.tv/news/drilldown/N156452070723-0739.htm). Það er frábært því hinn 31 árs gamli Finnan hefur verið einn allra besti hægri bakvörður í enska boltanum undanfarin ár.

Continue reading

Verðlagning Sýnar

**EÖE:** Ég hef áður reynt að fá fram [umræðu um verðlagningu á enska boltanum](http://www.kop.is/gamalt/2007/06/27/19.16.34/). Það var gert þegar að upphaflega var tilkynnt um verðin fyrir tæpum mánuði. Núna hafa eflaust flestir fengið símtöl frá Sýn um áskrift að enska boltanum í vetur. Ég hef allavegana fengið það símtal og samþykkti með hangandi haus að punga út rúmlega 9.000 krónum á mánuði fyrir það að horfa á fótbolta á Sýn (reyndar samþykkti ég eingöngu kaupin gegn því að sölumaðurinn lofaði því að segja yfirmönnum sínum að mér þætti þetta fáránleg verðlagning).

Þar sem ég bý einn get ég réttlætt slík útgjöld, en ég get varla ímyndað mér að slíkar tölur séu sjálfsagt mál hjá fólki sem þarf að sjá fyrir fjölskyldum. Ég man ekki til þess að Sýn hafi lækkað verð hjá sér þegar þeir misstu enska boltann (það er fjarstæða að halda því fram að sá spænski hafi á komið í stað þess enska) og því finnst mér mjög einkennilegt að endurkoma boltans leiði til slíkra verðhækkanna.

Daði Rafnsson hefur skrifað smá gestapistil um þetta mál, sem við Kristján höfum ákveðið að birta hér. Ég vona að þetta leiði til **yfirvegaðrar og góðrar umræðu hér á blogginu.** Það virðist vera sem svo að þetta sé hitamál hjá öllum aðilum og því einkennist umræðan oft af æsingi.

Ég hef ákveðið að senda sjónvarpsstjóra Sýnar tengil á þessa færslu í von um það að fá einhver svör (nota bene, það er laugardagur þegar þetta er skrifað og því á ég svo sem ekki von á að hann svari fyrr en í næstu viku, þannig að tökum þessu rólega ef slíkt dregst).

Þennan óháða fótboltavef (í þeim skilningi að hann er eign okkar, en ekki fyrirtækja) sækja í hverri viku fleiri þúsundir knattspyrnuaðdáanda og það er óhætt að fullyrða að langstærstur hluti þessa hóps hafi eytt umtalsverðum upphæðum í kaup á fótboltaútsendingum í sjónvarpi á undanförnum árum.

Frá mínu sjónarhorni snýst þetta ekki um einstaka þuli, hvort manni finnist Höddi Magg skemmtilegur eða Arnar Björns leiðinlegur. Ég er á því að Sýn sé frábær stöð, sem veiti frábæra þjónustu. En við sem kaupendur þjónustunnar áskiljum okkur hins vegar rétt til þess að gagnrýna verðlagningu þegar okkur finnst hún vera óhófleg.

Með von um góða og málefnalega umræðu.

- Einar Örn

—-

copy.png**Daði**: Við vorum að ræða saman nokkrir dyggir og kommentaglaðir lesendur um það að nú líður að byrjun tímabils og það vantar alvöru umræðu í netheimum um verðhækkunina á Enska boltanum í vetur og verðskrá Sýnar 2. Manni heyrist að þrátt fyrir að einhverjir séu alsælir með það fyrirkomulag sem verður við lýði, séu flestir að fara að kaupa sér áskrift með hangandi haus.

Við sem vorum með Skjá Sport og enga aðra áskriftarstöð í fyrravetur borguðum tæplega 2.000 kr. fyrir á mánuði. Það fannst okkur sanngjarnt og gott verð fyrir frábæra þjónustu, enda er þetta eina sjónvarpsefnið sem skiptir okkur verulega miklu máli. Svo varð útboð á réttinum og samkeppnin færði Sýn enska boltann á ný.

Nú býst maður við eðlilegum hækkunum milli ára en þau undur og stórmerki urðu að nú þurfum við sem vorum bara með Enska Boltann í fyrra að borga 4.390 kr. á mánuði fyrir að vera bara með Sýn 2. Þetta er ótrúleg hækkun á milli ára.

Fyrir nokkrum vikum var Hörður Magnússon að reyna að útskýra verðhækkanirnar í spjallþráð hér á blogginu og er það mjög vel að starfsmaður 365 svari fyrir þær. En eftir að ég kom með nokkrar athugasemdir í þeim þráð var fátt um komment frá Herði, í raun ekki neitt. Nú skil ég það vel, hann ákveður ekki verðið, heldur yfirmenn hans og þeim hefur ef til vill ekki verið vel við það að hann væri í svona opnum orðaskiptum á netinu um mál sem er þeim erfitt í meðförum.

Það sem ég benti Herði á en fékk engin svör við var eftirfarandi:

- Ég veit að við búum við mjög góða þjónustu hér á landi miðað við flest önnur lönd hvað varðar enska boltann.
- Ég skil líka mjög vel að fyrirtæki umbuna þeim sem eru með meiri viðskipti og finnst fátt eðlilegra. (en hlutverk fjölmiðla er að breytast. Krafan frá neytendum er að fá markvisst efni á sanngjörnu verði en ekki að þurfa að kaupa risapakka af allskonar dóti sem þeir vilja ekki til að fá góðan díl).
- Hörður benti á að með samkeppni hefði Stöð 2 gjörbreytt landslaginu í íslenskri fjölmiðlun, en á sama hátt gjörbreytti Enski Boltinn sjónvarpsrásin væntingum markaðarins á útsendingum frá enska boltanum.
- Þannig að það sem ég gagnrýni er þessi hækkun milli ára fyrir okkur sem viljum bara sjá enska boltann. (*innskot Einar Örn: Ég hef verið með Sýn í 4 ár, en er ekki tilbúinn að binda mig 12 mánuði fram í tímann og því fæ ég líka nákvæmlega þessa sömu verðhækkun*)
- Hækkun er eðlileg en þessi hækkun er mjög rífleg og þar sem fréttir segja að Sýn hafi borgað óvenjulega hátt verð fyrir þetta efni spyr maður sjálfan sig: **Hvað eru neytendur að græða á samkeppni í þessu tilviki?**

Takið eftir því að ekkert fyrirtæki á fjölmiðlamarkaði hefur talað jafn mikið fyrir samkeppni, og hversu mikilvæg hún er fyrir neytendur, og 365 miðlar. Venjulega njóta neytendur góðs af því að samkeppni sé um að þjónusta eftirsótta vöru. Í þessu tilfelli lítur þó út fyrir það að neytendur tapi vegna typpaslags á milli Sýnar og Skjá Sports.

Það er barátta á milli 365 og Skjásins um það hvaða myndlykla almenningur velji. Þeir þurfa að selja Bíórásir, VOD, Fjölvarp, Gray’s Anatomy og fullt af efni sem skiptir okkur fótboltaaðdáendur minna eða engu máli. Þess vegna er allt kapp lagt á að ná í sýningarréttinn á enska boltanum. Hann er einstakt efni, sem getur ráðið úrslitum um hvorn myndlykilinn maður velur. En við erum hinsvegar að borga fyrir þetta aukaefni dýrum dómum. Nú talar 365 um að verðið á enska sé 2.368 kr. og það sé aldeilis frábært, en það þýðir að til að fá þetta verð er maður í raun að borga fyrirtækinu yfir 10.000 kr. á mánuði fyrir allskonar efni sem maður hefur engan áhuga á. Þeir segja líka að 70-80% áskrifenda að Sýn 2 muni fá besta verð, verði sem sagt með allan stóra M12 stóra platínum plús pakkann eða hvað hann heitir. Það finnst mér ákaflega ólíklegt og óska eftir því að þeir styðji svona tölur með gögnum.

Hörður vildi telja Sýn 2 til tekna að hún innihéldi ensku 1. deildina og að stórbætt þjónusta fælist fyrst og fremst í því að mörk dagsins yrðu sýnd strax kl. 19 á laugardagskvöldum. En mörk dagsins eru þættir sem eru síendurteknir og maður horfir á þegar manni hentar, sérstaklega á netinu. Kvöldmatur á laugardögum er ekki tími sem mín kona og mitt félagslíf sættir sig við. Hvað 1. deildina varðar getur hún á engan hátt talist virðisaukandi.

Kynning 365 miðla á verðinu á Sýn 2 er síðan eitthvert mesta klúður sem lengi hefur sést:

- Mesti gallinn er ótrúlega ógegnsær og flókinn verðlisti.
- Verð eins og 4.390, 4.171, 2.837, 2.987 og SAUTJÁN mismunandi verð fyrir sama hlutinn er dæmigert fyrir bilaða verðstefnu.
- Þessi verðstefna flækir málin fyrir notendur og fær þá til að tortryggja fyrirtækið. Hvaðan kemur þessi eina króna í 4.171? Af hverju kostar pakkinn ekki 4.100 eða 3.900?+

Það er furðulítil umræða utan spjallþráða um þetta á netinu. Hún er ekki á mbl eða Vísi, fótbolta.net, gras.is eða hjá bloggurum á borð við Henrý Birgir. Ef til vill eðlilegt þar sem Vísir, gras.is og Henrý Birgir starfa með eða undir 365 miðlum.

Hvað finnst skrifurum Liverpool-bloggsins? Hvað finnst aðdáendum enska boltans? Umfram allt, hvernig útskýrir 365 þessa ógnvænlegu verðhækkun og óskiljanlegu verðskrá? Og það sem verst er, hvað finnst þeim um að neytendum finnst þeir vera að tapa á vöru sem er á samkeppnismarkaði? Eða er þeim alveg sama, því þeir vita að við munum koma til þeirra þrátt fyrir allt og því sé allt í lagi að gera hvað sem er?

- Daði Rafnsson

Fowler til Cardiff.

Skv. BBC Sport hefur Robbie Fowler samið við Cardiff til næstu 2ja ára. Þar með er ég kominn með uppáhaldslið í næst efstu deild Englands, Cardiff City. Þar hittir Fowler fyrir Peter Ridsdale en hann er stjórnarformaður félagsins. Ridsdale var einmitt stjórnarformaður Leeds þegar Fowler var keyptur þangað frá Liverpool á “litlar” 11 kúlur árið 2001. Ég vona bara að Le God nái að sýna sitt rétt andlit og fái að spila reglulega. Cardiff gerði nýverið samning við annan fyrrum landsliðsmann *Englands, Tevor Sinclair.

Fyrir utan Cardiff voru lið eins og Sidney FC, Leicester og Port Vale að gera hosur sínar grænar fyrir markaskoraranum snjalla en á endum varð Cardiff fyrir valinu.

Cardiff City varð í 13 sæti á síðasta ári og árið þar á undan í 16. sæti. Liðið var um tíma í fyrra á toppnum og nýtur félagið mikillar velvildar almennings. Það hafa verið miklar umbreytingar undanfarin 7 ár eða eftir að Sam Hamman keypti félagið. Hann seldi sinn hlut í félaginu á endanum þar sem hann gat ekki sýnt fram á tryggingar fyrir nýjum leikvangi, það gat hins vegar Ridsdale og félagar. Félagið er nú komið á gott ról eftir sölu góðra leikmann s.s. Robert Earnshaw, Jason Koumas, Michael Chopra, Danny Gabbidon og James Collins.

Liðið er svolítið sérstakt fyrir þær sakir að það er staðsett í Wales en spilar í ensku deildarkeppninni. Heimavöllur þess heitir Ninian Park og rúmar 22.000 manns. Þjálfari þeirra er hinn geðþekki Dave Jones.

Liverpool – Auxerre 2-0

Liverpool heldur sigurgöngu sinni áfram á þessu undirbúningstímabili og vann í dag Auxerre 2-0 í Sviss. Mörkin skoruðu þeir Gerrard á lokamínútu fyrri hálfleiks og síðan gulltryggið Agger sigurinn með marki á 69 mínútu leiksins. Í þessum leik byrjuðu m.a. Babel og Benayoun í fyrsta skipti sem og búlgarski markvörðuinn Mihaylov spilaði í fyrsta skipti fyrir Liverpool.

Þar sem ég sá ekki leikinn þá megið þið gjarnan koma með stutta lýsingu á honum í kommentum.

Þetta var síðasti æfingaleikurinn hjá liðinu áður en það heldur til Asíu á morgun. Þar tekur liðið þátt í Asian Trophy 2007 ásamt Fulham, Portsmouth og South China FC.

Byrjunarliðið í fyrri hálfleik:
Mihaylov – Arbeloa, Carragher, Paletta, Finnan – Babel, Gerrard, Hobbs, Benayoun – Voronin og Kuyt.

Byrjunarliðið í seinni hálfleik:
Mihaylov – Arbeloa, Agger, Paletta, Riise – Pennant, Alonso, Hobbs, Benayoun – Crouch og Torres.

Aðrar skiptingar:
60 mín: Nabil El Zhar inná fyrir Yossi Benayoun.
68 mín: Stephen Darby inná fyrir Alvaro Arbeloa.

Mörk:
Gerrard á 44 mín.
Agger á 69 mín.

Leikskýrsla official síðunnar: GERRARD AND AGGER MAKE IT FOUR OUT OF FOUR

Heinze (uppfært)

Þetta er [athyglisverð frétt](http://news.bbc.co.uk/sport1/hi/football/teams/m/man_utd/6900545.stm) frá aðal fótboltafréttamanni BBC.

**Uppfært (EÖE)**: Já, og Chris Bascombe [bætir heldur betur við þetta](http://icliverpool.icnetwork.co.uk/0500liverpoolfc/0100news/tm_headline=gabriel-heinze-see-you-in-court-fergie%26method=full%26objectid=19485967%26siteid=50061-name_page.html):

>GABRIEL HEINZE will take his battle to join Liverpool from Manchester United to court.

>Sir Alex Ferguson stated yesterday there was no way he would sell the 29-year-old to Liverpool.

>However, United will have no choice if Heinze has a get-out clause, and now the defender is preparing to begin legal proceedings demanding his sale.

Og einnig

>It’s been widely publicised in recent days Heinze has a letter signed by United chief executive David Gill allowing him to join any club which bids £6m – a valuation Liverpool are prepared to meet.

>Despite their protests, it’s understood United did not have the foresight to add the phrase ‘except for Liverpool’ in this document.

>Heinze’s representatives are confident of a swift court hearing forcing United to accept a £6m offer made by all interested clubs, including Liverpool.

Ég spái því að ef að Gabriel Heinze fer með það fyrir dómstóla að hann vilji koma til Liverpool þá muni ansi margir Liverpool aðdáendur fyrirgefa honum þau reginmistök að hafa spilað fyrir Man U. :-)

Besta kommentið sem ég hef lesið kom frá Babu við síðustu færslu. Heinze er

>Góður strákur sem lenti í slæmum félagsskap en vill vinna sig út úr því

Satt!

Samanburður milli ára

Það er fátt rætt meira þessa dagana á meðal stuðningsmanna, en leikmannahópar liðanna í enska boltanum. Sitt sýnist hverjum, en ljóst er að mikið fjör hefur verið á markaðinum. Hefur Liverpool styrkt sig eða ekki? Mitt álit, JÁ. Ekki bara styrkt sig, heldur styrkt sig umtalsvert. Skoðum mann fyrir mann hverjir hafa komið í stað hverra miðað við hópinn sem hóf síðasta tímabil, og hópinn sem við höfum núna (jafnvel á eftir að bætast í hópinn hjá okkur):

Inn: Scott Carson
Út: Jerzy Dudek

Inn: Álvaro Arbeloa
Út: Jan Kromkamp

Inn: Emiliano Insúa
Út: Stephen Warnock

Inn: Jaiver Mascherano
Út: Salif Diao

Inn: Lucas Leiva
Út: Bolo Zenden

Inn: Sebastian Leto
Út: Darren Potter

Inn: Yossi Benayoun
Út: Luis Garcia

Inn: Ryan Babel
Út: Mark Gonzalez

Inn: Andriy Voronin
Út: Robbie Fowler

Inn: Fernando Torres
Út: Craig Bellamy

Þetta finnst mér vera afar mikil styrking á leikmannahópi liðsins. Ég er líka ánægður að sjá að Rafa Benítez er ekkert hræddur við að viðurkenna mistök á leikmannamarkaðinum. Jan Kromkamp var ekki búinn að vera í heilt ár hjá liðinu og þeir Mark Gonzalez og Craig Bellamy voru bara búnir að klára eitt tímabil hjá okkur. Það sem meira er, við komum út í ágætum gróða af þessum þremur köppum. Það er aðeins í einu tilviki þarna sem ég tel að hægt sé að segja að við höfum ekki styrkt stöðuna. Warnock var vinstri bakvörður númer þrjú hjá okkur og í staðinn kom einn bráðefnilegur frá Argentínu. Yossi mun væntanlega geta gert betur í Úrvalsdeildinni heldur en Luis, en það eru fáir sem slá honum við þegar kemur að Meistaradeildinni. En mikið hrikalega er maður orðinn spenntur fyrir komandi tímabili.

Annars er leikur klukkan 13:00 gegn Auxerre. Ég hreinlega veit ekki hversu margir eiga tök á því að sjá hann. Við munum allavega greina frá honum hérna inni síðar í dag.

Ferguson: Sel Heinze ALDREI til Liverpool!

Þetta flokkast undir leikmannakaup en ekki slúður af því að þetta er, í mínum huga, eins endanlegt svar og ég get hugsað mér. Á opinberri heimasíðu Manchester United segir Sir Alex Ferguson eftirfarandi setningu:

“I can assure you, Liverpool will not be getting Gabriel Heinze. [..] We can put that to bed right now and we have done so. We have had a couple offers for him and we have turned them down.”

Þar með er þessari umræðu lokið, og niðurstaðan er nákvæmlega sú sem ég fullyrði að allir nema bjartsýnustu menn hafi búist við. Það er ekki séns í helvíti að Manchester United selji stórgóðan varnarmann til Liverpool FC. Heinze er góður leikmaður en það er ljóst að Rafa Benítez þarf að róa á önnur mið ef hann ætlar að styrkja vinstri hlið varnarlínu sinnar.

Ég verð að játa, persónulega, að mér er hálf létt. Jú, Heinze er góður varnarmaður og mikill baráttujaxl og kannski hefði hann getað orðið góð viðbót við varnarhóp okkar, en bagginn sem hann hefði komið með með sér hefði einfaldlega verið of stór að mínu mati. Við erum að tala um Gabriel Heinze, leikmann Manchester United.  Ekki einhvern gæja frá Belgíu eða Spáni, heldur frá hinum enda hraðbrautarinnar. Einn erkifjendanna.

Það verður spennandi að sjá í hvaða átt Benítez snýr sér úr þessu. ;)

Hópurinn eins og hann er í dag!

Það er ágætt að skoða aðeins hópinn okkar í dag og jafnvel rýna aðeins í hann. Hvernig er hann samasettur? Vantar eitthvað? Er of mikið af einhverju? Hverjir eru lykilmenn og hverjir koma til með að vera óánægðir með lítinn spiltíma (ef einhverjir)? Ég tek einungis þá kjúklinga sem ég tel að gætu dottið inní hópinn af og til í vetur (að sjálfsögðu erfitt að sjá fyrirfram).

Svona er hópurinn í dag:

Markverðir: Pepe Reina, Scott Carson og David Martin.

Varnarmenn: Steve Finnan, Alvaro Abreloa, John Arne Riise, Fabio Aurelio, Jamie Carragher, Sami Hyypia, Daniel Agger og Gabriel Paletta. Þarna gætu þeir Jack Hobbs og Emiliano Insúa dottið inn.

Miðjumenn: Steven Gerrard, Xabi Alonso, Momo Sissoko, Javier Macherano og Lucas Leiva. Tel ólíklegt að einhver ungur leikmaður fái spiltíma á miðjunni þar sem við erum með svo marga leikmenn til staðar.

Kantmenn: Harry Kewell, Jermain Pennant, Yossi Benayoun og Ryan Babel. Besian Idrizaj gæti dottið þarna inn sem og jafnvel Voronin, Gerrard og Riise.

Framherjar: Peter Crouch, Dirk Kuyt, Fernando Torres og Andreiy Voronin.

Þegar ég lít svona snöggt yfir þetta þá er ljóst að við erum einungis með tvo eiginlega kantmenn í þeim Pennant og Kewell. Það er spurning hvort Rafa sé ekki ennþá að skoða að styrkja þessa stöðu með að fá “klassískan” vinstri og/eða hægri kantmann. Kewell er náttúrulega ótrúlega óheppinn með meiðsli og erfitt að treysta einungis á hann, Babel er ungur og óreyndur og þá erum við bara með hinn unga Idrizaj sem er kannski meira framherji. Pennant var misjafn síðasta vetur og líklega kemur Yossi til með að skipta stöðunni svolítið með honum. Síðan getur náttúrulega Gerrard ávallt dottið á kantinn.
Fyrir mér er þetta þær stöður sem er einna veikastar hjá okkur líkt og undanfarin ár. Gerrard mun líklega spila meira en undanfarið á miðjunni þrátt fyrir að hann geti ávallt dottið á kantinn. Síðan fer þetta auðvitað allt eftir hvaða leikaðferð Rafa mun beita mest í vetur.

Er þetta slakt byrjunarlið?

Pepe Reina

Finnan – Carra – Agger – Riise

Pennant – Alonso – Gerrard – Kewell

Kuyt – Torres

Og athugið bekkinn uuussssssss

Bekkurinn: Carson, Sissoko/Macherano, Hyypia/Arbeloa, Voronin/Crouch og Benayoun/Babel.

Ég held að allir hljóti að vera spenntir fyrir því að sjá Liverpool í vetur og ég spái því að við komum nálægt því að landa stóru dollunni… heyrðu það fyrst hérna!

Fínn pistill frá Tomkins á official síðunni: SUMMER SIGNINGS THE KEY TO SUCCESS?

Markaðsmál

Liverpool hafa ráðið til sín nýjan yfirmann markaðsmála. Þetta eru kannski ekki stórfréttir í margra augum, en það er alveg augljóst að hinir nýju eigendur Liverpool sjá mikla möguleika til að auka hróður Liverpool um allan heim líkt og Man U hafa gert undanfarna áratugi.

Tom Hicks [segist himinlifandi yfir hinum nýja manni](http://www.liverpoolecho.co.uk/liverpool-fc/liverpool-fc-news/tm_headline=tom-hicks-new-signing-ayre-is-heaven-sent%26method=full%26objectid=19472957%26siteid=100252-name_page.html) og í Echo er góður [pistill](http://icliverpool.icnetwork.co.uk/0500liverpoolfc/0100news/tm_headline=brand-liverpool-key-to-the-future%26method=full%26objectid=19472699%26siteid=50061-name_page.html) um það hvað þetta gæti þýtt fyrir Liverpool. Flestir á Anfield ættu allavegana að geta séð hvað mætti betur fara þar:

>But it’s not just about securing the biggest shirt sponsorship, and ensuring that kids in Vietnam, China and Hong Kong are running round in Liverpool shirts rather than Chelsea’s; one thing the Americans will understand, and presumably Mr Ayre too, is that you don’t grow your business by short-changing your customers, and here we should all benefit from improved levels of customer service, even if it is designed to make us buy more.

>So at the new stadium you can bet you won’t be waiting six-deep at the counter to get your half-time pie (or indeed your smoked-salmon bagel) and you might actually be able to reach the toilet before the second half starts.

>It might also be possible to visit the club store before the game without having to arrive two hours beforehand and queue half-way down Utting Avenue. And when you get in there, you might be able to buy quality own-brand merchandise that doesn’t dissolve into the washing machine the first time you take it down to the launderette.

Einsog ég hef áður sagt þá eru þessi mál í ansi slæmum farvegi í dag hjá Liverpool og nánast einsog algjörir viðvaningarar hafi höndlað um þessi mál. Vonandi lagast þetta með nýjum eigendum.

Liverpool 3 – Werder Bremen 2 (uppfært)

Liverpool vann í kvöld Werder Bremen 3-2. Rauða eldingin skoraði eitt mark og Voronin skoraði TVÖ MÖRK. Ég sem hélt að hann ætti ekki að geta nokkurn skapaðan hlut.

Liverpool byrjaði svona:

Carson, Hobbs, Hyypia, Paletta, Finnan, El Zhar, Gerrard, Riise, Pennant, Crouch, Voronin (captain).

Bekkur: Agger, Babel, Kuyt, Benayoun, Carragher, Darby, Arbeloa, Torres, Mihaylov, Alonso, Sissoko

Nú sá ég ekki leikinn og ég held að enginn af okkur bloggurunum hafi séð hann (Aggi ætlaði að reyna, en hann var í einhverju basli). En endilega notið ummælin til að segja okkur hinum hvernig leikurinn var.


Uppfært (Aggi): Liverpool vann í kvöld Werder Bremen í æfingaleik sem fram fór í Sviss 3-2 eftir að staðan var 2-1 í hálfleik. Vegna tæknilegra vandamála þá sá ég einungis síðasta hálftímann. En ég reyni að gera leiknum eins góð skil og kostur er.

Byrjunarliðið í fyrri hálfeik: Carson, Riise, Hyppia, Paletta, Finnan – El Zhar, Gerrard, Hobbs, Pennant – Crouch, Voronin.
Byrjunarliðið í seinni hálfeik: Carson, Arbeloa, Carragher, Agger, Darby – El Zhar, Sissoko, Alonso, Benayoun – Kuyt, Voronin.

Aðrar skiptingar: á 63 mín kom Torres inná fyrir Voronin og á 73 mín kom Babel inná fyrir El Zhar

Mörkin: Vornin (3 mín.), Riise (13 mín.) – Voronin (60 mín).

Maður leiksins (skv. official síðunni): Voron

Af því sem ég sá þá var ekki hátt tempó í leiknum og en samt klárt að Liverpool var mun betra. Voronin skoraði sitt annað mark í leiknum á 60 mín. með góðu skoti en hafðu stuttu áður lagt upp gott færi fyrir Kuyt. Svo virðist sem þessi úkraníski landsliðmaður ætli að smellpassa inní leikstíl Liverpool og lofar hann gríðarlega góðu. Ég náði einnig að sjá “debut” leik Benayoun, Torres og Babel. Þeir komust allir ágætlega frá sínu og hefði Torres auðveldlega getað skorað 2 mörk í leiknum. Hann virðist vera duglegur að koma sér í marktækifæri sem og að spila boltanum á samherja. Babel fékk einungis um korter til að sýna sig en sýndi ágætis takta.

Ég sá öll mörkinn í endursýningu og skoraði Voronin fyrsta markið í tómt markið eftir (sem mér sýndist) góðan samleik. Riise setti síðan annað markið með þrumuskoti sem markvörður Werder Bremen náði ekki verja. Seinni mark W. Bremen kom eftir slappa tæklingu Agger og var það sjálfsmark Darby en hann átti samt enga sök á því.

Sem sagt allir nýju leikmennirnir okkar eru búnir að spila sínar fyrstu mínútur fyrir Liverpool. Það var flott að sjá Torres í Liverpool treyjunni.

Hérna er nánari lýsing á leiknum frá official síðunni: VORONIN OFF THE MARK AS REDS BEAT BREMEN

Og þeir sem sáu allan leikinn mega endilega tjá sig í kommentunum um leikinn.

Æfingaleikir Liverpool á næstunni.

Á morgun mætir Liverpool Werder Bremen sem fer fram í Grenchen í Sviss. Leikurinn hefst kl:18:15 og er sýndur á EuroSport. Líklegt er talið að Fernando Torres muni spila sinn fyrsta leik.
Á föstudaginn mætum við síðan Auxerre en mér er ókunnugt hvort hann sé sýndur einhversstaðar beint.

Síðan förum við til Asíu og tökum þátt í Asia Trophy 2007. Á þriðjudaginn mætum við South China FC kl: 12.10 en Portsmouth og Fulham taka einnig þátt í þessu móti. Síðan á föstudaginn spilum við annað hvort kl:10.00 um 3ja sætið eða kl:12.10 í úrslitum og þá gegn annað hvort Portsmouth eða Fulham. Þessir leikir eru sýndir á Sýn.

Síðan mætum við föstudaginn 3. ágúst Shanghai Shenhua. Kann ég ekki meiri deili á því liði. Við lokum síðan undirbúningstímabilinu með leik gegn Feyenoord sunnudaginn 5. ágúst.

Fyrsti leikurinn í deildinni er gegn Aston Villa laugardaginn 11. ágúst á Villa Park.

Ef þið hafið upplýsingar hvar allir þessir leikir eru sýndir beint, hvar sem er í heiminu, þá endilega setjið það inní komment.

Spurning dagsins

Spurning dagsins er nýr og skemmtilegur liður hérna á Liverpool blogginu.

Spurning dagsins er svo hljóðandi

Hver skoraði fleiri mörk í Copa America árið 2007?

- Carlos Tevez
- Javier Mascherano

P.S. getur einhver bent mér á vefsíðu þar sem maður getur sett upp kannanir á einfaldan hátt til að birta á bloggi?

Heinze vill fara / Jerzy

Þá er spurning hvort að Gabriel Heinze slúðrið muni magnast á næstu dögum því að Rauðnefur sjálfur hefur [staðfest](http://news.bbc.co.uk/sport1/hi/football/teams/m/man_utd/6900545.stm) að Heinze vilji fara:

>”Gaby’s agent has advised us that he wants to move on.

>”I am not too sure about that and we do not have a concrete offer but there is momentum regarding his next move, even if nothing is close right now.”

Þetta verður fróðlegt.

Rafa hefur hins vegar staðfest að hann sé [búinn að missa áhugann á því að fá Mancini til liðsins](http://www.liverpoolecho.co.uk/liverpool-fc/liverpool-fc-news/tm_headline=alessandro-mancini-interest-is-over%26method=full%26objectid=19462472%26siteid=100252-name_page.html). Hann gefur í skyn að Liverpool hafi boðið í Mancini, en verið hafnað og því hafi áhugnn dáið.

Já, og metnaður Jerzy Dudek virðist hafa horfið alltíeinu. Hann vildi einsog við vitum fá að reyna sig hjá liði þar sem hann yrði aðalmarkvörður til þess að hann kæmist aftur í pólska landsliðið. Hvernig hann ætlar að gera það nákvæmlega veit ég ekki því í stað þess að vera varmarkvörður fyrir varamarkmann spænska landsliðsins hjá Liverpool þá ætlar hann að vera varamarkvörður fyrir aðalmarkvörð spænska landsliðsins hjá Real Madrid.

En ég vona að honum muni ganga vel þar og við á þessari síðu óskum honum auðvitað alls hins besta.

Við munum aldrei gleyma Istanbúl, Jerzy!

Crewe 0 – Liverpool 3

Lið Liverpool:

Fyrri hálfleikur: Reina – Finnan, Hyypiä, Roque, Riise – Peltier, Spearing, Gerrard, El Zhar – Crouch, Voronin.

Seinni hálfleikur: Martin – Carragher, Paletta, Agger, Arbeloa – Pennant, Alonso, Sissoko, Putterill – Kuyt, Lindfield.

Mörkin: Peltier ’20, Crouch ’23, Putterill ’58.

Okkar menn unnu í dag auðveldan sigur á Crewe í öðrum æfingaleik tímabilsins. Leikurinn fór fjörlega af stað og Liverpool-liðið lék virkilega vel í fyrri hálfleik en náði sér aldrei almennilega á strik í þeim seinni. Sigurinn hefði getað orðið stærri, en Gerrard og Riise skutu báðir í tréverkið í fyrri hálfleik, báðir eftir góðan undirbúning frá nýja leikmanni dagsins, Andriy Voronin. Í síðari hálfleik voru Liverpool enn með yfirburði á vellinum og þurfti hvorugur markvörður eða hvorug vörn dagsins hjá Liverpool að hafa mikið fyrir hlutunum, en einhverra hluta vegna náði sókn liðsins aldrei flugi í seinni hálfleik.

Almennt séð virkuðu menn ferskir í dag og það var gaman að sjá tvo af unglingunum, þá Peltier og Putterill, skora mörk. Dirk Kuyt og Momo Sissoko virkuðu einna ryðgaðastir af aðalliðsmönnum Liverpool, á meðan Jermaine Pennant var ekki nærri því jafn góður og fyrir viku gegn Wrexham. Einnig var undarlegt að Besian Idrizaj – sem skoraði þrennu gegn Wrexham – var ekki í hópnum í dag en hans í stað fékk Craig Lindfield að spila með Kuyt í seinni hálfleik. Þá vantaði Sebastian Leto í hópinn í dag en hann hefur æft með liðinu frá fyrsta degi í sumar og héldu margir að hann myndi spila þennan leik.

Menn leiksins: Gerrard og Voronin í fyrri hálfleik, Alonso í þeim seinni. Sérstaklega gaman að sjá til Voronin sem var sískapandi fyrir félaga sína og barðist á eftir hverjum bolta, út um allan völl. Einnig skoraði Peltier úr frákasti eftir að markvörður Crewe varði gott skot frá Voronin, þannig að það er ljóst að þessi síðhærði Úkraínumaður er ekki kominn hingað til að láta sitt eftir liggja.

Næsti æfingaleikur er á þriðjudag gegn Werder Bremen og þá gætu Torres, Benayoun, Babel og Leto leikið sína fyrstu leiki í rauðu treyjunni.

Rafa: við munum sækja

Síðustu tvær færslur okkar hér á blogginu hafa boðið upp á áhugaverðar vangaveltur og skemmtilegar rökræður. Einar Örn velti fyrir sér hvernig Rafa gæti stillt upp með þennan nýja mannskap sinn og Hörður Magnússon kom með ágætis punkta um varnarsinnaða stefnu Rafael Benítez. Ég var ekki alveg sammála honum, en ég held að það geti samt allir Púllarar verið sammála um að liðið gæti á tímum spilað skemmtilegri knattspyrnu en það hefur gert síðustu árin.

Rafa Benítez segir í viðtali við opinberu síðuna að það sé fyllilega á dagskránni hjá honum að gera liðið sókndjarfara en það hefur verið. Gefum honum orðið:

“I hope we can play more like the way I want us to. Defensively the team has been good and we want to attack. We had more crosses and shots than anyone, but we needed to improve our accuracy. Hopefully, with these players the crossing will be better and so will the finishing.”

“We feel that attacking wise we have a much stronger squad, and we will be able to score more goals with this group of players. We have players of quality in key positions, players who can change a game when we need them to. That will allow us to play more of the style of football we want to at Liverpool.”

Glöggir menn sjá auðvitað að Liverpool hefur í sumar styrkt leikmannahóp sinn, en það hefur hingað til verið eingöngu á miðjunni og í framlínunni. Lucas Leiva, Yossi Benayoun, Ryan Babel, Andriy Voronin, Fernando Torres – allt eru þetta annað hvort sókndjarfir miðjumenn sem geta skapað eitthvað úr engu eða framherjar sem eru betri en þeir sem voru fyrir.

Það er allavega ljóst að Rafa ætlar sér að gera liðið sterkara sóknarlega. Hann breytir litlu sem engu í vörninni, enda engin ástæða til að kvarta undan henni síðustu tvö árin, en hann styrkir sóknarstöður liðsins verulega. Það verður spennandi að sjá hvort þetta hugarfar stjórans á leikmannamarkaðnum ber ávöxt í vetur.

Í öðrum fréttum er það helst að Lucas Leiva byrjar loks að æfa með Liverpool í næstu viku, eftir tafir á flutningi til Englands og atvinnuleyfi vegna vegabréfsrugls. Þá segir umboðsmaður Mancini hjá Roma að Liverpool vilji kaupa hann. Þegar umboðsmenn segja slíkt, um leið og þeir kvarta yfir lágum launum leikmannsins hjá núverandi félagi, eru þeir nær alltaf að nota viðkomandi félag sem beitu fyrir betri samningi. Þannig að ég legg lítinn trúnað í þetta slúður eins og er.

Minni svo á leikinn í dag. Crewe – Liverpool í beinni útsendingu á LiverpoolFC.tv klukkan 14 í dag. Aðalliðið spilar þennan leik, utan Torres, Leiva, Benayoun, Babel og þeirra sem eru ennþá að spila með landsliðum sínum. Það verður athyglisvert að sjá bæði Voronin og Sebastian Leto í dag.

Babel skrifar undir 5 ára samning (Staðfest)

Babel og YossiJæja, þá er þetta endanlega staðfest, [Ryan Babel hefur skrifað undir 5 ára samning](http://www.liverpoolfc.tv/news/drilldown/N156367070713-1324.htm) og hann tjáir sig við LFC.tv

>”I was in Aruba at the end of last week when I was told to start thinking about Liverpool because a move could happen. I have met Rafael Benítez and my conversation with him was the moment I knew the deal would get done.

>”He is like the ideal father-in-law. He has a lot of football knowhow and he told me that I would be challenging with six other players for four positions. I have a good feeling about things. I met Dirk Kuyt at training, who I knew from the national team. At that moment he did not feel like a rival but I suppose that is what will happen.

>”It was very important how the coach spoke to me, how I would fit in his team. After that conversation I knew it was the right decision.”

Babel verður númer 19, en Yossi númer 11.

Ok, það er eitt athyglisvert við þetta og það kemur kannski aðeins niður á kommentið mitt við þessa færslu, sem ég sendi inn áður en ég sá þessa frétt.

Allavegana, Babel segist vera að berjast við sjö aðra leikmenn um 4 stöður í byrjunarliðinu. Einsog við vitum þá eru ekki 4 kantmenn í hverju liði og ekki heldur 4 framherjar. Rafa virðist því tala um kantmenn og framherja sem einn og sama hópinn. Þetta er sjö manna hópur, sem samanstendur þá af Babel, Kewell, Pennant, Kuyt, Crouchy, Torres og Voronin. Athyglisvert er að af þessum leikmönnum þá hafa Kewell, Voronin og Babel allir spilað bæði á kanti og frammi.

Kommentið mitt við fyrri færsluna var það að ég sjái Rafa spila með 4-3-3 eða 4-5-1 á næsta tímabili. Semsagt að miðjan verði alltaf (í öllum stærstu leikjunum allavegana): Alonso – Mascherano – Gerrard. Þá eru þrjár stöður eftir sem má annaðhvort túlka sem tvö kantmenn og einn framherja eða þá 3 framherja. Gætum til að mynda spilað stundum 4-5-1 með Babel/Kewell og Pennant á köntunum, Gerrard framarlega á miðjunni og Torres / Crouch einn frammi (til að friða suma, þá megiði skipta Aurelio þarna inn fyrir Riise).

Pepe Reina

Finnan – Carra – Agger – Riise

Pennant – Alonso – Mascherano – Kewell
Gerrard
Torres / Crouch

Eða þá fært þetta framar og spilað 4-3-3 með Babel vinstra megin í framlínunni, Torres á toppnum og Kuyt hægra megin. Svona:

Pepe Reina

Finnan – Carra – Agger – Riise

Alonso – Mascherano – Gerrard

Kuyt – Torres – Babel

Þetta lítur ekki illa út. :)

Þetta lið getur unnið hvaða lið sem er í heiminum!

Við getum líka leikið okkur að því að taka 5 menn útúr þessu 4-3-3 byrjunarliði án þess að það veikist stórkostlega (breyti uppstillingunni í 4-5-1) – Aurelio fyrir Riise, Hyypia fyrir Agger, Momo fyrir Masch, Kewell fyrir Babel, Pennant fyrir Kuyt og Crouch fyrir Torres.

Pepe Reina

Finnan – Carra – Hyypia – Aurelio

Pennant – Alonso – Sissoko – Gerrard – Kewell

Crouch

Þarna er komin breiddin sem við þurfum til að geta unnið titla.

Prófið að taka 5 sterka leikmenn útúr byrjunarliðinu hjá Man U og sjáið hvað gerist þá.

Yossi búinn að skrifa undir (staðfest), Babel á morgun (staðfest)

Jæja, það er svo sem ekki mikið meira um þetta að segja, en Liverpool hafa staðfest að [Yossi Benayoun er búinn að skrifa undir 4 ára samning](http://www.liverpoolfc.tv/news/drilldown/N156349070712-1825.htm).

Ryan Babel mun skrifa undir [5 ára samning á morgun samkvæmt Liverpool mönnum](http://www.liverpoolfc.tv/news/drilldown/N156347070712-1814.htm) – Liverpool er semsagt búið að komast að samkomulagi bæði við Babel og Ajax. BBC segja að verðið sé [11,5 milljónir punda](http://news.bbc.co.uk/sport1/hi/football/teams/l/liverpool/6285040.stm) – þannig að hann verður [þriðji dýrasti leikmaðurinn í sögu Liverpool](http://lfchistory.net/stats_transfers_top10_in.asp). Við færumst allavegana nær því að Nick Barmby og Chris Kirkland detti útaf listanum yfir 15 dýrustu leikmennina í sögu Liverpool.

Carra og Phil Neville

Það er ekki oft sem ég skrifa færslu í þeim eina tilgangi að vísa á greinar á erlendum miðlum, en í þetta sinn bara verð ég. Það hafa allir sína skoðun á máli Jamie Carragher, sem virðist ætla að hætta að spila fyrir England, og sjálfur hef ég lýst yfir ánægju minni með þá ákvörðun.

Martin Samuel hjá The Times skrifar hinsvegar stórkostlega góða grein um málið þar sem hann rökstyður það hvers vegna Carra ætti að halda áfram að gefa kost á sér. Það gerist nánast aldrei að maður les eitthvað sem veldur því að maður skiptir um skoðun á máli, en þessi grein fór fjandi nærri því að snúa mér. Lesið hana bara, ég fullyrði að skynsamlegra innlegg í þetta mál fáið þið hvergi annars staðar. Stórkostleg grein.

WH búnir að samþykkja boð í Yossi (Staðfest) – Ajax gefur L’Pool leyfi til að tala við Babel (Staðfest)

Oooog þetta er lengsta fyrirsögn í sögu Liverpool bloggsins. En allavegana, OFFICIAL síðan er búin að staðfesta það að West Ham hafi samþykkt tilboð Liverpool í Yossi og jafnframt er það staðfest að Liverpool hefur fengið leyfi frá Ajax til að tala við Ryan Babel, þrátt fyrir að liðin hafi ekki enn komist að fullkomnu samkomulagi um verð.

Þetta með Babel þýðir væntanlega að liðin eru sammála um nokkurn veginn heildarupphæðina, en enn á eftir að ákveða einhver smá-atriði – væntanlega það hvenær upphæðirnar verða greiddar og svo framvegis.

Rick Parry segir:

>”We’ve agreed the fee with West Ham for Yossi Benayoun.

>”We’re not quite there with Ryan Babel yet, but we’ve now been given permission by Ajax to talk to the player. We hope to reach an agreement with Ajax very shortly.”

Frábært! :)

Rafa tjáir sig um Yossi í viðtali við Echo+ og líkir honum akkúrat við Luis

>“Maybe Luis is a player who scores more goals and Benayoun tends to make more assists. Like Luis, he is a very technical, clever player with a lot of game intelligence. He can also play in many positions, giving us a different option for the team.

>“I first saw him play for Racing Santander in La Liga when he was a really good player, but when he first came to England we were watching to be sure he could adapt to a different style of football.

>“It’s clear he’s done this very well at West Ham. Liverpool fans will remember how he played in the FA Cup Final against us when he was outstanding. We thought then this was a player who is capable of stepping up to a higher level.”

og svo um það hversu heitt hann þráði að koma til Liverpool:

>“He was offered a big new contract at West Ham and received offers from a lot of other clubs offering him more money,”

>“But Yossi’s message was always the same. He said he was desperate to only join Liverpool because this was his dream. When Rick, the Americans and I spoke about the player, we all agreed this is the kind of attitude we and our supporters really like.

>“When you have quality players with his ability showing so much passion to play for your club, it’s really good for the team.”

Já, og svo er Mikel Alonso, litli bróðir hans Xabi að fara að spila sem lánsmaður hjá Bolton í vetur. Þetta er því orðið voðalega huggulegt hjá Xabi víst að bróðir hans spilar í borg sem er rétt hjá Liverpool og svo spilar besti vinur hans hjá Everton.

BBC segja Yossi á leiðinni

BBC segja á heimasíðu sinni að Yossi Benayoun sé á leiðinni til Liverpool fyrir 4 milljónir punda.

Ef rétt er verða þetta sennilega ein umdeildustu kaup Liverpool síðan að Peter Crouch var keyptur fyrir tveimur árum. Ég er ánægður, en einhverjir eiga eflaust eftir að fríka út. Í raun má segja að við séum að skipta á sléttu á Yossi og Luis Garcia, en þó má ekki gleyma því að Yossi er tveimur árum yngri en Luis Garcia.

Liverpool hækka boðið í Babel

Jæja, nú hefur technical director hjá Ajax staðfest það að Liverpool hafa hækkað tilboð sitt í Ryan Babel. Martin van Geel hjá Ajax segir:

>”Liverpool are very serious about signing Babel and have made an offer a lot higher than before.

>”Because they want him so much, I think we will lose him.”

Semsagt, það virðist vera nokkuð ljóst að liðin eru nálægt því að komast að samkomulagi um kaup á Babel. Menn eru afskaplega ósammála um hvað þetta verð sé, en Independent sögðu að verðið væri 6,75 milljónir punda en BBC tala um allt að 13,5 milljónir. Það er þó eflaust þannig að hluti af verðinu verði borgað strax og svo að einhver stór hluti verði árangurstengdur þar sem um ungan leikmann er að ræða.

Já, og West Ham hafa tilkynnt að þeir séu búnir að [ganga frá kaupum á Craig Bellamy](http://www.whufc.com/articles/article.php?page_id=9271) fyrir 7,5 milljónir punda.

Mánudagsmolar: Babel og Carragher (uppfært)

Jæja, enn ein vikan byrjuð. Best að renna yfir punkta dagsins:

Þetta er áhugaverð frétt. Liverpool hafa ekki verið orðaðir við Babel hingað til, hann hefur helst verið orðaður við Arsenal og á tímabili töldu menn næsta víst að hann myndi ganga til liðs við þá. Í júní sagði hann hins vegar að hann ætlaði að vera hjá Ajax í eitt ár í viðbót áður en hann færi eitthvert, og því hélt maður að sú saga væri dauð. Eitt er þó víst, ef hann er svo mikið sem að íhuga tilboð frá okkur getið þið bókað að Arsene Wenger stekkur inn á ný með sitt eigið tilboð. Nallararnir vilja ekki missa þennan strák til okkar.

Þetta er einhver minnst óvænta frétt ársins, eftir landsleikina tvo í vor, og ég verð að segja að ég fagna því að Carragher skuli taka þessa ákvörðun. Ekki endilega sem Liverpool-stuðningsmaður sem vill sjá hann einbeita sér að félagsliðinu sínu, heldur sem Carragher-stuðningsmaður. Ég hef þjáðst af sviða á milli tánna yfir nær hverjum einasta landsleik Englendinga síðan Steve McClown tók við þessu liði. Þegar hann svo í vor, gegn Eistum, valdi Wes Brown og Ledley King í byrjunarliðið fram yfir Carra, fannst mér hann endanlega vera búinn að drulla yfir hetjuna mína.

Og svo segir fréttin frá því að McClaren ætli að reyna að fá Carra til að skipta um skoðun. Hvað í ósköpunum getur hann sagt til að sannfæra Carra? “Komdu aftur og ég lofa að gefa þér … besta sætið í liðsrútunni.” Það er alveg ljóst að McClaren metur hann nánast einskis sem leikmann og er bara með hann í hópnum vegna þrýstings utanfrá, á meðan gæðingar eins og King, Brown og Woodgate komast beint í byrjunarliðið þrátt fyrir að hafa ekkert leikið vegna meiðsla eða setið á bekknum langtímum saman hjá United.

Whatever. Þessi ákvörðun Carra er bara enn ein rósin í hnappagatið hjá McClaren, stjóra sem verður orðinn atvinnulaus í október. Gott hjá þér, Carra!

**Uppfært (EÖE)**: Bascombe hjá Echo segir [að Liverpool sé nálægt því að landa Babel](http://icliverpool.icnetwork.co.uk/0500liverpoolfc/0100news/tm_headline=reds-hunt-%2D10m-babel%26method=full%26objectid=19428540%26siteid=50061-name_page.html) en hann segir að verðið sé 10 milljónir punda.

Bellamy farinn til West Ham / Cisse til Marseille (staðfest af Rafa)

BBC segja okkur núna frá því að Rafael Benitez hafi staðfest það að [Craig Bellamy sé búinn að skrifa undir hjá West Ham](http://news.bbc.co.uk/sport1/hi/football/teams/l/liverpool/6270944.stm). BBC telja að kaupverðið sé 8 milljónir punda.

Rafa staðfesti einnig við BBC að [Djibril Cisse sé búinn að skrifa undir hjá Marseille](http://news.bbc.co.uk/sport1/hi/football/teams/l/liverpool/6254338.stm). BBC telur að kaupverðið á honum sé um 6 milljónir punda. Semsagt, Liverpool tapar 8 milljónum á Cisse, en græðir tvær á Craig Bellamy.

Rafa staðfestir einnig að West Ham hafi hafnað [tilboði Liverpool](http://news.bbc.co.uk/sport1/hi/football/teams/l/liverpool/6270944.stm) í Yossi Benayoun og því verði hugsanleg kaup á honum ekki tengd kaupum á Bellamy. Samkvæmt Echo í gær vill West Ham fá 8 milljónir punda fyrir Yossi. Það verður þó að teljast líklegt að Yossi setji pressu á Eggert og félaga þar sem hann vill koma til Liverpool.

En Bellamy og Cisse þökkum við allavegana fyrir allar góðu stundirnar. Bellamy kom okkur m.a. annars áfram gegn Barca í Meistaradeildinni og Cisse skoraði úr víti í Istanbúl. Báðir hafa valdið vissum vonbrigðum og þá sérstaklega Cisse, en svona er þetta bara.

Wrexham 2 – Liverpool 3

Lið Liverpool:

Fyrri hálfleikur: Martin – Arbeloa, Hobbs, Paletta, Finnan – Hamill, Sissoko, Peltier, Pennant – Idrizaj, Brouwer.

Seinni hálfleikur: Martin (Hansen) – Threlfall, Huth, Roque, Darby – El Zhar, Flynn, Spearing, Hamill (Simon) – Lindfield, Idrizaj (Nemeth)

Mörk Liverpool: Idrizaj 3 (’7, ’15, ’23)
Mörk Wrexham: Williams 2 (’63, ’88)

Ahhh … fyrsta leikskýrsla nýs tímabils lítur dagsins ljós. Þetta er alltaf jafn góð tilfinning, eftir eins og hálfs mánaðar fráhvörf frá Liverpool-leikjum tekur maður fyrsta æfingaleik alltaf jafn fegins hendi. Eins og hefð hefur skapast fyrir fór liðið í heimsókn til nágrannanna í Wrexham í fyrsta leik og í ár vannst 3-2 sigur eftir að liðið leiddi 3-0 í hálfleik. Rafa sat við hlið nýja stjóra varaliðsins, Gary Ablett, og höfðu þeir eflaust um margt að ræða yfir leiknum.

Liðið sem lék fyrri hálfleikinn var talsvert sterkara, enda vanir aðalliðsmenn þar á milli. Við upphaf leiks var tvennt öðru eftirsóknarverðara; flottir nýjir varabúningar liðsins (hvítar treyjur, svartar buxur, hvítir sokkar) komu vel út og þá er Gabriel Paletta búinn að klippa hárið á sér stutt, sennilega í örvæntingarfullri tilraun til að sannfæra Rafa um að hann sé í raun og veru Gabriel Heinze. :)

Það er skemmst frá því að segja að austurríska ungstirnið Besian Idrizaj stal senunni í dag, en hann skoraði þrennu í fyrri hálfleik. Fyrst skaut hann í þaknetið af stuttu færi og svo átti hann tvo feykigóða skalla til að fullkomna þrennuna. Hin stjarna dagsins var Jermaine Pennant sem ætlar greinilega að berjast með kjafti og klóm fyrir sinni stöðu í þessu liði, þrátt fyrir yfirvofandi komu eins eða tveggja stjörnukantara. Hann var allt í öllu í sóknarleik liðsins í fyrri hálfleik og bjó til eitt gott skotfæri fyrir sjálfan sig, þrjú önnur góð færi auk þess sem hann var arkitektinn af öllum þremur mörkum Idrizaj, en þau voru öll skoruð eftir góð einhlaup Pennant upp hægri kantinn og fyrirgjafir hans.

Í síðari hálfleik kom reynsluminna lið inná og þar á meðal mátti sjá paragvæska miðvörðinn Ronald Huth sem stóð sig vel og ungversku leikmennina Krisztian Nemeth og Andras Simon sem leystu þá Idrizaj og Hamill af velli þegar um hálftími var eftir af leiknum. Þá kom einnig inná markvörðurinn Martin Hansen, en hann varð fyrir því óláni að gefa beint á Eifion Williams með sinni fyrstu snertingu fyrir Liverpool, en Williams þakkaði fyrir sig og skoraði í tómt markið. Undir lok leiksins skoraði Williams svo aftur með góðu skoti sem Hansen réði ekki við.

Menn leiksins: Jermaine Pennant og Besian Idrizaj. Fyrstu æfingaleikirnir hvert sumar eru jafnan gott tækifæri fyrir unga stráka að stimpla sig inn og Idrizaj gerði það heldur betur í dag, á meðan Pennant spilaði af slíkri grimmd og ferskleika í dag að skilaboðin hljóta að hafa náð eyrum Rafa Benítez: Ég ætla að halda sæti mínu í þessu liði!

Næsti æfingaleikur er á laugardag eftir viku gegn Crewe Alexandra. Þá munu aðalliðsleikmenn liðsins, utan Torres og þeirra sem eru að spila með landsliðum sínum, bætast í hópinn og því fáum við klárlega að sjá sterkara lið þá.

Við munum uppfæra þessa færslu með YouTube-klippu af mörkunum úr þessum leik um leið og þau berast.

Hver er Andriy Voronin?

Það eru margir sem undra sig á því hvers vegna Rafa hefur fengið Voronin til liðs við Liverpool og enn fleiri sem vita ekkert um þennan leikmann. Ég ætla að kynna hann lítillega fyrir lesendum bloggsins.

Andreiy Voronin er fæddur í Odessa í fyrrum Sovétríkjunum 21. júlí árið 1979. Hann spilaði knattspyrnu í yngri flokkum Chornomorets Odessa í Úkraníu. Árið 1995, þá á 16 aldursári, skipti hann yfir til þýska liðsins Borussia Mönchengladbach og spilaði með aðalliðinu 2 árum síðar í fyrsta skipti. Hjá Mönchengladbach var hann til ársins 2000 og spilaði einungis með aðalliðinu 7 leiki og skoraði 1 mark. Þarna er Voronin orðinn 21 árs gamall og Mönchengladbach fallið niður í 2. bundesligu. Mainz var einnig að spila þar og fékk Voronin yfir til félagsins og það var þá sem hann virkilega sló í gegn. Hjá Mainz var hann í 2 tímabil og var m.a. markahæstur í 2.bundesligu seinna árið með 20 mörk í 31 leik. Það var á þessum tíma sem Voronin var fyrst valinn í úkraníska landsliðið en þá voru þeir Shevchenko, Rebrov and Vorobei aðal framherjar landsliðsins. Eftir þennan góða árangur með Mainz var hann fenginn til Köln sem þá spilaði í Bundesligunni. Með þeim náði hann einungis að spila eitt tímabil (19 leikir og 4 mörk) því Bayer Leverkusen hafði hrifist mikið af drengnum þegar hann spilaði með Mainz og átti hann stórleik gegn þeim með Köln. Voronin fór því til Leverkusen fyrir tímabilið 2004-05 og hefur verið þar þangað til hann núna semur við Liverpool. Með Leverkusen spilaði hann 92 leiki og skoraði 32 mörk.

Hérna hefur aðeins verið stiklað á stóru í ferli Voronin en það er ljóst að þegar leikmaður fer 15 ára gamall út í hinn harða heim atvinnumennskunnar og stendur sig þá er sá leikmaður með sterk bein. Hann hefur verið atvinnumaður í Þýskalandi síðan hann var 17 ára gamall eða í 11 ár, það er ekki slæmt og vera ávallt byrjunarliðsmaður.

Það er enginn að segja að Voronin sé stærsta stjarnan sem hefur gengið til liðs við Liverpool né sá besti en hins vegar er ljóst í mínum huga að hann kemur til með að nýtast okkur vel næstu 4 árin. Þetta er leikmaður sem er með gríðarlega reynslu þrátt fyrir ungan aldur, sættir sig við að verma bekkinn og gefur okkur aðra möguleika sem núverandi leikmenn hafa ekki. Voronin segir m.a. þetta sjálfur:

“After being in Germany for 12 years I felt it was time for a change, and then even more so when the offer came in from Liverpool. It’s such a famous and big club – one of the most famous in the world. You can’t resist an offer like that. The task in front of Liverpool at the start of every season is to win trophies and I want to be part of that. I want to help Liverpool achieve things.”

Staðreyndir:
28 ára gamall, framliggjandi miðjumaður/framherji.
178 cm / 75 kg.
Hefur spilað 193 leiki með Mönchengladbach, Mainz, Köln og Leverkusen og skorað 66 mörk.
44 leikir með Úkraníu og 5 mörk.
Mun spila nr. 10 hjá Liverpool.

Hérna er hægt að lesa fyrsta viðtalið við Voronin frá því hann gekk til liðs við Liverpool: ANDRIY VORONIN: THE FIRST INTERVIEW

Vinsældir Liverpool bloggsins

Kristján Atli kom fram í útvarpsþætti fyrir nokkru þar sem hann var spurður í gríni hvort að Liverpool bloggið væri vinsælla en bloggið hjá Ellý Ármanns. Ég held að hann hafi giskað á að svo væri án þess að hugsa eitthvað nánar útí það. Ég ákvað í framhaldinu að reyna að komast að því hvort það væri einhver bloggsíða á Íslandi vinsælli en Liverpool bloggið.

Aðeins er hægt að fá upplýsingar um vinsælustu bloggin á vísi.is og á mbl.is. Á Vísi.is eru [vinsælustu bloggin](http://blogg.visir.is/vinsaelir-bloggarar) þessi (og fjöldi innlita á einni viku fyrir aftan).

1. Henry Birgir – 9.296
2. Höskuldur Kári – 7.887
3. Steingrímur Sævarr – 6.735

Á Blog.is hjá MBL eru [vinsælustu bloggin](http://www.mbl.is/mm/blog/top.html) svona – ásamt fjölda innlita í síðustu viku:

1. Ellý Ármanns – 12.531
2. Áslaug Ósk – 12.050
3. Stefán Friðrik – 11.898

Samkvæmt Blogg Gáttinni er vinsælasta bloggið hjá Stefáni Friðrik – en hann er þó aðeins í þriðja sæti á mbl.is, sem þýðir væntanlega að fleiri aðilar stimpla beint inn Ellý og Áslaugu eða fara þangað af forsíðu mbl.is. Það gefur þó líka einhverja smá vísbendingu að það sé ekki líklegt að mörg blogg utan Moggabloggsins komist nálægt þeim stærstu þar í vinsældum.

Liverpool bloggið nýtur hins vegar ekki kosta ókeypis auglýsingar á forsíðu og í fréttum mbl.is einsog Mogga bloggin gera. Ef svo væri, mætti væntanlega búast við því að síðan væri enn vinsælli.

Hins vegar líta hlutirnir svona út á Liverpool blogginu varðandi heimsóknir. Í vikunni sem endaði 1.júlí (sem er síðasta vika sem við eigum upplýsingar um), þá var fjöldi innlita á Liverpool blogginu **13.905**, sem er 11% fleiri innlit en hjá næstvinsælusta blogginu, sem er bloggið hennar Ellý Ármanns (sjá skjámynd frá teljari.is [hérna](http://www.flickr.com/photos/einarorn/740513580/)).

Nú skal það tekið fram að ég hef ekki upplýsingar um önnur blogg utan Vísis og MBL, sem hugsanlega geta verið vinsæl, þar sem þær upplýsingar eru ekki opinberar. Hugsanlegt er að blogg einsog hjá Ármanni Jakobss og Pétri Gunnars komist nálægt þessum MBL/Vísis bloggum að vinsældum, en ég er þó ekki viss.

Semsagt, ef við tökum þetta allt saman miðað við opinberar tölur, þá líta vinsælustu blogg landsins svona út.

1. **LIVERPOOL BLOGGIÐ: 13.905**
2. Ellý Ármanns: 12.531
3. Áslaug Ósk 12.050
4. Stefán Friðrik 11.898
5. Jenný Anna 9.759
6. Henry Birgir 9.296

Semsagt, við erum langflottastir. :)

Ástæðan fyrir þessari samantekt er líka auðvitað sú að við höfum íhugað það að setja inn einhverjar auglýsingar til að standa undir rekstri síðunnar, sem ég og Kristján höfum að mestu greitt fyrir hingað til – og einnig vegna þess að við erum að íhuga að færa hana inná nýtt lén, þannig að hún losni undan eoe.is léninu. Við erum búnir að finna eina hugmynd að léni, en allar tillögur eru vel þegnar.

Áfram Liverpool!

Allt að gerast?

Liverpool tilkynnti formlega um komu Andrei Voronin í dag. Voronin kemur á frjálsri sölu frá Bayer Leverkusen og hefur skrifað undir 4 ára samning.
Benitez hefur þetta um drenginn að segja:

“He is a player with pace and good movement. He plays between the lines, between defenders. He is a good worker also and he scores goals. He’s not the kind of player you can talk about strengths because he has many things he can give to us.”

Eins og Einar Örn greindi hérna frá í gær þá er talið afar líklegt að Bellamy sé á leið til West Ham en núna lítur út fyrir það að Cisse gæti einnig verið á leið til Eggerts og co hjá West Ham. Mér er í raun slétt sama hvert hann, bara að við fáum sem mest tilbaka af þeim 14 milljónum punda sem við greiddum fyrir drenginn. Það er því ljóst að Carlos Tevez verður ekki í herbúðum West Ham á næsta tímabili en talið er líklegt að hann sé á leið til Manchester United.

Zenden sem ekki fékk sinn samning endurnýjaðan hjá Liverpool er víst ekki á leið til PSV líkt og talið var heldur hefur gengið til liðs við Marseille. Þar með er ljóst að Zenden getur án efa fengið starf sem túlkur hjá Evrópusambandinu þegar knattspyrnuferlinum lýkur með hollensku, spænsku, ensku og núna frönsku uppá vasann.

Bellamy til West Ham?

Þar sem að Carlos Tevez er á leið til Man U þar sem hann ætlar ásamt Wayne Rooney að mynda fallegasta framherjapar mannkynssögunnar, þá er ljóst að West Ham vantar nýjan framherja.

Koma Fernando Torres til Liverpool þýðir líka að Liverpool er sennilega með offramboð af framherjum. Það er alveg ljóst að Dirk Kuyt var framherji númer 1 hjá Liverpool í fyrra og Rafa hefur ítrekað drepið niður allar sögusagnirnar um að Peter Crouch væri að fara frá liðinu (Guði sé lof). Við þá þrjá bætist svo [tískufrömuðurinn Andriy Voronin](http://icliverpool.icnetwork.co.uk/0500liverpoolfc/0100news/tm_headline=andriy-voronin-voronin-checks-out-melwood%26method=full%26objectid=19402809%26siteid=50061-name_page.html).

Þannig að auðvitað hafa öll blöð bendlað Bellamy við West Ham. En BBC ganga eitthvað lengra og segjast hafa fyrir því heimildir að Craig Bellamy muni [líklegast fara til West Ham](http://news.bbc.co.uk/sport1/hi/football/teams/l/liverpool/6270944.stm). Þá er bara að vona að Liveprool fái góðan pening og kannski einsog einn ísraelskan kantmann í kaupbæti.

Hvað næst?

Búið að landa þeim stóra, og nú spyrja flestir, hvað næst? Ég held að það sé alveg morgunljóst að Rafa er ekki hættur í sínum leikmannakaupum þetta sumarið. Hann var óvenju berorður í dag þegar hann var spurður að því hvað væri næst á dagskrá. “Wingers” var svarið. Takið líka eftir því að hann segir ekki Winger, heldur var hann með þetta í fleirtölu. Hvort hann átti þar við að það væru nokkrir kostir í stöðunni til að kaupa einn slíkan, eða hvort hann sé að stefna á að kaupa fleiri en einn kantmann, er ekki gott að segja til um. Ég persónulega túlka orð hans þannig að hann vill bæta við fleirum en einum slíkum.

Bellamy virðist vera pottþétt á útleið, Cissé að fara, Pongolle farinn, Dudek farinn, Fowler farinn, Zenden farinn, Garcia Farinn og Gonzalez að fara (vona að ég sé ekki að gleyma neinum). Þetta gera 6 leikmenn sem fara út úr aðalliðshópnum okkar. So far má segja að fjórir hafi bæst við í staðinn. Carson er kominn tilbaka í stað Dudek. Torres er tekinn við af Bellamy. Voronin kemur inn fyrir Fowler. Lucas kemur inn fyrir fyrir Zenden. Ég tel ekki Leto hérna upp þó ég hugsi að hann fari klárlega strax að banka á aðalliðsdyrnar á næsta tímabili. Þannig að það á ennþá eftir að fylla stöður þeirra Speedy og Luis. Ef Rafa kaupir bara einn stóran í viðbót, þá reiknar hann greinilega með Leto sem aðalliðsmanni á næstu leiktíð. Ef hann kaupir tvo, þá fer fyrst að hitna í kolunum.

En þá er það stóra spurningin, hverjir? Malouda hefur hreinlega strokað sjálfan sig út af listanum með ástarjátningu sinni á Chelsea. Ég er persónulega alltaf hrifinn af mönnum sem eru jafnfættir og geta spilað hvorn kantinn sem er. Robert Pires var t.d. að upplagi hægri kantur að mig minnir, en spilaði glimrandi vel á þeim hægri. Þá kem ég að þeim tveim nöfnum sem ég er spenntastur fyrir. Þeir búa báðir yfir þeim eiginleika að geta spilað hvorn kantinn sem er, annar er að upplagi réttfættur og hinn örfættur. Annar spilar á Ítalíu og hinn í Portúgal. Auðvitað er ég að tala um þá Mancini og Simao.

Simao hefur lengi verið á óskalista Rafa. Hann er gífurlega teknískur leikmaður og einn sá allra besti í föstum leikatriðum (eitthvað sem okkur vantar sárlega), er fyrirliði liðs síns og mikill leiðtogi á velli og getur sett þau nokkur af kantinum. Hann er örfættur að upplagi en hefur oftast verið að spila hægra megin með Benfica. Ég gæti alveg trúað því að 14 milljón punda boð myndi tryggja okkur þjónustu hans. Sem sagt, efstur á mínum óskalista.

Mancini er réttfættur að upplagi (eftir því sem mér skilst) en telst eins og Simao vera nánast jafnfættur. Hann hefur spilað einar 5 stöður fyrir lið sín og staðið sig vel í þeim öllum. Hann er oftast á öðrum hvorum kantinum (oftar á þeim hægri) en hefur einnig spilað báðar bakvarðarstöðurnar og eins einhverja leiki sem framherji. Mancini er einn af þessum töframönnum með boltann. Hann er afar fljótur og býr yfir mörgum trixum. Hann er góður þegar kemur að fyrirgjöfum og myndi bjóða okkur upp á eitthvað sem ég tel liðið okkar ekki hafa nægilega mikið af í dag. Þ.e. einhverri snilli sem getur hreinlega klárað jafna og spennandi leiki upp úr þurru.

Fleiri nöfn hafa verið uppi á borðinu. Quaresma er eitt af þeim. Ég hef persónulega engan áhuga á þeim kappa. Þá leiki sem ég hef séð með honum þá hefur hann hreinlega virkað latur á köflum og svo hefur maður lesið ýmislegt sem bendir til prímadonnustæla (þó svo að auðvitað sé það bara eitthvað sem maður les og þarf ekkert að vera satt). Ef maður ber hann saman við Simao, þá held ég að attitude sé einfaldlega gjörólíkt, enda annar þeirra fyrirliði síns liðs og virtur sem slíkur.

Youssi Benayoun er svo annar. Ég verð að viðurkenna það að kaup á honum kitla mig talsvert. Það eina sem ég sé við hann er að hann er ekki svona natural kantmaður eins og hinir. Hann hefur spilað þar með ágætum árangri, en hann er bestur í “holunni” eins og hann litli Luis okkar var. Engu að síður er hann afar leikinn og skemmtilegur að mínu mati og væri góð viðbót við hópinn. Hann hreinlega brilleraði á sínum tíma í úrslitaleiknum á móti okkur og hefur marg oft sýnt hversu hæfileikaríkur hann er. Hann er þó klárlega fyrir aftan þessa tvo fyrstu í röðinni hjá mér. Helsta áhyggjuefnið með hann er óstöðugleikinn, en hann fylgir nú oft svona leikmönnum.

Sem sagt, hef ekki hugmynd eins og staðan er í dag. Mínar óskir samt komnar á blað og nú er bara að sjá hvort Rafa veiti mér þær :)

Torres kominn!!!

Fernando Torres skrifaði í dag undir sex ára samning við Liverpool FC. Kaupverðið á kappanum er 20m punda en gæti hækkað upp í 26.5m punda á næstu árum ef velgengni liðsins og Torres nær að virkja nokkrar klausur í samningnum. Þetta er hæsta fé sem Liverpool FC hefur greitt fyrir leikmann og staðfestir metnað nýrra eigenda félagsins í að berjast um bestu leikmennina á markaðnum.

Með öðrum orðum, ykkur er óhætt að byrja að gleðjast. ;)

Torres stenst læknisskoðun

Opinber heimasíða Liverpool FC hefur staðfest það að Fernando Torres hefur gengist undir læknisskoðun hjá liðinu og staðist hana. Búast má við því að formlega verði tilkynnt um kaupin á morgun og að hann skrifi undir 6 ára samning við liðið. Talsmaður Liverpool FC staðfesti þetta nú rétt í þessu:

“The player has passed a medical. All the agreements are now in place and he will put pen to paper on the deal on Wednesday.”

Atletico Madrid hafa einnig staðfest söluna á honum og munu halda fréttamannafund á morgun þar sem hann verður formlega kvaddur:

Heimasíða Atletico Madrid

Kaupverðið á kappanum er sagt vera 20 milljónir punda í heild sinni. Ég fullyrði það að þetta eru ein stærstu kaup sem Liverpool hefur gert í seinni tíð (þá er ég ekki bara að tala um kaupverðið sem slíkt). Þessi framherji hefur verið afar eftirsóttur af öllum stærstu liðum Evrópu í nokkur ár og hefur verið fyrirliði liðs síns frá 19 ára aldri. Ég verð að segja fyrir sjálfan mig að ég er ákaflega spenntur fyrir þessum kaupum og þau bera klárlega vott um það að metnaður nýju eigendanna er mikill. Nú er hægt að snúa sér að því að ná inn næsta manni. Til lukku með þetta Liverpool menn nær og fjær.

Er Gabriel Heinze svarið?

Er þetta næsti vinstri bakvörður Liverpool FC?

Ein af skrýtnari slúðursögum sumarsins virðist, óskiljanlega, hafa einhver sannleikskorn. Æ fleiri fréttir frá Bretlandseyjum eru að segja frá því að Rafael Benítez ætli að gera u.þ.b. 6m punda tilboð í argentínska varnarmanninn Gabriel Heinze. Vandamálið er hins vegar öllum augljóst: Heinze er leikmaður Manchester United. Engu að síður segja t.d. The Times frá því að Rafa hafi fengið jákvæð viðbrögð frá fulltrúum leikmannsins og ætli því að reyna að semja við Sir Alex Ferguson og United-menn um kaupverðið á Heinze, 28, sem á skv. fréttinni að vera hugsaður sem maðurinn til að leysa vinstri bakvarðarstöðuna í liðinu.

Ég veit varla hvað í ósköpunum ég á að segja við þessum fréttum. Það er svo margt hægt að segja. Fyrir það fyrsta, ef við ræðum getu leikmannsins, held ég að hann eigi möguleika á að verða aðalliðsmaður hjá okkur en það er samt hæpið. Við höfum séð nóg til hans hjá United sl. þrjú ár til að vita hvað hann býður uppá, og á þeim aldri sem hann er (28 ára) er hann varla að fara að bæta sig mikið. Þetta er harður leikmaður, mikill tæklari og baráttuhundur sem hefur munninn fyrir neðan nefið og hefur getið sér góðs orðs með argentínska landsliðinu, sem skartar einni hörðustu og bestu vörn í heimi með Heinze í einu af aðalhlutverkum.

Hins vegar lenti Heinze í mjög slæmum meiðslum fyrir einu og hálfu ári síðan eða svo, að mig minnir, og hann var lengi að ná sér eftir þau. Hann byrjaði að spila aftur sl. vetur og fékk mörg tækifæri með United en náði sér aldrei almennilega á strik, var ekki sami leikmaður og fyrir meiðslin, og hin dapra endurkoma hans var eiginlega fullkomnuð gegn AC Milan á San Siro í undanúrslitum Meistaradeildarinnar, þegar Kaka og Massimo Oddo rifu á hann nýtt rassgat í regnvotum fyrri hálfleik. Eftir þann leik má segja að örlög hans hjá United hafi verið ráðin.

Spurningin er, er það of mikil áhætta að gambla á mann sem hefur vart verið nema skugginn af sjálfum sér eftir erfið meiðsli? Er hann of gamall fyrir 6m punda tilboð? Vilja United-menn yfirhöfuð selja hann til erkifjendanna? Og mun hann ekki eiga of erfitt uppdráttar frá byrjun hjá Liverpool, þar sem hann yrði væntanlega með óvinsælustu nýju leikmönnum sem nokkurn tímann hafa komið til félagsins?

Ef Rafa getur keypt Heinze frá United og látið hann slá í gegn í liði sem vinnur deildina skal ég glaður éta hattinn minn (hef gert það áður með Peter Crouch), en ég sé varla að þetta dæmi geti gengið upp, því þó svo að Heinze sé ekki slæmur leikmaður er svo margt á móti honum í þessu dæmi. Hvað þá að United vilji selja. En við sjáum hvað setur, þetta yrði allavega með áhugaverðari félagaskiptum í mörg ár ef af þessu yrði.

Að lokum langar mig bara til að votta Eduardo Da Silva samúð mína. Hugsið ykkur að vera keyptur til ensks stórliðs og fá það verkefni að fylla skarð Thierry Henry. Hann gæti skorað 20 mörk á fyrsta tímabili sínu í deildinni og samt valdið vonbrigðum. Þvílík pressa … :)

García farinn til Atletico, Torres staddur í Madrid

Einn litríkasti leikmaður Liverpool FC síðustu árin, Luis García, er á förum frá félaginu. BBC Sport staðfestir eftir umboðsmanni Luis að það sé verið að klára síðustu atriði samningsins við Atletico Madrid. Hann segir að félagaskiptin ættu að vera fullkláruð seint í dag eða á morgun, og væntanlega yrði García þá kynntur í kjölfarið á blaðamannafundi í Madrid.

Þar með lýkur ferli eins litríkasta leikmanns Liverpool FC á þessum áratug, og jafnvel víðar. Það hefur verið ótrúlega skrýtið á stundum að horfa á Luis spila með liðinu en alltaf spennandi og jafnvel yndislegt á köflum. Ég man eftir eina skiptinu sem ég sá hann spila í eigin persónu, á Anfield í febrúar 2005 gegn Fulham. Hann byrjaði leikinn á því að missa boltann tvisvar klaufalega og fólkið í kringum mig æpti hreinlega á hann af pirringi, en tæpum tíu mínútum síðar klobbaði hann einn varnarmann Fulham úti á kanti, leit upp og sendi fullkomna sendingu fyrir á höfuðið á Fernando Morientes sem skallaði boltann í fjærhornið. Eitt glæsilegasta mark þessa árs og arkitektinn var Luis Garcia, sá sem lét sér detta hið ómögulega í hug.

Hvað um það, Tumi Þumall er farinn og við verðum því að leggja til hliðar lagið “Luis Garcia, he drinks Sangria”, sem ég fullyrði að hafi verið eitt af svona fimm vinsælustu sönglögum á Anfield síðustu þrjú árin. Það skrýtna við þessi félagaskipti er að þau virðast vera óskyld kaupunum á Torres. Liverpool virðast borga Atletico 26.5m punda fyrir Torres en fá svo í kringum 3-4m punda til baka fyrir García. Það er sennilega gert til að Atletico geti sagst hafa fengið sem mest fé fyrir Torres, þótt allir heilvita menn sjái að þetta þýði að Torres kostaði í raun ca. 21-22m punda + Garcia.

Þá segja heimildarmenn innan raða Liverpool að Rafa hafi ekki viljað missa Garcia en sá stutti hafi átt frumkvæðið að þessu með því að biðja um að fá að fara. Það hefur lengi verið opið leyndarmál í Liverpool að eiginkona Luis hefur þjáðst af heimþrá og verið með annan fótinn á Spáni yfir vetrartímann, og þau eiga einnig tæplega þriggja ára gutta sem fæddist stuttu eftir að Luis flutti yfir til Liverpool. Luis er 29 ára í dag og honum hefur sennilega bara fundist þetta réttur tími til að flytja aftur heim og setjast að með fjölskyldu sinni í heimalandinu. Ljái honum það hver sem vill.

Í öðrum fréttum segir spænska blaðið Marca frá því að Fernando Torres hafi gert hlé á sumarfríi sínu og sé staddur í Madrid í dag til að ganga frá samningsviðræðum við Liverpool. Það er talið líklegt að salan á honum geti verið tilkynnt í dag um leið og kaupin á Garcia verða tilkynnt, eða í síðasta lagi á morgun. Við sjáum hvað setur, þetta er að gerast en maður andar ekki rólega fyrr en maður sér staðfestinguna á opinberu síðunni.